Lajme Flesh

Tristan Çela, është fituesi i sezonit të parë Albania’s Got Talent. Është mbyllur me një finale fantastike edicioni i parë i Albania-s Got Talent, që për 12 net mbajti gjithë shqiptarinë të mbërthyer para ekranit të televizionit Kombëtar Vizion Plus.

Një garë e fortë mes 11 konkurentëve, ku të gjithë pa përjashtim ishin fantastikë.

Nuk munguan komplimentet e pafund të yjeve të jurisë Agron Llakaj, Adelina Ismajli, Ledina Çelo dhe Kastro Zizo. Ishte një natë magjike dhe plot emocion nën moderimin e Isli Islamit.

Por në fund, publiku shqiptar votoi si më të mirin e edicionit të parë të Albania’s Got Talent Tristan Çela.

Një spektakël i vërtetë, ku shfaqja me flluska sapuni nga italiani Stefano Maurielo, akrobatet e “The Madness Leader”, grupi “The Beat Killers” apo Leandra Plaku me lëvizjet e saj si një profesioniste e vërtetë, zërat magjik të Tristan Çelës, Dejzi Zylajt dhe Klejvi Kapetës dhe Cory Cramer, pianisti i vogël Ermes Balili, artistja Arjeta Dhima me kukullat e saj, si dhe performanca në rërë e Fatmir Murrës mbajtën të gozhduar familjet shqiptare mbrëmjen e djeshme para ekranit të Televizionit Kombëtar Vizion Plus.

Një spektakël që nuk mbaron këtu, ftohen të gjithë ata që mendojnë se kanë talent të nxitojnë e të regjistrohen në audicionet, për t`u bërë pjesë në sezonin e ardhshëm të Albania’s Got Talent, bëhuni dhe ju pjesë e spektaklit.

Java ka nisur me mot të qëndrueshëm, por pritet të ndryshojë në ditët në vijim.

Meteorologu Hakil Osmani në një raportim pë “Ora News” thotë se e mërkura do të sjellë vranësira më të shpeshta dhe reshje shiu në disa zona. Reshje dëbore priten në zonat malore. Sa i përket temperaturave, pritet rënie nga e mërkura.

“E hëna dhe e marta mbeten në mbizotërimin e kushteve të qëndrueshme atmosferike, duke bërë që të kemi alternime kthjellimesh, kalime të shpeshta të vranësirave. Kthjellimet më të dukshme do të jenë të hënën në Ultësirën Perëndimore.

E marta do të ketë vranësira më të shpeshta, të cilat do të pësojnë zhvillime në orët e mbrëmjes duke bërë që të kemi prezente reshje të pakta shiu në zonat veri perëndimore.

Të mërkurën dhe të enjten pritet mot i paqëndrueshëm, duke bërë që të kemi vranësira të shpeshta, të cilat do të pësojnë zhvillime dhe reshje shiu shiu të izoluara edhe në formën e rrebesheve ndërsa në zonat malore do të kemi reshje dëbore.

Të premten, vranësirat do të jenë më të shpeshta, por reshjet do të jenë në sasi shumë më të pakta dhe të fokusuara në gjysmën lindore të territorit. Sa i përket temperaturave, sot dhe nesër maksimumet mbeten në vlerat 19-20 gradë në zonat e izoluara në Ultësirën Perëndimore ndërsa mëngjeset deri në 1 apo 2 gradë në qytetet e zonave malore.

Nga e mërkura dhe të enjten kemi rënie të temperaturave, duke bërë maksimumet në rang territori të jenë jo më shumë se 16 gradë. E premtja sjell rritje të lehtë të temperaturave.”, thotë meteorologu Hakil Osmani.

Marrëveshja Itali-Shqipëri, anija me 49 emigrantë të paligjshëm mbërrin në Shëngjin

vijon

Ish-ministri i Financave dhe ish-zëvendëskryeministri Arben Ahmetaj është shfaqur për herë të tretë nga arratia.

Ai e ka etiketuar Ramën si kryetarin e organizatës, që në bashkëpunim me SPAK po kërkojnë medoemos që ta arrestojnë, madje sipas tij, duke e kërcënuar përmes partneres.

Në intervistën e tij në televizionin “Syri”, sërish me gazetarin Çim Peka, Ahmetaj deklaron se PS ka rënë në dorë të krimit dhe po i shërben vetëm një njeriu.

“Nuk dua të tingëlloj sikur po ankohem, apo qarraman. Unë shpresoj që të ketë një proces pastrimi në territorit, që të më vijë edhe mua kujtesa. Sepse të jetosh pas 30 vitesh me terror, të përshpëris së “mos fol keq për Ramën se të dërgon SPAK-un”.

Nuk është e vërtetë që SPAK nuk ka vepruar, pasi ka denoncuar gruan time. Ka vepruar ndaj dëshmitarëve duke e kërcënuar. Më thotë avokati im që e kanë kthyer vlerësimin e realestate-n shtëpinë time, sepse nuk i ka pëlqyer SPAK-ut.

Spak-u ka vepruar në mënyrë shumë interesante, me një rast qesharak, të tregon që drejtësia është kapur. SPAK-u po merret me Bardh Spahinë, ngaqë ka ikur një ish-drejtor, pse nuk merret me Ramën që tallet me sistemin. Kur Rama, kreu i organizatës më shkarkoi mua, se gjoja i kam dhënë dosjen e inceneratorëve Metës. Ndërkohë, bëjnë spektakël me arrestimin tim.

Unë nuk kam pasur ambice për të bërë kryeministër, e di gjithë partia. Unë kam kërkuar të largohem. Fati Shqipërisë është i lidhur me fatin e familjes time, dhe fati i Shqipërisë sot ka rënë në dorë të krimit. PS sot është një organizatë për t’i shërbyer një njeriu,” tha Ahmetaj.

Sot, më 28 janar 2025, dollari amerikan, blihet me 93.5 lekë dhe shitet me 94.6 lekë.

Euro, blihet me 98.3 lekë dhe shitet 99 lekë.

Franga zvicerane, këmbehet në blerje me 103.5 lekë, ndërsa në shitje me 104.5 lekë.

Paundi britanik, blihet me 116.6 lekë dhe shitet me 117.6 lekë.

Dollari kanadez, sot në blerje këmbehet me 64.7 lekë, ndërsa në shitje me 66.2 lekë.

Më poshtë, po sjellim të dhënat e këmbimin valutor, për të gjitha monedhat e huaja:

Drejtoria Vendore e Policisë Tiranë ka ndërmarrë të gjitha masat e nevojshme për garantimin e mbarëvajtjes së homazheve për Kryepeshkopin Anastas Janullatos, që do të bëhen në Katedralen “Ngjallja e Krishtit”

Në zbatim të këtyre masave, nga ora 15:00 e datës 28.01.2025 deri në orën 14:00 të datës 30.01.2025, me përjashtim të mjeteve të emergjencës dhe të Policisë së Shtetit, do të ndalohet qarkullimi i të gjitha mjeteve të tjera, në akset rrugore:

– segmenti rrugor “Ibrahim Rugova”, nga Banka e Shqipërisë deri tek degëzimi me Gjykatën e Lartë. Devijimi i mjeteve për këtë segment të bllokuar do të bëhet në Rrugën e Barrikadave, bulevardi “Zogu i Parë”, rruga “Mine Peza” dhe në Rrugën e Kavajës;

– ⁠Rruga e Kavajës, nga kryqëzimi me Rrugën e Bogdanëve deri tek kryqëzimi me rrugën “Ibrahim Rugova”;

– ⁠Bllokim të pjesshëm do të këtë dhe në rrugën “Ded Gjo Luli”. Devijimi për këtë rrugë të bllokuar do të bëhet nga Rruga e Selvisë.

Gjithashtu, dalja nga rruga “Myslym Shyri” do të devijohet në drejtim të bulevardit “Gjergj Fishta”.

Policia e Tiranës kërkon mirëkuptimin e drejtueseve të automjeteve, për respektimin dhe zbatimin e masave kufizuese. Shërbimet e Policisë do të jenë të planëzuar me shërbim në të gjitha akset rrugore, për të monitoruar lëvizjen e automjeteve, me qëllim lehtësimin e lëvizjes së tyre dhe shmangien e trafikut.

Kortezhi i Kryepeshkopit Anastas Janullatos, i cili u nda nga jeta në moshën 95-vjeçar, mbërrin sot me rrugë tokësore nga Greqia drejt Shqipërisë, përmes pikës kufitare të Kakavjsë. Sipas mediave greke, shumë besimtarë po i japin lamtumirën e fundit kryepeshkopit në Kakavijë, teksa kortezhi kaloi pikën kufitare.

Pritja e shenjtërimit dhe homazhet për Kryepeshkopin Anastas, do të mbahen në Katedralen e Ngjalljes së Krishtit në Tiranë të martën, më 28 janar, në orën 16:00. Ceremonia e varrimit do të bëhet të enjten e 30 janarit, ku Kryepeshkopit Anastas do t’i jepet lamtumira e fundit pas liturgjisë hyjnore në katedralen “Ngjallja e Krishtit”, në orën 11:00.

Mësohet se në ceremoni do të jenë të pranishëm kryeministri, Kyriakos Mitsotakis dhe kryepeshkopi i Athinës dhe gjithë Greqisë, Ieronymos. Po ashtu pritet të marrin pjesë në ceremoni edhe besimtarë të shumtë dhe përfaqësues nga patriarkanat ortodokse dhe bota e krishterë më gjerë.

Kryepeshkopi Anastas Janullatos u nda nga jeta në orët e para të mëngjesit të 25 janarit. Ai ndodhej prej 30 dhjetorit të 2024-ës i shtruar në spital, fillimisht në Tiranë për shkak të një viroze stine. Më pas gjendja e tij u përkeqësua për shkak edhe të një gjakderdhjeje në sistemin e aparatit tretës, për të cilën u dërgua në Athinë më 3 janar.

Dashi

Lëreni mënjanë humorin e keq të ditëve të kaluara! Tashmë ka ardhur momenti që të shikoni përpara dhe të prisni mundësitë që do ju ofrohen. Megjithatë duhet të mbani parasysh se për të pasur rezultate të mira, nuk mjafton mbështetja e yjeve, por duhet vendosmëria juaj.

Demi

Duhet të tregoheni pak të durueshëm, pasi qysh nga dita e mërkurë gjërat do të shkojnë shumë më mirë. Do të keni shumë dëshirë për të dashuruar, për të qëndruar me të tjerët dhe për të buzëqeshur. Kjo javë ju sheh një prej shenjave më të favorshme.

Binjakët

Kjo e mërkurë do ju gjejë nervoz dhe aspak në humor, ndaj do të ishte mirë që të shmangnit konfliktet dhe polemikat, sidomos në punë. Nuk jeni të sigurtë për atë që doni. Në dashuri diçka ju shqetëson, ndaj mundohuni të sqaroheni, por duke shmangur konfliktet.

Gaforrja

Keni nevojë për qetësi, por duket se ankthi dhe tensioni nuk ju lënë të qetë, sidomos sa i takon çështjeve ekonomike. Duhet të tregoni më shumë kujdes për ndjenjat, të cilat po i lini pas dore për shkak të problemeve të jashtme.

Luani

Kjo e martë do ju gjejë të mbushur me energji pozitive, sidomos lidhur me punën dhe karrierën. Do të shihni rezultate të mira, si fryt i përkushtimit tuaj. Vetëm në dashuri do të ketë diçka që nuk shkon. Duhet të bëni qartësi dhe nëse tregoni kujdesin e duhur, do ia dilni më së miri.

Virgjëresha

Keni nevojë të jini të qetë, pasi në të kundërt nervozizmi shoqëruar me problemet fizike mund t’iu hapë probleme. Mundohuni që të shkarkoni stresin dhe të gjeni momente paqeje, duke u larguar nga njerëzit negativ. Gjërat do të zgjidhen gradualisht.

Peshorja

Në dashuri do të keni disa dyshime. Ndoshta druani se njeriu i zemrës nuk ka ndjenja shumë të sinqerta ndaj jush, ose sepse nuk iu përgjigjet në të njëjtën mënyrë. Keni nevojë për qartësi për të parë se si janë gjërat. Situatat mund të zgjidhen vetvetiu, ndaj mos i sforconi gjërat.

Akrepi

Parashikohet një ditë mjaft pozitive gjatë së cilës do të ndiheni të relaksuar dhe larg stresit dhe konfliktet e ditëve të kaluara. Do të jeni të mbushur me energji dhe ky rikuperim do të ndikojë pozitivisht edhe në trupin tuaj. Përfitoni nga kjo periudhë e favorshme për të vepruar.

Shigjetari

Do të jetë një ditë mjaft pozitive ku gjërat që dukeshin se nuk ecnin do të marrin drejtim mjaft interesant. Do të përjetoni emocione të bukura, ndaj lëreni veten të lirë për të shijuar çdo moment.

Bricjapi

Do të jeni disi të tensionuar, sidomos në dashuri. Nëse raporti në çift është në krizë, mund të analizoni situatën me shumë kujdes në mënyrë që të shmangni polemikat. Bëni qartësi me veten tuaj, merrni vendimin që ju përshtatet, pa u bërë pishman, shkruan noa.al. Kjo pasi situata tërhiq e mos lësho, ju ka lodhur.

Ujori

Ndikimi tranzit i Uranit, nuk do të jetë shumë pozitiv. Ndonëse shenja jua është revolucionare, të gjitha të rejat që do të vijnë, do ju turbullojnë. Mundohuni që të merrni më të mirën nga çdo gjë, pasi do të ketë shumë gjëra pozitive. Do të hasni edhe probleme ekonomike, të cilat kërkojnë zgjidhje. Duhet të jeni të matur edhe me shpenzimet.

Peshqit

Dita nuk do të jetë në ritmin e duhur, por përmirësimi do të nisë qysh nga e mërkura, ndaj mos u shqetësoni shumë. Mundohuni vetëm që të pushoni pak më shumë. Parashikohen zhvillime dhe projekte të reja të cilat premtojnë rezultate të favorshme. Mos i braktisni ëndrrat, pasi shumë shpejtë mund ti ktheni në realitet.

Historiania Elena Kocaqi, ka folur për ndarjen nga jeta të Kryepeshkopit Anastas Janullatos dhe Kishën Ortodokse Autoqefale të Shqipërisë. 

Kocaqi tha se shteti grek ndikon përmes Kishës dhe e quajti armikun më të madh të kishës. 

“Ministria e Jashtme, program pas luftës së dytë botërore, është që ne nuk e bëjmë dot Perandorinë Bizntine me luftë dhe tani këta kanë politike të jashtme, që nëpërmjet kulturës dhe fesë të asimilojnë sa të munden. E shoh ndërhyrjen e Greqisë me fenë, si zgjatim të politikës ruse për Perandori Ortodokse Bizantine që mbreti të ishte rus. Këtë do ta ndjekë Greqia.

Nuk dua t’i hyj nga pikëpamja fetare, por nga pikëpamja politike, feja duhet të ndahet nga shteti dhe politika. Historikisht, feja është përdorur, idologjitë janë mjete që përpunon masat e njerëzve. Kur feja përdoret politikisht është e rrezikshme. Edhe ceremonia që bën Greqia këtu është politike, sesa një respekt.

Në shqiptarët jemi zemërgjerë, le ta varrosin këtu, por mënyra se si Greqia e ka mbështetur ka dashur të mbajë kontrollin e Kishës patjetër është politike. Nuk ka Kisha Ortodokse armik më të madh se shteti grek. Ka qenë shtet brenda shtetit edhe gjatë perandorisë Osmane.

Pra Kisha Ortodokse ka humbur me shtetin grek dhe politika e ka në program ta mbajë të shtypur dhe nën kontroll. Prandaj në Shqipëri duhet të jetë larg influencave të politikës greke”, tha Kocaqi në emisionin “Të Paekspozuarit”.

Gazetari Ferdinant Samarxhi zbuloi në emisionin “Top Story” detajet në lidhje me krijimin e një shteti bektashi.

Ai foli për mënyrën se si do të funksionojë një shtet i tillë, ose siç ai e quan minishtet.

“Ky do të jetë një minishtet, si shteti i Vatikanit, ku do të ketë pasaportën e vet, simbolin e vet himnin e bektashianëve. Do të ketë simbolet që kërkon një shtet.

Kryegjyshata e ka, është një minishtet i organizuar vetë, nga natyra njësoj siç e ka pasur. Besimet e tjera kanë kryeqendrat e tyre që janë të lidhura, bektashinjtë nuk e kanë. Fati jonë nga historia që erdhi në Shqipëri, që të jetë qendër botërore me status ndërkombëtarë”, tha ai.