Lajme Flesh

Nje tërmet i fortë ka goditur Shqipërinë pasditen e sotme.

Lëkundjet kanë qenë të fuqishme dhe janë ndjerë në Tiranë dhe disa qytete përreth.

Epiqendra e tërmetit ishte në Elbasan me një magnitudë prej 4.1 ballësh me thellësi 5km.

vijon…

Prej disa kohësh flitet nëpër rrjetet sociale se dyshja e njohur Ledri dhe Sara më nuk janë së bashku.

E si duket këto lajme janë plotësisht të vërteta, shkruan Artistët Shqiptarë.

Sipas burimeve të Prive, fotografitë që  kanë  qarkulluar së  fundmi të  Ledrit dhe Sarës janë  të  para disa muajve, sepse dyshja tashmë  i kanë  ndarë rrugët.

Ndarjen e çiftit e ka konfirmuar për Prive edhe Faton Shoshi, i cili tashmë  ka në menaxhim Ledrin.

Kujtojmë  se javë më parë Sara u pa e pranishme në premierën e filmit “Në kuadër të dashurisë” pa Ledrin, e ky i fundit ishte i pranishëm në dasmën e Jetmirit i vetëm, pa Sarën.

Dashi

Do vazhdoni te jeni me shume xheloze sesa duhet sot për atë qe keni ne krah dhe kjo mund te shkaktoje debate me partnerin. Do jete e vështirë te rivendosni qetësinë. Beqaret do kenë një dite te favorshme për te krijuar lidhje afatgjata. Shfrytëzojeni çdo mundësi qe do iu jepet. Ne planin financiar do jete dite goxha e qëndrueshme dhe aspak problematike.

Demi

Çështjet e zemrës do shkojnë me se miri gjate kësaj dite. Do flisni hapur për gjithçka me partnerin dhe nuk do i mbani aspak mëri për ndonjë kritike te ashpër qe mund t’iu ketë bere. Beqaret do kenë një dite te mbushur me emocione. Do dilni mjaft me miqtë tuaj neper party dhe do takoni persona interesante. Ne planin financiar duhet te tregoheni shume te arsyeshëm.

Binjaket

Ka rrezik qe ai qe keni ne krah te shohë dike tjetër gjate kësaj dite duke qene se ju e keni lënë shume pas dore. Ndryshoni sa me pare sjellje nëse nuk doni ta humbisni përgjithmonë. Beqaret me mire te qëndrojnë edhe sot vetëm sesa te dalin me persona qe nuk vlejnë aspak. Ne planin financiar pritet një dite me fat. Do i rregulloni te gjitha problemet.

Gaforrja

Asnjë planet nuk do ndikoje sot ne jetën sentimentale te çifteve. Atmosfera do vazhdoje te jete e ngrohte dhe mosmarrëveshjet nuk do ekzistojnë fare. Beqaret duhet te tregohen me te vëmendshëm dhe te përfitojnë nga personat simpatike qe do kenë rreth e rrotull. Ne planin financiar nuk duhet te shpenzoni shifra marramendëse sepse do keni probleme.

Luani

Lërini mënjanë aventurat ne çift gjate kësaj dite sepse nuk do jete koha me e përshtatshme. Mundohuni te ruani një komunikim te mire dhe te tregoheni te sinqerte. Beqaret do jene shume te sigurte ne vetvete dhe për këtë arsye mund te bëjnë gabime te pafalshme. Financat me ne fund do stabilizohen. Me ne fund mund te rini te qete ne këtë sektor.

Virgjeresha

Dite e sotme do jete me e qete sesa duhet për ata qe janë ne një lidhje. Beni kujdes sepse kjo mund ta largoje partnerin prej jush dhe nuk do ketë me kthim mbrapa. Beqaret nuk do jene ne humor te mire për te filluar një lidhje. Prisni edhe disa dite. Financat do jene delikate. Shmangni shpenzimet e mëdha sepse do futeni ne një rruge pa dalje.

Peshorja

Shprehjani partnerit tuaj çdo gjë qe ndjeni gjate kësaj dite sepse vetëm ne këtë ënyrë ai do dije si t’ua beje qejfin. Edhe ata qe kane pasur dite problematike do ndihen paksa me te qete. Beqaret do vazhdojnë te jene ne kërkim te princit te kaltër, po mundësitë sot nuk do jene shume te mira. Ne planin financiar do merrni masa te guximshme dhe situata do përmirësohet.

Akrepi

Dite shume e bukur dhe e mbushur me emocione kjo e sotmja për te dashuruarit. Momentet e lumtura do jene te shumta kështu qe shfrytëzojeni çdo sekonde. Beqaret nuk do jene me fat edhe pse do jene gjithë kohës ne kërkim. Financat do kenë probleme. Nuk do mendoheni aspak para se te kryeni shpenzimet sepse do doni vetëm t’i bëni qejfin vetes suaj.

Shigjetari

Ju qe jeni ne çift do mundoheni te gjeni mënyrën e duhur për t’ia kaluar sa me mire se bashku. Te dy do toleroni me tepër sesa zakonisht. Beqaret nuk do mendojnë te krijojnë një lidhje serioze, ata duan vetëm aventura qe te përjetojnë emocione pa fund. Financat do jene me te mira se kohet e fundit, por jo dhe aq sa për te kryer investime te mëdha.

Bricjapi

Gjate kësaj dite dielli do shkëlqejë ne jetën tuaj dhe do e beje atë me te bukur. Komunikimi me partnerin do jete edhe me i mire. Beqaret nuk do jene te gatshëm te fillojnë aventura kalimtare vetëm sa për te përjetuar emocione momentale. Për dashurinë e madhe duhet ende te prisni. Plani financiar do ketë përmirësime te ndjeshme. Shfrytëzojeni për te hequr disa para mënjanë.

Ujori

Dite paksa e tensionuar kjo e sotmja për ata qe janë ne një lidhje. Do debatoni mjaft me atë qe keni ne krah dhe nuk do bini dakord për disa lloj temash. Respektojeni mendimin e tjetrit. Beqaret duhet te reflektojnë mire para se te pranojnë ftesat qe do iu bëhen. Ne planin financiar mos bëni asnjë lloj çmendurie sepse do keni probleme te mëdha me vone.

Peshqit

Ata qe janë ne një lidhje do kenë me te vërtetë nevoje për qetësi sot. Mundohuni ta vlerësoni me shume atë qe keni ne krah dhe flisni hapur për gjithçka. Beqaret nuk duhet te bëjnë premtime te mëdha qe ne fillim te njohjes me dike. Ne planin financiar duhet te ndiqni një disipline strikte dhe te ulni sa te mundni shpenzimet. Operacionet e mëdha financiare lërini për me vone.

Nënë Prena, 101-vjeçarja që jeton në Rubik, tashmë nën kujdesin e 2 punonjësve që ndajnë turnet për ta ndihmuar, shprehet për anën negative të të jetuarit për më shumë se një shekull.

Ajo thotë se e ka marrë malli për shtëpinë e saj dhe për vajzat që tashmë që jo vetëm nuk i ka afër, por i ka dhe jo mirë në gjendje shëndetësore, meqë janë të gjitha në moshë pensioni.

Për emisionin “Real People”, ajo thotë se nuk dëshiron të jetojë më pasi nuk ka asgjë dhe askënd afër.

Mes tjerash shtoi se as shteti nuk kujdeset për të, ndërsa djali dhe burri i kanë humbur jetën.

“Kam bërë 101 vjeç tani në Tetor. Kam lindur në Shtrungajë. Nuk kam djalë, burrë as kunatë. Djali e burrë më ka vdekur. Shteti nuk është kujdesur për mua. Pension kam 70 mijë lekë. Kujdestaret duan lekë. 10 mijë lekë në ditë. Ku ti marrë. Ishalla më merr Zoti.

Nuk kam asgjë dhe askënd. Nuk jam e kënaqur se jam gjallë. S’jam e zonja të mbahem vetë. Të gjithë gocat e kam në pension. Njëra jeton jashtë. Kam 6 vajza, por janë sëmurë. Njëra është paralizuar, njërës i ka dalë sëmundja e keqe, njërës i është dëmtuar njëri krahë. Të gjitha i kam keq”, tha ajo.

Ajo tha se prindërit e kanë fejuar që në moshën 2 vjeçe, dhe se burrin e pa për herë të parë në moshën 18-vjeçare, ditën kur u bë nuse dhe shkoi tek familja e tij.

Prena Buba Marku, shprehet se është nënë e 10 fëmijëve, tre prej të cilëve për fat të keq i kanë ndërruar jetë.

“Jam martuar 18- vjeçe. Kam ndenjur 2 vjet pa fëmijë. Më pas më lindi vajza e parë. 10 fëmijë kam bërë, 8 vajza e dy djem. Vetëm 7 fëmijë kam gjallë. Jam bërë për sevap. Shteti më ka lënë me 70 mijë lekë. Nuk vjen me më parë njeri. Burri ka katër vite që më ka vdekur. Jam fejuar që në moshën 2-vjeçare. Kur jam bërë e madhe më kanë treguar. Burrin e kam parë për herë të parë te shpia e vet, kur jam martuar. E mora se ma dha mami e babi. Ku të jepte nëna e babi do të shkoje”.

Më tej ajo tregoi dhe punët që bënte kur ishte e martuar dhe peripecitë që ka hasur në rritjen e 10 fëmijëve.

“Shkoja merrja dru për sobën, merrnim kashtë, gjithë ditën me lak në shpinë. Mbaheshim me gjë të gjallë. Drutë i mbanin gratë. Duheshin bërë punët, s’kisha ku të ankohesha. Ishte shumë e vështirë të rrisje 10 mijë. Një palë rroba kisha për të gjithë fëmijët. Kam dashur të shkojë në shkollë. S’di as të shkruaj e as të lexojë. Mezi mësova të bëjë firmën”, tha ajo.

Ajo tha se me bashkëshortin që tashmë për fat të keq i ka ndërruar jetë që prej katër vitesh ka kaluar shumë mirë, ndërsa shtoi se vetë ishte pak xheloze.

Ajo thotë se e ka marrë malli për fëmijët dhe për shoqërinë e vet, duke shtuar se nuk ka dëshirë që të jetojë më.

“Me burrin s’kam pas sherr asnjëherë. Kam qenë xheloze. Burri nuk ishte xheloze. Ju burrat jeni më të pabesë. Juve s’ju vjen turp për asgjë. Unë i lutem Zotit përditë hajde më merr. Dal në oborr nuk njoh asnjë. Jam si me fut dele në dhi. Pse të rri, kur nuk shoh fëmijët e mi, shoqet, shtëpinë time. Më ka marrë malli shumë për shtëpinë, për fëmijët”, theksoi ajo.

Nënë Prena tregoi gjënë më të keqe dhe më bukur që i ka ndodhur gjatë gjithë jetës së saj.

“Jeta dhe shkolla janë të barabartë. Po pate shkollë s’ta hedh kush. Po nuk pate shkollë je si berri. Gjëja më e keqe është se s’kam as djalin as burrin. Gjëja më e bukur ka qenë kur më fali Zoti djalin. Të gjithë fëmijët i kam bërë te shtëpia. Vetëm të fundit e kam bërë me maminë. Me vjehrrën e kam kaluar shumë mirë. Sot si do kush vjehrrat se s’ka nevojë. Sot s’jam e kënaqur me jetu mo. S’kam djalë e nuse”, nënvizoi ajo.

Bosët e mafias u mblodhën nga e gjithë Italia jugore në një nga dasmat më të mëdha mafioze të vendit. Ndërsa të ftuarit napolitan, kalabrezë dhe sicilianë hanin biftek dhe pinin birrë në pritjen luksoze 12-orëshe, por ata nuk e dinin se detektivët kishin përgjuar dhëndrin, siçilianin Gioacchino Amico.

Dasma e tij e vitit 2021 në Villa Di Lorenzo pranë Palermos mund të kishte qenë një bashkim i tre bosëve mafioz më të mëdhenj të Italisë dhe policia kuptoi se kishte zbuluar fillimet e një aleance bandash kriminale. Amico, 37 vjeç, ishte përgjuar nga detektivët që hetonin këtë pakt në lidhje me këtë marrëveshje, e cila ishte fokusuar në rritjen e kontrollit të krimit të organizuar në Milano, në veri të Italisë.

Dhëndri thuhet se u mburr se në dasmën e tij do të merrnin pjesë 200 persona. Por një hetues i tha The Times se dasmat mafioze nuk janë për miqësi, por për të forcuar marrëdhënie të rëndësishme. Amico është akuzuar si një lojtar kyç në aleancën kriminale, megjithëse nusja e tij, Federica Buccafusca, nuk dyshohet të jetë një figurë mafioze, sipas policisë.

Muajin e kaluar Amico u arrestua si pjesë e Operacionit Hydra, një hetim nga Karabinierët, forcat e policisë paraushtarake të Italisë, mbi planet e dyshuara të mafias për të shpenzuar paratë e drogës për kontrata publike dhe ndërtime në Milano.

Hetuesi tha: ‘Amico dyshohet se ishte një ndërlidhës midis Cosa Nostra-s dhe mafiozëve të tjerë në Milano, kështu që ai ishte vërtet i lumtur për martesën e tij, e cila legjitimoi rolin e tij qendror.

Të ftuarit në dasmë përfshinin Antonio ‘Avokati’ Messina, i cili tani është në burg falë lidhjeve të tij me Matteo Messina Denaro, ‘kumbari i fundit’ i Cosa Nostra-s, i cili kaloi 30 vjet në arrati për vrasjen e 50 personave, përfshirë një djalë i tretur në acid. Një herë ai mburrej se mund të mbushte një varrezë me njerëzit që kishte vrarë. Të ftuar të tjerë përfshinin Giuseppe ‘Ninni’ Fidanzati, që përfaqësonte interesat e biznesit të Cosa Nostra me bazë në Siçilinë në Milano, së bashku me Massimo Rosi, i cili dyshohet se ka lidhje me mafian ‘NDrangheta’ .

Gjithashtu mendohet se fiton para nga trafiku i paligjshëm i mbetjeve, shantazhet dhe huazimet, zakonisht duke u ofruar kredi bizneseve në vështirësi dhe më pas duke marrë gradualisht kontrollin e tyre. I pranishëm në dasmë ishte edhe Emanuele ‘Dollarino’ Gregorini, për të cilin hetuesit thonë se ka lidhje me klanin napolitan Senese.

U hodhën dyshime nëse familjet e ndryshme mafioze po krijonin një superaleancë pasi një gjykatës vendosi muajin e kaluar se numri i arrestimeve të planifikuara në kuadër të Operacionit gjithëpërfshirës Hidra duhet të reduktohej nga 154 në vetëm 11.

Këngëtari Altin Shira mbushet në lot teksa flet për bashkëshorten dhe fëmijët.

I ftuar në “S’e Luan Topi”, surpriza e bashkëshortes e kapi në befasi artistin, saqë ka nisur të tregoi se si u njohën dhe për familjen që formuan.

Pjesë nga biseda:

Erjona: Sa vjeç ke qenë kur je dashuruar me bashkëshorten që ke sot?

Altin Shira: 22-vjeç. Edhe ajo është po në të njëjtën moshë me mua 22.

Erjona: Sa të rinj.

Altin Shira: Të rinj, por kur ta bën zemra bam…

Erjona: Po si ta bëri zemra ‘bam’, na i trego içik si u njohët.

Altin Shira: Të them të drejtën, kur unë isha ushtar prindrit e mi ndërruan shtëpi. Kur mbarova ushtrinë, sepse atëherë nuk na jepnin leje, shkoj në lagjen e vjetër për të takuar shokët me të cilët isha rritur dhe më pas nisem për tek shtëpia e re.

Shikoj, nuk njihja njeri aty. Eksplorova pak, nja 6-muaj vija vërdallë, rrija aty dhe shikoj Edën. Ajo ishte fqinje dhe thash ‘ahh moj komshije’.

Erjona: Po pse, kot janë bërë këngë për komshijet. Po hë, ishte dashuri me shikim të parë.

Altin Shira: Po po patjetër.

Erjona: Po për Edën? Ishte dashuri me shikim të parë apo u desh pak kohë që t’ia fitoje zemrën?

Altin Shira: Jo, u desh pak kohë që t’i fitoja zemrën.

Erjona: Po si ja fitove?

Altin Shira: Po rrija poshtë pallatit aty, prapë poshtë dritares unë.

Erjona: Ti këndoje?

Altin Shira: Vazhdoja unë, aty me orë të tëra. Kur e mora vesh më mbrapa, Eda dëgjonte Michael Jackson, as nuk i pëlqente këngët e mija fare.

Erjona: Po, pse çfarë i këndoje asaj?

Altin Shira: Unë në atë kohë këndoja këngë korçare, serenata. Por me kitarë ato shkonin bukur.

Erjona: Serenata korçare, hajde hajde…

Altin Shira: Po ajo korçare është.

Erjona: Po kur me zërin tënd dhe këngët e tua nuk ra në dashuri, si ja fitove zemrën atëhere? Apo ishte djal serioz?

Altin Shira: Jo. Si çdo familje shqiptare që ka ato traditat, rregullat e veta. Unë vërtet e shikoja dhe më pëlqente Eda, por punët i bëra me familjen.

Erjona: Pra i bëre gjërat serioze me familjen? Kërkove dorën?

Altin Shira: Po, fola me prindrit dhe u thash që më pëlqen kjo vajza, e kemi komshie këtu afër. Më thanë ‘ouu, sa shpejt e gjete’.

Altin Shira: Jam në rregull sepse as nuk qava, as…

Erjona: Po pse po të qash, çfarë? Ku ka më bukur sesa një burr që qan për gruan?

Altin Shira: Në një intervistë që kam dhënë diku tjetër, më ngacmojnë disa shokët e mi. Aty doli Eda për të më përshëndetur dhe të them të drejtën u preka. Mu mbushën sytë me lot. Sa kam hapur telefonin, filluan të më ngacmonin shokët: ‘Po ça burri je? Po ku qan burri për gruan?” Por është më se normale që çdo njeri të emocionohet si për fëmijët, edhe për gruan sepse tek e fundit familja është shpirti dhe zemra e çdo njeriu.

Erjona: Ndihesh me fat besoj që e ke për krah?

Altin Shira: Shumë me fat, kam një familje të mrekullueshme.

Ish-presidenti, Bamir Topi ka folur mbi çështjen e ngritjes së akuzave nga SPAK për ish-kryeministrin Sali Berisha dhe bashkëshortin e vajzës së tij, duke theksuar se duhet të lihet drejtësia të bëjë punën e saj.

Në vijim të kësaj ideje, Topi kujton se në 30 vite, politika ka pasur ndikim mbi drejtësinë, duke nënvizuar se me rastin e 21 janarit, atij iu bë gjyq politik nga Sali Berisha.

“Sigurisht është një ngjarje që e ka bërë publikun të shohë dhe të mendojë dhe të presin se çfarë do të ndodhë. Ka njerëz që janë kundërshtar të zt.Berisha. Pra kundërshtarë politik. Unë skam asnjë lloj ndjesie personale çfarë ka ndodhur. SPAK-u ka vepruar mbi një akt-akuzë që i ka ardhur nga një deputet i Partisë Socialiste. Është futur në procedurën e vet sikur e kërkon ligji dhe çështja është në fazën kur i drejtohet gjykatës. Nuk mund të futem në natyrën procedurale. Tani historia është pak më e gjatë.

Ne jemi mësuar që pushteti i drejtësisë të jetë nën kontrollin e politikës. Mënyra se si e ka pas përjashtuar Kushtetuta emërimin e gjyqtarëve dhe prokurorëve. E mbani mend se si i rrëzonte kandidaturat e Gjykatës së Lartë pesë përnjëherësh. Ka ardhur koha që pushtetet të ndahen. A ndahen qartësisht? Sigurisht që jo!

Unë duhet të kisha filluar burgimin e përjetshëm, që ma ka bërë ky zotëria në seancat parlamentare dhe në Komisionin Hetimor për ngjarjet e 21 janarit. Në momentin që jep verdiktin dhe thotë ti je kryetar i grushtit të shtetit, këtu mbaron historia pasi verdiktin e jep politika. E mbanin mend komisionin hetimor për 21 janarin? Mbaroi pa një raport përfundimtar. Edhe kjo shkelje e Kushtetutës”, theksoi Topi në News24.

Një 27-vjeçare në Itali është arrestuar nën akuzën e vrasjes së dyfishtë të foshnjave të saj 4 muajshe.

Sipas policisë e reja ka mbytur dy fëmijët e saj një djalë dhe një vajzë, një akt që ka shokuar dhe vet forcat e rendit.

Monia Bortolotti nga Pedrengo, provinca e Bergamos , u arrestua sot në bazë të një hetimi të hapur nga prokuroria e Bergamos, e cila po hetonte vdekjen e dy fëmijëve, thuhet në media.

Arrestimi i Monia Bortolottit sot, pas hapjes së një hetimi pas vdekjes, në tetor 2022, të foshnjës dy muajshe.

Në vitin 2021, foshnjat 4 muajshe vdiqën në rrethana të ngjashme.

Prokurorët: “Nuk e duroi dot të qarën e tyre”.

Moderatorja Alketa Vejsiu ka humbur të atin.

Lajmin e vdekjes së tij e ka dhënë vëllai i moderatores, Endri Vejsiu, përmes një postimi në Facebook.

“Pusho i qetë shoku im më i mirë, të kam shpirt baba”, shkruan ai.

Nga Alketa ende nuk ka ndonjë reagim për humbjen e madhe, ndërsa shpesh ajo na ka informuar përmes Instastory-ve se babai i saj ka qenë duke u kuruar në Romë.

27-vjeçari nga Peja fitoi duelin e parë në kategorinë deri në 73 kg

Kosova vazhdon të korrë suksese në sportin e xhudos.

Akil Gjakova ka arritur një fitore të madhe përballë kundërshtarit serb Bajsangur Bagajev.

27-vjeçari nga Peja fitoi duelin e parë në kategorinë deri në 73 kg përballë serbit në Kampionatin Europian Francë 2023

Gjakova triumfoi në Montpellier, duke dominuar Bagajev, teksa në raundin e dytë do të ndeshet me bullgarin Mark Hristov.