Kryeministri i Serbisë, Đuro Macut ka nisur dje vizitën e tij të parë zyrtare pas marrjes së detyrës, duke u ndalur në Egjipt, por vizita është karakterizuar nga një gafë diplomatike e tij.
Macut shprehu mirënjohjen e tij ndaj Egjiptit për “qëndrimin e këtij vendi mbi çështjen e Kosovës dhe ruajtjen e integritetit territorial dhe sovranitetit të Serbisë”.
Megjithatë Egjipti e ka njohur pavarësinë e Kosovës në vitin 2013, ndërsa, nga ana tjetër, zyrtarë serbë kanë pretenduar prej vitesh se është një njohje “joaktive” ose “e ngrirë”.
Deklarata e tij ka bërë bujë në Serbi me figura të opozitës që e kanë cilësuar si një “gjë të jashtëzakonshme faktin që kreu i qeverisë nuk ka dijeni mbi faktet bazike”.
Emisioni Fiks Fare dokumentoi me pamje shfrytëzimin barbar të Malit të Tomorrit. Disa firma operojnë në zonën e Skraparit, teksa marrin mermer prej shumë vitesh.
Ndërkohë, pavarësisht se në letrat e pushtetit lokal zona del pyll dhe kullotë, fizikisht e gjithë zona është shkatërruar.
Fiks Fare udhëtoi në fshatin Mëlovë, në Skrapar, te guroret e mermerit. Lejet e para për shfrytëzimin e mermerit kanë filluar pas viteve 2000, ku deri më sot janë dhënë mbi 10 leje. Pjesa më e madhe e tyre janë dhënë në anën lindore të Malit të Tomorrit.
Ndërkohë, vetë Mali i Tomorrit është shpallur Park Kombëtar, në vitin 2012. Territori i guroreve, brenda Malit të Shenjtë, pranë fshatit Mëlovë dhe në Qafën e Dëvrisë, u lanë jashtë parkut. Sipas Zonave të Mbrojtura, Mali i Tomorrit është një mal i veçantë e mbresëlënës. Ai nuk është vetëm mali më i veçantë në Shqipëri, por është cilësuar edhe si më enigmatiku, si pasojë e shumë gojëdhënave që ekzistojnë për të.
Megjithatë, pamja në terren është krejt e kundërta me ato çka shkruajnë institucionet. Mali po shfrytëzohet barbarisht prej më shumë se 20 vitesh. Në qindra hektarë janë bërë karriera të mëdha guroreje mermeri. Fiksi filmoi guroren e mermerit më të madhe në zonë. Kamionët e tonazhit të rëndë transportonin mbetjet e mermerit. Këto mbetje hidheshin në një shpat mali, nga ana e Luginës së Tomorricës.
Ndërkohë, nga ana më jugore e Malit të Tomorrit, janë guroret e tjera. Punojnë me të njëjtën metodë; shfrytëzim dhe masakrim i të gjithë zonës. Gurët hidhen vend e pavend, në pjesë të pyllëzuara. Fiksi filmoi disa automjete të tonazhit të rëndë duke hedhur mbetje sërish në një greminë, ndërkohë që e gjithë rruga për në disa fshatra të Skraparit është e mbushur me gurë.
Në redaksinë e emisionit Fiks Fare ankohen disa familje, ndër të tjera edhe z. Bardhyl Kalemi, i cili thotë se është një nga disa pronarët e një sipërfaqe prej 740 hektarësh të ndodhur në fshatin Mëlovë, Skrapar. Sipas tij, familjet janë njohur pronare në vitin 2015 me vendim të Gjykatës së Beratit, i pa apeluar. Pas këtij vendimi, prona është regjistruar në Agjencinë Shtetërore të Kadastrës.
Ndërkohë, vetëm pas regjistrimit, Agjencia e Trajtimit të Pronave u bën kallëzim penal familjeve dhe punonjësve të Kadastrës për falsifikim dhe shpërdorim detyre. Në vitin
2018, me një vendim të ndërmjetëm dhe sigurim padie, Prokuroria e Beratit vendosi sekuestro preventive. Çështja penale shkoi në Gjykatën e Beratit, e cila vendosi të shpallë të pafajshëm të gjithë të akuzuarit. Madje, në pikën 2 të vendimit, urdhëron Kadastrën që të heqë sekuestron preventive.
Por, çfarë po ndodh në terren me pronën?!
Sipas z. Bardhyl Kalemi, prona vijon të shfrytëzohet nga firma “Stone Works” dhe me administrator një shtetas grek. Pronar me letra rezulton një firmë po greke “Pavlidis S.A. Marble – Granite”.
Ndërkohë, z. Kalemi thotë se administratorë shqiptare të firmës kanë qenë shtetasit Muharrem Berisha dhe Nexhip Xhaja. “Kam mësuar se gurorja është e Ilir Metës. Të gjithë në Skrapar e dinë që është e tija. Ai ka vendosur fillimisht administrator z. Muharrem Berisha, që ka qenë trajner i peshëngritjes. Atje janë njohur dhe ai e ka dërguar te gurorja” thotë Bardhyl Kalemi. Sipas tij, 3 familjet po bëjnë nga 20 vite që luftojnë me këto emra, por deri më sot s’ia kanë dalë t’a marrin.
“Firma na thotë se ka kontratë me Bashkinë e Skraparit. Pyesim bashkinë dhe na përgjigjen se s’kemi kontratë, se prona është e jona” shton Bardhyli.
Pas kësaj përgjigje, fiksi shkoi te Drejtoria Pyjore e Bashkisë së Skraparit, ku drejtori thotë se nuk e ka fare si fond. Sipas tij, prona është e familjarëve dhe ata duhet të vendosin më pas, pasi kanë certifikata pronësie.
Grupi i emisionit investigativ u interesua edhe te Bashkia e Skraparit, ku gazetarët takojnë juristen dhe kryetarin e bashkisë Adriatik Mema. Juristja thotë se bashkia s’ka bërë kontratë me firmën dhe se është e paqartë se si funksionon. Sipas saj, lejet jepen nga ministritë përkatëse, ndërkohë që pushteti lokal veçse heq zonën nga Fondi Pyjor dhe Kullosor. Sipas saj, zona dhe territori i guroreve ende nuk është hequr nga fondi pyjor e kullosor!
Në bisedë me juristen, vjen edhe kryetari i Bashkisë, z. Mema, i cili është i dyzuar nëse firma duhet të operojë në atë zonë apo jo. Sipas tij, është marrë vendim për ta hequr nga fondi pyjor nga Këshilli Bashkiak dhe më pas i kalon ministrisë dhe më pas qeverisë apo të hiqet me ligj. “Diçka e tillë nuk ka ndodhur. Me ligj s’duhet të operojnë” shton mëma. Fiksi e pyet se zona ka pronarë, ndërkohë që juristja thotë se leja është dhënë në prill 2015, ndërkohë që certifikata e familjeve ka dalë në qershor 2015.
Fiksi shkoi edhe te kantieri i firmës “Stone Works” në Mëlovë, por punonjësit thanë se “s’kanë shef dhe përgjegjës”. Gazetarët mësuan në bashki se një përgjegjës është z. Nexhip Xhaja, duke e telefonuar për t’i marrë intervistë, por ai ndodhej në Tiranë dhe s’mundej të takonte grupin e Fiks Fare.
Udhëheqësi i Hezbollahut, Naim Qassem, tha se organizata do të “veprojë siç e sheh të arsyeshme” në përgjigje të luftës së vazhdueshme midis mbështetësit të saj kryesor, Iranit, dhe Izraelit.
Naim Qassem theksoi se Hezbollahu nuk mund të jetë “neutral” në konfliktin midis Izraelit dhe Iranit, duke iu përgjigjur në thelb paralajmërimit të të dërguarit special të SHBA-së për Sirinë, Thomas Barak, i cili më herët sot tha se do të ishte “shumë keq” që lëvizja të përfshihej në konfliktin rajonal.
Hezbollahu u dobësua ndjeshëm nga konflikti i armatosur me Izraelin vitin e kaluar, gjatë të cilit udhëheqja e saj u shkatërrua, mijëra luftëtarë të saj u vranë, ndërsa fortesat e saj në Libanin jugor dhe periferitë e Bejrutit pësuan dëme të mëdha.
Sara Hoxha dhe Erik Fullani duket se e kanë çuar marrëdhënien e tyre në një tjetër nivel.
Kjo fundjavë shënon edhe ditëlindjen e blogeres së njohur, e cila ka vendosur që bashkë me disa nga miqte saj të ngushtë të presë ndërrimin e viteve të lindjes në Siçili.
Duket se pjesë e këtij grupi të ngushtë është edhe Fullani. Pas publikimit të fotove të tyre në një plazh në jug të vendit, duket se dyshja kanë vendosur të mos fshihen më, shkruan Vip Magazine.
Ditën e djeshme Fullani nga postuar foto nga i njëjti lokacion ku ka bërë check in Sara dhe disa miqtë e saj, mes të cilëve Arbër Çepani dhe make up artisti Arbër Bytyqi të cilët po ashtu janë pjesë e kësaj fundjave festive.
Sara dhe Eriku janë prindër të një vajze dhe një djali nga marrëdhëniet e tyre të mëparshme.
Ilir Meta reagon pasi SPAK zbuloi një tjetër episod të dyshuar korrupsioni.
Reagimi i plotë i Ilir Metës
Në respekt të qytetarëve, të cilëve u kam shërbyer edhe si President i Republikës, edhe si Kryeministër edhe si Kryetar i Kuvendit, edhe në funksione të tjera ekzekutive dhe parlamentare, distancohem me neveri nga dizinformacionet e shpërndara dhe të rrjedhura në media me urdhër të Edi Ramës dhe Altin Dumanit, për gjoja episode të reja të çiftit Meta-Kryemadhi.
Unë e mirëkuptoj pasionin e tyre për të mbajtur me pahir në opinion një çift, që nuk ekziston më as juridikisht prej një viti.
Madje pasioni i Altin Dumanit është “kaq i zjarrtë” për të mbajtur gjallë këtë çift në publik dhe në shërbim të hetimeve të tij prej 6 vitesh me urdhër të Charles McGonigalit dhe Edi Ramës, që nga dhjetori 2019, aq sa edhe në akuzën si i pandehur që m’u komunikua më 27 maj, statusin tim e kishin ende i martuar, kur ndërkohë që ky status nuk ekziston juridikisht prej 1 viti.
Akoma më të turpshme janë lajmet që qenka zbuluar një kartë e paligjshme që implikon Ilir Metën.
Asnjë akt i paligjshëm as nuk ka ndodhur dhe as nuk mund të ndodhë nga Ilir Meta, as në Republikën e Shqipërisë, as në SHBA dhe as në një vend tjetër.
Opinioni publik do ta shohë këtë gjatë gjykimit në themel, që nuk mund të jetë i mbyllur si “listat e mbyllura,” por do të jetë i hapur për qytetarët, ku ne do të çmontojmë akuzat e shërbëtorëve të Edi Ramës dhe ku të gjithë do t’i shohin edhe “dëshmitarët” të Edi Ramës.
Ilir Meta mban përgjegjësi vetëm për Ilir Metën dhe për askënd tjetër. Ilir Meta nuk mban përgjegjësi as për fëmijët e tij, që i ka në moshë madhore dhe i ka këshilluar që gjithmonë të jenë shembull i respektimit të ligjit dhe aq më tepër nuk mund të mbajë përgjegjësi për kushërinjtë e tij, pasi siç e dini një prej tyre ishte edhe mik me Charles McGonigalin, iniciatorin me kërkesë të Edi Ramës për nisjen e hetimeve ndaj Ilir Metës edhe për çështjen CEZ-DIA edhe për çështjen Bami.
Por prokurorët e Ramës i kërkojnë Ilir Metës të mbajë përgjegjësi për kushërinjtë, shokët dhe shoqet e të tjerëve.
Meqë jemi te lobimet dhe Kryesia e Partisë së Lirisë e ka shumë të qartë, për opinionin publik kam një pyetje: Po letërporosia për Charles McGongial, që ka 4 vite i dënuar, është dërguar apo po vonon ngaqë e kanë nisur “me not”?
E falenderoj me mirënjohje, avokatin tim, Z. Kujtim Cakrani për mbrojtjen e shkëlqyer dhe parimore!
Gati 16 miliardë fjalëkalime të llogarive Apple, Facebook, Google dhe shërbimeve të tjera online janë vjedhur, kanë zbuluar studiuesit e faqes së specializuar në sigurinë kibernetike Cybernews. Bëhet fjalë për shkeljen më të madhe të kredencialeve ndonjëherë të zbuluar. Mes fjalëkalimeve të vjedhura, përfshihen edhe ato që lidhen me llogari të shërbimeve qeveritare.
Rrjedhja e të dhënave ka ekspozuar mbi 16 miliardë kredenciale dhe fjalëkalime. Sipas Forbes (që ka bashkëpunuar në hetim), Google ka ftuar dy miliardë përdorues të ndryshojnë fjalëkalimet. Në Shtetet e Bashkuara, FBI ka paralajmëruar qytetarët kundër linkeve të dyshimta të dërguara me SMS.
Shkelja më e madhe e të dhënave ndonjëherë e zbuluar
Studiuesit kanë identifikuar “30 grupe të dhënash të ekspozuara, që përmbajnë nga dhjetëra milionë deri në mbi 3.5 miliardë të dhëna secila”, thuhet në të. Të gjitha, përveç njërit, nuk ishin publikuar më parë: do të thotë se bëhet fjalë për të dhëna të reja. Ka gjasa që edhe llogari italiane të jenë të përfshira, por për momentin nga kompanitë nuk ka konfirmime zyrtare.
Sipas analizave të deritanishme (dhe siç konfirmohet nga ekspertë të intervistuar nga Italian Tech) është shumë e mundshme që kjo rrjedhje kredencialesh vjen kryesisht nga një grumbullim ‘infostealer-ash’, domethënë maluerësh të krijuar për të vjedhur informacion të ndjeshëm nga pajisje të infektuara. Ndër këto: emra përdoruesish dhe fjalëkalime të ruajtura në shfletues, cookie të sesionit (që mundësojnë hyrjen automatike në faqe), të dhëna bankare apo karta pagese të ruajtura, file lokale dhe madje edhe screenshot-e.
Eksperti: “Aktivizoni autentikimin me dy faktorë”
“Hipoteza më e mundshme për momentin është se bëhet fjalë për një koleksion të thjeshtë fjalëkalimesh që kanë dalë në shkelje të mëparshme të të dhënave”, shpjegon për Italian Tech Matteo Flora, ekspert i sigurisë kibernetike. “Megjithatë, edhe nëse nuk është një vjedhje e re e të dhënave, është një moment shumë i mirë për të rishikuar masat tuaja të sigurisë dixhitale: aktivizoni autentikimin me dy faktorë, ndoshta duke kaluar nga verifikimi me numër telefoni tek një aplikacion autentikimi më i sigurt apo, edhe më mirë, një Passkey,” shton ai. “Është një nga mbrojtjet e vetme realisht efektive në një skenar ku bazat e të dhënave me kredenciale të vjedhura po bëhen gjithnjë e më të mëdha dhe të lehta për t’u gjetur.”
Cybernews më 4 korrik 2024 kishte zbuluar më parë ekspozimin e rreth 10 miliardë fjalëkalimeve të vjedhura, të publikuara në një forum nga një përdorues. Lajmi atëherë u konfirmua. Por këtë herë situata duket paksa ndryshe.
“Nuk bëhet fjalë vetëm për një rrjedhje fjalëkalimesh, por për një projekt shfrytëzimi në shkallë të gjerë,” kanë deklaruar studiuesit për Forbes. “Këto të dhëna janë një terren i pasur për sulme ‘phishing’ dhe vjedhje llogarish. Nuk po flasim vetëm për shkelje të vjetra të ricikluara, por për informacion të ri, potencialisht të rrezikshëm dhe menjëherë të përdorshëm.”
Cilat fjalëkalime, cilat të dhëna
Shumica e këtyre të dhënave ishin në format URL, të ndjekura nga login dhe password, gjë që mundësonte qasje direkte në thuajse të gjitha shërbimet online të imagjinueshme: nga Apple, Facebook dhe Google, deri te GitHub, Telegram dhe portale të ndryshme qeveritare.
Megjithë seriozitetin e zbulimit, studiuesit shpjegojnë se të dhënat kanë qëndruar publike për një kohë relativisht të shkurtër. Një periudhë e mjaftueshme që ato të bien në duar të aktorëve keqdashës, por shumë e shkurtër për të kuptuar kush ishte kontrolluesi i vërtetë i tyre./La Repubblica
Çifti i njohur i showbiz-it shqiptar, Sarah Berisha dhe Dj PM, janë rikthyer në qendër të vëmendjes së mediave rozë, pas një detaji që ka nxitur spekulime mbi një ndarje të mundshme mes tyre.
Ditën e djeshme, Dj PM festoi ditëlindjen, një ngjarje që zakonisht ka marrë vëmendje nga fansat dhe jo vetëm.
Megjithatë, këtë herë, ndjekësit vunë re mungesën e një urimi nga Sarah në rrjetet sociale, detaj i cili u interpretua nga shumë si një sinjal i një krize në marrëdhënien e tyre.
Për më tepër, të dy personazhet nuk kanë postuar prej kohësh foto pranë njëri-tjetrit, një tjetër element që ka forcuar zërat për një krisje në çift.
Kujtojmë që Sarah Berisha dhe Dj PM u njohën gjatë pjesëmarrjes së tyre në një reality show.
Kjo ditë do të fillojë shumë mirë: çiftet më të forta do të ndërmarrin një marrëdhënie më prindërore, por disa përplasje janë të mundshme në ajër. Kapitulli i punës: është koha të mendoni për projekte të mëdha për t’i realizuar. Nuk duhet të keni frikë të guxoni, sepse yjet po ju buzëqeshin. Nuk ka kuptim të qëndroni përgjithmonë në zonën tuaj të rehatisë.
DEMI
Sipas horoskopit të Paolo Fox (e shtunë, 21 qershor 2025), dita do të jetë padyshim më e mirë se ato të kaluarat. Marrëdhëniet me njerëzit përreth jush do të jenë më pozitive: pritet shumë qetësi në shtëpi! Sa i përket punës, shmangni kërcimet drejt të panjohurës, është më mirë të fluturoni ulët dhe me kokën mbi supe.
BINJAKËT
Dita për ju duket shumë pozitive për ndjenjat: Hëna do të fillojë një tranzit të këndshëm në shenjën tuaj, mund të ndërtoni diçka të veçantë me dikë ose më në fund të gjeni shpirtin tuaj binjak nëse keni qenë beqarë për një kohë. Punë? Për ata që punojnë për veten e tyre, mund të ketë lajme së shpejti.
GAFORRJA
Dita fillon mirë, megjithatë mund të ketë ende pak tension në dashuri: deri të dielën shmangni konfliktet, rrezikoni t’i përkeqësoni gjërat. Sa i përket punës, ka të ngjarë që do t’ju kërkohet të bëni një zgjedhje: do të keni disa ditë për të vendosur. Përdoreni mendjen mirë, pastaj do të përfundoni duke u penduar.
LUANI
Sipas horoskopit të Paolo Fox (e shtunë, 21 qershor 2025), Hëna disonante do të sjellë provokim: ndoshta ajo që mendoni ju është e ndryshme nga ajo që mendojnë partnerët tuaj. Sa i përket punës, nëse keni një biznes, tani do të jetë e rëndësishme të bëni zgjedhje të menduara mirë. Është koha për të filluar nga e para.
VIRGJËRESHA
Sot do të kesh shumë energji pozitive: veçanërisht gjatë orëve të mëngjesit! Sa i përket punës, edhe djemtë do të duan të bëjnë më shumë: lajme të mira po vijnë. Mundohu të vazhdosh me projektet e tua me entuziazëm, duke u treguar të gjithëve vlerën tënde.
PESHORJA
Nëse prisni diçka në dashuri, është e mundur që lajme të mira po vijnë për ju, kini durim edhe pak. Sa i përket punës, jo të gjitha projektet po realizohen: mos e humbni kurrë guximin për të filluar nga e para. Ngjarjet e paparashikuara janë pjesë e jetës, duhet t’i pranoni ato.
AKREPI
Sipas horoskopit të Paolo Fox (e shtunë, 21 qershor 2025), gjatë mëngjesit përpiquni të mos bëni bujë, ndonjëherë debatoni pa dobi me ata përreth jush. Në punë gjithçka duket se po rikthehet në këmbë, nga studimi te profesionet, është koha të ngrini kokën dhe të filloni nga e para. Por kini kujdes nga nervozizmi që është i lartë.
SHIGJETARI
Dikush mund të mos jetë sjellë mirë me ty, ndoshta dikush që e do: ki kujdes nga thashethemet, ka nga ata që do të përpiqen në çdo mënyrë t’ju fusin një shufër në rrotat tuaja. Sa i përket punës, një ndryshim drejtimi mund të jetë i nevojshëm, duhet të kurseni. Kohët e fundit ke pasur shumë shpenzime.
BRICJAPI
Do të jetë një ditë interesante dhe sidomos një mëngjes interesant për dashurinë, shfrytëzojeni. Pritet një rënie e lehtë në pasdite, përpiquni të mos e teproni dhe të ruani qetësinë. Sa i përket punës, pjesa e parë e ditës do të jetë interesante. Shumë interesante.
UJORI
Sipas horoskopit të Paolo Fox (e shtunë, 21 qershor 2025), pritet një ditë padyshim konfliktuale në dashuri: jeni të lodhur duke u dashur t’u jepni gjithmonë shpjegime atyre që ju rrethojnë… ndonjëherë heshtja është flori, më mirë të qëndroni të qetë. Sa i përket punës, mund të ketë vonesa që do t’ju prishin planet. Jini të duruar.
PESHQIT
Mëngjesi do të jetë më i mirë se pasditja: do të ketë situata që do t’ju duhet t’i analizoni me kujdes, mos u përtypni më shumë sesa mund të përtypni. Sa i përket punës, nuk ju mungon iniciativa, por diçka nuk po shkon siç do të dëshironit, veçanërisht në një nivel ekonomik. Ruani qetësinë.
Konflikti aktual mes Izraelit dhe Iranit është kulmimi i një armiqësie që ka zgjatur për dekada, por marrëdhënia mes dy vendeve nuk ka qenë gjithmonë e tillë. Para revolucionit islamik të vitit 1979, Irani dhe Izraeli ishin aleatë të ngushtë, me bashkëpunim të thellë ekonomik, ushtarak dhe diplomatik.
Gjithçka ndryshoi në vitin 1979, kur revolucioni islamik rrëzoi monarkinë e Shahut dhe solli në pushtet një regjim të ri teokratik të udhëhequr nga Ajatollah Ruhollah Khomeini. Ky regjim kishte një ideologji të thellësisht anti-perëndimore dhe anti-Izrael, duke refuzuar të drejtën e Izraelit për të ekzistuar. Khomeini e përshkroi Izraelin si një simbol të imperializmit dhe shtypjes perëndimore në Lindjen e Mesme.
Pas ardhjes në pushtet të regjimit të ri, Irani ndërpreu çdo marrëdhënie diplomatike me Izraelin dhe filloi të mbështeste lëvizjet palestineze, duke u kthyer në një sponsor kryesor të grupeve të armatosura anti-Izrael, përfshirë Hezbollahun në Liban, Hamasin në Rripin e Gazës dhe rebelët Huthi në Jemen.
Nga ana tjetër, Izraeli e ka konsideruar Iranin si sponsorin kryesor të terrorizmit global. Për dekada, Tel Avivi ka bashkëpunuar ngushtë me Shtetet e Bashkuara dhe aleatët perëndimorë për të vendosur sanksione ekonomike dhe për të ushtruar presion diplomatik mbi Teheranin, sidomos në lidhje me programin e tij bërthamor dhe aktivitetet ushtarake në rajon.
Përtej presionit diplomatik, Izraeli ka zhvilluar për vite me radhë një “luftë në hije” kundër Iranit, përfshirë operacione të fshehta, sulme kibernetike, sabotime dhe eliminime të figurave kyçe të lidhura me programin bërthamor iranian.
Këto tensione të vazhdueshme kanë çuar drejt përshkallëzimit të dhunës që po ndodh aktualisht mes dy shteteve, duke i dhënë fund një konflikti të heshtur dhe duke e shndërruar atë në një përplasje të hapur, me pasoja të mëdha për stabilitetin në Lindjen e Mesme dhe më gjerë.//BBC
Imazhet e reja satelitore të marra nga transmetuesi publik finlandez Yle zbulojnë se Rusia ka filluar punime intensive ndërtimi gjatë dimrit në vendbanimin e mbyllur ushtarak të Lupche-Savino, pranë kufirit finlandez në Lapland. Puna është një zgjerim i konsiderueshëm i infrastrukturës ushtarake në qytetin e Kandalaksha, ku po ndërtohen ndërtesa të reja dhe po hidhen themelet për të strehuar dy brigada ushtarake. Bëhet fjalë për ndërtimin e një kompleksi të ri ushtarak për brigadën e artilerisë dhe personelin e saj, si dhe është planifikuar edhe stacionimi i brigadës së xhenierisë. Deri më tani, kjo zonë shërbente ekskluzivisht si zonë magazinimi, por tani po bëhet një pikë e rëndësishme e pranisë së përhershme ushtarake pranë kufirit me Finlandën.
Imazhet satelitore
Sipas majorit në pension Mark Eklund, një ekspert i forcave të armatosura ruse, shkalla e punës tregon se Rusia dëshiron të forcojë përgjithmonë praninë e saj ushtarake në zonë. “Nëse qëllimi do të ishte vetëm të dërgoheshin ushtarë në Ukrainë, nuk do të kishte nevojë për këtë lloj infrastrukture”, vuri në dukje ai. Lupche-Savino ndodhet në pjesën veriperëndimore të Kandalakshës, rreth 110 kilometra nga kufiri finlandez. Zona është e rëndësishme sepse përfaqëson rripin më të ngushtë tokësor që lidh Gadishullin Kola me pjesën tjetër të Rusisë, përfshirë bazën e nëndetëseve bërthamore. Eklund beson se humbja e kësaj “gryke të ngushtë” do të përbënte një rrezik të madh sigurie për Moskën. 1.4 kilometra pyll janë pastruar në vend, është kryer një gërmim i madh dhe janë ndërtuar disa ndërtesa të reja gjatë dimrit. Janë planifikuar edhe një duzinë ndërtesash të tjera. Përveç kësaj, janë rinovuar shtatë pallate të braktisura të epokës sovjetike dhe është ndërtuar infrastruktura si një shkollë dhe një qendër kulturore.
Rritja e pranisë ushtarake
Përveç rajonit Murmansk, Rusia po forcon praninë e saj edhe në Karelia, ku po formohet një Korpus i ri i 44-të i Ushtrisë me rreth 15,000 ushtarë. Pjesa më e madhe e pajisjeve për njësinë do të vijë nga një depo e madhe në Petrozavodsk, ku tanket dhe artileria e vjetër e epokës sovjetike janë rinovuar muajt e fundit. Sipas vlerësimeve të Eklund, numri i tankeve përgjatë kufirit me Finlandën mund të trefishohet dhe numri i ushtarëve në Distriktin Ushtarak të Leningradit të sapokrijuar mund të rritet deri në 100,000, krahasuar me 30,000 para pushtimit të Ukrainës. Edhe pse një pjesë e aktivitetit shërben për të restauruar pajisjet dhe për të trajnuar ushtarët për luftën në Ukrainë, numri në rritje i bazave, pajisjeve dhe ushtarëve të përhershëm përgjatë kufirit me Finlandën tregon një strategji ushtarake afatgjatë.
Finlanda si territor kyç
“Kërcënimi ndaj Finlandës aktualisht është politik në natyrë, por nëse forca ushtarake po grumbullohet pikërisht në kufi, atëherë kërcënimi është edhe fizikisht më afër”, përfundon Eklund. Si kujtesë, Rusia përmend hyrjen e Finlandës dhe Suedisë në NATO si arsye për këto lëvizje, dhe ndryshimet aktuale konfirmojnë se Moska tani ka kapacitetin për të zhvilluar njëkohësisht një luftë në Ukrainë dhe për të forcuar forcën e saj ushtarake në kufijtë veriperëndimorë. Për Moskën, zona ka një rëndësi të madhe strategjike. Kufiri finlandez e vë Rusinë në kontakt të drejtpërdrejtë me një anëtar të NATO-s në një distancë prej më shumë se 1,000 kilometrash.
Kremlini e sheh këtë zonë si vendimtare për mbrojtjen e Shën Petersburgut dhe rajonit përreth. Dhe Finlanda mund të luajë një rol kyç në çdo konflikt të ardhshëm midis Rusisë dhe NATO-s. Ed Arnold, bashkëpunëtor i lartë kërkimor për sigurinë evropiane brenda departamentit të Sigurisë Ndërkombëtare në Institutin Mbretëror të Shërbimeve të Bashkuara për mbrojtjen në Mbretërinë e Bashkuar thotë se “nëse NATO dhe Rusia shkojnë në luftë në Baltik, finlandezët nuk do të rrinë aty. Ata ka të ngjarë të kundërsulmojnë dhe të aneksojnë Gadishullin Murmansk, dhe forcat bërthamore ruse dhe Flota Veriore janë të gjitha të bazuara në Murmansk. Pra, finlandezët mund të bëjnë shumë për ta prishur këtë duke prerë linjat e furnizimit midis Shën Petersburgut dhe Murmanskut.”
