Lajme Flesh

Ato ishin dy kunatat më të famshme në vend. Njëra moderatore dhe imazh shumë i dashur për publikun, ndërsa tjetra finaliste e “Big Brother” dhe tashmë moderatore. Përgjatë verës, Heidi Baçin dhe Bora Zemanin i pamë së bashku në shoqërinë e dy partnerëve të saj, Donaldit dhe Romeos

Megjithatë, prej gati 2 muajsh po përflitet për një ndarje mes Heidit dhe Romeos, çfarë duket se ka sjellë edhe problemet për dy kunatat. Gjithçka u duk se ishte perfekt mes dy bukurosheve, kur Bora ishte e ftuar në panelin që Heidi moderon. Duke ngritur dyshime se çifti është ende bashkë dhe se raporti mes tyre është shumë i mirë, Bora nuk harroi ta përmenden përgjatë intervistës që dha.

“Do t’ju shikoj me shumë kureshtje, edhe pse kam përshtypjen do të jem më dakord me Heidin”, u shpreh Bora çfarë edhe na shtyu të mendojmë se dy vajzat kanë një raport perfekt mes tyre, ashtu si dy kunata duhet ta kenë.

Por, në fakt, nuk qenka kështu. Vetëm pak ditë më parë, të dyja kanë qenë prezente në të njëjtën festë, ku kanë shijuar atmosferën me miqtë dhe bashkëpunëtorët deri në orët e para të mëngjesit. Por ajo që u vu re ishte fakti se vajzat nuk postuan asnjë foto së bashku. Madje, nga të pranishëm, zbuluam se vajzat as nuk janë përshëndetur me njëra-tjetrën, duke qenë se ishin në tavolina të ndryshme. Fakt ky që tregon se realisht, raporti i tyre nuk është më ai i para disa muajve.

Që pas zërave për një ndarje mes Romeos dhe Heidit, Bora shpesh herë ka ndarë në rrjetet sociale foto nga e përditshmja e saj, ku gjithnjë është edhe Romeo, por duket se tashmë mungon Heidi, e cila është shkëputur nga ky raport, si dhe nga miqësia që kishte me çiftin Bora-Donald.

Megjithatë, dy vajzat vijojnë ende që të ndiqen në rrjetet sociale. Marrëdhënia mes Heidi Baçit dhe Romeo Veshajt nuk dihet si po shkon pasi çifti po përfliten për një krizë në romancën e tyre, por vetë protagonistët nuk kanë reaguar deri më tani për situatën. Të shumta janë aludimet që thonë se çifti është bashkë, dhe se gjithçka po e bëjnë për më shumë famë dhe bujë në media. Përfshi këtu edhe lajmet se tashmë Romeo ka një tjetër të dashur.

Kujtojmë që javën e shkuara, Panorama mësoi nga miq pranë Romeos se një vajzë po shfaqet gjithnjë e më pranë aktorit të humorit, duke zbuluar se tashmë ka një raport të ri. Së fundmi moderatorja ka deklaruar se arsyeja që po qëndron në Shqipëri nuk është puna apo profesioni, por arsye të tjera të cilat nuk preferoi t’i ndante me publikun.

“Mua s’më mban në një vend profesioni ose puna. Ka shumë arsye të tjera që unë të rri në Shqipëri”,- tha Heidi Baci. Kaq u desh që fansat të kuptonin se lidhja mes çifti nuk ka marrë fund plotësisht, por duket se kriza në marrëdhënien e tyre ende vazhdon pasi dyshja kanë kohë që nuk shfaqen më së bashku. Aktori i njohur Romeo Veshaj, pak dite me pare ka fshirë nga profili i tij të gjitha fotot përfshirë dhe ato me Heidin. Kjo lëvizje e tij vjen një natë pas publikimit të një poezie të thurur nga ishbanorja e ‘BBV’, e cila u lexua nga Egla Ceno në emisionin “Goca dhe Gra”.

Edhe pse, moderatorja tha se kishte dy vite që nga krijimi i asaj poezia e cila në fillim ishte shkruar në gjuhën italiane por më vonë ishte përshtatur në shqip, në thelb ajo shprehte shumë dhimbje të cilën ndjekësit e lidhën menjëherë me Romeon. Nuk dihet nëse këto dy ndodhi janë të lidhura me njëra-tjetrën, pasi dyshja ndiqen ende në rrjetet sociale dhe vetë Heidi ka në profilin e saj të gjitha fotot me aktorin. Kujtojmë që ka gati një muaj që përflitet për një ndarje mes Romeos dhe Heidit. Dy ish-finalistët e “Big Brother” ishin padyshim ndër çiftet më të dashura për publikun, ku vazhduan të konfirmonin dashurinë e tyre edhe pas përfundimit të spektaklit. Por ishte fillimi i shtatorit, kur u fol për një krizë mes tyre.

Që atëherë, dy protagonistët kanë zgjedhur që mos të flasin për historinë e tyre, duke vazhduar së shfaquri veç e veç. Vetëm javën e shkuar, “Panorama” publikoi disa fotografia të Heidit, ku shfaqej në Tiranë, në shoqërinë e një mashkulli. Nga ato çfarë mund të mësonim, bëhet me dije se djali në fjalë është një afërm i saj dhe nuk bëhet fjalë për një flirt të ri.

E veshur me një palë xhinse dhe një xhaketë të bardhë, Heidi kishte vendosur një kapele dhe një palë syze dielli, si për t’ju shmangur disi syve të kureshtarëve, por duket se nuk ia ka dalë. Nga ana tjetër, Romeo kohët e fundit e ka ndarë kohën mes projekteve të reja. Sakaq, ai i është rikthyer edhe muzikës, duke pasur disa koncerte në agjendën e tij. Zërat për një ndarje u vulosën edhe më tej, kur Romeo u shfaq në një dasmë, në shoqërinë e Donaldit dhe Borës, por Heidi mungonte.

Ishte pikërisht kjo prova që fansat po prisnin, për të konfirmuar se dyshja e dashur, tashmë i ka dhënë fund. Tashmë, të shumtë janë ndjekësit që po kontrollojnë me imtësi rrjetet sociale të aktorit, për të parë nëse ka lëvizje që do të çonin në identifikimin e vajzës që ka nisur të shoqërohet me Romeon. Ishte fillimi i shtatorit, kur dhe vëllezërit Veshaj, Romeo dhe Donald festuan ditëlindjen e tyre, çfarë nxori në pah edhe krisjen mes dyshes.Në 29 vjetorin e lindjes së tyre të dy moderatorët morën urime të veçanta nga familjarët dhe miqtë.

Por Heidi Baçi, e dashura e Romeos me të cilën u njoh brenda shtëpisë së “BigBrother Vip”, nuk u pa ta uronte moderatorin në rrjetet sociale. Kjo ngriti dyshimet se çifti i njohur ndoshta po kalon një krizë në marrëdhënien e tyre. Po ashtu, prej disa kohësh ata nuk kanë postuar foto me njëritjetrin në rrjetet sociale, ndërkohë që më parë kanë qenë më aktiv dhe të pandarë në profilet e tyre.

Dyshja shpesh herë ndanin në profilet e tyre çaste të bukura nën shoqërinë e njëri-tjetrit, ku nuk mungonin as momentet romantike e gazmore. Mesa duket krisja mes çiftit është reale dhe shkak ka qenë pikërisht rruga e ndryshme që kanë zgjedhur. Planet e çiftit kanë sjellë edhe përplasjet e para, ku teksa Romeo duket një hap më larg televizionit, e ndërsa Heidi ka zgjedhur që të investohet tek ekrani. Kujtojmë që romanca mes çiftit filloi teksa të dy ata u bën pjesë e reality show-t të BBV, ata u përfolën mjaft nga publiku si dhe fituan dashurinë e tyre

Të gjithë punëtorët janë punëtorë transferimi, të cilët udhëtojnë ndërmjet Shqipërisë.

Një aksident tragjik ka ndodhur në Itali, ku si pasojë ka humbur jetën një shqiptar. Mësohet se 62-vjeçari po punonte në një kantierin ndërtimi në Borello. 62-vjeçar po drejtonte një buldozer të vogël. Burri, si gjashtë punëtorët e tjerë të pranishëm në kantier në momentin e aksidentit, punonte për një kompani shqiptare që po kryente punë rutinë të mirëmbajtjes me kontratë.

Të gjithë punëtorët janë punëtorë transferimi, të cilët udhëtojnë ndërmjet Shqipërisë. Selia e kompanisë është në fakt në Shqipëri dhe nga kontrollet e para të kontratave nuk ka rezultuar asnjë parregullsi. Gjithashtu 62-vjeçari po lëvizte bobcat-in teksa ngarkonte mjetin në një kamion.

Për të lejuar manovrën, si gjithmonë në këto raste, ishin vendosur dy rampa për të lejuar ngjitjen e buldozerit. Në momentin që buldozeri po lëvizte në rampa, ai papritur u përmbys dhe punëtori u përplas në mënyrë dramatike mes automjetit dhe asfaltit. Fatkeqësisht shqiptari ka ndërruar jetë menjëherë.

Gjykata vendosi të ndërrojë masën për Mariela Berishën duke e lënë atë në arrest shtëpie.Mariela Berisha, për të cilën ishte caktuar masa “arrest me burg” ka kërkuar mëshirë në gjykatë, teksa shprehet se ka një djalë 2-vjeçar për të cilin duhet të kujdeset, çka ka bërë që masa për të të ndryshohet në “arrest shtëpie”.

Sa i përket të motrës, Antonela Berisha, është caktuar masa “detyrim paraqitje”.Lidhur me këtë, ka reaguar edhe Renée Reffo, e cila shprehet kundër këtij vendimi.

Valer Kolnikaj, një nga ish-banorët e Ferma VIP ka zbuluar detaje të pa ditura më parë nga reality show.I ftuar në në emisionin “Glamour” në “Ora News” Valeri ka treguar një sekret i cili u përfol shumë në mediat rozë, por asnjëherë nuk u zbulua e vërteta.

Ai rrëfeu se dy ish-finalistët, Albano dhe Baby G kanë kryer marrëdhënie seksuale brenda shtëpisë.Esteri: Më trego nga 3 sekrete për secilin nga finalistët, por duke qenë se ishin gjashtë më trego për 3 prej tyre që i përzgjedh ti.

Valeri: Për shembull ishte pikëpyetje a kryen marrëdhënie apo jo Albano me Baby G, realisht po. Kanë pasur marrëdhënie. Kanë pasur momente shumë të nxehta në “FermaVIP”.

Një gjë e pazakontë ndodhi sot në Serbi.

Një billboard në qytetin e Valevës ka shfaqur një imazh teksa shihet një shqiponjë me dy krerë me plis në kokë që ka “kapur për fyti” një shqiponjë që ka në prapavijë flamurin e Serbisë.

Fotografia është publikuar në Instagram nga faqja “valjevo_live”. “Në qendër të qytetit është shfaqur ky billboard. Besohet se është hakuar dhe konsiderohet si një provokim”, thuhej në postim.

Ndërkohë, një person që pretendon të jetë pronar i billboardit, ka reaguar në komentet e postimit.

“Jam pronari i billboardit që është hakuar mbrëmë. E fikëm menjëherë sapo e kuptova, dhe rasti do të raportohet tek autoritetet përkatëse”, ka shkruar ai.

Ende nuk ka asnjë deklaratë zyrtare mbi atë që ka ndodhur.

Juristi Kreshnik Spahiu komentoi vendimin e djeshëm të gjykatës së Romës që kërkoi kthimin mbrapsht të emigrantëve të ardhur në Gjadër të Lezhës.

Në një intervistë televizive Spahiu theksoi se në Europë shtete si Gjermania apo Holanda kanë me qindra kampe të tila si i Gjadrit madje të hapura, pra nëse duam të jemi pjesë të Europës kampe emigrantësh do kemi me dhjetëra duke qene si vend portë-hyrëse në BE.

‘Vendimi djeshëm nuk është përfundimtar. Betejë ligjore që do vijojë rast pas rastit. Ç’punë kanë shqiptarët ku kampi është në periferi të Lezhës . Në Gjermani ka 50 mijë qendra emigrantësh të hapura. Ka mijëra kampe në Holandë, Suedi, Norvegji, Francë, Angli. Si mundet shqiptarët të jenë kaq të papërgatitur dhe racistë? Shqiptarët duhet t’ia themi troç. Nuk e kanë idenë fare çfarë ndodh nëse hyjmë në BE.

Do e bëj Shqipërinë me dhjetëra apo qindra kampe emigrantësh. Futja në BE nuk ka vetëm avantazhe. Ka pafundësi detyrime. Mendojnë se hapja e kufijve do bëhet deti kos. Bëhesh europianë do të thotë të përballosh fluksin e migrantëve dhe do ketë dhjetëra kapmë pasi Shqipëria është portë për hyrjen në Europë.’

Atixhe Pinjolli, 75-vjeçarja që u sulmua seksualisht nga nipi i burrit të saj, 62-vjeçari Ali Pinjolli, ka folur për A2 CNN, duke treguar ngjarjen e rëndë.

“Pardje, në orën 02:30 isha në gjumë, më erdhën drutë, m’i shkurtoi njëri dhe lashë dritën e ballkonit ndezur para se të flija. Në këtë orë dëgjoj një zhurmë, mendova se do më vidhnin drutë. Kur hapa derën, pashë nipin e burrit. Kishte thyer xhamin, kishte rrëzuar mobiliet. M’u hodh përsipër dhe thoshte fjalë shumë të pista. Ç’të të them… Kërkova ndihmë, thërrisja me gjithë fuqinë, komshinjtë. Jemi vetëm pleq këtu. Asnjë nuk erdhi. Më shtyu. Me goditi disa herë, por nuk i thashë policisë. Shenjat në fytyrë ai m’i ka lënë. Do lajmëroj policinë, por ik me të mirë se të kam nip, i thashë. S’kam as burrë, as djalë”, thotë e moshuara.

“Nuk e di a ishte i pirë. Kur tha, unë erdha për ty. Unë të kam si djalë i thashë, se djalin tim e kam varrosur. U goditëm. Ja futa dorën në fytyrë. Ai shante policinë. Do lajmëroj vëllain, i thashë. Turp të, kesh i thashë, se të kam rritur si djalin tim”, shtoi Atixhe Pinjolli.

Armando Broja vazhdon rikuperimin e tij nga dëmtimi që e ka lënë larg fushave të lojës që nga vera e këtij viti. Por te Evertoni mendojnë se ky qëndrim jashtë nuk do të zgjasë edhe shumë.

Të paktën kështu e sheh trajneri Shon Dajç, i cili duke folur para ndeshjes ndaj Ipsuiç, kishte komentuar pikërisht situatën e dëmtimeve në radhët e ekipit të tij.

“Çermiti është në fushën me bar me stafin mjekësor dhe Broja gjithashtu. Broja është përpara tij sa i përket fazës së kthimit, atij do t’i nevojitet një program ndeshjesh. Por ai po punon në mënyrë aktive tani dhe shpresojmë që të kalojë dhe të punojë shpejt me grupin e madh”, tha trajneri i Everton rreth sulmuesit shqiptar.

Evertoni nuk dëshiron të ngutet me Brojën pasi falë akordit që ka arritur me Çelsin, nuk paguan rrogën e lojtarit deri në momentin që ai të cilësohet aktiv për t’u kthyer në fushën e lojës dhe për të dhënë kontributin e tij në ndeshje./PANORAMASPORT.AL

Myrto Uzuni është rikthyer nga dëmtimi me dopietë golash. Sulmuesi shqiptar duket në formë të jashtëzakonshme në La Liga 2.

Beratasi ishte autor i një dopiete me fanellën e Granadës, ndaj Tenerifes. Uzuni zhbllokoi sfidën në minutën e 20-të, pas një asisti të marrë nga Saenz.

29-vjeçari kompletoi dopietën personale në minutën e 34-t, duke shënuar pas një topi të rrëmbyer në zonë.

Uzuni humbi ndeshjen e kaluar për shkak dëmtimi, pas lëndimit të pësuar në Kombëtaren shqiptare, por tani duket në formë të shkëlqyer.

Këtë sezon në La Liga 2, shqiptari numëron 4 gola të shënuar dhe duket se është kampionati që i përshtatet më shumë.

Presidenti i Turqisë, Rexhep Tajip Erdogan, sulmoi Izraelin në sytë e Kancelarit gjerman Olaf Scholz, i cili ishte në Stamboll për një vizitë shtetërore.

“Izraeli po i vijon masakrat mizore, Netanyahu po i vijon ato. Aq shumë drejtues po bëhen martirë saqë duket se po e bëjnë për qejf. Perëndimi po feston. Duke nisur nga sjellja e Shteteve të Bashkuara nuk ndryshon shumë dhe po vazhdojnë në të njëjtën mënyrë. Për Izraelin nuk është fare punë e vështirë për të marrë armë, municione, makina dhe mjete të tjera. Me këto mjete Izraeli vijon masakrat në rajon”, tha Erdogan.

Situata në Lindjen e Mesme vazhdon të jetë e tensionuar për shkak të konflikteve me Hamasin dhe Hezbollahun. Izraeli ka intensifikuar sulmet ndaj Hezbollahut, duke shkaktuar evakuime masive në Liban.

Kryeministri Benjamin Netanyahu ka deklaruar se Izraeli po parandalon kërcënimet dhe se forcat e tij kanë shkatërruar dhjetëra mijëra raketat e Hezbollahut.