Lajme Flesh

Kryeministri Edi Rama ka vijuar edhe sot me serinë e tij të lidhjeve direkte “Sy m’sy”, ku ka diskutuar dhe u përgjigjur komentuesve në rrjetet sociale.

Edi Rama: Patronazhistët e dinë edhe më mirë se mua se si shkon kjo punë, por ju nuk i njihni i nënvlerësoni, ju kam thënë mos u krruani me ta sepse janë hakmarrës dhe rrisin tempin. Janë inatçi ata nuk janë si unë. Mos u krruani me patronazhistët sepse nuk lënë votë të bjerë në tokë.

“Më shkrijnë fare kënetarët e Kosovës sepse kanë nota të tjera sepse ata e kanë me Vuqiqin. Unë nuk vajta tek funerali i Papës sepse prisja Vuqiqin të më merrte në Beograd që të takoja gjoja rastësisht djalin e Trump dhe këtë do e bënte Grenell.

Pse duhet të shkoja në Beograd që të takoj cunin e presidentit? Apo sepse kështu funksiononte këneta me çunin e babit? Duhet të takoje çunin e babit që babi… çfarë.

U detyruan edhe çuni edhe ambasadori të përgënjeshtronte kënetën që deri dje bënte sikur dilte e hynte për farë kosi atje. Na sollën edhe Latën, lëviz Tifja ku të duash ti po çlidhje ka kjo me politikën amerikane”, tha ai.

Vrasja e Antonio Karafilit, 18-vjeçarit që u gjet i varur në pyll në Voskopojë më 14 Qershor të vitit 2018, është zbardhur pas shtatë vitesh.

Ndërsa fillimisht çështja u raportua si vetëvrasje, pas dyshimeve të familjes, çështja u rihap dhe pas hetimeve u zbulua edhe e vërteta tronditëse.

18-vjeçari u vra nga e partnerja Kejsi Spahillari dhe Rexhep Vathi, i moshuari me të cilin ajo kishte krijuar lidhje paralele. 24-vjeçarja ndodhet në Kanada ku ka krijuar familje, ndërsa Gjykata e Korçës ka caktuar ndaj saj masën e sigurisë “arrest me burg” në mungesë. Ndërsa Rexhep Vathi i ka dhënë fund jetës në gusht të vitit 2024.

Bisedat mes Kejsit dhe Rexhep Vathi pas krimit:

Rexhep Vathi, i cili u konsiderua si dëshmitar okular është shprehur në atë kohë se mbrëmjen kur 18-vjeçari Antonio Karafili u gjet i varur në një pemë në pyll, kishte parë dhe dëgjuar 4 persona që bërtisnin.

Por Rexhep Vathi, në atë kohë 65-vjeç, në bisedat e zbardhura ku flet me Kejsin dëgjohet ta porosisë duke i thënë të ketë kujdes, pasi ai vetë nuk do të tregonte se çfarë kishte parë atë natë në pyll, raportoi Stop.

Dëshmitari Rexhep Vathi: Unë pranoj, të kam çuar fjalë sot, me të sinjalizuar, ti ke dëgjuar vetë, ti i di vetë ma mirë sesa unë, ti sot.., nuk je budallaqe, ti sot futesh te një femër e pjekur, ëëë…?

Kejsi Spaillari: Po!

Dëshmitari Rexhep Vathi: Nuk je, po veten do ta ruash shumë Kejsi! Me mu do hapesh, si me u hap me babën tënd dhe duhet të m’i tregosh të gjitha, pavarësisht di gjë, s’di gjë, kam qenë aty, s’kam qenë aty…Duhet të mi tregosh të gjitha, se më ke krahë si babë… A të ka thirrur policia?

Kejsi Spaillari: Po, që në fillim.

Dëshmitari Rexhep Vathi: Çfarë të kanë thënë?

Kejsi Spaillari: Thjesht çfarë ndodhi, dëshminë e ngjarjes edhe kaq!

Dëshmitari Rexhep Vathi: Për atë muhabetin, që të thashë, s’bëhet gjë, s’e zgjidhna dot…

Kejsi Spaillari: Seriozisht?

Dëshmitari Rexhep Vathi: Ehee, jo për ndonjë gjë, kisha nevojë edhe unë për një pikë mbështetje këtu, se unë do vij çdo vit, po ja shihe ndonjë grua, që të jetë…

Kejsi Spaillari: Do shikoj, do pyes prapë, se vetë kështu për të njohur, pyeta dy-tre shoqe të mia, i thashë po të keni ndonjë në lagje, kemi ne këtej i thashë…

Dëshmitari Rexhep Vathi: Dëgjo, të jetë një femër serioze, që t’ia vlejë..!

Kejsi Spaillari: Kuptoj, po!

Dëshmitari Rexhep Vathi: Kupto drejt?

Kejsi Spaillari: Ehë..

Dëshmitari Rexhep Vathi: Se kam dhe një tip unë, megjithë mend jam verior, po nuk shkoj degë më degë. Kejsi, llafet janë shumë, shumë, shumë keq, ama mos harro, shteti e merr avash-avash, kushdo, që të të thërrasë, civil apo ushtarak, nuk di gjë… Unë kam pas frikë të shkoj në pyll, kam dashur të ulërij, kanë qenë ca jabanxhi aty, më erdhi turp, më erdhi zor, nuk bërtita, mora vëllain në telefon. Këto llafe i thua, se masanej me na thirr ne, me më thirr mua, unë flas ndryshe, flas gjëra, që ti mos të cënohesh fare, po për t’u ruajtur, duhet të ruhesh shumë !E shpërndajmë për sot?

Kejsi Spaillari: Po!

Dëshmitari Rexhep Vathi: Kejsi, okej?

Kejsi Spaillari: Po!

Dëshmitari Rexhep Vathi: Kaq di me të thënë! Mirupafshim!

Kejsi Spaillari: Pafshim!

Dëshmitari Rexhep Vathi: Ruaj veten!

Prokuroria e Korçës ka zbardhur pas 7 vitesh vdekjen e Antonio Karafilit, i cili në vitin 2018 u raportua se kishte vrarë veten duke u varur në një pemë.

Gjykata e Korçës ka caktuar masën e sigurisë “arrest me burg” në mungesë për ish-partneren e Karafilit, Kejsi Spahillari, e dyshuar për vrasjen e të riut.

Sipas Prokurorisë, nga provat biologjike rezulton se Rexhep Vathi dhe Kejsi Spahillari kanë mbytur me çarçaf Antonio Karafilin dhe më pas e kanë varur në pemë, duke inskenuar vetëvrasjen. Motivi i krimit dyshohet të ketë qenë një lidhje paralele që Kejsi Spahillari kishte me viktimën dhe Rexhep Vathin. Pas ngjarjes, Spahillari emigroi në Kanada, ndërsa në gusht të vitit 2024, Rexhep Vathi vrau veten.

Në lidhje me këtë ngjarje të rëndë, në një prononcim ekskluziv për Euronews Albania, e ëma e Kejsi Spahillarit mohon përfshirjen e vajzës në krim. Mes lotësh, ajo shprehet se e gjithë çështja është e sajuar dhe se vajza po merret nën akuzë pa prova konkrete.

Sa i përket gjurmëve biologjike në çarçaf, ajo pohon se e bija ndodhej në vendngjarje pas vetëvrasjes dhe kishte ndihmuar në uljen e trupit nga pema, së bashku me persona të tjerë.

“Asgjë nuk është e vërtetë. Çdo gjë është sajesë, është e stisur. Nuk e njoh fare personin në fjalë, e dëgjoj për herë të parë. Jam e shokuar. Si ka mundësi që në kaq vite nuk u gjet asgjë, dhe tani shpiket kjo histori pa asnjë fakt konkret? Nuk e kuptoj si çdo akuzë merret si e mirëqenë. Vajza më ka thënë që nuk ka asnjë lidhje me këtë ngjarje,” deklaron e ëma.

Në 14 Qershor 2018 në pyllin e Voskopojës u gjet i varur në një pemë 18-vjeçari Antonio Karafili. Personi, që e pa për herë të fundit në jetë Antonion, ishte e dashura e tij, Kejsi Spahillari, në atë kohë vetëm 17 vjeç.

Gjykata e Korçës ka caktuar masën e sigurisë “arrest me burg”, me kërkesë të Prokurorisë së Korçës, për Kejsi Spahillarin, por çfarë dëshmonte në atë kohë ajo?
Spahillari rrëfente se ditën e vrasjes rreth orës 17:00 janë takuar me xhaxhanë e saj dhe djalin e xhaxhait, për të sqaruar një sherr mes këtyre të fundit dhe Antonios. Debati u mbyll dhe Antonio e Kejsi shkuan në Voskopojë tek lokali i prindërve të Antonios.

Në këtë moment, Kejsi kujton, se Antonio i bëri skena xhelozie, duke hedhur dyshime, se ajo kishte një lidhje tjetër. Ata u ndanë dhe rreth orës 20:00 të mbrëmjes Kejsi me të ëmën dhe vëllain e të dashurit, u ngjitën për në Voskopojë.

“Me Antonion kemi pasur lidhje dashurie prej 2 vjetësh dhe familjet tona ishin në dijeni. Atë ditë rreth orës 17:00 jemi takuar me xhaxhain tim dhe djalin e tij të vogël përballë një lokali për të sqaruar një sherr midis xhaxhait tim dhe Antonios. Më pas shkuam sërish në Voskopojë dhe ndaluam tek lokali i prindërve të Antonios, taverna “Mishel”. Antonio doli nga makina u ul në një gurë dhe ishte i stresuar e i nervozuar. Ai dyshonte se unë kisha një lidhje të dytë për këtë dhe debatuam. I thashë hajde ikim për në Korçë, por më tha ik ti se unë do të rri këtej. Në qoftë se ka policë në rrugë më merr Misheli në telefon. Mbaj mend se më dha disa sende personale të Antonios, vëllait të tij Mikelit. U takova me vëllain e tij në Korçë tek Shën Mëria dhe morëm Mozën, mamanë e Antonios.
U ngjitëm për në Korçë”, ka dëshmuar ajo.

Ndërsa e ëma e të ndjerit, Mimoza Karafili, tregonte sesi u njoftua nga e dashura e djalit, se ajo vetë e gjeti atë të lidhur e të pajetë në një pishë.

“Isha në dijeni që kishte një vajzë. Më merr në telefon, më thotë dua Mikelin të marr Mikelin se ka ngelur andej. Po pse vajtët në Voskopojë i thashë unë. Mirë thashë po e marrë unë Mikelin, por kur të takohesh me të do vij dhe unë. Vete kjo i jep djalit këtë orë, celularin e djalit. Ja jep kjo, i jep dhe varëse e floririt të këputur, pa kryq. Po iknim rrugës me shpejtësi me ide që të mos na zërë nata. Nxituam rrugës, e çorientuar ishte. Saç fole ti që nuk dije gjë, aq foli dhe ajo”, tha ajo.

Kujtojmë se gjatë të gjithë kohës familjarët e Antonios kanë këmbëngulur se i biri nuk kishte asnjë arsye se përse të vriste veten, por është vrarë.
Mimoza Karafili: Ai mua edhe parmbrëmë më doli në ëndërr, i thuaj Kejsit, se Kejsi i di të tëra, d.m.th më del përnatë pyet Kejsin…Pastaj, s’kishte arsye djali. Ai madje me ne ku grindeshe?

Ndërkohë Kejsi hidhte dyshiome se vrasja ishte kryer nga xhaxhai i saj Milen Spaillari, duke u përpjekur kështu të heqë dyshimet që mund të hidheshin mbi të.

Mjeku Edvin Prifti reagon sot në rrjetet e tij sociale kundër analistit Baton Haxhiu pas një deklarate të këtij të fundit ditën e djeshme në emisionin Çim Peka live në Syri.tv mbi cilësinë e mjekëve në Shqipëri.

Haxhiu pretendoi në emision se godinat e shëndetësisë janë bërë të gjitha të reja, edhe pse cilësia e mjekëve shqiptarë lë për të dëshiruar. Ai u kundërshtua nga analisti Armand Shkullaku, por Haxhiu i qëndroi idesë së tij për cilësinë e mjekësisë shqiptare.

“Sa i përket infrastruktruës Shqipëria kurrë nuk ka qenë në gjendje më të mirë. Sa i përket cilësisë mjeksore calon seriozisht. Kjo është për shkak të cilësisë së arsimit. Nuk ka infrastrukturë ndoshta në ndonjë vend të ballkanit një infrastrukturë më të mirë: ndërtesa, infrastrukturë shëndetësore, paiusje të reja etj. Këtu ka një diskordancë të madhe mes cilësisë së mjekëve dhe përmbajtjes së mjeksisë. E pamjaftueshme. Ça din për shëndetësinë a bën me dit? Nuk ka mjekë që konkurrojnë në europë, e ke gabim. Hiç mos u lodh me atë punë. Cilësia e kualitetit të mjeksisë në Shqipëri e ka shifrën 1.6. Në europë e ka mbi 8. Në ballkan e ka mbi 4. Kjo është statistika. Nuk ka mjek në Shqipëri që ka punim të vetëm. Por e ka në grup. Gjeje!”

Por mjeku Edvin Prifti ka bërë një reagim të gjatë në rrjetet sociale lidhur me deklaratën e Baton Haxhiut. I kujton këtij të fundit se e ka kërkuar një herë për drekë për një mikun e tij nga Maqedonia Kardiolog.

“E kam njohur z. Baton Haxhiu kur më ftoi për drekë në një restorant në Tiranë në vitin 2009, për të ndihmuar një mikun e tij maqedonas, mjek kardiolog dr. Petrovsky i cili kishte hapur një spital privat në Tiranë, për të cilën nuk ishte e mundur që unë ta ndihmoja. Kjo ishte hera e parë dhe e fundit, por mjafton kaq që një njeri të mos bëjë grimasa kur përmendet emri i tjetrit për të mos treguar mungesë të thellë karakteri?!” shkruan mjeku Prifti.

Më pas analizën e ndal në deklaratën e Batonit se në Shqipëri nuk ka mjekë të mirë.

“Mjeket Shqiptare, z. Haxhiu më të mirat dhe defektet e tyre, sigurisht ka ndër ta edhe ndonjë që çfarë nuk kanë vjellë edhe ndaj meje, por të gjithe ata pavarësisht gjithçkaje kanë trajtuar me dhjetëra mijëra paciente kosovare. Dhe unë personalisht jua njoh meritat të gjithëve, edhe kur i dua apo kur nuk i dua! Ashtu sikurse mendoj qe njeriu i ditur fal por nuk harron! Gjithesesi ju harruat mirenjohjen?!

E treta, janë këta mjekë shqiptarë të Tiranës që trajnuan me qindra mjekë kosovare në këto dekada. Ju përsëri harruat mirenjohjen! Par definition: Mosmirënjohja është defekti më i madh i karakterit të kujtdo!

E katerta ka mjekë dhe profesorë shqiptarë që kanë licensat e ushtrimit të profesionit jo vetëm në Komunitetin Europian dhe Amerikën e Veriut dhe këtu nuk flas vetëm për veten, ka mjekë dhe profesore shqiptarë që kanë një indeks të atillë të shkences sikurse Hirsch Index që do e kishin zili në Evropë dhe këtu nuk fus vetëm veten time, ka mjeke dhe profesore shqiptare që kanë prodhuar teknika dhe ide te reja të aprovuara ne Evrope dhe ShBA dhe këtu nuk fus vetem veten time, ka mjekë dhe profesorë shqiptarë që janë ndëruar me çmime shkencore dhe botërore që ju as mund ta imagjinoni dot ashtu sikurse nuk e imagjinon ndonjë mjekuc që ju shkruan?!

Unë nuk ia lejoj vetes të flas për gjëra qe s’jam kompetent por tek Ju ky parim është harruar dhe ne gjithëditurine tuaj ju kujtoj të jeni pak iluminar që të mos debatoni për shkencën, dijen, akademizmin dhe mjeksinë pasi i demtoni shumë padronët tuaj dhe nuk do t’ju falin këtë dëm. Merreni si një këshillë pozitive!” shkruan mjeku Edvin Prifti.

Shtatë vite pasi Antonio Karafili u gjet i pajetë në fshatin Voskopojë, një ngjarje e dyshuar si vetëvrasje, prokuroria ka zbuluar se ngjarja ishte kriminale ku të implikuar janë e dashura dhe partneri i saj me të cilin kishte një lidhje paralele.

18-vjeçari Antonio Karafili u gjet i varur në një pemë në pyllin e Voskopojës në 14 qershor 2018. Sikurse u raportua, Kejsi Spahillari, në atë kohë vetëm 17 vjeçe, ishte e fundit që pa të riun para se të ndërronte jetë.

Në dëshminë para hetuesve e reja, ajo u shpreh atëherë se me Antonion atë ditë ishte takuar rreth orës 17:00 për të sqaruar një sherr që i dashuri i saj kishte me xhaxhin dhe kushëririn e saj. Po ashtu, pretendoi se Antonio kishte bërë skena xhelozie duke e akuzuar atë se kishte një lidhje paralele. E reja shtoi se pas debatit, rreth orës 20:00 ishin ndarë nga njëri-tjetri, ndërsa më vonë mësoi për ngjarjen e rëndë, kur dhe njoftoi prindërit e viktimës.

E ëma e Antonio Karafilit nuk u bind nga versioni i vetëvrasjes dhe vazhdimisht ka kërkuar drejtësi, duke pretenduar se djali i saj ishte vrarë. Një ndër detajet që ngjalli dyshime ishte fakti se adoleshenti ishte varur në një degë pishe 1.48 metër nga toka, ndërkohë që ishte rreth 1.8 metër i gjatë.

17-vjeçarja menjëherë kishte njoftuar prindërit e Antonios dhe së bashku shkuan ne vendin ku i riu ishte varur. E ëma e të ndjerit, Mimoza Karafili, tregoi me detaje se si gjeti djalin të varur në një degë pishe. Vazhdimisht, ajo kërkoi rihetim dhe bërjen e një ekspertize të re.

Pas rihetimeve, Prokuroria e Korçës mblodhi prova, që implikonin në ngjarje të dashurën e Antonios, Kejsi Spahillarin dhe një djalë tjetër, Rexhep Vathin.

Nga indiciet dhe provat biologjike rezulton se Rexhep Vathi dhe Kejsi Spahillari kanë mbytur me çarçaf Antonio Karafilin dhe më pas e kanë varur në pemë, duke inskenuar vetëvrasjen e të riut. Motivi i krimit dyshohet të jetë lidhja paralele që Kejsi Spahillari kishte me viktimën dhe Rexhep Vathin. Pas krimit, Spahillari emigroi në Kanada, ndërsa në gusht të 2024 Rexhep Vathi vrau veten.

Kështu, me kërkesë të Prokurorisë, Gjykata e Korçës caktoi sot masën e sigurisë arrest me burg në mungesë për akuzën e vrasjes me dashje, në bashkëpunim për Kejsi Spahillarin. Pas kësaj, pritet që Prokuroria e Korçës të procedojë me urdhër arresti ndërkombëtar për të renë, e cila prej disa vitesh jeton në Kanada, aty ku ka krijuar familje./tch

Një incident është regjistruar në zonën e Ali Demit në Tiranë, ku një konflikt mes të rinjve ka degjeneruar në përplasje të armatosur dhe ndërhyrje të dhunshme në ambientet e një force politike.

Sipas burimeve nga policia, një i ri është përfshirë fillimisht në një sherr me një tjetër të ri në këtë zonë. Pas konfliktit, i riu është larguar dhe ka njoftuar të atin, Arjan Telhallari. Të dy janë kthyer më pas në vendin e ngjarjes për të kërkuar djalin tjetër, por nuk e kanë gjetur në lokal.

Gjatë kërkimeve, ata kanë mësuar se i riu ndodhej në zyrat e Partisë Socialdemokrate (PSD), dhe më pas janë futur brenda duke shkaktuar përplasje fizike. Sipas policisë, Arjan Telhallari ka qenë i armatosur dhe gjatë përplasjes i kanë rënë në tokë disa fishekë të paplasur. Fatmirësisht, arma nuk rezulton të jetë përdorur.

Policia ka nisur menjëherë kërkimet për kapjen e Telhallarit, ndërsa po punohet për të zbardhur të gjithë dinamikën e ngjarjes dhe rolin e çdo personi të përfshirë.

Ngjarja ka shkaktuar shqetësim në zonë dhe pritet reagim edhe nga përfaqësues të PSD-së për incidentin e ndodhur brenda ambienteve të tyre./vizionplus.tv

Gjykata e Korçës ka caktuar masën e sigurisë “arrest me burg”, me kërkesë të Prokurorisë së Korçës, për Kejsi Spahillarin, e cila akuzohet për vrasjen e të dashurit të saj, Antonio Karafili, ngjarje e ndodhur shtatë vite më parë në Voskopojë.

Edhe pse ngjarja u regjistrua dhe u hetua fillimisht si vetëvrasje, pasi 18-vjeçari Antonio Karafili u gjet i varur me çarçaf në një pemë në periferi të fshatit Voskopojë, prokuroria vijoi hetimet duke mbledhur prova dhe vlerësuar indiciet, të cilat implikonin në ngjarje të dashurën e Antonios, Kejsi Spahillari, dhe të riun tjetër, Rexhep Vathi.

Nga indiciet dhe provat biologjike rezulton se Rexhep Vathi dhe Kejsi Spahillari kanë mbytur me çarçaf Antonio Karafilin dhe më pas e kanë varur në pemë, duke inskenuar vetëvrasjen e të riut. Motivi i krimit dyshohet të jetë lidhja paralele që Kejsi Spahillari kishte me viktimën dhe me Rexhep Vathin. Pas krimit, Spahillari emigroi në Kanada, ndërsa në gusht të vitit 2024, Rexhep Vathi vrau veten.

Prokuroria e Korçës ka nxjerrë urdhrin e arrestit për Spahillarin, ndërsa gjykata caktoi masën e sigurisë “arrest me burg në mungesë” për akuzën e “vrasjes me dashje në bashkëpunim”. Pas kësaj, pritet që Prokuroria e Korçës të procedojë me urdhër arresti ndërkombëtar për Kejsi Spahillarin, e cila prej disa vitesh jeton në Kanada, ku ka krijuar familje.

Një vajzë tregon se bashkëshorti i kushërirës së saj e ng.acmon. Vajza thotë se gaboi që i ktheu puthjen dhe se tani ndihet fajtore karshi kushërirës së saj. Historia është rrëfyer. 

“Përshëndetje, jam një vajzë 20 vjeçe. Burri i kushërirës time është 30 vjeç, kurse kushërira është 25 vjeçe dhe ata të dy kanë 1 fëmijë të vogël, të porsalindur.

Me kushërirën edhe pse kemi diferencë moshë kam qenë që e vogël shumë e lidhur. Shtëpitë i kemi pasur afër e gjithmonë e ka cilësuar si motrën që nuk e kam patur kurrë.

Në fakt isha dhe xheloze pak për të, sepse ajo është shumë e bukur, e zgjuar, fisi çmendej pas saj e kur u fejua me një djalë me lekë e më shkollë ajo mbeti e preferuara e fisit.

Pasi ajo lindi fëmijën mua më qëlloi të shkoj shpesh tek shtëpia e saj për ta ndihmuar me fëmijën. Ajo jeton vetëm me burrine djalin.

E ndihmoja me gjithçka, sapo mbaroja leksionet e rrija tek ajo. Ajo lindi me operacion dhe pati komplikime, e qëndronte në shtrat pjesën më të madhe të ditës.

Burri i saj doli në dhomën tjetër e unë rrija me të në dhomë dhe djalin. Kështu kaluan javët e para. Por darkave kur atë e zinte gjumi dhe unë mbaja djalin se nuk flinte edhe kushërira flinte top.

Dilja nëpër shtëpi me djalin. Edhe nisa të flisja gjatë me burrin e kuëshërirës. Shihnim televizor, qeshnim, e kuptuam që kemi shumë të përbashkëta në muzikë e kinema. Në fakt më tha se me kushërirën nuk kishte asgjë të përbashkët përveç djalit.

E kështu kaluan disa netë. Një natë pasi vura dhe djalin e tyre në gjumë më pihej ujë e dola në kuzhinë. Ndeza dritën e pashë burrin e kushërirës që po rrinte në divan në errësirë.

U ngrit, fiku dritën dhe më tha: Po të prisja…! Më kapi dhe më puthi shumë fort. Ja ktheva, edhe pse e dija që po bëja gabim. Nuk bëmë gjë më shumë sepse ika me vrap në dhomë.

Tani nuk di çfarë të bëj? Nuk dua ta lëndoj kushërirën, por puthja e tij më pëlqeu shumë. Si duhet të veproj?! “, shkruan ajo.

Ngacmimet dhe telashet nëpër rrjetet sociale duket se janë bërë të pafundme, sidomos mes të rinjve që nuk ngurojnë të “gjuajnë” njëri-tjetrin.

Një rast i tillë ka qenë edhe ai një 18 vjeçareje nga Tirana, e cila e ka gjetur veten në një bisedë ofenduese dhe kërcënuese pasi i ktheu përgjigje një “vajze” në Instagram.

Sipas saj, në të vërtetë, prapa këtij profili fshihej një mashkull, i cili filloi ta pyeste për gjëra intime, duke kaluar edhe në ofendime.

Por kur vajza i është përgjigjur keq, personi në fjalë, me sa duket disa vite më i madhe se 18 vjeçarja, ka filluar të “bëjë si i fortë” dhe e ka kërcënuar.

Në një denoncim për “JOQ.al”, adoleshentja e revoltuar shprehet se:

Përshëndetje “JOQ.al” me vjen nje mesazh ne instagram nga një adres fallco, një pjesë të bisedës po ua dergoj me poshtë.
Me vjen shume inat kur njerëzit marrin kofidenca që nuk ua ka dhënë njeri me dikë që nuk e njohin fare dhe në momentin kur i përgjigjesh keq fillojnë e shajnë(tipike shqiptare).

Plus me adresa anonim jemi të gjithë të fortë, kurse me emër nuk del njeri

Personi ne fjale pretendonte qe ”me njihte mire”,mendoj se do këte qene ndonje i fiksuar sepse kishte kohe qe me ndiqte ne insta dhe me komentonte neper foto.

Por s’kemi folur me perpara asnjëherë, unë mendoja se ishte vajze.

Pastaj ne momentin ku une po i thoja se me adrese fallco ju merrni shume kofidenca dhe zemer,personi nisi te ofendoj.

Une as e kam share, as e kam ofenduar.

Arsyeja pse u drejtova te ju ishte sepse ishte nje adrese me shume ndjekes, dhe mendoj se do i kete folur shume vajzave dhe ne momentin kur ato mund ti jene kthyer sado pak, ky person ka vazhduar me ate qe quhet “cyber bullying”.