Lajme Flesh

Një vajzë thotë se po bie në dashuri me “mollën e ndaluar”. Ajo tregon se i fe.juari i kushërirës po e josh dhe vajza ndodhet në dilemë.

Kjo është historia e rrëfyer. “Mua më ka zënë haIIi o njerëz. Jam një 18-vjeçare nga Laçi. Jam shumë e pashme dhe shumë e muhabetit. 

Kushdo më njeh, nuk rri më pa mua, kështu të paktën më thonë, se kam një natyrë shumë të afruar me njerëzit.

Kam një kushërirë që është 25 vjeçe dhe është e fejuar. I fejuari i saj është 28 vjeç dhe është me shkollë të lartë dhe i pasur, sepse babin e ka patur drejtor me rëndësi.

Unë me ta dal shpesh, sepse me kushërirën kam shumë lidhje. Që kur më vd.iq babi, unë me atë kanë qëndruar shumë sepse na kanë ndihmuar edhe ekonomikisht.

E dua shumë kushërirën. I fejuari i saj më bën prej disa muajsh SMS ku më flet me fjalë të ëmbIa.

Duket që ja ka qe.jfi. Më çon sms që sa e mirë jam. Që lum kush do më ketë. Që për mua do bënte gjithçka nëse ja kërkoja…e kështu. Nuk ja varja shumë me thënë të drejtën, bëja sikur nuk kuptoja në fillim.

Për Krishtlindje më bëri një iPhone dhuratë. Por më tha mos t’i them kushërirës se s’ka pse ta dijë. Nuk i thashë gjë asaj. I thashë është i një shoqes ma ka lënë të bëj disa foto. Por si t’ja bëj tani?

Kam nisur të ndjej për atë djalin… A të Iidhem apo t’i them kushërirës??? Theksoj, kushërira i ka të gjitha…Si mendoni?”, shkruan ajo. 

Call center-at janë një ndër opsionet kryesore për të punësuar të rinjtë në vendin tonë.

Përgjithësisht studentët, por edhe ata që njohin një gjuhë të huaj punësohen në këto qendra telefonike që paguajnë mirë, pavarësisht lodhjes që kanë. 

Një punë të tillë ka kërkuar edhe një vajzë nga Tirana, e cila kishte nevojë për një punë të dytë.

Pasi ka parë një njoftim në rrjetet sociale për punë në një Call Center që paguante mirë, e reja ka vendosur t’i shkruajë vajzës që kishte postuar njoftimin.

Por vajza e cila ka dërguar denoncimin e saj pranë redaksisë së JOQ, është sh o kuar nga përgjigjja që ka marrë, sepse në fakt nuk bëhej fjalë për një call center si ato që jemi mësuar të dëgjojmë.

Kjo pasi kundrejt një pagese prej më shumë se 800 eurosh, vajza me emrin Evis, i thotë se do të lidhet direkt me të huajt, dhe nuk do t’i duhet as gjuha e huaj.

Jo vetëm kaq, por ajo i thotë se duhet të zhv ishet dhe të bëjë çdo gjë që ata do t’i kërkojnë.

E reja e tr ond itur shkruan pranë JOQ: Përshëndetje, unë quhem Era, jetoj dhe punoj në Tiranë.

Aktualisht po kërkoja edhe një punë të dytë dhe tek një faqe e quajtur “O******Call **** Tirana”, pashë këtë njoftim. Dhe i shkruajta në inbox sot, por mora këtë përgjigje”.

Si u shtuan rreth 2200 formularë të censusit pa njerëz në terren, duke shënuar grekë emra fals, për të nxjerrë Komunën Xarrë me shumicë greke, kur në fakt është me 85% shqiptarë. Faktet demografike që nxjerrin zbuluar skandalin e vitit 2011.

Nga Ardit Bido

Ndërkohë që presim vjeshtën për të parë përbërjen etnike në nivel bashkie për censuset, të dhënat e deritanishme na mjaftojnë për të kuptuar një megaskandal, që duhet të ndiqet nga organet kompetente, se si u manipulua duke shtuar banorë fiktivë (të gjithë me kombësi greke) në një komunë të caktuar të vendit në vitin 2011. Njësia administrative Xarrë, pjesë e sotme e Bashkisë Konispol, që sipas regjistrave të gjendjes civile, studiuesve që kanë bërë studime empirike në terren, grekët Baltsiotis dhe Kallivretakis e britaniku Winifrith është mbi 80% shqiptare, befas doli me shumicë 53% grekë. Në studimin tim “Beteja për 20 përqindshin” nuk kam arsyetuar se cilat janë arsyet e kësaj anomalie, por kam vendosur në pah se statistikisht ajo është e pamundur. Në deklarata publike kam thënë se kanë qenë dy-tre duar që e kanë bërë këtë manipulim. Sot, mund të saktësojmë në detaje se si manipulimi është kryer nga INSTAT asokohe, ose nën hundën e INSTAT asokohe, duke shtuar banorë fiktivë, njerëz që nuk jetonin në Xarrë dhe jo pak, por plot 2050 deri në 2180, të gjithë me kombësi greke.

Falsifikim i pastër!

Rezultatet e deritanishme të censusit për jugun e thellë sollën një panoramë “anormale”, ku në krahasim me censusin e vitit 2011, Bashkia Konispol ka humbur 40% të popullsisë, duke rënë në 4898 nga 8245 banorë, në një zonë ku bashkitë e tjera Saranda, Himara dhe Finiqi kanë rritje, duke qenë dy të parat pole të turizmit dhe Bashkia Delvinë një rënie prej 15%. Për këdo që nuk njeh zonën, kjo statistikë mund të duket normale, por personalisht më befasoi. Bashkia Konispol është një bashki me ekonomi të fortë bujqësore, “mbretëresha e mandarinave” të Shqipërisë, me punonjës sezonal të tjerë që nuk ikin nga vendlindja e tyre, sepse punojnë si punonjës ditorë katër kilometra më tej, përtej kufirit shqiptaro-grek. Aq më tepër, që Bashkia Konispol ka qenë e vetmja që ka pasur rritje të popullësisë nga viti 2001 deri në vitin 2011, sipas censuseve. Ndaj, iu riktheva shifrave. Janë pikërisht të dhënat e censusit të sapopublikuar, rënia e paarsyetueshme e Konispolit në krahasim me 12 vite më parë, që na zbulojnë mekanizmin e falsifikimit të vitit 2011!

Teksa nuk kemi të dhëna në nivel të njësive administrative për censusin e vitit 2023, të dhënat e censusit 2011 na tregojnë se njësia administrative Xarrë ka 4263 banorë nga 8245 që ka në total, pra 52 për qind të Bashkisë Konispol. Këtu nis problemi. Në censusin e vitit 2001, Njësia Administrative Xarrë kishte 2254 banorë nga 7197 banorë në total që kishte Bashkia Konispol, thënë ndryshe 31.4 për qind të Bashkisë Konispol. Për të dalë në një konkulzion, që do më faktojë koha në vjeshtë, kërkova përmes ligjit “Për të drejtën e informimit” të dhënat më të besueshme që mund të gjejmë për raportin e popullsisë mes njësive administrative, regjistrimet e nxënësve në klasë të parë në dhjetë vitet e fundit. Ajo çka rezulton, është konsistente me shifrat e vitit 2001: shkollat e Njësisë Administrative Xarrë (Xarrë, Vrinë dhe dega Mursi) kanë rreth një të tretën e nxënësve të Bashkisë Konispol në mesatare vjetore, konkretisht 34.7%. Pra, një e treta e nxënësve të Bashkisë Konispol vijnë nga Njësia Administrative Xarrë, çdo vit në periudhën mes dy censuseve.

Kjo ka vetëm dy shpjegime: ose pas vitit 2001 u rikthyen në ish komunën Xarrë rreth 2200 veta (të gjithë me kombësi greke), por pa fëmijë të cilët i lanë vetëm në Athinë a gjetkë dhe menjëherë pas censusit të vitit 2011 ikën sërish në Greqi të takonin fëmijët, ose duar të caktuara ose brenda INSTAT-it në vitin 2011 ose nën hundën e INSTAT-it në vitin 2011, pasi bënë regjistrimin e popullsisë normalisht dhe saktë, morën formularë bosh, futën emra fiktivë, u shënuan kombësinë greke dhe prodhuan statistikën anormale që kishte Komuna Xarrë.

Duke qenë se nuk kemi dëgjuar nëpër lajme për problemin masiv të fëmijëve të lënë vetëm në Athinë dhe mursjotët dhe xarrjotët janë shqiptarë zakoni e nuk janë nga ata që do i linin fëmijët vetëm, si dhe duke qenë se s’ka ku të gjenden 2200 grekë për t’u rikthyer në Xarrë sepse nuk ekzistojnë, është katërcipërisht e provueshme që mekanizmi i manipulimit ka qenë përmes shtimit me emra fiktivë, njerëzish që nuk ekzistojnë të rreth 2200 grekëve në Xarrë në vitin 2011, në një skandal që duhet sot të hetohet.

Madje, falsifikimin e bënë aq keq, sa nuk përputheshin as shifrat. Ajo shifër nënkupton se 93% e popullsisë ortodokse të zonës është deklaruar si greke, teksa, sipas të dhënave historike, të konfirmuara edhe nga analiza e studiuesit grek Kalivretakis, Winnifrith dhe Kretsi, 55% e ortodoksëve të zonës janë etnikisht shqiptarë, 22,5% janë grekë etnikë dhe 22,5% janë vllehë etnikë me vetëidentifikim fluid kombëtar. Po ashtu, nënkupton se 86% e grekëve të ish-Komunës Xarrë kanë gjuhë amtare shqipen, çka përbën paradoks të konceptit të fluiditetit të identitetit etnik, ku pakica të ketë zotërim dërrmues të vetëidentifikimit të folësve të gjuhës së shumicës. Por, ky manipulim nuk u bë kot. Ai u shpërblye një vit më vonë, në vitin 2012, nga shteti grek përmes përfshirjes së këtyre fshatrave në vendimin e caktimit të fshatrave minoritare në Shqipëri, u jep kartat greke, pensione greke dhe asistenca të tjera që u takojnë shtetasve grekë.

Duhet të presim tetorin për të parë nëse NJA Xarrë ka një të tretën e popullsisë së Bashkisë Konispol siç rezulton në censusin 2001 dhe në të dhënat e shkollave të zonës. Mirëpo, ulja kaq drastike e popullsisë së Bashkisë Konispol mund të arsyetohet vetëm përmes manipulimit dhe shtimit artificial të popullsisë së Komunës Xarrë në vitin 2011. Nëse e kthejmë në të kundërt ekuacionin, pra nëse heqim këta 2050 deri në 2180 formularë njerëzish inekzistentë, shqiptarët shkojnë në 80% të komunës Xarrë, në përputhje totale me çdo statistikë tjetër dhe me studiuesit e respektuar grekë Baltsiotis, Kalivretakis e Kretsi dhe britanikut Uinifrith, ndërsa popullsia totale e njësisë administrative shkon në ? e Bashkisë Konispol.

Këtu më duhet të shtoj dhe një ndjesë personale, për dy paragrafe në librin tim “Beteja për 20 përqindshin”. Është e vërtetë, siç kam thënë se grekët e asaj bashkie përpara vitit 1990, në përputhje edhe me regjistrat e gjendjes civile janë 7.5%. Është e vërtetë se sipas Kalivretakis, në vitin 1995, ata kishin rënë nën 7%. Shifrat e tjera për popullësinë e sotme nuk qëndrojnë. Duke marrë për bazë se NJA Xarrë, ajo që ka 10% grekë, ishte 53% e Bashkisë, kam dal gabimisht në konkluzionin shkencor se sot grekët e asaj bashkie variojnë mes 6.8 dhe 13 për qind. Mirëpo, me këtë manipulim kaq skandaloz, me shtimin artificial të popullsisë së rreth 2200 banorë inekzistentë, të gjithë grekë, shifra reale varion mes 2.3 deri në 6.5 për qind dhe ai i vllehëve nga 0.5 deri në 2.5 për qind.

Këtë ndjesë të sinqertë e kam për çdo lexues, por vetes ia justifikoj vetëm për një arsye. Në një census si ai i vitit 2011, që u bë me laps dhe letër, ma priste mendja që dy-tre duar që kishin akses, të merrnin deklaratat e shqiptarëve, të fshinin kutinë “shqiptar” dhe me laps tjetër të shënonin kutinë “grek”. Mirëpo, që të shtohen rreth 2200 njerëz inekzistent nuk mjafton kaq. Censusi ka grupe monitorimi, rishikime dhe metodologji që garantojnë, që edhe nëse ndodhin falsifikime si ai më lart, kurrë të mos mund të shtohen emra kot në masë të madhe, kurrë të mos mund të shënohen individë jorezident, kurrë të mos mund të dyfishohet artificialisht popullsia e një njësie administrative.

Nëse e para, në një census me laps e letër (se me tabletë nuk ka si të bëhet) mjaftojnë dy-tre veta që kanë qasje dhe malinjitet, për këtë manipulim që rezulton dhe do ta shohim të faktuar në vjeshtë kur të dali raporti mes NJA Xarrë dhe Bashkisë Konispol, ka ndërhyrje nga më lart. Drejtuesit politikë të asaj kohe dhe drejtuesit e INSTAT të asaj kohe nuk mund të fshihen. Jo vetëm që qëllimshëm kanë fryrë popullsinë e së paku një njësie administrative, por rezulton e qartë si drita e diellit që këtë e kanë bërë për interesat e një nacionalizmi të huaj kundër interesit kombëtar. Ky është skandal që unë nuk mund as ta imagjinoja e jo më ta parashikoja!

Dashi

Do të jeni shumë impulsiv dhe për këtë arsye shpesh ju cilësojnë si të paparashikueshëm. Megjithatë në këtë moment për të arritur një objektiv të caktuar profesional, do të keni nevojë për më shumë organizim dhe planifikim.

Demi

Do të keni mundësi që të merrni përsipër një detyrë të rëndësishme e cila do ju lejojë që të gjeni sigurinë në vete dhe kapacitetet tuaja. Çelësi për gjithçka do të jetë vendosmëria juaj. Edhe në dashuri parashikohen zhvillime interesante, por vetëm nëse do të keni kurajo për tu rikthyer në lojë.

Binjakët

Një takim i papritur do të lëkundë disa nga bindjet tuaja më të thella. Kjo e premte favorizon investimet e reja, sidomos nga pikëpamja profesionale. Strategji të reja, do të rezultojnë mjaft të frytshme për të arritur qëllimet tuaja.

Gaforrja

Kjo ditë do të jetë mjaft monotone, por gjithsesi do ju lejojë që të arrini me më shumë qetësi objektivat e kërkuara. Adoptimi i strategjive të reja, do ju ndihmojë në arritjen e negociatave të vlefshme.

Luani

Parashikimet e kësaj dite do ju shohin euforik, ndoshta për shkak të një lajmi të mirë i cili do të mundësojë një zhvillim të rëndësishëm sa i takon jetës tuaj sentimentale dhe profesionale.

Virgjëresha

Mundohuni të mos bëni komente tendencioze ndaj kolegëve tuaj, sidomos nëse jeni të përfshirë në një bashkëpunim të komplikuar. Mundësitë e mira në vendin e punës nuk do të mungojnë, ku do të merrni konfirmime të cilat i prisnit prej kohësh. Nga pikëpamja sentimentale do të jeni shumë pozitiv dhe të paparashikueshëm.

Peshorja

Kjo e premte do ju gjejë konfuzë dhe të tensionuar. Po çoni përpara një ndryshim të rëndësishëm për karrierën tuaj dhe do ju duhet të bëni disa ndryshime sa i takon rutinës. Këshillohet të mos jeni negativ, por të angazhoheni maksimalisht pasi mundësitë e mira nuk do të mungojnë.

Akrepi

Këshillohet që të jeni më të kujdesshëm, sidomos në vendin e punës, ku po përballeni me disa polemika të vogla. Do të dini si të përballoni një situatë, në sajë të një Asi që do keni nën mëngë. Sfera e ndjenjave do jetë mjaft e favorizuar.

Shigjetari

Në këtë moment është mirë që të mos merrni përsipër shumë rreziqe. Mundohuni që ti përqendroni energjitë tuaja në strategji alternative me synim arritjen e një objektivi tuaj. Kjo fundjavë do ju gjejë më romantik dhe të ndjeshëm.

Bricjapi

Duhet të jeni më të komunikueshëm dhe të mbani më shumë parasysh këshillat e kolegëve tuaj, pasi mund të merrni informacione të vlefshme të cilat do ju sjellin një sërë avantazhesh në punë, shkruan noa.al. Në mbrëmje parashikohet një takim i rëndësishëm.

Ujori

Mos e teproni me kërkesat, pasi në këtë moment duhet të mbani parasysh prioritetet tuaja, sidomos ato që kanë të bëjnë me anën sentimentale. Kjo e premte do të jetë mjaft e favorshme për të përforcuar një raport.

Peshqit

Kjo fundjavë do ju gjejë mjaft të komunikueshëm dhe do të bëni takime të reja, të cilat do ju njohin me persona që do të stimulojnë anën tuaj krijuese. Në dashuri nuk duhet të jeni kokëfortë.

Ivanka Trump, vajza e ish-presidentit të SHBA, Donald Trump ka treguar detaje lidhur me projektin e bërë publik pak kohë më parë nga bashkëshorti i saj Jared Kushner për ndërtimin e një kompleksi vilash luksoze në ishullin e Sazanit.

Gjatë një interviste në podkastin e Lex Friedman, të cituar nga “The Express Tribune”, Ivanka Trump thotë se në ishullin prej 1400 hektarësh në Mesdhe “do të sjellin arkitektët më të mirë dhe markat më të mira”.

Trump shprehet se ky projekt drejtohet nga “brand”-i super luksoz “Aman” dhe do të shërbehet ushqim nga menyja më e famshme botërore, “Carbone”, pjesë e “Major Food Group”, e cila është e njohur për klientelën e saj të famshme.
“Brand”-i “Aman”, i cili krenohet me mbi 30 investime në 20 vende, frekuentohet nga të famshëm si Bill Gates, Mark Zuckerberg, Kardashians, Angelina Jolie, David Beckham, George dhe Amal Clooney, Tom Hanks etj.
Dhomat në resortet “Aman” zakonisht kushtojnë rreth 1.400 dollarë për natë, me vila me çmim 50.000 dollarë.

Pak muaj më parë kryeministri Edi Rama konfirmoi projektin për transformimin e ishullit të Sazanit nga dhëndri i ish-presidentit Trump, Jared Kushner, një sipërmarrës i suksesshëm në disa vende.

Ish-kryeministri Sali Berisha ka akuzuar drejtpërdrejt Edi Ramën, se ka pasur për 4 vite me radhë këshilltare sipërmarrësen, Drilona Boçi.

Ajo është bashkëshortja e Kristian Boçit, të cilit një javë më parë Prokuroria e Tiranës i sekuestroi miliarda lekë pasuri.

Sali Berisha ka deklaruar mbrëmjen e sotme se Drilona Boçi ka qenë këshilltare e kryeministrit Edi Rama.

“Mbrëmë, unë falënderova prokuroren që firmosi konfiskimin e 50 milionë eurove të mikut të Edi Ramës, Kristian Boçi. A e dini ju miq se Drilona e Kristanit ka qenë 4 vite këshilltare e Edi Ramës? A e dini ju miq se Kristani me bandën e tij është personazh krimi i Metamorfozës? Por Altin Dumani meqenëse në regjistrime SKY dhe Encrochat, dilnin kilometra mesazhe dhe biseda, komunikime të Edi Ramës me Boçin, me të shoqen këshilltare, çfarë bëri? E çoi dosjen te Prokuroria e Tiranës, duke hequr të gjitha këto, në mënyrë që të kalonte pa iu futur ferra në këmbë Edi Ramës, njeriut që kishte bashkëpunuar me Boçin për vite të tëra”, u shpreh Sali Berisha.

Sipas njoftimit të Prokurorisë së Tiranës, Kristian Boçi rezulton se krijoi një shoqëri tregtare mes të cilës pastronte paratë e E.A.

Nga hetimet rezulton se Kristian Boçi ka bërë blerje fiktive me vlera jo reale, ndërsa ka marrë kredi të mëdha të pajustifikuara.

Ndër të tjera thuhet në njoftim se Kristian Boçi ka ka konsumuar veprën penale “Pastrimi i produkteve të veprës penale ose veprimtarisë kriminale” e kryer në bashkëpunim, parashikuar nga neni 287, paragrafi i dytë i Kodit Penal dhe në këtë skemë dyshohet se është përfshirë edhe bashkëshortja e tij, Drilona Boçi.

Mbrojtësi shqiptar Maldin Kacurri ka firmosur kontratën e tij profesioniste me klubin e Arsenalit.

Futbollisti 18-vjeçar ishte më parë pjesë e ekipeve zinxhirë të “topçinjve”, por klubi ka besuar në cilësitë e tij dhe i ka ofruar kontratën e parë profesioniste. Lajmin e bën të ditur vetë klubi londinez përmes faqes së vetë zyrtare në ueb. Pasi ka hedhur firmën në letër, Kacurri ka shprehur lumturinë dhe krenarinë që ndjen për këtë arritje të madhe në karrierën e tij.

“Jam shumë i lumtur. Kjo është diçka për të cilën kam punuar gjatë gjithë jetës. Jam shumë krenar për veten dhe familja është shumë krenare për mua. Kështu që jam shumë i gëzuar dhe me zor pres të vazhdoj edhe më lart. Që nga fillimi jam ndjerë shumë i mirëpritur. U përshtata menjëherë dhe më pëlqen këtu.

Është një klub i këndëshëm për të qenë këtu. Është ndjesi e mirë që ia kam shpërblyer paksa përpjekjet familjes sime, por sigurisht që duhet bërë më tepër punë. Nuk ishte aspak vendim i vështirë për t’a përkushtuar të ardhmen time këtu. Është një klub i madh. Kam mësuar shumë këtu dhe jam përmirësuar së tepërmi”, ka deklaruar Maldin Kacurri.

Lajme interesante vijnë nga mediat greke, për sa i përket të ardhmes së portierit të Kombëtares, Thomas Strakosha.

Bëhet me dije se klubi i AEK-ut është shumë pranë blerjes së gardianit shqiptar.

Sipas informacioneve të disponueshme, negociatat me Brentford janë në një fazë shumë të avancuar dhe marrëveshja është shumë afër.

Me shumë gjasa Strakosha pritet të marrë “dritën jeshile” nga klubi anglez për të udhëtuar drejt Athinës dhe për të përfunduar transferimin tek AEK.

Klubi verdhezi, vetëm pak ditë më parë mbylli transferimin e Alberto Brinjolit. Gjithsesi, drejtuesit shohin 29-vjeçarin shqiptar si një portier me më shumë cilësi e janë gati t’i besojnë vendin e titullarit, para portierit italian.

Strakosha pritet të rikthehet në Greqi pas 12-vitesh, aty ku lindi dhe hodhi hapat e para të karrierës./PANORAMASPORT.AL

Një grabitje e ngjashme me skenarët e filmave “Far West” të regjisorëve të Hollywood-it ka ndodhur në Itali.

Automjete të blinduara që transportonin rreth 3 milionë euro, janë sulmuar dhe grabitur në zonën e Salentos nga një grup i armatosur që i përngjanin forcave komando.

Grabitja e mjeteve të blinduara të kompanisë Battistoli ka ndodhur pranë Torchiarolos, në rrugën nacionale që lidh Brindisin dhe Leçen.

Sipas gjetjeve fillestare nga karabinierët grupi komando që ka realizuar supergrabitjen përbëhej nga 8 deri në 10 persona. Sipas rikonstruksionit të parë, kriminelët, të armatosur dhe me fytyrat e mbuluara me kapuç, kanë qëlluar disa herë me kallashnikovë dhe kanë djegur dy makina e një furgon në rrugën përballë për të penguar ndërhyrjen e forcat e rendit.

Në total grupi i vuri flakën gjashtë automjeteve dhe pas grabitjes u largua në fshatrat përreth ku policia gjeti 300 euro në kartëmonedha, që siç duket i përkasin plaçkës së vjedhur. Rruga nacionale 613 është mbyllur për trafikun në të dy drejtimet, ndërsa hetuesit ndodhen në vendngjarje dhe kanë mbetur të tronditur, pasi grabitësit kanë vepruar në aksin e frekuentuar në këtë periudhë nga mijëra turistë që shkojnë në Salento.

Nga konstatimet e para të policisë rezulton se nuk ka pasur të lënduar në mesin e rojeve të sigurisë që ndodheshin brenda mjetit të blinduar.

Zëvendëskryetari i komisionit parlamentar Antimafia, deputeti i Brindisit, Mauro D’Attis ndërhyri për këtë çështje dhe i kërkoi ministrit të Brendshëm të ndërhynte me vendosmëri për të kapur bandën që kreu grabitjen.

Senatori i Leçes, Roberto Marti, kërkoi gjithashtu ndërhyrjen e ministrit, i cili “i dha një përgjigje të shpejtë”, me mbledhjen e komitetit krahinor për rendin dhe sigurinë, duke thënë se “akte të tilla janë të papërshkrueshme dhe nuk duhet të përsëriten”.

Një ngjarja e tmerrshme ka ndodhur në provincën e Benvetos në Itali, ku një 59-vjepçar ka vrarë vëllanë e tij duke i prerë kokën.

Ngjarja ka ndodhur të mërkurën ku 59-vjeçari i preu kokën vëllait dhe më pas e hodhi nga ballkoni.

Fqinjët që e kanë parë kanë njoftuar policinë për krimin makabër.
59-vjeçari u dorëzua pa rezistencë dhe u mor në pyetje gjatë gjithë natës përpara se të transferohej në burgun e Beneventos.

Karabinierët po marrin në pyetje të afërmit dhe të njohurit e dy vëllezërve që jetonin së bashku në shtëpinë e familjes.
Policia dyshon se vrajsa ka ndodhur në një debat të nxehtë