Lajme Flesh

Atëherë kur gjithçka dukej e pamundur, me Brojën që po përgatitej të kalonte një pjesë sezoni si spektator te Chelsea, Everton plotësoi kushtet e klubit londinez, paraqiti ofertën e duhur, dokumentacionin e përshtatshëm, duke bërë zyrtarare transferimin e sulmuesit kuqezi në orët e vona të mbrëmjes. Fabrizo Romano, gazetari i njohur, ka zbuluar edhe detajet e këtij transferimi që vjen si një bekim për Brojën dhe për tifozët kuqezi.

Broja transferohet në formë huazimi deri në përfundim të këtij sezoni me të drejtë blerje në fund të vit për 30 milionë euro, pa asnjë detyrim tjetër. Klubi i Chelsea do të paguajë pagën e Brojës deri sa lojtari të jetë në gjendje të luajë, pas këtij momenti, paga e Brojës do të mbulohet nga klubi i Everton.

Në reagimin e tyre në rrjetet sociale, klubi i Everton bëri me dije se Broja nuk është në gjendje të zbres në fushë pasi vuan një dëmtim dhe do të jetë në dispozicion të stafit mjekësor për t’u rikuperuar sa më shpejtë.

Ndërkohë, drejtori i Everton, Kevin Thelwell, u shpreh i lumtur për këtë transferim: “Jemi të kënaqur që arritëm të sjellim Brojën në klub. Armando është një lojtar i ri, por që ka krijuar një eksperience mbresëlënëse. Ne jemi të bindur se Broja ka më shumë potencial për të shprehur”, u shpreh drejtori sportiv i Everton. Pas Vitese, Southampton dhe Fulham, kjo është hera e katërt që Chelsea lë në huazim Brojën.

(BalkanWeb)

Një tërmet, i paraprirë nga një zhurmë e fortë dhe e zgjatur e zhyti në frikë popullsinë e Campi Flegrei mbrëmjen e së premtes 30 gusht.

Një tërmet me magnitudë 3.7 ballë të shkallës Rihter ka goditur jugun e Italisë mbrëmjene sotme. Epiqendra e tërmetit ka qenë 10 kilometra nga Napoli, ndërsa thellësia fokale 2 kilometra dhe ndodhi në orën 21.23, raporton noa.aΙ

Fatmirësisht nuk ka persona të lënduar apo dëme materiale në tërmetin me epiqendër në zonën e Via Pisciarelli.

Por sipas mediave italiane pavarësisht magnitudës së ulët lëkundjet janë ndier të forta pasi thellësia ka qenë e vogël. Për më tepër kohëzgjatja e tërmetit ishte e konsiderueshme.

Dhe, ajo që ka frikësuar edhe më shumë qytetarët e Napolit dhe rrethinat periferike të Pianura, Bagnoli dhe Fuorigrotta ishte zhurma e fortë që i parapriu, duke bërë që shumë banorë të dalin në rrugë.

“Unë jetoj në katin e tetë, e ndjeva fort, dukej sikur lëkundeshim në një anije”, tha një banore.

Ndërkohë para zhurmës është regjistruar edhe një tërmet me magnitudë 1.3, ndërsa pas tërmetit te zona ku u ndien lëkundjet pati një tjetër sërish me magnitudë më të vogël. Gjithsej u regjistruan 7 tërmete në pak minuta.

Të paktën dy persona u vranë dhe 22 u plagosën kur një çati e kishës u shemb në qytetin brazilian të Recife, tha kryebashkiaku João Campos dhe autoritetet në shtetin verilindor të Pernambuco.

Çatia e kishës u shemb teksa po shpërndahej ushqim për nevojtarët dhe më shumë se 60 persona ndodheshin brenda kishës.

Një burrë 54-vjeçar dhe një grua 68-vjeçare u gjetën të vdekur nga ekipet e shpëtimit që shkuan në vendin e ngjarjes.

Mes të plagosurve është një e grua e re shtatzënë, si dhe një fëmijë 4 vjeç. Sakaq, shkaku i shembjes po hetohet nga autoritetet. Panele fotovoltaike ishin instaluar në çatinë e kishës javën e kaluar, sipas një raporti nga faqja e lajmeve G1.

🚨#BREAKING: Roof collapses during food distribution at Morro da Conceição Sanctuary in Recife, Brazil, killing at least two people and injuring others, according to local media reports.

pic.twitter.com/jXkem5SmAa

— R A W S G L 🌎 B A L (@RawsGlobal) August 30, 2024

Të paktën pesë persona kanë mbetur të plagosur me thikë në një autobus në Siegen të Gjermanisë. Mësohet se autore e dyshuar e krimit është një grua.

Autobusi ishte duke qarkulluar në drejtim të një festë në këtë qytet, kur një grua nxori thikën dhe filloi të sulmonte udhëtarët. Të pesë personat e plagosur janë transportuar në spital ku mjekët po luftojnë për jetën e të paktën tre prej tyre. Agresorja, 32-vjeçare është arrestuar nga policia, ndërsa deri më tani nuk mund të thuhet se bëhet fjalë për ndonjë sulm terrorist, ndërsa ende nuk dihet shkaku i sulmit.

Policia pohon se sulmuesja ka qenë nën ndikim të alkoolit, por shpjegime të tjera për motivet nuk ka. Ky është sulmi i katërt me thika në landin e Renanisë Verirore-Vestfalisë (NRW), brenda shtatë ditësh. Në Solingen një terrorist islamik ka vrarë tre dhe ka plagosur tetë të tjerë. Në Moers dhe në Recklinghausen kanë ndodhur po ashtu sulme me thika, ndërsa policia vrau dy sulmuesit. Kujtojmë se sulmi i mbrëmshëm ndodhi pas masave që ka marrë qeveria e Gjermanisë për parandalimin e ngjarjeve të tilla dhe vendimin për dëbimin e personave të cilëve iu është refuzuar azili./BW

Drejtori sportiv i Sassuolos, Giovanni Carnevali, ka njoftuar më herët se Nedim Bajrami është pranë transferimit tek Glasgow Rangers për katër milionë euro, ndërkohë që tani vjen edhe njoftimi zyrtar se Bajrami tashmë është futbollist i Glasgow Rangers.

Përfaqësuesi shqiptar është transferuar në Skoci nga Sassuolo.

Ish-mesfushori i Empolit iu bashkua Sassuolos në janar të vitit 2022. Kete sezon, 25-vjeçari ka bërë tri paraqitje me Sassuolon në të gjitha garat, ndërsa numëron dhjetë gola dhe 11 asistime në 100 ndeshje të luajtura në Serie A me Sassuolon dhe Empolin.

Kontrata e Bajramit me klubin italian skadon në qershor të vitit 2027, por duket se palët kanë gjetur gjuhën e përbashkët për ta ndërprerë bashkëpunimin më herët.

Autori i ngjarjes është Bledar Trëndafili, i cili është shpallur në kërkim, ndërsa e lënduar ka mbetur ish partnerja e tij, Melisa.

Sipas informacioneve të para, ata ishin në proces divorci, dhe e reja jetonte në një shtëpi me qira, ndërsa së bashku kanë dy fëmijë të
mitur.

Policia ka ngritur pika kontrolli dhe po punon për kapjen e autorit, ndërsa 31-vjeçarja po ndodhet nën kujdesin e mjekëve.

Një ngjarje e pazakontë në botën televizive është raportuar nga Danimarka,

ku një gazetare vendase ka bërë bujë në mediat pasi transmetoi për publikun intervistat që kishte realizuar në një lokal seksi duke kryer edhe vetë marrëdhënie.

---

Gazetarja nga Danimarka ishte në një prej lokaleve ku kryhen marrëdhënie seksuale, për të raportuar pas rihapjes nga pandemia pasi ishte bllokuar nga masat anti-Covid, sipas Daily Mail.

Ajo deklaroi se për t’i bërë më komod të intervistuarit në këtë lokal s,eksi, vendosi që të përfshihej edhe vetë duke kryer marrëdhënie seksuale.

“Për mua është shumë e natyrshme. Është pjesë e punës sime që të jap një pasqyrë të një bote ku jo të gjithë mund të kenë akses.

Ishte mirë që në një farë mënyre krijova besim tek klientët duke u bërë pjesë e botës së tyre”.

Shumë përdorues të rrjeteve sociale ishin kundër kësaj interviste.

“Ishte vetëm një justifikim, krejtësisht e panevojshme. Këto janë gjëra që vetëm gratë mund t’i bëjnë.

Sikur një burrë të bënte seks në radio, me siguri i gjithë vendi do t’i ishte kthyer kundër”, janë disa prej mesazheve negative.

Në materialin audio që e ka shpërndarë ajo vetë në Twitter, gazetarja dëgjohet duke bashkëbiseduar me klientët e këtij lokali, e në disa raste dëgjohet edhe duke kryer marrëdhënie.

Përveç rrjeteve sociale, ky material audio është transmetuar edhe në një emision mëngjesi në Radio 4 në Danimarkë.

Një 45-vjeçar nga Lushnja ka humbur jetën pasi është goditur nga një rrufe.

Policia bën me dije se ngjarja e rëndë ka ndodhur rreth orës 22:00, në fshatin Gjyshaj, ku është gjetur nga familjarët dhe kryeplaku i fshatit pa shenja jete, shtetasi G. Gj., rreth 45 vjeç.

“Nga hetimet paraprake, ky shtetas dyshohet të ketë humbur jetën si pasojë e goditjes nga rrufeja”, sqaron policia.

Nuk është se është kaq e lehtë për të gjetur para rastësisht, por nganjëherë mund të ndodhë. Dhe nëse po, çfarë do të bënit me këto para?Bobby Puryeas-it i ndodhi dhe ai bëri zgjedhjen e tij.

Një ditë ai duhej të tërhiqte ca para dhe kur ai iu afrua ATM-ve ai pa se kishte disa para të braktisura.

Ai mendoi se personi që kishte tërhequr para tij kishte harruar ato dhe kështu i mori ato.Kishte 500 dollarë amerikanë, çuditshëm që dikush kishte tërhequr dhe harruar kaq shumë para.

Bobby donte t’i kthente paratë pronarit të tij të ligjshëm dhe shkoi në bankë, por arkatari nuk donte të pranonte paratë dhe thirri menaxherin.

As bosi nuk e dinte se çfarë të bënte me këto para dhe Bobby në atë pikë u kërkoi atyre që të kontrollonin se kush ishte klienti që kishte përdorur ATM-në përpara tij.

Menaxheri tha se ata do të kontrollonin dhe do të njoftonin Bobby-n.Ditën tjetër Bobi mori një telefonatë nga banka.Ata kishin arritur të identifikonin personin që kishte përdorur ATM dhe ishte një grua e vjetër 92-vjeçare me emrin Edith.

Edith kishte shkuar për të tërhequr paratë për të paguar qiranë prej 480 dollarë, por ajo për një moment harroi të merrte me vete paratë që sapo kishte tërhequr.

Edith ishte shumë e lumtur kur i thanë asaj se Bobby kishte gjetur paratë e saj dhe vendosi t’i jepte 20 dollarët e mbetura për ta falënderuar.

Pas pagimit të qirasë ata do të kishin qenë paratë e vetme të mbetura që ajo të arrinte në fund të muajit.Por Bobby nuk i pranoi paratë, përkundrazi atij i lindi një ide tjetër. Ai telefonoi bankën dhe u tha atyre që të transferonin 200 USD nga llogaria e tij tek zonja.Ndërsa po telefononte, një nga kolegët e tij të punës e dëgjoi dhe donte gjithashtu të dhuronte 100 dollarë për zonjën.

Në bankë, zëri i gjestit të bukur të Bobby-t ishte përhapur dhe disa punonjës vendosën të bënin një mbledhje fondesh për të ndihmuar Edith-in, ata arritën të mbledhin deri në 300 dollarë.

Pas kësaj, Bobby shkroi një post në profilin e tij të Facebook në të cilin ai i tregoi të gjithë historinë, e cila shpejt u bë virale dhe arriti në më shumë se 150 mijë aksione.Gruaja ishte shumë e lumtur për të gjetur një njeri të ndershëm dhe bujar si Bobby, përveç që kishte gjetur 500 USD e saj, ajo ka marrë 600 më shumë.

Megjithëse ai vetë nuk kishte shumë para, ai nuk mund të lejonte që Edith të mbetej pa para. Pas disa ditësh, Bobby përmes një postimi tjetër donte të falënderonte të gjithë njerëzit që e mbështetën dhe gjithashtu tha se e kishte ftuar Edithin për festën e Falënderimeve.

Përveç kësaj, burri gjithashtu kontaktoi një shoqatë vullnetare që kujdeset për njerëzit e moshuar që të mund të ndihmonin edhe Edithin. Këta njerëz e vizitojnë atë në baza ditore dhe Bobby u tha atyre ta thërrasin në rast se Edith ka nevojë për ndonjë lloj ndihme.

Asnjëri prej nesh nuk mund të ndihmojë të gjithë njerëzit në nevojë, por ne të gjithë mund të ndihmojmë dikë.Çfarë mendoni për gjestin e këtij njeriu bujar? Jepni një koment dhe mos harroni të ndani këtë histori të bukur me miqtë tuaj.

Armando Broja është zyrtarisht një futbollist i Everton.

Pasi dështoi kalimi i tij te Ipsëich Town, Chelsea ka konfirmuar se sulmuesi i Kombëtares ka kaluar huazim te Everton, me këtë të fundit që do të ketë opsionin për ta blerë për 30 milionë paund.

Klubi nga Liverpuli prej kohësh e ka kërkuar 22-vjeccarin shqiptar, por duket se këtë gjë e ka arritur vetëm minutat e fundit të merkatos, me Chelsean që ja kishte bërë të qartë Brojës se donte ta largonte.

Për këtë huazim ka folur dhe drejtori sportiv i Everton, i cili shprehet:

“Duke monitoruar udhëtimin e Armandos për disa vite, ne jemi shumë të kënaqur që kemi qenë në gjendje ta sjellim atë në klub.

Armando është ende një lojtar i ri që tashmë ka krijuar një përvojë mbresëlënëse, por ne gjithashtu mendojmë se ka shumë më tepër potencial për t’u zhbllokuar.

Para së gjithash, ne do të punojmë me të për ta kthyer në formë sa më shpejt të jetë e e mundur. Më pas, shtimi i tij do të forcojë opsionet tona në repartin e sulmit.”

Nuk dihet ende nëse Broja do të jetë i gatshëm me Everton për ndeshjen e radhës me Bournemouth, teksa pas kësaj ai do të vijojë grumbullimin me Shqipërinë për ndeshjet me Ukrainën dhe Gjeorgjinë në Ligën e Kombeve.