Lajme Flesh

Kryeministri Edi Rama dhe bashkëshortja e tij, Linda kanë qenë për disa ditë me radhë në New York, ku ka marrë pjesë në Asamblenë e OKB-së.

Gjatë vizitës në New York, Rama është takuar edhe me Alex Soros, djali i filantropit George Soros. Në takim ka qenë e pranishme edhe bashkëshortja e kryeministrit, Linda Rama. 

“Gjithmonë e mrekullueshme për të qenë përsëri bashkë pavarësisht se ku e gjejmë veten”, shkruan Soros teksa poston foto krah Edi Ramës, Linda Ramës dhe partneres së tij.

Djali i filantropit hungarezo-amerikan shfaqet shpesh në takime të këtij niveli që lidhen me çështjet botërore, por edhe ato rajonale.

Kur thuajse shtatori po përfundon, surprizat në ekran vijojnë ende. Të shumta kanë qenë lëvizjet këtë sezon, duke bërë që shumë personazh të njohur të rikthehen në ekran, e disa të tjerë të vijojnë të jenë larg tij. Këtë herë është momenti i Rudina Dembacajt që të rikthehet në postin e moderatores.

Burime për “Panorama” bëjnë me dije se aktorja do të jetë në sezonin e ri televiziv si moderatore në krah të Heidit Baci, tek emisioni “Goca dhe Gra”. Pas disa eksperiencave sporadike që ajo ka pasur si moderatore tashmë ajo do të jetë çdo javë në ekran, ku veç se do të moderojë, do të ndajë edhe copëza nga jeta e saj, tashmë si grua e martuar.

Kujtojmë se kjo hapësirë e re për Rudinën, gjendet pikërisht pas largimit të Arbana Osmanit nga ekrani. Kujtojmë se dy zonjat e televizionit nuk kanë pasur një raport të mirë me njëra-tjetrën. Dihet tashmë që Rudina Dembacajn dhe Arbana Osmanin i lidh dhe i ndan dikush. Bëhet fjalë për partnerin e Arbana Osmanit, Eduart Grishaj që ka qenë i fejuari i Rudina Dembacajt vite më parë. Por ndarja e tyre duket se nuk ka qenë e paqtë. Përveçse nuk kanë folur asnjëherë për njëri-tjetrin, Rudina nuk ka kursyer thumbat për Arbana Osmanin duke u shprehur:

“Nuk e di pse gratë e ish-burrave të mi, më kanë inat, e kam seriozisht”, ka thënë ajo ndërkohë që audienca ka duartrokitur. Kujtojmë se vite më parë, Dembacaj ka qenë e fejuar me Eduart Grishaj, partnerin aktual të Arbana Osmanit. Deklarata e saj u duk si një thumbim për të, sidomos pas ripostimit të videos në llogarinë e saj në Instagram.

Që nga ai moment, dy vajzat nuk kanë pasur asnjë kontakt me njëra-tjetrën, duke preferuar që të vijojnë me rrugëtimin e tyre, sa më larg. Në kohën që Arbana drejtonte “Big Brother” dhe pjesëmarrës në lojë ishte Amos Zaharia, mik i afërt i Rudinës, aktorja të shpeshta i kishte postimet.

Por ajo gjithnjë kujdesej që të merrej vetëm me mikun e saj, duke zgjedhur mos të komentojë as moderatoren dhe aq më pak regjisorin, ish-partnerin e saj. Vite më parë, vetë Rudina ka deklaruar se kishte marrë pjesë në audicione për të moderuar edhe “Portokalli”, por në atë kohë ajo nuk e kishte fituar vendin. Tashmë që Arbana nuk është më pjesë e këtij ekrani, duket se është radha e Rudinës, që të provojë veten si mikpritëse e formatit. Kujtojmë se pak kohë më parë, u përfol se do të ishte Ilnisa ajo që do të drejtonte këtë emision. Por si përfundim, ia ka dal që të jetë Heidi ajo që do të shndërrohet në një ndër mikpritëset e formatit.

Nga ana tjetër Ilnisa Agolli, ka treguar më herët ambiciet për të qenë në televizion, ndërsa herë pas here ka folur edhe për projekte në TV, pa ndarë detaje. Së fundmi, Ilnisa ka postuar një foto në Instastory, duke treguar se mund të vijë me një projekt në sezonin e ri. Zërat thoshin se Ilnisa mund të ishte pjesë e emisionit “Goca dhe gra”, një emision, i cili pritet të rikthehet pas disa kohësh mungesë, i riformatuar – ndonëse ende nuk është e konfirmuar. Dyshimet i ka shtuar edhe më shumë vetë Ilnisa, përmes një fotoje të postuar së fundmi në Instastory.

Një tjetër emër që përflitet tek “Goca dhe gra” është edhe Ina Kollcaku. Pas eksperiencës së saj si opinioniste në “Big Brother Club”, Ina tashmë ka kërkuar një format ku të ketë kohë më shumë në dispozicion. Deri më tani, emri i Inës përflitet si një tjetër emër që do të vijë në këtë format, duke përfaqësuar kështu gratë në panel.

Nga ana tjetër ende në dyshim është edhe Arbana Osmani, e cila nëse rikthehet, nuk do të jetë këtë sezon. Moderatorja ka pasur shumë oferta, si nga televizionet këtu, ashtu edhe në Kosovë. Vetë Arbana ka zgjedhur që mos të flasë për të ardhmen në television, duke u mjaftuar vetëm me faktin se do të rikthehet.

Aktori Olsi Bylyku e ka konfirmuar prej kohësh se është në një lidhje të re dashurie pas ndarjes nga Egli Tako, por pa e zbuluar identitetin e vajzës.

Megjithatë dihet se aktori është në një lidhje me gazetaren Denada Lura. 

Sot, Olsi ka publikuar një foto romantike ku shihet duke u puthur me partneren e tij, Denadën.

Një muaj më parë, “Panorama” zbuloi se Armando Broja i kishte dhënë fund lidhjes së tij me blogeren Xhej Alisa Uills. Çifti, i cili prej gati 1 viti ishin në një lidhje të konsoliduar, duket se i kanë dhënë fund, duke ndarë rrugët përgjithmonë. Dukej se dyshja kishte një lidhje të konsoliduar dhe gjithçka po shkonte më së miri.

Madje, përgjatë Kampionatit Europian, Xhej ishte tifozja më e zjarrtë e Kombëtares sonë. Blogerja angleze në ditët kur luajti kombëtarja jonë postonte në rrjetet sociale foto me fanellën kuq e zi. Si tifozja më e zjarrtë e sulmuesit, ajo e shoqëronte edhe në stadium.

Por ditët e fundit, mes trazirave që Broja ka në karrierën e tij, çifti duket se i ka dhënë fund. Raporti i tyre është ndarë në një mënyrë të keqe dhe aktualisht dyshja as nuk ndiqet në rrjetet sociale, duke na zbuluar kështu se të vogla janë shpresat për një ribashkim.

Dhe kur kanë kaluar më pak se një muaj nga ky lajm, blogerja angleze duket se e ka mbyllur këtë kapitull duke nisur edhe një histori të re dashurie. Në rrjetet e saj sociale, Xhej ka publikuar foto teksa është duke pushuar në Dubai. Por mes shumë fotove të ndryshme, bie në sy edhe një shkrepje, ku ajo është duke bërë gëzuar me dorën e një mashkulli. Duket se në këto ditë të nxehta në Dubai, Xhej nuk është e vetme.

Kapitulli me Brojën tashmë mund të konsiderohet i mbyllur, teksa influencerja po shijon jetën dhe pse jo edhe një histori të re dashurie. Që nga raporti i lajmit për ndarjen nga ylli shqiptar, kjo është hera e dytë që Xhej udhëton drejt Dubai, duke na bërë të mendojmë se, në fakt, një dashuri e re e çon atë në vendin luksoz.

Fati i keq e kandjekur këtë periudhë Brojën edhe në jetën private, ku pas gati 1 viti bashkëjetese, dyshja është ndarë. Rreth 1 vit më parë futbollisti i Kombëtares shqiptare është fotografuar në rrugë me bukuroshen që i kishte rrëmbyer zemrën, teksa të dy kishin dalë shëtitje me kafshët e tyre shtëpiake.

Lidhja mes të dyve u përfol përpara, kur Xhejd postoi një foto në një restorant, ku shfaqej duke darkuar me sulmuesin shqiptar të Çelsit dhe motrën e tij. Sakaq, çifti shpejt e çoi këtë lidhje edhe më tej. Në rrjetet sociale, blogerja ka publikuar një foto ku shfaqet me futbollistin shqiptar, ku shfaqen në shtëpi, të veshur sportivë e të përqafuar.

Broja dhe Xhej nisën edhe të jetojnë së bashku, duke mos i kursyer fotot në shtëpinë e tyre. Ndonëse të lidhur vetëm prej pak kohësh, kjo lidhje dukej tejet serioze, aq sa tashmë të dy dalin publikisht. Kujtojmë se ylli i Kombëtares sonë i dha fund historisë 1- vjeçare me Fidelën, vajzën shqiptare që jetonte jashtë. “Panorama Plus” zbuloi se djaloshi shqiptar ishte i lidhur me një vajzë jo të famshme, të quajtur Fidela. Por, duket se historia mes dy të rinjve ka përfunduar shumë shpejt.

Ndonëse dukej si një raport serioz, dy të rinjtë e kanë mbyllur këtë histori pa shumë bujë. Nuk ka ende detaje se si Fidela dhe Broja janë njohur me njëri-tjetrin apo pse u ndanë, por nëse bazohemi tek interpretimi i rrjeteve sociale, gjërat dukeshin goxha serioze. Por, krejt ndryshe është historia e tij me Xhej.

Ndonëse kishin shumë pak kohë që njiheshin, dyshja jo vetëm që dolën hapur në këtë histori dashurie, por edhe nisën bashkëjetesën në Angli, ku Broja është i angazhuar. Por përralla e bukur e dashurisë ka mbaruar shpejt për dy të rinjtë. Teksa Broja po kalon në disa momente të vështira, Jade duket se po e shijon jetën me një dashuri të re./panorama

Të paktën 31 persona mbetën të plagosur, mes tyre edhe dy fëmijë, si pasojë e një sulmi që një 41-vjeçar sirian ndërmori në zonën e Ruhr (Gjermani), pasditen dhe mbrëmjen e së shtunës, njoftoi policia gjermane të dielën, duke treguar detaje nga ngjarja e rëndë.

Siriani i armatosur me një hanxhar shkaktoi dhunë e terror , ndërsa i vuri zjarrin një ndërtese banimi dhe me furgonin e tij sulmoi dyqanet.

Sipas departamentit të zjarrfikësve, tmerri filloi rreth orës 17:10 në Essen -Altenessen. Siç raportoi policia, siriani i vuri flakën një ndërtese banimi në Altenessener Strasse/këndi i Pielsticker Strasse.

Më pas ai shkoi me makinë drejt Zollvereinstrasse, ku i vuri zjarrin një tjetër shtëpie.

Policia më pas arrestoi autorin.

Dashi

Keni qenë tejet impulsiv gjatë kësaj periudhe, por kjo e hënë sjell me vete edhe nevojën për tu qetësuar. Nga kjo ditë e tutje, duhet të organizoheni më mirë dhe do të shihni se planet do të zbatohen qetësisht. Dashuria që keni do shërbejë si burim frymëzimi, pavarësisht vështirësive të kaluara në çift.

Demi

Gjatë kësaj të hëne duhet të bëni kujdes ndaj asaj që thoni. Dikush të cilin e konsideroni të afërt mund t’iu kthehet kundër. Mendojini mirë fjalët para se ti nxirrni nga goja. Shmangni përfshirjen në debate të personave të tretë. Kjo ditë sjell një takim interesant me një person nga e shkuara, gjë që do ju bëjë nostalgjikë. Duhet të ruani qetësinë përballë çdo situate dhe mbani parasysh se si ju dhe parnteri/ja keni kaluar jo pak vështirësi dhe se bashkë jeni më të fortë.

Binjakët

Fuqia juaj e brendshme do ju mundësojë që të dominoheni nga mendime pozitive. Do të jeni në gjendje që të shikoni disa anë të problemeve tuaja. Ky është momenti për të shëruar dhe rikuperuar çdo raport që keni. Planetet do ju kthjellojnë më së miri, sa që do kuptoni se është më mirë që ti lini mënjanë mëritë e vjetra dhe të rindërtoni jetën bazuar në situatën aktuale. Problemet do të shfaqen para syve dhe ju do të kuptoni se i keni fryrë më shumë nga ç’duhet.

Gaforrja

Gjatë kësaj dite mund të diskutoni disa probleme të rëndësishme me të afërmit tuaj. Mundohuni të jeni të dashur dhe të sjellshëm në bisedat që do të bëni. Nëse nuk arrini që të menaxhoni situatën, lëreni pezull për momentin por mos e teproni. Merrni pjesë në takime të cilat do ju përmirësojnë humorin. Do e keni të vështirë që të gjeni kohën e duhur për ti dedikuar partnerit. Angazhimet profesionale mund të marrin pjesën më të madhe të kohës suaj. Sigurohuni që ti shprehni ndjenjat partnerit/es, dhe do të shihni se sa mirë do të ndjeheni të dy.

Luani

Do të jeni të mbushur me energji pozitive gjatë gjithë ditës. Megjithatë, duhet të mbani nën kontroll impulset, në mënyrë që të mos ju dalë nga kontrolli ndonjë situatë. Është mirë, që të jeni më të shoqërueshëm, por me njerëzit që ua do zemra. Do të argëtoheni pafund, në sajë të një takimi romantik. Mendoni mënyrat më të mira për të lumturuar partnerin/en tuaj.

Virgjëresha

Miqësia do të jetë tema e kësaj të hëne. Do mund të takoheni me miq të vjetër dhe do rigjeni një harmoni që ju ka munguar prej kohësh. Nga ana tjetër, një mik/e, mund të tregohet i ashpër me ju, por e ka veç për të mirën tuaj. Në raportin në çift parashikohet që të ketë keqkuptime. Ndoshta keni vepruar me qëllim të mirë, por nuk keni marrë atë që prisni. Keni nevojë për shumë durim, për ta zgjidhur këtë situatë.

Peshorja

Ka shumë mundësi që të takoni një person të së kaluarës gjatë kësaj dite dhe pikërisht ky person do të luajë një rol shumë të rëndësishëm në të ardhmen tuaj. Duhet të jeni gati për të pranuar një ndihmë, pa e kërkuar. Nëse ambienti që ju rrethon duket në paqe, nuk ka arsye për të provokuar tensione. Duhet të jeni të aftë që ta kanalizoni energjinë tuaj në drejtimin që duhet. Bëni mirë që të thelloheni në mendime.

Akrepi

Kjo e hënë sjell një sërë mundësish të cilat duhen kapur fluturimthi. Shqyrtojini mirë të gjitha opsionet, pasi ky është momenti në të cilin duhet të hapni shumë dyer. Megjithatë surprizat nuk do jenë gjithmonë të pëlqyeshme. Kjo e hënë është tejet e favorshme, për gjithë ata persona që janë vetëm dhe që me gjasë do të takojnë një person special i cili premton shumë. Ndërsa për gjithë ata që janë në një lidhje prej kohësh, kjo është dita për të kuptuar se sa serioze është ajo.

Shigjetari

Gjatë kësaj dite do të jeni tejet konfuz dhe të përfshirë në kaos. Teksa reja do të ulet, do të zbuloni edhe arsyen. Merrni kohën që ju duhet për të menduar më mirë. Një ndryshim i papritur, do ju orientojë më mirë në jetën tuaj. Ky është një moment tejet i vështirë. Nëse raporti në çift nuk shkon mirë, kjo do të thotë që lidhja nuk premton. Ka ardhur koha që të vazhdoni rrugën tuaj vetëm. Nuk ka asnjë arsye për tu lidhur pas diçkaje që nuk ju bën mirë.

Bricjapi

Kjo e hënë do të nisë tejet pozitive. Yjet ju mbështesin maksimalisht, ndaj mundohuni që të mbyllni planifikimet tuaja brenda mesditës, shkruan noa.al. Është mirë që mbrëmjen ta lini të lirë, në mënyrë që t’ia dedikoni aktiviteteve relaksuese. Mund të përballeni me diçka të papritur. Mund të përballeni me diamantin tuaj, pikërisht kur nuk e prisni. Është mirë që të mos humbni durimin dhe do të shpërbleheni.

Ujori

Parashikohet një ditë mjaft me fat për të lindurit e kësaj shenje. Merrni më shumë kohë për veten në mënyrë që të zgjidhni problemet me të cilat po përballeni. Do të lini mbresa të mira në vendin e punës dhe do të fitoni më shumë besim, Mund të shijoni një ditë të mbushur me argatin. Mos e neglizhoni një lidhje vetëm sepse ndodhet nën presionin e shoqërisë. Mendohuni mirë çfarë ju lumturon vërtetë dhe nëse nuk është ky/kjo personi i duhur, ka ardhur koha që të bëni përpara.

Peshqit

Kjo e hënë do të jetë e shoqëruar me konfuzion. Do të jeni të paduruar përballë një detyre të rëndësishme. Këshillohet që të prisni dhe të mos çoni përpara asnjë negociatë të rëndësishme gjatë kësaj dite. Kjo e hënë do të kalojë pa problem, por duhet të ruani gjithmonë një rezervë nën mëngë, për çdo situatë vështirësie. Disa pavendosmëri tuajat do ju ndihmojnë që të kuptoni më mirë arsyet e partnerit/es gjatë javëve të fundit. Ndërsa personat që janë vetëm, parashikohet që të kenë njohje interesante.

Që prej janarit të vitit 2002, ku u hodh për herë të parë në qarkullim si monedhë fizike, euro është konsideruar si valuta e fortë. Sot vetëm e tillë nuk është. Në dy vitet e fundit, zhvlerësimi i saj ka qenë me ritme të forta e të pandalshme, duke krijuar në momente të caktuara edhe panik tek një pjesë e bizneseve dhe qytetarëve.

Po çfarë ka ndodhur me tregun e këmbimit valutor dhe veçanërisht me euron?

Monedha europiane ka pësuar rënie të vazhdueshme vitet e fundit, të cilat janë përshpejtuar veçanërisht pas vitit 2021. Vetëm në tre vitet e fundit, euro ka humbur më shumë se 23 lekë, ose mbi 20% të vlerës së saj. Ekspertët shpjegojnë se sasia e euros në qarkullim, apo ajo që ndryshe njihet si oferta, është shumë më e lartë sesa kërkesa, ose nevoja për euro. Një prishje ekuilibrash që ka rrëzuar monedhën evropiane.

Gjatë muajve korrik-gusht, që është edhe piku i sezonit turistik, Banka e Shqipërisë ndërhyri shumë herë në tregun e këmbimit për të tërhequr një pjesë të eurove, në përpjekje për të mos lejuar uljen e saj nën kuotën e 100 lekëve, të konsideruar si një kufi psikologjik. Një vijë e kuqe tashmë e shkelur dhe që sinjalizon çdo ditë për rënie të reja të vlerës së euros.

Por nuk janë vetëm burimet zyrtare ato që e kanë bërë të pandalshme tatëpjetën e euros. Kjo edhe pse ka pasur rritje të flukseve valutore nga rrugët zyrtare, si të ardhurat nga turizmi, investimet e huaja dhe remitancat apo ndryshe dërgesat e emigrantëve. Por kanalet informale janë ato që kanë shtuar ndjeshëm eurot në treg, edhe pse sasia e tyre mbetet e matshme. Euro nën kuotën e 99 lekëve është tashmë normaliteti i ri. Kjo do të thotë se agjentët ekonomikë, si bizneset dhe qytetarët, duhet të riorientojnë planet dhe vendimet financiare me një euro të dobët në këto nivele ose edhe më poshtë.

Rënia e shpejtë dhe e fortë e euros ka ndikim të jashtëzakonshëm të ekonominë shqiptare. Kjo pasi euro është monedha e dytë më e përdorur në vend pas lekut. Ose më saktësisht, ekonomia jonë përdor në nivele thuajse të ngjashme dy monedha: atë zyrtare, lekun dhe euron. Euro përdoret sot si monedhë në shumë transaksione të brendshme në sektorë të rëndësishme të ekonomisë shqiptare, si sektori financiar, ku një pjesë e konsiderueshme e depozitave dhe kredive janë në këtë valutë; në tregun e pasurive të patundshme në shitjen dhe dhënien me qira të pronave; në turizëm, por edhe tek një pjesë e shërbimeve. Ne blejmë nëpër dyqane me euro, paguajmë në restorante, madhe së fundmi edhe në supermarket.

Një situatë që ka risqe jo të vogla për ekonominë. Pasi një shkallë kaq e lartë e eurozimit e ekspozon ekonominë, qytetarët dhe bizneset ndaj luhatjeve të kursit të këmbimit, siç po ndodh tashmë. Nga ana tjetër, e bën të pamundur shtrirjen e efekteve të vendimeve dhe politikave që ndërmerr Banka e Shqipërisë tek e gjithë ekonomia, duke e kufizuar këtë impakt vetëm tek pjesa e ekonomisë që përdor lekun si monedhë. Por pse euro përdoret kaq shumë në ekonominë shqiptare. Në fakt arsyet janë disa. Tashmë është e njohur dashuria e shqiptarëve për monedhat e huaja. Deri në vitet 2000 ishte lidhja e fortë me dollarin, që u zëvendësua më pas me euron.

Mungesa e besimit në monedhën vendase; diferenca midis normës së interesit të euros dhe lekut; niveli i lartë i remitancave në euro; politikat e gabuara makroekonomike; lidhjet e ngushta me pole të rëndësishme ekonomike të euros, siç mund të jenë bankat që mëmën e kanë një vend të Bashkimit Evropian apo edhe integrimi tregtar, që çon drejt një orientimi të tillë në përdorimin e monedhave. Duke parë nivelin e lartë të përdorimit të euros në ekonomi, Banka e Shqipërisë ndërmori në vitin 2017 një nismë për deuroizimin, që nuk dha rezultatet e pritshme. Kjo nismë është riaktivizuar së fundmi, nisur nga tronditjet e kursit të këmbimit.

Përdorimi në masë i euros në ekonomi ka humbësit dhe përfituesit e tij nga zhvlerësimi i fortë i monedhës europiane. Ata që kanë humbur janë kryesisht eksportuesit, që aktivitetin e kanë në euro dhe shpenzimet në lek; me humbje kanë dalë individët që kanë pagën apo të ardhura të tjera në euro; familjet që marrin para të afërmit emigrant, si dhe ata që kanë depozita në banka në këtë monedhë. Ndërkohë që kanë përfituar ata që kanë kredi në euro, pasi do të paguajnë më pak për këstet mujorë; importuesit që do ti blejnë më lirë mallrat dhe shërbimet, si dhe qeveria, që do të paguajë më pak për borxhin e jashtëm.

Rënia e euros ka goditur kryesisht eksportet shqiptare. Kjo pasi i gjithë aktiviteti i këtij sektori zhvillohet në euro, ndërkohë që të gjitha shpenzimet, nga pagat e deri tek taksat janë në lek. Rënia e euros bën që ky biznes të pësojë humbje të mëdha. Të dhënat tregojnë se për 8 mujorin e këtij viti, eksportet arritën vlerën e 225 miliardë lekëve, me rënie 74.6 miliardë lekë ose 14.9% kundrejt të njëjtës periudhë të një viti më parë.

Ndërkohë që rënia ka qenë e ndjeshme veçanërisht pas vitit 2022, kur euro mori edhe tatëpjetën e pandalshme. Eksportet pësuan një rënie vjetore prej më shumë se 40 miliardë lekë, duke sinjalizuar për krizë të fortë të sektorit, që paralelisht po vuan rritjen e kostove të lëndëve të para, mungesën e fuqisë punëtore, si dhe konjukturën aspak të favorshme ndërkombëtare. Ekspertët rekomandojnë marrjen e disa masave, që kursi I këmbimit dhe euro të mos lihet në rënie të lirë. Në kushtet që ndodhet tregu dhe ekonomia, askush nuk mund të bëjë parashikime për kursin e këmbimit. As të thotë se kur do të stopojë rënia e euros, apo në çfarë vlerash do të arrijë ajo. Ajo që dihet tashmë me siguri është se e ashtuquajtura monedhë e fortë nuk është më e fortë dhe se rënia e saj është tashmë normaliteti i ri.

Astrologjia shpesh jep përgjigje ose të dhëna për ngjarje të rëndësishme në jetën tonë, duke përfshirë marrëdhëniet e dashurisë.

Tetori i këtij viti sjell sfida për disa shenja të zodiakut, të cilat preken nga energjitë kozmike dhe mund të përballen me vështirësi apo edhe ndarje.

Demi

Demi do të testohet në lidhje dashurie gjatë tetorit. Urani, planeti i ndryshimeve të papritura, së bashku me kundërshtimin mes Marsit dhe Venusit, sjellin trazira në marrëdhëniet e tyre. Edhe pse Demi njihen për besnikërinë e tyre, tensioni dhe zhgënjimi mund të çojnë në ndarje.

Kjo shkëputje do të jetë e nevojshme për shumë njerëz pasi ata i përkushtohen mirëqenies së tyre emocionale. Edhe pse ndarja do jetë e vështirë, do të hapë rrugën për fillime më të mira dhe më harmonike në të ardhmen.

Luani

Luanët, të njohur për pasionin dhe intensitetin e tyre, do të përballen me sfida serioze në dashuri. Sheshi midis Diellit, sundimtarit të Luanit dhe Saturnit sjell kufizime dhe nxjerr në pah pakënaqësitë që grumbullohen në marrëdhënie.

Ata do të ndiejnë nevojën për liri dhe çlirim nga marrëdhëniet që nuk mbështesin më rritjen e tyre personale. Edhe pse ndarja do të jetë e dhimbshme, yjet tregojnë se ky proces do t’i ndihmojë ata të zbulojnë pika të reja të forta dhe të rishikojnë qëllimet e tyre të dashurisë.

Akrepi

Për Akrepat, tetori do të sjellë sfida emocionale pasi Plutoni, planeti i transformimit, u jep fund marrëdhënieve toksike dhe të tensionuara. Do të përballen me ndarje të vështira, plot ngarkesë emocionale.

Këto ndarje, edhe pse të dhimbshme, do t’i ndihmojnë ata të lënë pas të kaluarën dhe të hapin rrugën për marrëdhënie më të shëndetshme në të ardhmen.

35-vjeçari Elton Sina është arrestuar në aeroportin e Rinasit.

Ky i fundit akuzohet se ka abuzuar seksualisht me një 11-vjeçare. Rasti u zbulua pas një denoncimi në emisionin “Piranjat”.

Sina ndodhej në Itali dhe kishte deklaruar se do të kthehej bashkë me avokatin e tij për çështjen, por me mbërritjen në Rinas ai është ndaluar nga policia.

35-vjeçari është njohur me masën e sigurimit ” Arrest me burg” dhënë nga gjykata e rrethit gjyqësor Durrës, pas provave të grumbulluara.

Ngjarja ka ndodhur në muajin gusht të vitit 2023, gjatë pushimeve verore kishte shkuar tek halla e saj në fshatin Golem të qytetit të Kavajës për të qëndruar disa ditë me fëmijët e vegjël të familjes dhe me kushurirat e saj, konkretisht bashkëshorten e 35-vjeçarit Elton Sina.

Kohë më parë 35-vjeçari kishte komunikuar me vajzën në Instagramin e saj, teksa i dregonte të miturës simpatinë që ai kishte për të, të akumuluar prej vitesh, duke i thënë konkretisht që kur ishte e vogël ai e mbante në prehër dhe shfrynte epshet e tij, e ndërkohë të afërmit mendonin se Eltoni kujdesej shumë për të voglën.

Prej më shumë se 50 vjetësh një berber në Uashington ushtron profesionin e tij duke u bërë disi një legjendë.

Popullariteti që ka fituar e ka bërë atë të presë flokët e shumë presidentëve amerikanë dhe udhëheqësve botërorë.

Korrespondenti i Zërit të Amerikës Iacopo Luzi intervistoi njeriun që e quajnë “Berberi i presidentëve”. Presidentët Donald Trump, Barack Obama,

George Bush dhe Bill Clinton janë disa nga figurat politike që kanë qenë klientë të Diego D’Ambrosios. Ky berber i lindur në Itali ka prerë flokët e më shumë se 46 kryetarëve të shtetesh që nga viti 1968 në Uashington.

Diego thotë se ka qenë privilegj që u ka prerë flokët kaq shumë figurave të rëndësishme politike, por ai thotë se çdo klient është i rëndësishëm.

“Të gjithë janë njësoj. Të gjithë klientët që vijnë këtu, marrin të njëjtin shërbim”. Në vitin 2010, kryetari i bashkisë së Uashingtonit e riemërtoi rrugën ku ndodhet dyqani i tij.

Ajo që më parë ishte rruga Q, tani quhet rruga “Diego D’Ambrosio”. Klientët vlerësojnë jo vetëm punën e tij për prerjen e flokëve, por edhe përfshirjen e tij në komunitetin lokal.

“Kam ardhur këtu për gati 40 vjet me radhë. Familja e tij është këtu. Vjen dhe të gjithë janë si një familje.

Sigurisht që është një stilist i shkëlqyer, kështu që më bën gjithmonë të dukem mirë”, thotë një klient i dyqanit. Edhe pse Diego ka qenë berber për disa dekada dhe pavarësisht disa kufizimeve shëndetësore, ai nuk ka ndërmend të dalë në pension.

“Dua t’jua them shumë seriozisht: e dua punën time. I dua njerëzit, më pëlqen të shoh njerëz, më pëlqen t’u shërbej njerëzve, dhe kjo funksionon … sepse më paguajnë”, thotë duke qeshur berberi.

Askush në dyqanin e tij nuk e di sa vjeç është ai. Edhe njerëzit që punojnë me të nuk janë të sigurt nëse ai do të dalë ndonjëherë në pension. “Është nga ata njerëz që nuk ua kupton moshën. Ai duket njësoj”, thotë një ndihmës i tij. Po cili është sekreti i Diegos?

“Mos mendo asnjëherë që je sëmurë apo i moshuar. Asnjëherë s’e mendoj se jam i moshuar”. Diego ka në plan t’i mbajë hapur dyert e dyqanit të tij dhe thotë se fjalët “biznes i mbyllur” nuk do të ekzistojnë kurrë në fjalorin e tij.