Lajme Flesh

Pushimet janë kthyer në tragjedi për një 37-vjeçare, e cila shkoi në Turqi për tu relaksuar por humbi jetën. Ajo po merrte rreze dielli në pishinën e hotelit ku po qëndronte, në momëntin kur një kapak oxhaku i ra sipër, për shkak të erës së fortë.

37-vjeçarja e cila ishte një infermiere, përfundoi menjëherë në spital, por nuk arriti të mbijetonte për shkak të plagëve të marra. Ngjarja ka ndodhur më 24 gusht, ku lajmi i vdekjes së saj ka tronditur familjarët dhe miqtë e saj.

Trupi i pajetë i Hanım Kaya Orakcı, nënë e dy fëmijëve, u dërgua në morgun e Institutit të Mjekësisë Ligjore në Antalia për autopsi.

Pas autopsisë trupi i saj është pritur nga vëllai dhe të afërmit e tij. Pasi trupi i Orakçit u mor nga morgu i Institutit të Mjekësisë Ligjore, të afërmit e Orakçit e dërguan atë në vendlindjen e saj në Hakkari për ta varrosur.

Nga ana tjetër mediat turke bëjnë me dije se avokatët e familjes kanë ngritur një padi kundër hotelit për shkak se mbulesa e oxhakut prej 40 centimetrash nga era u shkëput dhe shkaktoi vdekjen e Hanım Kaya Orakcı, e cila ishte ulur pranë pishinës.

Menaxheri i hotelit MD, i cili u ndalua për ngjarjen, u la i lirë me urdhër të prokurorisë pas deklaratës së tij në polici.

Një çift që po kryenin marrëdhënie seksuale në një makinë “Range Rover” gjatë natës, kanë përfunduar në lumë. Makina filloi të ecte ndërkohë që çifti ishte në sediljen e pasme.

Ngjarja ka ndodhur në lumin në Fairmount Park rreth orës 4:15 të mëngjesit të së mërkurës, këmba e njërit prej tyre shtypi frenat e dorës dhe makina filloi të ecte, sipas policisë.

Pak çaste më vonë, Range Rover u rrëzua dhe u fundos në ujë, rreth dy milje nga Bashkia e Filadelfias. Çifti i paidentifikuar u hodh nga fuoristrada para se automjeti të binte ujë. Asnjëri prej tyre nuk u lëndua gjatë incidentit.

Nga fotot e publikuara makina ishte fundosur e gjitha në ujë.

Nga fillimi i vitit 2023, pasagjerët në Terminalin 1 të Aeroportit Fiumicino të Romës kanë një arsye më pak të shqetësohen për kapjen e fluturimit të tyre, pasi kalojnë kohë minimale duke kontrolluar çantat e dorës.

Sistemi modern i skanerit të Sistemit të Zbulimit të Eksplozivëve të standardit C3 lejon personelin e sigurisë të kontrollojë përmbajtjen e bagazheve të dorës, veçanërisht lëngjet dhe pajisjet elektronike, pa kufizime sasiore dhe pa pasur nevojë që pasagjerët t’i heqin ato nga çantat e tyre dhe t’i vendosin në rripin e skanerit.

“Pajisjet e reja, të cilat përdorin skanera me rreze X, janë të afta të prodhojnë imazhe volumetrike tredimensionale me rezolucion të lartë me zbulimin automatik të substancave potencialisht të rrezikshme”, thuhet në njoftimin përkatës të administratës së Fiumicino.

Sistemi i ri kaloi një periudhë prove në aeroportin e Romës, fillimisht duke u nisur për pasagjerët e rregullt dhe më pas u shtri në të gjitha pikat e kontrollit. Pasagjerët kalojnë pa zbrazur çantat e dorës, duke minimizuar kohën e pritjes dhe duke ndihmuar aeroportin të përmbushë trafikun e lartë të kësaj vere. Ata gjithashtu mund të kenë lëngje më shumë se 100 ml në kabinën e avionit. Megjithatë, nga 1 shtatori, ky sistem do të shfuqizohet.

Vendimi u mor nga Komisioni Evropian, pas një raporti teknik, i cili konkludon se softueri i skanerëve të rinj “nuk mund të garantojë besueshmërinë e tij për kontejnerët me përmbajtje të lëngshme më shumë se 330 ml”. Bazuar në këtë raport, Komisioni i BE-së vendos, nga 1 shtatori, një ndryshim në Rregulloren e BE-së për Sigurinë e Aviacionit, duke ndaluar efektivisht përdorimin e skanerëve të gjeneratës së re në aeroportet e BE-së, si dhe në Islandë, Zvicër, Lihtenshtajn dhe Norvegji.

Kundër Këshillit të Aeroporteve Evropiane

Vendimi i Komisionit shkaktoi reagime të forta nga Këshilli Ndërkombëtar i Aeroporteve Evropiane (ACI Europe), i cili përfaqëson më shumë se 500 aeroporte në 46 vende evropiane. Skanerët e gjeneratës së re janë instaluar tashmë në disa aeroporte evropiane në Gjermani, Irlandë, Itali, Holandë, Suedi, Lituani dhe Maltë.

Ata kushtojnë tetë herë më shumë se skanerët konvencionalë me rreze x dhe kostot e mirëmbajtjes së tyre janë katër herë më të larta. Por tani aeroportet duhet t’i tërheqin ato, “deri në një njoftim tjetër”.

Një ngjarje horror ka ndodhur në Itali, në zonën e Parmës ku një shtetas me origjinë shqiptare teksa ishte duke kërkuar për tartuf ka gjetur një kafkë njeriu.

I tronditur dhe i frikësuar 43-vjeçari shqiptar ka telefonuar menjëherë policinë, e cila pasi konstatoi faktin se kafka i përkiste një njeriu nisi menjëherë hetimet.

Karabinierët kryen një inspektim në zonat përreth , duke kërkuar për veshje apo objekte të tjera.

Hetimet e mëvonshme policore gjyqësore dhe teknike do të përcaktojnë shkaqet e mundshme të vdekjes dhe datën e saktë. Hetimet do të shikojnë edhe listën e personave të zhdukur në zonë vitet e fundit.

Talo Çela, një nga njerëzit më të kërkuar të Policisë së Shtetit, strukturave të Antiterrorit dhe Shërbimit Informativ Shtetëror, besohet shumë se është larguar nga Shqipëria, duke u vendosur në një vend të Amerikës Latine, me identitet të ndryshuar.

Njeriu që mes anëtarëve të grupit thirrej “Moma”, “Katnari” dhe më pas mori nofkën “Dhelpra”, për shkak të ikjes dhe fshehjes me shumë sukses, duke sjellë dështimin e dhjetëra operacioneve policore, del në komunikimet e “Sky” se po përgatiste largimin e tij nga vendi, duke shfaqur mendim se do vendosej në Brazil me emër tjetër.
“…do iki në Brazil, andej me emër tjetër po doli prova këtu për Rinasin, s’kam ku rri më kot këtu në Shqipëri. Këtu merr 20 vjet, plus dhe këto vrasjet e leshit…”-thotë Talo Çela në “Sky”.

Nga ky komunikim kupton se Talo Çela i ndruhej një dënimi tek çështja e “Rinasit” dhe duke ndjerë presionin e madh nga instancat shtetërore, ai mendon për një plan ikje përfundimtare nga Shqipëria.

Biseda për planin e ikjes së Talos në Brazil zhvillohen në muajin 14 korrik 2020, gati 1 vit e 3 muaj nga supergrabitja e miliona eurove të kryer brenda barkut të avionit të linjës Tiranë-Vjenë në aeroportin e Rinasit.

Ngjarja që tronditi sistemin bankar dhe sigurinë kombëtare, aq sa bëri të mblidhet me urgjencë Komisioni i Sigurisë dhe Aeroporti i Rinasit të rrethohet nga Policia Ushtarake dhe Forcat “Komando” të Ushtrisë , ndodhi në muajin Prill 2019.

Pas grabitjes zëdhënësja e “Austrian Arlines”, Tanja Gruber deklaroi në atë periudhë për agjencinë e lajmeve AFP-ë, se kjo kompani ajrore nuk do të kryejë më transferime të parave cash nga Tirana drejt Vjenës

Talo Çela, ishte shpallur në kërkim nga Krimet e Rënda pasi Alkond Bengasi, njëri nga të arrestuarit fillimisht kishte pranuar të bashkëpunonte dhe tregonte çfarë dinte për ngjarjen.

Për policinë Talo Çela ishte organizatori i kësaj super-grabitje së bashku me vëllezërit Çala dhe Gramoz Murataj. Por nga ana tjetër vetë Talo Çela në komunikimet e “Sky” pranon se ishte njëri nga kryesorët e grabitjes dhe shoferi i furgonit të bardhë me mbishkrimin “Hetimi Tatimor”.

Por njeriu më i kërkuar Talo Çela shprehet, se shteti nuk ka prova kundër tij për këtë ngjarje. Në 7 janar 2021 Talo Çela i shkruan shtetases Mariola Mandit duke i thënë se Alkond Bengasi ka kundërshtuar çdo akuzë kundra nesh.

”…spiuni e tërhoqi akuzën për çështjen e Rinasit dhe ka mohuar çdo akuzë kundra nesh…”-i shkruan Talo Çela.

Një ditë më pas në 8 janar 2020, komunikon me Mariola Mandin duke i thënë kësaj të fundit se spiuni i Durrësit, ku i referohet Klevis Allës, ka qënë në një dhomë me atë të Rinasit, Alkond Bengasin. Në këtë bisedë data e komunikimit nuk korrespondon pasi Klevis Alla është arrestuar në muajin Maj 2020.

Sipas bisedës Alkond Bengasi e ka kthyer 360 gradë deklarimin e tij. Gjithashtu nga biseda e zhvilluar ndërmjet Talo Çelës dhe Mariola Mandit, evidentohet se vëllezërit Çala, kanë biseduar me të dy spiunët, Alkond Bengasi dhe Klevis Alla.

Më tej në 14 korrik 2020 Talo Çela ka biseduar me një person tjetër duke i thënë se:”…shpreson mos të ketë prova për Rinasin…”.

Ndërkohë në 28 korrik 2020 Talo Çela bisedon me një person tjetër, të cilit i shkruan se do largohet në Brazil, ku do marrë identitet tjetër nëse dalin prova për përfshirjen e tij në grabitjet e Rinasit.

Kjo pasi sipas tij këtu në Shqipëri mund të dënohet me 20 vjet burgim. Gjithashtu Talo Çela shprehet i shqetësuar edhe për vrasjet e ndodhura.

“…do iki në Brazil, andej me emër tjetër po doli prova këtu për Rinasin, s’kam ku rrij më kot këtu në Shqipëri. Këtu merr 20 vjet, plus dhe këto vrasjet e leshit…”-thotë Talo Çela në “Sky”.

Për ngjarjen e grabitjes spektakolare të 4.6 milionë euro në mes të aeroportit kombëtar të Rinasit, në prill të vitit 2019, Gjykata e Posaçme dha vendimin në muajin Tetor 2023 duke dënuar me 122 vite burgim për 7 të pandehurit e grupit kriminal.

Numri dy i bandës, Klement Çala do të qëndrojë pas hekurave për 20 vite, ndërsa për gjashtë të tjerët të arrestuar për grabitjen: Oltion Veseli, Renaldo Sulaj, Saimir Cela, Oltion Pikli, Alkon Bengasi dhe Eldi Çala, trupa gjykuese dha nga 17 vite burg për secilin.

Dënimet janë më të ulëta se ato të pretenduara nga Prokuroria e Posaçme, e cila për Klement Çalën kërkoi 24 vite burg, ndërsa për gjashtë të pandehurit e tjerë nga 19 vite.

Ndërsa i akuzuari si pjesë e bandës është edhe Talo Çela, por gjykimi për të vijon të jetë i ndarë sepse ai është ende në arrati, duke u zhvilluar në mungesë.

Një autobus dhe një kamion u përplasën në qendër të Malit të enjten, duke shkaktuar 14 viktima dhe duke plagosur 29 të tjerë, nëntë prej të cilëve janë në gjendje të rëndë,

Autobusi sapo ishte nisur nga Fana për në kryeqytetin Bamako dhe kamioni po udhëtonte në drejtim të kundërt, shtoi i njëjti burim, pa dhënë detaje. Sipas ministrisë së transportit të regjimit ushtarak, po hetohet për të përcaktuar shkakun e aksidentit.

Aksidentet rrugore janë të zakonshme në Mali, ato në përgjithësi i atribuohen gjendjes së keqe të rrugëve dhe automjeteve ose gabimeve njerëzore. Gjashtëmbëdhjetë persona humbën jetën në korrik në një përplasje mes dy autobusëve.

Aleks Soros, djali i George Soros, ka ndarë një foto më kryeministrin e Shqipërisë, Edi Rama.

“Përfundimi i verës me vëllain tim në Tiranë është bërë traditë”, shkruan Soros në rrjetet sociale, i cili ka publikuar edhe foton ku të dy shfaqen të buzëqeshur.

Në tregun e këmbimit valutor shqiptar sot një dollar do blihet me 89.6 lekë dhe do shitet me 90.6 lekë.

Ndërkohë monedha evropiane euro do blihet me 99.4 lekë dhe do shitet me 100.1 lekë.

Franga zvicerane sot në tregun shqiptar do blihet me 105.6 lekë dhe do shitet me 106.6 lekë.

Ndërsa paundi britanik do blihet me 117.9 lekë dhe do shitet me 119 lekë.

Kjo 46-vjeçare ka shkruar në rubrikën e ‘The Sun’ dhe ka treguar historinë e saj të dashurisë me të dashurin e vajzës.

Sipas gruas, vajza e saj 22 vjeçare e cila në atë kohë jetonte me të, i kishte prezantuar një djalë që ishte dhe i dashuri i saj dhe ai ishte 23 vjeç.

Dhe një ditë 46-vjeçarja ishte kthyer herët nga puna dhe ishte ngjitur lart kur kishte parë të dashurin e vajzës duke luajtur me të brendshmet e pa lara të sajat.

Gruaja nder te tjera shprehet se në vend që ta përzente apo qortonte vendosi që ti tregonte se çfarë ishte në gjendje të bëntë një ‘plakë’.

Gjithashtu ajo shprehet se nuk i pëlqejnë meshkujt e moshës së saj por i pëlqen më të rinj. Madje gruaja thotë se nuk kanë të ngopur në se.ks, pasi edhe herën e parë shkuan 4 herë.

WOW! Ajo vazhdon akoma lidhjen me 23 vjeçarin teksa vajza e saj është betuar që nuk do ti flasë më me gojë, 46-vjeçar shprehet se ndihet çdo ditë fajtore, por një fajtore e kënaqur.

Si mendoni?

Dashi

Raporti në çift do jetë mjaft i favorshëm, në sajë të ndikimit të Hënës. Mërkuri dhe Venusi janë mjaft të favorshëm, ndaj mundohuni që të shmangni diskutimet.

Demi

Në dashuri do të ketë probleme, të mbartura nga ditët e kaluara, tregohuni të arsyeshëm kur të bisedoni. Në punë do gjeni menyrën për të realizuar nje projekt.

Binjakët

Duhet të bëni kujdes me paratë, pasi gjërat nuk do të ecin siç duhet. Projektet e reja në punë, do të jenë mjaft të favorshme.

Gaforrja

Nëse ka patur probleme dhe debate në dashuri, tashmë do kenë mundësi që të zgjidhen. Për gjithë ata që janë në punë, do të ketë zhvillime pozitive.

Luani

Dashuria do të jetë më e favorshme, duke realizuar ato që doni. Në punë duhet të bëni atë që është e rëndësishme, kujdes nga kolegët, jo të gjithë janë dashamirës.

Virgjëresha

Në dashuri do të duhet kujdes, pasi Hënën do e keni kundër. Çiftet mund të përballen me probleme. Në punë, mund të hasni në vështirësi dhe vonesa.

Peshorja

Nëse ka diçka që nuk ecën, flisni pa vonesa. Gjatë kësaj dite mund të ketë tension. Bashkëpunimet dhe raportet me të tjerët, janë mjaft të favorshme.

Akrepi

Marsi dhe Hëna do ju vijnë në ndihmë, duke favorizuar raportet në dashuri dhe me të tjerët. Mund të keni takime romantike, por mbani parasysh se Venusi do të jetë neutral.

Shigjetari

Në raportin në çift shikoni pjesën e komunikimit. Në punë duhet t’i menaxhoni gjërat me qetësi, që të keni rezultate të mira. Financat duken mirë.

Bricjapi

Kjo do të jetë një ditë mjaft e mirë për dashurinë, ku Hëna do të jetë në favorin tuaj. Bëni bisedat që doni me partnerin. Puna do të jetë e favorshme.

Ujori

Keni nevojë për më shumë qetësi dhe pushim, pasi gjatë këtyre ditëve stresi dhe lodhja ka arritur kulmin. Në dashuri, nuk do arrini që të kënaqeni.

Peshqit

Në dashuri do të jeni të pavendosur, ndoshta për shkak se jeni në pritje të një përgjigje ose nuk dini të zgjidhni. Do të ketë zgjedhje të rëndësishme, sa i takon karrierës.