Category: Lajme

Presidenti francez Emmanuel Macron ka shprehur shqetësime se sulmet izraelite po “po synojnë gjithnjë e më shumë vende që nuk lidhen me programet bërthamore dhe balistike të Iranit”, duke çuar në “një numër në rritje të viktimave civile”.

Lajmi vjenvetëm pak minuta para se policia e Iranit të njoftonte se ndërtesat e komandës qendrore ishin goditur nga një sulm izraelit.

Macron gjithashtu i kërkoi ministrit të tij të jashtëm të bashkëpunojë me vendet e tjera evropiane për të negociuar një zgjidhje për t’i dhënë fund konfliktit, raporton Associated Press, duke cituar një deklaratë që zyra e presidentit lëshoi pas një ‘takimi krize’ në Paris.

Irani ka thënë se ka qëlluar raketa balistike me rreze të mesme veprimi me lëndë djegëse të ngurtë Sejjil-2 drejt Izraelit.

Sipas mediave të huaja, lajmin e bëri të ditur Korpusi i Gardës Revolucionare Islamike të Iranit në një deklaratë të sotme.

“Vala e dymbëdhjetë e Premtimit të Vërtetë ka filluar me lëshimin e raketave super të rënda dhe me rreze të gjatë veprimi, Sejjil-2”, thuhet në deklaratë.

CNN nuk mund ta verifikojë në mënyrë të pavarur këtë pretendim, ndërkohë që në orët në vijim priten të tjera detaje mbi këto sulme.

Kujtojmë se retorika e Presidentit amerikan Donald Trump është ashpërsuar më tej ditën e sotme, teksa i ka kërkuar kupolës drejtuese të Iranit që të dorëzohen pa kushte.

Eksperti i Kriminalistikës, Ervin Karamuço tha në një emision televiziv tha se Irani ka dashur të vrasë Donad Trump përpara se ai të bëhej president, si shenjë hakmarrjeje për vrasjen e kreu të gardës revolucionare iraniane.

Sipas Karamuços ky është një obsesion personal politik i Trump në raport me Iranin.

“Një agjent i ngarkuar i gardës revolucionare islamike të Iranit u arrestua në akuzën e një atentati të organizuar ndaj Trump dhe është rrëfyer se ka qenë si hakmarrje për vrasjen e Sulejmanit dhe ata donin ta vrisnin para se ai të bëhej president. Këtu kemi të bëjmë me një obsesion politik të vetë presidentit Trump. Izraelitët e kanë një problem tjetër jo të lidhur me pasurimin e uraniumit, por me financimin e vazhdueshëm të hezbollahëve dhe Hamasi që bënte Irani. Ngërçi ka ngelur te centrali Fordow, kjo bombë është 13,6 tonë, 6 copë janë në një ishull në oqeanin indian, kanë mbërritur shumë afër Lindjes së Mesme, pritet një avion që të bëjë bombardimi”, tha Karamuço.

Pas viteve të një martese publike dhe shpeshherë të komentuar, aktori Bes Kallaku ka bërë një hap simbolik për të mbyllur përfundimisht një nga kapitujt më të rëndësishëm të jetës së tij: dashurinë me Xhensila Myrtezajn.

Në një foto të publikuar së fundmi, vërehet se Besi ka mbuluar tatuazhin që dikur mbante me krenari në trupin e tij – shkronjat “B – Xh”, që simbolizonin lidhjen e tij me këngëtaren Xhensila Myrtezaj.

Tani, shkronja “Xh” është mbuluar me ngjyrë të zezë, një zgjedhje që duket të jetë më shumë se thjesht estetike – është një mesazh i qartë për fundin e një marrëdhënieje që dikur fliste me tatuazhe, këngë dhe premtime publike.

Kujtojmë se ndarja mes Besit dhe Xhensilës u bë publike pak muaj më parë, pas shumë thashethemeve dhe spekulimeve në media. Edhe pse të dy janë treguar të rezervuar për arsyet e ndarjes, veprime të tilla simbolike flasin më shumë se fjalët.

Ylli i njohur i serialeve turke, Burak Özçivit, ka mbërritur në Shqipëri për disa ditë relaksi.

Aktori, i njohur për rolet e tij në seriale të suksesshme është parë duke pushuar në Vlorë, një nga perlat e bregdetit shqiptar.Burak është fotografuar në një nga restorantet e qytetit.

Veshur në mënyrë sportive dhe me buzëqeshjen karakteristike, ai ka pozuar me stafin dhe fansat e pranishëm.Ky është një tjetër tregues se turizmi shqiptar po tërheq gjithnjë e më shumë vëmendjen e figurave të njohura ndërkombëtare.

Qindra mijëra qytetarë, të cilët nuk kanë paguar taksat vjetore për makinat që kanë në pronësi, rrezikojnë një seri ndëshkimesh nëse nuk i shlyejnë shpejt detyrimet e prapambetura.

Në rang vendi rezultojnë 256,741 mjete debitorë, që nuk kanë paguar taksën vjetore të mjeteve të përdorura dhe të luksit. Prej tyre, 100 mijë e 453 mjete debitorë apo 39% e tyre janë në qarkun e Tiranës, e ndjekur nga Durrësi me 35,153 mjete debitore dhe Shkodra me 17,881 mjete me detyrime vjetore të pashlyera. Në raport me totalin, 84% e debitorëve janë individë dhe 16% e tyre nga bizneset.

MASAT

Për mbledhjen e detyrimeve nga pagesat e vonuara të taksës vjetore për mjetet e përdorura dhe të luksit DPSHTRR thotë se ka vijuar me planin e masave që nga njoftimet shkresore me frekuencë mujore nga Drejtoritë Rajonale përgjegjëse; njoftime digjitale përmes “a-Albania” mbi përfundimin e afatit të vlefshmërisë së taksës së mjetit, identifikim në terren përmes sistemit të monitorimit e deri te ndalimi i ofrimit të shërbimit për mjetet, të cilat rezultojnë debitore. Lista e plotë e debitorëve u është dërguar Drejtorive Rajonale të Tatimeve, me qëllim marrjen e masave për mbledhjen e taksave të papaguara për makinat nga bizneset, si dhe Drejtorive Rajonale të Policisë sipas qarqeve. Për rastet e evidentuara të qarkullimit të mjetit në mungesë të kolaudimit, drejtuesi penalizohet me gjobë ose sekuestrim mjeti. Të dhënat e debitorëve u janë dërguar edhe bashkive, të cilat janë arkëtuese 25% të taksave vjetore të mjeteve.

PENALITETET

Sipas Drejtorisë së Përgjithshme të Shërbimeve të Transportit Rrugor, të gjithë pronarët e mjeteve që u janë shmangur pagesave të taksave, do të kenë penalitete në vijim duke mos marrë një seri shërbimesh thelbësore duke filluar që nga ndryshimi i pronësisë; ndryshimi i targave (në rast dëmtimi apo humbje); kontrolli fizik (përfshirë certifikimin e xhamave të errësuar); lejet e qarkullimit kombëtare dhe ndërkombëtare; kontrollin teknik të detyrueshëm, si dhe të bëjnë çregjistrimin e mjetit. Shuma totale e borxhit të papaguar për taksën vjetore të mjeteve të përdorura (TVMP) dhe taksën e mjeteve luksoze (TVML) kap vlerën e rreth 17 miliardë lekëve, ose afërsisht 170 milionë USD, me detyrime që datojnë nga viti 2012 deri më qershor 2025. Apeli i drejtorisë pas këtij njoftimi për individët dhe bizneset debitore është pagesa e detyrimeve në kohë, me qëllim për të marrë shërbim. “DPSHTRR u bën thirrje të gjithë debitorëve të paguajnë detyrimet e tyre në kohë, jo vetëm për të shmangur kamatëvonesat, por edhe për të siguruar aksesin e vazhdueshëm në shërbimet e nevojshme të transportit.

Mospagimi i taksës mund të sjellë jo vetëm kosto shtesë, por edhe pengesa të mëdha në përdorimin e ligjshëm të mjetit”. Nuk janë pak, por mbi 256 mijë mjete që rezultojnë me debi nga individë që kanë emigruar ose nuk e kanë në përdorim makinën, por nuk kanë bërë çregjistrimin e tyre, qoftë edhe përkohësisht. Sakaq, të tjerë janë në pritje edhe të faljes së gjobave, një precedent i përpara disa viteve në fakt. Në 2017 qeveria miratoi ligjin nr. 33/2017 “Për pagesën dhe fshirjen/shuarjen e detyrimeve tatimore, detyrimeve të pagueshme në doganë, si dhe procedurën e heqjes nga qarkullimi të mjeteve të transportit pas fshirjes / shuarjes së detyrimeve tatimore”, ku përfituan pronarët e makinave dhe biznesi që kishte detyrime të papaguara në Dogana e Tatime. DPSHTRR tha së zbatim të ligjit të mëparshëm kanë përfituar pronarët e 93,522 mjeteve./

Moderatorja e njohur Ana Kallaku ka folur së fundmi për marrëdhënien e saj me këngëtaren Xhensila Myrtezaj, ish-partneren e vëllait të saj, Bes Kallaku. Edhe pse çifti është ndarë, duket se raportet mes dy vajzave nuk janë prishur.

Gjatë një interviste, Ana tregoi se vijon të mbajë kontakt me Xhensilën dhe se të dyja e ndjekin ende njëra-tjetrën në rrjetet sociale, një detaj që ka tërhequr vëmendjen e ndjekësve.

“Vujmë nga disa komplekse marrëdhëniesh, kur pyet për marrëdhënien me vjehrrën, me kunatën, me kunatin, duket sikur çalon diçka në këto gjëra. Nuk kam vuajtur asnjëherë nga këto lloj problemesh, nga këto lloj kompleksesh”, u shpreh Ana në ‘Studio A’.

Ajo theksoi se çdo marrëdhënie është në dorën tonë dhe se ka preferuar gjithmonë të ndërtojë raporte të mira me njerëzit që kanë qenë pjesë e jetës së saj:

“Unë kam dashur gjithmonë që marrëdhëniet me njerëzit e mi t’i kem të mira dhe e kam bërë këtë gjë më këdo që kam pasur në jetën time.”

Një 38-vjeçar rrëfeu sot për emisionin “Me zemër të hapur” të moderatores dhe autores Evis Ahmeti, raportin e tij toksik me ish-bashkëshorten e tij.

Ai tha se është dhunuar fizikisht nga ish-gruaja e tij, me të cilën është divorcuar.

Familja e tij tha për redaksinë se ish- gruaja ka dhunuar bashkëshortin dhe po i mban atij me forcë shtëpinë të cilën e ka trashëgimi nga babai dhe nuk është vetëm shtëpi në pronësi të tij, por edhe e motrave dhe vëllezërve të tij.

Burri shfaqet në një video duke u ofenduar rënde nga ish-gruaja dhe duke u dhunuar fizikisht, ku mes të tjerash video përmban edhe fjalor denigrues dhe poshtërues ndaj tij.

Gjatë fjalës së tij, ai ka folur se si është njohur me ish-bashkëshorten dhe se në fillim kishin një martesë të lumtur por më vonë kishin filluar edhe debatet.

38-vjeçari tregoi se dyshimet e tij në marrëdhënien midis tyre kishin filluar pasi një vizite në punë ku ish-bashkëshortja kishte shkuar me vonesë dhe ishte paraqitur nga dera e pasme.

Sipas tij, ajo mbante një distancë me familjarët e tij, përkundrazi ndodhte me 38-vjeçarin i cili kishte një marrëdhënie normale me prindërit e saj.

“Për momentin jam mirë dhe e kam marrë veten. Unë kam dyshuar edhe për një tradhti nga ana e saj sepse kam kuptuar edhe dy mashtrimet e saj. Aktualisht po jetoj me qira ndërsa ajo jeton me dy fëmijët tek prindërit e saj. Unë jam njohur me ish-bashkëshorten në vitin 2008 pasi isha kthyer nga Greqia. Ne kemi pasur një biznes, dhe ajo ishte edhe shoqja e motrës time. Unë e formalizova marrëdhënien me të pasi pak kohësh dhe më pas shkuam në Greqi ku jetuam prej 2 vitesh.

Më vonë pas një krize, u rikthyem dhe jetuam tek zona e Laprakës. Unë e kam vuajtur shumë 5 muajt e fundit. Para disa vitesh kishim një martesë të lumtur, por herë pas here kishim edhe debate si të gjithë çiftet. Unë kam pasur një marrëdhënie normale me familjarët e saj, përveç me motrat e saj pasi besoj se ato mund ta kenë fryrë kundër meje.

Ndërsa ajo mbante distancë në marrëdhënien me familjarët e mi. Kriza midis nesh vazhdoi, kur pasi ishte kthyer nga Gjermania, kisha disa kohë që nuk kisha punë. Një ditë shkova tek puna e saj dhe ajo nuk ndodhej aty, dhe dëshiroja t’i bëja një surprizë dhe t’i thoja se kisha gjetur një punë, por ajo nuk ndodhej aty dhe kishte hyrë nga dera mbrapa. Më vonë unë fillova të kisha disa dyshime”, tha ai

Gjatë bisedës në studio ai shtoi se aktualisht nuk ka një strehë ku të flejë, pasi policia e ka nxjerrë nga banesa e cila është trashëgimi nga babai i tij.

“Gjithashtu edhe kisha lexuar edhe disa biseda të shkëmbyera midis saj dhe një personi tjetër. Ditën e ngjarjes, e kam kërkuar unë divorcin pasi ajo shmangte dhënien e përgjigjes për dyshimet ndaj tradhtisë. Banesa ku ajo jeton me fëmijët është e imja pasi është trashëgimi nga babai im”, theksoi 38-vjeçari.

Lajm i trishtë për futbollin në Kosovë pasi ka ndërruar jetë Ejup Mehmeti. I njohur ndryshe edhe si “Kapiti”, u nda nga jeta në moshën 75-vjeçare.

Mehmeti ka luajtur në vitet ’70 për Prishtinën, ndërsa pati karrierë edhe si trajner te kryeqytetasit. Te Prishtina u emërua teknik i skuadrës, pikërisht në vitin 2012. Në Kosovë ndërkohë është nderuar edhe me “Mirënjohje për Vepër Jetësore”.

Gjatë karrierës së tij kontribui po ashtu te Hamburgu në Gjermani si zëvendës trajner.

Sot, më 18 qershor 2025, dollari amerikan blihet me 84.2 lekë dhe shitet me 85.2 lekë.

Euro blihet me 97.5 lekë dhe shitet 98.3 lekë.

Franga zvicerane këmbehet në blerje me 103 lekë, ndërsa në shitje me 104.3 lekë.

Paundi britanik blihet me 114 lekë dhe shitet me 115.3 lekë.

Dollari kanadez sot në blerje këmbehet me 61.8 lekë, ndërsa në shitje me 63 lekë.

Më poshtë, po sjellim të dhënat e këmbimin valutor, për të gjitha monedhat e huaja: