Category: Lajme

Një ditë pas publikimit të intervistës së Sali Berishës për median greke, ka reaguar deputeti i PS, Erion Braçe. Lidhur me deklaratën e Berishë, kur tha se dëshmitari kryesor kundër Fredi Belerit është paguar nga fondi sekret i policisë së shtetit, tha se kjo është një procedurë plotësisht ligjore.

Braçe tha se intervista e Berishës për median greke dhe deklaratat për të mbrojtur Fredi Belerin, ‘vijnë erë të tmerrshme’, ndërsa u ndal te masakra e Peshkëpisë.

Ai tha se Beleri është dënuar nga shteti grek, ndërsa shton se në kohën kur është kapur në makinën me armët që u përdorën në masakrën e Peshkëpisë, në kohë kur Berisha ishte President, nuk pati asnjë përpjekje për të zbardhur ngjarjen.

“Lexova intervistën e Berishës për mediat greke, për Fredi Belerin. Si mundet që një shqiptar të flas me këtë gjuhë, por në krahun tejtër, si munden ata që konsiderohen gazetarë të habiten dhe të shesin si “skup” deklarimet për instrumente krejt banal të përdorshëm nga mëngjesi deri në mbrëmje në Greqi. Nga policia, prokuroria dhe gjykata greke.

Veprimi i stimuluar për të cilin flet Berisha, është një procedurë krejt normale që bëhet nga prokurori i SPAK, i miratuar nga Gjykata Speciale.

Nuk ka asgjë këtu për të shkulur flokët dhe për të bërë ‘skup’ në mediat greke. E vetmja gjë që bën ‘skup’ fakti që Berisha përdor një gjë kaq elementare, një procedurë ligjore të mbështetura fort nga Prokurori dhe Gjykata për këtë rast. Nuk e shpëton dot Belerin Sali Berisha një gjë të tillë.

Si mundet, mjafton të lexosh vetëdeklarimin për dekriminalizimin të Belerit, për ta qepur gojë si shqiptar, por flasim një herë tjetër.

Ai rezulton i dënuar nga Greqia, i kapur në të njëjtën makinë ku banda që shkaktoi masakrën e Peshkëpisë, kur Berisha ishte president i vendit dhe komandanti i forcave të armatosura ishte me të.

Është dënuar për një vepër penale që të habit, por kurrë nuk u shpjegua se çfarë donte Beleri në makinën me armët që ishin përdorur në Peshkëpi.

Është fakt që në kohën kur Berisha ishte president dhe ndodhi ngjarja policia e shtetit nuk kanë bërë as përpjekjen më minimale. Edhe kur u arrestua Beleri me bandën, përsëri nuk u krye asnjë veprim procedurial nga këtej dhe andej për të zvbardhur ngjarjen.

Vjen erë, erë e tmerrshme, intervista e Berishës për median greke”, shprehet Erion Braçe.

Shqipëria ishte një destinacion i pëlqyer për turistët këtë vit për shkak të marketingut që iu bë përmes influencerave si edhe çmimeve të ulta krahasuar me rajonin duke bërë që vendi të synohet edhe nga kompanitë e fluturimit Low Cost, siç ishte Wizz Air dhe sëfundmi Ryan Air.

Kjo e fundit nisi fillimisht të shiste bileta për tetorin, por më pas ndryshoi datën e fillimit të operimit në Shqipëri duke e çuar në 31 tetor, të paktën sipas njoftimit që është shpërndarë dje nëpër media.

Të dyja kompanitë operojnë në linja të shkurtra dhe të mesme në Europë dhe kanë si qendër Hungarinë për Wizz Air dhe Irlandën.

Të dyja kanë të njëjtin concept, atë të shitjes së biletave me çmim të lirë, duke shtuar më pas kosto gjatë rezervimit të biletës apo check init për bagazhet apo “kleçka” të tjera që të dalin rrugës, për të mos përmendur rastet e shitjes së biletave më shumë se vendet që ka avioni dhe situate të ngjashme që lenë më pas udhëtarët për orë të tëra në pritje në aeroporte.

Kompanitë operojnë edhe me tipa të ndryshëm avionësh. Wizz Air ka zgjedhur që të operojë me avionë të prodhimit të Airbus, ku nga Shqipëria fluturon kryesisht me Airbus a320 dhe Airbus a321, ndërkohë që Ryan Air ka zgjedhur kompaninë e prodhimit të avionëve, Boeing.

Për shkak të linjave të shkurtra dhe të mesme që operson, kompania Ryan Air ka një flotë avionësh Boeing 737 800 dhe Boeing 737 Max8.

Aksidentet me avionë janë të rralla dhe fluturimi konsiderohet si një ndër më të sigurtët krahasuar me traget apo autobusë, por të dhënat tregojnë se pikërisht avionët Boeing 737 Max8, kanë një koeficient të ulët sigurie.

Madje, sipas Forbes dhe AirSafe.com, këta lloj avionësh kanë një koeficient fataliteti 3 në 1 milionë fluturime, e cila është jashtëzakonisht më e lartë se tipat e tjerë të avionëve Boeing apo Airbus, raporton AlbEu.com.

Dy tragjedi

Dhe kjo renditje në vend të parë si avionët më të rrezikshëm rrjedh prej dy tragjedive të mëdha që kanë shkaktuar këta dy avionë gjatë viteve të fundit.

Në total, që prej vitit 2018 deri më sot, kanë vdekur në tragjedi ajrore prej rënies së avionëve Boeing 737 Max8, 346 persona.

Tragjedia e parë ndodhi në vitin 2018 ku një avion Boeing 737 Max8, pikërisht fluturimi nr.610 i kompanisë LionAir në Indonezi duke vrarë 189 persona në bord, të cilat u përplasen në detin Java.

Në vit më pas, do të ishte i njëjti tip avioni, Boeing 737 Max8, i kompanisë Ethiopian Airlini cili do të vriste 157 persona për shkak të përplasjes vetëm 6 minuta pas nisjes.

Bllokimi

Fill pas këtyre dy aksidenteve tragjike, u urdhërua bllokimi i fluturimeve të sërisë së avionëve Max të Boeing deri në verifikimin e shkakut të aksidenteve. Pas hetimeve, u vërtetua se kompania kishte bërë disa ndryshime në sistemin e drejtimit të avionëve pa vënë në dijeni pilotët dhe kompanitë ajrore.

Ndryshimet në sistemin e drejtimit kishin ardhur për shkak së kompania Boeing synonte konkurrencën me Airbus sa i përket eficencës së karburantit duke bërë që të vendoste motorë të tjerë, më të mëdhenj të avionët e serisë Max gjë që ndryshoi edhe balancimin e avionit.

Për të rregulluar balancimin, kompania futi në përdorim një sistem automatik që futej në veprim sa herë që sensorët jepnin sinjalin se balanca ishte prishur.

Por, të pavetëdijshëm për këtë ndryshim, pilotët nuk dinin si të reagonin në këto raste duke shkaktuar dy tragjedi.

Lejimi

Pas përfundimeve të hetimit dhe padisë ndaj kpmpanisë, autoritetet aviacionit civil në SHBA dhe Europë lejuan fluturimin e kësaj flote avionësh, pasi Boeing tha se kishte bërë rregullimet e duhura në sistemin e drejtimit të serisë së avionëve Max.

Aktualisht seria Max po përdoret nga disa kompani në botë, përfshi edhe Ryan Air, e cila do të fluturojë edhe në Shqipëri.

ΘPër momentin, Aviacioni Civil i Shqipërisë nuk ka ndonjë koment për çështjen në fjalë. /albeu.com

Gazetari Artan Hoxha thotë se Sali Berisha po ndjek të njëjtën strategji që ndoqi Dritan Dajti në përballjen me drejtësinë.

Në studion e emisionit “Të Paekspozuarit”, Hoxha tha se Bersha po informohet mbi dosjen dhe po jep përgjigje publikisht pa shkuar në gjykatë.

Nga momenti që iu komunikua, nuk pranoi të marrë njoftime.

Dritan Dajti ka mbajtur kështu një proces ekzemplar. Ditën e parë nuk e dinte çfarë kishin shkruar dhe dha përgjigje për gjëra që nuk i kishin parë.

Tani lexon pikat e dosjes dhe del e jep përgjigje. Po bën gjyq publik.

Sot është mbledhur Kuvendi i Kosovës në një seancë plenare.

Gjatë seancës së sotme, Erxhan Galushi, deputet nga komunitetet pakicë, duket se është koncentruar në një tjetër fushë jashtë funksionit të tij prej deputetit.

Galushi në seancë është filmuar duke vënë baste dhe në të njëjtën kohë ka votuar. Aktiviteti basteve është i ndaluar prej disa vitesh në Kosovë.

Valentina Todoresku është zgjedhur avokatja e re e ish-kryeministrit Sali Berisha, në lidhje me dosjen “Partizani”, ku Berisha akuzohet për korrupsion nga SPAK.

Duket se zgjedhja e saj për të përfaqësuar Berishën ka shkaktuar shumë bujë në media, për shkak të disa postime të Todoreskut në Facebook.

Më konkretisht në 21 dhjetor të vitit 2021, avokatja ka shkruar se “ Sali Berishës po i vjen ora e arrestimit. Yuri Kim ia kërkon hapur Arben Krajës: SPAK të veprojë tani.”

Studentja shqiptaro-amerikane Edona Cosovic, verën e vitit të kaluar parashtroi kërkesën që gjuha shqipe të bëhej pjesë e studimeve në universitetin prestigjioz amerikan.

Nuk vonoi dhe në fillim të vitit, listës së gjuhëve të huaja që mësohen në Universitetin e Harvardit iu shtua edhe gjuha shqipe.

Në një intervistë për Zërin e Amerikës, Edona tha se ishte dëshira për të studiuar më shumë mbi origjinën e saj ajo që e shtyu të kërkonte përfshirjen e programit të gjuhës shqipe në Harvard.

“Kjo është një arsye e rëndësishme për ta pasur këtë lëndë në Harvard. Unë kam dashur ta mësoj gjuhën, është shumë e rëndësishme për mua.

Të dy prindërit e mi janë shqiptarë. Dua që edhe fëmijët e mi të flasin shqip, por dua ta kem edhe kulturën. Të mësoj më shumë edhe mbi historinë e Shqipërisë. Unë jam shqiptare nga Mali i Zi dhe nuk i di të gjitha ndodhitë në Shqipëri dhe Kosovë. Tash, pak nga pak, në çdo klasë unë mësoj më shumë”,-rrëfeu ajo.

Kryeministri Edi Rama ka inspektuar sot në fshatin turistik të Borshit një kompleks gjigant që po ndërtohet nën emrin e brandit ndërkombëtar “Radisson Collection”.

I shoqëruar nga ministrja e Turizmit, Mirela Kumbaro dhe kryebashkiaku i Himarës, Gjergji Goro, Rama ka parë punimet që kryhen buzë detit në plazhin e Borshit.

Me godina të shumta, deri në pesë kate, ky resort që shtrihet në një sipërfaqe të madhe në Borsh, sipërfaqja e strukturës hoteliere do të ketë edhe fusha tenisi, teatër për fëmijët si dhe ambiente të tjera rekreative dhe relaksuese për pushuesit.

Përveç këtij investimi, në Borsh do të ndërtohet dhe një shëtitore e re e cila do të përshkojë të gjithë vijën bregdetare të tij.

Detaje të reja janë zbardhur nga ngjarja e rëndë e ndodhur në Durrës, ku një marinar ndërroi jetë pasi ra në kontakt me energjinë elektrike.

Mësohet se viktima është 18-vjeçari Anri Mikeladze, shtetas gjeorgjian, i cili ishte pjesë e ekuipazhit e një anijeje tregtare që po lundronte pranë portit të Durrësit.

Ngjarja e rëndë ka ndodhur vetë pak minuta pasi anija tregtare ishte nisur nga poarti, teksa ekuipazhi lajmëroi autoritetet pasi gjeti trupin e pajetë të 18-vjeçarit.

Trupi menjëherë u dërgua në Portin e Durrësit dhe më pas drejt morgut ku pritet edhe t’i bëhet autopsia.

Sipas raportimeve, ai ra në kontakt me rymën teksa ishte duke punuar në anije dhe ka ndërruar jetë menjëherë.

Piketimet nga Silvinjo vazhdojnë. Një tjetër emër i ri ka dalë në skenë së fundmi për t’u afruar në Kombëtaren shqiptare. Gazeta “Panorama Sport” mëson se Amar Gërxhaliu është ndjekur nga stafi i ekipit përfaqësues dhe mund të jetë një alternativë në të ardhmen për repartin e mbrojtjes.

Gërxhaliu, i lindur në Vushtrri, është pjesë e Antaliasporit në Superligën turke, edhe pse aktualisht nuk po merr minuta. Më parë ai ka luajtur edhe me moshat e këtij klubi, me të cilin ka kontratë deri në vitin 2026. Pozicioni i tij është në qendër.

SITUATA- Me ardhjen e Silvinjos në stolin kuqezi, kemi parë që të afrohen edhe disa emra të rinj, që trajneri brazilian i patrembur dhe me guxim u ka besuar vendin e titullarit apo minuta në ndeshjet kualifikuese. Mjafton të përmendim Jasir Asanin dhe Mario Mitajn, dy nga më të dalluarit deri tani.
Pa harruar Marvin Cunin, Mirlind Dakun dhe Arbnor Mujën. Këta dy të fundit ishin pjesë e Kosovës më parë, ndërkohë tani kanë luajtur 3 ndeshje me kuqezinjtë.

E njëjta situatë edhe me Amar Gërxhaliun, për të cilin mësohet se pëlqehet nga stafi i Kombëtares. Mbrojtësi shtatlartë është ftuar nga Kosova në muajin qershor, por nuk arriti që të debutonte, teksa në shtator luajti një ndeshje me Kosovën U-21, ndërkohë më parë ka qenë edhe një ndeshje pjesë e Shqipërisë U-18, duke u aktivizuar vetëm një ndeshje.

Aktualisht prapavija e Kombëtares po kalon një moment shumë të mirë, duke mos pësuar gol në pesë ndeshjet e fundit në shtëpi, dhe në tetë ndeshje ka nxjerrë topin vetëm tri herë nga rrjeta.

Megjithatë, Gërxhaliu është në orbitën e stafit kuqezi dhe në të ardhmen pritet që t’i rezervohet një ftesë për t’u bashkuar me Shqipërinë.

Një sapun kundër kancerit të lëkurës! Një risi mbresëlënse që u prezantua së fundmi në “Young Scientist Challenge”. 14-vjeçari Heman Bekele krijoi një sapun me përbërës kundër melanomas, gjë për të cilën u nderua me çmimin e parë dhe 25 mijë dollarë.

Bekele ka lindur në Etiopi dhe ka emigruar në SHBA bashkë me familjen kur ishte 4 vjeç. Që i vogël ai ishte i dhënë pas shkencës, madje në shkollën fillore i kushtonte një orë çdo të Premte, duke i zhvilluar më tepër idetë e tij.

“Krijoja programe lojërash, më pëlqente shumë”, shprehet ai. Por si e krijoi sapunin?

“I kam studiuar shumë mirë kimikatet dhe jam përpjekur mos t’i përdor. E veçanta e këtij sapuni është se nëse hidhet në treg, do ketë një çmim tejet të përballueshëm”, shtoi ai.

Bekele shton se sapuni kurativ i lindi si ide kur dëgjonte për problemet e shumta që kishin njerëzit gjatë verës me rrezet e diellit, apo rastet kur diagnostikoheshin me kancer lëkure vetëm si pasojë e ekspozimit ndaj solucioneve të gabuara.

Heman ka siguruar tashmë një ‘patentë’ për sapunin e tij, i cili tani është në pritje të miratimit të FDA, në mënyrë që, nëse gjithçka shkon mirë, mund të dalë në treg në vitin 2025./tvklan.al