Lajme Flesh

Një ngjarje tragjike ka ndodhur sot në lagjen “13 Shtatori” të qytetit të Beratit, ku një 58-vjeçar ka vendosur t’i japë fund jetës duke u vetëvarur në dhomën e gjumit të banesës së tij.

Viktima, i identifikuar si shtetasi Y. R. , u gjet i pajetë nga bashkëshortja, e cila njoftoi menjëherë policinë. Sipas burimeve zyrtare, në trupin e të ndjerit nuk janë konstatuar shenja dhune, duke përforcuar dyshimet se bëhet fjalë për vetëvrasje.

Në vendngjarje, policia gjeti një letër të lënë nga viktima, në të cilën ai i kërkonte ndjesë bashkëshortes dhe shpjegonte gjendjen e tij të rënduar psikologjike.

Ai shprehej se, për shkak të përkeqësimit të sëmundjes dhe rrezikut për paralizë të plotë, nuk dëshironte të bëhej barrë për familjen.

Sakaq, grupi hetimor ndodhet në vendngjarje dhe po punon për zbardhjen e plotë të rrethanave të kësaj ngjarjeje të rëndë.

Një aksident i rëndë rrugor me pasojë vdekje është regjistruar mbrëmjen e kësaj të diele në Polikarpoi, Pela në Greqi.

Mediat fqinje bëjnë me dije se nga aksidenti ka humbur jetën një 21-vjeçar me origjinë shqiptare.

Raportohet se për arsye ende të paditura 21-vjeçari, i cili po udhëtonte me mjetin e tij, ka humbur drejtimin dhe për pasojë makina ka dalë nga rruga dhe është askidentuar.

Nuk dihet ende identiteti i viktimës. Autoritetet greke po punojnë për zbardhjen e plotë të rrethanave të aksidentit tragjik.

Dashi

Do të ishte mirë t’i përkushtoheshit vetes suaj. Shprehni idetë ‘me shpirt’ duke dhënë më të mirën e mundshme. Rekomandohet të përfshiheni seriozisht në sport. Përpiquni të mos përfshiheni në debat me një prej kolegëve tuaj.

Demi

Nuk është e nevojshme të nxitoni për në punë. Përveçse do të qëndroni pak më gjatë në punë, ka gjasa që të përballeni me disa shqetësime në familje. Sa i përket financave, dita do të jetë e mbarë pasi do të arrini të kaloni disa vështirësi.

Binjakët

Disa persona të kësaj shenje këshillohen që ta përzgjedhin me kujdes informacionin që do t’ju vijë. Gjërat mund të mos jenë ashtu siç duken. Mos u përpiqni të bëni hidhni baltë ndaj imazhit të dikujt, që e konsideroni konkurrent. Do të ishte e udhës të ecnit përpara me sinqeritet.

Gaforrja

Shumë të lindur të kësaj shenje do të kalojnë momente mjaft të bukura sot. Ka gjasa të merrni një surprizë të këndshme. Nuk rekomandohet të shpenzoni më shumë se buxheti juaj. Mbi të gjitha mos shpenzoni për të blerë artikuj të panevojshëm.

Luani

Pritet ta kaloni ditën lehtësisht. Priten arritje në karrierë, biznes dhe dashuri. Megjithatë shkalla e këtyre arritjeve nuk do të jetë e madhe. Mund të nisni një projekt të ri në kolektiv, rezultati i të cilit do të jetë produktiv.

Virgjëresha

Kjo ditë mund të jetë ndër më të lumturat. Ka gjasa që të arrini sukses të madh në marrëdhëniet profesionale. Sa i përket marrëdhënies suaj romantike, do të kaloni momente të paharrueshme.

Peshorja

Të lindurit e kësaj shenje nuk rekomandohet të ndërmarrin rreziqe. Këtu përfshihet çdo lloj rreziku, duke përmendur edhe një takim të mundshëm. Do të ishte mirë ta kalonit ditën në qetësi dhe të vëzhgoni me kujdes disa dokumente të rëndësishme

Akrepi

Mos humbni energjinë për gjëra të parëndësishme. Duhet të alternoni punën me pushimin. Ka gjasa të arrini një marrëveshje të rëndësishme në biznes. Sa i përket marrëdhënieve personale mund të përballeni me ankth.

Shigjetari

Do të jetë një ditë me fat, por mos i vështirësoni gjërat duke u treguar skeptik. Besojini intuitës, shmangni ankthin dhe kontaktin me persona që nuk janë besnikë. Në mbrëmje përpiquni të relaksoheni duke bërë joga ose duke dalë në mbrëmje me personat tuaj të dashur.

Bricjapi

Shmangni kurajën e tepërt sot. Mos u bëni pjesë e një konflikti dhe mos kritikoni familjarët. Në mbrëmje do të zhvilloni një bisedë shumë të rëndësishme me partnerin/partneren tuaj. Ka gjasa që të ndërmerrni edhe një hap vendimtar.

Ujori

Pritet të jetë një ditë me plot surpriza të këndshme sa i përket marrëdhënieve personale. Përpiquni të konsolidoni suksesin. Bëni kujdes nga njerëzit që iu rrethojnë, pasi dikush që e konsideroni mik mund të jetë xheloz ndaj jush.

Peshqit

Mos refuzoni ndihmën e dikujt, pasi do t’ju ofrohet t’ju ndihmojë pa asgjë tjetër në këmbim. Rekomandohet të flisni hapur me dikë pranë jush. Martesa juaj mund të ngrejë pikëpyetje, të cilat kërkojnë medoemos përgjigje.

Kryetari i Partisë Socialiste, Edi Rama ka qenë i ftuar mbrëmjen e kësaj të diele në studion e “Review” në Euronews Albania.

Përpos fushatës elektorale, Rama është ndalur edhe të arritjet e qeverisë së tij përgjatë këtyre viteve, por edhe te kritikat e opozitarëve duke lënë të kuptohet se janë “fluska sapuni” pasi e vërteta është krejt ndryshe nga çfarë thonë kundërshtarët.

Ndërkohë gjatë bisedës, teksa Rama ishte duke folur me shifra, drejtuesja e këtij emisioni, Jonida Shehu po kontrollonte në telefonin e saj, gjë e cila i tërhoqi vëmendjen kryeministrit i cili e kritikoi duke e krahasuar më tej me drejtuesin e emisionin “Opinion”, Blendi Fevziun.

Pjesë nga biseda e Ramës në studio ( e zbardhur jo në rrjedhë kronologjike)

Rama: Shqiptarët i ndjejnë i perceptojnë dhe shohin jetën e përditshme. Ti nuk mund ti thuash s’ke ujë kur shumica kanë ujë. Pastaj nuk mund ti thuash nuk ka drita, se shumica dërrmuese e dinë shumë mirë që ne i kemi dritat

Jonida Shehu: Arritje e madhe është uji dhe dritat në 2025

Edi Rama: Po të shpjegoj shqiptarët se më bërë pse shqiptarët janë, e lë të kuptohet, kanë të ulët e kanë nivelin e durimit. Pse janë të duruar?

Jonida Shehu: Kam parasysh një grua, nuk e kam marrë legalizimin, aman kam durim, do pres dhe do votoj PS se jam socialiste.

Rama: Një minutë. Të jesh socialist është të kesh sensin e gjërave të kuptosh sensin. Pensionistët pse votojnë? Këta i bëjnë budallenj, komunistë matufë. Ajo grua më dëgjon mua me shumë vëmendje se ka hallin e legalizimin dhe ajo më dëgjon mua dhe kur bën verifikimin shikon dhe thotë po më vjen e mua radha se u bënë 270 mijë. Nuk është e kënaqur që nuk i është bërë legalizimi. Tani mos mu bëni si Fevziu që të gjithë shikoni telefonin. Fokusohu këtu.

Jonida Shehu: Kam të gjithë vëmendjen këtu. Po po shikoja disa shifra, unë po bëj punën time e qetë.

Rama: Po lëri shifrat…..

Ukraina rrëzoi dy aeroplanë luftarakë rusë që u dërguan për të kapur dronët e marinës ukrainase në Detin e Zi.

Siç raportohet, bëhet fjalë për një lloj droni të armatosur detar deri tani i panjohur që përdor raketa amerikane Sidewinder.

Më herët u njoftua se Ukraina rrëzoi një Su-30 Flanker rus. Tashmë është konfirmuar se një aeroplan tjetër i të njëjtit lloj është rrëzuar në të njëjtën ditë.
Dhe këta janë aeroplanët e parë luftarakë në histori që u shkatërruan nga një dron detar.

Sipas deklaratave të kreut të shërbimit të inteligjencës ushtarake të Ukrainës, gjeneral kolonel Kirill Budanov, si dhe presidentit Volodymyr Zelensky, sulmi u krye nga forcat ukrainase duke përdorur një version të ri të dronit Magura.

Edhe pse disa burime më parë pohuan se ishte një dron Magura V5, bëhet e ditur se në fakt ishte një model shumë më i madh Magura V7.
Është hera e parë që ky variant prezantohet për publikun. Magura V7 është afërsisht 8 metra i gjatë.

Edhe pse ende nuk është konfirmuar nëse mund të mbajë lloje të tjera armësh përveç raketave Sidewinder, duket se është modular dhe i përshtatur  për misione të ndryshme.

https://x.com/visegrad24/status/1919042229919744256?ref_src=twsrc%5Etfw%7Ctwcamp%5Etweetembed%7Ctwterm%5E1919042229919744256%7Ctwgr%5E067406787617d42d7f5f9bf7dd5c447c07d9ebbd%7Ctwcon%5Es1_c10&ref_url=https%3A%2F%2Fwww.voxnews.al%2Fkosovabota%2Fshpikje-ukrainase-ky-eshte-droni-detar-qe-rrezoi-dy-avione-ruse-i91148

Është një nga emrat me të komentuar në rrjetet sociale dhe mediat roze. Fjala është për ish-finalisten e BBVA, Egli Tako.

Lidhja e saj me Gjestin bëri që Egli të merr vëmendje të madhe të publikut shqiptarë.

Se fundmi, Egli ka befasuar fansat e saj me një ndryshim të vogël që ka bërë në pamjen e saj.

Ajo ka vendosur të rregullojë vetullat, diçka që vetë ka treguar se nuk e kishte bërë më parë.

Nga viti 2022 deri më sot, tensioni global vetëm sa është rritur. Së pari lufta në Ukrainë, pastaj në Izrael dhe tani janë vetëm paralajmëruesit e një konflikti të mundshëm midis Indisë dhe Pakistanit. I shtohet kësaj mundësia që Kina të vendosë të sulmojë Tajvanin.

Dekadat e paqes midis fuqive pas rënies së Murit të Berlinit kanë mbaruar përfundimisht dhe, ashtu si gjatë Luftës së Ftohtë, kërcënimi i përshkallëzimit bërthamor është rikthyer. Aktualisht, nëntë vende zotërojnë armë bërthamore: Shtetet e Bashkuara, Rusia, Britania e Madhe, Franca, India, Pakistani, Koreja e Veriut dhe Izraeli.

Vendosja e kokave luftarake në Evropë

Përveç kësaj, ka koka luftarake amerikane të vendosura në Itali (në bazat e Aviano dhe Ghedi), Gjermani, Turqi, Belgjikë dhe Holandë. Në Itali, Uashingtoni ka pozicionuar 40 bomba lëshuese B61 të cilat, siç shpjegohet nga sekretari kombëtar i Unionit të Shkencëtarëve për Çarmatimin dhe profesori i Fizikës në Universitetin e Pizës, Francesco Forti, i cituar nga Corriere della Sera, “mund të aktivizohen me një çelës të vetëm, domethënë mund të lëshohen vetëm nga aeroplanë amerikanë, ose me një çelës të dyfishtë, domethënë mund të ngarkohen në aeroplanë italianë”. Përveç kësaj, kohët e fundit kanë mbërritur koka të reja luftarake që mund të montohen në F35. Këto bomba janë pjesë e mburojës bërthamore të NATO-s të menaxhuar nga Uashingtoni.

Planet e NATO-s

Por nëse Aleanca do të pësonte ndryshime, me tërheqjen e Shteteve të Bashkuara të kërcënuar kaq shpesh nga Presidenti Donald Trump, edhe arkitektura e parandalimit bërthamor do të duhej të rimendohej. Franca mund të përpiqet të mbushë boshllëkun e lënë nga aleati i saj i huaj, një përpjekje që do të shkaktonte një garë armatimesh. “Sot, shumica e kokave luftarake franceze janë të montuara në nëndetëse: domethënë, ato nuk janë armë ndërkontinentale. Parisi ka pak baza lëshimi në tokë dhe arsenali i tij aktual ka mbi të gjitha një funksion parandalues”, shpjegoi Forti. “Nëse do të zgjerohej për të mbrojtur Evropën, riarmatimi drejt armëve më agresive do të ishte i pashmangshëm.” Antonio Missiroli, këshilltar i lartë në ISPI dhe profesor në Universitetin John Hopkins, nënvizoi gjithashtu se lëvizja e armëve taktike në Bjellorusi e njoftuar nga Moska mund ta shtyjë Elizenë, gjithmonë në rast të një daljeje të SHBA-së nga NATO, të zhvendosë armët e veta në Poloni. Dhe duhet të marrim në konsideratë edhe “idenë e lançuar nga Merz gjerman për zhvillimin e një strategjie parandaluese edhe me Londrën dhe Parisin”. Eksperti gjithashtu e zhvendosi shikimin e tij nga Evropa te Kina, e cila ka përshpejtuar zhvillimin e arsenalit të vet dhe nuk është e detyruar nga asnjë traktat ndërkombëtar.

Ashpërsimi i retorikave

Dhe retorika e përdorur nga kancelari të ndryshme luan gjithashtu rolin e saj në shtyrjen e botës gjithnjë e më afër pikës pa kthi . “Merrni rastin e krizës kubaneze të vitit 1962: si Kennedy ashtu edhe Hrushovi ishin politikanë të zgjuar dhe, pavarësisht tensionit shumë të lartë, ata arritën një marrëveshje. Sot politikanët nuk janë të tillë”, vërejti Forti. “Duket se udhëheqësit tanë po përpiqen të rrisin tensionin, jo ta ulin atë. A duan ta eksportojnë logjikën e tarifave në sferën bërthamore? Fundi i botës është shumë afër.” Për të gjitha këto, duhet të shtojmë edhe zhvillimet në teknologjinë e luftës, me hyrjen në fushën e raketave hipersonike. Siç theksoi Missiroli, nëse më parë mund të kalonte më shumë se një orë nga alarmi i një koke bërthamore në fluturim deri në impaktin e mundshëm, tani po flasim për disa minuta. Nuk ka vend për të vlerësuar situatën ose një përgjigje të mundshme. Dhe për këtë arsye, strategjitë e mbrojtjes duhet të revolucionarizohen plotësisht, ndoshta drejt një drejtimi më agresiv që mund t’i hapë rrugën gabimeve me pasoja katastrofike.

Gazetari Armir Shkurti ka reaguar në përmes një statusi në Facebook, duke e cilësuar familjen Soros si “armik jo vetëm i presidentit Trump, por edhe i njerëzimit”. Sipas tij, “sekti” që solli dhe mbajti në pushtet Edi Ramën po rrëzohet edhe në SHBA.

Ai thotë se presidenti Trump ka nisur çmontimin e një strukture antinjerëzore nga vetë zemra e saj. Sorosin, Shkurti e përshkruan si “demon në dimrin e vet”. “Gjethet e vyshkura”, sipas tij, duhet të bien menjëherë, përndryshe metastazat shpirtërore do të përhapen më tej. Ai bën thirrje për veprim të menjëhershëm dhe vendimtar ndaj ndikimit të Sorosit në Shqipëri. “Të shkundim pemën!”, përfundon Shkurt me një thirrje.

Postimi i plotë:

Sekti që e solli dhe e mbajti Edi Ramën ka rënë nga fiku në SHBA! Familja Soros është armike jo vetëm e presidentit Trump. Natyrisht do kohën e vet çdo veprim. Trump ka nisur shthurjen e pëlhurës antinjeri nga ana më e rëndësishme dhe urgjente, për të mbërtitur në zemër të kancerit. Pra demoni Soros është në dimrin e vet, në pritje të ngricës.

Ky peshqeshi që ka lënë në Shqipëri është gjethe e vyshkur, e mbetur rastësisht në pemë. Fundi i tij është i pashmangshëm, por..
DUHET SHKUNDUR PEMA!!!!
Në pritje “të bjerë vetvetiu” mund të humbasim vite. Sot duhet shkundur! Tani duhet të shporret që të ndalojë përhapja fatale e metastazave të tij në trup e shpirt të Shqipërisë!
Është djall, është kancer, po s’u zhduk me rrënjë rilind pa problem
TË SHKUNDIM PEMËN!!!

Po të njëjtën zhurmë si dhe brenda shtëpisë së Big Brother Vip Albania, po bëjnë dhe jashtë saj. E kemi fjalën për çiftin Gjesti dhe Egli, të cilët për disa vijojnë të jenë të lidhur e për disa të tjerë jo. Te grupi i këtyre të fundit futet edhe Valbona.

E ftuar së fundmi në “E Diell”, ish-banorja e Big Brother Vip e pyetur nga gazteari Ronaldo Sharka nëse Egli dhe Gjesti janë bashkë, shprehu skepticizmin e saj lidhur me këtë marrëdhënie.

“Kam përshtypje që për publikun vazhdojnë. Por me aq sap o më lënë një shije, kam frikë se me impenjimet e shumta që ka Gjesti, por edhe Egli nuk kanë gjetur kohë për të qëndruam e njëri-tjetrin. Por duhet të shohim reagimet e tyre, uroj që të jenë bashkë dhe ta kenë finalizuar me dashuri dhe sukses”, tha Valbona, teksa në rrjet menjëherë shpërthyen lajmet se çifti më i përfolur i Big Borther Vip i ka dhënë fund lidhjes.

Por, pak pas kësaj deklarate ka qenë vetë Egli e cila ka postuar një foto në “Instagramin” e saj ku shumë ndjekës të saj i kanë komentuar duke i thënë se ndodhet në shtëpinë e Gjestit.

Mesa duket, Egli ka zgjedhur këtë mënyrë, përmes kësaj foto, për t’i kthyer njëherë e mirë përgjigje pyetjes që ‘A vazhdon akoma me Gjestin?’.

Kryeministri Edi Rama e quajti tepër serioz projektin për ndërtimin e një resorti turistik në ishullin e Sazanit, ku është i përfshirë edhe dhëndri i Presidentit amerikan, Donald Trump, Jared Kushner.

“Ajo ide ka avancuar, dhe do të avancojë deri në fund, sepse nuk ka lidhje me Donald Trump-in. Dhe përsëri, edhe sot që ai është president i SHBA, ai projekt nuk ka lidhje me Donald Trumpin. Nuk është bërë pse Donald Trump ishte kandidat për president, sepse ka filluar kur nuk e llogariste njeri si fitues të mundshëm dhe madje shumica mendonin që do shkonte dhe në burg dhe nuk do të vazhdojë pse ai është president sot. Ai është një projekt tanimë shumë serioz dhe do të vazhdojë. Ka marrë edhe një miratim në Këshillin Kombëtar të Territorit si fillim, do të vijë për një miratim të dytë, sipas ligjit, dhe do të vazhdojë”, tha Rama në A2 CNN.

Çfarë do të ndërtohet në Sazan

Në janar të këtij viti, komiteti i Investimeve Strategjike, që drejtohet nga kryeministri Edi Rama ka miratuar statusin e investitorit strategjik për projektin 1.4 miliardë Euro të Kushner për ndërtimin e resorteve luksoze në ishullin e vetëm të Shqipërisë.

Në vendimin e Komitetit të Investimeve Strategjike, citohet se “projekti i investimit i plotëson kriteret e punësimit të kërkuara nga legjislacioni për investimet strategjike”. Më tej theksohet se resortet turistike do të ndërtohen në një sipërfaqe 45 hektarë tokë, si dhe parashikohet përmirësimi dhe riparimi marinës aktuale në Sazan.

Duke qenë se ishulli i Sazanit është në pronësi të Ministrisë së Mbrojtjes dhe pjesë e planit të përhapjes së ushtrisë, vendimi i Komitetit të Investimeve Strategjike është paraprirë nga një dekret i Presidentit që e ka nxjerr nga plani i përhapjes së FA këtë zonë.

Kushner nuk do të jetë i vetëm në këtë investim, pasi në vendim sqarohet se edhe shteti shqiptar do të jetë bashkëpjesëmarrjes në investim.