Lajme Flesh

Një lidhje jashtëmartesore e Erdgys Arrazit dyshohet se u bë shkak i një tragjedie të rëndë.

Më 3 maj, bashkëshortja e tij Alma Arrazi së bashku me tre fëmijët e mitur, dyshohet se u vetëhodhën nga ura e Bunës. Trupat e tyre u nxorën pas disa ditësh dhe u varrosën të ndarë, fëmijët në Shkodër e Alma në Durrës me kërkesë të familjes së saj.

Ndërsa Erdgys Arrazi, i cili kishte lidhje jashtë martesore me një 18 vjecare është arrestuar pasi dyshohet se ishte shkaku që shty Almën drejt vetëvrasjes.

Gazetarja Anila Hoxha e ftuar në emisionin “Breaking tha se e dashura adoleshente e Erdgys Arrazit nuk është marrë ende në pyetje nga policia për shkak të gjendjes së rëndë psikologjike në të cilën ndodhet pas ngjarjes tragjike.

“E dashura e Erdgysit nuk është marrë në pyetje derisa të stabilizohet gjendja e saj. Sepse ajo është në shok. Në dëshminë e parë ajo kishte thënë se nuk e kishte takuar kurrë Almën dhe se Erdgysi i kishte thënë se do ndahej nga ajo dhe do martoheshin bashkë”, tha gazetarja.

Më tej ajo zbuloi se e dashura e Erdgys Arrazit i cili mbahet i arrestuar për shkaktim të vetëvrasjes, ndodhet në një qendër për gratë dhe se ende nuk dihet nëse do të pyetet në ambientet e Prokurorisë së Shkodrës apo në qendrën ku ndodhet.

“Aktualisht adoleshentja gjendet në një qendër për gratë për shkak të trajtimit që po merr dhe gjendjes së shokut. Nuk është vendosur ende nëse do të pyetet në ambientet e prokurorisë apo prokurori do të shkojë në qendrën për gratë”- shtoi Hoxha.

Ndërsa mes të tjerash, zbuloi se do të rimerret në pyetje Erdgys Arrazi./albeu.com

Avokati Kujtim Cakrani ishte i ftuar sot në “Breaking” në Top News, ku ka dhënë detaje të reja mbi hetimet në lidhje me mbytjen e Alma Arrazit dhe fëmijëve të saj.

Ai deklaroi se flitet që e dashura minorene e Erdgys Arrazit ishte shtatzënë dhe kjo e ka rënduar më shumë gjendjen psikologjike të Almës.

“Flitet që ajo vajza, e cila ishte ende minorene, nuk kishte mbushur 18 vjeç, ishte shtatzënë dhe se Alma e ka marrë vesh këtë detaj dhe kjo e rëndoi gjendjen e saj. Megjithatë, kjo pritet të provohet nga analizat mjeko-ligjore. Nuk dihet nga burime zyrtare, por publiku duhet ta mësojë të vërtetën. Duhet të zbardhet për t’i dhënë dritë kësaj ngjarjeje. Megjithatë, sjelljet e bashkëshortit nuk e justifikojnë aktin e gruas, e cila u vetëvra por duke mbytur dhe fëmijët e saj.

Alma ka parë foton e një prej fëmijëve që e kishte publikuar e dashura e bashkëshortit. Kjo e ka rënduar nga ana psikologjike. Ajo ishte një grua e braktisur, e vetmuar, e paragjykuar, e braktisur nga policia dhe pa asnjë mbrojtje ligjore. Një nënë braktiset nga bashkëshorti me fëmijët, ai ka një të dashur dhe kjo braktiset në mes të 4 rrugëve, kjo nënë mendon se fëmijët e saj do rriten në kushte të vështira, duke përfshirë dhe gjendjen e rënduar psikologjike, ka thënë ‘Fëmijët e mi nuk i lë në dorë të të tjerëve po ika nga kjo botë’ dhe në gjykimin tim, kjo ka bërë që të mbytet së bashku me fëmijët. Sot gratë, nënat shqiptare trajtohen si leckë. Edhe kafshët nuk trajtohen kështu. I shikoj që ndahen me një mospërfillje të jashtëzakonshme, lënë fëmijët në mes të rrugëz, se çfarë do hanë ata fëmijë, nuk e mendojnë.

Kunata e ka ditur që kishin marrëdhënie të agravuar, por nuk lidh dot momentin çfarë kanë biseduar dhe pse është takuar Alma me kunatën para se të merrte vendimin për tu vetëvrarë. Mendoj se janë takuar sepse Alma i ka kërkuar ndihmë për bashkëshortin, mund të ketë marrë një përgjigje jombështetëse nga kunata. Do ketë qenë përgjigje që e ka lënduar për të ardhmen e saj. Kuanta është çelësi për të hskuar tek e vërteta, pro jo zgjidhja për këtë çështje.”- tha avokati.

Pasi fitoi Kupën e Shqipërisë ndaj Kukësit, portieri i Egnatias Alen Sherri mori me vete në fushë dhe të fejuarën Razena. 

Portieri i klubit rrogozhinas u ul në gjunjë në mesin e fushës në “Air Albania” dhe i propozoi për martesë të fejuarës së tij. Sigurisht, përgjigjja e saj ishte “po”.

Egnatia fitoi mbrëmjen e sotme për të dytën herë radhazi Kupën e Shqipërisë duke mposhtur Kukësin me rezultatin 1-0. 

Rrogozhinasit ngritën Kupën nën atmosferën e fishekzjarreve në stadium dhe të tifozëve të cilët elektrizuan ndeshjen.

Takimi i kryeministrit Edi Rama me emigrantët shqiptarë në Athinë është diskutuar shumë në mediat greke.

Lidhur me mesazhin kryesor të takimit se Rama ka ndikim tek emigrantët shqiptarë, ka patur një prononcim të Dora Bakoyannis, ish-ministre e Jashtme në Greqi, por edhe motra e kryeministrit aktual, Kyriakos Mitsotakis.

“E pashë dhe dëgjova se Rama mblodhi 5 mijë shqiptarë. Nuk më intereson çfarë bën zoti Rama me emigrantët. Mua më intereson se çfarë bën ai me Belerin. Rruga europiane e Shqipërisë varet nga respektimi i të drejtave të minoritetit etnik grek në Shqipëri. Dhe dua t’i them diçka zotit Rama, që e kam diskutuar shumë herë me të. Greqia ka më shumë ndikim politik tek votuesit shqiptarë që janë prezentë në Greqi sesa ka zoti Rama mbi ta dhe kurdo që ta shfrytëzojë këtë ndikim Greqia mund ta bëjë me shumë lehtësi”, është shprehur Bakoyannis në një intervistë për ‘Sky”.

Azgan Mernica është sot një nga njerëzit më të kërkuar nga Policia e Shtetit, që pas vrasjes së një ditë më parë, kur ekzekutoi me plumb në kokë efektivin e “Shqiponjave”, Novruz Cenalian pas një sherri të çastit për kalimin në një rrugë të ngushtë të fshatit.

23-vjeçari Mernica, duket se ka pasur një jetë jo të lehtë, kjo pasi vjen nga një familje me të shkuar të theksuar kriminale.

Vëllai i tij, Kiri Mernica, në vitin 2019-të masakroi me thikë Florian Selimin. Për vrasjen e këtij të fundit ai ka pasur dhe një bashkëpunëtor, Sadri Selacin.

Mësohet se pasi e kanë masakruar me thikë Selimin, Mernica dhe Selaci ia kanë hedhur trupin në një kanal, ku u gjet pas disa orësh kërkime. Në janar 2023 Gjykata e Fierit i ka dënuar me 19 vite burg dy autorët, Kiri Mernica dhe Sadri Selaci.

Ndërsa më herët ai u la në “Arrest shtëpie”, por e theu masën e sigurisë në vitin 2021 gjatë tentativës për të ekzekutuar Pashk Palnikaj.

Pas kësaj ngjarja Gjykata e Fierit e dënoi për vrasjen e Selimit dhe tentativën për vrasjen e Palnikajt. Ndërkohë babai i tij, Petrit Mernica, ka bërë 20 vite burg për vrasjen e kunatit. Ndërsa, edhe vëllai tjetër i 23-vjeçarit ndodhet në burg në Gjermani.

Gjatë momentit të vrasjes së efektivit Novruz Cenalia, në makinë me Azgan Mernicën, ka qenë dhe nëna e tij, e cila ka parë të gjithë skenën.

Në dëshminë e dhënë në polici, Ajete Mernica ka thënë se u ka kërkuar që të mos të zihen me njëri-tjetrin, ndërsa në një moment ka dëgjuar një të shtënë dhe ka parë djalin që është futur me vrap në makinë dhe më pas është larguar.

Pastaj ka shtuar ajo, djali më ka lënë mua dhe makinën tek shtëpia e dajës dhe është larguar në këmbë, bashkë me armën e krimit.

Modelja e njohur, Adrola Dushi është përballur më një situatë aspak të këndshme ditën e sotme.

Përmes një postimi të bërë në profilin e saj të Instagramit, Adrola ka bërë me dije se teksa ka qenë një një udhëtim në Romë, ajo ka rënë pre e vjedhjes.

Personazhi i njohur televiziv ka publikuar fotografinë një pasaporte emergjente që është pajisur për shkak se i kanë vjedhur atë origjinalen.

“Rome e bukura Romë”, ka shkruar Adrola. “Mirë që nuk na morën kokën të paktën”, shton më tej modelja, duke vënë gjithashtu edhe ikonën e nerveritjes.

Një situatë të ngjashme ka hasur edhe këngëtarja Orinda Huta, të cilës i kanë grabitur valixhen nga makina.

Një sondazh disa mujor nga INR shtrihet në disa fusha. Por përsa i përket popullaritetit, në Shqipëri, del se  Edi Rama i pari, Erion Veliaj i dyti, Agron Shehaj i treti. Berisha vjen i pesti.

Instituti Ndërkombëtar Republikan publikoi sot rezultatet e një sondazhi të zhvilluar gjatë shkurtit dhe marsit të këtij viti në 6 shtetet e Ballkanit Perëndimor, ku mes të tjerash për Shqipërinë pyeti edhe për politikanët kryesorë.

Ja si shpjegohet tabela:

Jeshile e errët – E mbështes shumë

Jeshile e zbehtë – E mbështes

Lejla e zbehtë – Nuk e mbështes

Lejla e fortë – Kundër

Gri – Nuk e njoh

Gri e zbehtë – Refuzoj

Kanë kaluar tashmë mbi 100 ditë nga nisja, teksa finalja e këtij edicioni të “Big Brother” është më 25 maj.

Ndërkohë, lufta sa vjen e bëhet edhe më e fortë, teksa banorët duan të fitojnë çmimin e madh. E ftuar sot në “Ndryshe”, Rike Roçi ka komentuar rrugëtimin në “BBV3”, ka zbuluar planet e saj e shumë të tjera.

Lidhur me arsyen pse hyri në “BBV3”, ajo u shpreh:

“Unë kam marrë pjesë të Big Brother sepse dua të futem në kinematografinë shqiptare. Të presim…”

Cila është ëndrra e saj?

“Ëndrra ime është të bëhem nënë…”

E teksa iu kërkua të krahasonte meshkujt shqiptarë me ata italianë, ajo u shpreh:

“Ju këtu jeni shumë maskilistë. Jo që nuk i respektoni vajzat, por… Jeni dominant ju! Italiani është më xhentil kur të ngacmon. Të hap derën kur futesh në makinë, të hap derën e restorantit…”

A do të rikthehet Rikja në Shqipëri?

“Nuk jetoj dot për një kohë të gjatë në Shqipëri sepse nuk rri dot gjatë pa familjen time…”.

E ke mbi një mijë euro një postimin në Instagram?

“Po”.

A do të pranonte ajo për të hyrë në “Big Brother” në Itali?

“Kam pasur propozim para shume vitesh për Big Brother italian, por jo…”.

Kë sheh ish-banorja fitues?

“Kam menduar gjithmonë që Juli dhe shpresoj me zemër që Deda. Mendoj ose Juli dhe Romeo ose Juli dhe Meritoni në dyshen finale…”.

E përtej lojës, Rikja u shpreh edhe për fillimet e vështira në Itali, duke kujtuar:

“Patjetër që po, jam bullizuar. Madje kam ndërruar dhe shkollën për këtë arsye, e kam përjetuar shumë… Kur hanim bukë, asnjë nuk rrinte me ’emigranten’ dhe kur u rrita dhe u bëra vajzë e këndshme më ftonin për kafe dhe refuzoja…”

Mungesa e nxënësve në një shkollë në Nitting-Voyer-Hermelange të Francës verilindore, i ka shtyrë prindërit e nxënësve drejt një zgjidhjeje të padëgjuar më parë për të shmangur mbylljen e një klase, duke regjistruar katër dele. Nisma, e zyrtarizuar me një kartë me emrat dhe mbiemrat e kafshëve, përfaqëson një provokim kundër ligjit francez, i cili kërkon mbylljen e të gjitha klasave të shkollës nëse nuk arrihet një numër minimal nxënësish. Mbarështuesi i deleve të regjistruara është gjithashtu prind i disa fëmijëve në institutin pranë Sarrebourg.

Lista e nxënësve në shkollën e bashkimit Nitting-Voyer-Hermelange, e përbërë nga pesë klasa, mbeti në 94, kundrejt kufirit minimal prej 98 nxënësish të vendosur nga Ministria Franceze e Arsimit. Siç raportojnë prindërit për mediat lokale, protestat kundër “këtij ligji absurd nuk kanë arritur asgjë. Prandaj ne kemi vendosur të përgjigjemi me një vendim po aq absurd”.

Krahas synimit për protestë dhe provokim, prindërit e studentëve janë përballur me respektimin e plotë të rregullave burokratike. Formulari i regjistrimit për secilën dele përmban shënimin e dy prindërve, adresën e vendbanimit dhe datën e lindjes. Komuna më pas përcolli dosjet e John Deere, Valériane Deschamps, Phil Tondus dhe Marguerite Duprès në Arsimin Kombëtar. Katër delet më pas u mirëpritën në shkollë me shenja mirëseardhjeje nga shokët e tyre të klasës, të kompletuar me akomodim “të rehatshëm” në një rrethim jashtë institutit.

Dijonis Biba, një ndër fermerët më të dashur të “Ferma VIP” ka treguar arsyen e vërtetë se pse e la lojën përgjysmë. Ai tha se një vendim të tillë e ka pasur ndërmend që ditën e parë dhe pavarësisht përpjekjes, nuk ka arritur dot t’ia dalë.

Dijonisi foli edhe për fituesin e këtij edicioni të parë të “Ferma VIP”. Ai tha se mund ta fitojë Albano, ndërsa vet ai ka qejf që të jetë Renisi triumfues.

“Mendoj se fermën do e fitojë Albano dhe ai që dua unë ta fitoj është Renisi. Kam kaluar shumë mirë me të.

Unë kam dashur të largohem që ditën e parë. Më dukej se nuk do përshtatesha dot 24 orë me kamera. Nuk do torturohesha më”, tha ish-fermeri.