Lajme Flesh

Dashi

Hëna e shfrenuar dhe Urani nuk janë më të mirët për shenjën tuaj dhe sot ju do përjetoni shumë konfuzion. Mos hezitoni të bisedoni me një mik apo partnerin/en për një zgjedhje të mundshme. Beqarët do të duhet të përpiqen të jenë më pak të pavendosur dhe me shumë gjasa do të marrin hapin e parë. Një ndryshim, edhe pse jo i lehtë, do të duhet të trajtohet me vendosmëri në punë. Do të jetë një fazë e rritjes që do të japë rezultate të favorshme.

Demi

Hëna në gaforre ju ndihmon të vendosni gjërat në rregull. Duke u përballur me çdo gjë dhe me të gjithë me mençuri, sidomos duke dëgjuar ato që doni, do të jeni të orientuar drejt së mirës. Beqarët do të duhet të organizojnë veten në mënyrë efikase për të bërë çdo qëllim të mundshëm. Pengesat që do të gjeni në punë nëse nuk menaxhohen siç duhet sot do të ndikojnë në disponimin tuaj.

Binjakët

E marta do të jetë e qetë për jetën e atyre që janë në çift. Disa gjeste të vogla do ta bëjnë atë një ditë të ëmbël dhe relaksuese për të dy partnerët. Zemrat e vetmuara do të bëjnë mirë të dëgjojnë këshillat e një miku rreth një personi përpara se të marrin vendime. Filloni të merrni një konfirmim, angazhimi juaj do të shpërblehet në qoftë se ju nuk shkëputeni nga qëllimi i caktuar tashmë.

Gaforrja

Mërkuri, Urani dhe Plutoni ju bëjnë nervozë dhe ju largojnë nga qëllimet tuaja, duke ju përfshirë në një shqetësim. Mbështetjen do e gjeni te Jupiteri i cili do ta mbajë të fortë marrëdhënien tuaj në çift! Kënaqësi e madhe për beqarët, sot ju do të bëni njohje të reja dhe interesante. Një investim ose një marrëveshje që nuk të bindin duhet të mbyllet menjëherë, ndiqni intuitën tuaj.

Luani

Sot do të ndjeni nevojën e fortë për të bërë një llogari të marrëdhënies suaj në çift dhe për të analizuar më mirë jetën tuaj private. Nëse diçka është e gabuar dhe nuk ju kënaq, shikoni brenda për të gjetur se çfarë po kërkoni. Një ditë rutinë për Luanët beqarë, pak mundësi për të gjetur dashurinë. Opozita e planetëve sot nuk jep shumë mundësi, nëse duhet të zgjidhësh një çështje të rëndësishme në punë, bëni mirë ta shtyni  atë.

Virgjëresha

Ju keni në favorin tuaj një hënë që tërheq dhe bashkë me Jupiterin ju fut me të gjithë butësinë dhe sensin e përbashkët që nevojitet për të rivendosur paqen dhe për të promovuar mirëkuptimin familjar. Sot, disa kritika të papritura mund të lëndojnë disa beqarë, por mos e mbyllni veten, gjithçka është kalimatre. Entuziazmi dhe vetëbesimi, do të bëjnë që të vazhdoni drejt projekteve ambicioze.

Peshorja

Lëreni veten të lirë sot në qiellin e pastër dhe një efekt i yllit magjik do të bjerë mbi ju! Venusi dhe Marsi, edhe pse në kundërshtim me njeri- tjetrin e mbrojnë dashurinë tuaj. Beqarët do të duhet të punojnë shumë për të mos lejuar ndërhyrje në jetën e tyre private. Neptuni konfirmon rezultatet e habitshme në punë, kështu që lini frikën tuaj dhe kthehuni në lojë.

Akrepi

Dita e rëndësishme për dashurinë, mund të strehoheni dhe ta ripërtërini pasionin me të dashurin/ën tuaj. Kush dëshiron të përtërihet do të gjejë bukë për dhëmbët e tij! Saturni inkurajon edhe beqarët të përpiqen të përmirësojnë sferën sentimentale, mund të kenë sukses. Mos humbisni sot një guxim të caktuar në propozimin e zgjidhjeve novatore dhe të shkëlqyeshme, keni shumë letra për të luajtur për t’i rritur ato.

Shigjetari

Momenti është ideal për të bërë një kthesë në jetën tuaj, brenda familjes dhe në dashuri. Një marrëdhënie mund të zyrtarizohet, mund të merrni hapin për të jetuar bashkë! Ka ndryshime edhe për shumë beqarë, ata që kërkojnë shpirtin binjak kanë shumë mundësi ta gjejnë atë. Hëna në fushën profesionale ju tregon projekte në një perspektivë pak optimiste. Vërini këmbët tuaja në tokë!

Bricjapi

Projekte martese për shumë Bricjap në çift po vijnë. Plane të mira që do sjellin vetëm lumturi për të dashuruarit. Flirtime të reja edhe për beqarët, disa prej të cilëve mund të përjetojnë zhgënjime, por mos u trembni nga përvojat e reja. Mos i neglizhoni angazhimet tuaja në punë, në mesin e sektorëve që do të japin kënaqësi të madhe për shumë prej jush ka edhe fitime.

Ujori

Një ditë e ndërlikuar, por ju ende do të përfitoni nga ajo. Shmangni me kujdes situatat që përfshijnë rrezikun e keqkuptimit me të dashurin/ën tuaj. Nëse jeni vetëm ju do të jeni në gjendje shpirtërore për të bërë blerje dhe do të kënaqeni me këto teka. Jeni të vetëdijshëm për aftësitë tuaja në punë dhe në sajë të kësaj jeni duke përjetuar një moment fortësie dhe rinovimi.

Peshqit

A jeni gati për një ditë fantastike? Venusi luan rolin e tij dhe sot sinjalizon një moment të harmonisë së shkëlqyer me partnerin/en. Nëse jeni vetëm do të duhet të dilni nga kthetrat dhe të rritni mbrojtjen tuaj, disa thashetheme mund të prishin reputacionin tuaj. Harmonia midis Hënës dhe Jupiterit favorizon të ardhurat e parave, një fitim që nuk e prisnit në këto kohë.

Disa javë më parë, Noizy bëri një postim në rrjetet sociale, duke u shfaqur me gjak në kokë dhe sigurisht që kjo foto e këngëtarit shqetësoi fansat në atë kohë.

Pas shumë aludimeve lidhur me atë postim, më në fund Noizy konfirmoi se do të ishte pjesë e një filmi.

Pas këtij postimi, një tjetër skenë është postuar në profilin e reperit të njohur, ku shihet teksa goditet me një karrige në kokë. Ndërkohë që fillimisht ndjekësit e artistit janë trembur, ai ka sqaruar se në fakt është një sekuencë nga filmi që ai do të luajë.

“Nuk ka konkurrencë as këtu, ju premtoj”, shkruan Noizy, duke lënë kështu të nënkuptohet se reperi nuk do të zhgënjejë edhe në debutimin e tij si aktor.

Ky postim i artistit është komentuar shumë nga ndjekësit e tij, ku një pjesë e madhe e komplimentojnë por që ka patur edhe nga ata që kanë shkruar se duhet t’ia lërë në dorë publikut vlerësimin.

Në videon e publikuar në rrjetet sociale, Noizy shihet teksa luan përkrah aktorit të njohur Blerim Destani, njëkohësisht edhe miku i Noizy-t prej vitesh.

Vera që kaloi ka qenë mjaft e ngarkuar për artistin, i cili solli për publikun shqiptar një ndër koncertet më të rëndësishme të karrierës së tij muzikore, “Alpha Show 2”.

https://www.instagram.com/_u/noizy/?utm_source=ig_embed&ig_rid=09332601-22b4-46ad-870d-d0311a52edb6&ig_mid=DC9B8EB6-DB29-4F81-B9DE-A62083F60A1B

Të gjithë do e kujtojmë Raphael Dwamena-n për lojën e bukur dhe golat spektakolarë që ka shënuar në skuadra të ndryshme, mes tyre së fundmi edhe me Egnatia-n në Shqipëri, përpara se të mbyllte sytë për herë të fundit ditën e shtunë, pasi pësoi atak kardiak gjatë ndeshjes ndaj Partizanit dhe më pas humbi jetën në spital.

Ndonëse vazhdimisht shihej pozitiv, përtej faktit që vuante nga zemra dhe kishte pësuar dy atake kardiake që e penalizonin shumë, jeta e 28-vjeçarit nga Gana nuk kishte qenë aspak e lehtë apo thënë ndryshe e plotë.

Në një intervistë që kishte dhënë për medien zvicerane “NZZ” më 19 tetor 2022, rreth një vit më parë, ganezi kishte rrëfyer jetën dhe fëmijërinë e tij, e cila në brendësi kishte shumë dhimbje.

Ndërsa rrëfente fëmijërinë e tij, Dwamena tregoi se gjithçka filloi në Nkaukau, një qytet i vogël në Gana.

Raphael u rrit mes vështirësive nga gjyshja e tij, pasi prindërit e tij të pamartuar e braktisën që pas lindjes.

Kur u rrit, edhe pse ishte tepër vonë, takoi sërish prindërit, në kohën kur tashmë ishte bërë një lojtar i njohur në Gana dhe talenti i tij kishte marrë hov.

Kur takoi prindërit e tij, një nga pyetjet që i bëri nëna ishte: “Sa vjeç je?” Ajo as nuk e mbante mend se kur e kishte sjellë në jetë djalin e saj, e kishte harruar.

Mbi të gjitha, në asnjë moment Dwamena nuk zgjodhi të pyeste prindërit e tij, pse e lanë të rritej me gjyshen. Arsyeja? Ai nuk donte të shfaqej mosmirënjohës ndaj gjyshes së tij.

Ajo ishte një grua shumë e rreptë dhe autoritare. Besimtare e devotshme e krishterë dhe drejtoreshë e shkollës në zonën ku banonte. Për të plotësuar të ardhurat e familjes, gjyshja detyrohej ta lejonte Raphael-in e vogël të shiste akullore të bëra vetë.

Nëse Raphael-i i vogël e donte futbollin, gjyshja mendonte ndryshe. Sipas saj, futbolli ishte humbje kohe dhe se shkolla duhet të ishte e para.

Sa herë që gjyshen e zinte gjumi, djali fshehurazi, pa e vënë re, dilte nga shtëpia dhe zbriste në lagje për të luajtur futboll me fëmijët e tjerë.

Pavarësisht dashurisë së madhe të djalit për futbollin, gjyshja prej kohësh nuk ndryshonte mendim.

Pikërisht atje në rrugë, kur ai po luante me fëmijët e lagjes, një zbulues talentesh e dallon dhe e fton në një provë të hënën.

Megjithatë sërish shfaqet gjyshja, me argumentin se djali duhet të jetë në shkollë të hënën dhe sipas saj nuk mund të bënte asnjë provë në futbolli.

Raphael-i i dëshpëruar kërkon nga shumë të afërm dhe familjarë që të veprojnë si ndërmjetës për gjyshen e tij, përfshirë djalin e saj, Patrik.

Pas negociatave të gjata, gjyshja bindet. Kur ishte vetëm 14 vjeç, xhaxhai i tij i dha Dwamena-s këpucët e para të futbollit, një palë “Diadora” në ngjyrë të verdhë.

Ato do të ishin thesari i tij më i rëndësishëm, dhe këtë gjë e deklaroi para një viti vetë sulmuesi: “Kur i mora, nuk munda të flija gjithë natën. Më duhej të sigurohesha që këpucët të ishin ende aty në mëngjes”.

Raphael pranohet më pas në akademinë lokale të Red Bull. Kontrata e tij e parë ishte 100 euro në muaj.

“Si fëmijë nuk dija çfarë të bëja me kaq shumë para”, pati thënë ai.

Pas tre vitesh në akademi, Red Bull e dërgoi të riun e talentuar në Austri, në akademinë e Salzburgut.

Ai luajti me ekipin U-18, ndërsa më pas u mor nga skuadra kryesore dhe aty nisi historia e tij në futbollin profesionist, për të përfunduar tragjikisht, të shtunën e 11 nëntorit 2023, ku mbylli sytë për herë të fundit, pasi pësoi atak kardiak gjatë ndeshjes ndaj Partizanit dhe më pas humbi jetën në spital.

E gjithë bota e futbollit është në zi, pas ndarjes nga jeta të sulmuesit të Egnatias, Raphael Dwamena.

Dwamena humbi jetën gjatë ndeshjes me Partizanin, teksa u rrëzua papritur në tokë dhe pavarësisht ndërhyrjes së shpejtë, lojtari nuk mbijetoi dot.

Futbollisti, i cili firmosi në Shqipëri para disa muajsh, kishte patur edhe më parë probleme shëndetësore, por kishte vendosur të mos hiqte dorë nga futbolli.

Sulmuesi nga Nigeria, Moses Simon i dedikoi dje golin Dwamenas. Goli i tij ishte i vetmi i Nantes në humbjen 3-1 ndaj Metz, në Ligue 1.

“U prehsh në paqe, Raph” – shkruhej në fanellën e Simon. Kujtojmë që Simon ishte shok skuadre me Dwamena-n në vitin 2018 te skuadra e Levantes.

https://twitter.com/AwuduBashiru5?ref_src=twsrc%5Etfw%7Ctwcamp%5Etweetembed%7Ctwterm%5E1723732895380971704%7Ctwgr%5Ecf507e80e98c5a11df00abc35569988e4de04d94%7Ctwcon%5Es1_&ref_url=https%3A%2F%2Fwww.balkanweb.com%2Fvideo-dikur-shok-skuadre-sulmuesi-i-ligue-1-i-dedikon-golin-dwamena-s%2F

Ditën e sotme, Noiz-y ka surprizuar sërish ndjekësit e tij në rrjetet sociale, teksa ka publikuar një video, ku shihet duke u goditur me një karrige në fytyrë.

Pavarësisht se në pamje të parë duket e frikshme, reperi ka sqaruar të gjithë djekësit e tij se bëhet fjalë për një sekuencë filmi, ku ai do të bëjë debutimin e tij si aktor.

Ndërkohë që është komentuar dhe pëlqyer nga ndjekësit e Noizy-t, komenti i Yll Limanit në lidhje më këtë video ka qënë epik, duke u “tallur” me këngëtarin.

Limani e ka publikuar këtë video në profilin e tij të Instagramit dhe bashkangjitur tij ka shkruar:“Hahahahaha o sa mirë”, duke lënë kështu të nënkuptohet që i është bërë shumë qejfi që Noizy-n e kanë goditur me karrige në fytyrë.

Dhe në fakt, ky koment i Yllit është në një farë mënyre një “hakmarrje” ndaj Noizy-t, i cili shpesh herë përpiqet ta bëjë me nerva Limanin.

Noizy dhe Yll Limani, përvecse kanë një bashkëpunim mjaft të suksesshëm në karrierën muzikore, ata janë edhe shumë miq të afërt me njëri-tjetrin.

Madje gjatë kësaj vere, ata preferuan që të kalonin disa ditë pushimesh nën shoqërinë e njëri-tjetrit, ku sigurisht nuk kanë munguar ngacmimet mes njëri-tjetrit.

https://www.instagram.com/_u/noizy/?utm_source=ig_embed&ig_rid=5aa30ea5-b8da-49b7-a1e8-cd35af63b327&ig_mid=BC328096-3788-43D6-8FDB-1F08D70478CD

Prej disa javësh në shtypin rozë kanë nisur të qarkullojnë menjëherë lajmet në lidhje me moderimin e “BBV3”.

Sipas thashethemeve të shumta që qarkullojnë në media, Arbana Osmani nuk do të jetë moderatorja e sezonit të ardhshëm të BBV.

Ndërkohë që ende nuk ka një konfirmim nga ana e Osmanit, menjëherë pas publikimit të këtij lajmi në shumë portale, të shumta kanë qenë aludimet në lidhje me moderatoren që do të marrë në dorë prezantimin e një prej programeve mjaft të suksesshme të Top Channel.

Lidhur me këto thashetheme, Bora Zemani është ngacmuar nga gazetari i “Shqipëria Live”, i cili nuk ka nguruar të pyesë drejtpërdrejtë moderatoren nëse do të jetë ajo që do e prezantojë sezonin e ardhshëm të Big-ut.

Gazetari: Ti je një ndër emrat që po përflitesh për Big Brother Vip

Bora Zemani: Thua? Do më shkonte? Si mendon ti?

Gazetari: Po të pyes ty, sot jam unë ai që të bën pyetje

Bora Zemani: Do doja të dija mendimin e të tjerëve, prandaj po të pyes edhe unë

Gazetari: Le ta vendosë publiku

Bora Zemani: Po, le ta vendosë publiku më mirë. Gjithmonë publiku…

https://www.instagram.com/_u/shqiperialive_tch/?utm_source=ig_embed&ig_rid=e596e0f9-3eb8-4480-9b63-8e8ce66136e4&ig_mid=6B3BEBBD-053D-426F-92EB-03D37CF9CA17

Aktiviteti sizmik në Islandë vazhdon dhe autoritetet paralajmërojnë se rreziku i shpërthimit të vullkanit mbetet.

Që nga mesnata e së dielës janë regjistruar 900 tërmete, por krahasuar me ditët e fundit magnituda e tyre është mesatarisht më e vogël.

Megjithatë, një “lum” nëntokësor i magmës me një gjatësi prej 15 kilometrash mbetet aktiv.

Vlerësohet se magma është vetëm 800 metra nga sipërfaqja e tokës.

Rreziku mbetet për qytetin e Grindavik, me 4000 banorë, i cili është evakuuar për arsye sigurie.

Çarje të thella janë shfaqur në rrugët e qytetit dhe në fshat, raporton BBC.

Javët e fundit, mijëra lëkundje janë regjistruar në Gadishullin Reykian , i cili “u zgjua” vullkanikisht pas tetë shekujsh.

Rajoni ka shpallur gjendjen e jashtëzakonshme për shkak të rrezikut të një shpërthimi vullkanik.

Qyteti i Grindavik është vetëm 15 kilometra nga Aeroporti Ndërkombëtar Keflavik, i cili funksionon normalisht.

Në vitin 2010, shpërthimi i vullkanit Eyjafjallajokull kishte nxjerrë sasi të mëdha hiri, i cili kishte shkaktuar kaos në transportin ajror në të gjithë Evropën. Për momentin, megjithatë, nuk ekziston një rrezik i tillë.

Komisioneri i BE për Fqinjësinë dhe Zgjerimin, Oliver Varhelyi, ka pritur sot në një takim ministrin e Jashtëm Igli Hasani.

Në një reagim në rrjetet sociale, Varhelyi shprehet besimplotë se në fund të këtij viti, do të hapen negociatat e anëtarësimit për Klasterin e Parë, për Shqipërinë.

“Shqipëria, si një vend negociues, ka vazhduar të bëjë progres në reformat në lidhje me BE-në.

Takova ministrin Igli Hasani në margjinat e takimit të Ministrave të BE dhe Ballkanit Perëndimor për të diskutuar hapat e ardhshëm.

Synimi ynë është që deri në fund të këtij viti të hapim negociatat e anëtarësimit për Klasterin e Parë”, shprehet Varhelyi.

Djali pretendoi se pas kësaj, gruaja e thërriste rregullisht në zyrën e saj herë pas here duke thënë se ai mungonte në klasë. Djali pretendoi se ai dhe Schutte ishin përfshirë në aktivitet seksual.

Një ngjarje e rëndë është regjistruar së fundmi në SHBA.

Bëhet me dije nga mediat e huaja se këshilltarja e një shkolle, ka abuzuar seksualisht me një nxënës të mitur.

Sipas informacioneve dyshja dyshohet se kanë kryer marrëdhënie seksuale në shtratin e viktimës dhe madje edhe në një makinë jashtë një supermarketi.

Kelly Ann Schutte, 35 vjeç, nga Pensilvania u arrestua të enjten 9 nëntor, e akuzuar për tre akuza për sulm seksual. Sipas të dhënave të gjykatës së Montgomery County, këto përfshijnë: marrëdhënie ose kontakt seksual me një student; tre akuza për sulm të pahijshëm ndaj një personi më të vogël se 16 vjeç; dhe një akuzë për korrupsion të të miturve. Schutte dyshohet se filloi të frekuentonte djalin 14-vjeçar në vitin 2022 dhe u angazhua në një marrëdhënie seksuale me të verën e kaluar, duke u afruar gjatë një ekskursioni në shkollë, thuhet në Daily Mail.

Policia u informua për herë të parë për lidhjen e supozuar të djalit me Schutte më 17 korrik, kur ai telefonoi prindërit e tij duke kërkuar që ta merrnin duke u thënë atyre se ishte duke e puthur Schutte në shtëpinë e saj. Nëna e tij telefonoi policinë dhe tha se djali i saj ishte në një marrëdhënie seksuale me 35-vjeçaren.

Prindërit e djalit e gjetën atë të fshehur pas një makine, përpara se ai të pretendonte se familja e Schutte i pa së bashku dhe ta urdhëronte djalin të largohej nga shtëpia e tyre. Dy ditë më vonë, djali u tha hetuesve se kontakti i tij me Schutte filloi në vjeshtën e vitit 2022, kur ai u ul pranë mësuesit në një autobus gjatë një udhëtimi shkollor.

Djali pretendoi se pas kësaj, gruaja e thërriste rregullisht në zyrën e saj herë pas here duke thënë se ai mungonte në klasë. Djali pretendoi se ai dhe Schutte ishin përfshirë në aktivitet seksual.

Thuhet se një akt seksual ishte brenda makinës së mësueses së shkollës, pranë shtëpisë së saj, dhe një herë tjetër kur familja e djalit ishte larg, ishte në shtëpinë e tij.

Hetuesit pretendojnë se Schutte dhe i mituri fillimisht përdorën aplikacionin e mesazheve të distriktit shkollor Canvas për të komunikuar përpara se të transferoheshin në Snapchat gjatë pushimeve të shkollës.

Hetuesit thanë se pamjet e vëzhgimit vërtetuan historinë e djalit, duke përfshirë se Schute la një nga vathët e saj në shtëpinë e djalit sipas dokumenteve të gjykatës.

Duket se goditja e artistëve ndërkohë që performojnë në skenë tashmë është bërë e modës dhe një tjetër këngëtare shqiptare ka rënë pre e këtij veprimi në një prej koncerteve të fundit të saj.

Në një video që është bërë menjëherë virale në internet, Tayna shihet teksa performon në skenë dhe në momentin që po këndon, një anëtar i publikut e ka goditur artisten me telefon.

Për fat të mirë, Tayna i ka shpëtuar këtij incidenti pasi telefoni thjesht e ka prekur tek pjesa e këmbëve, duke mos e dëmtuar.

Reperja ka vijuar performancën e saj, duke e injoruar totalisht veprimin që një ndër personat e pranishëm në koncert ka bërë.

Tayna nuk ka bërë asnjë reagim në rrjetet sociale në lidhje me këtë incident që i ka ndodhur së fundmi. Artistja ka qënë në një koncert në Nju Jork, e cila ka perfomuar në skenë së bashku me Ledri Vulën.

Video Player