Category: Lajme

Ky është një nga momentet kur një prej trafikantëve të drogës ka kryer shitje të lëndës narkotike, që është goditur gjatë operacionit “Tempulli 2”.

Gazetari Merin Maçi ka publikuar një video të filmuar nga droni i Policisë së Shtetit, teksa një nga trafikantët në Durrës ka kryer shitjen e një sasi kokaine dhe ka marrë paratë nga një agjent i infiltruar i antidrogës.

“Është filmuar nga dronët inteligjentë të Policisë së Shtetit, është video e siguruar në Durrës ku ky personi me xhup të kuq është trafikanti që merrej me shitjen e kokainës dhe vendi ku është drejtuar është një vend i përshtatur në një faqe muri të zonës ku fshihte lëndën narkotike, dozën e kokainës. Në momentin që është filmuar, është momenti që sapo është bërë blerje e provokuar nga agjentët e antidrogës”, u shpreh gazetari Merin Maçi.

Gjatë megaoperacionit “Tempulli 2” në të gjithë vendin nga Policia e Shtetit për të goditur shitjen e lëndëve narkotike, u arrestuan 273 persona, u shpallën në kërkim 26 të tjerë dhe u goditën 7 grupe kriminale.

Video Player

Vajzat në Big Brother VIP 3, u mblodhën për të diskutuar rreth përvojave të tyre në dashuri, ku tregonin nëse janë tradhtuar ndonjëherë apo jo nga partnerët, a kanë falur një tradhti, apo si përfunduan lidhjet e tyre.

Në fund ishte radha e Rike Roçit e cila shprehet se është ndarë nga ish-i dashuri që e kishte tradhtuar, por fajin ia hedh vetes, ku shprehet se ka qenë shumë e angazhuar dhe nuk e kishte vëmendjen tek ai për shkak të punës.

“Unë kam qenë e tradhtuar, por gabimi ka qenë i imi, sepse në atë lidhje unë isha e përqendruar aq shumë në vete saqë e anashkaloja. Ai nuk ndjente përqendrimin tim në histori, unë isha për punë sa andej, këndej, shiheshim shumë pak. E doja por isha shumë e angazhuar. E fala, por nuk ishte me asgjë ashtu si në fillim. Totalisht shumë ndryshe”, u shpreh Rike Roçi.

Oficerët e forcave të armatosura amerikane kanë përjetuar momente terrori në një bazë në Ishujt Marshall, kur valë të mëdha të detit hynë në ambientet brenda dhe shkaktuar kaos

Në një video nga brenda bazës ushtarake, dallgët e mëdha mund të shihen duke thyer dyert dhe duke tërhequr zvarrë tavolina, karrige dhe disa njerëz që u përpoqën të mbaheshin për të shpëtuar. Ngjarja ndodhi në orën 9 të mëngjesit të së shtunës, ku një person mbeti i plagosur.

Përveç bazës ushtarake, dallgët goditën edhe dy aeroporte në Atoll Ailinglaplap, duke shkaktuar dëme të shumta dhe duke i nxjerrë nga funksioni për disa javë.

Sipas vlerësimit të parë të bërë nga ushtarakët që kontrolluan bazën, dallgët kanë përmbytur 1/3 e ambienteve, pasi përtej restorantit, uji ka hyrë në ndërtesa të tjera si dhe në magazina.

Vihet re se kjo bazë pret pajisje teknologjike të avancuara që janë pjesë e gamës së raketave balistike “Ronald Reagan”.

https://www.instagram.com/_u/worldmaverik/?utm_source=ig_embed&ig_rid=7c18157e-b8df-410f-9998-a302a37c73e6&ig_mid=7A2782DD-D7B8-4676-B56B-21ACA39B9FA1

Kosova u trondit nga një ngjarje e rëndë. 18-vjeçari Lulzim Fejzullahu u përplas me makinë dhe u godit me mjete të forta, shufra hekuri nga dy të mitur, Artiol Abdullahu dhe Elton Kadriu dhe më pas ndërroi jetë në spital. Mediat në Kosovë raportojnë se dy autorët janë djemtë e dy biznesmenëve në Podujevë. Duke qenë se janë në moshë të mitur, dy autorët nuk pritet të dënohen me më shujmë se 10 vite burg.

Kjo ka shkaktuar reagime të forta në Kosovë. Avokati i njohur Tomë Gashi është në mesin e atyre që kanë propozuar që për krime të tilla të rënda të vendoset dënimi me vdekje. Në një intervistë për “5Pyetjet.al” avokati rendit arsyet që e shtyn drejt këtij propozimi ekstrem.

“Ishte një djalë i ri 18-vjeçar, dyshohet që dy të rinj e vranë me shumfra hekuri. Dyshohet se gjithçka ka qenë e përgatitur pas një konflikti për radhën në berberhane. Ishte si në filma aksion ky rast. Apo sikur ta organizonte një grup vrasësish të Kolumbisë.

Bëra një shkrim duke thënë në përgjithësi që për vrasjet më të rënda duhet të rikthehet dënimi me vdekje. Nuk është normale që dikush ia merr jetën dikujt dhe më pas të ketë mundësinë të jetojë një jetë tjetër pas vuajtjes së dënimit.

Kështu që dënimi me vdekje mendoj që mund të jetë një frikë që dikush të mos vendosë t’i marrë jetën dikujt, pasi mund të jetë edhe ai i vrarë nga shteti. Kemi të bëjmë me propozime drastike. Duke marrë praktikën e SHBA-së apo të tjerave që është lejuar ekzekutimi për raste kaq të rënda” tha ai për “5Pyetjet.al”.

Prej më shumë se një jave ka nisur edicioni i tretë i “Big Brother VIP 3”.

Ndërkohë, i ftuar në një program ishte vëllai i Ilnisës, Kevin Agolli i cili i tha të gjitha.

Nga raporti me vajzën deri te afrimiteti me Meritonin, ai shuan çdo kureshtje rreth gazetares. Ja çfarë tha ai për raportin që Ilnisa ka krijuar me Meritonin.

“Për mua nuk ka asgjë, brenda kornizave të lojës”.

A do lidhej në shtëpinë e Big Brother Ilnisa?! Ja çfarë thotë ai:

“E kemi diskutuar para se të hynte dhe më tha jo. Por duke njohur dinamikat, nuk besoj, edhe me rastin e Meritonit. As për lojë nuk do e bënte…”

Por a e shikon ai në finale Ilnisën?!

“Është në një shtëpi me banorë që janë kundërshtarë të saj. Nëse vazhdon kështu, e shikoj në finale”.

Ditën e djeshme, një gjykatë e Guatemalës, dënoi të hënën një bos droge me 808 vite burg për masakrën e vitit 2008, ku vrau 15 nikaraguas dhe një holandez.

Një gjykatë në kryeqytetin me të njëjtin emër, vendosi këtë dënim për Rigoberto Danilo Morales, pasi e shpalli fajtor për bashkëpunim në vrasjet.

Në vitin 2016, një tjetër drejtues i dyshuar i rrjetit të drogës, Marvin Montiel Marin, u dënua gjithashtu me një burgim të gjatë për masakrën, raporton Protothema.gr.

Gjykata tha se e dënoi Morales me 50 vjet burg, për çdo vrasje dhe tetë vjet të tjera për komplot dhe konspiracion.

Megjithatë, në realitet, ligji i Guatemalës thotë se askush nuk mund të vuajë më shumë se 50 vjet burg.

Morales, 37 vjeç, u arrestua në vitin 2022 pas 13 vitesh në arrati

Gjyqi filloi në shtator. Sipas prokurorisë, një autobus që hyri në Guatemalë nga Nikaragua dhe që transportonte viktimat u kap nga trafikantët e dyshuar të drogës.

Ai gjithashtu besohej se mbante drogë; kur zbuloi se kjo nuk ishte e vërtetë, ata ekzekutuan udhëtarët përpara se të digjnin trupat në një vend në pronësi të Marvin Montiel.

Tetë persona të tjerë, duke përfshirë z. Montiel dhe gruan e tij Sarah Crews, u dënuan me burgim në të njëjtin rast

Dinamikat e ngjarjeve brenda shtëpisë së Big Brother VIP vazhdojnë, ku dita e sotme ka vazhduar me biseda serioze, lidere të re dhe pa diskutim, me debate. Por ka edhe momente të ëmbla.

Rikja dhe Romeo së fundmi janë parë tepër të lidhur me njeri-tjetrin. Afrimiteti, përqafimet dhe puthjet nuk kanë munguar prej tyre dhe siç duket një romancë e re po nis brenda shtëpisë.

Ditën e sotme, Rikja është shfaqur me një veshje tepër provokuese në ambientet e shtëpisë gjë e cila ka habitur konkurrentët e tjerë.

Me veshje provokuese dhe e shtrirë në krahët e Romeos, Rikja tregon më shumë seç duhet kjo për shkak të fustanit të shkurtër.

Bukuroshja pa komplekse shijon puthjet dhe ledhatimet e Romeos…

https://www.instagram.com/_u/bigbrotheralb_vip/?utm_source=ig_embed&ig_rid=f48670d1-e0ad-4117-b6b0-331913c779b3&ig_mid=D2C85C03-EF23-4666-985C-5D9FBD5485AC

Një grua, e identifikuar si Sara, gjatë një interviste, ka rrëfyer historinë e trishtë të jetës së saj, që nis me përdhunimin që në moshën 13-vjeçare.

Ajo tregoi se është abuzuar seksualisht nga të njëjtët persona, për gati tetë vite.

“Ndodhte nëpër makina, hotele, ferra, ku të ishin… Shoqet e mia më shihnin shenjat, nuk e morën kurrë guximin të më pyesin apo të më thoshin a ke nevojë për ndihmë. Ata më thoshin po tregove gjë, do të të vrasim”.

Për shkak të kërcënimeve të vazhdueshme, Sara nuk e mori dot guximin të denonconte autorët.

“Kam tentuar të largohem, kur ata kryenin aktin makabër, unë i godisja dhe ofendoja. Por, mora guximin për të ikur 2 vite më vonë. Doja të nisja një jetë të re, por ishte e pamundur. Nuk i shkova dot deri në fund, nuk i denoncova dot. Frika më e madhe ishte se ata nuk vepronin vetëm”.

Nisi një jetë të re, por ra sërish viktimë e një përdhunimi, nga i cili mbeti shtatzënë.

“Më pas u abuzova prapë, solla në jetë një fëmijë. vendosa ta mbaja fëmijën. E denoncova dhe personi që abuzoi me mua, bëri vetëm dy vite burg. Po e rris e vetme fëmijën. Kushtet ekonomike nuk i kam, pa punë jam. Shpesh, fëmijës i mungojnë gjërat elementare”.

Me dhimbje, Sara tregon rastet kur bashkë me fëmijën flenë pa ngrënë.

Megjithatë, apeli i saj i vetëm është të ketë mbrojtje, pasi kërcënohet vazhdimisht nga abuzues dhe familjarë të tyre.

“Ka raste që flemë pa ngrënë. Kërkoj që shteti të më mbrojë mua dhe fëmijën tim nga këta persona. Kam që në korrik që marr mesazhe kërcënuese. Më ka thënë ‘e dimë shumë mirë ku ndodhesh, nëse i bën publike këto mesazhe, do të të çojmë në Holandë dhe do marrin 300 mijë euro. I kam çuar letrat në Prokurori dhe më ka sjellë letër për mosfillimin e çështjes, pasi për prokuroren këto nuk janë kërcënime”.

Edicioni i tretë i spektaklit televiziv “Big Brother Vip’ ka nisur me debate e dinamika të cilat kanë tërhequr menjëherë vëmendjen e publikut. Disa prej personazheve VIP janë komentuar pozitivisht dhe kanë marrë mbështetje në rrjete sociale, ndërsa disa të tjerë jo.

Eksperti i IT-së, Tomi Kallanxhi ka folur këtë mëngjes në studion e emisionit “Wake Up”, për shifrat që mund të përfitojnë personazhet e këtij edicioni, në bazë të lojës që do të bëjnë.

Kallanxhi u shpreh se është duke punuar për të nxjerrë emrat e disa personazheve, të cilët do të kenë përfitime të mëdha në rrjetet sociale. Por ai shtoi se deri më tani ata duken shumë korrekt dhe ende nuk kanë prodhuar një kontent në mediat sociale.

Eksperti i IT-së e krahason me vitin e kaluar, ku vjet në këtë kohë ishte zbuluar dhe fituesi i “Big Brother VIP”, ndërsa këtë viti sipas Kallaxhit, banorët duken politikisht korrektë.

Gjithsesi gazetari Elvis Myrtaj, i duket ekspertit të IT-së një personazh që ka goxha popullaritet dhe ka aprovim në rrjetet sociale.

Shikon ndonjë nga banoret brenda “Big Brother” që ka mundësi fitimi?

Po përgatitemi të bëjmë diçka dhe të nxjerrim ca, por që ka disa personazhe interesantë që mund të…

Që mund të shpërthejnë në rrjetet sociale…

Elvis Myrtaj, gazetari, është njeri popullor, domethënë, ka aprovim në rrjetet sociale, prodhon aprovim në rrjetet sociale. Ky “Big Brother” më duket politikisht korrekt, pra njerëzit janë politikisht korrektë dhe kjo ndoshta nuk është shumë pozitive për të prodhuar kontent më mediat sociale. Sot një vit më parë thoshim që kishim fituesin e “Big Brother”, por këtë vit është shumë e vështirë për ta kuptuar. Gara këtë vit është shumë më e fortë. Po e studioj, do nxjerrim disa shifra.

Avokati i familjes së Lulzim Fejzullahut që u rrah për vdekje nga dy adoleshentë, Tom Gashi, kërkon dënim maksimal për autorët.

Në një intervistë televizive, Gashi e cilësoi vrasjen e 18-vjeçarit një krim të rëndë, ndaj një personi krejt të pafajshëm.

“Ai vdiq në 14 janar. U dha një deklaratë nga policia që nuk përputhej fare, aty thuhej që ishte goditur me thikë, por vdekja ka ardhur nga goditja me mjete të forta. Nuk mund t’i dimë shkaqet konkrete, por duket se ka qenë një zënkë krejtësisht banale te një berber për radhën se kush do të qethet i pari. Duket se të gjithë ata që e kanë njohur Lulzimin kanë vetëm fjalë të mira. Ka qenë një djalë i urtë dhe ajo që e bën situatën më të rënduar, ai ishte jetim. Prindërit i kanë vdekur.

Sulmuesit e kanë goditur fillimisht me makinë dhe më pas kanë përdorur shufra metalike. Është një krim i rëndë, i paprovokuar. Mendjemadhësia e këtyre sulmuese ka sjellë atë situatë. Njëri prej tyre ka pasur edhe dosje penale”.

Duke kujtuar vrasjen e planifikuar nga bashkëshorti të Liridona Ademajt, Gashi kërkon ashpërsim të ligjit.

“Nuk kanë kaluar as dy muaj nga rasti trishtues i Liridonës, e planifikuar nga bashkëshorti. Imagjinoni vrasje me pagesë dhe mund të marrë një dënim jo të duhur. Dënimet e dhëna nga gjykatat tona nuk janë fare në proporcion me peshën e veprës penale.

Politika e dënimeve duhet të ndryshojë, nuk duhet ta lëmë dikë që të vrasë disa persona, por në momentin e parë që dikush kryen një vepër kaq të rëndë penale, të jetë mundësia e dënimit kapital. Për vepra të caktuara penale, në SHBA, nëse i kryen tri herë, e ke të garantuar se do të mbetesh përjetësisht në burgje”.

Sipas avokatit, frika nga dënime maksimale, mund t’i ndalojë individët të kryejnë krime të tilla, duke marrë jetë njerëzish.