Lajme Flesh

Lautaro Martinez, kapiteni i Inter mendon se Kristjan Asllani është lojtari i së ardhmes për zikaltërit. Në një intervistë të fundit, argjentinasi zbuloi bisedën në fillimin e sezonit me mesfushorin e kombëtares së Shqipërisë, duke i dhënë atij një këshillë shumë të vlefshme.

“Titulli? Është një kënaqësi që zgjat për të gjithë jetën. Inter është shtëpi ime, kështu jam ndjerë nga dita e parë në Milano. I detyrohem gjithçka shoqërisë dhe tifozerisë zikaltër, ta ngrija trofeun si kapiten ishte e jashtëzakonshme. Skuadrës i kam thënë që në fillim që një kapiten ka nevojë për të gjithë, dhe ata më kanë mbështetur gjithnjë.

Një shembull? Në fillimin e sezonit fola me Asllanin dhe i thashë se duhej të “gjallërohej” pak, të bënte më shumë. Nuk më foli për disa ditë, por pastaj më falenderoi, ai ka gjithçka për të qenë lojtari i së ardhmes”.

Nga ana tjetër, sulmuesi shprehet se nuk do të ketë surpriza për të ardhmen e Lautaro Martinez. Është vetë argjentinasi, i cili edhe njëherë thekson se është shumë pranë akordit për të rinovuar kontratën me zikaltërit, madje po mendon edhe objektivin e radhës. Sipas tij, tashmë Inter është i detyruar të mendojë për të fituar Champions League.

“Jam shumë afër akordit, mungojnë vetëm disa gjëra të vogla. Kjo situata që po kalon klubi mund ta vonojë pak, por nuk ka asnjë problem. Objektivat? Nuk dua të zgjedh mes disa objektivash, por mendoj se hapi i radhës është Champions League. Ishte një ëndërr të ishim aq pranë në Stamboll, ndërsa këtë sezon më ka mbetur “peng” ndeshja me Atletico Madrid.

Do të doja që ndeshjen e dytë në Spanjë ta riluaja sërish. Nëse do të kishim shfrytëzuar rastet dhe të shënonim më shumë, historia do të ishte ndryshe”.

Ndërkohë, Lautaro zbulon se nuk ka më asnjë kontakt me Romelu Lukakun që prej verës së shkuar.

“Nuk kam folur më me Lukakun, nuk m’u përgjigj dhe për mua gjithçka mbaroi aty. A jam në nivelin e Mbappe dhe Haaland? Po, e thonë numrat dhe trofetë. Nuk kanë asgjë për t’i pasur zili”.

Ish-kryeministri Sali Berisha e ka fokusuar temën e protestës së tij nga dritarja e shtëpisë te operacioni i SPAK për goditjen e grupeve kriminale.

Pak kohë pasi e akuzoi dhe sulmoi SPAK-un, duke thënë se arriti të arrestojë vetëm “rojet”, Berisha është fokusuar te lidhja, që sipas tij personazhet e botës së krimit kanë me Edi Ramën.

Ndër të tjera Berisha ka përmendur edhe emrin e Tom Doshit, duke u shprehur se ai ka lidhje me Durim Bamin, por sipas Berishës, Bami është “ushtar i Edi Ramës”.

Madje Berisha ka shkuar edhe më tej duke thënë se Edi Rama e ka dërguar Durim Bamin të takohet me ish-agjentin e FBI Charles McGonigal.

Deklarata e Berishës:

Mbrëmë në studiot televizive ishte një personazh i kudogjendshëm, Durim Bami.

Ju kujtohet intervista e famshme e Tom Doshit ndaj Durim Bamit.

Shumë nga ju mund ta mendojnë Bamin si njeriun e Doshit dhe nuk është se ai nuk është i lidhur me Doshin.

Por Bami, për çdo njeri që i thotë të vërtetës, të vërtetë, është një ushtar i Edi Ramës.

A nuk është Edi Rama që e mori me avion Durim Bamin dhe e çoi në Vjenë te McGonigal për të faktuar se ishte porositur të bënte atentat?

Gazetarë dhe gazetare, këto të vërteta janë të vërtetat më tronditëse.

Këto të vërteta tregojnë se kriminelët e mëdhenj, se bajlozët e krimit janë sot në pushtet.

Janë ministra, zëvendëskryeministra dhe kryeministri vetë.

Këngëtarja e njohur Arta Bajrami është pa dyshim një nga zërat më të pëlqyer të muzikës shqiptare. Karriera e saj filloi me zhanrin R&B, ndërsa më vonë arriti me sukses të lëvrojë edhe në rryma të ndryshme.

Artistja ka qenë e ftuar së fundmi në një program televiziv, ku ka folur për jetën e saj profesionale si edhe për atë personale.

Arta ka treguar që është nëna e tre fëmijëve, dy vajzave dhe një djali. Ndërkohë që shprehet se ndihet me fat për familjen e saj të bukur, ajo ka rrëfyar gjithashtu se dy fëmijët e saj të vegjël, Ideal Morris dhe Elektra i përkasin spektrit të autizmit.

“Kam dëshirë të tregoj një të vërtetë. Mendoj se është mirë që edhe publiku ta dijë sepse e kam një ndjenjë ngushtimi kur përballem cdo ditë me njerëzit. Ideali dhe Elektra janë diagnositifikuar me spektrin e autizmit. Janë diagnositifkuar pak vonë sepse doktorët në fillim nuk kanë dhënë një diagnozë të saktë sepse donin të shihnin nëse do zhvilloheshin. Unë nuk jam dorëzuar kurrë. Unë iu rri pas fëmiëjve se bashku me burrin.

Fillimisht Ideali, menjëherë e kam dërguar tek neurologu, që 16 muajsh sepse e kam vënë re që ka disa vonesa duke e krahasuar me vajzën e madhe, Viktoria sepse ajo ka folur shumë heret. Psikologët me kanë thënë që dyshonin por që nuk mund ta konfirmonin. Momentalisht jam duke i ndjekur në Shoqatën e Autizmit në Prishtinë. Mund të them që po bëjnë një punë shumë të mirë. Zoti m’i ka dërguar këta ëngjëj që falin dashuri pa kusht, kuptojnë shumë por nuk flasin ende. Janë ende jo verbal. Janë të pavarur për nevojat e tyre, vishen dhe ushqehen por janë ende jo verbal”, u shpreh ajo.

Trajneri brazilian i kombëtares shqiptare të futbollit, Sylvinho Mendes ka marrë pasaportë shqiptare. 

Sylvinho do të betohet si qytetar i Lushnjes, që do të thotë se gjendjen civile do ta ketë në Lushnje. 

Sylvinho do të jetë banor i lagjes “Çlirimi”, por nuk dihet se përse ai ka zgjedhur këtë qytet.

I pranishëm në aktivitetin e betimit të tij është i pranishëm ministri i Brendshëm Taulant Balla dhe kryetarja e Bashkisë së Lushnjes, Eriselda Sefa. 

Në fund të vitit 2023, Presidenti Begaj shpalli dekretin për dhënien e pasaportës shqiptare për trajnerin Sylvinho, ndërsa sot tekniku i kombëtares shqiptare ka udhëtuar drejt Lushnjes për të kryer procedurat zyrtar dhe regjistrimin e tij si banor i Lushnjes. 

Një tjetër shqiptar është arrestuar në Greqi pasi akuzohet për përdhunim.

46-vjeçari, shofer autobusi i një kompanie në Aspropyrgos akuzohet se ka përdhunuar një punëtore 27-vjeçare të kompanisë.

Ngjarja ka ndodhur në orët e para të së hënës së kaluar, më 13 maj. Vajza po priste autobusin si çdo ditë në stacionin periferik të Aspropirgos. Shoferi 46-vjeçar shqiptar tha se autobusi ishte plot dhe se ai do të kthehej për ta marrë pas pak minutash.

Por kur u kthye, shqiptari e futi 27-vjeçaren në autobus, e çoi në një vend të shkretë dhe e përdhunoi. Madje ai shkoi deri në atë pikë, sa pas aktit i tha vajzës të qetësohej dhe e ktheu në punë.

Menjëherë vajza në gjendje shoku ka shkuar në policinë e Aspropirgos dhe ka denoncuar përdhunuesin, ndërsa i është dhënë edhe ndihma e parë në një klinikë.

Pak orë pas denoncimit, efektivët e policisë arrestuan 46-vjeçarin në Aspropirgos por gjykata e la të lirë pasi ekspertiza mjeko-ligjore ende nuk i është dorëzuar policisë. Sapo ekspertiza mjeko-ligjore e 27-vjeçares t’i dorëzohet autoriteteve, shqiptari do të thirret sërish për kërkim falje.

Çaste tmerri kanë përjetuar pasagjerët e një avioni të nisur nga Londra drejt Singaporit, kur jan goditur nga turbulencat.

Avioni Boeing 777-300ER me 211 pasagjerë dhe 13 pjesëtarë të ekuipazhit ka hasur në turbulenca tepër të forta, ndërsa raportohet se në një moment ka rënë plot 2100 metra.

Mediat raportojnë se 30 pasagjerë kanë mbetur të plagosur dhe një ka humbur jetën.

Avioni është detyruar të bëjë ulje emergjente në Bangok të Tajlandës, ku e prisnin dhjetra ambulanca dhe ekipe të ndihmës së parë.

Policia tajlandeze e imigracionit tha se personeli mjekësor ka hipur bordin në aeroplanit për të vlerësuar lëndimet, por nuk mund të konfirmojë numrin dhe gjendjen shëndetësore të tyre.

Biznesmeni i basteve dhe një ndër personat e kërkuar nga drejtësia shqiptare, Ervis Martinaj është planifikuar mes të tjerash të vritet nga Fatmir Hyseni (Doqja) dhe “Klani Duka” në mes të sezonit veror, në zonën e Dhërmiut.

Ai u ka shpëtuar disa atentateve dhe planeve të rivalëve, por siç del në dosjen e SPAK, në ditët e fundit të Korrikut 2020 e ka shpëtuar fati.

Leonard Duka kishte siguruar një informacion që Ervis Martinaj mund të ishte në plazh me një femër në Dhërmi tek një vend i njohur si “Vin Bakalli”, Hotel Jaht ose Splendor dhe këtë ia ka bërë me dije Fatmiri Hysenit. Sapo ka marrë informatat, “Doqja” është vënë në lëvizje.

Ai ka dërguar një person që i drejtohet me emrin “nipçe” për të shkuar në atë zonë që të verifikonte këtë informacion. Gjithashtu edhe në datat 28-29 dhe 30 Korrik 2020, Leonard Duka dhe Fatmir Hyseni kanë angazhuar persona për monitoruar zonën e plazhit Dhërmi-Himarë me qëllim konstatimin e shtetasit Ervis Martinaj.

Njëkohësisht janë angazhuar duke siguruar logjistikën, armë, automjete dhe banesa në atë zonë me qëllim realizimin e vrasjes.

Një nga personat e angazhuar për lokalizimin e Ervis Martinaj në zonën e Dhërmi-Himarë ka qenë dhe shtetasi Drianto Bardhi, i cili ka udhëtuar drejt asaj zonë bashkë me një person tjetër ende të pa identifikuar dhe atje janë takuar edhe me personin që Fatmir Hyseni i drejtohet me emrin “nipçe”.

• “Princi Damian” i nisi 500$ në New York: Trejsi Sejdini del në dosjen e SPAK, paratë ia tërhoqi…

Megjithatë, është e paqartë se çfarë ka ndodhur që ky plan ka dështuar, por referuar dosjes hetimore nuk ka vazhdimësi të këtij plani. Si për koinçidencë, Ervis Martinaj u zhduk dy vite më pas, në të njëjtën periudhë të vitit, por në 2022.

Edhe sot e kësaj dite, biznesmeni i basteve dhe një ndër njerëzit më të fuqishëm të kumarit në vend, rezulton i zhdukur pa gjurmë. Për zhdukjen e tij janë hedhur shumë hipoteza, nga aleanca e grupeve kriminale për ta hequr qafe, e deri te mundësia që ai të jetë tërhequr vetë nga aktiviteti, për shkak të ofensivës së madhe të rivalëve.

Pas dështimit të planit për të vrarë Ervis Martinaj në jug të vendit në ditët e fundit të Korrikut 2020, Leonard Duka siguron informacion se rivali i tij kishte angazhuar disa femra që të afrohen me të me qëllim nxjerrjen e tij në pritë.

Leonard Duka menjëherë ia tregon këtë fakt Fatmir Hysenit dhe angazhohen për planifikimin e vrasjes së personave që do të afrohen për të vrarë Leonardin.

Në këtë planifikim kanë marrë pjesë të gjithë pjesëtarët e grupit të drejtuar nga Leonard Duka, ku ky i fundit do të luante rolin e “karremit” i cili do të takohej me këto femra në një vend ku terreni është i njohur mirë nga ai vetë dhe lidhjet e tij.

Vëllai i Leonard Dukës, Erlis Duka për t’i paraprirë të gjitha ngjarjeve dhe në kuadër të angazhimit për t’u kthyer nga karrem në ekzekutor, është takuar me një personin “Sandri” i cili dyshohet se është pronar i objektit që do të kryhet takimi i Leonardit me femrat dhe i ka kërkuar të fikë kamerat.

Shtetasi Fatmir Hyseni kishte rolin e ekzekutorit dhe ka udhëtuar nga Vlora është dislokuar në Tiranë bashkë me persona të tjerë ende të pa identifikuar, kanë sjellë edhe logjistikë (armatim dhe automjete që do përdoren për largimin nga vendi ngjarjes).

Ndërkohë, shtetasi Altin Gega do të pozicionohej diku për vëzhgim me qëllim njohjen e personave që do të afroheshin për vrasjen e Leonard Duka.

Këtë rol do ta kryente Altin Gega pasi ai i njeh të gjithë personat që janë lidhje e shtetasit Ervis Martinaj dhe në këtë mënyrë ekzekutorët nuk do të kishin lajthitje në objektiv, raporton newsbomb.al. Altin Gega gjithashtu do të kishte edhe rolin e personit që do t’i priste ekzekutorët që t’i largonte nga vendi i ngjarjes mbas kryerjes së vrasjes.

Shtetasi Drianto Bardhi do të përdorte një motoçikletë bashkë me një person tjetër ende të pa identifikuar dhe kanë pasur rolin e vëzhguesit dhe ndjekjes së personave që do të afroheshin me qëllim vrasjen e Leonard Dukës. Vetë ky i fundit dhe bashkëpunëtorët e tij kanë ngritur dyshime që për të kryer vrasjen e tij ditën e takimit me femrat, do të angazhohej shtetasi Erigers Mihasi i njohur me pseudonimin “Boli” dhe një person tjetër që dyshohet se është punonjës policie që i thërrasin me emrin “Olci”.

Leonard Duka me datë 12.08.2020 ka kontaktuar me femrat me të cilat do të organizonte takimin, por ato nuk janë treguar të disponueshme të takoheshin në këtë datë sepse njëra ishte në Shkodër ndërsa tjetra kishte angazhime.

Duke qenë se ky plan dështoi, anëtarët e Klanit Duka janë angazhuar për vrasjen e Eriger Mihasit dhe personit tjetër që ata dyshonin se do të ekzekutonin Leonard Dukën, shkruan newsbomb.

Referuar fashikujve të SPAK, menjëherë pas dështimit të planit të mësipërm, Leonard Duka, Fatmir Hyseni, Erlis Duka, Altin Gega, Drianto Bardhi dhe personave të tjerë ende të pa identifikuar organizohen me qëllim vrasjen e shtetasve Erigers Mihasi dhe personin që i thërrisin “Olci”.

Ata janë organizuar duke siguruar logjistikën, përcaktuar detyrat dhe kryerjen e veprimeve aktive. Vrasja e shtetasve Erigers Mihasi dhe personit që i thërrasin “Olci” nuk është realizuar për arsye objektive dhe të pavarura nga organizatorët dhe pjesëmarrësit, thuhet në dosje.

Një 48-vjeçar është arrestuar nga policia e Durrësit pasi është denoncuar nga e bija e tij 15-vjeçe për abuzim seksual.

DURRËS- Një 48-vjeçar është arrestuar nga policia e Durrësit pasi është denoncuar nga e bija e tij 15-vjeçe për abuzim seksual. Mësohet se vajza tregoi historinë tek psikologia e shkollës dhe më pas është bërë denoncimin në polici.

Sipas njoftimit të policisë, 15-vjeçarja ka kallëzuar në polici se i ati kishte kryer marrëdhënie seksuale me të, gjatë 4 viteve të fundit.

Shërbimet e Komisariatit të Policisë Kavajë, pas kallëzimit nga një shtetase 15 vjeçe, se babai i saj kishte kryer marrëdhënie seksuale me të, gjatë 4 viteve të fundit, menjëherë kanë organizuar punën për verifikimin e këtij kallëzimi dhe arrestimin e autorit. Si rezultat i veprimeve të para hetimore, u vu në pranga shtetasi B. R., 48 vjeç, banues në Golem, për veprën penale “Marrëdhënie seksuale ose homoseksuale me të mitur” informoi sot policia.

Familja jeton në Golem në një banesë me qira dhe rezulton se kemi të bëjmë me një familje me standard të ulët ekonomik. Çifti kishte 4 fëmijë dhe babai punonte në një distributor karburanti.

Vajza fillimisht i ka treguar mësueses dhe më treguar psikologes se ngjarja ka ndodhur para 1 viti.

Vetë 48 vjeçari e ka mohuar ndërsa procedura do të vijojë më vizitën e vajzës në Tiranë pranë komisionit mjeksor të posaçëm për të verifikuar akuzën e 15 vjeçares. 48 vjeçari i identifikuar me inicialet B. R është arrestuar për veprën penale “Marrëdhënie seksuale ose homoseksuale me të mitur”.

Nuk është hera e parë që emrat e vajzave të njohura të showbiz-it shqiptar të dalin në dosje hetimore që lidhen me personazhe krimi të shumëkërkuar nga autoritetet.

Këtë herë në “kurthin” e SPAK duket se ka rënë modelja dhe njëkohësisht ish-Miss Universe Albania, Trejsi.

Kjo për shkak se bukuroshja shqiptare e cila vitet e fundit ka jetuar mes Amerikës dhe Shqipërisë është përfolur për lidhje me Leonard Dukën, kreun e klanit Duka, megjithëse nuk e ka konfirmuar asnjëherë publikisht.

Megjithatë u desh një megaoperacion i Prokurorisë së Posaçme Antikorrupsion që e vërteta të dilte.

Në dosjen hetimore thuhet se Duka i lë porosi një prej ushtarëve të tij, Drianto Bardhit që t’i nisë 500$ Trejsi Sejdinit, e cila ndodhej në New York. Paratë, sipas dosjes janë dërguar në emër të Drianto Bardhit dhe i ka pritur miku i modeles, fotografi Klevin Halili.

Në dosje zbardhet gjithashtu dhe një udhëtim që Trejsi Sejdini ka bërë me Leonard Dukën me të cilin ka  kaluar në pikën e kalimit kufitar Morinë, më 10 shkurt të vitit 2019.

Pjesë nga dosja:

Me date 10.07.2020 Leonard Duka komunikon me Drianto Bardhi te cilit i referohet me pseudonimin “bace”, i jep porosi qe te shkoj ne Eestern Union dhe t’i nis 500$ Trejsi Sejdini ne Nee York. Ne vazhdimesi Leonardi i shkruan qe parate t’i nise ne emrin e Klevin Halili. Drianto i dergon fotografi te dergeses qe ka kryer, ku dallohet emri i derguesit Drianto Bardhi dhe prites shtetasi Klevin Halili.

Referuar verifikimeve te kryera ne sistemin TIMS për shtetasen Trejsi Sejdini ka rezultuar qe kjo shtetase me date 10.02.2019 ka udhëtuar bashke me shtetasin Leonard Duka me automjetin me targa AA843VU duke kaluar ne piken e kalimit kufitar Morine.

Nga ana e Prokurorisë së Posaçme u kërkua ne burimet e hapura për shtetasen Trejsi Sejdini dhe shfaqen artikuj mediatik ne lidhje me faktin qe kjo shtetase është lidhje e shtetasit Leonard Duka.

Leonard Duka njihet si njeriu që ka urdhëruar dhe organizuar vrasjen e Santiago Malkos, krahut të djathtë të Ervis Martinajt. Trejsi Sejdinit i është sekuestruar dhe një automjet në atë kohë, që sot është vënë në dispozicion të Policisë Rrugore.

Një 55-vjeçar shqiptar u arrestua nga policia italiane pasi më 25 prill goditi me çekiç bashkëshorten. Ngjarja ka ndodhur në San Mauro Pascoli.

55-vjeçari ka pritur që vajza e tij më e vogël të largohej nga shtëpia, më pas nën një moment xhelozie, mori një çekiç dhe goditi gruan e tij në kokë dhe fytyrë.

Mësohet se në përpjekje për të fshehur ulërimat e bashkëshortes, ai ka ngritur volumin e televizorit.

Në momentin që bashkëshortja tentoi të rezistonte, 55-vjeçari e kafshoi në vesh duke i shkëputur edhe një pjesë të tij. Në fund ai ka tentuar edhe të mbysë, por gruaja e plagosur dhe thuajse pa ndjenja, arriti të shpëtonte dhe kërkoi ndihmë nga fqinjët.