Category: Lajme

Një 40 vjeçare është hedhur mbrëmjen e sotme nga shkallët e katit të tretë të pallatit nr 6 në lagjen” Gafurr Muço”, në Lushnje.

Sipas mjekëve të spitalit të Lushnjes që e kanë nën kujdes nuk është në gjendje të rëndë dhe nuk i rrezikohet jeta.

Në deklarimin që i ka dhënë oficerëve te policisë gjyqësore ka thënë që u hodha nga shkallët e katit të tretë.

Krahas kujdesit mjekësor policia po pyet dhe familjarët për rrethanat në të cilat ndodhi ngjarja.

Dyshohet se 40 vjeçarja e ka bërë veprimin në gjëndje depresioni.

Kanë dalë detaje të reja të ngjarjes së rëndë të ndodhur ditën e sotme në Tiranë, ku një foshnjë e sapolindur u gjet e braktisur në një gazrazh makinash në një pallt në Yzberisht.

Pas denoncimit të bërë nga një qytetar pasi dëgjoi të qara fëmijësh, policia ushtri kontroll në garazhin e një pallati ku gjeti të mbështjellë në batanije një foshnje të sapolindur e cila u dërgua menjëherë në spital.

Burime pranë spitalit bëjnë me dije se gjendja e foshnjës është përkeqësuar gjatë orëve të mbrëmjes, dhe se fëmija ëhstë futur në intibum.

Të njëjat burime konfirmojnë se nga kqyrja paraprake e kamerave dyshohet se foshnja ëhstë lindur brenda në garazh në të njëjtin divan ku u gjet e mbëhstjellë me batanije.

Kamera e sigurisë nga jashtë kanë kapur edhe gruan që dyshohet por pamjet nuk janë të qarta. Megjithatë të njëtat burime zbulojnë se janë pranë gjetjes së nënës që e braktisi.

Video Player

Ka ndërruar jetë 31-vjeçari nga Bilishti, Joan Nasto, i cili prej kohësh ishte në luftë me sëmundjen e tij, ku kurimi i kushtonte shuma të mëdha monetare, të cilat familja e tij nuk i përballonte dot.

Në dhjetor të vitit 2022 ai u diagnostifikua me limfome difuze me qeliza te medha B ne stadin IV me infiltrim gastrik. Pas disa muajsh kimioterapi në Selanik, 31-vjeçari filloi të përmirësohet dhe mjekët i dhanë shpresa pozitive. Mirëpo, fatkaqësisht sëmundja u rikthye më agresive se herën e parë dhe zgjidhja e vetmë për të ishte transplanti autolog i qelizave staminale.

Ky trajtim mund të bëhej vetëm në Greqi dhe operacioni kushtonte mbi 100 mijë euro. Shuma ishte e papërballueshme për famijarët e 31-vjeçarit, të cilët vite me parë kanë humbur dhe babain e Joanit. Në muajin tetor, familjarët hapën një “Go Found Me” për të kontribuar qytetarët, e cila u shpërnda gjerësisht dhe nga mediat online.

Fatkeqësisht, i riu nuk ka arritur dot të mbijetojë. Mbi ndarjen nga jeta të 31-vjeçarit ka reguar edhe Basahki e Devollit, ku Joan Nasto ishte punonjës, para se të prekej nga sëmundja e rëndë.

“Po përjetojmë dhimbje të madhe sikurse familja Nasto për ndarjen nga jeta të djalit të tyre, Joani Nasto.

Ndajmë dhimbjen tonë për ndarjen e parakohshme nga jeta të kolegut, mikut dhe punonjësit të devotshëm të institucionit tonë.

Sot e përgjithmonë do ta kujtojmë për edukatën dhe përkushtimin e tij në punë.

Shprehim ngushëllimet më të ndjera për familjen e respektuar, miqtë, kolegët e tij dhe mbarë opinionin publik.

U prehtë në paqe!” – shkruan Bashkia e Devollit në një postim në rrjetet sociale.

Teksa Nuredin Dumani kishte mbyllër një bisedë paraprake të zhvilluar në “SKY” me Ervis Martinaj,i cili i ka kërkuar vrasjen e Indrit Dokles, i penduari i SPAK ka treguar dhe shifrën reale që fillimisht i ka kërkuar biznesmenit të lojrave të fatit, Ervis Martinaj.

Gjatë bisedës Martinaj i kishte lënë dorë të lirë Dumanit për caktimin e çmimit dhe nisur nga kjo situatë në bisedën e dytë, Dumani i ka propozuar Visit, se nëse kërkonte vrasjen e Indrit Dokles, ai duhet të paguante 1 milion euro.

“Ora News” ka mësuar se njeriu që në atë kohë kontrollonte lojërat e fatit, nuk e ka pranuar këtë ofertë. Pasi sipas Dumanit, Martinaj i është dukur relaltivisht shumë dhe pas diskutimeve të bëra, si Martinaj dhe Dumani janë ulur në kuotën e 500 mijë eurove për të vrarë Indrit Doklen.

Në kontratën e vdekjes të realizuar mes dy njerëzve të botës së krimit, Martinaj merte përsipër të paguante një kapar 100 mijë euro dhe jo 300 mijë euro që kërkoi Dumani paradhënie.

Kapari prej 100 mijë euro është marë nga Rrahim Dumani dhe më pas është dërguar në Kosovë tek Nuredin Dumani.

Vlerë monetare kjo që siç shprehej Dumani, duhet të shërbente për të ngrohur çunat, të cilët do aktivizoheshin për të survejuar dhe vrarë Doklen.

Njëherësh Martinaj, merte përsipër të mblidhte informacion për lëvizjet e Dokles dhe të informonte Dumanin.

Por kjo marëveshje parashikonte që Martinaj ta ndihmonte Dumanin me informacione mbi lëvizjet e Policisë së Shtetit, RENEA dhe strukturat e hetimit, me qëllim që Dumani, në atë kohë në kërkim të mos arrestohej.

Madje në një rast Dumani tregon se Visi i kishte nisur në “SKY” një dokument të SHISH me “Screen Shot”, që fliste për vendodhjen e tij dhe organizimin që po kryhej për arrestimin e tij nga Policia.

“…ai informacionet i merrte nga institucione të ndryshme si RENEA, Operacionale, SHISH etj. Informacioni i fundit që më përcolli sipas tij ishte informacion i SHISH dhe bënte fjalë që ishin shumë afër arrestimit tim…”-ka deklaruar Nuredin Dumani.

Një tjetër provë që provon implikimin e Ervis Martinaj, Elvin Merlikaj dhe personave të tjerë në sigurimin e kushteve për të vrarë, Indrit Doklen, është dhe një mjet futures Dron.

Ky Dron është sekuestruar në ambjentet e kompleksit “Arbëria”, ku pas ekspertimit kompjuterik me këtë dron është filmuar rreth-rrotullimi i TEG-ut dhe zona për rreth, kompleksit ku është vendosur me banim familja e Indrit Dokles.

Ky informacion në fakt mbështet dhe në pohimin e Henrik Hoxhaj për mbikqyrjen e Indrit Dokles tek kompleksi “Rolling Hills” në afërsi të TEG-t.

Droni, është përdorur për filmime në zonën e segmetit rrugor mes Saukut dhe TEG-ut, çka ka ngritur dyshime nga prokurorët e SPAK, se mbikqyrja e Dokles nuk është bërë vetëm me njerëz në teren por edhe përmes ajrit, duke përdorur mjetin fluturues.

Njëherësh përmes këtij Droni, SPAK ka zbuluar pamjet e makinës tip “Hammer” me targë AA 708MK, në vendparkimin përpara hotel “Arbëria Palace”.

Pikërisht me këtë makinë në 18 janar 2021 Elvin Mërlika, Fredi Xhixha, Aleks Xhixha dhe një person tjetër kanë udhëtuar drejt Kosovës, ku realizuan takimin e parë për të takuan Dumanin, me qëllim lidhjen e kontratës për vrasjen e Dokles.

Teksa kishte takuar me këta persona dhe ishte lidhur në bisedim direkt me Ervis Martinaj, i penduari Dumani tregon se pas ca kohësh, ka kontaktuar sërisht me Elvin Mërlikaj, të cilit i ka thënë nëse ishin të interesuar akoma për goditjen e Dokles.

“…me Elin komunikova në “Sky Chat”. Ata më thamë që sigurisht që ishin të interesuar. Unë ju thashë se isha gati dhe kam njeriun që ma nxjer në pritë Indrit Doklen. Në të vërtetë unë nuk kisha bërë asgjë por doja thjesht të merrja lekët.

Ai më tha: “…Vazhdo jepi drejtim…”.

Unë i thashë:”…që t’i jap drejtim duhen ngrohur pak çunat dhe nuk kisha lekë…”.

Pastaj filluam të bëjmë pazar, ku unë fillimisht i kërkova shumën prej 1.000.000 Euro. Ervisi, nuk pranoi për këtë shumë dhe më tha se ishin shumë. Negociuam pazarin dhe përfundimisht ramë dakord që Ervisi të më jepte shumën 500.000 Euro që unë të kryeja vrasjen.

Pasi ramë dakord për shumën unë i kërkova paradhënie një shumë prej 300.000 Euro. Visit, iu duk shumë dhe pas negociatave përfundimisht ramë dakort që të me jepte paradhënie shumën prej 100.000 Euro. Shumën tjetër do ta merrja pasi të mbaronte puna.

Pas disa ditësh nga kjo bisedë Elvin Mërlika (Eli), më ka shkruar në telefon dhe më tha se paratë ja dha Fredi Xhixhës. Gjithashtu Eli më tha se i ka dhënë Fredit edhe telefonin e tij me qëllim që të bisedonte me mua.

Më pas unë komunikova me një telefon “Sky” që e kisha lënë në shtëpi për të kontaktuar me familjen dhe këta lajmëruan djalin e xhaxhait tim që quhet Rrahim Dumani. Unë i kërkova në “Sky” njerëzve të shtëpisë që të shkonin dhe të takonin Rrahimin, pasi doja të flisja me të.

Pas pak kohë Rrahimi ka vajtur tek shtëpia ime dhe u lidha me të në telefonin “Sky”. Unë i kërkova që të shkonte deri në Vorë dhe të merrte një porosi timen. Ai pranoi por më tha se vetëm të mos ishte diçka e kundërligjshme.

Unë i thashë që janë ca lek pa i thënë për shumën. Rrahimi ka dalë në Vorë tek një karburant ku aty ka takuar Fredin, i cili i ka dhënë shumën e parave. Nuk kanë biseduar fare me njëri-tjetrin por thjesht Fredi i ka dhënë paratë Rrahimit.

Dua të shtoj së fillimisht ka vajtur Rrahimi me një automjet “Audi” në pronësi të familjes së tij. Në momentin që Rrahimi është tek karburanti ai më dërgoi një foto dhe unë kam komunikur direkt me Fredin, të cilit i dhashë të dhënat se ku ishte Rrahimi me “Audin”. Edhe Rrahimi edhe Fredi më konfirmuan se Rrahimi i mori paratë.

Pasi ka marrë paratë Rrahimi ka vajtur në Durrës. Pas disa ditësh, me kërkesën time Rrahimi ka ardhur me autobus në Kosovë dhe më ka takuar mua tek shtëpia ku rija unë në atë kohë në Gjilan. Ka ndenjur një natë në shtëpinë time Rrahimi më dha paratë të cilat unë nuk i hapa në prezencë të tij.

Të nesërmen Rrahimi është larguar. Paratë që më dërgoi Ervisi ishin të gjitha prerje 50-she Euro.

Pas kësaj Ervisi më shkruante herë pas here në telefon duke me pyetur se si ishte puna, se Dokle po levizte nëpër Tiranë. Unë gjithmonë i gjeja ndonjë justifikim. Ervisi, kishte informacion për lëvizjet e Indritit dhe herë pas here me informorte. Foto nuk me ka dërguar.

Unë në të vërtetë nuk kam marrë asnjë veprim për të vrarë Indrit Doklen. Ervisi nuk më ka kërkuar që ti kthej lekët mbrapsht.

Dua të tregoj një rast kur Ervisit i kam kërkuar ndihmë që të më kalonte për në Kosovë gruan dhe kalamanjtë në doganë pa i regjistruar në sistem.

Kjo gjë ka ndodhur me të vertetë dhe bëhet fjalë për dy raste, një në muajin Shkurt të vitit 2021, kurse hera e dytë në fund të vitit 2021. Se si ka arritur që të mos regjistrohen gruaja dhe kalamajtë nuk e di.

Gjithashtu, Ervisi herë pas here më njoftonte për përpjekjet që bëheshin për të më arrestuar mua.

Ai informacionet i merrte nga institucione të ndryshme si RENEA, Operacionale, SHISH etj. Informacioni i fundit që më përcolli sipas tij ishte informacion i SHISH dhe bënte fjalë që ishin shumë afër arrestimit tim. Ai i bënte foto informacionit që i kishin dërguar dhe ma dërgonte mua në “Sky Chat”.

Dua të shtoj se kushuriri im që erdhi në Kosovë për të më dhënë 100.000 Euroshin ka fjetur një natë para tek kompleksi i Ervis Martinajt, që ndodhet në autostradën Milot-Fushë Krujë”./ Elton Qyno

Dy të rinj janë arrestuar në Vlorë pasi grabitën një tabakino. Në momentin që personi brenda tabakinos po numëronte lekët, të rinjtë janë futur brenda të maskuar dhe me një thikë në dorë duke i marrë xhiron që kishte bërë. Ngjarja ka ndodhur në lagjen “Pavarësia”.

Në pranga kanë rënë I. T. 18 vjeç dhe E. V. 16 vjeç për grabitjen e 19-vjeçarit. Ndërkohë është shpallur në kërkim edhe një 15-vjeçar i cili dyshohet se ka pasur dijeni për ngjarjen por nuk ka kallëzuar.

Gjithashtu dyshohet se të rinjtë janë autorë të një vjedhje në një market të qytetit të ndodhur 4 ditë më parë.

Një bandë kriminale ka tentuar të rrëmbejë foshnjën e porsalindur të Neymar. Tre persona janë hyrë në banesën e Bruna Biancardi, në Cotia, në shtetin e Sao Paulos, për të rrëmbyer vajzën 1 muajshe të ish-çiftit, por në shtëpi kanë gjetur vetëm prindërit e saj.

Ata kanë marrë peng prindërit e infuencueses braziliane dhe i kanë lidhur, duke u mbyllur edhe gojën. Pasi kanë marrë sende me vlerë dhe para, janë larguar.

Sipas policisë një prej autorëve është arrestuar dhe banonte në kompleksion ku kishte banesën Bruna Biancardi. Autorët janë identifikuar nga automjeti që kanë përdorur për të kryer tentiatiën për rrëmbim.

Dy nga të dyshuarit ishin të armatosur dhe po kërkonin Bruna Biancardin dhe Mavie, ish-partneren dhe vajzën e sulmuesit.

Fqinjët njoftuan policinë pasi vunë re se diçka e çuditshme po ndodhte në shtëpi.

Agjentët rrethuan banesën dhe arritën të arrestojnë një 20-vjeçar, i cili ishte fqinj i influenceres. Të tjerët u arratisën me çanta luksoze, ora dhe stoli.

Bruna Bianciardi kishte festuar arrdhjen në jetë të vajzën së saj, Mavie, vetëm disa orë më parë, ndëraa Neymar kishte publikuar një foto në Instagramin e tij me vogëlushen në të njëjtën ditë.

Pas ngjarjes Bruna Biancardi reagoi në një postim në rrjetin social ku u shpreh se nuk ishte në banesë në momentin që prindërit e saj u morën peng.

“Për të qetësuar miqtë, familjen dhe ata prej jush që më ndiqni, po ju informoj se më është grabitur shtëpia dhe prindërit e mi janë marrë peng. Unë, Mavie dhe motra ime nuk jetojmë më atje, as nuk ishim në shtëpi në atë kohë”, shkroi ajo.
Ndërsa shtoi: “Falë Zotit jemi të gjithë mirë. E rëndësishme është që të gjithë janë në gjendje të mirë shëndetësore dhe të kapen autorët. Falënderojmë Zotin që na ka ruajtur dhe lutem që gjithmonë të mbrojë familjen time”.

Ditën e djeshme emisioni investigativ “Stop” në Tv Klan transmetoi denoncimin e një prindi, i cili pretendon se vajza e tij është dhunuar brenda kopshtit privat “Stinët”, në rrugën “Kushtrimi i lirisë” në kryeqytet.

Ngjarja ka ndodhur në datën 1 Nëntor 2023 dhe si pasojë, e vogla është me këmbë të thyer. Prindërit e vajzës janë njoftuar nga kopshti në orën 15:00 kur dyshohet se dhuna ndaj të miturës ka ndodhur rreth orës 10:20 të mëngjesit.

Denoncuesi: Ka qenë data 1 Nëntor 2023. Vajza u çua nga ime shoqe në orën 8 e 20 dhe ne ikëm në punë siç çdo ditë. Kur e çuam vajzën në mëngjes ishte në rregull, si çdo ditë tjetër. Në orën 3, njoftohet nusja që “hajde merre vajzën sepse ka dhimbje tek këmba dhe po grindet, diçka e ka pickuar”. Këmba ishte e enjtur dhe ishte fryrë sa koka e vajzës. Kur mbërritëm në Urgjencën e “Ushtarakut”, u futëm brenda dhe kërkuam ndihmën e shpejtë dhe aty dolën mjekët që ishin specialistë të kësaj fushe dhe në momentin që i bënë grafinë, grafia doli në një thyerje shumë të keqe, ishte thyer këmba, pjesa e kofshës në një gjendje skandaloze.

“Stop” ka siguruar pamje filmike që tregojnë se edukatorja ushtron dhunë ndaj vajzës së vogël.

“Emisioni Stop ka siguruar pamjet filimike të kopshtit “Stinët”, këtu jemi tek dhoma e vizatimit të këtij kopshti. Ajo që dyshohet është se rreth orës 10 të mëngjesit, diçka ka ndodhur me vajzën 3-vjeçare. Nuk dimë nëse ka qenë aksident apo dhunë e ushtruar nga personeli, por ajo që dimë është se vajzës 3-vjeçare i është thyer këmba. Kjo është eduktatore Lina. Nga pamjet kuptojmë se diçka nuk shkon me të. Ajo është e tensionuar, ku për disa minuta rri me kokë ulur vetëm në dhomën e vizatimit. Kjo është ora 10 e 36 minuta. Vogëlushja e lënduar futet në dhomë nga sanitarja. Pas pak, edukatore Lina e acaruar çohet dhe godet me vizore vajzën. Duket qartë që këmba e vajzës në këto momente është e lënduar nga dridhjet dhe lëvizjet që ajo bën. Edukatore Lina mesa duket po shqetësohet nga të qarat e vajzës dhe i kthehet përsëri duke e goditur në fytyrë që vajza të pushojë së qari. Sikur të mos mjaftonte kjo, vajza e vogël tërhiqet zvarrë nga dora dhe ulet brutalisht në një karrige. Dallohet qartë se vajza ka dhimbje nga këmba dhe qan nën zë pasi ka frikë nga edukatorja, por kjo e fundit tregohet e pamëshirshme dhe vazhdon duke e goditur me vizore në trup vajzën e vogël që ajo të pushojë. Pra, nga këto pamje kuptojmë që vajza është lënduar rreth orës 10 të mëngjesit, por mosdhënia e ndihmës nga personeli dhe mbajtja për orë të tëra me këmbën e lënduar ka çuar në thyerje totale të kockës, ndërsa prindërit e vajzës u njoftuan 5 orë më vonë, në orën 3 të padites, atëherë kur situata kishte dalë jashtë kontrollit.”

OPGJ, Ergys Brahimaj, nuk i ka marrë një denoncim prindërve kur e vogla ka shkuar me traumë në spital. Të nesërmen, pas denoncimit të prindërve, rasti ka shkuar në Komisaritatin Numër 1 për t’u hetuar nga Shefi i Krimeve Ylli Çako, i cili tha se materialet i kanë shkuar prokurorisë.

Shefi i Krimeve, Ylli Çako: Mirë.

E inflirtuara: Unë jam halla e vajzës së dëmtuar. Kopshti vazhdon të jetë i hapur dhe është në punë. Ne nuk dimë asgjë se çfarë po bëhet. Nuk është marrë asnjë masë. Çfarë është bërë të paktën sepse ne nuk dimë asgjë?

Shefi i Krimeve, Ylli Çako: Materiali është dërguar në prokurori dhe po vazhdon hetimi. Kjo është e gjitha. Unë përsëri po i shikoj, po i hap pamjet filmike.

Po kështu, eksperti i Mjeksisë Ligjore nuk ka shkuar të kqyrë gjendjen e vajzës tek Trauma duke i thënë të atit se duhet ta çonte vajzën tek ai.

Denoncuesi: Bëmë denoncimin, morëm një letër dhe në atë letër, unë duhej të nisesha tek mjeko-ligjori. Unë u nisa tek mjeko-ligjori dhe kur shkova aty, mjeko-ligjori m’u drejtuar që “djalë ti duhet të sjellësh dhe fëmijën këtu sepse kështu e ka rregulli, mjeku jonë bëri vlerësimin dhe më pas lëshon deklaratën e tij”. Unë ju drejtova që “fëmija im është në gjendje shumë kritike dhe unë nuk mund ta sjell për momentin këtu. Atëherë më tha që “nuk kam çfarë të bëj, por ky është rregulli i institucionit”.

Sabri Hoxha: Këto janë procedura rutinë për shkak se mjekët ligjorë, ekspertët, gjithmonë e çdo ditë, pothuajse 1 ose 2 ekspertë janë në Spitalin Ushtarak. Kërkesa nga eksperti mjeko-ligjor në fjalë që vajza e shtuar që të shkojë të ekzaminohet në Institutin e Mjekësisë Ligjore, është e pavend.

Arben Llangozi: Njëkohësisht, edhe drejtoresha e kopshtit ka pasur detyrim që të kallëzojë në institucionet përkatëse këtë krim të ndodhur në këtë kopsht, gjë që nuk e ka kryer.

Emisioni “Stop” ka siguruar sot një tjetër material filmik, ku në fakt mungojnë 3 orë. Gjatë ditës, edukatorja që qëllonte vajzën 3-vjeçare është shoqëruar në polici.

Saimir Kodra: Dua të kem një duartrokitje të madhe për Ministrin e Brendshëm, Taulant Ballën për qasjen e tij personale në këtë çështje.

Saimir Kodra: Mund të ketë ndodhur që këmba e fëmijës nuk është thyer nga një dhunë fizike. Mungon ajo hapësira filmike.

Gentian Zenelaj: Janë 3 orë që mungojnë në këtë pamje.

Saimir Kodra: Ndiqeni pak fëmijën që qan. A mund të ndodhë fëmija në gjumë të thyejë këmbën e tij?

Gentian Zenelaj: Jo, nuk e besoj vetëm po ra ndonjë suva nga lart.

Saimir Kodra: Unë nuk jam ortoped, por them që në gjumë nuk e thyen dot këmbën një fëmijë apo kushdo qoftë sepse trupi dhemb, dhe zgjohesh, reagon. Vetëm nëse i ka kaluar shenjtani sipër…

ORA 12:19 – Fëmijët përgatiten për të fjetur  ORA 12:21 – Vajza vendoset për të fjetur  ORA 15:04 – Vajza qan nga dhimbjet  Saimir Kodra: Pra, fëmija rënkon dhe qan. Këto pamje jua dhashë sot, jo për të ju rënduar gjendjen tuaj emocionale, por sepse për shkak të politikave të Youtube, kur të hidhen materialet nuk do të keni mundësi që t’i dëgjoni dhe nuk do e kuptoni dot se çfarë ka ndodhur.

Gentian Zenelaj: E trishtë të dëgjosh një fëmijë që qan.

Saimir Kodra: Ajo nuk qan, por rënkon sepse ka dhimbje. Por çfarë ndodhi? Ne nuk e dimë sepse mungon orari.

Lidhur me ngjarjen e rëndë, ka pasur sot shumë reagime. ”Stop” mësoi se në prokurori nuk ishte depozituar asnjë material, gjë që i kushtoi pezullimin shefit të Krimeve të Komisariatit Numër 1, Ylli Çako.

Saimir Kodra: Dje, u morëm me një moment tjetër të rëndësishëm, me Policinë e Shtetit. Shefin e Krimeve, Ylli Çakon, e takuam me kamera të fshehtë dhe tha se materialet i kanë kaluar prokurorisë, rrini të qetë. Më paftyrësinë më të madhe na ka gënjyer mbrëmë ky ish-Shefi i Krimeve. Donte që ta fshihte të gjithë historinë. Ky Ylli Çako duhet të bënte ndalimin në flagrancë. Duartrokitje për ministrin e Brendshëm që këtë tipin e pezulloi nga puna sepse nuk mund ta shkarkosh dot dhe do të hetojë të gjithë veprimtarinë e tij dhe së shpejti, ai le të gjejë ndonjë punë tjetër.

Regjistrimi i çështjes u bë vetëm sot. Ministria e Arsimit dhe Sportit i ka kërkuar Policisë së Shtetit dhe Policisë Bashkiake mbylljen e menjëhershme të kopshtit, i cili pas verifikimeve rezultoi në paligjshmëri dhe i palicensuar.

Nisur nga skandali i transmetuar në emisionin “Stop”, Ministria ka ngritur një Task-Forcë me Policinë e Shtetit, Policinë Bashkiake, dhe Inspektoriatet për kontrollin e plotë në territor të subjekteve që ushtrojnë veprimtarinë në shërbimet parashkollore për fëmijë.

Edhe institucioni i Avokatit të Popullit reagoi për ngjarjen makabre ndaj 3-vjeçares në kopshtin privat “Stinët”. Me urdhër të Avokates së Popullit, Erinda Ballanca, është ngritur një grup hetimor me punonjës socialë e juristë, për hetimin administrativ të rastit dhe për të monitoruar të gjitha veprimet e mosveprimet e institucioneve përgjegjëse shtetërore.

Në ambientet e kopshtit “Stinët” ishin sot edhe përfaqësues të bashkisë.

“Sapo kam marrë kontaktet e para me familjarët, por jo me prindërit e fëmijës. U informova nga inspektori i zonës që veprimet në polici janë kryer, inspektori i zonës më ka njoftuar se kanë shkuar në polici disa prej edukatoreve, drejtoresha. Po bëjnë ato veprimet e tyre.”

Në orët e pasdites, prindër e aktivistë protestuan për ngjarjen e rëndë, të publikuar në “Stop”.

Marrë nga Tv Klan

Kiara dhe Luizi së shpejti prindër të fëmijës së parë.

Çifti pret një vajzë?

Lajmi është bërë me dije nga burime për revistën “Who”.

Burimet theksojnë se ditën e sotme është organizuar “baby gender”, një festë shumë private, ku edhe është zbuluar gjinia e bebes. Dhe është vajzë.

Sakaq kujtojmë që prej javësh përflitet lajmi se dyshja do të bëhen prindër, megjithatë asnjëri prej tyre nuk e ka konfirmuar.

Një skenë e pazakontë ka ndodhur në një funeral në kishën e Madonna Pellegrina në Itali, e cila përfundoi tragjikisht për një 39-vjeçare me origjinë shqiptare.

Mëngjesin e së premtes rreth orës, 11: 30 kur do të fillonte funerali i famullitarit Don Gianluca Zagarese 39-vjeçarja hyri dhe filloi të bërtiste “Allah Akbar” (Allahu është i madh).

Siç shkruajnë mediat italiane, u deshën disa minuta për t’u përpjekur ta qetësonin dhe ta ndalonin, gjë që nuk ishte një operacion i thjeshtë, edhe pse arkivoli me të afërmit për funeralin ishte tashmë i pranishëm në kishë. Ndërsa shërbimet e urgjencës ishin duke u alarmuar, policia lokale mbërriti dhe gruaja më pas u rrëzua.

Ajo u transportua në Spitalin Civil të Vigevanos, por nuk ia doli dhe vdiq. Vetëm testet e autopsisë do të mund të përcaktojnë se cili ishte shkaku i vërtetë i krizës dhe vdekjes. Funerali, megjithatë, nuk mundi të mbahej dhe u zhvendos në një kishë tjetër

Një tërmet me magnitudë 6.9 goditi rajonin e Detit Banda në Indonezi të mërkurën, tha Qendra Evropiane Sizmologjike Mesdhetare (EMSC).

Tërmeti ishte 370 km (229.9 milje) në juglindje të Ambonit, Indonezi dhe u vlerësua në një thellësi prej 146 km, sipas “EMSC”, sipas “Reuters“.

Nuk kishte asnjë kërcënim për cunam nga tërmeti, tha Qendra e Paralajmërimit të Tsunamit të Paqësorit (PWTC).

Indonezia gjendet në zonën e quajtur “Unaza e Zjarrtë e Paqësorit”, ku vullkanet dhe tërmetet janë të shpeshta, ndërsa vendi ka 127 vullkane aktive.