Category: Lajme

Në tregun e këmbimit valutor sot një dollar amerikan do të blihet me 94.1 lekë dhe do të shitet me 95.1 lekë.

Monedha evropiane do të blihet me 103 lekë dhe do të shitet me 103.9 lekë.

Ndërsa franga zvicerane do blihet me 108.4 lekë dhe do blihet me 109.4 lekë.

Ndërkohë paundi britanik do blihet me 119 lekë dhe do shitet me 120 lekë.

Dashi

Përpiquni të analizoni situatën për të rregulluar më mirë atë që nuk jeni duke bërë veçanërisht në jetën private. Shmangni grindjet nëse doni mbështetjen e partnerit/es. Beqarët do të duhet të pranojnë ftesat për takime nëse duan t’i kthehen dashurisë. Venusi është në favorin tuaj. Ditë pozitive ju presin në sferën profesionale, ju mund të mbyllni negociata interesante.

Demi

Pas një analize të kujdesshme të ndjenjave tuaja dhe pas pranimit të gabimeve, jeni gati të filloni përsëri një marrëdhënie të shkëlqyer në të cilën keni përqendruar të ardhmen tuaj. Zemrat e vetmuara duhet të jenë të kujdesshme që të mos bien në iluzione. Nuk ka emocione të madha në qiellin tuaj. Dita është plot ambicie në sferën profesionale, mund të arrini një qëllim të rëndësishëm!

Binjakët

Dashuria sot do të jetë në krye të mendimeve tuaja, ju do të rrëmbeheni nga një pasion i jashtëzakonshëm që do t’ju bëjë të jetoni një ditë të lumtur. Mbrëmje e bukur për çiftet! Yjet favorizojnë beqarët e guximshëm dhe iniciativë që duan të lënë pas disa kujtime të këqija. Do jeni të kënaqur me atë që ju sjellë përfundimi në punë, falë Hënës në shenjë. Besoni veten dhe atë që bëni!

Gaforrja

Është një kohë e mirë për të jetuar intensivisht një histori dashurie që sapo ka filluar. Ata që kanë një lidhje të gjatë mund të shpresojnë për një të ardhme edhe më të lumtur. Miqësi të reja parashikohen për zemrat e vetmuara, Marsi i mbështet me dashamirësinë e tij. Fokusimi në vullnet dhe qëndrueshmëri për të kapërcyer çdo vështirësi. Ju gjithashtu do të gjeni një pikë takimi me kolegët.

Luani

Projekte të reja për jetën private, çiftet e qëndrueshme mund të mendojnë të martohen ose të fillojnë një bashkëjetesë. Erosi bëhet intensiv dhe i gjallë, ndihmon në gjetjen e balancave të reja. Beqarët do të bëjnë njohje interesante me të cilët do të arrijnë në mendime të njëjta. Në fushën profesionale, aftësia për të kapur në ajër ndjenjën e gjërave do t’ju japë një avantazh mbi kolegët.

Virgjëresha

Për shumë prej jush fillon një periudhë shumë e zënë, veçanërisht për ata që janë në çift kohët e fundit. Dialogu në çiftet e vjetra do të jetë i hapur. Beqarët do të duhet të dalin në takime përpara se të jetë tepër vonë. Frika për t’u refuzuar nuk ju braktis! Sot do të ishte më mirë të mos krijonit shumë iluzione për mundësitë profesionale: ato nuk mund të shkojnë siç shpresoni.

Peshorja

Do të jetë një e martë plot lumturi për shumë të lindur të Peshores. Të pasionuar dhe krijues, do befasoni partnerin/en me ndonjë surprizë të këndshme. Yjet premtojnë një periudhë rozë për ndjenjat! Beqarët nuk do të ketë kohë për tu mërzitur me aventura intriguese dhe flirte. Mundësi të mira në punë, udhëtimet janë të favorizuara të zgjerojnë horizontet tuaja.

Akrepi

Një sqarim me të dashurin/ën tuaj do të lehtësojë zemrën tuaj dhe do të sjellë ekuilibrin në jetën tuaj private. Mbrëmja në familje është shumë e këndshme. Yjet premtojnë dashuri të reja për zemrat e vetmuara në kërkim të shpirtit binjak, ju do të keni mundësi për të zgjedhur! Në punë nuk është koha për të marrë një hap të rrezikshëm. Vetëm në këtë mënyrë planet tuaja do të jenë të suksesshme.

Shigjetari

Me Hënën negative, disponimi do të jetë gri dhe energjia juaj do të ndikohet gjithashtu. Nëse diçka shqetëson marrëdhënien tuaj të martesës, përpiquni të merrni më afër partnerin/en tuaj. Mbrëmja favorizon takime për beqarët. Perspektiva interesante për ata që kanë ndryshuar vendet e punës, do të gjeni veten duke përjetuar një situatë të re në një nivel profesional.

Bricjapi

Jeta në çifti vazhdon të rezervojë shumë surpriza, jeta e përditshme zbavitëse nuk ju shqetëson dhe gjithashtu e vlerësoni rutinën. Meritë e dashurisë! Beqarët do të jenë në gjendje të nisin takimet e reja, një mbrëmje shumë intensive ju pret! Arritja e qëllimeve të caktuara në punë kërkon angazhim. Së shpejti do të vijnë lëvdatat dhe kënaqësitë.

Ujori

Ditë e mrekullueshme, yjet janë në mbështetjen tuaj. Por dikush do të dëshirojë ta prishë këtë harmoni duke ju shkaktuar dhimbje koke, ju mund të rrezikoni një histori serioze. Venusi ndihmon beqarët të marrin një vendim me qetësi. Ndërrime në hyrje dhe ndryshime rrënjësore për shumë Ujor. Mundësi për të gjetur zgjidhje dhe fitime të reja.

Peshqit

Yjet shpallin një qiell të pastër për çiftet që duan të konsolidojnë lidhjen e tyre. Jini të kujdesshëm! Beqarët do të kenë një pyetje për të zgjidhur me një ish, por nga ana tjetër kanë shumë mundësi të bien në dashuri! Jini në dispozicion të kolegëve që kanë nevojë për ndihmë, por mos harroni qëllimet tuaja.

Mediat greke publikojnë foton e shqiptarit të arrestuar sot, Emiliano Jakupi 33-vjeç. Sipas mediave greke, veç plagosjes së tre shtetasve grekë, ai ishte person i shpallur në kërkim edhe për vrasjen e 40-vjeçarit nga Delvina, Pëllumb Islami, ngjarje e ndodhur në 21 shkurt 2023 në “Nea Ionia” në Athinë.

Lidhur me plagosjen e 3 të rinjve nga Kreta, ngjarje për të cilën është shpallur në kërkim Nardi Idrizi, 37 vjeç nga Vlora, Jakupi mësohet të ketë deklaruar: “Ishte një sherr rruge. Unë godita me pëllëmbë. Nuk e prisja që tjetri të godiste me armë”.

Sipas burimeve ai shtoi se pas të shtënave u tremb dhe bashkë më shokun e tij hipën në makinë dhe u larguan. “Nuk e di ku është tjetri” tha ai për policinë. Duke folur për “Kathimerini”, avokatja e tij Matina Markou u shpreh se klienti i saj është dorëzuar vullnetarisht. Sipas saj 33-vjeçari mohon të jetë përfshirë në këtë episod dhe shprehet i habitur nga reagimi i shokut të tij. Markou ka shtuar se Jakupi ka pasur lidhje miqësore me Nardi Idrizin 7 muajt e fundit dhe të premten mbrëma kishin dalë së bashku, fillimisht në zonën e Vrilissit (ku u gjet edhe fuoristrada me të cilin po udhëtonin) dhe më pas në Gazi, për tu argëtuar.

Sipas avokates, teksa po dilnin nga një klub, makina ra në një pellg, me pasojë që viktimat e sulmit që ndodheshin në vendngjarje të lagen. Ata janë kundërpërgjigjur dhe ka ndodhur një sherr, gjatë së cilës autori i shpallur në kërkim ka nxjerrë armën dhe ka plagosur rëndë tre prej tyre. Markou pohon se klienti i saj nuk e dinte që i bashkëakuzuari i tij ishte i armatosur dhe përpiqet të ndajë pozicionin e tij nga ngjarjen e përgjakshme.

Ajo shton gjithashtu se 33-vjeçari ka precedentë të pastër penalë dhe nuk ka asnjë lidhje me qarqet e kriminelëve, siç u raportua në 48 orët e mëparshme. Ndërkohë sipas mediave greke, Jakupi ka precedentë penalë për drogë, vjedhje makinash dhe vjedhje banesash. Ndërkohë kërkohej dhe për vrasjen e Pëllumb Islamit.

Krishtëlindje të paharruara do të kenë këtë vit punonjësit e një kompanie të paluajtshme me seli qëndrore në Baltimore. Shefi tregoi bujarinë e tij duke shpërndarë një bonus prej 38 mijë eurosh për gati 200 punonjës.

Bonusi ju shpërnda punonjësve me një zarf të kuq gjatë një darke pune me rastin e festave të fundvitit. Shefi i kompanisë deklaroi se donte të shpërblente punonjësit e tij për punën dhe përkushtimin e tyre, teksa shtoi se pa ekipin, firma nuk ekziston.

“Unë jam mirënjohës për secilin nga punonjësit tanë, për punën dhe përkushtimin e tyre.

Nuk mund të mendoja një mënyrë më të mirë për ta treguar atë. Pa ekipin, ne jemi asgjë”, iu drejtua shefi punonjësve të tij.

Kryeministri Edi Rama po zhvillon ditën e sotme një takim me skuadrën kombëtare të negociatave për anëtarësim në Bashkimin Europian.

Teksa i lëvdoi për punën e bërë, Rama nuk kurseu që të ironizonte opozitën pasi kjo e fundit nuk ka vlerësuar ecurinë e procesit të integrimit të vendit në BE.

“Duhet të ndiheni krenar që punon me këtë gjë. Keni marrë pjesë me këtë revansh, duke treguar se administrata shqiptare i ka kapacitetet për të përmbushur këtë mision historik dhe për të qenë në lartësinë e kësaj detyre patriotike. Besoj se ju e mirëkuptoni kur unë them se kam pasur frikë, pasi nuk është një punë që bëhet për disa ditë. Shqipëria po bën punë të admirueshme për negociatat. Njerëzit thonë se; në administratë ka hajdutë, dhe nuk punon kush. Skuadra shqiptare po bën një performancë të jashtëzakonshme. Kjo është një arsye për të pasur këtë nevojë. Keni dhënë një kontribut që as vetë nuk e imagjinoni dot se do bëhej. Ju keni bërë një numër takimesh dhe keni bërë mbi kapacitetin për t’u anëtarësuar në BE. Ky është vetëm fillimi i procesit.
Kur vjen puna për të vlerësuar pjesën tjetër për këtë kapacitet të brendshëm qeverisës, shtetin, e kemi të vështirë. E kemi të vështirë në pikën që nuk janë pak ata që thonë; ishim më mirë kur ishim më keq. Ne natyrisht e dimë dhe ju e dini më mirë se unë, pasi i keni para letrat, pasi ky është vetëm fillimi.”, tha Rama.

(BalkanWeb)

Çmimet e naftës në vend janë ulur me rreth 10 lekë për litër në dy lëvizje përgjatë javëve të fundit. Aktualisht nafta po tregtohet me 183-189 lekë, nga gati 200 lekë për litër që kishte arritur më parë.

Fillimisht çmimet ranë me 4-5 lekë për litër rreth dy javë më parë, ndërsa ditët e fundit janë reduktuar edhe me 5 lekë për litër.

Kjo është hera e parë që çmimet e karburanteve kanë tendencë uljeje në vend, që nga muaji maj, kur çmimet u rritën disa herë radhazi, nga niveli më i ulët në mëse një vit prej rreth 170 lekësh, që u arrit në atë kohë.

Në qershor 2023 u shfuqizua Bordi që përcaktonte çmimet tavan të karburanteve, i cili ishte krijuar që në mars 2022, kur çmimet e karburanteve u rritën me shpejtësi pas sulmeve të Rusisë ndaj Ukrainës, duke arritur në tregun vendas deri në rekordin e 245 lekë për litër në prill 2022.

Që nga shfuqizimi i Bordi, çmimet u rritën disa herë në vend, pas reflektuar asnjë ulje, ndonëse në bursa kishin tendencnë ulje-ngritje. Kjo është hera e parë që operatorët po reduktojnë çmimet e karburanteve.

Në bursat ndërkombëtare çmimet kanë rënë ndjeshëm nga 95 dolarë për fuçi, që arritën në mes të shtatorit, në rreth 75 dollarë për fuçi aktualisht. Çmimet në bursa kanë rënë në nivelin më të ulët të 6 muajve të fundit, si rrjedhojë e shqetësimeve për nivelin e lartë të prodhimit si dhe rënies së kërkesës së konsumatorëve nga çmimet ende të larta.

Sipas parashikimeve të hershme, edhe kërkesa globale për naftë pritet që të jetë e dobët përgjatë viti 2024.

Administrata e Informacionit të Energjisë së SHBA-së (EIA) uli parashikimin e saj të çmimit për vitin 2024 për naftën bruto Brent (treguesi referencë i naftës europiane) me 10 dollarë për fuçi. Brent do të luhatet mesatarisht 83 dollarë për fuçi, parashikoi administrata në një raport mujor, kundrejt një vlerësimi të publikuar muajin e kaluar prej 93 dollarë për fuçi.

Mediat britanike kanë zbuluar identitetin e shtetasit shqiptar, i cili kreu vetëvrasje në anijen hotel, në Angli.

Sipas “Daily Telegraph”, viktima është një 27- vjeçar nga Manëza e Durrësit, i identifikuar si shtetasi Leonard Farruku.

Në bisedën e fundit me të afërmit thuhet në artikull, Leonardi kishte thënë se kushtet në anijet hotel ishin të mira por rojet e sigurisë i trajtonin emigrantët si kafshë.

E motra e Leonardit e cila jeton në Itali ka deklaruar se “do të gjejë qetësinë vetëm atherë kur të mësojë të vërtetën se çfarë ndodhi atë natë me vëllanë në anijen hotel Bibby Stockholm”.

Sipas saj, ai mbërriti në Angli me ëndrrën për një punë më të mirë dhe më e rëndësishmja të fitonte leje qëndrimi përgjithmonë në Angli.

Dhe për t’ja arritur këtij qëllimi ka theksuar ajo, ai iu bind kërkesës së Home Office për të shkuar për t’u akomoduar në atë anije.

Kjo anije hotel u mor me qira nga qeveria angleze për të zbutur koston ditore prej 8 milion azilantëve mbërritur gjatë dy viteve të fundit në Angli me gomone mes tyre 12.800 shqiptarë.

Emiliano Jakupi, është 33-vjeçari i arrestuar nga policia greke pasi akuzohet se ka bashkëpunuar me shqiptarin, Nardi Ismet Idrizi në plagosjen e tre grekëve në Athinë.

I riu shqiptar është vetëdorëzuar në polici dhe ka treguar versionin e tij të ngjarjes. Ai thotë se tre të rinjtë Kreta i kanë ofenduar shqiptarët dhe njëri prej tyre ka goditur me shuplakë Jakupin. Kaq ka mjaftuar që 37-vjeçari Idrizi të nxjerrë armën dhe të qëllojë në drejtim të tyre.

Ai gjithashtu ka pohuar se nuk e dinte që shoku i tij kishte armë me vete. Pas ngjarjes, ai është larguar me 37-vjeçarin Idrizi por pas konsultës me avokaten ka vendosur të vetëdorëzohet në polici. Jakupi dhe Idrizi ishin shokë prej disa muajsh dhe të premten mbrëma kishin dalë së bashku, fillimisht në zonën e Vrilissit dhe më pas në Gazi, për t’u argëtuar.

Por teksa dilnin nga një klub, makina e tyre kishte rënë në një pellg me ujë dhe tre grekët që ishin aty pranë ishin lagur. Këtu ka nisur edhe sherri me të shara dhe ofendime dhe në një moment autori i shpallur në kërkim ka nxjerrë armën dhe ka plagosur rëndë tre prej tyre.

Emiliano Jakupi ka qenë i shpallur në kërkim edhe për një ngjarje tjetër të ndodhur 9 muaj më parë, atë të ekzekutimit të shtetasit shqiptar Pëllumb Islami në vendin e quajtur Neo Iraklio.

Ndërkohë policia greke vijon punën për arrestimin e shqiptarit Nardi Ismet Idrizi, i cili është emër i njohur nga policia shqiptare. Ai është deportuar dy herë nga Greqia por është rikthyer sërish atje.

Lajm i mirë! Një gjest me të vërtetë human ka ndodhur ditën e sotme në një dyqan mishi në Tiranë. Një pensioniste e moshuar është paraqitur pranë tij për të blerë mish, por gjatë kohës që po nxirrte paratë për të bërë pagesën, një kartmonedhë prej 5 mijë lekësh të reja i ka rënë në tokë.

Këtë fakt e ka vënë re pronari i dyqanit duke e vërtetuar edhe nëpërmjet kamerave. Duke qenë se nuk e njihte zonjën, ai ka kontaktuar redaksinë e JOQ duke u përpjekur që të lajmërojë të moshuarën se 5 mijë lekëshi që i ka humbur gjendet në dyqanin e tij dhe shpreson që ajo të shkojë dhe ta marrë.

Është vërtetë një lajm i bukur se si sot ka ende njerëz zemërmirë të cilët mendojnë drejt dhe me zemër.

https://www.instagram.com/_u/joqnews/?utm_source=ig_embed&ig_rid=a6a9ccbc-c51a-48ea-ad23-9fc38514c1ac&ig_mid=542357FB-5F10-4442-9815-A08C9975BA1C

Padi dhe kundërpadi për shpifje, vijon përplasja mes Ardit Bidos, Drejtori i Përgjithshëm i Arkivave dhe kryetarit të zgjedhur të Bashkisë së Himarës, Fredi Beleri. I pari që kallëzoi për shpifje ishte Beleri nisur nga deklaratat e bëra publikë nga Bido për të shkuarën e kryebashkiakut. Drejtori i Arkivës sqaroi për mediat se cila është përplasja mes tyre.

“Ai u shmang edhe këtë herë. Nuk u paraqit. Deklaroi vullnetin e tij që të mos jetë pjesë personalisht në gjykim. Zoti Beleri është një poshtërues i Republikës se Shqipërisë dhe simboleve kombëtare të saj e vendosur jo vetëm nga gjykatat e këtij vendi vetëm, por nga gjykata e Strasburgut. Zoti Beleri ka qenë një armëmbajtës paleje dhe shumë shpejtë do të jetë edhe një shpifës pasi ai gjithmonë ka luajtur me këto teknikat për t’ju shmangur drejtësisë, për të mos u përballur kurrë me drejtësinë sa herë e ka pasur mundësinë.”

Në seancën e sotme Fredi Beleri nuk kishte marrë pjesë dhe seanca u shty për një datë tjetër. Bido bën me dije se nga këto padi do të provohet se Beleri ka marrë pjesë në atë që njihet si masakra e Peshkëpisë, në vitin 1994.

“Zoti Beleri ka pretenduar se unë jam një shpifës maniak kur kam folur për masakrën e Peshkëpisë në të cilën un ëdo ta provoj qartazi se ai është akuzuar nga prokuroria e Janinës se ka qenë pjesë e një grupi të strukturuar kriminal siçc ishte “MAVI” dhe është akuzuar për masakrën e Peshkëpisë.”

Fredi Beleri po qëndon në burg që nga data 12 Maj i akuzuar për korrupsion në zgjedhje. Disa ditë më parë Gjykata e Posaçme i rrëzoi edhe kërkesën për leje të posaçme që të betohet përballë antarëve të këshillit bashkiak për të marrë zyrtarisht detyrën. Beleri fitoi në zgjedhjet vendore të 14 Majit me 19 vota më shumë se Jorgo Goro kandidati i PS.

Klan News