Lajme Flesh

Ndihem aq fa jtore që e lashë bashkëshortin tim të më tra jtonte dhe më rr.ahte kaq keq. Unë jam aq e pakënaqur, por nuk kam besim t’i them atij se si ndihem.

Ai është mbizotërues dhe nuk më lejon të flas me askënd. Ai më thotë çfarë duhet të vesh dhe se sa herë duhet të shkoj në supermarket.

Nëse ai bën një punë të vogël në shtëpi, ai pret një medalje. Ai është 36 vje çar, ndërsa unë jam 32 vjeç are.

Ai më dërgoi mua dhe djalin tonë katërvj eçar në një fshat të largët, ku nuk kam miq dhe djali im nuk ka askënd që të luajë.Burri im punon jashtë vendit dhe kthehet çdo tre muaj për katër ditë.

Ai më merr në Skype çdo herë që ai dëshiron dhe gjithmonë përfundon kur dëshiron.

Ai mban paratë e veta për veten dhe unë kam vetëm pagën time të vogël për të mbajtur veten dhe djalin tim.

Unë shpresoj se ai do të lexojë kolonën tuaj dhe ta kuptojë këtë.Përgjigja e psikologes:Burri juaj është një dhu.nues abu ziv.

Nuk ka gjasa që ai të ndryshojë çfarëdo që unë them dhe kjo situatë po dëmton edhe djalin, edhe juve poashtu.

E-fletëpalosja “Partneri ab.uziv” do t’ju ndihmojë të përfundoni këtë marr ëdhënie.

Shkoni te miqtë e vjetër dhe jini e ndershme në lidhje me atë që po ndodh në mënyrë që ata të mund t’ju mbështesin.

Megjithëse me distancë të largët, Shtetet e Bashkuara të Amerikës janë partner tregtar i rëndësishëm i vendit tonë. Vitin e kaluar, SHBA u rendit e 5-ta për nga vlera e importeve dhe e 13-ta për eksportet.

Importet amerikane shënuan 20.5 miliardë lekë më 2024, duke u rritur me 19% nga viti 2023. Katër vitet e fundit, importet nga SHBA në vlerë janë rritur me 104%.

Vitin e kaluar, SHBA ishin furnizues kryesor të Shqipërisë me mallra bashkë me Italinë, Kinën, Greqinë dhe Gjermaninë. Madje importet nga SHBA ishin më të larta në vlerë edhe se ato të Kosovës.

Importet amerikane zunë 2.3% të totalit të importeve më 2024.

Gjithashtu tregu amerikan është i rëndësishëm për eksportet tona, pasi Shqipëria çon në mënyrë të drejtpërdrejtë dhe të tërthortë (nëpërmjet Gjermanisë) bimët mjekësore në tregjet amerikane.

Vitin e kaluar, eksportet e Shqipërisë drejt SHBA arritën 7 miliardë lekë, me rënie vjetore 27%, si rrjedhojë e dobësisë që pësuan në përgjithësi eksportet tona nga dobësimi i euros.

Importet nga SHBA dominohen nga mjetet e transportit dhe lëndët djegëse. Në anën tjetër, eksportet shqiptare në SHBA dominohen nga giza, çeliku, bimët mjekësore, alumini, mobileri, produkte ushqimore etj.

Politika tarifore që po ndjek administrata e re në SHBA mund të ndikojë në Shqipëri tërthorazi sesa nga mallrat që tregtohen drejtpërsëdrejti. Ekspertët e ekonomisë besojnë se lufta tregtare mund të sjellë një valë të re çmimesh në tregjet globale nga të cilat Shqipëria mund të ekspozohet tërësisht.

Tregtia e Shqipërisë me SHBA-në zuri 2.1% të volumit tregtar me jashtë vitin e kaluar, duke mbetur e pandryshuar në dekadën e fundit.

Meqenëse SHBA është bërë tregu më i rëndësishëm i eksportit për BE-në gjatë dekadës së fundit, ndikimi negativ i tarifave të larta të SHBA-së mbi mallrat dhe shërbimet europiane do të jetë i rëndësishëm për shtetet e Evropës Lindore analizon instituti për Studime ekonomike i Vjenës.

Ndërsa flukset e drejtpërdrejta tregtare midis rajonit tonë dhe SHBA-ve janë të kufizuara, kërkesa më e ulët për produkte industriale evropiane do të ndikojë negativisht Europën Qendrore dhe Lindore.

Shefja e politikës së jashtme të BE-së Kaja Kallas bëri thirrje për të reaguar me qetësi dhe maturi ndaj kërcënimeve të presidentit Donald Trump me tarifa: “Ne kemi nevojë për Amerikën dhe Amerika ka nevojë për ne gjithashtu”, tha ajo. “Në luftërat tregtare nuk ka fitues” – tha Kallas.

Presidenti i SHBA-së, Donald Trump, shpalli të shtunën e kaluar një dekret për tarifa doganore shtesë prej 25% për prodhimet nga Kanadaja dhe Meksika dhe dhjetë për qind për produktet kineze.

Trumpi i kërcënoi sërish europianët me masa të ngjashme. i pyetur në një konferencë shtypi për tarifat tregtare për vendet e Bashkimit Europian, Trumpi tha: “Kjo do të ndodhë patjetër”. Nuk kemi ende një plan kohor, por do të ndodhë “shumë shpejt”.

Pavarësisht nga kjo retorikë e ashpër ende mbetet e paqartë nëse SHBA-ja do të vendosë vërtet tarifa doganore ndëshkuese kundër BE-së.

Nëse kjo do të ndodhë, tarifat doganore mund ta dëmtojnë rëndë Gjermaninë, sidomos industrinë e automobilave.

Shefja e diplomacisë së Bashkimit Europian Kaja Kallas do të vizitojë Shqipërinë më datë 8 Prill.

Kallas do të pritet nga kryeministri Edi Rama me të cilin do të zhvillojë një konferencë për shtyp.

Kjo do të jetë vizita e saj e parë që nga marrja e detyrës si Përfaqësuese e Lartë e për Politikën e Jashtme dhe Sigurinë.

Kryeministri Edi Rama ka vijuar edhe sot serinë “Sy m’sy” ku u është përgjigjur komentuesve në rrjetet sociale.

Ai ka përsëritur se PS është e vetmja forcë që mund të fusë Shqipërinë Në BE, ndërsa nuk i ka kursyer edhe ironitë ndaj kreut të PD Sali Berisha.

“Ka rrjedhur bufi i kënetës. Që është në rrjedhje duket qartë, por është çështje e moshës. Por them votoni për mua se vetëm unë dhe PS e bëjmë këtë hap të fundit për të kyçur Shqipërinë në BE. Kjo është e thjeshtë dhe e qartë. Nuk e bën dot askush tjetër, cilido tjetër minimalisht do të shkaktonte një shtyrje dhe vonesë dhe mbylljen e kësaj dere”, tha Rama.

Ai ka paralajmëruar qytetarët edhe në lidhje me përdorimin e VPN për hapjen e aplikacionit TikTok.

“Përdorimi i Tik Tok me VPN një turp i madh. Duhet shumë kujdes sepse është i hapur për marrjen në kohë reale të të dhënave. Është njësoj si ta përdorësh duke ndarë me të tjerët paswordin apo të dhënat”, tha Rama.

(BalkanWeb)

Gjatë rubrikës Sy m’sy, kryeministrit Edi Rama, i ndodhi një incident. Bufi të cilin e mban mbi tavolinë, i ra në tokë.

“Ra bufini, shifni. Po ne nuk e lëmë të bjerë”, tha Rama, ndërsa vijojoi duke folur për TikTok dhe përdorimin e VPN.

Nuk ka problem por duhet të bëni kujdes sepse kur përdor VPN të marrin në kohë reale të dhënat”, tha ai.

Në tregun e këmbimit valutor shqiptar të ditës së sotme, një dollar do të blihet me 90.4 lekë dhe do shitet me 91.7 lekë.

Ndërkohë monedha evropiane euro do blihet me 98.7 lekë dhe do shitet me 99.5 lekë.

Franga zvicerane sot në tregun shqiptar do blihet me 102.8 lekë dhe do shitet me 103.8 lekë.

Ndërsa paundi britanik do blihet me 117.6 lekë dhe do shitet me 118.7 lekë.

Me një tabelë në dorë, presidenti amerikan Donald Trump zbuloi të mërkurën tarifat e shumëpërfolura për të gjitha vendet duke nisur nga ato më kryesoret.

Ai tregoi se Kina “i ngarkon” Shteteve të Bashkuara një tarifë prej 67 për qind, kështu që Shtetet e Bashkuara do t’i ngarkojnë Kinës një tarifë prej 34 për qind.

Grafiku tregoi gjithashtu se Shtetet e Bashkuara do t’i ngarkojnë Bashkimit Evropian një tarifë 20 për qind, Vietnamit një tarifë 46 për qind, Tajvani 32 për qind, Japonia 24 për qind, India 26 për qind, Koreja e Jugut 25 për qind, Tajlanda 36 për qind.

Trump njoftoi gjithashtu një “tarifë bazë minimale” prej 10 për qind për vendet e tjera për të “ndihmuar në rindërtimin” e ekonomisë amerikane.

Fillimisht ai deklaroi se dita e sotme është “një nga ditët më të rëndësishme” në historinë amerikane, pasi ai pritet të nënshkruajë një urdhër për vendosjen e tarifave reciproke për vende të ndryshme.

“Ne kemi një lajm shumë, shumë të mirë sot”, theksoi shefi i Shtëpisë së Bardhë. “Shumë gjëra të mira po ndodhin për vendin tonë”.

Ai deklaroi se së shpejti do të nënshkruajë një “urdhër ekzekutiv historik që vendos tarifa reciproke për vendet në mbarë botën”.

“Reciproke. Kjo do të thotë se ata na e bëjnë neve dhe ne ua bëjmë atyre. Shumë e thjeshtë. Nuk mund të bëhet më e thjeshtë se kaq”, shtoi presidenti Trump.

“Është shpallja jonë e pavarësisë ekonomike”, tha Trump duke njoftuar masat e reja.

Presidenti tha se Shtetet e Bashkuara do të përdorin paratë e gjeneruara nga tarifat për të “ulur taksat tona dhe për të paguar borxhin tonë kombëtar”.

Sipas tij, 2 prilli do të mbahet mend përgjithmonë si “dita kur industria amerikane rilindi”.

“Prej dekadash vendi ynë është plaçkitur, përdhunuar nga kombet e afërta dhe të largëta, si nga aleatët ashtu edhe nga armiqtë”, vijoi ai.

Trump shpall tarifën 25% për të gjithë prodhuesit e huaj të automjeteve

Në vijim të fjalës së tij, presidenti amerikan Donald Trump deklaroi se kur bëhet fjalë për tregtinë, ndonjëherë “miku (është) më i keq se armiku”.

Ai thotë se mbi 80 për qind e makinave të prodhuara në Korenë e Jugut shiten në Korenë e Jugut, dhe mbi 90 për qind e makinave të shitura në Japoni janë prodhuar në Japoni, dhe se makinat e prodhuara në SHBA përfaqësojnë vetëm një pjesë të vogël në ato vende.

“Ford shet shumë pak” në vendet e tjera, thotë Trump, një çekuilibër që ka “shkatërruar” industritë amerikane.

“Kjo është arsyeja pse në mesnatë ne do të vendosim një tarifë 25 për qind për të gjitha automobilat e prodhimit të huaj”, tha Trump. “Këto ditë kanë mbaruar”.

Ai vazhdon të kritikojë BE-në dhe vendet aziatike për vendosjen e tarifave ndaj automobilave të prodhuar në SHBA.

Trump shtoi gjithashtu se masat që përdorin vendet e tjera janë gjithashtu “jomonetare”.

Greqia po armatoset. Sipas një vendimi qeveritar, shteti grek do të shpenzojë 25 miliardë euro për pajisjet e mbrojtjes gjatë 12 viteve të ardhshme. Plani sipas qeverisë greke kërkon të përforcojë aftësitë ushtarake të vendit dhe të nxisë industrinë e saj vendase. Plani i ri afatgjatë është i pari i këtij lloji për vendin dhe vjen ndërsa kombet në të gjithë Europën po kërkojnë të rrisin shpenzimet ushtarake përballë agresionit të vazhdueshëm të Rusisë në Ukrainë dhe një tërheqjeje të sigurisë së SHBA-së në kontinent.

“Greqia mund të jetë e vogël në përmasa, por rëndësia e saj gjeopolitike është e madhe,” u tha të mërkurën ligjvënësve kryeministri Kyriakos Mitsotakis. Më tej ai shtoi se, “Ministri i Mbrojtjes e di se ka 25 miliardë euro në dispozicion për kohëzgjatjen e programit. Ai tani do të duhet të prioritizojë dhe të bëjë zgjedhjet që janë kritike dhe të nevojshme, theksoi Mitsotakis.

Ndryshe nga shumë homologë të BE-së, Greqia nuk është e panjohur në politikat e shpenzimeve qeveritare. Ajo ka qenë historikisht një nga anëtarët e NATO-s me shpenzimet më të larta të mbrojtjes si pjesë e prodhimit të saj ekonomik, duke tejkaluar rregullisht objektivin prej 2% të PBB-së së aleancës edhe në kulmin e problemeve të saj financiare.

Kjo vjen kryesisht për shkak të rivalitetit të saj të gjatë me Turqinë fqinje, një burim tensionesh të përhershme që i ka detyruar të dy vendet të mbajnë aftësi të forta parandaluese. Gjatë pesë viteve të fundit, Greqia e bëri këtë duke blerë 24 avionë luftarakë dhe fregata Rafale nga Franca dhe duke porositur deri në 40 avionë gjuajtës F-35 nga SHBA.

Tani, me Evropën e përqendruar në lehtësimin e investimeve më të mëdha në mbrojtje, duke përfshirë një hapësirë më të madhe fiskale, Greqia kërkon të vendosë një rrugë të qartë për vitet në vijim.

Strategjia parashikon gjithashtu integrimin e teknologjive të reja të mbrojtjes në aftësitë e Greqisë për të llogaritur natyrën në ndryshim të luftës. Kjo përfshin më shumë mjete ajrore pa pilot, sisteme drone dhe anti-drone, përdorimin e AI si dhe metodat e sigurisë kibernetike, tha kryeministri.

Të dielën Mitsotakis udhëtoi për në Izrael për t’u takuar me homologun e tij izraelit Benjamin Netanyahu, si dhe me zyrtarë nga ministria e mbrojtjes e vendit dhe drejtues të lartë nga sektori i tij ushtarak. Lideri grek diskutoi mundësinë e zgjerimit të bashkëpunimit me ta, duke vënë theksin tek inovacioni dhe aftësitë teknologjike.

Dashi

Kjo ditë nuk do të jetë aspak në ritmin e duhur, pasi do të jetë e mbushur me probleme të sferës profesionale dhe ekonomike. Është një periudhë e mbushur me ulje-ngritje, ku duhet të tregoheni të durueshëm, në pritje të ditëve më të mira.

Demi

Tregohuni të kujdesshëm me shpenzimet, pasi kohëve të fundit kanë qenë të shumta. Me gjasë mund të jeni përballur me situata të paparashikueshme, por tashmë duhet munduar që ta mblidhni dorën sa më shumë, aty ku është e mundur. Sa i takon ndjenjave, situata është e tensionuar.

Binjakët

Kjo e enjte do të jetë mjaft pozitive, ku do të ketë përmirësime të ndjeshme në dashuri. Mjaft të favorizuara janë takimet, ndaj përfitoni. Keni nevojë që të argëtoheni.

Gaforrja

Ju pret një ditë e mbushur me tensione lidhur me sferën profesionale. Ndiheni disi të lodhur për shkak të detyrave të reja dhe përgjegjësive të shumta. Mundohuni që të mos nervozoheni.

Luani

Venusi do të jetë në anën tuaj dhe kjo gjë do të bëjë që të ndiheni më të fortë. Yjet favorizojnë të gjitha projektet e reja, si dhe historitë e reja të dashurisë.

Virgjëresha

Kjo e enjte do të jetë e mbushur me nervozizëm dhe aspak në ritmin e duhur sa i takon punës. Do të ndiheni të pakënaqur, për shkak se nuk do të vlerësoheni siç duhet. Lidhur me disa projekte do të ketë ngadalësime, ende pa nisur mirë.

Peshorja

Kjo ditë do të jetë mjaft pozitive dhe gjatë saj do të merrni vendime të rëndësishme, madje edhe drastike. Kjo gjë mund të ndodhë edhe në dashuri, nëse jeni përballur me keqkuptime të cilat i keni konsideruar të pazgjidhshme.

Akrepi

Do të ndiheni të lodhur gjatë gjithë kësaj të enjteje dhe nuk do të keni aspak dëshirë për të bërë asgjë, shkruan noa.al. Mundohuni që të shkarkoni nervozizmin tek të tjerët, sidomos tek njeriu i zemrës.

Shigjetari

Kjo e enjte do të jetë pozitive dhe paralajmëron një periudhë rikuperimi, pas një faze në vend numëro, sidomos sa i takon dashurisë. Mundohuni që të jeni më entuziast, pasi në të kundërt rrezikoni që të mërziteni.

Bricjapi

Mund të ketë probleme në sferën sentimentale lidhur me të kaluarën, por që do arrini që ti kapërceni, sidomos nëse arrini që të rifitoni besimin dhe optimizmin. Yjet do të kenë ndikim pozitiv për të lindurit e kësaj shenje, duke bërë që ta rimerrni veten.

Ujori

Duhet të mundoheni që të rishikoni shpenzimet, pasi keni nxjerrë shumë më shumë nga sa kanë hyrë. Mund të ketë debate, pikërisht lidhur me paratë.

Peshqit

Kjo ditë do të nxjerrë në pah disa probleme në dashuri, ku mund të ketë tensione, ndoshta për shkak të problemeve që keni patur më parë. Mundohuni që të sqaroni gjithçka sa më parë.

Publiku u trondit teksa këngëtari i njohur turk Volkan Konak u rrëzua gjatë koncertit të tij në Qipro të dielën mbrëma.

Artisti 58-vjeçar u rrëzua teksa këndonte. Ai mori ndihmën mjekësore dhe u dërgua me urgjencë në Spitalin Shtetëror të Famagustës, ku ndërroi jetë pak kohë më vonë.

Videoja e shembjes së Volkan Konak është bërë virale në 24 orët e fundit. Këngëtari shfaqet në skenë me anëtarët e grupit të tij. Teksa ecte drejt fundit të skenës, ai papritur u rrëzua. Sapo e kuptuan këtë, anëtarët e grupit të tij dhe organizatorët e ngjarjes nxituan drejt tij. Ai vetë dukej i pajetë.

Me gjithë përpjekjet, këngëtari nuk mundi të rikthehej në jetë. Në orën 12:42 të mëngjesit u konfirmua vdekja e tij.