Lajme Flesh

Paolo FOX

DASHI

Mund të ndjeni një dëshirë të fortë për të marrë kontrollin e një situate që ju ka bërë të ndaloni së menduari ditët e fundit. Keni energji dhe vendosmëri, por yjet ju këshillojnë të mos veproni impulsivisht. Në punë, dikush mund t’ju kërkojë të mbani një qëndrim të qartë ose të udhëheqni një projekt. Në dashuri, përpiquni të shmangni debatet e pakuptimta: dialogu i sinqertë mund të zgjidhë më shumë sesa mendoni.

DEMI

Sipas horoskopit të Paolo Fox (e hënë, 16 mars 2026), dita sjell një atmosferë më të qëndrueshme dhe qetësuese. Pas një periudhe shqetësimesh dhe dyshimesh, sot mund të gjeni njëfarë qetësie në zgjedhjet tuaja të përditshme. Në punë, është koha të përqendroheni në qëllime konkrete dhe të mos shpërdoroni energji. Në dashuri, çiftet rizbulojnë lidhjen përmes gjesteve të vogla, ndërsa beqarët mund të ndihen të tërhequr nga dikush që rrezaton siguri.

BINJAKËT

Kurioziteti juaj ju shtyn të kërkoni informacione të reja ose kontakte të reja. Mund të mbërrijnë lajme interesante ose një propozim që ia vlen të merret në konsideratë. Nuk ka mungesë idesh në punë, por do t’ju duhet të zgjidhni se në çfarë të përqendroheni vërtet. Në dashuri, përpiquni të jeni më të qartë: shmangia e një teme mund të krijojë më shumë konfuzion.

GAFORRJA

Duhet të mbroni qetësinë tuaj emocionale. Jo gjithçka meriton vëmendjen tuaj, dhe sot është e rëndësishme të jeni selektivë në lidhje me energjinë që u kushtoni të tjerëve. Në punë, qëndroni të qetë edhe nëse dikush duket se po përpiqet të krijojë tension. Në dashuri, megjithatë, hapet hapësirë ​​për momente të sinqerta dhe të thella me personin që doni.

LUANI

Sipas horoskopit të Paolo Fox (e hënë, 16 mars 2026), energjia e mirë kthehet, së bashku me dëshirën për t’u përfshirë. Kur jeni të motivuar, mund t’i frymëzoni të tjerët me entuziazmin tuaj. Në punë, mund të keni një mundësi për të demonstruar aftësitë tuaja. Në dashuri, përpiquni të jeni më pak krenarë dhe më të hapur për diskutime.

VIRGJËRESHA

Aftësitë tuaja organizative do të jenë veçanërisht të dobishme. Mund të jeni në gjendje të zgjidhni një çështje praktike ose të sqaroni diçka që ju ka shqetësuar prej kohësh. Në punë, saktësia juaj do të vlerësohet. Megjithatë, në dashuri, përpiquni të mos e teproni me analizat: lini hapësirë ​​edhe për spontanitet.

PESHORJA

Dëshira për harmoni është shumë e fortë sot. Nëse ka pasur ndonjë tension kohët e fundit, mund të ndjeni nevojën për të sqaruar dhe rivendosur ekuilibrin. Në punë, diplomacia juaj do të jetë vendimtare për zgjidhjen e një situate delikate. Në dashuri, dialogu bëhet çelësi për forcimin e marrëdhënies.

AKREPI

Sipas horoskopit të Paolo Fox (e hënë, 16 mars 2026), intuita juaj po ju udhëzon me saktësi sot. Mund të kuptoni diçka të rëndësishme duke vëzhguar një detaj ose duke dëgjuar rastësisht një bisedë. Në punë, kjo aftësi ju ndihmon të lëvizni strategjikisht. Emocionet janë intensive në dashuri: ata që janë në një lidhje mund të duhet të përballen me një bisedë të rëndësishme.

SHIGJETARI

Dita sjell një dëshirë për liri dhe lëvizje. Ju doni të shkëputeni nga rutina juaj dhe të kërkoni frymëzim të ri. Në punë, mund të shfaqet një ide ose propozim interesant që do të dëshironi ta zhvilloni në ditët në vijim. Në dashuri, atmosfera është më e lehtë dhe më spontane.

BRICJAPI

Vendosmëria juaj është një aleat i shkëlqyer. Keni qëllime të qarta dhe dini si të veproni hap pas hapi. Në punë, dikush mund ta njohë angazhimin tuaj. Megjithatë, në dashuri, përpiquni të mos jeni shumë të shkëputur: ata që ju duan duhet ta ndiejnë praninë tuaj.

UJORI

Sipas horoskopit të Paolo Fox (e hënë, 16 mars 2026), mendja juaj është plot me ide dhe intuita. Mund të gjeni një zgjidhje origjinale për një problem në dukje të ndërlikuar. Kreativiteti ju ndihmon të dalloheni në punë. Në dashuri, përpiquni të jeni më të pranishëm emocionalisht: ndonjëherë duhet shumë pak për ta bërë dikë të ndihet i rëndësishëm.

PESHQIT

Ndjeshmëria juaj është veçanërisht e fortë. Mund ta kuptoni lehtësisht se çfarë ndiejnë të tjerët dhe kjo ju bën shumë empatikë. Në punën tuaj, intuita juaj mund të jetë e paçmuar. Në dashuri, dita favorizon momentet romantike dhe besimet e thella.

Një seri videosh emocionuese të Gimbos brenda shtëpisë së “Big Brother VIP Albania” kanë pushtuar rrjetin orët e fundit.

Këto pamje po tregojnë një anë më të brishtë dhe të shqetësuar të banorit, teksa ai shfaq vazhdimisht merak për mikun e tij të ngushtë, këngëtarin e njohur Gjesti.

Në njërën prej videove, Gimbo shfaqet duke i thënë hapur shtëpisë se dëshiron shumë të shohë mikun e tij, duke u shprehur i emocionuar:

“Pse bre s’më sillni surprizë Gjestin? Ma bëni një surprizë Gjestin të shoh atë djalin tim se s’e kam parë qe 15 ditë… inshAllah je mirë o bir, moti s’të kam pa.”

Ndërkohë, në një bisedë më intime me Selinën, ai rrëfen për një gjendje të rënduar emocionale që po e shoqëron gjatë netëve të fundit:

“Më kap shpirt natën panik, ankth… Kështu kur po jam po më kap shpirt. Këtu diçka po më dhemb (tregon me dorë nga zemra). Natën shpirt, si të bjen terri.”

Ky shqetësim i Gimbos ka shkaktuar një valë reagimesh në rrjetet sociale. Shumë ndjekës besojnë se mes dy djemve ka një lidhje aq të fortë shpirtërore, saqë Gimbo po parandjen situatën e rëndë në të cilën ndodhet miku i tij jashtë shtëpisë.

Kujtojmë se Gjesti aktualisht ndodhet në paraburgim pas një incidenti të rëndë dhe akuzave për kanosje me armë ndaj përfaqësuesve të shtëpisë diskografike “Onima”.

Nga ana tjetër, disa përdorues në rrjet sugjerojnë një shpjegim më logjik për ankthin e Gimbos: Fakti që brenda shtëpisë nuk po vendosen këngë të reja nga Gjesti (siç ndodh zakonisht kur artistët publikojnë projekte të reja teksa miqtë e tyre janë në lojë), mund t’i ketë dhënë Gimbos sinjalin e qartë se mosmarrëveshjet me menaxhmentin nuk janë zgjidhur dhe gjërat jashtë nuk po shkojnë mirë për mikun e tij.

Nga telefonat te të dhënat e internetit, SPAK forcon sistemin e përgjimeve

Prokuroria e Posaçme Kundër Korrupsionit dhe Krimit të Organizuar (SPAK) po forcon ndjeshëm kapacitetet e saj të përgjimit dhe monitorimit elektronik.

Sekuestrimi i telefonave dhe përgjimi telefonik mbeten baza e hetimeve të SPAK, por vitit 2026 duket se do të sjellë tërmet në botën e krimit dhe politikës, pasi SPAK ka shpenzuar plot 5.1 milionë euro për dy projekte në këtë aspekt. Bëhet fjalë për prokurimin e pajisjes të përgjimit IMSI Catcher dhe modernizimin e sistemit ekzistues të përgjimit, sipas raportit zyrtar të institucionit.

Projektet janë miratuar me vendimin nr.188, datë 9 qershor 2025, nga Komiteti Ndërinstitucional për Masat Kundër Korrupsionit dhe Krimit të Organizuar dhe pritet të realizohen gjatë vitit 2026.

IMSI Catcher, teknologjia për identifikimin dhe kapjen e telefonave

Një nga elementët kryesorë të investimit është IMSI Catcher, një pajisje teknologjike që përdoret nga agjencitë ligjzbatuese për të identifikuar dhe monitoruar telefonat celularë në një zonë të caktuar.

Kjo pajisje funksionon duke simuluar një antenë telefonike, duke bërë që telefonat në afërsi të lidhen me të. Në këtë mënyrë, autoritetet mund të identifikojnë numrat IMSI (International Mobile Subscriber Identity) të kartave SIM dhe të lokalizojnë pajisjet që përdoren nga persona nën hetim.

Sipas të dhënave të raportit, kostoja e vlerësuar për këtë pajisje është rreth 1.8 milionë euro. Teknologjia konsiderohet një mjet i rëndësishëm për hetimet ndaj krimit të organizuar dhe korrupsionit, pasi mundëson identifikimin e pajisjeve edhe kur përdoren karta SIM të ndryshme ose telefona të përkohshëm.

Modernizimi i sistemit të përgjimit

Paralelisht me këtë investim, SPAK ka parashikuar edhe përditësimin e sistemit të përgjimit në versionin më të fundit MC22, një proces që përfshin disa përmirësime teknike.

Sipas raportit, modernizimi përfshin:

-Përditësimin e softuerit të sistemit në versionin MC22, i cili rrit stabilitetin dhe kapacitetet e analizës së të dhënave;

-Shtimin e modulit IP Data (MPD), që mundëson interceptimin dhe analizimin e komunikimeve përmes internetit, si trafiku i të dhënave dhe komunikimet digjitale;

-Rritjen e kapacitetit të ruajtjes së të dhënave (data storage), duke lejuar arkivimin e një sasie më të madhe informacioni të përgjuar.

Kostoja e këtij projekti arrin në 3.3 milionë euro.

Rritje e përgjimeve dhe kapaciteteve hetimore

Raporti i SPAK tregon se përdorimi i përgjimeve mbetet një nga instrumentet kryesore të hetimeve. Gjatë vitit 2025 janë interceptuar 3004 pajisje fundore, kryesisht telefona celularë të personave nën hetim.

Sipas raportit, në disa raste nga përgjimet janë identifikuar edhe fakte të reja penale jashtë objektit fillestar të hetimit, duke çuar në regjistrimin e procedimeve të reja penale.

Në të njëjtën kohë, Byroja Kombëtare e Hetimit (BKH) ka ngritur edhe Seksionin e Përgjimit Parandalues, ndërsa hetuesit kanë rritur aksesin në 22 databaza kombëtare dhe 3 ndërkombëtare, me negociata në zhvillim për akses në institucione të tjera dhe në platformën evropiane EMPACT. /Pamfleti

Ernest Muçi vazhdon të jetë fantastik me Trabzonsporin. Sot ishte protagonist, pasi bëri gjithçka mirë në pàsimin për Zubkov.

Ishte pikërisht ky i fundit, që asistoi tek Onuaçu për golin e fitores ndaj Rizespor.

Fillimisht Muçi e mori pasimin nga portieri në minutën e 51-të. U fut në zonën e Rizesporit dhe bëri lëmsh mbrojtjen kundërshtare, për të pasuar te Zubkov.

Këto ishin 3 pikë të arta për Trabzonsporin, që barazon me pikë Fenerbahçen. Objektiv është vendi i dytë, pasi jep mundësinë për kualifikimin në Champions.

Goli i Trabzonsporit: (VIDEO)

Një moment i diskutueshëm brenda shtëpisë së Big Brother VIP Albania ka tërhequr vëmendjen e ndjekësve në rrjetet sociale, pas një deklarate të bërë nga një prej banòreve gjatë një bisede të lirshme me konkurrentët e tjerë.

Gjatë një diskutimi me Shendriti dhe Mateo, banorja Brikena ndau një episod që, sipas saj, kishte ndodhur rastësisht pranë një prej ambienteve më të rëndësishme të shtëpisë: Dhomës së Rrëfimit.

Brikena tregoi se në një moment, ndërsa po kalonte pranë kësaj dhome, kishte dëgjuar zërin e Baby G duke folur me motrën e saj. Sipas saj, gjatë kësaj bisede, familjarja e kishte këshilluar Baby G që të shmangte debatet me të.

“Kalova njëherë pranë Dhomës së Rrëfimit dhe dëgjova Baby G duke folur me motrën e vet, edhe ajo i thoshte ‘mos u zër me Brikenën’…”, u shpreh Brikena gjatë bisedës me dy banorët e tjerë.

Menjëherë pas këtij momenti, në video shihet se Mateo ndërhyn në bisedë dhe tenton të ndryshojë temën, duke mos e zgjatur më tej diskutimin për këtë çështje. Ky reagim ka tërhequr gjithashtu vëmendjen e publikut, pasi shumë ndjekës kanë interpretuar ndërhyrjen si një përpjekje për të shmangur një temë potencialisht të ndjeshme.

Fragmenti i bisedës është shpërndarë me shpejtësi në rrjete sociale dhe ka ndezur debat mes fansave të spektaklit. Shumë prej tyre po diskutojnë nëse bëhet fjalë për një keqkuptim, për një interpretim të gabuar të situatës, apo nëse vërtet ka pasur një formë komunikimi mes banores dhe familjarëve të saj.

Në formatin e Big Brother VIP Albania, një nga rregullat themelore është izolimi i plotë i banorëve nga bota e jashtme. Konkurrentët nuk lejohen të kenë kontakte me familjarë apo miq, përveç rasteve të veçanta që organizohen nga produksioni dhe që transmetohen publikisht gjatë spektakleve.

Për momentin, nuk ka asnjë reagim zyrtar nga produksioni lidhur me këtë deklaratë të Brikenës. Megjithatë, diskutimet në rrjet vazhdojnë, ndërsa publiku pret të shohë nëse kjo situatë do të sqarohet apo do të trajtohet gjatë spektaklit të radhës.

VIDEO

Një 40-vjeçare u shpall në kërkim dhe po hetohet për akuzën e braktisjes së fëmijëve të saj të mitur.

Burime zyrtare nga Policia e Korçës bënë me dije se “referùan materialet në Prokurori dhe shpallën në kërkim shtetasen M. D., 40 vjeçe, banuese në Korçë”.

Më tej uniformat blu sqarojnë edhe motivin se:

“Dyshohet se ka konsumuar elementë të veprës penale “braktisja e fëmijëve të mitur”.

Pas denoncimit nga ana e familjarëve, ‘po punohet për lokalizimin dhe kapjen e saj’.

Kurse materialet procedurale iu referuan Prokurorisë së Korçës, për veprime të mëtejshme.

Këngëtari Besart Kelmendi, i njohur me emrin artistik Gjesti, ka deklaruar para gjykatës se veprimet për të cilat dyshohet i ka kryer në gjendje emocionàle dhe nën ndikimin e afektit.

Sipas dosjes së Prokurorisë të siguruar nga Betimi për Drejtësi, Kelmendi ka kërkuar falje para gjykatës, prokurorit dhe palës së dëmtuar.

“Pajtohem me deklarimin e avokatit tim. Dua ta njoftoj gjykatën se jam në ankth dhe kam vepruar në gjendje afekti. I kërkoj falje gjykatës, prokurorit dhe palës së dëmtuar”, ka deklaruar ai gjatë seancës.

Avokati i tij ka kundërshtuar kërkesën e Prokurorisë për caktimin e paraburgimit, duke argumentuar se nuk ekziston rreziku që i dyshuari ta përsërisë veprën penale.

Sipas mbrojtjes, bazuar në përvojën jetësore dhe aspektin psikologjik, reagimet impulsive zakonisht ndodhin vetëm një herë dhe rreziku i përsëritjes së tyre është i ulët.

Avokati ka theksuar gjithashtu se rasti ka marrë vëmendje të madhe publike dhe se Kelmendi është plotësisht i vetëdijshëm për hetimin që po zhvillohet ndaj tij.

Po ashtu, mbrojtja ka përmendur edhe nenin 159 të Kodit të Procedurës Penale të Kosovës, i cili parashikon parimin e proporcionalitetit në caktimin e masave të sigurisë, duke argumentuar se paraburgimi nuk do të ishte një masë proporcionale.

Sipas avokatit mbrojtës Artan Qerkini, për dy nga veprat penale për të cilat dyshohet Kelmendi parashikohet dënim deri në një vit burgim ose edhe gjobë.

Rivaliteti mes Izraelit dhe Turqisë mund të shndërrohet në një nga përplasjet kryesore gjeopolitike në fazën e ardhshme të zhvillimeve në Lindjen e Mesme…

Media izraelite “The Jerusalem Post” ka publikuar një analìzë ku Turqia paraqitet si sfida e re strategjike për Izraelin në Lindjen e Mesme, duke sugjeruar se rivaliteti mes dy vendeve mund të përshkallëzohet në të ardhmen.

Sipas analizës, dobësimi i Republikës Islamike të Iranit dhe goditja e rrjeteve të saj në rajon nuk përbën fundin e konfliktit gjeopolitik në Lindjen e Mesme, por hap një fazë të re rivalitetesh. Në këtë kuadër, media izraelite argumenton se Turqia po shfaqet si aktori që mund të mbushë boshllëkun e lënë nga ndikimi iranian.

“The Jerusalem Post” e paraqet qeverinë e presidentit turk Rexhep Tajip Erdogan si një fuqi në rritje që synon të zgjerojë ndikimin e saj në rajon dhe të marrë rolin e përfaqësuesit kryesor të islamit politik pas dobësimit të Iranit.

“Çarja më domethënëse dhe e rrezikshme në këtë rend të ri është ambicia në rritje e Turqisë islamiste. Për muaj të tërë, qeveria e Presidentit Rexhep Tajip Erdogan ka miratuar një strategji që i jep përparësi mbijetesës së regjimit klerikal në Teheran si kundërpeshë ndaj ndikimit perëndimor”, thuhet në analizën e “JP”

Në analizë theksohet se retorika në Turqi ka filluar ta paraqesë Izraelin si pengesë për stabilitetin rajonal. Sipas medias izraelite, disa komentatorë pranë qeverisë turke pretendojnë se pas Iranit, Izraeli mund të përballet edhe me Turqinë.

“Tani që regjimi iranian është në grahmat e vdekjes, Ankaraja po ndryshon mesazhet e saj për t’u përgatitur për një përballje të drejtpërdrejtë me realitetin e ri rajonal. Kolumnistët turq pro-qeveritarë kanë filluar ta paraqesin Izraelin si pengesën e fundit për stabilitetin rajonal, me disa që pretendojnë shprehimisht se pas Iranit, do të jetë radha e Turqisë”, thuhet më tej analizën e ‘JP’

Në këtë kontekst, artikulli argumenton se Ankaraja po përpiqet të konsolidojë ndikimin e saj në rajon, veçanërisht në Siri. Sipas “The Jerusalem Post”, Turqia po e trajton Sirinë si një hapësirë strategjike për të zgjeruar praninë e saj ushtarake dhe të inteligjencës, duke krijuar një zonë ndikimi që i afrohet gjithnjë e më shumë kufijve të Izraelit.

Media izraelite thekson gjithashtu se Turqia paraqet një sfidë më komplekse për Izraelin dhe aleatët e tij sesa Irani, pasi Ankaraja është një shtet i integruar në sistemin perëndimor përmes NATO-s dhe vepron përmes strukturave shtetërore, jo përmes rrjeteve të ndërmjetësve rajonalë.

“Sfida për Izraelin dhe SHBA-në është se Turqia është një aktor i përqendruar te shteti, i integruar brenda sistemit perëndimor nëpërmjet NATO-s, duke i bërë ambiciet e saj islamiste shumë më të vështira për t’u kundërshtuar sesa modeli i Teheranit i drejtuar nga ndërmjetës”, thuhet në analizën e ‘JP’.

Në analizë argumentohet se për të siguruar një rend të ri sigurie në Lindjen e Mesme pas dobësimit të Iranit, aleatët e Izraelit duhet të përballen edhe me ambiciet rajonale të Turqisë.

Duke e paraqitur Ankaranë si një sfidë të re strategjike për rajonin, analiza në “The Jerusalem Post” sugjeron se rivaliteti mes Izraelit dhe Turqisë mund të shndërrohet në një nga përplasjet kryesore gjeopolitike në fazën e ardhshme të zhvillimeve në Lindjen e Mesme./Pamfleti

izraeli turqia luftë

Shqipëria rezulton një nga vendet më të brishta energjetikisht në Europë, me vetëm rreth 15 ditë rezerva nąfte. Ky është alarmi që del nga një raport europian mbi kapacitetet energjetike të vendeve të kontinentit, i cili paralajmëron për rrezikun që paraqet kjo situatë në rast krizash ndërkombëtare ose bllokadash të furnizimit.

Sipas raportit, ndërkohë që Shqipëria ka vetëm rreth 15 ditë rezerva, mesatarja europiane arrin rreth 120 ditë. Edhe vendet që konsiderohen problematike në këtë drejtim kanë nivele shumë më të larta. Italia, për shembull, ka rreth 80 ditë rezerva strategjike.

Dokumenti europian thekson se kjo nuk është thjesht një çështje ekonomike apo problem i operatorëve privatë të tregtimit të hidrokarbureve, por lidhet me mungesën e një strategjie shtetërore për krijimin e rezervave në raste emergjence. Në një situatë krize energjetike ose konflikti, një rezervë prej vetëm 15 ditësh konsiderohet jashtëzakonisht e ulët për një vend.

Sipas raportit, Shqipëria rezulton një nga shtetet më problematike në Europë për sa i përket përballimit të një krize energjetike. Në rajon, Serbia, Maqedonia e Veriut dhe Mali i Zi kanë rezerva që mund të përballojnë të paktën dy muaj furnizim në rast bllokade, ndërsa vende si Greqia dhe Kroacia kanë kapacitete edhe më të mëdha.

Situata ka ngritur shqetësime edhe në strukturat e sigurisë. NATO i ka kërkuar qeverisë shqiptare krijimin e një shtabi krize dhe ndërtimin e depozitave emergjente strategjike për energjinë. Sipas informacioneve, procesi për ngritjen e këtyre rezervave ka nisur, por ende ndodhet në faza burokratike.

Ekspertët paralajmërojnë se në rast të një përshkallëzimi të konfliktit në Lindjen e Mesme apo ndërprerjeje të zinxhirit të furnizimit, Shqipëria do të ishte ndër vendet më të ekspozuara në Europë. Në një skenar të tillë, vendi do të mbetej pothuajse tërësisht i varur nga furnizimet e jashtme.

Në të kaluarën situata ka qenë ndryshe. Gjatë periudhës së komunizmit, Shqipëria kishte depozita të konsiderueshme energjetike të shpërndara në zona të fshehta malore, të krijuara për t’u përdorur në rast lufte apo izolimi. Sipas vlerësimeve të ekspertëve të logjistikës ushtarake në fillim të viteve ’90, sistemi i rezervave të asaj kohe mund ta mbante vendin funksional për një periudhë shumë më të gjatë.

Sot panorama është krejt tjetër. Me vetëm 15 ditë rezerva nafte dhe pa një sistem të konsoliduar depozitash strategjike, Shqipëria mbetet një nga vendet më të pambrojtura energjetikisht në kontinent, ndërsa çdo krizë ndërkombëtare mund të kthehet shumë shpejt në një emergjencë për furnizimin e vendit me karburant.

Gazetari, Artan Hoxha, gjatë intervistës televizive, u shpreh se grupet kriminale në Fier sot janë shndërruar në biznesmenë që kanë lidhje të forta politike.

Hoxha tha se Belinda Balluku, si drejtuese politike e PS në këtë qark, bëri marrëveshje me të gjitha grupet kriminale të këtij qarku duke u premtuar atyre cdo gjë në këmbim të mbështetjes përmes votave. Kjo, tha Hoxha, solli dhe rezultatin rekord të PS me 12 mandate në raport me 4 që mori PD.

“Balluku e shpartalloi opozitën, as në ’97 nuk shkoi ashtu, shkoi 12 me 4 rezultatin e votave. Nëse kundërshtari të krijon këtë rezultat kaq të madh në një qark të vetëm ti s’ke asnjë shans të fitosh.

Si e bëri ajo këtë gjë? Iu tha grupeve kriminale; Doni të vazhdoni aktivitetin? Bëjmë marrëveshje, këtë ka bërë Balluku”, tha Hoxha.

Artan Hoxha: Unë i kam cilësuar që nga viti 2000 që grupet kriminale në Fier janë pionierët dhe më pas u bënë me universitet.

Sepse ata nuk e konceptojnë krimin dhe kriminalitetin veprimtari kriminale, por e shohin si biznes. Dhe që një biznes të ketë sukses ata duhet të ndjekin disa rregulla e marrëveshje. Ata I zgjidhin problemet me njëri-tjetrin, ata nuk bëjnë zhurmë në media. Ata e dinë që lufta si në Lezhë, Durrës etj e dëmtojnë biznesin.

Ata nuk e bëjnë këtë gjë por dhe kur e bëjnë, ata e zgjidhin me njëri-tjetrin. Ata janë të parët që e kuptuan se lidhja me politikën dhe futja në botën e biznesit, pastrimi i parave dhe investimi në punët publike, i kthejnë ata nga personazhe banditë janë biznesmenë dhe kanë mijëra vetë në punë.

Ku ishte zonja Balluku në zgjedhjet e fundit? Ishte në Fier, po pse është i rëndësishëm Fieri? Sepse të siguron 16 mandate, është qarku i dytë më i madh në vend. Por cfarë bëri Balluku, e shpartalloi opozitën, as në ’97 nuk shkoi ashtu, shkoi 12 me 4 rezultatin. Nëse kundërshtari të krijon këtë rezultat kaq të madh në një qark të vetëm ti s’ke asnjë shans të fitosh.

Si e bëri ajo këtë gjë? Doni të vazhdoni aktivitetin? Bëjmë marrëveshje, këtë ka bërë Balluku.

Në Fier grupet historike kriminale të këtij qyteti janë të gëzuar se është goditur Balluku. Sepse është hera e parë që vjen dikush nga jashtë qytetit, kanë patur gjithmonë dikë të brendshëm, me kaq fuqi e mbështetje.

Doni apo s’doni, jo të gjithë grupet ishin me të njëjtën palë, por nuk kishin nga ca shkonin. Ishte një operacion PR fantastik. Zegjineja kundër Bardhit. Dhe ca pamë ne, ajo që mori mandatin e Zegjinesë ja fali asaj.

SPAK nuk ka arritur të bëjë dot bashkëpunëtorë drejtësie në Fier. Strategjia e luftës në Fier duhet të jetë krejt ndryshe, ata janë 5 hapa para SPAK.