Category: Lajme

Kryeministri, Edi Rama merr pjesë në Konferencën e Sigurisë e cila po mbahet në Mynih.

Gjatë një diskutimi për Ballkanin Perëndimor dhe çështjet aktuale, Rama u pyet nëse parashikon ndonjë problem me Greqinë në rrugëtimin i Shqipërisë drejt integrimit në BE.

Më pas ai vazhdoi batutën e tij duke thënë se nuk ka ardhur në Mynih për të shqetësuar miqtë grek, pasi sipas tij ata e ndjekin kudo dhe i dëgjojnë tonin e zërit  kur flet për ta.

Rama: Jo, ne e dashurojmë Greqinë. Nuk erdha në Mynih për të shqetësuar miqtë e mi grek, sepse ata më ndjekin kudo dhe  dëgjojnë tonin e zërit kur unë flas për ata, kështu që në asnjë mënyrë nuk na fusni në konflikt me ta.

Një 32 vjeçar u arrestua pasi u kap në flagrancë duke vjedhur në një lokal në Kamëz. Policia thotë se kjo nuk është hera e parë por është autori i 5 vjedhjeve të tjera të kryera gjatë muajve të fundit.

32 vjeçari banor i Laknasit u kap në flagrancë duke vjedhur në një lokal, në rrugën “Demokracia”. Policia ka vënë më dispozicion dhe imazhet e kamerave të sigurisë që kanë arritur të kapin autorin teksa hyn në lokal për të kryer vjedhjen.

Operacioni u kodua “Hija e natës”.

Nga veprimet hetimore ka rezultuar se ky shtetas është autor i dyshuar i 5 ngjarjeve të ndodhura gjatë muajve të fundit, në një lokal, tre banesa, dhe një furrë buke, ku janë vjedhur shuma të ndryshme parash dhe mjete pune, informoi sot policia.

Bes Kallaku nuk është në ditët e tij më të mira. Prej disa javësh, lajmi i ndarjes nga Xhensila ka bërë xhiron e rrjeteve sociale. Dyshja, e cila ishte një ndër më të dashurat e publikut, i kanë dhënë fund pas disa kohësh që kishin probleme mes tyre.

Madje, këtë herë Bes Kallaku dhe Xhensila Myrtezaj, thuhet se janë në proces divorci. Thuhet se çështja është hapur nga Xhensila, e cila ka ndërmarrë hapin ligjor për t’i dhënë fund martesës disavjeçare me aktorin e humorit. Dyshimet për një krizë mes çiftit kanë nisur prej ditësh, kur u kuptua se ata nuk e ndiqnin njëri-tjetrin në rrjete sociale.

Përveç kësaj, Xhensila dhe Besi nuk janë parë bashkë prej javësh në evente apo ambiente të përbashkëta. Sipas lajmeve që qarkullojnë, Besi nuk ka qenë dakord për këtë vendim të këngëtares. Kjo nuk është kriza e parë e çiftit të njohur. Edhe disa muaj më herët, u përfol për një ndarje dhe lajmin e hodhën poshtë të dy, duke u puthur në një koncert.

Në rrjetet e tyre sociale të dy janë shfaqur në shoqërinë e fëmijëve, por jo të njëri-tjetrit, duke “vulosur” kështu edhe ndarjen mes tyre. Kjo nuk është hera e parë që dyshja flitet për një ndarje, ndonëse këtë herë divorci është pranë zyrtarizimit. Vetëm pak muaj më parë, aktori i humorit, Bes Kallaku ka rrëfyer detaje nga marrëdhënia e tij me këngëtaren Xhensila Myrtezaj, me të cilën ka edhe dy fëmijë.

Çifti, disa herë janë përballur me thashetheme në mediat rozë se janë ndarë, dhe aktori tregon se fjalët e përhapura rreth marrëdhënies së tyre i “vrasin” shumë. “Më vret më shumë, vjen një moment që mbushet kupa. Nëse nuk më vrasin mua, vrasin Xhensilën me fjalët”, tha ai shkurtimisht.

Ndërsa u pyetur rreth “sekretit” të martesës së tyre, aktori tregoi se: “Është merita e Xhensilës, mirësia e saj që dashuria jonë vazhdon prej kaq shumë vitesh. Jeta është e gjatë, nuk i dihet kurrë. Por deri më tani, kjo është arsyeja”.

Por tashmë, që ndarja është zyrtarizuar, të dy kanë vijuar me angazhimet e tyre. Teksa Xhensila ka një agjendë të ngjeshur, me koncerte dhe produksione të reja, edhe Besi ka gjetur tashmë një format të ri televiziv që do ta sjellë më pranë publikut. Bes Kallakun do e shohim në “Ferma VIP”. Faqja zyrtare e programit ka publikuar një video të Besit në fermë, duke na zbuluar se aktorin shumë të dashur për publikun do e shohim në “Ferma VIP”.

Por Besi nuk do të jetë njëri nga konkurrentët, por do të jetë pjesë aktive e shfaqjes që do të zhvillohet. Pasi ka provuar disa formate, ku më i fundit ishte “Zemër Luana”, tashmë Besi po rikthehet në identitet, ku do të jetë më pranë pasionit të tij, fshatit.

Duket se ftesa për t’u rikthyer në ekran, do ta distancojë disi Besin nga problemet e tij familjare. Situata e krijuar rreth ndarjes së tyre, ka sjellë për herë të parë edhe reagimin e Xhensilës.

E kushtëzuar nga lajmet që qarkullonin rreth një lidhjeje të re të saj, këngëtarja ka bërë një ndër reagimet e saj më të ashpra. Reagimi i artistes ka ardhur, pasi siç shkruan ajo dikush i ka dërguar një video të një personi që hedh baltë mbi emrin e saj.

Xhensila Myrtezaj shkruan mes të tjerash se deri tani ka heshtur për shpifjet që janë bërë ndaj saj, por theksoi se personat që e kanë bërë diçka të tillë do të mbajnë përgjegjësi ligjore.

“Sapo më nisën një video që një monstër ‘Tik Tok’-u me fantazinë më të shthurur ka baltisur emrin tim, me njerëz që nuk njoh, e as emrin s’ia kam dëgjuar kurrë.

Plehrë që përdor një moment delikat mediatik, për të thurur intrigat dhe gënjeshtrat e tua. Është përbaltur shumë emri im për shumë vite, por kam heshtur. Nga ky moment do mbani përgjegjësi juridike për çdo shpifje”, shkruan këngëtarja në “insta story”. E tashmë që dy personazhet e njohura i kanë ndarë rrugët si çift, kanë ndarë edhe drejtimet në karrierën e tyre, ku Xhensila do të fokusohet te muzika dhe Besi te televizioni.

Është saktësuar identiteti dhe fotografia e shqiptarit të arrestuar në Bolivi, në kuadër të një operacioni të madh ku ra në pranga edhe i shumëkërkuari nga Brazili, Lourival Máximo da Fonseca. Sipas Ministrisë së Brendshme në Bolivi, shqiptari i arrestuar është Lorenc Hyseni.

Gjithçka nisi me hetimin e ngarkesës më të madhe të kokainës së kapur në Oruro-Bolivi pak muaj më parë, 8.7 ton, e cila bëri që autoritetet të alarmonim vendet fqinje dhe të gjenim ngarkesa të ngjashme në Peru dhe vendet evropiane. Hetimi tregoi se origjina më e mundshme e këtyre ngarkesave erdhi nga rajoni Chiquitania në Santa Cruz .

Mirëpo, pas disa operacioneve dhe pas vrasjes së dy personave të ndodhura gjatë karnavaleve, Forcat e policisë hynë në komunat e San Rafael, San Miguel dhe San Ignacio, duke kapur përfundimisht Lourival Máximo da Fonseca, i cili kishte shumë identitete në Brazil dhe Paraguaj. Po kështu, në Bolivi ai kishte një identitet të rremë që e kishte marrë në vitin 2016. Për Ministrin e Brendshëm të Bolivisë, Eduardo del Castillo, Fonseca nuk është thjesht një “peshk i madh” por një “balenë” e trafikut të drogës.

Bashkë me Fonsecan, kanë rënë në pranga edhe shqiptari Lorenc Hyseni si dhe Ëalter Rivero Lola nga Bolivia, Leonardo Barsad Da Rocha nga Brazili, Alvaro Roca Casupa nga Bolivia, Joao Batista Da Silva Carneiro nga Brazili dhe Jacop Dick Peter nga Bolivia.

Gjatë arrestimit të tyre pati shkëmbim zjarri me forcat speciale boliviane, fatmirësisht pa të lënduar. Pas ndërhyrjes policore, janë gjetur armatime dhe sende të tjera.

“Z. Fonseca do të transferohet menjëherë në Brazil, duke qenë se dihet identiteti i vërtetë i këtij shtetasi me kombësi braziliane ndërsa shtetasit e tjerë me kombësi shqiptare e braziliane, fillimisht do të përmbushin sanksionin përkatës brenda territorit kombëtar për krime të posedimit dhe mbajtjes së armëve, tentativë vrasjeje kundër anëtarëve të Policisë Boliviane dhe për legjitimim të fitimeve të paligjshme”, siguroi Ministri i Brendshëm.

Pak i njohur eshte fakti se kryeqyteti i pare i Greqise, nuk eshte Athina, por Nafplio. Eshte koha kur arvanitet drejtonin revolucionin e 1821, qeverine, por edhe parlamentin.

Por si u ndryshua me pas historia e ketij qyteti ? Cfare ndodhi me arberoret ? A ka ende edhe sot gjurme te tyre ? Te gjuhes shqipe…

Αvdi Gjonbalaj

Projekti më i madh inxhinierik dhe ndërtimor i kohës sonë konsiderohet Great Manmade River (eng. The Great Manmade River) – një rrjet i madh nëntokësor kanalesh, i cili furnizon çdo ditë 6,5 milion metra kub ujë të pijshëm për vendbanimet në rajonet e shkretëtirës dhe brigjet e Libinë.

Projekti është tepër i rëndësishëm për këtë vend, por gjithashtu krijon një rishikim të ish-udhëheqësit të Jamahiriya Libiane, Muammar Gaddafi. Ndoshta kjo shpjegon faktin se realizimi i këtij projekti praktikisht nuk u pasqyrua në media.

Mrekullia e tetë e botës

Gjatësia totale e komunikimeve nëntokësore të lumit artificial është afër katër mijë kilometra. Sasia e tokës së gërmuar dhe transferuar gjatë ndërtimit – 155 milion metra kub – është 12 herë më e madhe se gjatë ndërtimit të Digës Aswan. Ndersa materiali ndërtimor i përdorur do të mjaftonte për të ndërtuar 16 piramida të Keopsit. Përveç tubacioneve dhe ujësjellësve, sistemi përfshin mbi 1300 puse, shumica e të cilëve janë mbi 500 metra të thellë.

Thellësia totale e pusit është 70 herë më e madhe se lartësia e Everestit.

Degët kryesore të sistemit të furnizimit me ujë përbëhen nga tuba betoni 7.5 metra të gjatë, 4 metra në diametër dhe me peshë më shumë se 80 tonë (deri në 83 tonë). Ndersa secili prej më shumë se 530 mijë prej këtyre tubacioneve mund të shërbejë lehtësisht si një tunel për trenat e metrosë.

Nga gypat kryesorë, uji hyn në rezervuarët e ndërtuar pranë qyteteve me një vëllim prej 4 deri në 24 milionë metra kub dhe prej tyre largohen ujësjellësit lokalë të qyteteve dhe qytezave. Uji i ëmbël hyn në tubacion nga burimet nëntokësore që ndodhen në jug të vendit dhe ushqen vendbanimet, të përqendruara kryesisht pranë bregdetit Mesdhe, duke përfshirë qytetet më të mëdha të Libisë – Tripoli, Bengazi, Sirte. Uji tërhiqet nga Akuiferi Nubian, i cili është burimi më i madh në botë i lëndëve djegëse fosile.Ujë të freskët. Akuiferi Nubian ndodhet në pjesën lindore të shkretëtirës së Saharasë, mbulon një sipërfaqe prej më shumë se dy milionë kilometra katrorë dhe përfshin 11 rezervuarë të mëdhenj nëntokësorë. Mbi të katër sish është territori i Libisë. Përveç Libisë, ka disa shtete të tjera afrikane në shtresën nubiane, duke përfshirë Sudanin veriperëndimor, Çadin verilindor dhe pjesën më të madhe të Egjiptit.

Akuiferi Nubian u zbulua në vitin 1953 nga gjeologët britanikë në kërkim të depozitave të naftës. Uji i ëmbël në të fshihet nën një shtresë ranor të fortë hekuri me trashësi 100 deri në 500 metra dhe, siç kanë përcaktuar shkencëtarët, ai u grumbullua nën tokë gjatë periudhës kur savanat pjellore u përhapën mbi Sahara, të ujitura nga shirat e shpeshtë të dendur. Shumica e këtij uji u grumbullua në periudhën nga 38 deri në 14 mijë vjet më parë, megjithëse disa akumulime u krijuan relativisht kohët e fundit – rreth pesë mijë vjet para Krishtit. Kur klima e planetit ndryshoi në mënyrë dramatike tre mijë vjet më parë, Sahara u bë një shkretëtirë, por uji që depërtoi në tokë për mijëra vjet ishte grumbulluar tashmë në horizontet nëntokësore.

Pas zbulimit të rezervave të mëdha të ujit të ëmbël, u shfaqën menjëherë projektet për ndërtimin e sistemeve të ujitjes. Megjithatë, ideja u realizua shumë më vonë dhe vetëm falë qeverisë së Muamar Gadafit. Projekti përfshinte krijimin e një sistemi të furnizimit me ujë për të shpërndarë ujin nga rezervuarët nëntokësorë nga jugu në veri të vendit, në pjesën industriale dhe më të populluar të Libisë.

Në tetor të vitit 1983, u krijua menaxhimi i projektit dhe filloi financimi. Vlera totale e projektit deri në fillimin e ndërtimit u vlerësua në 25 miliardë dollarë, ndersa periudha e planifikuar e realizimit ishte të paktën 25 vjet. Ndërtimi ishte ndarë në pesë faza: e para – ndërtimi i një fabrike tubash dhe tubacionesh prej 1.200 kilometrash me furnizim ditor prej dy milionë metra kub ujë në Bengazi dhe Sirte; e dyta është sjellja e tubacionit në Tripoli dhe sigurimi i furnizimit ditor prej një milion metër kub ujë; e treta ishte përfundimi i ndërtimit të tubacioneve nga oazi i Kufras në Bengazi; dy të fundit janë ndërtimi i degës perëndimore drejt qytetit të Tobrukut dhe bashkimi i degëve në një sistem të vetëm pranë qytetit të Sirtes.

Atë që ua ka dhuruar Perendia nuk ua lejon njeriu-madje ai i civilizuari i perendimit.

Νjë punim i 43 historianëve pretendon të japë në një përmasë më të plotë se deri më tani historinë e popullit shqiptar në shekullin XX. Në një intervistë për TemA TV, historian Beqir Meta, një prej autorëve, thotë se ka të dhëna të reja dokumentare që pasurojnë historinë.

Vëllimi i parë shkon deri në vitin 1920 dhe nuk merret vetëm me historinë e Shqipërisë, por përfshin edhe shqiptarët që banojnë jashtë territorit të shtetit të parë të shqiptarëve, pra Shqipërisë. Por, Meta deklaron se kërkesat e historianëve shqiptarë për arkivat serbe dhe greke kanë hasur në kundërshtime, duke dëshmuar një konservatorizëm të dalë disi nga koha.

“Ka edhe për Kosovën të dhëna shumë të rëndësishme në arkivat maqedone, bullgare, serbe, që nuk kanë qenë të sintetizuara më parë për të gjitha aspektet. Po kështu është zgjeruar shumë informacioni për Çamërinë, për shqiptarët e Greqisë. Janë dhënë me saktësi në bazë të të dhënave arkivore gjendja e tyre, politikat e shtetit grek. Kemi patur shqetësim me arkivat e Beogradit ç’është e vërteta. Në arkivat e Beogradit kemi marrë atë pjesë që kemi marrë përmes Kosovës dhe Maqedonisë. Arkivat greke janë një mangësi. Kemi bërë tentativa, kemi shkuar në Athinë, kemi çuar grupe pune”, ka thënë ai.

Madje, jo vetëm arkivat, por edhe bibliotekat ishte shumë e vështirë t’i shfrytëzoheshin. Ndaj, Meta thotë se plotësimi tjetër mbetet për botimet e ardhshme.

“Jemi të ndërgjegjshëm që një botim nuk mund t’i realizojë të gjitha pritshmëritë. Arkivat tona janë shumë të hapura ndaj studiuesve grekë, por ata nuk përdorin të njëjtin standard”, shton Meta. /Tema/

Mandrica, fshati shqiptar në Bullgari, që shquhej për arkitekturën unike dhe gjuhën e vecantë. Gjurmët  shqiptare vazhdojnë të shfaqen akoma në shtete të ndryshme të Ballkanit e kësaj rradhe në shtetin bullgar.

Mandrica është fshati i krijuar nga tre vëllezër ortodoksë  shqiptarë gjatë vitit 1636. Sipas miteve greke në malin e Orfeut mitik,  Mandrica dhe Arda takohen së bashku për t’u bashkuar në Detin Egje edhe nga kohëra të lashta ka legjenda për popujt që kanë lënë trashëgiminë e tyre në ato toka.

Mandrica ndodhet  në ekstremin lindor të maleve të Rodopës. Ky fshat ka impresionuar gjithmonë me mënyrën e ndërtimit të shtëpive dhe gjuhën e cuditshme me të cilën komunikonin, shqip, ndryshe nga gjuha e fshatrave për rreth,që ishte bullgarishtja.

Fshati Mandricë u krijua nga tre vëllezër  barinj ortodoksë shqiptarë që furnizonin ushtrinë otomane me produkte qumështi. Ata udhëtuan nëpër parajsën e Edirit, ku mund të gjenin një vend të përshtatshëm për të vendosur familjet dhe  kopetë e tyre.

Ata u lejuan të merrnin një copë tokë dhe të mos paguanin taksa. Pjesa më e madhe e shqiptarëve erdhën në shekullin XVIII nga rrethinat e Korçës dhe në shekullin XIX nga rajoni i Sulit që ndodhet në Greqinë e sotme. Në vitin 1708, një nga kishat e para në Rodope u ndërtua në Madrica me emrin “Shën e Diel”. Një shekull më vonë, në 1835, kisha “Shën Dimitar.

Në shekullin e XIX Mandrica ishte një qytet i vogël shqiptarësh në kazanë e Dimotkës. Në vitin 1873 ishte një vendbanim me 250 shtëpi, me rreth 1080 banorë shqiptarë. Në 1908 burimet greke e quanin popullsinë prej 3500 banorësh si “grekë shqipfolës”, ku shumica e të cilëve fliste edhe greqisht.

Aktivitetet kryesore që ushtronin  ishin rritja e mëndafshit, kultivimi i duhanit, artizanati dhe tregtia. Fshati kishte tre institucione arsimore greke: një shkollë për djem, një shkollë për vajza dhe një kopësht fëmijësh. Banorët i ruajtën veshjet kombëtare suljote deri në shekullin e 19-të kur fustanella u zëvendësua nga pantallonat thrakiane, ndërsa veshjet e grave u ruajtën deri në kohën e emigrimit në masë në Greqi.

Në fshatin  shqiptar në Bullgari mund të shohim një arkitekturë unike të kombinuar me gjuhën lokale dhe fotografitë e vjetra, duke krijuar ndjenjën e udhëtimit prapa në kohë. Në vitin 1929 ndodhi një valë  e re shqiptarësh që u vendosën në fshat.Mandrica  fshati me origjinë shqiptare, është ndër më të rrallët në të gjithë Bullgarinë, ku edhe pse janë një numër i vogël banorësh kanë ruajtur  me fanatizëm gjuhën, traditat dhe këngët shqiptare edhe në ditët e sotme./ZgjohuShqiptar.info

Sasaj ndodhet jo larg bregdetit, në një vend të bukur e me mundësi të jashtëzakonshme, por realiteti është krejt i ndryshëm! Si jetohet në këtë fshat?

Një ngjarje e pazakontë është regjistrua në Belsh të Elbasanit. Një grua kishte kujtuar se kishte blerë pulë deti, por në të vërtetë, nuk ishte e tillë.

InfoElbasani ka publikuar mesazhin që një i ri ka dërguar, duke treguar se nëna e tij ka blerë një pulë deti në Pazar, por pas disa ditësh i del gjel.

“Përshëndetje. Jam nga fshati Shkëndi në Belsh në zonën e Dumresë. Para dy javësh nëna ime bleu një pulë deti në pazar për mbarë pra për të prodhuar vezë dhe për të rritur zogj deti.

Filluam ta ushqenim mirë që të rriste vezët në bark e të pillte, por prit e prit dhe asgjë.

Biles e bashkuam edhe me tufa gjelash që të kryente fek;ondimin. Mirpo në vend që të rrinte si pulë, ajo rrinte si gjel.

Pas ca ditësh nisi ti dalë xhufka e gjelit tek gj oksi. Sic duket i zoti ia kishte pr;erë që të mos dallohej.

Aty e kuptuam që kishim blerë gjel dhe jo pulë. Ja kishte hedh pIakës ai tipi. Se tani nuk blejnë gjela por pula për mbarë.

Nuk e kuptuam fare se kishte trup të vogël sa të pulave dhe nuk kishte lafshë. Do ta hamë tani shpejt ose pët Ditë Vere.Ca nuk po bëjnë sot janë shtu shumë mas;htrusat edhe në fshat”