Lajme Flesh

Teksa Gjesti dhe Egli ndodheshin te dhoma e grimit duke rregulluar rrobat e banorit, këngëtari bëri një deklaratë të papritur.

Ai u shpreh se ‘ka një ndjenjë që do të martohet në këtë Big”. Fillimisht këtë e konfirmoi edhe Egli, duke i thënë se do të martohet me një banore me shkronjën “L”, referuar Livias pasi ata qëndrojnë shpesh bashkë.

Por Gjesti u shpreh se nuk është ajo dhe më pas Egli i tha se ka dëgjuar se ai është ‘i martuar’.
Këngëtari u shpreh se jo dhe bëri një lojë fjalësh me Eglin, e cila e mori sikur Gjesti e kishte për të pjesën e martesës ne “Big Brother VIP 4”.

Pjesë nga biseda:

Gjesti: E di si e kam një ndjenjë që do të martohem në këtë Big

Egli: Edhe unë e kam një far ndjenje se ti do të martohesh me dikë këtu

Gjesti: Edhe unë e kam një far ndjenje

Egli: Edhe e di kush është

Gjesti: Kush është shkronja e parë?

Egli: Ta lexoj në sy gjatë lëvizjeve me kë e ke

Gjesti: Më trego shkronjën e parë e unë po të them “po” ose “jo”

Egli: L

Gjesti: Kurrë në jetë

Egli: S’më gënjen intuita

Gjesti: Jo është duke të të gënjyer shumë

Egli: Mua më kanë thënë se je i ‘martuar’ diku

Gjesti: Jo, s’jam

Egli: E ke thënë vetë këtu

Gjesti: Jo, veç bëj hajgare. A të dukem si i martuar?

Egli: Ti ke pasur një histori te produksioni ku ke qenë këtë e dimë. E ke, në një moment në shtëpi ke thënë se ke frikë se ‘është mërzitur me mua’, seç ke bërë diçka. Ke ndjenja për të. Si i bie të martohesh me dikë këtu, kur ke ndjenja për dikë që ke lënë atje?

Gjesti: Po si të pashë ty, mua komplet me ndjenja më ikën

Egli: Ti e ke me mua?

Gjesti: Jo, si të pashë ty po them

Egli: Këtë situatën e ke kundrejt meje?

Gjesti: Jo. Po them që shkronjën “L” hiqe prej mendje

Egli: Kur thua që do martohem e ke për mua?

Gjesti: Jo

Egli: Për kë e ke? Më the thuaj shkronjën e parë, V, D?

Gjesti: Jo

Egli: Me ato që janë të martuara nuk do martohesh

Prej shumë vitesh, Rozana Radi e ka ruajtur jetën e saj personale në hije, duke zgjedhur një partner që preferon të mbetet larg vëmendjes mediatike. Ky qëndrim i saj në lidhje me privatësinë, siç duket, përputhet edhe me dëshirat e partnerit që ka zgjedhur, i cili shfaqet rrallë në publik. Së fundmi, në një debat në ‘Big Brother’, Rozana zbuloi se ata janë martuar, një moment që e mori të gjithë në befasi.

Duke debatuar me Gjestin, njërin nga konkurrentët, Rozana e bëri të qartë se statusi i saj civil është i pamohueshëm. Ajo e tha qartë: “Jam grua e martuar, nuk afrohesh dot fare tek unë”. Kjo deklaratë konfirmoi se ajo dhe partneri i saj kanë kurorëzuar dashurinë e tyre në një martesë të fshehtë, një fakt që shumë prej ndjekësve të saj nuk ishin në dijeni të tij.

Publiku dhe mediat menjëherë shpërthyen me spekulime mbi këtë zbulim. Një jetë private e mbajtur në hije për një artist të njohur si Rozana është gjithmonë një çështje interesante. Ajo gjithmonë e ka shmangur bisedat rreth marrëdhënies së saj, duke preferuar që ato të mbeten një mister për adhuruesit e saj. Ndoshta, ky është një nga arsyet pse shumë e duan atë – sepse jeta e saj personale është e paparashikueshme dhe intriguese.

Artistja, e cila e ka ndarë jetën profesionale nga ajo personale, theksoi se ka kaluar më shumë se 12 vjet në një lidhje dashurie. “Jo vetëm kaq”, vazhdoi ajo, “por kam përjetuar një situatë të çuditshme kur mediat e përfshinë atë në skena të paqarta, duke krijuar tension midis nesh”.

Rozana gjithashtu zbuloi se partneri i saj është i fiksuar pas ruajtjes së privatësisë dhe nuk ka dëshirë të jetë në qendër të vëmendjes. “Ai nuk merret fare me botën e televizionit dhe ka një preferencë të fortë për të qëndruar larg mediave”, tha ajo, duke shpjeguar se ky është një çelës për një lidhje të qetë dhe të qëndrueshme.

Ky qëndrim i tij ka ndihmuar në forcimin e marrëdhënies së tyre. Rozana tha se është e lumtur të dijë se partneri i saj është shumë mbështets dhe i kupton nevojat e saj për privatësi. “Në një emision, tha: ‘Jam shumë e lumtur se jam ndarë më të dashurin’, dërgoi një mesazh publik që, për fat të keq, u keqkuptua”, shpjegoi ajo. Kjo çoi në një situatë të vështirë për të dy, kur mediat filluan të spekulojnë mbi një ndarje të mundshme.

Megjithatë, Rozana është e bindur se marrëdhënia e saj është e fortë dhe e qëndrueshme. Ajo vazhdon të përqendrohet në karrierën e saj dhe në përkushtimin ndaj partnerit të saj.

“Ne jemi në një vend të mirë dhe jemi të lumtur bashkë”, përfundoi ajo. Këto zbulime thjesht theksojnë se ndonjëherë, dashuria dhe angazhimi nuk kanë nevojë për publikim dhe esa ndjenja e autenticitetit çdo herë mbetet më e rëndësishme se transparenca në jetën publike./panorama

Sali Berisha, i pandehur për korrupsion, i shoqëruar nga Flamur Noka me dosje në SPAK, u shfaq dy ditë më parë në burgun e Fierit, për të vizituar Ervin Salianjin, me të cilin u përlesh tre vite më parë për selinë e PD-së.

Sali Berisha, i pandehur për korrupsion, i shoqëruar nga Flamur Noka me dosje në SPAK, u shfaq dy ditë më parë në burgun e Fierit, për të vizituar Ervin Salianjin, me të cilin u përlesh tre vite më parë për selinë e PD-së. Berisha shprehu dëshirën për të vizituar edhe Ilir Metën në burgun 313, aleantin e tij në frontin anti-amerikan dhe anti-SPAK, por shtoi se kishte disa pengesa procedurale.

“Ilir Metën do shkoja 10 herë ta takoja unë, por këta pretendojnë se të paraburgosurit nuk mund të takohen. Këta më kanë thënë mua, se sigurisht unë jam interesuar, por më kanë informuar se ai është në paraburgim dhe nuk lejojnë takime”, tha Berisha.

Kreu i PD e konsideron Ilir Metën të burgosur politik, me shpresën se me dromcat e LSI-së rahmet pastë, që hodhi ‘në erë’ Edi Rama (një nga veprat më patriotike), mund të qepë ndonjë mandat më tepër në zgjedhjet e 11 majit 2025, për të ruajtur monopolin e opozitës deri në 2029. Në gusht të vitit 2001, në një konferencë për shtyp, Sali Berisha parashikonte se Ilir Meta do ta mbyllte jetën e tij prapa hekurave.

“Për PD, Ilir Meta është njeriu që përfaqëson klanin më të rrezikshëm të trafiqeve në Shqipëri, të trafikut të drogës, të trafikut të fëmijëve dhe të trafikut të vajzave të mitura. Në historinë e vendit, ky mbetet njeriu që me bandat e tij, ngjiti Shqipërinë në krye të listës së vendeve të planetit, të trafiqeve të skllavërisë së seksit, të fëmijëve të drogës dhe armëve. Mbi këta të dy (për Ilir Metën dhe bashkëshorten e tij) rëndojnë dy varre dhe dy krime të fshehura pas malit të Dajtit. Nuk do të jetë e largët dita kur Ilir Meta do ta mbyllë jetën e tij pas hekurave të burgjeve”, deklaronte Berisha.

Nuk dihet se kush e pengon më shumë për t’a vizituar Ilir Metën në burg, procedurat apo sikleti nga kjo profetci e përmbushur, po ky parashikim në atë kohë ishte aq i pabesueshëm sa profecia e Çim Pekës, i cili në korrik të vitit 2019 tha se Lulzim Basha është i dënuar të bëhet kryeministër!

Romeo Veshaj dhe Heidi Baci, çifti që u krijua gjatë kohës së qëndrimit të tyre në shtëpinë e “Big Brother VIP Albania 3” dhe që u bënë një prej dysheve më të komentuara nga publikut për ndarjen mes tyre pas përfundimit të spektaklit, kanë marrë sërish vëmendjen e ndjekësve.

Romanca e tyre vazhdoi për disa kohë edhe jashtë shtëpisë, por ata vendosën të ndahen për arsye që nuk i kanë zbuluar publikisht. Pas ndarjes, dyshja filloi të mos ndiqej më njëri-tjetrin në rrjetet sociale dhe hoqën gjithashtu të gjitha fotot e përbashkëta nga profilet e tyre.Sidoqoftë, këtë javë u shkruajt se kanë vendosur t’i japin një mundësi të dytë lidhjes së tyre, pasi veprimi i fundit i tyre tregon se romanca është rikthyer.

Romeo dhe Heidi tani kanë nisur sërish të ndjekin njëri-tjetrin në rrjetet sociale, një hap që lë të kuptohet se romanca e tyre ka marrë një tjetër drejtim. Por duket se mes tyre nuk ka një rikthim. Nga ajo çfarë mundëm të mësonim, Heidi dhe Romeo nuk janë rikthyer së bashku.

Ndjekja në Instagram, është vetëm një shenjë që dyshja duket se nuk ka mëri ndaj njëri-tjetrit, por jo se janë rikthyer. Heidi aktualisht është rikthyer në Shqipëri për të drejtuar Big Brother Fan Club, por sapo përfundon me xhirimet, ajo largohet nga Tirana, duke preferuar që të qëndrojë me familjarët e saj. Nga ana tjetër, Romeo po vijon me angazhimet e tij, tashmë larg televizionet. Dyshja nuk është parë bashkë që në verë. Vetëm pak javë më parë, të dy ishin pjesë e një eventi të zhvilluar në Tiranë. Por ashtu si të pranishmit pohuan, mes tyre nuk kishte as edhe një përshëndetje, dhe jo më një takim.

Ishte fillimi i tetorit, kur edhe Panorama shkroi për një flirt të ri që aktori kishte nisur. E tashmë, kur kanë kaluar më shumë sesa dy muaj, miqtë pranë tij zbulojnë se lidhja që fillimisht përflitej si thashetheme, tashmë është konfirmuar.

Të shumtë janë njerëzit që e kanë parë tashmë Romeon në shoqëri të vajzës brune që gjithnjë e më shpesh po shfaqet krah tij. Fillimisht, miqtë e afërt të tij ishin skeptik rreth fatit që kjo histori do të kishte. Por kur kanë kaluar disa javë, partnerja e re e Romeos, e shoqëron kudo artistin. Ndonëse deri më tani, çifti i ri nuk ka dalë ende hapur, të shumtë janë ata që e kanë marrë vesh për këtë histori.

Ditët e fundit, çifti ka qenë edhe në zonën e ishBllokut, ku vëllai i Romeos, ka edhe një biznes. Nën shoqërinë e miqve të përbashkët, çifti ka qëndruar në një nga baret e njohura në qytet, por pa dhënë shumë skena, si për të mos u zbuluar. Vajza në fjalë, nuk është e famshme, por ka shumë miq në fushën e showbizzit, ndaj edhe në një nga këto evente, ajo është njohur me Romeon, pak ditë pasi historia ishte mbyllur.

Rrethi i ngushtë i Romeos, bën me dije se nuk e dinë kohën fiks kur ai dhe Heidi u ndanë, por dinë se në fillim të shtatorit, kur Romeo iu rikthye netëve live si këngëtar, partnerja e tij e shoqëronte. Duket se kjo histori po vijon dhe Romeo dhe Heidi tashmë i përkasin të shkuarës, pasi Heidi po shijon famën në televizion, ndërsa Romeo historinë e re të dashurisë.

Artisti nga Kosova Besart Kelmendi, i njohur nga të gjithë me emrin “Gjesti”, është bërë pjesë e shtëpisë së “Big Brother Albania 4”, duke shkaktuar trazira jo vetëm në shtëpi, por edhe në publik.

Pas 85 ditësh qëndrimi në “Big Brother Vip Kosova 3”, Gjesti u largua dhe vetëm të nesërmen u bë pjesë e edicionit në Shqipëri.

Megjithatë, pak dihet për jetën e tij para se të bëhej pjesë e lojës. Në një koment të një fansi, u zbuluan detaje emocionuese nga jeta private e Gjestit.

Sipas këtij komenti, Gjesti është rritur larg prindërve biologjikë dhe është adoptuar nga një çift që e kanë dashur si fëmijën e tyre.

Kjo histori ka prekur thellë zemrat e publikut, duke e bërë atë edhe më të dashur për ndjekësit e tij.

Gjesti ka treguar se është një lojtar i fortë, si dhe një personazh që di të mbajë publikun të mbërthyer pas ekranit.

Me hyrjen e tij në “Big Brother Vip Albania 4”, ai është gati të sjellë energji dhe dinamika të reja në lojë.

Fansat e tij janë të bindur se ai do të shkëlqejë edhe në këtë edicion, duke e kthyer në një nga figurat më të paharrueshme të reality show-t në Shqipëri dhe Kosovë.

Vetë këngëtari ka preferuar që mos të flasë rreth kësaj teme, por të flasë për familjen e tij vetëm me dashuri dhe mall.

Familjarët e Gjestit, kanë reaguar për herë të parë pasi këngëtari iu bashkua shtëpisë së “Brother VIP Albania”, 24 orë pas largimit nga “Big Brother VIP Kosova”.

Në një postim në llogarinë e Gjestit në “Instagram”, familjarët shkruajnë se janë pa fjalë për gjithë mbështetjen e madhe që ai po merr.

“Jemi pa fjalë nga përkrahja dhe dashuria që ju publik i dashur i keni dhënë Gjestit gjatë këtij rrugëtimi, e po vazhdoni ende ta përkrahni Gjestin dhe lojën e tij, jemi përjetësisht falenderues për mesazhet e panumërta, e për përkrahjen që nuk po e kurseni asnjëherë, e përkundrazi vetëm po shtohet çdo ditë e më shumë. Gjesti ju do shumë, vazhdoni ta ndiqni e ta përkrahni siç edhe keni bërë deri tash”, thuhet në postim

Teksa ishte i ftuar në studion e “Debat”, Dashamir Shehi, ka deklaruar se lufta e vërtetë e SPAK-ut do të nisë “kur t’ua sekuestrojnë vilat dhe llogaritë bankare politikanëve”.

“Ka 3 ministra në burg, dhjetëra funksionarë në hetime, po ashtu edhe kryetarë bashkie dhe vazhdohet sikur nuk ka ndodhur gjë.

Kjo ndodh sepse kjo është Shqipëria jonë, e lodhur dhe nuk ka reagim publik. Drejtësia shyqyr që po bën diçka, por edhe SPAK-ut i janë turrur me egërsi të dy palët”, tha Shehi.

“Askujt nuk i leverdis që të hapen letrat sepse pothuajse të gjithë janë përlyer. Nuk po them që këta të SPAK-ut janë të rënë nga qielli, por i ka lëvizur pak ujrat në Shqipëri, pasi këtu ishte bërë kënetë fare.

Mendoj se diçka pozitive në fund të kësaj historie do të dalë. Të paktën një pjese të këtyre funksionarëve që vjedhin pa iu dridhur qerpiku do tremben paksa, një pjesë e politikës do të bëhet e përgjegjshme.

Por, ajo që duhet të ndodhte ende nuk ka ndodhur sepse deri tani, asnjë nuk është dënuar tamam. Deri tani, nuk janë sekuestruar paratë. Kur t’i marrin vilat e pallatet e llogaritë bankare, që mos të kenë më para të paguajnë gjykatësit, atëherë nis lufta e vërtetë”, theksoi Shehi.

Prej shumë vitesh Rozana Radi preferon që ta mbajë jetën e saj private sa më intime. Zgjedhja duket se është e partnerit të saj, që preferon mos të jetë pjesë e shtypit rozë. Megjithatë, çifti duket se nuk ka vetëm një lidhje të konsoliduar, por e kanë kurorëzuar dashurinë edhe në martesë.

Një fakt të tillë e ka thënë vetë këngëtarja gjatë një debati në “Big Brother”. Duke debatuar me Gjestin, Rozana ka shpërthyer duke i thënë “me mua s’guxon ti”.

Gjesti, i “shtyrë nga kureshtja”, ka pyetur këngëtaren se përse ai nuk mund të marrë një guxim të tillë, por Rozana i tha prerë se “Jam grua e martuar, nuk afrohesh dot fare tek unë”.

Kaq ka mjaftuar që rrjeti të shpërthejë me këtë deklaratë, duke zbuluar kështu edhe martesën e saj të fshehtë. Vetë artistja ka qenë gjithnjë shumë e rezervuar për të folur për detaje nga jeta private, por edhe miqtë e afërt refuzojnë të zbulojnë nëse kanë qenë në dijeni të dasmës që ajo dhe partneri i saj kanë bërë. Rozana Radi ka folur për jetën e saj private, por edhe atë profesionale, ka pranuar se është në një lidhje dashurie prej më shumë se 10 vitesh. Jo vetëm kaq por ajo tregoi edhe një moment kur gazetat e kanë ‘futur në sherr’ me partnerin e saj.

Gjithashtu, Rozana zbuloi edhe diçka për partnerin e saj, cilësoi se ai nuk merret aspak me botën e televizionit dhe ka dëshirë që mos të bëhet publik.

“Në një emision thashë “jam shumë e lumtur se jam ndarë më të dashurin”, ku pjesë ishte satira përveç investigimit. Pas emisionit do të shkoja në plazh me të dashurin, dhe nisën gazetat “u rilidh Rozana”. Na futën me të vërtetë në sherr, se ai më thoshte pse e ke thënë ti. Ne nuk ishim në sherr, por na futën me të vërtetë në sherr”.

Por kush është Shpëtimi, partneri i artistes. Shpëtim Karakushi dhe Rozana, zyrtarizuan lidhjen disavjeçare me fejesë në vitin 2018. Rozana pohoi se i dashuri i saj punon në Prokurori, por nuk është prokuror.

Nuk zbuloi shumë të dhëna për marrëdhënien e saj, por një detaj të cilin Rozana e veçoi për të dashurin e saj me profesion oficer policie, tha se ai ka sens humori njësoj si i ati i saj”. Shpesh herë ajo dhe Shpëtimi janë fotografuar së bashku në evente të ndryshme, duke zbuluar edhe imazhin e oficerit të Policisë Gjyqësore që i ka rrëmbyer zemrën.

Studentët serbë protestuan sërish sot në Beograd. Ata janë mbledhur në kryqëzimin kryesor të kryeqytetit serb, duke paralizuar qarkullimin.

“Ejani në Mostar, nëse keni guxim” ishte motoja e protestës së tyre e njoftuar prej disa ditësh për këtë të premte. Demonstruesit fillimisht u mblodhën para Pallatit të Drejtësisë, ku studentëve mësohet se u janë bashkuar edhe akademikë.

Fakultetet e Vozhdovcit bllokuan pjesën drejt autostradës dhe pjesën tjetër drejt Beogradit të Ri, duke bllokuar kështu të gjithë kryqëzimin e Mostarit.

Studentët e Fakultetit të Arteve bllokuan autostradën drejt Beogradit të Ri dhe më pas të gjithë rrethrrotullimin kryesor të kryeqytetit. Me të mbërritur studentët, qarkullimi i automjeteve u ndërpre.

Studentët protestojnë kundër korrupsionit qeveritar, ndërsa kërkojnë edhe dorëheqjen e presidentit serb, Aleksandar Vuçiç. Ata njoftuan duke fishkëllyer, fërshëllyer dhe brohoritur “Të gjithë në bllokada” se nuk do të hiqnin dorë nga përmbushja e kërkesës për përcaktimin e përgjegjësisë për vdekjen e 15 personave dhe plagosjen e rëndë të dy të tjerëve pas shkatërrimit të një stacioni hekurudhor të rindërtuar në Novi Sad.

Kryetari i Partisë Demokratike, Sali Berisha, mori pjesë në 34-vjetorin e themelimit të degës së PD në Pogradec, ku theksoi se kjo forcë politike ka luajtur një rol të rëndësishëm në nxjerrjen e Shqipërisë nga izolimi dhe në hapjen e vendit përpara integrimit në botën perëndimore

Gjatë takimit, Berisha gjithashtu foli për situatën e pensioneve në Shqipëri, duke theksuar se ato janë shumë më të ulëta në krahasim me vendet e tjera të rajonit, duke sugjeruar nevojën për reforma dhe përmirësime në këtë sektor.

“Po se, një pensionist në Shqipëri të marrë mesatarisht 170 euro, në Mal të Zi të marrë 450 euro. Kush ka qenë nga ju në Mal të Zi? Çfarë ka Mali i Zi? Nuk ka asnjë të 1/5 të pasurivë të Shqipërisë. Absolutisht! Po, pse, një pensionist në Maqedoni të marrë 280% të pensionit që marrim ne? Dhe të gjitha këto, me të gjitha dokumentet, ne ishim para të gjithëve në vitin 2013. Ata ishin ndën ne në pensione, ndën ne në rroga. Rumuni, kishte rrogën minimale në vitin 2013, 800 lei. Lexoni, shikoni sa e ka sot, 3300 lei. Kosova, shtet i sapoformuar, i shpallën pavarësinë, përsëri pensionistët marrin 30-40% më shumë se sa në Shqipëri. Pse ndodh kjo? Kjo ndodh, sepse qeveria demokratike, që i thotë vetes përfaqësuese e qytetarëve, është e detyruar që të ardhurat që krijon t’i shpërndajë me qytetarët. Çfarë bënë këta? Ky ngriu rrogat e ulëta, ky ngriu pensionet, ky mashtroi me indeksimin e pensioneve”-tha Berisha.

Duke u ndalur te pagat, Berisha tha se Partia Demokratike ka planin e saj për duke vendosur minimunin jetik nëse merr pushtetin më 11 maj.

“Po rrogat e ulëta? Pse rumuni e rriti 4 herë rrogën e ulët, po Shqipëria po t’i vësh inflacionin pothuajse fare. A, prisni. Në rrogat qëndroi indiferent? Jo! Rrogat e larta i rriti në stratosferë. Sot, Shqipëria ka rroga më të larta se sa Sllovenia. Imagjinoni Sloveninë ju. Sllovenia ka rroga të barabarta me vendet e zhvilluara të BE-së. Dhe këtu, rrogat e larta janë më të larta se atje. Pra, çfarë kemi ne. Ne kemi programin tonë, zotimin tonë solemn, nga i cili do përfitojë çdo shqiptar që sot është në vështirësi, dhe jo vetëm.

Ne do vendosim minimumin jetik. Çfarë do të thotë kjo? Kjo do të thotë që, çdo shqiptar që merr nën 200 euro, do marrë 200 euro. Dhe ai që nuk merr asnjë qindarkë, do marrë 200 euro. Edhe ai që merr 100 euro, do marrë 200 euro. Edhe pensionisti në fshat që merr 120 euro, do marrë 200 euro. Pensionisti në qytet që merr 170 euro, do marrë 200 euro. Dhe u garantoj se është vetëm hapi i parë. Se ligj do të jetë, çdo vit do të indeksohet.

Nuk do të ketë shqiptar që do marrë rrogë në sektorin privat, apo në sektorin publik ndën 500 euro. Jo, është jashtë çdolloj morali. Çfarë do bëhet me sipërmarrjet që, e kanë bazuar në rroga të ulëta? Do ulim taksat, do i ndihmojmë me të gjitha mënyrat. Nuk do pranojmë kurrë që t’i paguajnë nën 500 euro shqiptarët. Të eci sipërmarrja mirë, nuk të eci, ky është kushti. A po bëjmë ne një zbulim? Jo! Çdo vend i lirë demokratik, ka jo pagën mujore, por pagën e orës, që çdo orë je i detyruar të paguhesh kaq, dhe në qoftë se nuk jep atë pagë për orën, të vihen drynat”-u shpreh Berisha.

Një tërmet me magnitudë 5.5 ballë të shkallës Rihter goditi Etiopinë, në lindje të kryeqytetit Addis Abeba, njoftoi Qendra Gjermane Kërkimore për Gjeoshkencat (GFZ).

Tërmeti ishtenë një thellësi prej 10 kilometrash.

Vihet re se në zonë janë regjistruar një sërë tërmetesh më të vogla, pas aktivizimit të një vullkani në fillim të vitit.

Më 3 janar, Fana Broadcasting, raportoi se autoritetet kishin evakuuar banorët nga zona e prekur, e cila është rreth 165 kilometra nga kryeqyteti Addis Ababa.

Shiferaw Teklemariam, komisioneri i Komitetit të Menaxhimit të Rrezikut të Fatkeqësive të Etiopisë, tha se ishte shumë herët për të folur për një shpërthim, por autoritetet nuk po rrezikonin.