Category: Lajme

“Të dënosh Hamasin për atë që është (ISIS) nuk do të thotë të jesh kundër Palestinës”Qeveria izraelite i dha përgjigjen e saj Gigi Hadid, për postimet që ajo bëri në favor të popullit palestinez.Modelja e njohur me origjinë palestineze ka publikuar pak ditë më parë një histori në llogarinë personale në Instagram, ku shkruante: “Dënimi i qeverisë izraelite nuk është antisemite dhe mbështetja e palestinezëve nuk është mbështetje për Hamasin”.

“Nuk ka asgjë të guximshme në masakrën e Hamasit ndaj izraelitëve. Të dënosh Hamasin për atë që është (ISIS) nuk do të thotë të jesh kundër Palestinës dhe mbështetja e izraelitëve në të drejtën e tyre kundër terroristëve barbarë është veprimi i duhur”, shkroi në Instagram qeveria izraelite.

Më pas, në një tjetër deklaratë në Instastory, qeveria izraelite u shpreh: “@gigihadid, a ke fjetur gjatë javës së kaluar? Apo ke mbyllur një sy për foshnjat hebre që po masakrohen nëpër shtëpitë e tyre? Heshtja jote ka treguar qartë se në krahun e kujt qëndron. Ne të shohim”.Në një tjetër postim, qeveria publikoi dhomën e përgjakur të një fëmije, me mbishkrimin: “Nëse nuk e dënon këtë, fjalët e tua s’thonë asgjë”.

Javën e kaluar, modelja me origjinë palestineze, denoncoi dhe dënoi “terrorizmin ndaj njerëzve të pafajshëm”, pas sulmeve të Hamasit dhe Izraelit.

Hadid shpjegoi se vërtet ajo ka “ndjeshmëri të thellë dhe i thyhet zemra për luftën palestineze dhe jetën e tyre nën pushtim” (territoret palestineze janë pushtuar ushtarakisht nga Izraeli që nga viti 1967), por ajo gjithashtu ndjen një përgjegjësi ndaj miqve të saj hebrenj.

Modelja u sigurua të vinte në dukje se “shpresat dhe ëndrrat e saj për palestinezët” nuk përfshijnë “dëmtimin e një personi hebre”.

“Terrorizimi i njerëzve të pafajshëm nuk është në përputhje dhe nuk i bën asnjë të mirë lëvizjes ‘Palestina e Lirë’”, tha ajo.

“Kjo ide [e gabuar] ka nxitur një cikël të dhimbshëm, dekada hakmarrjeje nga të dyja palët (në të cilat asnjë civil i pafajshëm, palestinez apo izraelit, nuk e meriton të jetë viktimë) dhe ndihmon në përjetësimin e idesë së rreme që të jesh pro Palestinës do të thotë të jesh kundër hebrenjve.”

Gigi shtoi se beson se “çdo njeri meriton të drejtat themelore, trajtimin dhe sigurinë; pa marrë parasysh kombësinë, fenë, përkatësinë etnike ose vendin ku kanë lindur.”

Si Gigi ashtu edhe motra e saj, Bella Hadid, kanë qenë avokate të zëshme të Palestinës për shumë vite. Babai i tyre, Mohamed Hadid, është me origjinë palestineze, ndërsa e ëma, Yolanda, është nga Holanda.

Opinioni publik në Francë është tronditur pas arrestimit të një 44-vjeçari, i cili akuzohet për përdhunimin e dy të moshuarave, 93 dhe 95 vjeç, të cilat ndodheshin në spital dhe njëra prej të dyve vdiq më pas nga një atak në zemër.

44-vjeçari Samir B. u arrestua të shtunën pasi hyri në dhomat e dy viktimave të tij në klinikën e spitalit Argenteuil në periferi të Parisit.
Policia është lajmëruar nga 95-vjeçarja e cila ka denoncuar në stafin e spitalit se ishte dhunuar nga 44-vjeçari.Sipas Daily Mail, 44-vjeçari Samir u arrestua teksa po dilte nga dhoma e 93-vjeçares në orën 4:30 të mëngjesit të së shtunës.

Siç u konstatua nga hetuesit, në çarçafët e krevatit të 93-vjeçares u gjetën gjurmë të spermës së 44-vjeçarit.
93-vjeçarja, e cila thuhet se vuante nga probleme psikologjike, nuk u ndje mirë pasi u përdhunua dhe pësoi një atak në zemër disa orë më vonë në orën 7 të së shtunës.
Samir B. ishte i njohur për autoritetet franceze për akte të dhunës seksuale, ndërsa nuk dihet nëse do të akuzohet edhe për vdekjen e 93-vjeçares./Albeu.com/

Heidi Baci shqiptarja që u bë pjesë e “Grande Fratello” ka lënë në mes garën pas takimit që zhvilloi gjatë spektaklit me babanë e saj.

I ati ishte kundër afrimitetit të së bijës me Massimiliano Varrese një tjetër konkurent në Grande Fratello dhe i kërkoi asaj të kthehej në shtëpi.

“Mami është e sëmurë, ai është plak dhe të keqtrajton. Eja me mua.Unë nuk të njoh më dhe nuk të shoh më siç ishe më parë. Ti më dukesh si një person tjetër. Nuk ke mundur të krijosh një mur me një person që të vuri nën presion”, tha Genti, babai i Heidit.

Ai më tej shtoi se nëna e saj nuk e ka ndjekur më dhe nuk e ka mbështetjen e saj në këtë rrugëtim. “Nëna nuk të ka parë më që nga ai moment. Nuk lejoj njeri të sillet keq me vajzën time dhe ti e di.

Nuk lejoj njeri të shkelë dinjitetin tënd. I kam premtuar mamit se do të çoj në shtëpi sonte sepse ti nuk mund ta nënvlerësosh gjendjen e saj shëndetësore”, vijoi babai i konkurrentes.

Pas këtij momenti Heidi i kërkoi ndjesë të atit dhe la shtëpinë e famshme duke i thënë produksionit se e kishte marrë këtë vendim për arsye personale.

14 Miliard Lekë nga taksat e qytetarëve të Tiranës ka kushtuar rikonstruksioni i Piramidës. Kjo shumë e frikshme i është dhënë oligarkut Shkëlqim Fusha nga Erion Veliaj në shkelje totale të ligjit të Prokurimeve Publike.

“Piramida do të jetë endra më e madhe për mësimin dhe trajnimin digjital për fëmijët e së ardhmes”,-u shpreh Veliaj në përurimin e saj… por duket se pas disa muaj gjërat kanë ndryshuar.

Kryebashkiaku e ka vënë në funksion të tij hapësirën që supozohej t’u shërbente fëmijëve për të zhvilluar aktivitete mësimore e digjitale. JOQ ka zbuluar ekskluzivisht se kati i parë i piramidës do i jepet prezantueses Arbana Osmani për të hapur aty bar-restorantin e saj.

Llogaritë e fshehta të Veliajt pas çdo propagande për sy të popullit, herët e vonë bëhen publike si në këtë rast ku e ka vënë hapësirën publike në shfrytëzim të tijin personal.

Një qokë e majme kjo për Osmanin, e cila prej kohësh është vënë në rreshtin e personazheve publike, kolegë të saj që plotësojnë show-n e shtirur të Veliajt.

Para dy ditësh, pra më 15 tetor, Sali Berisha festoi 79-vjetorin. Por ditëlindja e tij zyrtare, e regjistruar në regjistrin kombëtar të gjendjes civile, është 1 korrik 1944.

Kjo ditëlindje është mbartur në gjithë dokumentacionin zyrtar të tij dhe shpeshherë ka qenë problem dhe për të dhënat në shumë kancelari perëndimore.

Vetë Sali Berisha pretendon se e ka ditëlindjen më 15 tetor, por shumë bashkëkohës të tij thonë se Berisha ka filluar të festojë ditëlindjen më 15 tetor pas vitit 1974, kur kishte forcuar lidhjet me diktaturën dhe ishte sekretar partie. Dëshira e tij që ditëlindja të ishte afër ditëlindjes së Enver Hoxhës mund të jetë një shkak.

Sidoqoftë regjistri i gjendjes civile të vitit 2008, (siç e shikoni tek fotot) e ka atë të regjistruar me ditëlindjen 1 korrik 1944. Faktet e këtij mashtrimi të Sali Berishës i ka nxjerrë dhe gazetari Artan Hoxha. Ai gjithashtu ironizon në rrjetet e tij sociale dhe zbardh një bisedë sipas tij, nga interceptimi i telefonatës që u be rastësisht nga aparatura e përgjimit ambiental me të cilën policia po përgjonte bisedat e grevisteve të urisë.

Gazetari Hoxha shprehet se Berishës i është thënë se mos harxho për ditëlindjen se dy metra ke për të marrë si gjithë të tjerat. Në këtë mesazh, Hoxha i zbulon dhe krimet Berishës, duke i përmendur Remzi Hoxhën, Gërdecin, 21 Janarin, thyerjen e varreve në Tropojë. “Nga interceptimi i telefonatës që u be rastësisht nga aparatura e përgjimit ambiental me te cilën policia po përgjonte bisedat e grevisteve te urisë, AI (zoti) “ne variantin tim Haxhi Bektashi” i tha sebebçiut qe pretendonte se sot ka ditëlindjen dhe kishte komunikuar me te nëpërmjet një vegimi se: “Mos harxho me shume se te shkon rende, 2 metra dhe ke për të marrë si gjithë të tjerët. Sa për qivurin nuk te garantoj dot, do te duhen shume roje për ta ruajtur,… siç ke thyer varre(Në Tropojë), varrin do ta thyejnë, siç ke zhdukur eshtra (Remzi Hoxha), eshtrat s’kanë për t’i lënë rehat, siç ke bërë me fëmijët e nipat e të tjerëve(1997-ta, Gërdeci, 21 janari, etj), ashtu do te gjesh me fëmijët e nipat e tu…me shume respekt Haxhi Bektash Veliu”, thuhet në postimin në rrjetet sociale të gazetarit Artan Hoxha.

Çfarë po ndodh tani me Berishën?

Edhe pse tashmë 79 vjeç, Berisha ka pretenduar së fundmi se do të rikthehet më fuqishëm se kurrë njësoj si skuadra e futbollit të Shqipërisë e cila po korr sukses pasi është me një këmbë drejt Europianit që do të mbahet në Berlin vitin tjetër në Korrik. I angazhuar çdo ditë në politikë me konferenca e takime, Berishën e shqetëson diçka tjetër. Ish-kryeministri po kalon periudhën e tij më të vështirë në politikë, shënjuar nga një sagë skandalesh nga më të rëndat, shtrirë në një hark kohor prej tre dekadash. Sot Berisha është pa parti, pa seli, pa vulë dhe pa sigël. Ishin amerikanët që shpëtuan partinë opozitare më të madhe në vend nga “kthetrat” e Berishës, i cili e shfrytëzonte PD për qëllimet e tij personale dhe jo në të mirë të demokratëve, apo qytetarëve.

Jo vetëm kaq, prej disa muajsh Berisha që vitin tjetër mbush plot 80 vjeç, është “salduar” në foltoren e selisë blu (SHQUP) të uzurpuar me dhunë, teksa çdo ditë bën avokatin e djalit dhe dhëndrit të tij. SPAK po “i qep” dosjet familjarëve të tij dhe këtë e konfirmoi pak kohë më parë dhe Altin Dumani. Bëhet fjalë për aferën e privatizimit të ish-kompleksit “Partizani” dhe tragjedia e “Gërdecit”.

Berisha kur është pyetur pak javë më parë nëse i druhet aksionit të SPAK, ndaj tij, por dhe fëmijëve të tij ka marr në mbrojtje Shkëlzenin dhe Argitën, duke deklaruar se mban ai përgjegjësi nëse kanë kryer shkelje kur ai ishte në pushtet.

Njëmbëdhjetë ditë pas masakrës nga persona të armatosur të Hamasit në jug të Izraelit, histori të ndryshme kanë mbushur rrjetet duke përfshirë atë të një çifti që u vranë tre ditë para fejesës së tyre dhe atë të një familjeje prej pesë anëtarësh, anëtarët e së cilës u gjetën të përqafuar në vendin ku u vranë.

Aviv Kuz, 54 vjeç, u gjet duke përqafuar gruan e tij 49-vjeçare, Livnat, vajzën e tij 19-vjeçare, Rotem, dhe djemtë e tij 17-vjeçarë, Yonatan dhe Yiftach, më 7 tetor, ditën kur persona të armatosur të Hamasit filluan sulmet.

“Ne do t’i vizitonim ata ditën që u vranë,” tha tezja e fëmijëve, duke treguar se si familja ishte kthyer së fundmi në Izrael nga Bostoni, ku jetonin prej vitesh.

Gruaja e tij, Livnat, e cila së shpejti do të mbushte 50 vjeç, lindi gjatë Luftës së Yom Kipur të vitit 1973, e cila është krahasuar me krizën aktuale për dështimin e shërbimeve të inteligjencës izraelite.

Vajza e tyre Rotem ishte pjesë e forcave të armatosura izraelite dhe trajnonte rekrutët, ndërsa Yonatan dhe Yiftach ishin në një shkollë me konvikt pranë Tel Avivit dhe luanin basketboll në programin e të rinjve të Hapoel.

“Ishin të gjithë fëmijë të mrekullueshëm. Ata kishin gjithë jetën përpara”, tha halla e tyre e shkatërruar.

Ndërkohë, persona të armatosur të Hamasit vranë një çift tjetër, disa ditë përpara fejesës.

/abcnews.al

Autoritetet greke i kanë dhanë fund dramës që një 13-vjeçare përjetoi nga duart e një 18-vjeçari shqiptar.

Sipas medias greke protothema.gr gjithçka ndodhi rreth orës 18: 00 pasditen e djeshme, ku një baba i dëshpëruar së bashku me gruan dhe dy djemtë e tij, i afrohen ekipit të DIAS-s në rrugë dhe i kërkon që t’i gjejnë vajzën, e cila ishte zhdukur që nga dita e enjte, pa dhënë asnjë shenjë jete. Babai tregoi se i ka njoftuar autoritetet, por kërkon dhe ndihmën e njerëzve të DIAS-it, me shpresën për të gjetur sa më shpejt vajzën e tij.

Pasi nisën kërkimet, rreth orës 22:00 autoritetet greke e gjetën vajzën e mitur në zonën e e Omonias, në gjendje të rëndë psikologjike e cila endej e vetme dhe dukej sikur kishte humbur. Oficerët e policisë iu afruan dhe e dërguan në stacionin e policisë në Omonia, ku njoftuan familjarët e saj për ta marrë.

Vajza ishte në gjendje të keqe, qante vazhdimisht dhe fillimisht nuk tregoi asnjë gjë. Më pas policia fitoi besimin e saj, kështu e mitura filloi të tregonte se ishte takuar me një 18-vjeçar shqiptar përmes rrjeteve sociale dhe se ai e kishte çuar në shtëpinë e tij në Colonos të shtunën e kaluar, ku kanë pasur marrëdhënie seksuale.

Pas një hetimi nga EL.AS. 18-vjeçari u gjet dhe u arrestua për joshje të një të mituri dhe shthurje. Vlen të theksohet se i riu akuzohet edhe për krime të tjera si grabitje, vjedhje dhe zhvatje të të miturve.

“Mendoja që për shkak të mentalitetit nuk do lidhesha kurrë me një shqiptar”

Milkjor Gjondrekaj është një i ri shqiptar me origjinë nga Shkodra, që prej vitesh jeton në Itali.

Ai është bërë i njohur në rrjetin social “TikTok”, ku njihet si “Mili mekaniku”, për shkak se ka bërë publik identietin e tij seksual pa komplekse. Mili është gay, ndërsa duke folur në “Shqipëria LIVE”, ai ka deklaruar se kërkon një partner shqiptar.

Ai po ashtu ka treguar se më herët ka qenë i lidhur me një djalë nga Kosova, por gjithçka ka përfunduar mes tyre kur familja e tij e ka detyruar atë të martohet me një vajzë. Mili bëri një deklaratë të fortë, teksa tha se ka shumë shqiptarë që janë gay, por janë të martuar me vajza.

“Në moshën 16-vjeçare kam deklaruar seksualitetin tim, por e kam zbuluar më herët, kur kam qenë 10 vjeç në shkollë, që nga ato kontaktet e para, prekjet, shikimet. Në shkolalt italiane bëhet informimi, çdo gjë, e kisha kuptuar dhe kisha informacion. Familja dhe pridnërit më ndihmonin gjithmonë, më mbështesnin por kjo nga mosha 16 e sipër. Më herët e vuaja përbrenda.

Si veshjet si ferma, apo edhe mënyrat e tjera, mua më pëlqen që jam mashkull, jam mashkull dhe nëse nuk do isha, do isha trans. Por unë jam gay dhe jam mashkull. Njerëzi i imagjinojnë të gjithë gay-t si frikacakë, por unë nuk jam.

Janë shumë që martohen me vajza për ta fshehur identitetin. Lidhjet mbahen shumë të fshehta. Kur je i dashuruar me një mashkull dhe më pas familja të detyron të martohesh me një vajzë, po mashtrohen dy vetë, fillimisht mashtron veten dhe më pas atë vajzën.

Shumica janë njerëz të martuar si hetero, krijojnë një jetë alternative fallco. Unë i respektoj zgjedhjet e të gjithëve, por ata e bëjnë për shkak të mentalitetit. Ata thonë ‘Të ishte për mua do isha martuar me ty, por janë prindërit’. Unë kam pasur shumë kurajo gjithmonë, kam menduar që një jetë kam dhe do e bëj siç dua unë, nuk do vendosë prindi për mua. Normalisht, prindi do kohë ta kuptojë por jeta është e imja, e jetoj unë.

Unë do doja që partneri im të jetë shqiptar. Më tërheq gjithmonë Shqipëria, më parë mendoja që për shkak të mentalitetit nuk do lidhesha kurrë me një shqiptar por tani e di që mund të ndodhë. Dua dikë që të jetë i deklaruar si gay, pasi këto lidhjet e tjera janë mashtrim.

Operacionet policore për të goditur krimin dhe grupet e strukturuara në shumicën e rasteve shoqërohet edhe me sekuestrimin e pasurive të të arrestuarve. Mirëpo këto pasuri po zhduken dita ditës, edhe pse nën mbrojtjen e strukturave shtetërore.

Plot 24 automjete luksoze të grupeve kriminale nuk gjenden në magazinat ruajtëse të Agjensisë së Pasurive të Sekuestruara. Kjo agjenësi e drejtuar nga Adrian Koni ka raportuar deri në fund të vitit 2022 se ka 23 automjete të konfiskuara dhe 80 automjete të sekuestruara.

Mirëpo nga një auditim i KLSH rezulton se sipas përgjegjësit të magazinës gjendja e automjeteve deri në fund të vitit 2022 është përkatësisht 79 automjete të sekuestruara/konfiskuara të magazinuara. Po ku shkuan 24 automjete dhe si ka mundësi që u “zhdukën” papritmas nën hundën e strukturave shtetërore.

Dyshohet se këto automjete janë përvetësuar, ndryshuar pronësia dhe kaluar në emrin e palëve të treta me qëllim përfitim nga shitja ose përdorimi i tyre. Adrian Koni është personi përgjegjës që SPAK duhet të pzes dhe të nis të hetoj për të rikthyer nën sekuestro pasurtitë e grupeve kriminale.

“Për vitet 2018, 2019 dhe 2021 nuk është kryer inventarizimi fizik i pronave dhe llogarive në administrim të Agjencia e Administrimit të Pasurive të Sekuestruara, duke sjellë risk të humbjes apo tjetërsimit të tyre në kundërshtim me ligjin,” – thuhet në raportin e KLSH.