Lajme Flesh

Kirurgu estetik, Panajot Papa, ishte i ftuar në emisionin “Wake Up”, ku ka folur për ndërhyrjet estetike në Shqipëri.

I pyetur “nëse janë shtuar meshkujt që bëjnë më shumë ndërhyrje kirurgjikale dhe a pendohen më vonë?”, Papa tregoi një rast që i ka ndodhur vërtetë.

Një rast që i ka bërë përshtypje është i një burri i cili kërkoi që të zmadhonte organin gjenital. Ai ishte i shoqëruar nga bashkëshortja e tij, por pas një viti, erdhën sërish në klinikë dhe gruaja i kërkon doktorit që ta ndihmojë burrin të rikthehet ashtu siç ka qenë, pasi kishin probleme gjatë raportit seksual etj. Sipas doktorit, rikthimin në gjendjen e mëparshme të burrit, kjo gjë ishte e pamundur.

Pjesë nga biseda:

Panajot Papa: Kemi një rast konkret që duket si barsoletë, por është reale, ku erdhën burrë e grua dhe partneri bëri një operacion. Erdhi me një letër nga psikiatri që të bëhej operacioni, pasi pacienti është në rregull. Pas një viti bashkëshortja e solli përdore burrin dhe tha ju lutem ma ktheni burrin në gjendje të mëparshme.

Neada Muçaj: Pse çfarë nuk shkonte?

Panajot Papa: Kishin dhimbje gjatë raporteve dhe faktikisht nuk u kthye në gjendjen e mëparshme, ky është problemi. Aty është vendosur proteza dhe njëkohësisht i është bërë një prerje të një muskuli që mund të japë në pjesën automike një zmadhim prej 4 centimetra. Automatikisht është shumë e vështirë ta rindërtosh këtë lloj legamenti. Në momentin që i është bërë vizita dhe i është bërë trajtimi, është shumë e rëndësishme që pacienti të mendojë mirë se çfarë është duke bërë, të marrë informacionin e duhur dhe në momentin që e ka marrë informacionin dhe deri diku është e nevojshme dhe jo detyrimisht estetike, automatikisht mund të bëhet korrigjimi. Shpeshherë nuk ka një kthim mbrapa të bëhet një korrigjim duke prerë lëkurën sepse shumica e rasteve ti deri diku në operacion në vetvete krijon një ind fibrotik brenda në trup dhe nuk është se ka një kthim mbrapa.

https://www.instagram.com/_u/wakeup_topchannel/?utm_source=ig_embed&ig_rid=b2db3732-57de-4276-81d0-406a156a74f3&ig_mid=30F96D19-9497-4CC5-9588-02A7B6870277

Dy të vdekur dhe katër të plagosur është bilanci i një aksidenti tragjik të ndodhur në Greqi mëngjesin e sotëm. Siç bëjnë me dije mediet greke, një prej viktimave është një 18-vjeçare me origjinë shqiptare.

Ngjarja ka ndodhur në orët e para të mëngjesit në Avenue Athinë-Souniou, në lartësinë e Varkizës, pak pas liqenit të Vouliagmenit. Në aksident u përfshinë dy makina të cilat janë përplasur me njëra-tjetrën.

Zjarrfikësit, të cilët shkuan menjëherë në vendin e ngjarjes nxorën pa shenja jete dy vajza nga njëra makinë dhe dy persona të tjerë të lënduar, ndërsa sipas informacioneve në të njëjtën veturë ka qenë edhe pasagjeri i pestë i lënduar, i cili nuk ka pasur nevojë të shpëtohet nga zjarrfikësit.

Në automjetin tjetër të përfshirë në përplasje raportohet se në bord ndodheshin dy persona, njëri prej të cilëve ka mbetur i plagosur.

Prokuroria e Posaçme Kundër krimit të Organizuar dhe Korrupsionit (SPAK_ ka nisur ditën e sotme një hetim pasuror ndaj këngëtares së mirënjohur Elvana Gjata, e fejuara e Ervin matës, i cili ëhstë shpallur në kërkim.

Hetimi ndaj Elvana Gjatës nis pasi emri i saj doli në një nga përgjimet e zbardhura në SKY EÇ, ku në një moment Ervin Mata gjatë një bisede me Erzen Breçanin (i arrestuar) i thotë se do t’i niste 500 mijë euro përmes llogarëisë së të fejuarës së tij.

Në databazën e “OpenCorporates” rezulton se Elvana Gjata ka të regjistruar në QKR kompaninë me emër EMM ku si administrator rezulton Jonisa Bytyçi.

Kjo kompani në objektin e veprimtarisë ka “Administrimi dhe menaxhimi i artisteve, te fonogramit si dhe me gjere, mbajtja e te drejtave pasurore te autorit kundrejt nje shperblimi. Lidhjen e kontratave nepermjet autorit ose titullarit per kalimin e nje ose me shume te drejtave kundrejt nje shperblimi. Mbajtjen e drejtes se riprodhimit te veprave artistike, te drejten e shperndarjes se veprave artistike, te drejten e komunikimit ne publik te veprave artistike, si dhe cdo te drejte tjeter te veprave artistike”.

Agjencia Kombëtare e Mbrojtjes Civile ka bërë me dije se, në orët në vijim pritet të ketë një rritje të ndjeshme të reshjeve në disa pjesë të territorit të vendit, nga ku edhe priten probleme.

Parashikimi nga ekspertët e Institutit të Gjeoshkencave “IGJEO” tregon se gjatë ditës së nesërme, datë 25.11.2023 parashikohen reshje shiu të herëpashershme që në orët e para të 24-orëshit në pjesën më të madhe të vendit.

Shtrëngatat dhe intensiteti i lartë i reshjeve për momente të shkurtra mund të krijojnë probleme të ndryshme si dhe vërshime të ujit në zonat urbane në varësi të sistemit të kanalizimeve në qarqet Shkodër, Kukës dhe Lezhë.

Sasia e reshjeve pritet të jetë më intensive në qarqet Shkodër, Kukës dhe Lezhë.

Në qarqet Dibër, Elbasan, Berat dhe Vlorë priten reshje shiu me intensitet mesatare deri lokalisht intensive.

Reshje shiu me intensitet të ulët deri në mesatar priten në qarqet e tjera.

Hera-herës reshjet pritet të jenë në formën e shtrëngatave shoqëruar me shkarkesa elektrike.

Në verilindje-lindje në lartësinë mbi 200-300 metra dhe në pjesën tjetër të vendit në lartësinë mbi 700-800 metra reshjet pritet të jenë në formën e dëborës me intensitet të ulët deri mesatar. Në verilindje-lindje hera-herës reshjet e borës pritet të jenë edhe në formën e stuhive të dëborës.

Në datën 26.11.2023, parashikohet ndërprerja e reshjeve të shiut dhe në zonat malore në lartësinë mbi 200-300 dhe juglindje në lartësinë mbi 700-800 metra, reshje bore deri në orët e mëngjesit me intensitet të ulët më pas pritet ndërprerja e tyre.

Priten ngrica të forta përgjatë akseve rrugore kryesisht në zonat malore. Në këtë kohë, bashkitë të mobilizojnë strukturat operacionale dhe të mbajnë në gatishmëri mjetet për t’ju ardhur në ndihmë qytetarëve në raste nevoje.

Nëse hasni në ndonjë situatë emergjente, ju lutemi të kujdeseni për veten tuaj dhe për të tjerët. Numri i emergjencave 08000911 është gati për t’ju ndihmuar dhe për t’ju ofruar këshilla në kohë reale.

SPAK ka nisur një hetim pasuror për këngëtaren e njohur, Elvana Gjata, pasi emri i saj u përmend në përgjimet e Sky Ecc, të cilët çuan në burg zyrtarë dhe ish-zyrtarë të shtetit. Sipas komunikimeve në aplikacionin “SKY” mes Matës dhe Breçanit, i ka thënë se “do t’i dërgojë 500 mijë euro përmes llogarisë së Elvanës”.

Pjesë nga dokumenti ku shpjegon nisjen e hetimeve:

Elvana Gjata, e bija e Fatmir dhe e Donika, e datëlindjes 03.02.1987, lindur në Tiranë.

Matilda Grabova, e bija e Bajram dhe e Albana, e datëlindjes 28.04.2000, lindur në Durrës

Marko Grabova, i biri i Bajram dhe i Albana, i datëlindjes 11.10.2005, lindur në Durrës.

Jonida Babameto, e bija e Trifon dhe e Llambrini, e datëlindjes 24.10.1977, lindur në Fier.

Egon Babameto, i biri i Petrit dhe i Liri, i datëlindjes 28.01.1963, lindur në Durrës.

Edo Babameto, i biri i Egon dhe i Jonida, i datëlindjes 09.09.2006, lindur në Tiranë.

Luna Babameto, e bija e Egon dhe e Jonida, e datëlindjes 12.02.2008, lindur në Tiranë.

Ervin Mata, i biri i Luan dhe i Merita, i datëlindjes 10.08.1987, lindur në Tiranë.

Luan Mata, i biri i Zeqir dhe i Hanife, i datëlindjes 01.05.1960, lindur në Lejcan, Dibër.

Merita Mata, e bija e Fejzi dhe e Qerime, e datëlindjes 16.12.1960, lindur në Tiranë.

Emis Mata, e bija e Fejzi dhe e Qerime, e datëlindjes 29.08.1997, lindur në Tiranë.

Duke folur për gazetarët këtë të premte, Edi Rama iu përgjigj pyetjes nëse Greqia mund të vendosë veton për pengimin e rrugës së Shqipërisë drejt BE, nëse nuk zgjidhet “çështja” Beleri.

Ai tha se nuk preferon që të përgjigjet për diçka që ka ndodhur duke shtuar se edhe mund të ndodhë.

“A mundet Greqia të bllokojë? Po edhe mundet. Po pastaj? Nëse do ndodhë, kur të ndodhë do të dëgjoni komentin tim, s’kam pse bëj një koment para se diçka të ndodhë. Jetojmë në një botë ku secili ka të vetat”, tha ai.

SPAK ka nisur një hetim pasuror për këngëtaren e njohur, Elvana Gjata, pasi emri i saj u përmend në përgjimet e Sky Eç, të cilët çuan në burg zyrtarë dhe ish-zyrtarë të shtetit.

Sipas komunikimeve në aplikacionin “SKY” mes Matës dhe Breçanit, i ka thënë se “do t’i dërgojë 500 mijë euro përmes llogarisë së Elvanës”.

Në databazën e “OpenCorporates” rezulton se Elvana Gjata ka të regjistruar në QKR kompaninë me emër EMM ku si administrator rezulton Jonisa Bytyçi.

Kjo kompani në objektin e veprimtarisë ka “Administrimi dhe menaxhimi i artisteve, te fonogramit si dhe me gjere, mbajtja e te drejtave pasurore te autorit kundrejt nje shperblimi. Lidhjen e kontratave nepermjet autorit ose titullarit per kalimin e nje ose me shume te drejtave kundrejt nje shperblimi. Mbajtjen e drejtes se riprodhimit te veprave artistike, te drejten e shperndarjes se veprave artistike, te drejten e komunikimit ne publik te veprave artistike, si dhe cdo te drejte tjeter te veprave artistike”.

Sipas deklaratave në tatime kompania EMM ka shënuar një bum të vërtetë fitimesh në dy vitet e fundit, 2021 dhe 2022.

Konkretisht në 2021 kjo kompani e Elvana Gjatës 32.4 milionë lekë të reja ndërsa fitim para tatimit 15.5 milionë lekë të reja.

Akoma më i begatë ka qenë viti 2022 për këngëtaren që ka raportuar në Tatime 87.9 milionë lekë të reja ndërsa fitim para tatimit 68 milionë lekë të reja.

Sipas tabelave që i bashkëngjiten këtyre deklarimeve rezulton se Elvana Gjata në vitin 2022 ka pasur të ardhura neto nga shitjet 86.5 milionë lekë si dhe të ardhura nga veprimtaritë e shfrytëzimit 1.3 milionë lekë.

Sa i takon shpenzimeve në të njëjtin vit ajo ka deklaruar shpenzime personeli 1.5 milionë lekë, paga 1.3 milionë lekë si dhe shpenzime të tjera 14 milionë lekë.

Vëllai i ish-kryeministrit të Maqedonisë së Veriut, Zoran Zaev, Vice është ortak në një biznes të madh në jug-lindje të Shqipërisë me një prej të akuzuarve të SPAK nga grupi i Ervin Matës.

Kështu u shpreh eksperti i kriminalistikës, Ervin Karamuço në një intervistë për “Top Talk” në Top Channel. Karamuço tha se një personazh shumë i rëndësishëm i grupit Mata-Breçani të goditur nga SPAK, është “në biznes” me vëllain e Zaev. Ky i fundit është akuzuar dhjetëra herë për përfshirje në afera të mëdha korruptive në vendin e tij.

“Përdorin një lloj letre për ta paketuar që reflekton deri në një farë pike rrezet e skanerit. Dhe kjo del edhe në përgjime, ku thotë “e shtrojmë me letër”. Ato miliona që komunikojnë ata 2-3 milionë euro, janë normale për një marzh kaq të lartë fitimi nga kokaina, pasi shkojnë e marrin me 6 mijë euro dhe shkon deri në 25-35 mijë euro.

Ka një informacion të pakonfirmuar që ky personazh, apo një person i lidhur me këtë hyri në biznes në jug-lindje të vendit me vëllain e një politikani të madh, me vëllain e kryeministrit Zaev të Maqedonisë së Veriut. Me këto lloje biznesesh duhet të paguash para të madhe për të marrë leje dhe dokumentet që nevojiten”, deklaroi Karamuço.

Gazetari Artan Hoxha thotë se Ervis Martinaj është vrarë, por policia nuk e ka konfirmuar ende një gjë të tillë sepse nuk arrin ta provojë.

Duke iu referuar një deklarate të sotme të ministrit të Brendshëm, Taulant Balla, Hoxha tha se me të pranohet pikërisht kjo gjë.

“Ervis Martinaj më 17 maj u shpall njeriu më i kërkuar në Shqipëri. Në 9 gusht 2022 ai u zhduk papritur. Ai u rrëmbye dhe u asgjësua. Që nga ajo kohë, kryeministri i la drejtorit të policisë 100 ditë afat. Kanë kaluar 1 vit e një muaj. Nga ai moment është thënë që policia nuk e provon dot, jo që nuk e di. Të gjithë këta brenda policisë që kanë lidhje me grupet i dinë gjërat. Ajo që lë të kuptohet Balla është se policia e di çfarë ka ndodhur dhe po mundohet ta provojë.

Kur ka ndodhur ngjarja e Martinaj, Sky dhe Ecro kishin dalë nga qarkullimi. Por policia ka kanale të tjera për ta provuar. Mendoj se deri në njëfarë pike, policia nuk ka pasur interes ta zbardhte. Policia e di se çfarë ka ndodhur. Janë pamjet video, por nuk ka kufomë.”

Hoxha tha se krimi është financiarisht më i fortë se organizata e policisë, e cila ka për detyrë ta luftojë.

“Nuk është më ‘98 kur kalonte hashashi me mushka. Nëse ne flasim që Ervin Mata mund t’i humbë në një natë gjysmë milioni euro në një kazino, për këtë flasim. Krimi ka buxhet më të madh se Ministria e Brendshme. Si mund të lësh një polic me 500 mijë lekë rrogë. Policëve u vjedh edhe te kapelja, edhe te uniforma. Nuk kanë naftë e nuk flasin dot. Dyshoj se kjo bëhet edhe qëllimisht.”

Prokuroria e Korçës ka mbyllur hetimet e nisura në vitin 2020 dhe ka dërguar për gjykim dosjen për 2 persona të cilët akuzohen për pastrim parash të ardhura nga veprimtaria kriminale e trafikut të lëndëve narkotike.

Sipas njoftimit të prokurorisë, i pandehuri E.D akuzohet se ka kryer veprimtari kriminale të trafikut të drogës dhe paratë e përfituara i ka fshehur duke blerë një pronë me vlerë tregu 30.550.000 lekë të cilën e ka vendosur në emër të shtetases L.K e cila akuzohet si bashkëpunëtore e tij në pastrimin e parave të drogës. Më pas 61-vjeçarja L.K ia ka transferuar këtë pronë bashkëjetueses së 35-vjeçarit E.D.

Ky i fundit dyshohet se i ka investuar paratë e ardhura nga aktiviteti kriminal edhe në blerjen e një apartamenti me vlerë 50 mijë euro dhe një automjet tip “BMW” të cilin e ka vendosur në emër të bashkëjetueses së tij E.M.

“Nga hetimi, rezultoi se i pandehuri E.D., ka kryer veprimtari kriminale në fushën e mbajtjes, tregtimit, trafikimit të lëndëve narkotike, që vërtetohet nga dënimi i tij me vendim të formës së prerë për kryerjen e veprës penale “Prodhimi dhe shitja e narkotikëve” parashikuar nga neni 283 i Kodit Penal si dhe arrestimi nga policia federale gjermane për kryerjen e veprës penale “Trafikimi i narkotikëve”.

Nga kjo veprimtari kriminale, i pandehuri ka krijuar pasuri të konsiderueshme, të cilat i ka fshehur duke kthyer në pasuri të paluajtshme, konkretisht ndërtesë trekatëshe në rrugën “Naum Kristo Voskopoja”, Korçë, i cili sipas akt ekspertimit të datës 9.1.2023, rezulton me vlerë tregu 30.550.000 lekë,” thuhet në një pjesë të deklaratës së prokurorisë.