Lajme Flesh

Një 53-vjeçar ka mbetur i plagosur me thikë pasditen e sotme në zonën e Yzberishtit, pasi është qëlluar nga një 24-vjeçar.

Policia thotë se sherri ka nisur për motive të dobëta, dhe se autori i ngjarje është identifikuar tashmë dhe është shpallur në kërkim. I plagosuri ndodhet jashtë rrezikut për jetën.

Sipas informacioneve paraprake, 24-vjeçari është identifikuar si Aleksi P.. Ai ka qëlluar me thikë 53-vjeçarin në gjaknxehtësi e sipër, pasi e ka parë me nënën e tij në oborrin e banesës.

Njoftimi i policisë:

Plagosi me mjet prerës një  53-vjeçar pas një konflikti për motive të dobëta, identifikohet autori dhe vijon puna për kapjen e tij.

Shërbimet e Komisariatit të Policisë Nr. 6 në bashkëpunim me Strukturat e DVP Tiranë, pas marrjes së njoftimit se në Yzberisht, është dëmtuar një shtetas me mjet prerës gjatë një konflikti për motive të dobta menjëherë kanë organizuar punën me qëllim identifikimin dhe kapjen e autorit si  dhe dokumentimin e plotë ligjor  të ngjarjes.

Si rezultat i reagimit në kohë dhe veprimeve të shpejta hetimore u bë  identifikimi i autorit, shtetasit A. P., 24 vjeç, banues në Tiranë dhe vijon puna për kapjen e tij.

Ky shtetas, gjatë një konflikti për motive të dobëta ka plagosur me një mjet prerës shtetasin E. Rr., 53 vjeç, i cili ndodhet jashtë rrezikut për jetën.

Materialet procedurale i kaluan Prokurorisë, për veprime të mëtejshme.

Presidenti amerikan Donald Trump i vendosi sot tarifa dhe kufizime të tjera Kolumbisë, pasi vendi i Amerikës Latine refuzoi dy avionë ushtarakë amerikanë të mbushur me emigrantë ilegalë.

Presidenti kolumbian tha se do i pranonte shtetasit e tij të kthyer, por vetëm kur kjo të kryhej me dinjitet përmes avionëve civilë dhe emigrantët të mos lidheshin me zinxhirë, siç treguan pamjet.

“Këto masa janë vetëm fillimi”, shkroi Trump në platformën e tij të mediave sociale Truth Social. “Ne nuk do të lejojmë që qeveria kolumbiane të shkelë detyrimet e saj ligjore në lidhje me pranimin dhe kthimin e kriminelëve që ata detyruan të vijnë në Shtetet e Bashkuara”, shtoi ai.

Menjëherë pas vendimit, Trump ka shpërndarë një foto të tijën (përmes inteligjencës artificiale), ku shfaqet si “Don” i mafias, dhe pranë tij lexohet “FAFO”, që pak a shumë përkthehet në “provoje dhe shih se çfarë do të të gjejë”.

Presidenti i SHBA Donald Trump tha të dielën se ai po urdhëronte të ndërmerren tarifa, kufizime vizash dhe masa të tjera hakmarrëse kundër Kolumbisë pasi qeveria e saj refuzoi dy fluturime që transportonin emigrantë ilegalë.

Trump tha se masat ishin të nevojshme, sepse vendimi i presidentit kolumbian Gustavo Petro “rrezikoi” sigurinë kombëtare në SHBA.

“Këto masa janë vetëm fillimi”, shkroi Trump në platformën e tij të mediave sociale Truth Social. “Ne nuk do të lejojmë që qeveria kolumbiane të shkelë detyrimet e saj ligjore në lidhje me pranimin dhe kthimin e kriminelëve që ata detyruan të vijnë në Shtetet e Bashkuara”, shtoi ai.

Më herët të dielën, Petro tha se qeveria e tij nuk do të pranojë fluturime që transportojnë emigrantë të deportuar nga SHBA derisa administrata Trump të krijojë një protokoll që i trajton ata me “dinjitet”. Petro e bëri njoftimin në dy postime X, njëra prej të cilave përfshinte një video lajmesh të emigrantëve të deportuar në Brazil duke ecur në një pistë me zinxhirë në duar dhe këmbë.

“Emigranti nuk është kriminel dhe duhet trajtuar me dinjitetin që meriton një qenie njerëzore”, tha Petro. “Kjo është arsyeja pse unë i ktheva avionët ushtarakë amerikanë që mbanin emigrantë kolumbianë.”

Petro shtoi se vendi i tij do t’i priste kolumbianët me “aeroplanë civilë” dhe “pa trajtim si kriminelë”.

Si pjesë e një sërë veprimesh për të përmbushur premtimet e fushatës së Presidentit të SHBA Donald Trump për të goditur imigracionin e paligjshëm, qeveria e tij po përdor ushtrinë aktive për të ndihmuar në sigurimin e kufirit dhe kryerjen e dëbimeve.

Dy avionë mallrash të Forcave Ajrore C-17 që transportonin emigrantë të larguar nga SHBA u rrëzuan herët të premten në Guatemalë. Po atë ditë, Hondurasi mori dy fluturime deportimi me gjithsej 193 persona.

Trupi i kryepeshkopit të Shqipërisë, Anastas Janullatos u vendos sot në një kishë në Athinë, ku personazhe të rëndësishme publike, patën mundësinë t’i jepnin lamtumirën.

Mes tyre ishin edhe dy personazhe, për të cilët e pakta është të thuash janë kontroverse, në vendin tonë. Bëhet fjalë për Fredi Belerin dhe Pirro Dhimën. Anastas Janullatos e mbështeti Fredi Belerin gjatë kohës që kaloi në burg në Shqipëri.

Nuk mungoi në këtë ceremoni kryeministri i Greqisë, Qirjakos Miçotaqis i shoqëruar nga disa prej ministrave të tij, si dhe gjeneralët më të lartë të ushtrisë greke.

Richard Grenell i ka dalë në mbrojtje regjimit të Aleksandër Vuçiç në Serbi, duke denigruar protestuesit paqësorë që kërkojnë ndërrimin e qeverisë.

Përmes një postimi në “X”, Grenell akuzon protestuesit serbë për dhunë në protesta dhe tentim të uzurpimit të institucioneve me forcë. Në fakt, protestat në Serbi kanë qenë paqësore, madje kanë qenë protestuesit ata që janë sulmuar dhe dhunuar nga njerëz të afërm të regjimit të Vuçiçit.

Dhe të gjithë këtë “kritikë” të pakutpimtë dhe të pavend ndaj protestuesve, Grenell e ka bërë duke shpërndarë një faqe të quajtur “National Independent” që njihet për përhapjen e dezinformacioneve dhe qëndrimeve anti-shqiptare.  

“Është gjithmonë e rëndësishme të ngrini zërin dhe të dëgjoni. Por të gjithë duhet të dënojnë dhunën dhe t’i përmbahen demonstratave paqësore. Procesi demokratik duhet të respektohet.

Ne nuk i mbështesim ata që minojnë sundimin e ligjit ose që marrin me forcë ndërtesat qeveritare.

Nëse nuk ju pëlqen një ligj apo një udhëheqës, atëherë punoni për ta ndryshuar atë – por mos përdorni dhunën”, ka shkruar Grenell.

Ai e ka marrë menjëherë përgjigjen si nga “Community Notes” edhe nga qindra komentues të revoltuar me të.

“Dhuna inkurajohet nga presidenti Vuçiç, i cili pretendon se është e pranueshme që njerëzit të futin makinat e tyre mes protestuesve. Pas kësaj deklarate, shumë studentë kanë mbetur të plagosur rëndë kur makinat kanë hyrë në to gjatë protestave”, ka qenë vërejtja që ka marrë Grenell.

Postimi i Grenell

Kryeministri grek, Kyriakos Mitsotakis, do të jetë i pranishëm në ceremoninë e varrimit të kryepeshkopit Anastas Janullatos në Tiranë.

Burime ekskluzive për Top Channel konfirmojnë se kreu i qeverisë greke do të mbërrijë të enjten në Shqipëri.

Në vendin tonë pritja e trupit të Kryepiskopit të ndjerë do të bëhet para Katedrales “Ngjallja e Krishtit” në Tiranë, më 28 janar në orën 16:00. Homazhet do të mbahen brenda tempullit gjatë asaj pasditeje dhe të mërkurën, datë 29 janar 2025. Shërbesa e varrimit do të kryhet ditën e enjte, datë 30 janar, ora 11:00, pas Liturgjisë Hyjnore.

Kryepeshkopi i Shqipërisë, Anastas Janullatos ndërroi jetë një ditë më parë në moshën 95-vjeçare në një spital në Athinë. Ai mbylli sytë përgjithmonë si pasojë e funksionimit të pamjaftueshëm të shumë organeve, ndërsa ndodhej prej javësh nën kujdesin e mjekëve në spital.

Anastas Janullatos u zgjodh Kryepeshkop i Kishës Ortodokse Autoqefale të Shqipërisë nga Patriku i Kostandinopojës në janar të vitit 1991, ku punoi për rilindjen e kishës që ishte shkatërruar gjatë 40 viteve persekutimi nga regjimi komunist. Ai ia dedikoi jetën rindjezes së shpirtit misionar të Kishës Ortodokse dhe pas më shumë se 30 vitesh në Shqipëri, duket se ai e arriti qëllimin e tij.

Marrëveshja ndërmjet qeverisë shqiptare dhe asaj italiane për ndërtimin e qendrave pritëse të emigrantëve në Lezhë ka hyrë në muajin e gjashtë të operimit, kohë e cila duket se ka shërbyer për të ndërtuar transenë ligjore të funksionimit të saj.

Sipas marrëveshjes, shpenzimet për funksionimin e këtyre qendrave janë të palës italiane, por shteti shqiptare gëzonte të drejtën për t’i dhënë hua dhe një të tillë kabineti Rama duket se e ka bërë.

Nëpërmjet një komunikimi zyrtar me Ministrinë e Brendshme, qeveria shqiptare ka alokuar në fond total prej 289 milionë lekësh, nga të cilat 100 milionë për armatime, shkruan a2cnn. 

“Fondi i kërkuar nga Ministria e Brendshme në kuadrin e rishikimit të buxhetit me Aktin Normativ ishte në shumën 289 milion lekë ku përfshiheshin blerje pajisje, armatim dhe mjete transporti. Në fondin e miratuar me Aktin Normativ nr. 3 në shumën 100 milion lekë, janë financuar blerje pajisje armatimi ndërsa blerja e mjeteve të transportit do të financohet në vitin 2025 për arsye  të kohës së nevojshme që kërkojnë procedurat e prokurimit për  blerjen e tyre. Çdo shpenzim për personelin dhe logjistikën për njësinë policore që operon në strukturat pritëse për migrantët do të rimbursohet nga pala italiane”.

Sipas marrëveshjes Rama – Meloni, qendrat pritëse në Shën Gjin dhe në Lezhë do t’i kushtojnë shtetit italian 600 milionë euro të cilat do të shpenzohet për 5 vite

Vin Veli, DJ i njohur shqiptar është bërë baba për herë të dytë, me partneren e tij të huaj Karolina Gasiunaite.

Ka qenë ajo që ka ndarë në rrjetin social Instagram, foton me djalin e tyre, ndërsa ka vendosur dy emoji, një zemër të kuqe dhe një arush.

Edhe pse vetë Vin Veli nuk ka ndarë foto të plotë, vajza që i ka rrëmbyer zemrën në profilin e saj publik ka ndarë mjaft foto me barkun e rrumbullakosur, duke vërtetuar në këtë mënyrë ata do të bëheshin prindër për herë të parë së bashku.

Kujtojmë që disa vite më parë Dj ka qenë në një lidhje me moderatoren e Bora Zemani. Çfiti sollën në jetë djalin e tyre Arbor. 

Pas ndarjes, Bora filloi një romancë me aktorin Donald Veshaj, i cili edhe sot vazhdon të jetë parnteri i saj.

Edhe pse të dy në rrugë të ndryshme, Bora dhe Vin Veli ndajnë raporte të mira së bashku. Ky detaj u vu re në ditëlindjen e djalit të tyre teksa i ftuar ishte dhe DJ.

Mediat greke i kanë kushtuar një artikull procedurave të përzgjedhjes së Kryepeshkopit të ri të Shqipërisë i cili do të pasojë Krepeshkopin Anastas Janullatos.

Sipas Protothema, mitropoliti i Korçës, Imzot Joani, u zgjodh nga Sinodi i Shenjtë i Kishës së Shqipërisë si mbikëqyrës i fronit të Kryepeshkopit.

Artikulli i publikuar nga Protothema:

Mbikëqyrës i Fronit të Kryepeshkopit u zgjodh Mitropoliti Joani i Korçës. Vendimi është marrë nga Sinodi i Shenjtë i Kishës së Shqipërisë në një mbledhje të jashtëzakonshme mëngjesin e së shtunës.

Imzot Joani është zgjedhur nga Anastasi për ta pasuar atë. Ai është një hierark shqipfolës.

Ndërkohë, Sinodi i Shenjtë i Kishës së Greqisë njoftoi kremtimin e shërbesës hyjnore në Mitropolin e Athinës të dielën, para trupit të të bekuarit Kryepeshkopit të Shqipërisë Anastas Janullatos.

Shërbesa hyjnore do të kryhet nga nënkryetari i Sinodit të Shenjtë, Mitropoliti Ierotheos i Nafpaktos dhe Agios Vlasios. Pas përfundimit të tij, Kryepeshkopi i Athinës dhe i Gjithë Greqisë, Ieronymos, do të kryejë një trisago për prehje.

Trupi i primatit të bekuar do të qëndrojë në Katedralen e Athinës deri në orët e mëngjesit të së hënës, kur do të transferohet në Shqipëri.

Krahas zgjedhjes së mbikëqyrësit, Kisha e Shqipërisë shpalli pesë ditë zie kishtare nga 25 deri më 29 janar.

Të martën në mëngjes, më datë 28 janar, trupi i Kryepeshkopit do të niset nga Greqia në rrugë tokësore, ku do të shkojë në Shqipëri përmes pikës kufitare të Kakavisë. Pjesë e shoqëruesve do të jenë Mitropoliti i Apollonisë dhe Fierit, Nikola dhe ipeshkvi i Krujës Anastasi.

Varrimi do të bëhet ditën e enjte, më 30 janar në orën 11:00, pas Liturgjisë Hyjnore. Ndër të tjera do të jetë i pranishëm edhe Patriarku Ekumenik Bartolomeu.

Varrimi do të bëhet nën Altarin e Shenjtë të Katedrales.

Dashi

Dita e sotme do filloje vrullshëm dhe me debate te forta ne çift. Megjithatë me kalimin e orëve do i kuptoni gabimet qe keni bere dhe do kërkoni falje. Ne mbrëmje atmosfera do ndryshoje tërësisht. Beqaret do kenë mundësi me shumice për te krijuar lidhjen e duhur. Ne planin financiar nuk duhet te hidhni hapa te nxituara sepse situata mund t’iu dale jashtë kontrollit.

Demi

Nëse jeni ne një lidhje do kaloni një dite paksa delikate. Nuk do jeni dakord me disa gjera qe do ju thotë partneri juaj dhe do këmbëngulni qe ai te ndryshoje mendim. Beqaret do takojnë një person i cili do ju përshtatet si ne pamjen e jashtme ashtu edhe ne karakter. Ne planin financiar situata do jete me e qete se një dite me pare, por shpenzimet e tejskajshme duhen shmangur.

Binjaket

Klima yjore do jete mjaft e favorshme për jetën tuaj ne çift. do flisni hapur për gjithçka me partnerin dhe do bashkëpunoni. Edhe ata qe kane pasur mosmarrëveshje do kenë një dite me pozitive. Beqaret nuk do kenë aspak dëshirë te fiksohen diku edhe pse mundësitë nuk do mungojnë. Financat do mbrohen gjate gjithë kohës nga yjet dhe nuk pritet asnjë surprize e keqe.

Gaforrja

Dite e kënaqshme dhe aspak problematike kjo e sotmja për te dashuruarit. Do jeni me realiste dhe nuk do kërkoni gjera te pamundura nga ai qe keni ne krah. Beqaret do influencohen pozitivisht nga Hëna e cila do ju krijoje mundësi te shumta për takime. Financat duhet organizuar me mire ne mënyrë qe te mos ketë asnjë problem.

Luani

Do bënit mire te qëndronit larg partnerit tuaj sot sepse vetëm ne këtë mënyre do shmangnit debatet e zjarrta me te. Me mire reflektoni me kujdes për gjithçka ka ndodhur deri me sot. Beqaret nuk duhet te dëshpërohen edhe nëse nuk e gjejnë dashurinë e madhe sepse miqtë nuk do i lënë aspak te mërziten. Situata financiare ka rrezik te jete paksa e paqëndrueshme.

Virgjeresha

Debatet dhe mosmarrëveshjet ne jetën tuaj ne çift do jene te shumta gjate kësaj dite. Asgjë nuk do shkoje ashtu si e kishit menduar dhe surprizat do mungojnë tërësisht. Beqaret do takojnë disa persona interesante, por asqeri nuk do jete i gatshëm te krijoje një lidhje me at duke qene se kane angazhime te tjera. Ne planin financiar duhet me patjetër te merrni masa strikte.

Peshorja

Do ndiheni te kënaqur sot ne jetën tuaj ne çift duke qene se partneri do kujdeset t’ua plotësoje te gjitha dëshirat. Te dy do tregoheni edhe me te hapur për te provuar eksperienca te reja. Beqaret do kenë një dite me fat dhe do mund te realizojnë disa takime vendimtare. Ekuilibri financiar do mbizotërojë gjate gjithë ditës. Nuk do keni për çfarë te shqetësoheni.

Akrepi

Tregohuni shume te kujdesshëm gjate kësaj dite ne jetën tuaj ne çift sepse yjet do ndikojnë negativisht dhe do lindin debate pa fund. Asnjeri prej jush nuk do toleroje. Beqaret do dëshirojnë ende te përfitojnë sa te mundin nga liria qe kane dhe nuk do nguten te dalin neper takime. Ne planin financiar situata do përmirësohet ndjeshëm.

Shigjetari

Do jeni shume romantike gjate kësaj dite dhe do mundoheni ne çdo moment te krijoni një klime sa me te ngrohte ne çift. Me ndihmën e yjeve do ja dilni mbanë. Beqareve do ju ndryshoje shume shpesh humori dhe nuk do jene ne qejf për te dale neper takime. Ne planin financiar duhet te tregoheni sa me te arsyeshëm qe te mos keni vështirësi me vone.

Bricjapi

Për planin sentimental ambienti do ndryshoje tërësisht gjate kësaj dite. Do keni nevoje për me tepër qetësi, qëndrueshmëri dhe do bëni çfarë te mundeni për te ruajtur një klime harmonike. Beqaret do kenë mundësi te shumta për te realizuar takimin qe kane ëndërruar. Financat nuk do jene aspak problematike, përkundrazi me pak maturi mund edhe t’i përmirësoni ato.

Ujori

Do jeni shume xheloze gjate kësaj dite për partnerin tuaj dhe kjo mund te ndeze here pas here mosmarrëveshje te mëdha. Kujdes sepse po vazhduat kështu do keni probleme serioze. Beqaret nuk duhet te luajnë me zjarrin sot sepse mund te digjen keq. Ne planin financiar është dita me e përshtatshme për te kryer investime dhe transaksione.

Peshqit

Te dashuruarit do kenë një dite te mbushur me emocione te njëpasnjëshme. Mund t’ju behet edhe një propozim mjaft interesant sot nga partneri. Takime vendimtare priten gjate kësaj dite për beqaret. Shfrytëzojeni çdo moment. Ne planin financiar do merrni frytet e një periudhe te tere mundimesh dhe përkujdesjeje. Situata do filloje te përmirësohet.