Lajme Flesh

Një automjet tip “Passat” çau pikën kufitare të Kapshticës në Devoll dhe kaloi poshtë hundës së policisë duke kaluar në Greqi.

E gjithë trajektorja e lëvizjes së makinës së ngarkuar me 26 kg drogë, është filmuar nga kamerat e sigurisë së pikës kufitare Kapshticë.

Kamerat e siguruara nga Ora News, kanë filmuar dhe lëvizjet e dyshimta të Stiljan Pashos, kryekomisarit të kufirit në Korçë, i cili shfaqet duke zbritur pikërisht në makinën ku ndodhej droga dhe mandej kryen veprime konkrete për sjelljen e lehtësirave të kalimit pa pengesa dhe mes policëve të automjetit tip “Passat” që shihet në pamjet filmike.

Në këto pamje filmike tregohet qartë se kryekomisari i kufirit Stiljan Pasho, ka udhëtuar nga Korça në Kapshticë në këtë makinë, duke qëndruar në vendin e parë. Në këtë moment Pasho zbret nga makina dhe drejtohet tek grupi i policëve të kontrollit.

Ndërsa në këtë moment nga dera e pasme e “Passatit” del një person me bluzë të verdhë duke hyrë sërisht në makinë, pikërisht në vendin e parë ku qëndronte shefi i kufirit, Stiljan Pasho.

Pasho drejtohet tek pika e kontrollit dhe urdhëron policët që të kontrollojnë një makinë tip “Benz-Mercedez”, pasi kishte informacion se në mjet mund të kishte sende të paligjshme.

Në fakt Benzi ishte makina pararojë e automjetit tip “Passat” dhe është përdorur si kamuflim për të shpëtuar nga kontrolli fizik, pikërisht automjetin tip “Passat”.

Teksa policët kontrollonin mjetin tip “Benz”, në pamjet filmike duket qartë se si Stiljan Pasho, largohet për një çast nga grupi i kontrollit dhe shkon ngadalë tek “Passati”.

Ai flet diçka me drejtuesin e mjetit Lorenco Lika dhe ky i fundit nxjerr “Passatin” nga rradha e pritjes. Në këtë moment kryekomisari i kufirit ia bën me dorë për tu larguar mes policëve të kontrollit duke kaluar në anën e pikës doganore të Greqisë.

Por këto lëvizje ranë në sy të policëve grekë të cilët sapo “Passati” mbërriti në pikën doganore të tyre, ushtruan një kontroll të imtësishëm duke arritur të gjejnë plot 26 kg drogë.

Grekët arrestuan Lorenco Lika dhe pas tij edhe personin që kishte dalë për të pritur sasinë e drogës.

E gjitha ka ndodhur në 27 nëntor 2023, ndërsa pas dy ditësh është bërë nga AMP Korçë dhe prokuroria e qytetit, arrestimi i shefit të kufirit për qarkun e Korçës, Stiljan Pasho.

Në lidhje me këtë procedim penal është bashkëpunuar ngushtësisht edhe me homologët e Policisë greke nëpërmjet Pikës së Bashkëpunimit Policor Greqi – Shqipëri, e si rezultat i këtij bashkëpunimi është bërë e mundur kapja e 26 kg lëndë narkotike në shtetin grek.

Një ngjarje e rëndë ka ndodhur në Shkup. Dy të mitura dyshohet se janë abuzuar seksualisht, pasi një grua i mundësoi dy burrave të kenë marrëdhënie seksuale me to dhe i xhiroi gjatë aktit.

Lajmin tronditës e ka bërë me dije Ministria e Punëve të Brendshme në Maqedoninë e Veriut.

“Më datë 01.12.2023 rreth orës 06 në Shkup është arrestuar G.R. nga Shkupi për shkak të ekzistimit të dyshimit se në territorin e Shkupit ua ka mundësuar dy meshkujve të moshuar të kenë marrëdhënie seksuale me dy të mitura nga Shkupi, pas çfarë të njëjtat i ka xhiruar.

Është njoftuar prokurori publik dhe ndërmerren masat për zbardhjen e rastit”, thuhet në njoftimin e MPB-së së Maqedonisë së Veriut.

Pas arrestimit nga policia e Kosovës, në lidhje me vrasjen e Liridona Murselit, Granit Plava ka deklaruar edhe shumën sa u pagua nga bashkëshorti i të ndjerës për të kryer krimin.

Sipas burimeve të Express, personi i dytë i arrestuar i cili edhe ka pranuar veprën, ka deklaruar se Naim Murseli ia ka dhënë 30 mijë euro për ta kryer aktin e vrasjes. Policia e Kosovës arrestoi edhe bashkëshortin e 33-vjeçares si të implikuar në vrasje.

Ata janë të dyshuar për vrasje në bashkëpunim dhe inskenim i grabitjes. Liridona Murseli është vrarë me armë zjarri në orët e para të mbrëmjes së 29 nëntorit derisa kishte qenë në makinë bashkë me burrin e saj dhe dy fëmijët. Sipas versionit fillestar të burrit të saj, atyre u ishte bërë pritë nga grabitësit.

Një prej personave të arrestuar si i dyshuar për përfshirje në vrasjen e Liridona Murselit është Naim Murseli. Përveç Murselit, është arrestuar edhe një person tjetër i dyshuar, nga Gjakova, i cili në deklaratën e tij para policisë ka pranuar se ka kryer veprën dhe ka deklaruar se Naim Murseli e ka paguar 30 mijë euro për një gjë të tillë.

Por kush është Naim Murseli?

Murseli në Kosovë njihet për angazhimin e tij si pjesë e stafit të ngushtë të kreut të Aleancës Kosova e Re, Behgjet Pacolli.

Me një shikim të shkurtër në profilin e tij në “facebook”, shihen fotografitë e shumta që Murseli ka publikuar nga jetesa luksoze që ka bërë, në Suedi, por edhe në udhëtime të ndryshme bashkë me Pacollin.

Të shumta janë edhe fotografitë e tij me gruan, Liridonën, e cila është varrosur sot në fshatin e saj të lindjes në Gjakovë.

Sipas të dhënave që janë të disponueshme në internet, Murseli e ka kryer edhe shkollën e mesme në Gjimnazin “Agnebergs” në qytetin Uddevalla nga viti 2006 deri në vitin 2009 në Suedi, megjithatë nuk dihet se në çfarë drejtimi.

Pas kësaj, Murseli ka regjistruar Shkollën për Biznes në vitin 2010 për tu diplomuar më pas. Nga viti 2011, ai ka punuar në Suedi si shitës dhe agjent i shitjes në kompani të ndyrshme suedeze.

Ai gjithashtu figuron si themelues i një kompani mediale dhe se është marrë edhe me marketing në Suedi.

Naim Murseli [1990] ka qenë i martuar me Liridona Murselin dhe me të ka dy fëmijë.

Për Murselin sot ka folur edhe këshilltari kryesor i Behgjet Pacollit, Jetlir Zyberaj. Ai për Express ka thënë se Murseli ishte bërë pjesë e stafit të Pacollit por që zyrtarisht s’ka qenë këshilltar. Sipas Zyberajt, Murseli ka qenë asistent për rrjete sociale për shkak të njojurive që ka pasur në IT

“Jemi te shokuar nga lajmi per vrasjen e rende te nje nene te re. Na Inkurajon fakti qe reagimi profesional dhe efikas i policise ka qene i menjehershem.Murseli ka qene nje djal i ri eshte bere pjese e stafit te gjere te z.Pacolli, por qe zyrtarisht nuk ka qene keshilltar i tij. E verteta eshte se ka qene asistent per rrjetet sociale per shkak te njohurive te IT qe ka pasur dhe i eshte dhene mundesia nga ish presidenti Pacolli. Megjithate rasti i rende qe ka ndodhur duhet te zbardhet dhe pergjegjesit duhet ta marrin denimin kapital”, ka thënë ai.

Shqiptarët kanë renditur se cilet janë vendet mike dhe armike me Shqipërinë në sondazhin e fundit të Barometrit.

Italia, Gjermania, SHBA-ja, Turqia janë sipas renditjes së qytetarëve më miqësore me vendin tonë në krahasim me 14 vende të tjera të listuara në pyetjen drejtuar atyre. Përkatësisht Italia 98 përqind, Gjermania 92 përqind, SHBA 91 përqind dhe Turqia 90,5 përqind.

Në analizën e mëtejshme të këtij vleresimi rezulton se vendet më armiqësore sipas tyre janë Serbia dhe Rusia.

Kjo gjë konfirmohet edhe në pyetjen e drejtpërdrejtë të Barometrit për vendet armike, ku Serbia kryeson listën e vendeve të vleresuara si më armiqësore me 49,7 përqind, ndjekur nga Rusia me 49 përqind.

Një vlerësim më neutral për të qenit miqësor me vendin tonë, qytetarët e kanë për vendet e tjera europiane si Britania e vlerësuar me 67.4 përqind si mike dhe 6.6 përqind si armike, apo vendet e Ballkanit Perëndimor dhe rajonit.

Kjo renditje në analizën e të dhënave të krahasuara më një vit më parë nuk ka ndryshime çka tregon se kjo është një bindje kulturore dhe historike dhe jo rastërore për qytetarët shqiptarë.

Po kështu edhe krahasimi i vlerësimit për miq dhe armiq të shqiptarëve nuk ka diferencë të dukshme në grupmosha të ndryshme, por është pak a shumë një vlerësim në të njejtat nivele.

Sonila Çota është shqiptarja që ka lidhur kurorë me pakistanezin Was Khan. Ata kanë një histori sa të bukur dhe të vështirë të dashurisë së tyre.

Në një lidhje me Skype për “ABC e Mëngjesit”, nga SHBA, vend dhe në të cilin jetojnë, çifti kanë zbuluar shumë detaje, të cilat kanë qene vertet prekëse.

 “Unë kam ardhur në Amerikë në vitin 2007. Kam bërë bashkim familjar me burrin e parë dhe kam 16 vite në Amerikë tani. Martesa e parë nuk shkoi ashtu siç e mendova unë. Patëm disa probleme familjare dhe martesa jonë u ndërpre. Unë Wasin e kam njohur në punë, ku unë punoja si menaxhere në kompaninë e tij. Aty kemi punuar bashkë dhe në një kohë kemi bërë muhabete, kemi ndarë gjëra familjare. Aty duke kaluar vitet, ai më tregon për veten e tij, që kishte disa probleme me martesën.

Unë fillova t’i shpjegoja jetën time se isha krejt e vetme këtu. Kisha vetëm njerëzit e burrit dhe pak më vonë erdhi djali i dajës dhe daja. Sikur u ndjeva pak më mirë se kisha një person timin afër. Unë doja dikë që të shprehesha, t’i tregoja jetën time, çfarë po ndodhte me mua. Nuk ja tregoja dot familjes sime sepse nuk doja t’i bëja merak, nuk doja t’i mërzisja. I thoja se çdo gjë është mirë. Kisha nevojë të bisedoja, të tregoja atë ç’ka isha duke përjetuar. Kishte ditë që unë vija në punë dhe isha shumë e mërzitur. Ai më pyeste, por unë nuk i tregoja, derisa erdhi një ditë dhe nuk po e mbaja dot më.

Unë u ndava në 2012 dhe lëviza nga shtëpia ku isha me burrin dhe ndejta me qira me gocat. Edhe aty mora prindërit, dmth i merrja çdo 6 muaj për vizitë në Amerikë. Prindërit e takuan dhe e pëlqyen shumë sepse siç e shikoni dhe vetë është shumë i çiltër, familjar, është shumë i ëmbël.

Tre fëmijët e Wasit jetojnë me mamanë e tyre, dy vajzat e mia jetojnë me mua. Ndërsa bashkë me Wasin kemi një djalë dhe një vajzë. Gjithmonë mblidhemi bashkë”, rrëfeu Sonila.

Sot ka që e quajnë leckë, por ne kemi Iuftuar dhe sakrifikuar shumë për flanmrin kuq e zi. Pak njerëz kanë dëgjuar për Ahmet Zherkën. Historia e tij është tepër interesante.

Ahmeti mbahet në mend për eliminimin e një rusi në Neë York, pasi ia kishte shqyer para syve flamurin shqiptar. Për këtë akt e kishte arsyetuar edhe gjyqësori amerikan, duke mos e dënuar. Aktivisti i njohur i komunitetit shqiptar në SHBA, Ahmet Zherka, ka ndërruar jetë në vitin 2016. Ahmet Hasan Zherka kishte lindur më 20 shtator 1933 në Zherkë të Malësisë Gjakovës.

Një kohë jetoi në Plavë-Guci e pastaj në Kosovë. Më 1967 emigroi në SHBA, ku u shqua për veprimtari në mbështetje të aspiratave të shqiptarëve të Kosovës. Është edhe i biri i tij, Ilir Zherka, si një zyrtar i Departamentit amerikan të Shtetit, i cili mori pjesë në hapjen e Zyrës Amerikane në Prishtinë, 26 vjet më parë, e cila pas luftës u shndërrua në ambasadë të SHBA.

Familja e Ahmet Zherkës ishte arratisur në Kosovë nga Bytyçi i Tropojës. Ahmeti kishte mbaruar shkollën normale në Ferizaj (siç quhej atëherë shkolla e mesme, që kualifikonte mësuesit). Në Nju Jork ishte afirmuar si patriot trim, meqë i kishte ndodhur fatkeqësia që e kishte afirmuar.

Ai kishte eliminuar punëdhënësin e tij ruso-amerikan. Shkak kishte qenë vizita që i kishte bërë ai Ahmetit në zyrë të punës. Me atë rast punëdhënësi ruso-amerikan ia kishte grisur flamurin kombëtar shqiptar, të cilin Ahmeti e mbante mbi tavolinë të punës. Flamurin e kishte sharë mbi baza nacionaliste e shoviniste. I ofenduar rëndë, Ahmeti e eliminon. Dënimi kishte qenë i butë për shkak të motivit e rrethanave të eliminimit.

Një hartë e Shqipërisë është e vendosur në hyrje të një restoranti në Chişinău në Moldavi.

Nuk është rastësisht aty. Gjergji, ka jetuar gjithë jetën e tij në Moldavi, por siç mund ta kuptoni dhe emri, është me origjinë shqiptare. Ai tregon se kanë kaluar 250 vite, qëkur paraardhësit e tij u larguan nga Shqipëria.

“Jam shqiptar, ne themi që gjaku nuk bëhet ujë. Apo jo? Jam shqiptar, patriot i Shqipërisë, jam krenar që jam shqiptar,” – u shpreh Gjergji.

Ai vazhdon të jetë “fanatik” i origjinës së tij. Duke mos dashur të humbasë asnjë gjurmë nga traditat e vendit të tij, ka ndërtuar një restorant shqiptar në kryeqytetin moldav.

“Kam një ide. Dua që veshjet tradicionale shqiptare me manekin t’i vendos këtu në anë,” – tregoi ai.

“Moldavët thonë sa mirë, pëlqejnë kuzhinën shqiptare, ushqimet e Shqipërisë dhe të Ballkanit, kënaqen kur vijnë këtu në lokal,” – shtoi Gjergji.

Dashuria për vendin e tij, është si vera. Sa më shumë të qëndrojë larg Shqipërisë, aq më shumë shtohet malli për të.

“Çdo vit pushimet i bëj në Shqipëri. Shëngjin, Sarandë, Vlora, Durrësi, gjithë bregdetin, familja çdo vit më pyesin dhe u them do ikim në Shqipëri. Këtë vit do shkojmë në Vlorë dhe në Shëngjin,” – u shpreh Gjergji.

Ai ka krijuar familjen e tij në Moldavi. Dëshira për t’i mësuar shqipen fëmijëve është e madhe.

“Kanë mësuar shumë pak, dinë anglisht dhe më thonë ‘babi na lër se flasim anglisht, s’ka problem’. Unë dua të mësojnë shqip,” – tregoi Gjergji.

Ketë muaj kombëtarja e futbollit shqiptar do të luajë kundër Moldavisë. Midis dy zgjedhjeve të vështira, Gjergji nuk nguron me përgjigje, ai bën tifo për Shqipërinë.

Gjergji do të vazhdojë të jetë një ambasador i kulturës shqiptare në Moldavi me restorantin e tij, duke qenë kështu një shembull për atdhedashurinë për gjithë shqiptarët në botë.

Drejtuesi i Kishës Katakomb Shën Kozmai në Elbasan, at Nikolla Xhufka u shpreh se më 28 nëntor ka bërë një meshë në një kishë Ortodokse shqiptare në Podujevë, e cila ishte uzurpuar sipas tij në mënyrë të padrejtë nga kisha serbe. Ai tha se nga dita e mëshimit dhe lutjeve që janë kryer, ajo kishë është nën administrimin e kishës së Elbasanit.

“Situata është e tillë. Kemi një deklaratë nga Patriarkana Ortodokse e Beogradit, kemi dhe një deklaratë e Dioqezës së Rashkës dhe ajo e Prizrenit. Komuniteti shqiptar në Komunën e Podujevë, ka ruajtur me breza një kishë ortodokse, që ata thonë se ajo është kisha e fundit ortodokse e mbetur shqiptare. Dhe kanë ardhur një përfaqësi e tyre dhe më kanë takuar në Elbasan dhe kanë kërkuar ndihmë e kishës tonë të Elbasanit për ta marrë dhe për ta rikthyer atë kishë në identitet. Ne shkuam atje, e kompletuam kishën me aq mundësi sa kishim me ato ikonat, qirinjtë, kryqin dhe sigurisht edhe flamurin. Mbajtëm një meshë atje, një liturgji hyjnore dhe me vendim të Këshillit të Kishës Ortodokse Shqiptare, kisha është që nga dita e meshimit, pra që nga data 28 nëntor 2023, ajo kishë është nën administrimin e kishës tonë”, tha ai.

Ai tha në Abc e Mëngjesit, se ka pyetur çdo banor të zonës, të cilët sipas at Xhufkës kanë deklaruar se kisha ortodokse është shqiptare dhe nuk ka asnjë lidhje me atë serbe. I pyetur nëse ka marrë ndonjë letër dhe a njihet si prift nga ana e Kosovës, at Xhufka dha këtë përgjigje:

“Banorët thonin ne dikur kemi qenë ortodoksë. Misioni i kishës tonë është të marrim atë që na takon me të drejtë nga Zoti dhe nga populli. Kisha është monument kulture dhe mbrohet nga shteti i Kosovës. Unë nuk po shkoj atje për veten time, unë po shkoj atje për të gjithë shqiptarët që dëshirojnë kthimin e kishave ortodokse të uzurpuara nga pseudo-kisha serbe. Mjafton vetëm dëshira e mirë. Ne jemi dy priftërinj që shërbejmë atje. Mua rëndësi ka qe më njeh ligji si prift i rregullt, ligji shqiptar dhe ligjit i Kosovës patjetër. Në atë shërbesë nuk ua kam sjell fotot dhe videot për arsye sigurie të disa personave. Në atë ditë, ne kemi mbledhur të gjitha firmat të banorëve të vjetër që janë aty. Kemi shkuar dhe kam takuar personalisht çdo banor dhe i kam pyetur se çfarë kishe është kjo dhe na kanë thënë: Kjo është kishë ortodokse shqiptare dhe nuk është serbe”, shtoi ai.

Ish-kryeministri i Shqipërisë Sali Berisha mbajti këtë të premte një deklartë për mediat, ku u ndal dhe te çështja “Beleri”. Berisha nënvizoi se është kryeministri Rama personi i cili nuk e lejon kryebashkiakun e zgjedhur të Himarës të betohet.

Kjo sipas ish-kryeministrit bëhet vetëm për arsyen se Beleri nuk lejon që mafia e pushtetit të pushtojë brigjet në Jug të vendit.

Berisha tha se Rama është i gatshëm të bllokojë avancimin e integrimit vetëm për të arritur qëllimet në lidhje me tokat në bregdet.

“Edi Rama nuk mund të pranojë komisionet hetimore parlamentare për sterilizimin, sepse ai është bosi i sterilizimit. Kurrë një ministër nuk mund të nxirrte kryeministrin e vendit me një gërshërë të thyer dhe me një pincë me një krah për të mashtruar publikisht shqiptarët se ja si operoheshin ju, para se muratori im të merrte sterilizimin e veglave të kirurgjisë”, tha Berisha.

“Në këtë rast, Beqaj është thjesht një Lefter Kokë, kurse koka e Meduzës e vjedhjes dhe e krimit është Edi Rama. Edi Rama nuk pranon dot komisionin hetimor parlamentar për check-upin që e ka bashkëshortja e kushëririt, që regjistron në seri shpirtra të vdekur si në defteret e Çiçikovit për të vjedhur dhe mbushur xhepat me miliona euro”, shtoi Berisha.

“Edi Rama nuk mund të pranojë hetimin e plaçkitjes së pronave të qytetarëve shqiptarë me të ashtuquajturat investitorë strategjikë sepse është vetë një nga makutërit, një nga plaçkitësit më të mëdhenj të këtyre pronave. Po bllokon negociatat, siç i ka bllokuar për 10 vite me radhë, i bllokon edhe tani vetëm e vetëm pse Beleri është një lloj Bollanoje që nuk lejon që mafia e Edi Ramës dhe pushtetit të pushtojë brigjet dhe tokat e banorëve të bregut. Nuk lejon. Këtu është gjithë problemi, ndaj dhe ai nuk pranon hetimin”, tha më tej ish-kryeministri.

“Qytetarë, do thoni ju fjalën tuaj. Sot revolta po vlon në shpirtin e çdo shqiptari. Sot revolta po zien në shpirtin e çdo shqiptari. Sot më shumë se kurrë, imagjinata e shqiptarëve punon për mosbindjen civile. Parlamenti është bërë shembulli më i gjallë, më frymëzues, më magjepsës i të gjithë atyre që janë të vendosur të angazhohen në një betejë pa kthim për përmbysjen e këtij regjimi banditesk. Edhe njëherë, seanca e gjyqit shtyhet për ditën e hënë”, tha Berisha.

UEFA ka publikuar rezultatet pas votimit të fansave për golin më të bukur të kualifikueseve të “Euro 2024”. Dy futbollistët e Kombëtares shqiptare, Jasir Asani dhe Kristjan Asllani, janë renditur në podium.

Sulmuesi anësor i Kombëtares sonë, Asani, është renditur i dyti me vota për golin e shënuar kundër Polonisë në “Air Albania”, ndërsa mesfushori Asllani i treti për “silurën” e realizuar në transfertë kundër Ishujve Faroe.

Vendin e parë e ka zënë lojtari i Kazakistanit, Askhat Tagybergen, me golin e shënuar me një “volej” kundër Danimarkës. Më poshtë ju sjellim renditjen e 10 golave më të votuar nga fansat:

Askhat Tagybergen | Kazakistan-Danimarkë

Jasir Asani | Shqipëri-Poloni

Kristjan Asllani | Ishujt Faroe-Shqipëri

Emin Makhmudov | Azerbajxhan-Suedi

Yunus Akgun | Turqi-Letoni

Zan Vipotnik | Kazakistan-Slloveni

Kylian Mbappe | Francë-Gjibraltar

Sandro Ëolfinger | Bosnje Hercegovine-Lihtenshtejn

Leandro-Trossard | Belgjikë-Estoni

Bukayo Saka | Angli-Maqedoni e Veriut