Category: Lajme

Një 43-vjeçar është ndëshkuar me masë administrative 40 mijë lekë të rinj në Velipojë pasi qarkullonte me leje drejtimi të pezulluar.

Mësohet se i riu me iniciale B.M., pas kësaj mase ka dethrim që të ndjekë kursin për rimarrjen e lejes së drejtimit.

Njoftimi i Policisë:

Në lidhje me një video të publikuar në rrjetet sociale, ku shfaqet një automjet duke lëvizur në bregdet, pranë pushuesve në Velipojë, ju informojmë se:

Shërbimet e Stacionit të Policisë Velipojë, në bashkëpunim me Specialistët e Sektorit të Policisë Rrugore, kanë identifikuar drejtuesin e mjetit. Nga verifikimet rezultoi se ky shtetas qarkullonte me leje drejtimi të pezulluar. Ndaj tij u vendosur masa administrative prej 40 000 lekësh të rinj dhe Heqja përfundimtare e lejes së drejtimit;

Drejtuesi i automjetit shtetasi B. M., 43 vjeç, banues në Velipojë, ka detyrimin për ndjekjen e kursit për rimarrjen e lejes së drejtimit. Policia e Shkodrës fton qytetarët të denoncojnë çdo shkelje të rregullave të qarkullimit rrugor në numrin 112 apo në Komisariatin Dixhital. Garantojmë se çdo rast do të trajtohet me reagim të menjëhershëm dhe në përputhje me ligjin.

Në tregun e këmbimit valutor shqiptar, një dollar amerikan do të blihet sot me 84.2 lekë dhe do shitet me 85.4 lekë.

Ndërkohë monedha evropiane euro do blihet me 97.5 lekë dhe do shitet me 98.3 lekë.

Franga zvicerane sot në tregun shqiptar do blihet me 103.5 lekë dhe do shitet me 104.5 lekë.

Ndërsa paundi britanik do blihet me 114.2 lekë dhe do shitet me 115.2 lekë.

Një pamje e rrallë është regjistruar në ujërat shqiptare, pranë gadishullit të Karaburunit, ku një balenë është filmuar duke notuar qetësisht. Videoja u publikua në rrjetet sociale nga arkitekti dhe ambientalisti Artan Shkreli, i cili ndau momentin emocionues me ndjekësit e tij.

“BALENË … sot në drekë, në Meksokanal, pranë Karaburunit. Nga helikopteri mund t’i jepje dorë”, shkruan Shkreli në postim, shoqëruar me pamjet ajrore ku gjitari detar shihet qartë në ujërat e kristalta të Jonit.

Kjo është hera e parë pas pesë vitesh që një balenë raportohet të jetë parë në këtë zonë. Sipas të dhënave, hera e fundit kur balenat u vunë re në Karaburun ishte në vitin 2020, kur një grup u filmua nga një peshkatar duke lëvizur pranë brigjeve.

Balenat janë vizitorë të rrallë të detit shqiptar, dhe prania e tyre ngjall interes dhe shqetësim njëkohësisht për ekosistemin detar, që është nën presion të vazhdueshëm nga aktiviteti njerëzor, ndotja dhe ndryshimet klimatike.

Pamje të tilla janë një sinjal pozitiv për biodiversitetin në zonat detare shqiptare dhe një kujtesë e rëndësishme për nevojën e mbrojtjes së këtyre habitateve të ndjeshme.

Disa makina-bomba kanë shpërthyer në Teheran pasi sulmet ajrore izraelite goditën kryeqytetin iranian.

Pesë bomba shpërthyen në vende të ndryshme, tha agjencia gjysmëzyrtare e lajmeve IRNA e Iranit, me raportime të pakonfirmuara se ato shpërthyen njëkohësisht pranë ndërtesave qeveritare.

Pamjet që qarkullojnë në mediat sociale tregojnë tym të zi të dendur që ngrihet nga një makinë në flakë dhe dritaret e shkatërruara nga ndërtesat përreth. Disa sugjerojnë se ky sulm ka targetuar shkencëtarë bërthamorë.

Media iraniane raportoi se selia e policisë së Teheranit u godit gjithashtu të dielën dhe një numër objektivash të tjerë u qëlluan ndërsa bombardimet izraelite hynë në ditën e tretë.

Të paktën 14 shkencëtarë bërthamorë iranianë janë vrarë në sulmet ajrore izraelite që nga fillimi i konfliktit të premten, përfshirë dy me makina-bomba, sipas burimeve në Gjirin Persik.

Me ardhjen e datës 16 Qershor 2025, jeta nis me mot të kthjellët dhe diell, duke sjellë një atmosferë pozitive dhe një ndjenjë energjie të rinovuar për fillimin e javës.

Kjo ditë ka potencialin të jetë e veçantë – jo vetëm për atmosferës, por edhe për mënyrën si mund ta shfrytëzojmë për mirëqenie dhe rezultate reale.

Fillimi i së hënës me diell dhe temperatura optimale (16–32 °C) ndikon tek disponimi dhe nivelit i motivimit. Psikologët vlerësojnë se drita natyrale e diellit stimulon prodhimin e serotoninës – hormoni i lumturisë – duke na ndihmuar të jemi produktivë dhe të përqendruar që në mëngjes.

Kushtet ideale për punë në natyrë
Për ata që kanë mundësi të punojnë jashtë – në tarraca, kopshte apo kafe – moti i kthjellët dhe era mesatare krijojnë ambient ideal. Sipas meteorologëve, 15–25 km/h fryrje të lehta të ajrit janë të mjaftueshme për një ndjesi freskie, por pa krijuar trazim .

Aktivitete fizike me energji dhe rehati
Të hënat janë shpesh ditë e vullnetit të mirë për të filluar rutinën e fitnesit. Temperaturat duke luhatur nga 16°C në mëngjes deri në 32°C gjatë ditës, bëjnë të mundshëm aktivitetet në natyrë (ecje, vrap, yoga) me rehati, pa stresin e vapës ekstreme.

Dashi

Të lindurit e kësaj shenje i pret një fundjavë e komplikuar dhe e mbushur me lodhje. Do të ndiheni të shqetësuar lidhur me disa projekte të cilat duhet ti përfundoni sa më parë. Vështirësi do të ketë edhe në punë dhe familje, ndaj përgatituni që të përballeni me një periudhë aspak të lehtë.

Demi

Ky 7 shtator do të jetë mjaft i favorshëm për ju, në sajë të ndikimit të Hënës në shenjën tuaj. Nëse jeni vetëm, përgatituni për takime interesante. Fundjava paraqitet mjaft premtuese, ndaj përfitoni.

Binjakët

Pas një periudhe shumë të ngarkuar me stres, më në fund do të nisni të merrni frymë. Nëse jeni përballur me debate në familje apo me partnerin/en, mos u shqetësoni, pasi çdo gjë do të sistemohet. Këshillohet veçse që të bëni kujdes me shpenzimet e tepërta.

Gaforrja

Gjatë kësaj fundjave më në fund do të mbusheni me frymë, pas problemeve profesionale dhe ligjore që keni pasur. Është momenti për tu rikarikuar, për t’iu përkushtuar njerëzve tuaj të zemrës dhe të mos bini pre e provokimeve.

Luani

Pas një fillim jave pozitive, do të përballeni me një sërë ndryshimesh. Bëni mirë që të dëgjoni të afërmit tuaj dhe ti mbështesni nëse ju kërkojnë ndihmë.

Virgjëresha

Pas disa ditëve të ngarkuara me stres, më në fund do të ndiheni më mirë. Nëse mundni dilni sa më shumë, pasi yjet janë në anën tuaj dhe premtojnë çlodhje.

Peshorja

Këshillohet që gjatë kësaj të shtune të shmangni zënkat me njerëzit tuaj të dashur. Duhet të jeni sa më të durueshëm, pasi situatat e ngarkuara do të kalojnë shumë shpejtë.

Akrepi

Karikohuni me energji këtë fundjavë, e meritoni. Pas javëve të vështira që keni kaluar, ka ardhur momenti që të qetësoheni. Sa i takon dashurisë do të ketë zhvillime premtuese.

Shigjetari

Ka ardhur momenti për tu përballur me disa situata të mbetura pezull. Bëni mirë që të mos i shtyni projektet e reja, pasi është momenti për të vepruar, shkruan noa.al.

Bricjapi

Hëna do të ketë ndikim mjaft të favorshëm dhe do ju karikojë me energji. Për këtë arsye do të gjeni forcën për të bërë miqësi të reja dhe do të punoni për një projekt të cilin e keni shumë përzemër. Ju pret një fundjavë mjaft e favorshme.

Ujori

Kjo fundjavë do të jetë e mbushur me emocione. Nëse jeni vetëm ka ardhur momenti që të hidhni hapin e parë ndaj një personi që e keni shumë përzemër. Ju pret një periudhë mjaft harmonike.

Peshqit

Do të keni mundësi që të merrni kënaqësi të mëdha mes fundjavës dhe fillimit të javës që vjen. E shtuna do të mundësojë rikuperim energjish, pasi më tej ju presin ditë të ngarkuara.

Etleva Ruçi, një nënë dhe mësuese e përkushtuar në Gjimnazin “Petro Nini”, kërkon ndihmën e shqiptarëve. Pas humbjes së bashkëshortit, një oficer policie që i la mbi supe gjithë barrën e rritjes së dy djemve, Etleva sot po përballet me një sprovë të tmerrshme.

Djalin e madh, Tedi, 27 vjeç, e ka prekur një sëmundje e rrallë dhe që mund të ketë një fund tragjik, Adreno-Leuko Distrofi, që paralizon muskujt, dëmton sistemin nervor dhe nuk fal. Sikur mos mjaftonte kjo, para pak ditësh, ajo mori edhe goditjen tjetër, edhe djali i vogël, Noel 24 vjeç, është bartës i po këtij gjeni.

Në Shqipëri nuk ka kurim për këtë sëmundje. E vetmja shpresë mbetet jashtë vendit, në duart e mjekëve gjenetik dhe terapive me inxhinieri gjenetike që kushtojnë shumë. Noeli sapo ka mbaruar Universitetin me mesatare 9.8 dhe punon për të mbajtur familjen, ndërsa Tedi, i pamundur, përballet me një diagnozë që vetëm shpresën mund ta mbajë gjallë.

Ndërkohë, nëna e tyre, e mbetur e vetme dhe pa asnjë mundësi ekonomike, kërkon ndihmë nga shqiptarët për të shpëtuar djemtë e saj. Etleva nuk ka kërkuar kurrë asgjë. Ka jetuar me dinjitet dhe ndershmëri, ka dhënë dije brezave të rinj, por sot është në gjunjë përpara nesh.

U lutet shqiptarëve për ndihmë që të mos i shuhen dy drita e shtëpisë, të mos i marrë sëmundja djemtë e saj. JOQ Albania ka publikuar apelin e saj për ndihmë dhe i bashkohet thirrjes për shqiptarët, që të hapin zemrat dhe ta ndihmojnë.

Të dhënat për ndihmë: IBAN: AL64202111230000002800837768. Linku për të dhuruar në GoFoundMe (KLIKO KËTU).

MESAZHI I NËNËS PËR TË NDIHMUAR DJEMTË E SAJ:

I nderuar staf i redaksise! Ju shkruaj me shpirtin e renduar dhe zemren e plagosur. Jam Etleva Ruci, nene e dy djemve dhe mesuese ne Gjimnazin Petro Nini. Bashkeshorti (oficer policie) eshte ndare nga jeta dhe me eshte dashur te rrit e vetme djemte. Perpara nje viti djali i madh 27 vjec u semur. Pas nje kalvari te gjate dyerve te spitaleve,vetem perpara dy muajsh ju vu diagnoza e nje semundje shume te rralle gjenetike. Kjo semundje demton nervat, muskujt paralizohen dhe ka nje fund tragjik. Fatkeqesia per mua nuk mbaron ketu, sepse disa dite me pare mesova qe dhe djali tjeter 24 vjec eshte bartes i po ketij gjeni.

Djali sapo ka mbaruar Universitetin me mesatare 9.8 dhe punon per te me ndihmuar ne perballimin e kesaj situate

Kjo semundje qe kane djemte e mi Noel dhe Tedi nuk kurohet ne Shqiperi dhe kostot per mjekimin e saj jane shume te larta per mundesite tona. Me dhimbje dhe shpese ju drejtohem JU si ndihma e fundit. Kam Nuk kam kerkuar kurre me pare ndihme publike, kam punuar gjithe jeten me ndershmeri e dinjitet. Sot jam ne gjunje perpara jush, si nje nene qe po sheh gjithe jeten e saj te shuhet perpara syve

Kam hapur nje Go Fund Me. Dhe mbase ndonje mjek shqiptar qe punon ne bote si mjek gjenetist. Eshte semundje shume e rralle mjekohet me inxhinjeri gjenetike. Njeri djale eshte shume i semure por mos i iki dhe tjetri. Semundja quhet Adreno-Leuko Distrofi. Ju lutem me ndihmoni ta bej publik kete rast. Me shume besim e mirenjohje Etleva Ruci.

Ministri izraelit i Mbrojtjes, Izrael Katz, ka reaguar pas sulmeve të Iranit mbi Tel Aviv, duke theksuar së sulmi ka shkaktuar vetëm dëme materiale.

Katz tha se Irani “ka kaluar vijat e kuqe” duke qëlluar raketa në qendrat e popullsisë civile dhe u zotua se do të paguajë një “çmim shumë të rëndë” për veprimet e tij.

Policia izraelite ka njoftuar se një municion iranian i kapur nga Izraeli, ka rënë në Distriktin Verior të vendit të premten në mbrëmje sipas kohës lokale.

“Në këtë fazë, nuk ka raportime për të lënduar, por janë raportuar dëme materiale”, tha zëdhënësi i policisë.

Policia izraelite i ka kërkuar publikut të shmangë afrimin e vendeve ku kanë rënë raketat balistike iraniane.

“Njësitë e përforcuara dhe të trajnuara mirë të Policisë Izraelite, duke përfshirë ekipet taktike, skuadrat e reagimit ndaj emergjencave dhe vullnetarët, janë vendosur plotësisht në të gjithë vendin.

Këto ekipe do të mbërrijnë shpejt në çdo vendngjarje, do të sigurojnë zonën dhe do t’u mundësojnë ekspertëve të asgjësimit të bombave të neutralizojnë kërcënimet gjatë kryerjes së operacioneve të shpëtimit sipas nevojës”, tha në një deklaratë Njësia e Zëdhënësit të Policisë Izraelite, duke i bërë thirrje publikut të mos prekë municionet ose mbeturinat.

Rreth 150 raketa janë lëshuar nga Irani në drejtim të qyteteve kryesore të Izraelit në valën e parë hakmarrëse të Teheranit, që erdhi pas atij sulmi kirurgjikal të ushtrisë izraelite, që i mori jetën komandantëve kryesore të Gardës Revolucionare dhe shkencëtarëve që çonin përpara programin bërthamor të vendit.

Sipas mediave në Izrael, IDF i ka njoftuar tanimë civilët se mund të largohen nga strehimoret.

Një zëdhënës i ushtrisë izraelite deklaroi se pas vlerësimit të situatës, Komanda e Frontit të Brendshëm lëshoi ??udhëzime se është e mundur të largohesh nga zona e mbrojtur dhe të vazhdohet të qëndrohet pranë saj në të gjitha rajonet e vendit.

“Ju kërkohet të vazhdoni t’i bindeni udhëzimeve të Komandës së Frontit të Brendshëm dhe udhëzimeve që po ju shpërndahen”, shton deklarata.

Të paktën shtatë vende në dhe përreth Tel Avivit u goditën nga sulmi me raketa iraniane ndaj Izraelit këtë mbrëmje, tha një zyrtar ushtarak izraelit për The New York Times, pa specifikuar shkallën e dëmit.

Ministri izraelit i Mbrojtjes në reagimin e parë pas kundërpërgjigjes së Teheranit tha se “Irani e ka shkelur vijën e kuqe duke guxuar të lëshojë raketa në qendrat e popullsisë civile në Izrael”.

“Ne do të vazhdojmë të mbrojmë qytetarët izraelitë dhe të sigurohemi që regjimi i ajatollahëve të paguajë një çmim shumë të lartë për veprimet e tij kriminale”, tha Katz.

Ndërkohë, lideri Suprem i Iranit, Ayatollah Ali Khamenei e paralajmëroi ofensivën hakmarrëse përkundrejt Izraelit përmes një postimi në platformën ‘X’ mbrëmjen e sotme, pak para se sulmi me raketa që goditën Tel Avivin dhe Jeruzalemin, të niste.

“Regjimi sionist ka bërë një gabim të madh, një gabim të rëndë dhe ka kryer një akt të pamatur. Me ndihmën e Zotit, pasojat e këtij veprimi do ta çojnë atë regjim drejt shkatërrimit. Kombi iranian nuk do të lejojë që gjaku i dëshmorëve të tij të vlefshëm të mbetet pa hakmarrje, dhe nuk do të injorojë shkeljen e hapësirës sonë ajrore”, tha Kahmenei.

Më tej lideri iranian shtoi se Forcat e Armatosura të vendit të tij janë të gatshme, dhe zyrtarët e lartë dhe i gjithë populli janë pas tyre.

“Sot, duhet t’i përgjigjemi fort identitetit të keq, të pështirë dhe terrorist sionist. Me ndihmën e Zotit, do të përgjigjemi me forcë dhe nuk do të tregojmë mëshirë ndaj tyre. Jeta me siguri do të bëhet e hidhur për sionistët. Regjimi sionist nuk do të shpëtojë i sigurt nga ky krim i tmerrshëm që ka kryer. Kjo është e sigurt: Forcat e Armatosura të Republikës Islamike do të japin goditje të rënda kundër këtij armiku të keq sionist. Populli iranian është me ne. Ata mbështesin Forcat e Armatosura, dhe Republika Islamike do të triumfojë mbi regjimin sionist, me vullnetin e Zotit”, shtoi në vijim Khamenei.

Sulmi i Izraelit natën e kaluar shkaktoi vdekjen e disa komandantëve të lartë iranianë, përfshirë Hossein Salami, komandantin e përgjithshëm të Gardës Revolucionare Islamike.

Teherani është një qytet që nuk ka parë luftë për dekada, që nga fundi i luftës Iran-Irak në fund të viteve 1980.

Ka pasur sulme të njëpasnjëshme midis Izraelit dhe Iranit, por këto nuk kishin në shënjestër qendrat kryesore të qyteteve apo ndërtesat e banimit.

Prandaj, ky është një moment shumë tronditës për miliona iranianë. Po godet shumë afër jetës së njerëzve.

Ndërkohë, televizioni shtetëror iranian pretendoi se një pilote femër e Forcave Ajrore Izraelite u kap pasi avioni i saj luftarak u rrëzua gjatë operacionit, por Forcat e Mbrojtjes së Izraelit e mohuan këtë.

Gjithashtu, Irani ka pretenduar se forcat e tij të mbrojtjes ajrore goditën dhe shkatërruan me sukses dy avionë F-35 si dhe një numër të madh dronësh të vegjël.

Në bisedën e tij me kryeministrin izraelit Benjamin Netanyahu, Presidenti rus Vladimir Putin theksoi nevojën për të zgjidhur çështjet që lidhen me programin bërthamor të Iranit ekskluzivisht përmes mjeteve politike dhe diplomatike, dhe shprehu gatishmërinë e tij për të ndërmjetësuar për të parandaluar përshkallëzimin e mëtejshëm të tensioneve.

Kremlini zyrtar raportoi, duke shtuar se “u ra dakord që pala ruse do të vazhdojë të mbajë kontakte të ngushta me udhëheqjen e Iranit dhe Izraelit me qëllim zgjidhjen e situatës aktuale, e cila është e mbushur me pasoja katastrofike për të gjithë rajonin”.

Nga ana tjeter, në telefonatën e tij të me Presidentin rus Vladimir Putin, Presidenti iranian Masud Pezeshkian tha se Irani “kurrë nuk do të kërkojë të pajiset me armë bërthamore”.
Kjo u raportua në një deklaratë nga presidenca iraniane.

“Republika Islamike e Iranit ka deklaruar gjithmonë se kurrë nuk do të kërkojë të pajiset me armë bërthamore dhe është e gatshme të ofrojë garanci në këtë çështje autoriteteve ndërkombëtare kompetente”, thuhet në deklaratë.