Lajme Flesh

Paralelisht me ndeshjen e Shqipërisë në “Arenën Kombëtare” të Tiranës u zhvillua në Beograd dhe ndeshja e rivalit tonë të vërtetë në garë për vendin e dytë në grup, Serbisë.

Përballë Anglisë ata u turpëruan vërtet me 5 gola, duke humbur sërish vendin e dytë ndaj Shqipërisë, por ajo që i turpëroi edhe më tepër ishin tifozët e tyre ultras. Tifozët në futjen e tyre në stadium nuk ndalën së kënduari refrenin e kotë, atë që tashmë i dallon nga kushdo në Europë për nivelin e tyre, “Kosova është Serbi…”

Huliganët serbë, të shoqëruar nga forcat speciale në Marakana, e filluan dhe mbaruan gjithçka e korret politike që po i bëjnë shembull në çdo dënim të FIFA-s. Nga flamuri me hartën e Kosovës dhe ngjyrat e Serbisë, deri tek thirrjet me hedhje e pritje, ku njëri grup përmendte emrin e Kosovës dhe tjetri të Serbisë.

Një skenë mes të turpshmes dhe qesharakes në atë stadium të tejmbushur ku në të vërtetë, futbollin nuk kishin si ta shihnin, pasi në çdo moment portieri i tyre nxirrte topin nga rrjeta, të paktën 5 herë. Kështu që zgjodhën të bëhen sërish protagonistë këta huliganë që vetëm me futbollin nuk kanë lidhje.

Krejt e kundërta në Tiranë ku edhe pse për fat të keq për disa ngjarje pa lidhje me sportin nga disa tifozë në ndeshjen e shkuar ndaj Serbisë sollën dënimin e një pjese të stadiumit, të 16.500 tifozët kuqezi në stadium dhanë një shembull perfekt të mbështetjes së skuadrës, aq më tepër në një ndeshje si ajo e djeshmja, ku e gjithë vëmendja ishte tek 11-tshja jonë në fushë dhe tek arritja e rezultatit që na duhej dhe që e morëm, raporton gazetari i Top Channel Endi Tufa.

Tashmë rreth një muaj pushim dhe do të na duhet të udhëtojmë drejt Beogradit, ndoshta për finalen e vërtetë të grupit atë ndaj Serbisë në Beograd.

Një ndeshje që vjen 11 vjet nga shfaqja e tyre edhe më e turpshme se e djeshmja ndaj kuqezinjëve, atë mbrëmje të tetorit 2014. Por ndoshta ajo që ndodhi 24 orë më parë ndaj Anglisë mund të na japë një assist nga UEFA, sepse shembuli ëshë I qartë, ata nuk shkojnë në stadium për ekipin e tyre, shkojnë thjesht për të treguar fytyrën që kanë, urrejtjen ndaj nesh dhe asgjë që lidhet me futbollin, gjithësesi ka ende kohë edhe një muaj./ Top Channel

Dy të rinjtë që shihni më sipër janë Ronaldo Lika, 27 vjeç, dhe Griselda Doksani, 25 vjeçe, të dy inspektorë të AKU Berat, ndaj të cilëve janë lëshuar urdhër-arreste ditën e sotme.

Urdhër-arrestet u lëshuan pas kthimit nga Kroacia të sasive të mëdha me domate, të cilat dyshohet se nuk plotësonin standardet e sigurisë ushqimore. Dyshohet se Lika dhe Doksani kanë kryer kontrolle në subjektin në pronësi të Mariglen Qorrit, i cili eksportoi 8 ton domate duke plotësuar në mënyrë fiktive praktikat e mbajtura.

Po ashtu ata akuzohen se nuk kanë bërë marrjen e mostrave të domateve që ndodheshin në magazinë dhe bllokimin e tyre, si dhe kanë marrë si të rregullta faturat fiktive të blerjeve nga shtetasi Mariglen Qorri, duke tjetërsuar në këtë mënyrë faktet në lidhje me produktet e konstatuara me nivele të larta preparati. Gazeta shqip

Nga Bashkimi Evropian pret mbështetje, ndërsa disa eurodeputetë i quan “fundërrinat më të këqija”.

Fyerjet e shprehura nga presidenti i Serbisë, Aleksandër Vuçiç, i cili po përballet me muaj të tërë protestash masive antiqeveritare, ndezën alarmin midis institucioneve evropiane.

Ngjarjet në këtë vend, përfshirë veprimet e policisë gjatë protestave, u përshkruan si shqetësuese nga institucionet evropiane.

Disa eurodeputetë propozuan të shqyrtojnë mbështetjen e mëtejshme financiare për Serbinë – vend kandidat për anëtarësim në Bashkimin Evropian – ndërsa opozita vendase i bëri thirrje BE-së që të vendosë sanksione ndaj përfaqësuesve të Qeverisë serbe, shkruan REL.

Pas kritikave, Vuçiç pranoi se ndoshta gaboi që i quajti eurodeputetët e Partisë së Gjelbër Evropiane fundërrina, duke thënë se për ta mendon “shumë më keq”.

Më 9 shtator, në Parlamentin Evropian u mbajt një diskutim për demokracinë në Serbi, i organizuar nga eurodeputetët e Socialistëve dhe Demokratëve, të grupit Rindërtojmë Evropën dhe të Gjelbrit.

Jellica Miniç, nga Lëvizja Evropiane në Serbi, thotë për Radion Evropa e Lirë se deklaratat e Vuçiçit ishin tronditëse për evropianët dhe njerëzit nga institucionet evropiane.

“Është një pikë kthese që i ngriti të gjithë në BE në këmbë”, thotë ajo.

Miniç kujton se Vuçiç edhe më parë i ka ofenduar zyrtarët evropianë, por, sipas saj, tani “ka ardhur koha për të paguar çmimin” për këto deklarata.

“Besoj se tani do të fillojë llogaridhënia për gjithçka që ka ndodhur më parë”, thotë ajo.

Kriza disamujore në Serbi u shkaktua nga shembja e një strehe të Stacionit Hekurudhor në Novi Sad, ku, për pasojë, humbën jetën 16 persona.

Në protestat masive antiqeveritare, protestuesit e udhëhequr nga studentët kërkojnë që autoritetet të mbahen përgjegjëse për këtë incident.

Protestuesit akuzojnë policinë për përdorim të forcës së tepërt gjatë shpërndarjes së tyre, por një gjë e tillë mohohet nga autoritetet dhe vetë policia.

Kreu i PD-së, Sali Berisha, deklaroi sot në mbledhjen e Kryesisë së PD-së, se opozita do të futet në Parlament gjatë legjislaturës së re, e cila nis më datë 12 shtator.

“Beteja jonë kërkon energji të reja, forca dhe forma të reja. Nuk është një variant të mos futemi në parlament, jo nuk është më mirë”, u shpreh kryedemokrati.

Berisha: Njohja e këtyre zgjedhjeve do të bënte PD bashkautore në një farsë më e shëmtuara në 32 vite, duke kërkuar këtë nga Kryesia, unë di se ka një debat të marrin , të marrin ajo pjesë në parlament. Ja u them ju personalisht unë mendoj se në këtë diktaturë ne nuk duhet të lëmë asnjë hapësirë bosh nga e cila të mos luftojmë kundër saj. Dhe nëse ka një gjë themelore që kërkohet nga secili prej nesh , kërkohet qëndrimi si do ndryshojmë ne në raport me narkodiktaturën dhe organizatën kriminale që ka uzurpuar pushtetin. Cili do të jetë qëndrimi ynë i ri. Asnjeri s’kemi bërë sa ka mund. Tani kërkohet ribrendim, kërkohet ndryshim para këtij mali të farsën elektorale. Beteja jonë kërkon energji të reja, forca dhe forma të reja. Nuk është një variant të mos futemi në parlament, jo nuk është më mirë.

lajm në përditësim..

Kryeministri Edi Rama, në Konferencën Ndërkombëtare për Qeverisje, teksa fliste për integrimin europian të vendit, u shpreh se kjo do të ishtë trashëgimia më e madhe që mund t’u lihet fëmijëve.

Rama bëri batuta teksa u shpreh se Shqipëria nuk do të bëhet kurrë një vend si Gjermania, duke shtuar “larg qoftë”, ndërsa shtoi se vendi ka nevojë të ruajë pjesën e gëzueshme të jetës.

Kreu i qeverisë shtoi se kjo është arsyeja pse ambasadorët e huaj në vendin tonë duan të rrinë më gjatë se sa misioni i tyre dhe largohen të trishtuar.

Edi Rama: Nëse bëhemi një vend që vepron si një institucion si vend anëtar i BE do ishte trashëgimia më e madhe që ne mund ti japim fëmijëve tanë për t’u rritur dhe të jetojnë në një shtet ku institucionet funksionojnë, jo si në Gjermani larg qoftë, por le të themi si në Italia po vend tjetër mesdhetar.

Ne asnjëherë nuk kemi për tu bërë Gjermani edhe nëse ne e kemi ndihmën e BE, ndaj kemi nevojë që të mos humbasim mundësinë disa gjëra të vogla, pjesën e gëzueshme të jetës.

Kjo është arsyeja pse të gjithë ambasadorët dëshirojnë që të qëndrojnë më gjatë në Shqipëri se sa është misioni i tyre dhe kur largohen janë të trishtuar.

E ftuar në studion e Living Day në Vizion Plus nën moderimin e Brunilda Lahes, ish-fermerja Alba Pollozhani bëri një përditësim të jetës së saj pas daljes nga reality show ku u kthye në një personazh fenomen.

“Po hap biznesin tim në fushën e bukurisë. Po bëj zgjedhjen time për një nga ofertat që më kanë ardhur për moderim në televizion dhe e treta edhe politika është pjesë e vazhdimësië”, tha Alba.

Alba ka habitur ndjekësit e saj dhe publikun e gjerë me prirjen e saj për politikë.

Udhëheqësit izraelitë dhe ata të Hamasit në Doha: Njohja e pesë figurave kyçe të shënjestruara
“Propozimet për politikë i kam patur që në moshën 18 vjeçare. Por kam qenë e fokusuar vetëm në fushën e biznesit. Nuk jam marrë me politik sepse jam shumë e zjarrtë për drejtësi dhe e di duhet të formohesha akoma më shumë për t’ju futur politikës. Më vlon zemra për popull dhe për të ndihmuar popullin“, u shpreh Alba.

Përsa i përket bindjeve të saj, ajo nuk dha një përgjigje duke u shprehur se është universale.

Shënjestra e atentatit të Ragip Gilës në Shkodër, Erogen Vaso ka folur prap ditën e sotme me hetuesit e ngjarjes së rëndë.

Nga spitali i Traumës ku ndodhet aktualisht, Vaso ka pranuar se ka miqësi me pjesëtarët e fisit Bajri, por ka mohuar thelbësisht që të jetë i përfshirë në ngjarjet kriminale. Për Gilën, Vaso tha se nuk e njeh dhe nuk ka asnjë konflikt me të.

“Me pjesëtarët e fisit Bajri kam miqësi nuk e mohoj këtë, por s’jam i përfshirë në asnjë ngjarje kriminale. Ragip Gilën s’e njoh dhe s’kam asnjë konflikt me të,” tha Vaso.

Si ndodhi vrasja?

Armando Pali dhe Erogen Brajoviç ishin duke pirë kafe në një lokal pranë Bashkisë së Shkodrës, kur Ragip Gila qëlloi me breshëri plumbash në drejtim të tyre. Shënjestër e atentatit dyshohet se ka qenë Erogen Brajoviç. Nga atentati mbeti i vrarë Armando Pali dhe Liridon Kraja (Lushi) 31 vjeç, truproja i Erogen Brajoviç. Truproja e Erogen Brajoviç, ndërroi jetë në spital pas plagëve të marra nga breshëria e plumbave. Kurse të plagosur mbetën shënjestra e dyshuar, Erogen Brajoviç dhe kamarierja 25-vjeçare e lokalit, Meri Kaceri. Erogen Brajoviç, i cili mori tre plumba, ndodhet në spitalin e Traumës në Tiranë.

Moti i keq ka goditur ashpër qendrën dhe veriun e Italisë, duke shkaktuar dëme dhe emergjenca të shumta. Në Toscana, veçanërisht në ishullin Elba dhe në provincën e Livornos, rreth 200 persona kanë mbetur të izoluar në zonën e Fornos pas një rrëshqitjeje dherash që ka bllokuar rrugët.

Disa përrenj kanë dalë nga shtrati, duke shkaktuar përmbytje në Portoferraio dhe në pjesë të tjera të Livornos.

Në Venecia u aktivizua sistemi për mbrojtjen nga përmbytjet, pasi pritet një valë e lartë deri në 110 cm. Shiu i dendur ka prekur edhe Venezian, ku janë regjistruar mbi 200 milimetra reshje. Në Bibione dhe Lignano Sabbiadoro, kampingje me mbi 2.000 persona janë evakuuar për arsye sigurie.

Në Lecco e Como janë regjistruar përmbytje dhe evakuime. Vetëm në Blevio u shpëtuan 19 persona.

“Në provincën e Bergamos e të Vareses rrugë dhe nënkalime u mbushën me ujë, duke shkaktuar probleme të shumta në qarkullim. Shumë banesa dhe bodrume u përmbytën gjatë natës.

Vetëm në 24 orë janë kryer 280 ndërhyrje nga zjarrfikësit mes Lazios, Ligurias, Toskanës dhe Lombardisë. Në disa zona në Romë era e fortë ka rrëzuar pemë ndërsa dëme janë shënuar dhe nga përmbytjet.

Nga 2026, njërit nga çifti i prindërve që kanë fëmijë nën 18-vjeç do t’i zbriten automatikisht 48 mijë lekë nga baza e tatueshme kur të plotësojë Deklaratën e të Ardhurave Personale. Kjo e fundit është publikuar tashmë nga Drejtoria e Përgjithshme e Tatimeve.

Ilir Binaj, Drejtor i Përgjithshëm i DPT-së, tha se është një vlerë që ne e kemi kalkuluar për 500 mijë fëmijë sipas Censit të fundit dhe që mund ta përfitojnë prindërit e tyre. ”Ai që i ka të ardhurat më të larta dhe nëse do e bënim për të 500 mijë fëmijët, besoj që mund të arrijë këto janë vlera paraprake, por mund të arrijë deri në 20 milionë euro”.

Nëse paga e tij apo e saj mujore bruto gjatë 2025-s ka qenë në vlerën e 150 mijë lekëve, rrjedhimisht me të ardhura vjetore 1 milion e 800 mijë lekë, duke zbritur nga 30 mijë lekë çdo muaj si pjesë që nuk tatohet, detyrimi për 12 muajt përllogaritet në 187 mijë e 200 lekë. Por duke hequr edhe shumën prej 48 mijë lekësh në vit për fëmijën në përkujdesje, tatimi vjetor zbret në 180 mijë e 960 lekë. Pra, ky individ i punësuar do të paguajë 6 mijë 240 lekë më pak tatim, që rrjedhimisht përkthehen në më tepër para në xhepa.

“Kjo është një mënyrë që bëhet në shumë vende. Unë e kam parë në Amerikë. Është një mënyrë që ti në një farë mënyre do të ndihmosh familjet e shumë fëmijë, pasi edhe situata financiare e shumë familjeve është e ndryshme nga tjetra dhe patjetër ato që kanë më shumë fëmijë në varësi duhet të kenë më shumë ndihmë”, deklaroi Binaj.

E njëjta logjikë vlen edhe për familjet me dy fëmijë nën 18 vjeç. Shpenzimet e zbritshme vjetore në këtë rast përllogariten në 96 mijë lekë. Pra, prindi me të njëjtën pagë, 150 mijë lekë në muaj do të paguajë tatim vjetor në vlerën e 174 mijë e 720 lekëve, 12 mijë e 480 lekë më pak nga sa do t’i merreshin nëse nuk do të kishte fëmijët minorenë në përkujdesje.

Nga viti i ardhshëm për prindërit me të ardhura vjetore jo më shumë se 1 milion e 200 mijë lekë në vit, do të aplikohen edhe shpenzimet e zbritshme për arsimimin e fëmijëve në masën maksimale 100 mijë lekë. Pra, prindi nuk do të paguajë 109 mijë e 200 lekë tatim në vit, por 89 mijë e 960, duke kursyer kështu 19 mijë 240 në vit.

Kristjan Asllani ishte heroi i Shqipërisë në duelin ndaj Letonisë, teksa shënoi golin e vetëm të sfidës nga pika e bardhë e penalltisë. Në prononcimin e dhënë për mikrofonin e “Supersport”, mesfushori i cili së fundmi është transferuar te Torino deklaroi:

“Besoja se nuk do të hyja në fushë në pjesën e dytë. E pamë me eko që nuk kisha gjë, e fashova dhe doja të luaja. Edhe ndaj Fiorentinës kisha dhimbje në kofshë. S’jam më i ri, 23 vjeç, po plakem edhe unë.

Sot ishte një performancë pozitive. Letonia na priti, nuk ishte agresive. Jemi të lumtur, kjo ishte si një finale për ne. E dimë çfarë ndeshje na pret në tetor. Duhen 3 pikët ndaj Serbisë. Këtu ndaj Serbisë bëmë ndeshje pozitive, treguam kualitetin, gabuam penalltinë. Sot 1 me 0 deri në fund ishte problem. Këto ekipet nga kornet janë të forta. Gabimi qe ky që nuk e mbyllëm ndeshjen.

Sot Broja më shau pak në fushë, por nuk ka problem, jemi shokë. Gabimi është që nuk bëjmë gola. Në fund kemi rrezikuar shumë, u ulëm poshtë. Shumë e vështirë, për të markuar. Na duhet ta mbyllim ndeshjen.