Category: Lajme

Ish-kryetarja e LSI-së Monika Kryemadhi në një intervistë televizive ka folur për kallëzimet ndaj saj në SPAK, por edhe për sendet e sekuestruara.

Gazetari: E keni apeluar një proces gjyqësor në GJKKO. Për çfarë bëhet fjalë?

Monika Kryemadhi: Ka të bëjë me një send i cili ka të bëjë lidhje me kallëzimet e mija, kjo është, do të keni në të ardhmen…

Gazetari: Pra, SPAK i ka sekuestruar diçka Monika Kryemadhit?

Monika Kryemadhi: Po ka marrë një send i cili ka të bëjë me kallëzimet e mija.

Gazetari: A jeni e shqetësuar ju për këtë send?

Monika Kryemadhi: Fare, përkundrazi, nëse ai send do të merret si provë do t’i shtohet më shumë kallëzimeve dhe argumenteve të mija që unë kam menduar se do t’i nxirrja pak më vonë

Gazetari: Është marrë në shtëpinë tuaj apo në një ambient tjetër?

Monika Kryemadhi: Nuk ka rëndësi!

Kryemadhi: Kallëzimet penale që janë bërë ndaj meje dhe familjes sime nga rrogëtarë të Erion Veliajt. Njëri është një i ashtuquajtur avokat që është i dënuar nja 8 herë për mashtrim dhe falsifikim, një tjetër është rrogëtar i Bashkisë së Tiranës. Ato janë në një proces.

Gazetari: A jeni e shqetësuar për këto kallëzime?

Monika Kryemadhi: Jo fare nuk më shqetësojnë. Pasi nuk kam asgjë për të fshehur dhe të gjitha janë fake, sepse off-shoret e Qipros, dhe paratë ruse janë rrëzuar automatikisht edhe mediatikisht. Por unë do të krijoj të gjithë infrastrukturën qeverisë shqiptare pasi më pas vijnë edhe dëmshpërblimet financiare qe me “Top Channel” që e kam nisur kërkesën për dëmshpërblim me 400 000 euro dhe do të vijnë duke u rritur, dhe bashkëpunimi im me drejtësinë do të jenë maksimale. Kjo është një Strategji e imja ligjore dhe financiare, sepse këta njerëz të cilët kanë bërë padi të rreme do të përgjigjen financiarisht.

Me një amendament të ri të dorëzuar nga Ministri i Emigracionit dhe Azilit, Dimitris Kairidis, Greqia parashikon që emigrantët nga vendet e treta, të cilët kanë qëndruar në vend pa leje për tre vjet deri më 30 nëntor 2023, tani kanë të drejtë të marrin një leje qëndrimi të ligjshme nga Sekretariati i Administratës së Decentralizuar.

Deri më sot emigrantët e paligjshëm, pra ata që nuk kishin aplikuar për azil ose ju ishte refuzuar kërkesa, mundeshin vetëm në kushte shumë strikte të kërkonin leje qëndrimi dhe veçanërisht vetëm nëse plotësonin 7 vite pranie të vazhdueshme në vend.

Tashmë thjeshtësohen kushtet dhe ata që kanë hyrë ilegalisht deri më 23.11.23 dhe kanë 3 në vend të 7 viteve marrin leje të posaçme qëndrimi, si për vete ashtu edhe familjarët e tyre.

Ky zhvillim duket se lidhet me faktin se punëdhënësit grekë kanë presion për të gjetur fuqi punëtore, kryesisht për punët bujqësore dhe qeveria ndërhyn me vendosmëri në këtë çështje pasi bëhet fjalë se kjo masë përfshin rreth 30.000 të punësuar.

Nisma legjislative e Ministrisë së Punës dhe Sigurimeve Shoqërore dhe Ministrisë së Emigracionit dhe Azilit, thuhet se sjell rregull në kaosin që ekzistonte dhe lufton paligjshmërinë dhe punën në të zezë, pasi për herë të parë lidhet leja e qëndrimit me ofertën e punës.

Leja do t’u jepet vetëm atyre që kanë një ofertë pune dhe mund të dëshmojnë se janë duke punuar dhe do t’u hiqet kur punësimi ndërpritet për çfarëdo arsye.

Gjithashtu ky projektligj:

Nuk legalizon dhe nuk u jep të drejta rezidentëve jo-ligjorë në Greqi, përveç atyre që kanë akses në tregun e punës dhe banojnë për 3 vite përpara datës 30 nëntor të këtij viti.

Nuk i jep as të drejtën e bashkimit familjar, as natyrisht të qëndrimit të përhershëm apo aq më tepër shtetësinë, siç ndodh në Gjermani.

Leja specifike varet nga ekzistenca dhe vazhdimi i punës së deklaruar nga përfituesi.

Marrëveshja i përgjigjet kërkesave të tregut të punës por edhe konkurrencës intensive që ka lindur nga vende të tjera evropiane, si Italia, për punëtorët e tokës dhe në përgjithësi për punëtorët me kualifikim të ulët dhe të mesëm.

Andi Bushati vë një studio televizive foli për hetimet e politikanëve nga SPAK dhe faktin që i gjithë fokusi është te krerët e opozitës, ndërkohë që aferat e mëdha po kalohen si vepra të zyrtarëve të niveleve të ulëta.

Bushati tha se në korridoret mediatike, po flitet për një arrestim të mundshëm të Metës ose Kryemadhit dhe se ai mund të ndodhë në ditët në vijim. Sipas analisit, ekziston mundësia që ta mbyllim vitin me krerët e opozitës në burg.

“Këtu do të zbatohet projekti i Ramës, ambasadës amerikane dhe SPAK për asgjësimin e opozitës.

Çfarë ka bërë kjo mazhorancë? Përgatitën ligj, se kush ka qenë sekretar partie nuk ka të drejtë të kryesojë parti. Metën donin ta shkarkonin me Gjykatën Kushtetuese, pastaj i thanë spiun dhe përgatitën ligj që spiunët nuk do të jenë më në politikë. Pastaj Sali ziun e sorollasin për vulë. Pastaj i thanë nuk ke të drejtë për komisionerë. Ore, mundet ta shohësh këtë SPAK si një mish të huaj në një autokraci ku gjithçka është programuar për asgjësimin e opozitës?

Duhet të më duket vetja shumë idiot dhe shumë naiv të mos i shoh këto gjëra të lidhura. Ziejnë të gjithë gazetarët, që hë me sot dhe nesër, do të marrin Monikën apo do të marrin Ilirin…

Nëse e mbyllim këtë vit me liderin kryesor të opozitës në arrest shtëpie. Nëse e mbyllim ose me burrin dhe ose me gruan, të partisë së dytë më të madhe dhe me përfaqësuesin më përfaqësues të minoritetin më të madh në Shqipëri, në qeli, ju të më thoni se kjo është demokraci dhe këtu mund të bëjmë edhe drejtësi të pavarur? Këtë fabul nuk e kapërdij dot”, tha Bushati.

Ndërron jetë tragjikisht në skenë këngëtari në Brazil. 30-vjecari, Pedro Enrique po performonte të mërkurën kur u rrëzua papritur dhe vdiq në skenë.

Në videon që tashmë është bërë virale kudo, shihet këngëtari teksa rrëzohet dhe jep frymën e fundit.

Enrique u dërgua në një spital por mjekët nuk ishin në gjendje të bënin asgjë për ta shpëtuar.

Sipas kompanisë diskografike të këngëtarit 30-vjeçar, ai humbi jetën si pasojë e një ataku kardiak

Një çift nga Tenesi në SHBA dhe dy fëmijët e tyre po kërkojnë një shtëpi të re pasi një tornado e madhe përfshiu komunitetin e tyre duke hedhur tej edhe fëmijën e tyre 4 muajsh, i cili u gjet i gjallë në një pemë aty pranë.

Sydney Moore, i dashuri i saj dhe fëmijët e tyre ishin brenda shtëpisë së tyre të shtunën e kaluar në Clarksville kur tornadoja, e cila la gjashtë persona të vdekur dhe shumë të plagosur, u goditi në Montgomery County.

Moore tha se tornado, e cila shkatërroi shtëpinë e çiftit dhe sende të tjera, mori fëmijën e saj 4 muajsh, i cili arriti t’i mbijetonte ngjarjes së tmerrshme.

“Diçka brenda meje më tha të vrapoja dhe të hidhesha mbi djalin tim”, tha Moore për ËSMV Neës të Nashville teksa rrëfeu përpjekjet e saj për të mbrojtur fëmijën e saj të madh, një 1-vjeçar. “Në momentin që u hodha mbi të, muret u shembën”.

Duke kujtuar se çfarë ndodhi saktësisht atë mbrëmje, Moore tha se i dashuri i saj mundi të shihte tornadon që shkatërronte shtëpinë e tyre.

“Çatia u hoq e para, maja e tornados zbriti dhe mori karrocën me foshnjën tonë”, tha ajo. “Ai ishte gjëja e parë që u ngrit në ajër.

Moore tha se i dashuri i saj u përpoq të shpëtonte foshnjën dhe përfundoi duke u hedhur nga shtëpia së bashku me foshnjën, e cila ishte në gjumë në atë kohë.

Pavarësisht rrethanave, Moore tha se ajo dhe familja e saj ishin në gjendje të shpëtonin nga rrënojat dhe të kërkonin fëmijën e tyre, duke pasur frikë nga më e keqja.

Pas rreth 10 minutash kërkimi, Moore tha se ajo dhe i dashuri i saj e gjetën foshnjën të gjallë në një pemë.

“Mendova se ai kishte vdekur”, tha ajo. “Isha shumë e sigurt se ai kishte vdekur dhe ne nuk do ta gjenim. Por ja që ishte gjallë, dhe kjo është falë Zotit”, rrëfeu nëna e re.

“Unë do të vdisja për fëmijët e mi. Kjo nuk diskutohe, dhe i dashuri im do të bënte të njëjtën gjë”, shtoi Moore.

Moore dhe familja e saj mbetën me pak ose aspak sende personale pas incidentit tragjik, por komuniteti thuhet se është mbledhur për t’i mbështetur.

Masoneria është në mënyrë të padiskutueshme një prej fenomeneve globale më të diskutara.

Mes vërtetësisë së fakteve historike dhe konspiracioneve të ndryshme që lidhen mbi figurën e masonëve, misticizmi i ka karakterizuar gjithnjë grupimet tashmë jo sekrete, por në grupe të mbyllur njerëzish.

Për të folur me detaje lidhur me masonerinë dhe masonët në Shqipëri, i ftuar në Vizion Plus ishte masoni Marin Meksi.

Meksi tregoi se si ka lindur masoneria dhe thotë se ndaj masonëve është hedhur një petk i errët për faktin se është i veshur me mister.

Meksi: Masoneria është një temë shumë e diskutueshme dhe gjithmonë ka polemika e diskutime. Gjithmonë vishet me një petk të mistershëm. Në fakt lidhet me urdhin më të vjetër që njeh historia e njerëzitmit, ka qenë balanca e të keqes, ku gjithmonë bota është drejtuar nga pushtetet e centralizuara në dorën e një personi ose disa personash që kanë qenë kundër humanizmit. Baraspesha e këtyre të këqijave të mëdha është masonerisa. Në kohën kur ndërtoheshin zeje, u bashkuan mendjet më të ndritura. Kështu lindi masoneria, ndërkohë duke qenë se ka qenë armiku kryesor i këtyre pushteteve totalitare ka hedhur një petk të zi mbi armikun e tyre kryesor. Ndaj perceptimi kryesor për masonerinë është një percepptim negativ, duke qenë se është hedhur ky petk i errët dhe është i veshur me mister.

Meksi tha se nuk ka asnjë lidhje mes masonerisë dhe Djallit. Drejt tyre është tentuar të hidhet çdo e keqe dhe sipas tij, masoneritë e kanë kasur dhe ende e kanë të vështirë që të mbrohen.

Meksi: Sot masonët ne i kemi të dukshëm, kanë selitë e tyre, flamujt e tyre, ka masonë që janë të identifikuar si të tillë, por është e ndaluar që ti të identifikosh diçka tjetër. Kjo vjen për shkak të këtij opinioni që është krijuar. Ka pasur dhe sulme agresioni ndaj masonëve. Shpesh herë janë dhe besimet që mendojnë se masoneria është besim, madje besim në të kundërtën e krijuesit. Këto gjëra nuk janë të vërteta. Nuk ka asnjë lidhje mes masonerisë dhe Djallit. Është tentuar të hidhet çdo e keqe e mundshme drejt masonerisë. Masonët as nuk kanë mundur të mbroheshin. Edhe sot e kësaj dite është e vështirë.

Ka disa rregulla për të hyrë në masoneri dhe nëse i kalon, Meksi sqaron se ka një akademi të tërë që të bën ty një njeri më të mirë.

Meksi: Në masoneri hyhet për të kontribuuar dhe jo për të përfituar. Ka disa rregulla, ti kalon filtra shumë të rëndësishëm për tu bërë mason. Më pas votohesh dhe nëse kalon ka një akademi të tërë që të bën ty një njeri më të mirë. Fëmijët e masonëve nuk janë masonë, por kanë predispozitën për tu bërë masonë. Masoneria funksionon si një vëllazëri.

Çfarë janë pasaportat masonike?

Pasaportat masonike në të vërtetë nuk kanë rolin e një pasaporte udhëtimi, por në to jetëzohet i gjithë rrugëtimi i një masoni.

Meksi: Duhet të kemi parasysh diçka, sepse ka shumë njerëz që pretendojnë se janë masonë, por ka dhe shumë loza masonike false. Nëse bëhesh mason nuk zhbëhesh më kurrë. Ti vendosesh në gjumë, pra mohimi i dëgjimit, shikimit dhe të folurit, ky është dënim shumë i madh. Kurrsesi nuk të privohet ndjesia e energjisë, çfarëdo të kesh bërë. Nuk ka asnjë rast cedimi. Dhe pse këta janë njerëz të zgjedhur, nuk cedojnë sepse askush nuk mund të pranojë të cedojë nga këto lloj privilegjesh. Qëllimi përfundimtar i masonerisë është që në ktë strukturë të krijojë të ashtuquajturin rendi i ri botëror. Pasaporta është simbolike. Ky dokument shërben për historikun tënd si mason. Në këtë pasaportë shënohen me vula të gjitha punimet e një masoni. Është si një lloj ditari. Nuk është se udhëton apo ka funksionin e një pasaporte. Ka historinë tënde brenda këtij masoni.Ritalet janë simbolike, shumë të lashta dhe shumë të bukura. Masoneria ka ekzistuar përmes sibmolikës. Sot ne ndjekim të njëjtat ritale antike dhe lidhen ngushtë me të qënësishmen.

Pse nuk ka gra?

Meksi: Ka pasur dhe ka. Çështja është që kur ka lindur masoneria, lozhat kanë qenë mikse, dhe me femra dhe me meshkuj, por gjatë torturave femrat kanë qenë më të ndjeshme dhe ka dalë sekreti masonik. Sot janë hapur sërish lozhat mikse.

A ka lidhje iluminati me masonerinë?

Meksi: Iluminati është pjesë e masonerisë. Nuk ka pasur lidhje as iluminati as vetë masoneria me satanizmin. Nuk mund të jesh mason nëse nuk beson në Zot. Se në cilin Zot beson, ne e kemi të lirë. Por të gjithë jemi të detyruar të besojmë diçka më të madhe, që e quajmë “Arkitekti i madh i universit”. Ateistët nuk mund të jenë pjesë e masonerisë. Ndaj mund të them që ka abuzime pa fund.

Deputeti i Partisë Sociliste, Erion Braçe ka bërë ironi në lidhje me uljen e çmimit të karburanteve që është bërë në vend pas disa ditësh.

Braçe thotë se çmimi i naftës ka shkuar në 189 lekë, duke thënë se tregëtarët kanë vënë “dorë në në zenër” për qytetarët dhe kanë ulur çmimet

Sipas Braçes çmimi që ëhstë sot duhet të ishte 26 fitë më parë, teksa shkruan se nafta ndryshon nga një pikë karburanti në tjetër.

“Ajo që më bën pershtypje ka të bëjë me faktin se, nga Tirana në dalje të Kavajës, gjej cmime që fillojnë me 182 leke per liter, 100 metra me poshte 192 leke e ne keto pikat e kompanive te medha 189 leke per liter”, thotë Braçe ndër të tjera.

Postimi i plotë:

PO CESHTE KY FAT?

TREGTARET E NAFTES KANE VENE DOREN NE ZEMER DHE KANE ULUR CMIMIN NE 189 LEKE PER LITER!!

Po si ka mundesi qe e bene?

Shikoni, nga disa llogari te shpejta bere me standardin e bordit qe ishte kohe me pare, KY CMIM DUHET TE ISHTE I TILLE-KAQ, 26 DITE ME PARE, 26 DITE ME PARE!

Por perseri ajo qe me ben pershtypje ka te bej me faktin se, nga Tirana ne dalje te Kavajes, gjej cmime qe fillojne me 182 leke per liter, 100 metra me poshte 192 leke e ne keto pikat e kompanive te medha 189 leke per liter!

Një përplasje e rëndë mes të burgosurish në “Koridhalo” në Greqi ka përfunduar me dy të plagosur.

Ka qenë një 28 vjecar i burgosur, kombësia e të cilit për momentin nuk bëhet e ditur, i cili ka goditur me thikë në kraharor, qafë dhe krah një të burgosur shqiptar 52 vjec duke e plagosur.

Sapo kanë parë skenën, të burgosur të tjerë kanë goditur autorin në kokë dhe trup duke e lënë edhe atë të plagosur.

Gardianët kanë neutralizuar 28 vjecarin duke i sekuestruar një thikë dhe një celular të thyer. Të dy të plagosurit janë derguar në klinikën e burgut ku i është dhënë ndihma e parë.

Kundërshtimi i Gjermanisë ndaj bllokadës që Greqia i ka bërë Shqipërisë për hapjen e kapitujve me BE-në, mesa duket nuk ka kapërdihet lehtë në Athinë.

Prestigjiozja greke “Kathimerini” ka bërë një artikull të titulluar “Berlini, Edi Rama dhe prapaskenat”, duke analizuar faktin përse Kancelari gjerman Olaf Scholz mbështet anëtarësimin e Shqipërisë dhe është kundër vetos që ka vendosur Greqia.

“Mbështetja e Kancelarit Olaf Scholz për procesin e anëtarësimit të Shqipërisë, ndërkohë që ai ishte në dijeni të vetos greke që lidhet me betimin e kryebashkiakut të zgjedhur të Himarës, nuk ishte një rrufe në Athinë. Javët e fundit kanë mbërritur mesazhe nga Berlini dhe Uashingtoni që Athina duhet të tregojë se po negocion me Ramën. Përgjigjia nga Athina ishte e njëjta, që Fredi Beleri të betohet, të ketë një gjykim të drejtë dhe të respektohet prezumimi i tij i pafajësisë”, shkruan “Kathimerini”.

Sipas analizës së të përditshmes greke, ekzistojnë 2 arsye përse Kancelari gjerman shprehu hapur kundërshtimin e tij ndaj Greqisë.

“E para ka të bëjë me investimin e vetë Shqipërisë në reformimin e drejtësisë dhe të sundimit të ligjit në vend. SPAK-u, që nuk lejoi Fredi Belerin të betohet, është një organ i formuar me frymë anglo-saksone dhe financim e mbështetje gjermane. Prokurorët janë trajnuar në akademinë e FBI-së në Quantico në Virxhinia të SHBA-së, por edhe në Mbretërinë e Bashkuar në Londër. Si për amerikanët, ashtu dhe për gjermanët, SPAK është shembulli më i suksesshëm i reformës në drejtësi në Ballkanin Perëndimor”, vijon Kathimerini, që shkon më tej duke shkruar se “as nuk e kuptojnë që (SPAK) mund të bëhet mjet shfrytëzimi politik dhe që nxjerr në pah kryesisht naivitetin e Perëndimit për situatën në Shqipëri”.

Sa i përket arsyes së dytë të kundërshtisë gjermane, sipas Kathimerini, është më së shumti politik dhe më pak teknik.

“Gjermania e kishte shprehur pakënaqësinë që në Gusht kur Kryeministri grek Mitsotakis organizoi samitin e Ballkanit Perëndimor në Athinë, me pjesëmarrjen edhe të Presidentit ukrainas, por nuk ftoi Kryeministrin Edi Rama. Disa javë më vonë në Tiranë u mbajt samiti i Procesit të Berlinit. Një arsye kryesore, që tregon gjithashtu përpjekjen shpesh të nxituar gjermane, është situata në Ballkanin Perëndimor pas Shkurtit të vitit 2022 të pushtimit rus në Ukrainë. Gjermania, e cila deri atëherë kishte hezituar, u kthye fuqishëm në anën e atyre shteteve që dëshirojnë integrim të shpejtë dhe të menjëhershëm (dhe pa shumë kushte) në BE të Shqipërisë dhe Maqedonisë së Veriut”, shkruan ndër të tjera “Kathimerini”.

E përditshmja greke e mbyll artikullin duke thënë se në kampin shqiptar, qeveria mban tone të ulëta. “Një ditë më parë në një konferencë për shtyp, Kryeministri Rama e cilësoi Mitsotakisin mik dhe theksoi se sipas tij çështja Beleri mund të zgjidhet mes dy shteteve dhe jo përmes BE-së”, thekson Kathimerini.

Në samitin e mbajtur në Bruksel mes BE-së dhe Ballkanit Perëndimor dy ditë më parë, Greqia u bë pengesë për Shqipërinë duke mos firmosur hapjen e kapitujve, edhe pse shumë shtete europiane vlerësuan progresin e vendit tonë.

Faqja zyrtare “Integrimi Evropian”, që ka për qëllim ofrimin e informatave për rrugën e Kosovës drejt Integrimit Evropian, ka njoftuar për dokumentet që nevojiten për të udhëtuar pa viza në zonën Shengen. Shtetasit me origjinë nga Kosova do të mund të udhëtojnë pa viza nga 1 janari i vitit 2024.

Sipas këtij njoftimi, dokumentet që nevojiten janë: Pasaportë biometrike, e vlefshme për të paktën tre muaj pas datës së largimit nga zona Shengen.

-Informata të sakta mbi vendin dhe qëllimin e udhëtimit

-Dëshmi mbi qëndrimin si rezervim i hotelit/apartmenit apo kontaktet e të afërmve ku do të qëndroni

-Detajet e udhëtimit, duke përfshirë rezervimin e biletës kthyese

-Nëse udhëtoni me automjet, dokumentet e nevojshme të automjetit

-Dëshmi se keni mjete të mjaftueshme financiare

Në një postim më herët, faqja ka njoftuar edhe për mjetet financiare që nevojiten.

“Nëse deklaroni se do të qëndroni tek të afërmit tuaj duke ofruar adresën dhe kontaktin e tyre, varësisht se cilin shtet e vizitoni, shuma e mjeteve është rreth 30 – 50 EUR në ditë për person. Nëse deklaroni se do të qëndroni në një hotel apo apartment apo çfardo akomodimi tjetër me pagesë, varësisht se cilin shtet e vizitoni, shuma e mjeteve që duhet të ofroni si dëshmi financiare është rreth 50 – 100 EUR në ditë për person”.