Lajme Flesh

Ditën e sotme, në tregun e këmbimit valutor, një dollar amerikan blihet me 82.2 lekë dhe shitet me 83.5 lekë.

Ndërkohë euro blihet me 96.7 lekë dhe shitet me 97.6 lekë.

Franga zvicerane blihet me 103 lekë dhe shitet me 104.3 lekë.

Ndërsa paundi britanik blihet me 111 lekë dhe shitet me 112.3 lekë.

Dollari kanadez këmbehet me 59.3 lekë në blerje dhe me 60.8 lekë në shitje.

Për kursin e monedhave të tjera shihni tabelën e mëposhtme:

Polonia njoftoi mëngjesin e së mërkurës se i ka ngritur në ajër avionët luftarakë dhe e ka rrëzuar një numër të papërcaktuar dronësh rusë që kishin hyrë në hapësirën e saj ajrore, duke e quajtur këtë “akt agresioni”.

Ushtria e Polonisë tha se dronët shkelën në mënyrë të përsëritur hapësirën ajrore polake mëngjesin e së mërkurës, pasi Rusia e kishte nisur një valë sulmesh ajrore në Ukrainë, përfshirë edhe afër kufirit me Poloninë.

Kryeministri i Polonisë, Donald Tusk, shkroi në X se ishte njoftuar nga Komanda Operacionale e Ushtrisë lidhur me “rrëzimin e dronëve që u futën në hapësirën tonë ajrore dhe që mund të përbënin kërcënim”.

Ai tha se e ka njoftuar edhe sekretarin e Përgjithshëm të NATO-s, Mark Rutte, për veprimet e ndërmarra nga pala polake.

Nuk raportohet për viktima në Poloni dhe mbetet e paqartë sa dronë kishin hyrë në hapësirën ajrore të Polonisë.

Ushtria tha se është duke kërkuar për mbetjet e dronëve të rrëzuar.

“Ky është akt agresioni që paraqiti kërcënim real për sigurinë e qytetarëve tanë”, shkroi Komanda Operacionale e Ushtrisë në një postim në X.

Ky incident i ka rritur ndjeshëm tensionet në Varshavë dhe në radhët e anëtarëve të tjerë të aleancës ushtarake të NATO-s.

Ndërkohë, deri tani nuk ka ndonjë reagim nga Ministria e Mbrojtjes e Rusisë.

Polonia tha gjithashtu se i ka mbyllur katër aeroporte, përfshirë aeroportin kryesorin e vendit në Varshavë.

Rregullatori amerikan i aviacionit, Administrata Federale e Aviacionit (FAA), lëshoi një njoftim se edhe Aeroporti Rzeszow–Jasionka në juglindje është mbyllur. Ky aeroport është lidhje e rëndësishme për transportin e pasagjerëve dhe të armëve drejt Ukrainës.

Sipas forcave ajrore të Ukrainës, pothuajse i gjithë vendi, përfshirë rajonet perëndimore të Volinit dhe Lvivit, janë nën alarm ajror në orët e para së mërkurës. /REL/

Një ngjarje e rëndë ka ndodhur paraditen e sotme në Tiranë, ku dy persona janë plagosur më thikë.

Mësohet se të plagosurit janë dy vëllezër, teksa autori është po ashtu vëllai i tyre. Ngjarja raportohet se ka ndodhur rreth orës 11:00, në rrugën e Paskuqanit, pas një konflikti të çastit mes 3 vëllezërve. Autori është një 29-vjeçar, i cili është arrestuar, teksa thika që ka përdorur është sekuestruar. Nuk dihet ende motivi i konfliktit mes vëllezërve.

Njoftimi i policisë:

Plagosi me mjet prerës (thikë), dy vëllezërit e tij, si rezultat i reagimit në kohë të shërbimeve të Komisariatit të Policisë Nr. 5, identifikohet, kapet dhe shoqërohet, 29-vjeçari. Sekuestrohet mjeti prerës (thikë). Rreth orës 11:00, në rrugën e Paskuqanit, dyshohet se pas një konflikti të çastit, për motive të dobëta, shtetasi E. M., 29 vjeç, ka plagosur me mjet prerës (thikë), vëllezërit e tij shtetasit Z. M., 27 vjeç dhe A. M., 20 vjeç.

Pas marrjes së njoftimit, shërbimet e Komisariatit të Policisë Nr. 5, kanë shkuar menjëherë në vendngjarje ku si rezultat i veprimeve të shpejta kanë bërë të mundur identifikimin dhe kapjen e autorit të dyshuar, shtetasit E. M., dhe shoqërimin e tij, në Komisariat, për veprime të mëtejshme procedurale.

2 shtetasit e dëmtuar ndodhen në spital, në kujdesin e mjekëve, jashtë rrezikut për jetën.

Një tjetër tërmet ka tronditur Greqinë ditën e sotme. Lëkundjet sizmike ishin me magnitudë 3.7 Rihter dhe u regjistruan në orën 13:31 me atë greke. Epiqendra ishte përsëri në zonën e Evias.

Sipas zgjidhjes së rishikuar të Institutit Gjeodinamik, epiqendra e tërmetit ndodhet 7 km në jugperëndim të Prokopit, me një thellësi fokale prej 12.3 km.

Vërehet se dridhjet janë ndjerë edhe në zonat e Atikës, por nuk u raportua për të lënduar apo dëme të mëdha.

“Tërmet me magnitudë paraprake 3.7 me epiqendër në Prokopi, Evia (jo epiqendra në Nea Stira). Ndjehet pak edhe në Atikën lindore”, shkroi sizmologu Gerasimos Papadopoulos në postimin e tij, informon ‘Protothema”.
Të hënën një tërmet i fuqishëm shkundi vendin fqinj, me forcë 5.2 magnitudë Rihter, po në Evia dhe konkretisht në Nea Stira, ku nuk u regjistruan të lënduar në njerëz.

Italia është përfshirë nga kushte të këqija atmosferike ditën e sotme pothuajse në të gjithë territorin e saj, me stuhi shiu, erë të fortë, përmbytje masive, dëme dhe rrezik për jetën e qytetarëve.

Më e prekur është zona veriore e vendit, Lombardia dhe Veneto. Mes të rrezikuarave edhe qyteti i Venecias, pasi niveloi i ujit në qytetin lundrues po rritet si pasojë e sasive të mëdha të shiut. Në tre orët e fundit, 50 mm të tjera shiu kanë rënë në Elbë, zonën e poshtme të Livornos dhe zonën e Luca, dhe deri në 30 mm në zonën e Pizës. Kjo u raportua nga Departamenti i Mbrojtjes Civile të Toskanës. Kanali Valle di Lazzaro pranë Portoferraio ka dalë nga shtrati.

Rrëshqitje dheu dhe rrëshqitje toke të shkaktuara nga moti i keq në zonën e Komos. Të paktën 200 persona rrezikuan edhe jetën, pasi u izoluan nga ujërat dhe rrëshqitjet e dherave, informon “La Repubblica”.

Moti i keq ka shkaktuar një rrëshqitje dheu në ishullin e Elbës, duke i lënë pas rreth 200 persona, sipas zjarrfikësve. Rrëshqitja e dheut bllokoi trafikun në qytetin e Fornos, duke i izoluar përkohësisht banorët.

Sistemi “Mose” i Venetos po ngrihet për shkak të baticës së parë të lartë të sezonit të vjeshtës. Parashikimi fillestar për sot ishte 105 centimetra, një nivel që shkaktoi ngritjen e digave të lëvizshme që mbrojnë Venecian.

Moti i keq paralizoi edhe lëvizjet në rrugë, pasi shumë pemë u këputën dhe akset u mbuluan nga vërshimi i shirave. Përafërsisht njëqind ndërhyrje u menaxhuan nga Salla e Operacioneve dhe u kryen gjatë natës nga Departamenti i Zjarrfikësve të Romës për shkak të motit të keq. Qytetet Bracciano, Sacrofano, Montelibretti, Castelli Romani dhe një pjesë e vijës bregdetare romake u prekën më shumë nga heqja e pemëve të rrëzuara, degëve të pasigurta, tabelave dhe shtyllave.

Dëshmitare e skenave të kaosit në Nepal është bërë edhe volejbollistja greke Eva Hadava, e cila udhëtoi aty në fund të gushtit për të garuar me ekipin Karnali Yashvis në Ligën e Volejbollit për Femra të Everestit dhe është bllokuar pas trazirave në vend.

Turneu, i cili ishte planifikuar të zgjaste dy javë, u ndërpre papritur ndërsa vendi u godit nga protesta masive antiqeveritare dhe përleshje të dhunshme.

Në një bisedë me mediat greke, atletja deklaroi e shokuar: “Jam në rrezik shumë të madh, nuk mund të flas.”

Situata në Katmandu ka dalë jashtë kontrollit. Parlamenti është djegur, kryeministri Oli ka dhënë dorëheqjen dhe mijëra të rinj, kryesisht studentë dhe punëtorë të rinj, kanë dalë në rrugë duke kërkuar ndryshime dhe fundin e korrupsionit.

Të paktën 22 persona kanë humbur jetën dhe më shumë se 100 janë plagosur në incidente, jo vetëm në kryeqytet, por edhe në qytete të tjera të mëdha të vendit.

Atletja greke dhe shoqet e saj të ekipit, nga frika, u detyruan të braktisnin hotelin ku po qëndronin dhe, sipas informacioneve, janë fshehur për orë të tëra në një zonë pyjore për t’u mbrojtur nga protestuesit.

“Nuk jam e sigurt tani. Nepal,” shkroi ajo në një postim në Facebook.

Pak më vonë, me një postim të ri, atletja njoftoi se po fshihej në një zonë pyjore: “Po djegin të gjithë Nepalin, ne po fshihemi në pyll duke pritur që ushtria të veprojë.”

Në përputhje me standarded JTI

Dashi

Asgjë e veçante për te dashuruarit gjate kësaj dite. Rutina do e pushtoje lidhjen e tyre dhe nuk pritet asgjë e jashtëzakonshme. Beqaret nga ana tjetër do bëjnë për vete shume persona. E ardhmja e tyre do jete shume me ndryshe se me pare. Sektori i te ardhurave do përballet me surpriza te këqija. Asgjë nuk do ece si ju e kishit mendua, prandaj duhen marre masa strikte.

Demi

Dite e këndshme edhe pse jo e mbushur me surpriza te njëpasnjëshme kjo e sotmja për te dashuruarit. Do jeni me realiste se kurrë me pare. Beqaret do bien ne dashuri me një person qe nuk ia vlen për asgjë. Me vone do i vuajnë pasojat. Financat fatmirësisht do jene gjithë kohës te ekuilibruara nuk do ketë probleme apo vështirësi te mëdha.

Binjaket

Asgjë katastrofike nuk do ndodhe sot ne jetën tuaj ne çift, megjithatë duhet thënë se debatet dhe mosmarrëveshjet do ekzistojnë. Te dy do jeni tolerante dhe do zgjidhni gjithçka me qetësi. Beqaret me mire t’ia lënë kohës gjithçka dhe te mos kërkojnë me ngulm te fillojnë një lidhje. Ne planin financiar do futeni ne një periudhe te privilegjuar dhe me fat.

Gaforrja

Te dashuruarit nuk duhet te nxitohen për asgjë, por duhet te bëjnë mire ti marrin gjerat sa me shtruar qe te mundin. Ne këtë mënyrë nuk do kenë as vështirësi. Beqaret do joshin persona te shumte gjate kësaj dite dhe njërin do arrijnë ta bëjnë për vete. Ai ne fakt do iu përshtatet si ne paraqitje ashtu edhe ne karakter. Financiarisht do keni fat dhe do ndiheni për mrekulli.

Luani

Do i jepni me shume rëndësi se kurrë sot jetës suaj ne çift dhe do mundoheni ta mbani atë gjate gjithë kohës te stabilizuar. Yjet do i keni ne anën tuaj. Beqaret do jene te arsyeshëm dhe nuk do pranojnë çdo lloj takimi. Ne këtë mënyrë ata do shmangin lëndimet. Ne planin financiar tregohuni te arsyeshëm me shpenzimet dhe me te organizuar me te ardhurat.

Virgjeresha

Tensioni ne çift do filloje te ulet gjate kësaj dite. Do jeni me realiste dhe do dini te kërkoni falje për gabimet qe keni bere. Beqaret nuk do e mbajnë mendjen tek krijimi i një lidhjeje, por një person shume interesant do i magjepse sapo t’ua hedhe sytë. Financat do vazhdojnë te jene delikate edhe pse ju do mundoheni te jeni disi me te organizuar.

Peshorja

Do jeni shume xheloze sot për partnerin tuaj gjate kësaj dite dhe nuk do e lini atë te marre fryme lirisht. Kujdes sepse kjo mund te jete mbytëse dhe mund ta beje qe te largohet prej jush. Beqaret do kenë një dite normale dhe pa asnjë te veçante. Merrini gjerat si t’u vijnë. Financat duhet t’i menaxhoni me shume kujdes nëse nuk doni te keni probleme.

Akrepi

Kjo dite do jete e vështirë për te dashuruarit. Nuk do merreni vesh aspak me personin qe keni ne krah dhe debatet do jene te forta. Beqaret do jene te pavendosur dhe nuk do përfitojnë aspak nga ftesat qe do iu bëhen. Për ta ka gjera te tjera me te rëndësishme. Me financat fatmirësisht nuk do keni probleme te mëdha. Vazhdoni te shpenzoni me mençuri.

Shigjetari

Jeni ne një lidhje? Sot nuk do e lini për asnjë çast vetëm partnerin tuaj dhe marrëdhënia ne çift do jete e mrekullueshme. te dy do jepni shume nga vetja qe atmosfera te mbetet e ngrohte. Beqaret do jene joshës, por mendjemadhësia do i beje te tjerët qe te stepen për t’i bere për vete. Ne planin financiar do iu duhet te merrni hua për t’ia dale mbanë.

Bricjapi

Jeta ne çift do influencohet pozitivisht nga yjet. Do e dashuroni ne mënyrë pasionante atë qe keni ne krah dhe mjedisi do behet me emocionues se kurrë. Beqaret vetëm sa do koleksionojnë flirte. Asgjë me shume sesa kaq nuk ka për te ndodhur. Yjet nuk do jene te favorshme për te ardhurat. Kujdes me çdo lloj hapi qe do hidhni.

Ujori

Do jeni shume te qete gjate kësaj dite dhe do e dashuroni partnerin sipas mënyrës suaj. Ai do ndihet mire dhe do ja kaloni për mrekulli. Beqaret do jene te favorizuar ne sektorin e dashurisë. Takimet qe do realizojnë do jene mbresëlënëse. Shpenzimet e konsiderueshme dhe te pamenduara mund t’ua vështirësojnë situatën financiare. Kujdes!

Peshqit

Dite mjaft premtuese dhe emocionuese kjo e sotmja për te dashuruarit. Do ndiheni mjaft mire pranë partnerit tuaj dhe çdo gjë do ece për mrekulli. Pritet edhe ndonjë darke romantike. Beqaret duhet te presin edhe pak kohe për dashurinë e madhe. Sot do ketë vetëm flirte. Financat do ekuilibrohen dalëngadalë, por duhet te tregoheni te kujdesshëm me shpenzimet.

Motra e kamerieres që u plagos nga atentati i përgjakshëm i Ragip Gilës dje në qendër të qytetit të Shkodrës i bën thirrje medieve që të mos abuzojnë me ngjarjen, pasi siç thotë ajo, po i vihet në rrezik jeta e motrës së saj për të dytën herë.

Motra e kamarieres së plagosur në Shkodër apel mediave: Po na

Detaje të reja u bërë publike nga ngjarja tragjike e ndodhur këtë të hënë në Shkodër. Raportohet se e plagosura, e cila ishte kamariere në lokal, ka parë dy persona.

Sipas deklaratës që ajo i ka dhënë familjarëve, autori mendohet të mos ketë qenë i vetëm, por i shoqëruar edhe nga një person tjetër.

“Vajza, në momentet kur ka dalë nga operacioni dhe ka ardhur në vetëdije, ka komunikuar me familjarët e saj. Këto po i them bazuar në deklaratat e familjarëve: ajo ka parë dy persona në motor, jo vetëm një supozohet që mund të jenë dy autorë.” tha gazetarja e Euronews Albania nga spitali i Shkodrës, Matilda Braho.

Ministri i Drejtësisë Ulsi Manja ka deklaruar se në Kodin e ri Penal, do propoziohet një dënim i ashpër për ata që ndërtojnë pa leje.

Në një aktivitet për prezantimin e paketës me masat ligjore për mbrojtjen e pronës dhe territorit, Manja deklaroi se do propozohet që nëse ndërtimi pa leje kryehet nga një person me funksion publik, dënimi të jetë 3 deri në 7 vite burg.

Ndërkohë, nëse ndërtimi i paligjshëm kryehet në zona të mbrojtura, dënimi do jetë 5 deri në 10 vite burg

“Propozojmë te shtohen dy paragrafë të reja. Kur ndërtimi kryhet nga persona që ushtrojnë funksione publike të dënohet 3-7 vjet. Kush ka një rol për të luajtur për shkak të detyrës në kontrollin e territorit, duhet të ndëshkohet penalisht. Ndërtimi i paligjshëm brenda zonave të mbrojtura, apo kryhet si ndërtim brenda infrastrukturës kritike, dënimi 5-10 vite burg. Element tjetër është zënia e tokës, që përbën kundravajtje penale. Propozojmë ndryshim rrënjësor të nenit, do ketë 4 paragrafë. Nëse zënia e tokës kryhet në një tokë brenda zonave të mbrojtura, 1-5 vite.”-u shpreh Manja.

Kryeministri Edi Rama, ashtu siç ka paralajmëruar, ditën e enjte, do të mbledhë Asamblenë Kombëtare të Partisë Socialiste, më 11 shtator, për të shpallur prioritetet dhe ekipin me të cilin do të drejtojë vendin në 4 vitet e ardhshme.

Belinda Balluku, aktualisht ministre e infrastrukturës, pritet të spostohet në Kryetare Kuvendi.

Gjithashtu, Elisa Spiropali, aktualisht Kryetare Kuvendi, pritet të marrë postin e Ministres së Jashtme.

Blendi Gonxhe, pritet të mbajë postin e Ministrit të Infrastrukturës, mëson Albeu.com

Përbërja e re e Qeverisë Rama 4:

Kryetare Kuvendi – Belinda Balluku

Zv/-Adea Pirdeni

M.Jashtëm- Elisa Spiropali

M.Mbrojtje-Pirro Vengu

M.Brendshëm- Vlora Hyseni

M.Drejtësisë- Elira Kokona

M.Financës- Genti Gazheli

M.Infrastrukturës-Blendi Gonxhe

B.Bujqësisë- Bledi Çuçi

M.Turizmit- Ervin Demo

M.Arsimit- Arbi Mzniku

M.Kulturës-Besiana Kadare

M.Antikorrupsion Albana Koçiu

M.Ekonomisë Delina Ibrahimaj

M.Dixhitalizimit- Mirlinda Kacinaj

M.Diasporës-Romina Kuko. ALBEU