Lajme Flesh

Gazetari Artan Hoxha komentoi në një intervistë emrat në listat e kandidatëve për deputetë të dy partive kryesoren më vend PS dhe PD.

Hoxha tha se me listat e Partisë Socialiste Rama ka futur njerëz që mund të jenë ose janë target i hetimeve të SPAK. Sipas tij, Rama mori në mbrojtje njerëz të besuar të cilët nëse SPAK do të veprojë do t’i godasë para ditës së zgjedhjeve.

“Rama iu ka dhënë një mbrojtje dhe garanci disa njerëzve që i sheh të rëndësishëm, ka bërë një spastrim brenda strukturës së PS. Atë që ai e quan gjak i ri më tepër është supost, më para PS i merrte të rinjtë nga FRESH ishin të trajnuar, ishin në strukturat e partisë, i dinin prioritetet, tani sajoi ‘Deputeti që duam’ dhe ka futur një pjesë të emrave, që nuk janë përfaqësues. Ka marrë nga LSI, nga PD, nga ata të 21 janarit, ka marrë kryetarë bashkie. Rama ka futur aty ministrat e inkriminuar, që nga ‘184’-a e Dibrës.

Në vend që të godiste ata që mund të jenë target i hetimeve të SPAK, që janë, ta them me garanci, janë dosje që i njoh nga brenda, vetëm dosja 184, Toyota Yaris, Metamorfoza, Plumbi i Artë, nëse i teket SPAK nuk do çuditesha që t’i këpusë nja 4-5, i ka aty.

Mesa duket këta janë njerëzit më të besuar, që kanë qenë të devotshëm dhe kanë firmosur çfarë u ka kërkuar Rama, por ka goditur strukturën e PS ku deputetë që kanë kontribuar ua ka ndërprerë karrierë, edhe pse te PS askush nuk flet…

I ka futur në lista të mbyllura, i ka garantuar mbrojtje, ka çuar në listë të hapur personalitetet e PS. Aty ka emra që nëse SPAK do veprojë mund t’i godasë para datës së zgjedhjeve, unë mendoj që duhet ta bëjë duke qenë se Rama nuk e bëri”, tha Hoxha.

Drejtuesi i Asosacionit të Gazetarëve Shqiptarë (AGSH), Isa Myzyraj, i tha BIRN se vendimi i qeverisë shqiptare për bllokimin e platformës së mediave sociale Tik Tok, cenonte lirinë e shprehjes dhe bie ndesh me Kushtetutën.

“Ne e konsiderojmë këtë veprim të rrezikshëm për lirinë e shprehjes dhe kemi nisur tashmë punën për dërgimin e çështjes në Gjykatën Kushtetuese”, tha Myzyraj.

“Çdo veprim që cenon lirinë e shprehjes do të sfidohet nga ne në Gjykatën Kushtetuese dhe në Gjykatën Evropiane të të Drejtave të Njeriut”, shtoi ai.

Me kërkesë të Autoritetit të Komunikimeve Postare Elektronike (AKEP), kompanitë që ofrojnë shërbimeve interneti në vend, pritet të bllokojnë të enjten qasjen ne aplikacionin e Tik Tok në Shqipëri.

Ky bllokim, ndjek vendimin e Këshillit të Ministrave të datës 6 mars, 2025, për mbylljen e platformës për shkak të efektit të pretenduar negativ mbi shëndetin psiko-emocional të fëmijëve.

TikTok, është një platformë e mediave sociale e fokusuar te videot e shkurtra. Ajo u krijua nga kompania kineze ByteDance dhe lejon përdoruesit të krijojnë, montojnë dhe ndajnë video të shkurtra me efekte speciale, muzikë dhe filtra të ndryshëm.

Kryeministri Edi Rama, deklaroi në një postim në rrjetin social ‘X’, që vendimi për mbylljen e platformës Tik Tok, është marrë nga qeveria pas konsultimeve të gjëra me prindër dhe mësues.

“Ky është një vendim i marrë në konsultimin e gjerë me 65 mijë prindër e mësues, dhe e dyta është një vendim i marrë pasi u ngritën kapacitetet e nevojshme teknike”, shkruan Rama.

Shifrat e ofruara nga kryesministri nuk mund të verifikohen në mënyrë të pavarur, pasi takimet e tij nuk janë mbajtur në prani të medias.

Megjithatë, organizatat për mbrojtjen e lirisë së shprehjes në vend dhe ato ndërkombëtare janë shprehur kritike ndaj vendimit të qeverisë.

Blerjana Bino, drejtuese ekzekutive e qendrës SCiDEV i tha BIRN se ky është një precedent që cënon të drejtat themelore të njeriut.

“Ne na shqetëson precedenti që krijohet me mbylljen totale të Tik Tok, pra një precedent i “internet shutdown” duke cenuar kështu të drejtat themelore të qytetarëve siç është liria e shprehjes”, u shpreh Bino.

“Nën justifikimin e sigurisë për fëmijët qeveria me të njëjtën mënyrë mund të mbyllë nesër platforma të tjera, media apo internetin vetë, sepse shkaktojnë ‘dëm’”, shtoi ajo.

Drejtuesja e SCiDEV shtoi më tej se marrja e një dakordësie nga prindërit në kushte emocionale të ngarkuar nga një tragjedi, nuk është proces i rregullt i konsultimit dhe nuk mund të shërbejë si justifikim për mbylljen totale të platformës.

“Nuk ka asnjë raport publik të këtij konsultimi të pretenduar veç daljeve mediatike të Kryeministrit dhe Ministres përkatëse në shkolla”, tha Bino, teksa theksoi se të gjithë janë të shqetësuar për sigurinë e fëmijëve, por ka masa proporcionale të tjera që mund të merren.

“Shqipëria ndodhet dy muaj përpara zgjedhjeve parlamentare dhe mbyllja e një platforme që është shndërruar në një medium të rëndësishëm për zërat e rinj në politikë dhe jo vetëm, ngre shqetësime të tjera për qëllimin pas saj”, theksoi Bino.

Edhe kreu i AGSH-së Isa Myzyraj, tha se ky vendim është praktikisht një precedent për akte të tjera të censurës në një vend me një qeveri autokratike.

“Kjo tregon qartë se institucionet tona janë autokrate dhe nuk reflektojnë pavarësisht se dhjetra organizata vendase dhe ndërkombëtare kanë shprehur shqetësimin për mbylljen e Tik Tok”, tha ai.

“Jemi të shokuar që qeveria nuk ka bërë asnjë reflektim dhe asnjë hap pas në lidhje me këtë situatë”, përfundoi Myzyraj./BIRN

Aktorja e njohur shqiptare Julia Ilirjani do të kandidojë në zgjedhjet e 11 Majit krah Sali Berishës.

Ajo do të jetë pjesë e listës së kësaj force politike në Qarkun e Tiranës, listë e cila udhëhiqet nga kryedemokrati Sali Berisha.

Kujtojmë se PD publikoi listat e kandidatëve për deputetë në të gjitha qarqet pasditen e sotme në mbledhjen e Kryesisë.

Një debat i ashpër mes reperit Gjesti dhe banorit Vserlo ka tërhequr vëmendjen e publikut në orët e vona të natës në shtëpinë e BBVA.

Përplasja nisi kur Gjesti kritikoi Vserlon për përdorimin e termit “modele bullgare”, duke i kërkuar llogari për mënyrën si etiketon banorët e tjerë.

“Ti je që thua modele prej Bullgarisë, Bullgaria e dinë të gjithë kush është. Ti e ke përmendur Bullgarinë, jo unë. Bullgaria është kryeqyteti i Serbisë!”, tha ai.

Gjestit u kundërshtua nga Rozana megjithatë prap se prap u tregua i hekurt në mendimet e tij.

“Bullgaria është kryeqyteti i Serbisë, mesa di unë”, këmbënguli ai.

https://twitter.com/i/status/1899938375819284742

Një prapaskenë interesante është publikuar në mediat ruse ditën e djeshme në lidhje me Mirlind Dakun. Sipas asaj që shkruan “SE”, dy klube të elitës ruse kanë pasur mundësinë të blejnë sulmuesin e Kombëtares, por në të dyja rastet, ato kanë vendosur të refuzojnë afrimin e tij.

Bëhet fjalë për Zenitin dhe Spartakun e Moskës, këtyre të fundit Daku u shënoi dy gola para 3 ditësh. Të dyja klubet e konsideruan transferimin e Dakut jo të qëndrueshëm nga ana politike. Kjo për shkak se 27-vjeçari është bërë protagonist më herët për thirrje antisportive gjatë Kampionatit Europian në Gjermani pas ndeshjes me Kroacinë, duke u dënuar edhe dy ndeshje.

Ndërkohë, një arsye më shumë që Daku të mos blihet nga Zeniti, klubi që ka qenë edhe më pranë, ishte sepse ekipi drejtohet nga serbi Dejan Stankoviç dhe kjo mund të linte vend për përplasje. Megjithatë, futbollisti ka kontratë deri në vitin 2026 me Rubin Kazanin, ndërsa këtë sezon ka shënuar 11 gola dhe ka dhënë 6 asiste.

TRAJNERI- Ndërkohë, pas ndeshjes së fundit, trajneri i Rubin Kazanit, Rashid Rakhimov, është pyetur në lidhje me Dakun se nëse ai është sulmuesi më i mirë në kampionatin rus: “Ai është në një ekip në mes të tabelës dhe po luan futboll të mirë.

Të shohim se çfarë mund të bëjë në vijim”, thotë trajneri nga Taxhikistani. Më tej ai thotë se klubi ka në plan që ta shesë shqiptarin në merkaton e verës: “Vera që vjen, është koha më e mirë që Rubin të shesë Dakun. Do ta çojmë në merkato”, përfundon ai.

KARTONI- Në Rusi kanë nisur një hetim në lidhje me kartonin e kuq të marrë nga Mirlind Daku në ndeshjen e fundit dhe sulmuesi rrezikon edhe një dënim shtesë. Por, nga ana tjetër, kartoni i kuq ia sjell sulmuesin në Shqipëri Silvinjos shumë më shpejt se sa mendohej. Nëse Daku nuk do të ishte ndëshkuar me të kuq, ai do të luante të dielën e ardhshme ndeshjen e radhës me Rubin Kazan në kampionatin rus.

Dhe në atë eventualitet, ai do të mbërrinte në Shqipëri të martën në darkë në rastin më të mirë të mundshëm për shkak të itinerarit të udhëtimit, duke humbur stërvitje të rëndësishme para duelit me Anglinë. Me këtë karton të kuq, udhëtimi i futbollistit mund të spostohet dhe të bëhet e mundur që Daku të vijë në Shqipëri që në ditën e parë të grumbullimit, duke lumturuar jo pak Silvinjon, sidomos në këtë periudhë kur alternativat në sulm janë me pikatore, për shkak të problemeve fizike të lojtarëve të ndryshëm të këtij reparti.

KRISTI SEJATLLARI-PANORAMASPORT.AL

Afrimi i vazhdueshëm midis Presidentit të SHBA Donald Trump dhe homologut të tij rus Vladimir Putin duket se po ecën me shpejtësi paralelisht me përkeqësimin e marrëdhënieve të SHBA me Ukrainën dhe partnerët e saj historikë evropianë.

Përveç dyshimeve për aftësinë e ushtrisë së Kievit për të qëndruar pas pauzës në shkëmbimin e inteligjencës dhe ndihmën ushtarake të vendosur nga Uashingtoni, kancelaritë e Kontinentit të Vjetër po pyesin tani për mundësinë që në një të ardhme jo aq të largët Amerika, gjithnjë e më shumë një rivale sesa një aleate, mund të vendosë të “fikë” sistemet e mbrojtjes dhe armatimet e furnizuara në Evropë.

Në hijen e përshkallëzimit të tensioneve midis Evropës dhe Shteteve të Bashkuara mbi angazhimet e NATO-s dhe luftës në Ukrainë, një mit i vazhdueshëm për F-35 Lightning II ka shpërthyer në internet: nocioni se Pentagoni ka futur një “çelës vrasës” në avionin luftarak të gjeneratës së pestë, duke e lejuar atë të çaktivizojë nga distanca ose të operojë nga të gjitha avionët e huaj.

Skenari shqetësues

Skenari shqetësues u trajtua orët e fundit nga Financial Times, e cila raportoi shqetësimet e ngritura nga ekzistenca e “çelësave të mundshëm të vrasjes”, “çelësave” realë sekretë që amerikanët mund të aktivizonin për të imobilizuar avionët dhe armët e prodhimit të tyre në kontinentin evropian. Një hipotezë që sipas ekspertëve, nëse jo në versionin e saj më ekstrem, tashmë do të ishte e realizueshme nëpërmjet përdorimit të kodeve të thjeshta softuerike. Avionët luftarakë F-35 dhe F-16 të blerë nga Uashingtoni janë ndër avionët luftarakë për të cilët shqetësohen aleatët e Amerikës. Analisti i mbrojtjes Sash Tusa pyet se çfarë kuptimi ka, për shembull, që Danimarka të dërgojë avionë të prodhuar nga SHBA për të mbrojtur Grenlandën nëse Shtëpia e Bardhë nuk e dëshiron këtë. ” Problemi me sistemet e pajisjeve të avancuara,” shpjegon Tusa, ” është se ata kanë nevojë për shumë mbështetje nga furnitorët” dhe nëse kjo mungon “ata ndalojnë së punuari, nëse jo menjëherë, shumë shpejt “.

“Çelësat e vrasjes”

Burime të tjera shqetësimi përfshijnë dronët amerikanë Reaper të përdorur nga shumë shtete evropiane dhe sistemin e parandalimit bërthamor të Mbretërisë së Bashkuar, i cili mbështetet në nëndetëse të armatosura me raketa balistike Trident D5 të furnizuara nga SHBA. Analiza e “Financial Times”, megjithatë, thekson se frika në Kontinentin e Vjetër nuk ka të bëjë aq shumë me sisteme të veçanta të armëve, sesa me mundësinë që Uashingtoni ” do të tërheqë mbështetjen për komunikimin dhe ndarjen në çdo platformë, nga avionët luftarakë te helikopterët Chinook dhe Apache, si dhe sistemet e mbrojtjes ajrore si Patriot”. Gazeta britanike thekson se ekzistenca e “çelsave të vrasjes” mund të mos jetë aq e rëndësishme duke pasur parasysh se avionët dhe armët e tjera të sofistikuara, duke përfshirë sistemet antiraketë dhe dronët, varen tashmë nga pjesët rezervë dhe përditësimet e softuerit të dërguar dhe lëshuar nga Shtetet e Bashkuara, të cilat mund të ndryshojnë efektivisht vendimet e saj në çdo kohë. Kjo u pa në Afganistan midis 2020 dhe 2021, kur, brenda pak javësh nga njoftimi i Uashingtonit për tërheqjen e tij nga Kabuli, avionët luftarakë u ndaluan për shkak të fluturimit të kontraktorëve dhe kontraktorëve .

Raporti

Sipas një raporti të publikuar nga Instituti Ndërkombëtar i Kërkimeve të Paqes në Stokholm , midis 2019 dhe 2023 SHBA përbënin 55% të importeve të pajisjeve ushtarake të Evropës, duke u rritur ndjeshëm nga 35% në pesë vitet e mëparshme. Ndërkohë që asnjë porosi amerikane për armë nuk është anuluar deri më tani, pritet që në vitet e ardhshme vendet evropiane të kërkojnë të arrijnë një pavarësi më të madhe, me pasoja për eksportet amerikane që ekspertët i kanë cilësuar si ” katastrofike “. Parashikimet që Shtëpia e Bardhë nuk i ka marrë parasysh për momentin.

Partia Aleanca Arbnore Kombëtare ka vendosur që të tërhiqet nga koalicioni me Partinë Demokratike.

Kryetari i kësaj force politike, Gjet Ndoj ka marrë vendimin për të dalë nga koalicioni që udhëhiqet nga Sali Berisha.

Si duket i zhgënjyer nga listat me emrat e kandidatëve për deputetë, Ndoj ka bërë me dije përmes një postimi në rrjetet sociale se Aleanca Arbnore Kombëtare AAK, nuk do të marrë pjesë në zgjedhjet e 11 majit 2025.

Duke ngritur akuza kundrejt opozitarëve, kreu i AAK thotë se nuk ekziston akoma e djathta ku njerëzit të besonin pa frikë.

“Nga mosfunksionimi i marrëdhënies në koalicion “Për një Shqipëri Madhështore”, Aleanca Arbnore Kombëtare tërhiqet nga ky koalicion. Gjithashtu tërhiqet nga të gjitha aktivitetet elektorale për zgjedhjet parlamentare të majit 2025. E bëjmë këtë kërkesë-deklaratë për tu çliruar nga çdo detyrim që rrjedh nga pjesëmarrja në zgjedhje”, thuhet në kërkesën e bërë me shkrim dore të partisë Aleanca Arbnore Kombëtare.

Ditën e djeshme, është tërhequr nga koalicioni me Berishën edhe Aleanca e Maqedonasve për Integrim Europian me kryetar Vasil Sterjovski.

Pas daljes si e dyta në Big Brother VIP Kosova, Xheneta Fetahu është përfolur vazhdimisht për një hyrje të mundshme në Big Brother VIP Albania. Sipas burimeve të “Prive by Liberta Spahiu”, kjo do të realizohet sot, gjatë sfidës së mosreagimit që ka nisur në shtëpi.

Gazetari Gjergj Prenga thekson se futja e Xhenetës është një lëvizje strategjike e produksionit, veçanërisht për shkak të dinamikës së saj dramatike me Gjestin, një prej protagonistëve kryesorë të këtij edicioni.

Dje, fituesja e edicionit të kaluar, Egla Ceno, u fut në shtëpi dhe puthi Laertin, duke shkaktuar reagime të shumta. Tashmë, fansat presin se si do të reagojë Gjestin kur të përballet me Xhenetën.

Ndërkohë, emri i Egli Takos, e cila po përjeton një periudhë të vështirë psikologjike pas daljes nga loja, përmendet si një tjetër surprizë e mundshme.

Produksioni pritet ta realizojë këtë moment të fortë televiziv në orët e pasdites, kur audienca është më e madhe. Tani, të gjithë sytë dhe veshët janë drejtuar nga përballja e shumëpritur mes Xhenetës dhe Gjestit.

Një aksident i rëndë është regjistruar gjatë paradites së sotme në Vushtrri të Kosovës. Mësohet se një autobus gjatë transportit të nxënësve nga fshati Duboc është aksidentuar dhe si pasojë ka humbur jetën shoferi. Viktima është idenftifikuar si Hajzer Sadiku.

Nga ky aksident janë lënduar disa nxënës. Në lidhje me këtë ngjarje ka reaguar kryetari i kësaj komune, Ferit Idrizi, i cili shprehu ngushëllimet më të thella familjes Sadiku, ndërsa nxënësve të lënduar ju uroj shërim sa më të shpejtë

“TELEGRAM NGUSHËLLIMI. Me pikëllim të thellë mora lajmin për një ngjarje tragjike që ka ndodhur në komunën tonë gjatë paradites së sotme. Në një aksident që ka ndodhur gjatë transportit të nxënësve nga fshati Duboc, komuna jonë ka humbur një burrë të ndershëm e një qytetar të përgjegjshëm, shoferin e kësaj linje, Hajzer Sadiku, ndërsa janë lënduar edhe disa nxënës, të cilët tashmë janë duke marrë trajtim në Emergjencën e Spitalit “Sheikh Zayed” në Vushtrri.

Në emër të Komunës tonë, i shpreh ngushëllimet më të thella familjes Sadiku, ndërsa nxënësve të lënduar ju uroj shërim sa më të shpejtë,” shkruan ai.

Akti i fundit i dramës do të shkruhet me varrimin e 44-vjeçares që u vra me thikë duke i shkaktuar plagë të shumta nga bashkëshorti i saj 53-vjeçar, mesditën e së mërkurës, brenda shtëpisë së tyre në Sindos të Selanikut dhe pak kësaj autori u hodh nga ballkoni i shtëpisë duke i dhënë kështu edhe ai fund jetës.

Sipas informacioneve, varrimi i gruas do të bëhet nesër në Shqipëri, ndërsa varrimi i 53-vjeçarit do të bëhet edhe ai në Shqipëri në ditët në vijim. Ndërkohë dy vajzat e familjes, 16 dhe 21 vjeçe, të cilat humbën papritur prindërit, mbeten në gjendje shoku dhe mësohet se nuk kanë mundur të dëshmojnë në polici.

Për momentin nuk ka të dhëna që çifti të ketë qenë më parë në polici për dhunë në familje apo vepra të tjera, ndërkohë që të gjithë ata që i njihnin flasin për dy persona që nuk kishin pasur kurrë konflikte. Mesditën së mërkurës, pak para orës 13:00 kohë kur ndodhi vrasja, fqinjët nuk kishin dëgjuar asnjë zë nga banesa e katit të dytë, ku çifti jetonte me dy fëmijët.

Ndërkohë, fotot e postuara nga autori tregojnë momente familjare, nga udhëtimet me bashkëshorten dhe familjen, momente të shkujdesura në pushimet e tyre dhe nga koha që kanë kaluar me miqtë e tyre. Këto pamje janë postuar në vitin 2020.

Një mikeshë dhe shoqe e ngushtë e gruas tha se nuk mund ta besojë atë që ndodhi, pasi ajo shkonte në punë çdo mëngjes me viktimën dhe nuk e imagjinonte dot se do të ndodhte kjo gjë. “Ai ishte një njeri i jashtëzakonshëm.” “Ajo ishte e qetë dhe kujdesej vetëm për fëmijët e saj”, tha ajo, duke theksuar se është në gjendje shoku nga lajmi tragjik.

“Ajo më thoshte se kishte probleme me burrin e saj, por nuk më dha asnjë detaj”. “Ai ishte gjithmonë i buzëqeshur dhe përballonte gjithçka pa u ankuar, pavarësisht vështirësive që po kalonte”, vuri në dukje ajo.

Shoqja e viktimës theksoi gjithashtu se ato pak herë që ajo e kishte parë autorin, edhe para se të vetëvritej, ai ishte sjellë mirë përballë saj dhe nuk fliste shumë. “Nuk mund ta dija se çfarë fshihte shpirti i tij”, theksoi ajo.

Në momentin e vrasjes, dy fëmijët e familjes, vajzat 16 dhe 21 vjeçe, ndodheshin larg banesës, ndërkohë që më e vogla ishte në shkollë. Vëllait të 44-vjeçares, sapo është informuar ka shkuar në banesën ku ka ndodhur vrasja.