Category: Lajme

Kiara tregon se kjo është një dhuratë për të gjithë ata që besojnë në dashurinë e saj dhe të Luizit.

Moderatorja Kiara Tito gjatë “Dancing With The Stars Fan Club”, ka falenderuar në emër të saj dhe të Luizit të gjithë njerëzit që e kanë uruar për pritjen e ëmbël.

Ajo shprehet se është tepër e emocionuar dhe e lumtur që e kanë ndarë këtë moment bashkë me publikun, përmes muzikës. Kiara tregon se kjo është një dhuratë për të gjithë ata që besojnë në dashurinë e saj dhe të Luizit.

“Më lejoni të shfrytëzoj këtë moment për të bërë një falënderim për të gjithë ju që na keni uruar për pritjen e ëmbël në emrin tim dhe të Luizit gjithashtu. Ndihem e emocionuar dhe njëkohësisht shumë e lumtur që ndajmë bashkë këtë moment bashkë. Ndjej gjithashtu një lloj përgjegjësie për të gjitha pyetjet që më janë bërë gjatë gjithë kësaj kohe dhe nuk kam mundur t’i kthej një përgjigje, për shkak se shtatzënia është një rrugëtim i gjatë në vetvete dhe sigurisht fillimet janë të vështira. Por e menduam ta sillnim në një mënyrë tjetër për të gjithë ata që besuan tek ne, tek dashuria jonë, përmes një dhurate shumë të bukur siç është muzika, ju falënderoj shumë”, u shpreh Kiara Tito./Top Channel

GREQI- Anija e mallrave “Raptor” me një ekuipazh prej 14 personash që transportonte kripë është mbytur në zonën detare 4.5 milje detare në jugperëndim të Lesbos, në Egjeun Lindor. Sipas rojës bregdetare greke, anija u godit nga stuhia që ka pushtuar Egjeun dhe brenda pak minutash është fundosur.

Menjëherë pas ngjarjes ka nisur një operacion kërkim-shpëtimi, në të cilin marrin pjesë marina greke, helikopterë dhe anoje të rojës bregdetare të Greqisë.

Anija me flamurin e Komoros dhe me gjatësi 106 metra ishte nisur nga Egjipti e ngarkuar me 6000 tonë kripë dhe destinacioni i fundit ishte porti i Stambollit, raportojnë mediat greke.

Ajo kishte një ekuipazh prej 14 personash, përfshirë 8 egjiptianë, 4 indianë dhe 2 sirianë.

Mediat e vendit fqinj raportojnë se vetëm një anëtar i ekuipazhit është gjetur i gjallë dhe ai është marrë nga helikopteri, ndërsa fati i 13 të tjerëve nuk dihet ende.

Kushtet e motit në këtë zonë janë të vështira, me erëra të forta dhe dallgëzime deri në 3 metra të larta./ n.m.abcnews.al

Një tërmet me magnitudë 5.4 ballë të shkallës Rihter goditi sot bregun lindor të Tajvanit, njoftoi Shërbimi Meteorologjik i Tajvanit.

Në njoftim thuhet se ndërtesat janë lëkundur për pak kohë edhe në kryeqytetin Taipei, por nuk ka raportime për dëme materiale, raporton Reuters.

Epiqendra e tërmetit ishte në detin e Tajvanit, në kontenë Hualien, në një thellësi prej 22.4 kilometrash, njoftoi Shërbimi Meteorologjik i Tajvanit.

Tajvani shtrihet pranë kryqëzimit të dy pllakave tektonike dhe shpesh goditet nga tërmetet. Më shumë se 100 njerëz vdiqën në tërmetin e vitit 2016 në Tajvanin jugor, ndërsa një tërmet me magnitudë 7.3 në vitin 1999 vrau rreth 2,000 njerëz.

Ishulli Kerpe në Greqi ka ruajtur strukturën e tij matriarkale për shumë vite. Në fshat, gruaja si përcaktuese e jetës, ka role dominuese në ceremonitë fetare, strukturën familjare dhe madje edhe në menaxhimin e bizneseve.

Përveç bukurisë së tij, ishulli Kerpe në Greqi qeveriset nga një sistem i lashtë: matriarkati. Në një botë ku ka patriarkat në përgjithësi, një shoqëri matriarkale është jashtëzakonisht e rrallë.

Olimpi, një fshat i qetë, shtrihet midis dy maleve. Fshati, i cili është i mbrojtur mirë nga sulmet për shkak të vendndodhjes së tij gjeologjike, ka qenë shtëpia e shumë refugjatëve. Në fakt, deri në vitet 1980 ishte pothuajse e pamundur të arrije në fshat.

Gratë në këtë fshat drejtojnë të gjitha kuzhinat. Jo vetëm në shtëpitë e tyre, por edhe në restorante publike. Përveç kësaj, ndërsa gratë veshin rroba tradicionale për ceremonitë fetare, burrat mund të marrin pjesë në ceremoni me rrobat e tyre të përditshme.

Gratë duket se janë guri i themelit të familjes. Jetesa e familjes dhe transmetimi i traditave janë tërësisht nën përgjegjësinë e tyre. Në fshat, pas vdekjes së një nëne, trashëgimia e saj kalon te vajza e saj e madhe. Kjo është një traditë nga koha bizantine dhe sistemi ruhet ende si i tillë.

Ndërsa në pjesën tjetër të botës është më e zakonshme që gratë të shpërngulen te burrat e tyre në rast të martesës, situata në këtë fshat është e kundërta. Në rast martese, burrat bashkohen me gratë.

Gratë e fshatit i drejtohen njëra-tjetrës duke përdorur emrat e vajzërisë, jo emrat e burrave të tyre. Kjo strukturë matriarkale në fshat u shfaq dikur për shkak të kushteve të detyrueshme kur të gjithë burrat u nisën për në luftë dhe braktisën fshatin, duke i lënë gratë të vetme.

Ata ishin shumë të rinj kur u takuan. Robert Ndrenika student tek Artet, Polikseni kishte mbaruar Liceun Artistik.

A do të funksiononte lidhja e tyre nëse të dy do të ishin në të njëjtin profesion? Roberti mendonte se do të ishte e vështirë.

“Nga eksperienca e familjes time, edhe nga ajo që shihja aktorë burrë e grua në një punë, që në fillim mbase ishin mirë, po pastaj kishte edhe sherre dhe konflikte dhe nga eksperienca që mëmën e kisha arsimtare, ishte më e lehtë puna. Ndaj ndërroi degën Polikseni, u bë arsimtare për Gjuhë-Letërsi”, rrëfeu Robert Ndrenika në video-podcastin me Mira Kazhanin.

Sot, pas kaq vitesh, Ndrenika pohoi se sakrifica i dedikohej atij, por edhe vetë dëshirës së saj. Dikush do duhej të sakrifikonte veten për hir të familjes. Ishte Polikseni ajo që hoqi dorë.

“E bëri për ju këtë sakrificë? Ia kërkuat ju apo e bëri vetë se e ndjeu, për dashurinë tuaj?”, e pyeti Mira Kazhani gjatë bisedës.

“Po të dyja mund të thuash. Edhe njëra, edhe tjetra. Po nuk i doli keq edhe si arsimtare, për arsyen se bëri dy vajza. U bë një familjare e mirë, kurse teatri ka qenë i vështirë, jo vetëm për atë, po ka qenë i vështirë për turnera, për familjarët ka qenë i vështirë”, tha Ndrenika.

Të dy bashkë krijuan një familje të lumtur, me dy vajza, Elenën dhe Dianën, që sot janë trashëgimia më e madhe që Polikseni ka lënë. Sigurisht që edhe i madhi Ndrenika… Rolet e tij, gjithçka që ka dhënë për kinematografinë shqiptare, pjesërisht është edhe falë Poliksenit…/ Tiranapost

Nuk ka asgjë më të tmerrshme se sa të gjesh një nga këta shumëkëmbësh, të varur në bodrumin tënd. Por para se të friksoheni, të bërtisni apo të merrni diçka për t’i vrarë duhet të dini diçka.

Shumëkëmbëshi i shtëpisë (scutigera coleoptrata) është një nga heronjtë më të keqkuptuar nga llojet e insekteve. Ai është një grabitqar i dobishëm ‘arthropod’, me origjinë nga Mesdheu.

Shumëkëmbëshat e shtëpisë janë gjuetarët e tokës që i hasim më shpesh në bodrume të lagësht dhe banjo sipas Organic Life të Rodale.

Centipedet e shtëpisë gjenden më shpesh në zonat me lagështi që kërkojnë gjahun, duke përfshirë kacabujtë, termitet, merimangat dhe peshqit e argjendtë.

Këto krijesa mund të kenë 30 këmbë, në mënyrë që të mund të lëvizin shpejt, por kjo nuk është e vetmja gjë mbresëlënëse për ta.

Dy këmbët e tyre të përparme dyfishohen se janë mbushur me helm për ta injektuar në prenë e tyre. Por mos u shqetësoni se këmbët dhe helmi i tyre nuk janë aq të forta sa të hyjnë në lëkurën e njeriut.

Plus, këmbët e tyre të tjera lejojnë që të sulmojnë dhe të bllokojë insektet e tjera. Ata janë gjithashtu insekte shumë të uritur, me një normë të lartë metabolike, prandaj prisni që ata të bëjnë punën për pastrimin e insekteve të dëmshme në shtëpinë tuaj.

Kështu që herën tjetër kur të gjeni një centipedë në vaskën tuaj, vendoseni një kavanoz dhe nxirrni jashtë, ose më mirë akoma, çojeni çarjet dhe boshllëqet në shtëpinë tuaj. Kjo do bëjë që ata të bëjnë rolin e gjuetarit në muret tuaja gjatë gjithë natës, dhe do t’ju lehtësojë mendjen tuaj

Një ndë manitë e shqiptarëve është të mbushin çantat dhe valixhet me mish, bulmet dhe madje edhe turshi kur ikin në vendet perëndimore. Por nuk janë të oaktë ata që gjithçka u shkon dëm.

Një shqiptar është ndaluar në aeroportin e Olbias pasi i janë gjetur në valixhe 15 kg produkte ushqimore si djathë e mish, pa etiketë që të vërtetonte origjinën, specien dhe çertifikatën përkatëse fitosanitar.

Ai është ndaluar për kontroll nga zyrtarët e Agjencisë së Doganave dhe Monopoleve të Sassarit në bashkëpunim me ushtarët e Guardia di Finanza të Grupit Olbia.

Ushqimet i janë sekuestruar, në pritje të analizave higjeno-sanitare të mjekut fitopatolog të Departamentit të Reformës Bujqësore të Sardenjës dhe do të asgjësohen.

Hendeku gjinor mes profesioneve ka ekzistuar ndër vite, por Liljana Kurti, 23 vjeçarja nga Peshkopia ka thyer çdo tabu.

Ajo ushtron prej 4 vitesh profesionin e berberes. Për emisionin “Një nga ne”, Liljana zbulon arsyen pse zgjodhi të jetë berbere dhe jo parukiere.

“Djemtë kanë më pak naze, janë më të thjeshtë, kurse vajzat janë më të nderlikuara. Më duket një profesion i këndshëm dhe i veçantë ndaj e zgjodha”, tregon Liljana.

Të qënit grua në këtë profesion nuk të bën më pak të aftë dhe më pak profesioniste sesa berberët e tjerë.

Në fillimet e mia jam paragjykuar si tek fakti që një vajzë ndodhet në një ambient vetëm për meshkuj ose a jam e aftë të kryej të njëjtin shërbim si një djalë. Ka pas klientë që kanë qenë të paqartë dhe shpesh ishin në mëdyshje për t’u qethur tek unë ose jo. Gjithashtu ka dhe shumë klientë mosbesues që tani janë bërë klientët e mi më besnik”, thotë më tej.

Po çfarë duhet patur parasysh nëse zgjidhni këtë profesion? Çfarë të bën të suksesshëm në këtë fushë dhe a ia vlen ta ushtron në vendin tonë? Të gjitha këto mund t’i ndiqni në emsionin e plotë.

Shumë shqiptarë zgjedhin që nëpërmjet faqeve online në rrjetet sociale të blejnë online për vete ose të afërmit e tyre. Këto shihen si zgjidhje për të kursyer kohën e qytetarëve që nuk mund të shëtisin çdo dyqan me radhë, por shpesh herë blerësit zhgënjehen nga ajo çfarë blejnë në faqet e Instagramit, Facebook. Denoncimet pranë JOQ ALBANIA për blerjet jo cilësore në faqet që tregtojnë ‘online’ janë të shumta, pasi abuzojnë me besimin që shqiptarët iu japin.

Së fundmi një qytetare ka treguar për JOQ se faqja që shet online “My Closet_Angela” me 53.6 K ndjekës i ka shitur asaj atlete që nuk janë origjinale, pavarësisht se kur ka kryer porosinë, qytetarja është njoftuar nga faqja se atletet janë origjinale të firmës, “Neë Balence”. Në momentin që ka marrë porosinë qytetarja ka parë se atletet nuk janë origjinale dhe kjo është vërejtur nga pjesa e gomës dhe shkrimit. E mbetur e pakënaqur, qytetarja ka kthyer atltete tek korrieri duke paguar edhe për kthimin. Pas kësaj, qytetarja është kontaktuar nga stafi i faqes “My Closet_Angela”dhe është ofenduar e kërcënuar, duke i përmendur fëmijët.

Qytetarja:

Pershendetje JOQ!

Doja te denoncoja nje rast me nje faqje online qe pretenton qe produktet i ka origjinale,dhe sa me ndodhi! Porosita nje pale atlete te “firmes New Balence” qe zonja ne fjale te faqjes My Closet_Angela me 53.6 K “pretendon qe i ka origjinale.Une porosis,dhe me vjen porosia nga Italia per 3 dite,bej pagesen normalisht dhe kur hap pakon shoh qe ato atlete qe kam pare tek faqja nuk ishin origjinale se dukeshin qe nga pjesa e gomes dhe shkrimit,marr ate djalin qe vjen dhe bej kthimin paguaj dhe per kthimin. Pastaj me kontakton faqja ne fjale edhe me thot pse i kthyet i thash qe nuk me pelqenin . Ketu fillon historia,qe zonja me publikon mua bashke me femijet e mi ne faqen e saj ,plus me kercenimin qe do me publikonte edhe nr e telefonit. Por nuk publikon fjalorin e saj qe me ofendonte pafund mua dhe femijet e mi,(po se kuptoj pse tek femijet )Te cilat jua dergoj une tani qe ti shikoni.Nuk e dija qe te besh kthime produkti te benin kercenime? Mend per here tjeter tani. Plus ne fund te historise Zonja me beri Bllok

Pas publikimit ka reaguar dhe administratorja e faqes online. Ajo është shprehur për JOQ se punon me fatura dhe në mënyrë korrekte, por klientja e ka ofenduar.

Ndërkohë shton se klientja nuk e ka parë mallin por thjesht ka supozuar.

Zakonisht rrëfimet e qytetarëve për JOQ.al teksa tregojnë historitë dhe përjetimet e tyre personale janë gjithnjë të veçanta.

Jo të padëgjuara, por të veçanta për ngjyrimin e tyre emocional që u japin qytetarët.

E megjithatë kjo e sotmja mëton të jetë gati e padëgjuar në vendin tonë, më shumë do i shkonte për shtat ndonjë skenari telenovelash.

Një vajzë e re ka treguar se është shtatzënë por i fejuari nuk para, ndërsa dashnori ka para por nuk e di që kjo është shtatzënë.

21-vjeçarja shkruan për JOQ.al: Mirëdita JOQ! Jam një vajzë 21 vjeçe dhe jam e fejuar prej dy vitesh.

Kam një javë që kam mësuar se jam shtatzënë me të fejuarin tim, por problemin është se ky nuk ka asnjë perspektivë, asnjë punë dhe nuk di çfarë të bëj.

Fëmijët kërkojnë kushte dhe kanë shumë shpenzime.

Dua të tregoj që kam edhe një lidhje tjetër me një djalë i cili ka shumë para.

Ai më thotë shpesh që të ndahem nga i fejuari që të krijojmë një jetë bashkë, por ky nuk e di që unë kam mbetur shtatzënë.

Tani jam në dilemë të madhe se çfarë të bëj. Dua ndonjë mendim të sinqertë. Faleminderit!”.Komentet u takojnë juve.