Lajmet e Fundit
Një ngjarje e rëndë ka ndodhur sot në Tiranë, ku një efektiv policie dyshohet se ka qëlluar veten me armën e shërbimit.
Gazetari Igli Çelmeta bën me dije për BalkanWeb se aktualisht ai ndodhet nën kujdesin e mjekëve dhe po merr trajtim.
Dyshohet se shkak për këtë akt është bërë gjendja e rënduar psikologjike, ndërsa mësohet se pak kohë më parë ai ishte divorcuar nga bashkëshortja si dhe kishte edhe disa probleme të tjera që lidhen me paratë.
Në përfundim të samitit të mbajtur sot në Bruksel mes përfaqësuesve të Bashkimit Europian dhe atyre të Ballkanit Perëndimor kamerat kanë fokusuar edhe një ballafaqim të kryeministrit Rama me homologun e tij grek Kyriakos Mitsotakis.
Në pamjet e publikuara Rama duket se bisedon me kreun e qeverisë greke, e cila ka paralajmëruar se do të vendosë veton kundër anëtarësimit të Shqipërisë në Bashkimin Evropian.
Sipas saj mos lejimi i kryebashkiakut të zgjedhur të Himarës Fredi Beleri të betohet është një veprim që bie ndesh me parimet e shtetit të së drejtës.
Rama dhe Mitsotakis duket se bisedojnë me tone normale me njëri-tjetrin, ndërsa të dy i bashkohen liderëve të tjerë të Europës dhe rajonit për të shkrepur foton familjare në përfundim të samitit.
Megjithatë nuk dihet nëse dy liderët kanë gjetur gjuhën e përbashkët për zgjidhjen e situatës, e cila ka krijuar një ngërç diplomatik prej muajsh.
https://m.facebook.com/ediramaal/videos/348480044586027/?ref=embed_video
Dashi
Mos jini shumë të ashpër me të dashurin/ën tuaj, ju rrezikoni ta izoloni atë. Megjithatë, gjithçka do të jetë kalimtare dhe shumë shenja pritet të përjetojnë emocione të forta. Beqarët do të jetojnë një ditë të mbushur me surpriza, menjëherë pas një pritjeje të gjatë! Të enjten, ambiciet tuaja në punë rriten dhe kështu kërkimi për afirmimin personal hapet për qëllime të reja.
Demi
Sot do të jetë një ditë e jashtëzakonshme për të përjetuar momente të këndshme me partnerin/en tuaj. Zemrat e vetmuara do të jenë të gatshme të bien në dashuri, edhe nëse duhet të distancohen nga një person. Propozimet e reja të punës që vijnë së shpejti, do t’ju vënë në lëvizje. Ata që duan aventura të reja profesionale do të jenë plotësisht të kënaqur.
Binjakët
Nëse jeni çift ju duhet të mbuloni të metat tuaja lidhur me partnerin/en që ju tregojnë më pak të pranishëm dhe më pak pretencioz. Mundohuni të kuptoni nevojat e të dashurve tuaj. Takime intriguese për beqarët, është koha e përkryer për njohje të reja! Periudhë e shkëlqyer për të bërë aleanca dhe marrëveshje të reja. Ju gjithashtu do të keni mundësi të mira për të bërë investime.
Gaforrja
Mos kini frikë të gjykoheni nga partneri/ja dhe gjithashtu besojini sekretet tuaja më të thella. Do të ndiheni më të lehtë dhe do të lëshoni energjitë që keni. Venusi i kujton beqarët të lëvizin me shkathtësi në mënyrë që të mos humbasin raste të rëndësishme. Mos u shqetësoni edhe nëse ka vendime të rëndësishme për t’u marrë, përkundrazi përqendrohuni te diplomacia.
Luani
Ju do të keni çdo mundësi për të ndryshuar një situatë sentimentale dhe ta ktheni atë në favorin tuaj. Aleanca Venus dhe Mërkur favorizojnë dialogun paqësor. Një ditë plot surpriza edhe për beqarët, ju mund të përforconi një miqësi të re dhe të jetoni një flirt. Mundësitë e papritura për rritje profesionale do të krijohen nga Urani. Një periudhë shumë me fat për biznesin ju pret.
Virgjëresha
Do të jetë një e enjte e mbushur me keqkuptime dhe divergjenca, por në bazën e çdo gjëje do të dominojë një eros i madh. Dhe kjo do t’ju bëjë të harroni të gjitha paqartësitë! Beqarët do të ndjehen shumë të dëshiruar, së shpejti do të kenë njohje të reja që do t’i japin emocione unike! Në punë, lini hapësirën e duhur për gjykimin e kolegëve tuaj. Vendosni rendin në disa situata urgjente.
Peshorja
Peshorja do të ndahet midis tërheqjes dhe diskutimit me të dashurin/ën. Por favorizimi i planetëve njofton zgjidhje të shpejta! Sot Venusi u jep bisedave intriguese edhe beqarëve për takime pasionante me njerëz interesantë. Në punë mos e humbisni veten në rekrutime të padobishme dhe përpiquni që të transmetoni stabilitet dhe siguri te eprorët.
Akrepi
Nëse kthehesh nga një histori e mbaruar shumë shpejt do të gjesh veten të interesuar për një zjarr të ri. Mos kini frikë, një dritë e re është gati të rritet! Beqarët të cilët do të duan të ndryshojnë statusin duhet të lënë mënjanë thashethemet dhe të përqendrohen te takimet! Kohë e mirë për punën, karriera ju jep kënaqësi të mëdha sot.
Shigjetari
Ditë e qetë, gjithçka shkon mirë për çiftet. Çdokush që ka jetuar një histori të gjatë mund të ringjallë marrëdhënien dhe ta bëjë atë edhe më interesante me fjalët e duhura. Beqarët mund të kenë takime magjike dhe flirte emocionuese. Një periudhë e mbushur me novacione për punë, marrëdhëniet ndërpersonale përmirësohen dhe me Marsin në favor, shumë kënaqësi do vijnë.
Bricjapi
Korniza astrale paraqitet shumë e favorshme për ndjenjat, edhe nëse nuk do të ketë atraksione të jashtme te çiftet! Ata që janë vetëm mund të mos jenë të vetëdijshëm për një interes që ata kanë ndaj një fqinji. Ju jeni plot energji dhe keni të gjitha mundësitë për të nisur aktivitetet e reja. Mbani në mend uljet dhe ngritjet.
Ujori
Një kohë ndryshimesh për çiftet. Shumë do të kenë parasysh kurorëzimin e një projekti dashurie dhe do të kenë sukses. Zemrat e vetmuara mund të ndjehen gati të bien në dashuri, edhe nëse vijnë nga një zhgënjim. Ndryshimet që paraqiten në punë dhe profesioni për shumë të lindur të Ujorit, janë të dobishme për financat.
Peshqit
Surpriza të bukura dhe konsolidime parashikohen për lidhjet që kanë kaluar nëpër periudha të pasigurta. Kujdesuni për të dashurit tuaj dhe mbështetni nevojat e tyre. Beqarët do të synojnë të kultivojnë një miqësi të distancës që mund të zbulojë zhvillime të papritura. Favori i yjeve do t’ju lejojë të arrini qëllimet e dëshiruara në punë. Jepini hapësirë ambicieve tuaja, por pa e mbingarkuar atë.
T’i shpëtosh vdekjes pas vdekjes! Një rast i tillë ka ndodhur në Angli ku teksa po zhvillohej cermonia mortore makina funerale është përfshirë nga flakët.
Makina ishte duke ecur në drejtim të varrezave të Church Stretton, kur ndodhi ngjarja, bazuar në raportimin e BBC.
Ndërkohë që forcat zjarrfikëse bënë të ditur se ishin qytetarët dhe kalimtarët e rastësishëm ata që ndihmuan në largimin e arkivolit, përpara se të përfshihej nga flakët.
Stacioni i Zjarrfikësve të Church Stretton me anë të një postimi në rrjtet sociale tha se do të kishte qenë një ditë mjaft e trishtuar për familjen e tij.
Komuniteti lokal i Amfilochisë, Greqi, është tronditur nga vdekja e papritur e një 19-vjeçari shqiptar.
Mediat greke raportojnë se i riu shqiptar humbi ndjenjat teksa hipte në një makinë që lëvizte nga Ionia Odos në Janinë. Ai u transportua në Qendrën Shëndetësore të Amfilochisë por fatkeqësisht ishte tepër vonë pasi aty u shpall i vdekur.
Trupi i pajetë i 19-vjeçarit u dërgua në Patras për autopsi për të zbardhur shkaqet e sakta të vdekjes së tij. Sipas mjekëve, shkak i vdekjes është arresti kardiak, ndërsa për shkaqet e sakta priten analizat toksikologjike.
Trupi i pajetë i 19-vjeçarit po transportohet drejt Shqipërisë së Veriut ku do të varroset nesër.
Temperaturat e larta të ditës së mërkurë, nuk do të zgjasin për shumë gjatë. Duke filluar që nga mbrëmja e të mërkurës, reshjet e shiu, dëbora dhe era e fortë, do të vijojnë për disa ditë.
Meteorologia Lajda Porja, bëri me dije se dita e enjte do të ketë rebeshe intensive shiu në ultësirën perëndimore pothuajse gjatë gjithë ditës.
“Sot edhe pse temperaturat janë 19 gradë, vranësirat janë prezente ka dhe lagjështirë. Megjithatë sonte në mbrëmje presim zhvillim të vranësirave, do të kemi reshje që do të fillojnë ne veri, veriperendim, dhe gradualisht do të përfashijnë të gjithë territorin. Madje dita e enjte të jetë me reshje intensive, rebeshe, madje në ultësirën pernedimore, pothuajse gjithë ditës”, tha Porja.
Sa i takon temperatrurave, do të ketë një rënie drastike të tyre, të cilat do të arrijnë deri në -5 gradë.
“Mbrëmjen e se enjtes dhe dita e premte të ketë një rënie të temperatruave dhe në mëngjes kjo do të sjellë reshje të dëborës në zonat malore. Të premten do të kemi rënie duke bërë që dhe fundjava të ketë -5, -6 gradë celcius në zonat verilindore dhe maksinalet nga 19 sot do të jenë jo më shumë se 12 gradë”, tha Porja.
Ndërkohë dhe Drejtoria e Përgjithshme Detare, ka paralajmëruar se do të ketë përkeqësim të situatës detare.
Sipas meteorologes, era do të shkojë deri në 80 km në orë, në det të hapur.
Premiera e filmit “5 Herë Jo” me protagonistë Bora Zemanin dhe Donald Veshaj u kurorëzua me një mbrëmje plot shkëlqim dhe të ftuar të veçantë.
Megjithatë surpriza më e veçantë e kësaj mbrëmjeje të gjatë ishte propozimi që Donaldi i bëri Borës dhe që mori mbrapsht një “Po”. Për më shumë, Bora u shpreh mbi emocionet e saj:
“Unë jam grua e martuar, kam një burrë tani. Nuk e prita fare. Ishte një surprizë shumë e bukur që e kemi vetëm për veten tonë”.
Burimi: Gazeta shqip
Çmimi i naftës në bursën ndërkombëtare ka zbritur në nivelin më të ulët që prej qershorit të këtij viti.
Sot një fuçi naftë po tregtohet me 72-73 dollarë, ndërkohë që ka rënë me afërsisht 7 dollar që prej fillimit të këtij muaji.
Ndërsa në raport me vitin e kaluar çmimi i naftës në bursë është rreth 10 dollarë më lirë.
Edhe tregu vendas ka reflektuar në shifra të vogla uljen e çmimit në bursë, pasi nga 199 lekë që ishte javën e kaluar një litër naftë, ka zbritur në mesatarisht 193-195 lekë litri.
Bursa e naftës ka qenë e luhatshme në javët e fundit, për shkak të luftës që vijon në Ukrainë dhe tensioneve Palestinë-Izrael, që vënën në pikëpyetje mjaftueshmërinë e naftës në treg.
Edicioni i tretë i spektaklit të ‘Big Brother Vip Albania’ pritet të nis më 13 janar të vitit që po vjen.
Deri më tani janë zbuluar disa nga banorët të cilët thuhet se do të jenë pjesë e këtij spektakli.
Burime të “Kryefjala” kanë zbuluar edhe dy banorë të tjerë të cilët janë ish-konkurrenti i emisionit të dashurisë “Për’puthen” dhe moderatorja e “Top Albania Radio” Ksenja Shoshaj.
Ndërkohë banorë të tjerë që janë konfirmuar janë Olsi Bylyku, Graciano Tagani, Alfio Rrotani, Cubi Metkaj, Bardhi, Endrik Beba, La Fazani.
Emra të pakonfirmuar ende që pritet të jenë pjesë e show-t janë Jul Deda, Egli Tako.
Ndërkohë emisionin flitet se do ta drejtojë Ledio Liço dhe jo më Arbana Osmani.
Ledioni ka prezantuar vetëm një nga edicionet e “Big Brother”, ndërkohë edhe Graciano futjen në spektakël e ka për herë të dytë pasi ka marrë pjesë edhe tek “Big Brother 5”.
Komuniteti lokal i Amfilochisë në Greqi, është tronditur nga vdekja e papritur e një 19-vjeçari shqiptari, i cili udhëtonte në një automjet që lëvizte në “Ionia Odos”.
19-vjeçari ka humbur ndjenjat teksa udhëtonte në një makinë që po lëvizte pasditen e djeshme pranë Amfilochisë dhe po shkonte drejt Janinës.
Ai u transportua në Qendrën Shëndetësore të Amfilochisë por fatkeqësisht ishte tepër vonë, sepse u shpall i vdekur.
Trupi i pajetë i 19-vjeçarit u dërgua në Patra për autopsi për të zbardhur shkaqet e sakta të vdekjes së tij. Sipas informacioneve, shkak i vdekjes është arresti kardiak, ndërsa për shkaqet e sakta priten analizat toksikologjike.
Trupi i pajetë i 19-vjeçarit do transportohet drejt Shqipërisë së Veriut ku do të kryhet ceremonia mortore.
