Gazetarja Ledjona Xheladinaj, ish-banore e “Big Brother VIP Albania 3”, ka bërë një zbulim të papritur rreth përvojës së saj brenda shtëpisë, duke u fokusuar te një aspekt specifik të jetesës atje.
Xheladinaj ishte një nga banoret e komentuara të edicionit të tretë, por këtë herë ajo ka folur për një prapaskenë që lidhet me sponsorët dhe menaxhimin e ushqimit.
E ftuar në “ABC e Mëngjesit”, gazetarja tregoi se ndryshe nga sa mund të mendohet, banorët kanë kaluar edhe vështirësi për ushqimin, pavarësisht sponsorëve të shumtë.
Sipas saj, ka pasur një periudhë gati dy-javore ku ata janë ndjerë të kufizuar, madje edhe të detyruar të vlerësojnë produkte që nuk u pëlqenin.
Ajo u shpreh: “Aty ka shumë sponsora. Mund të hash çfarë të duash por jo sa duhet. Ne kemi patur një periudhë shumë të vështirë. Gati dy javë nuk kishim çfarë të hanim. Jo çfarë të hanim se s’kishte, por ishte vetëm një lloj gjëje. Dhe nëse nuk të pëlqente diçka duhet të thoshe, ‘oo sa e mirë’.”
Kjo deklaratë e Ledjonës hedh dritë mbi një aspekt më pak të dukshëm të formatit, duke treguar presionin që banorët mund të ndiejnë jo vetëm nga loja, por edhe nga detyrimet ndaj sponsorëve të programit.
Këto shenja po tërheqin bollëk dhe fat të konsiderueshëm në nëntor 2025.
Jupiteri është në Gaforre gjatë muajit dhe kthehet në retrogradë nga 11 nëntori deri më 11 mars, siç bën çdo vit për rreth katër muaj.
Tranzitet retrograde nuk do të thotë se humbet ndikimin e tij pozitiv, por ato prezantojnë një periudhë rishikimi, në krahasim me kursin e tij të drejtpërdrejtë.
Jupiteri retrograd mund të ndikojë në çështjet familjare dhe emocionale, si dhe në jetën familjare dhe ndjenjën tuaj të sigurisë personale.
Gjatë kësaj kohe, mund të jeni duke bërë rregullime për të arritur një përmbushje më të madhe personale ose duke u bërë të vetëdijshëm për ndryshimet që ndikojnë në lumturinë tuaj familjare, emocionale dhe personale.
Venusi përfundon tranzitin e saj në Peshore dhe hyn në Akrep nga 6 deri më 30 nëntor, duke kaluar në Shigjetar më 30 nëntor. Kur Venusi hyn në Akrep, theksi është te financat,
pasi Akrepi sundon shtëpinë e tetë, e cila lidhet me paratë e njerëzve të tjerë, fondet e një partneri ose të kompanisë. Kjo shtëpi merret gjithashtu me kreditë dhe zgjidhjet financiare.
Marsi, planeti i veprimit, sundon Akrepin, kështu që mund të ndiheni më të motivuar për të arritur qëllimet dhe për të ndërmarrë veprime vendimtare. Më 30 nëntor, Venusi do të hyjë në Shigjetar dhe do të fillojë tranzitin e saj mujor të shtëpisë së nëntë.
Binjakët Jupiteri në Gaforre sundon shtëpinë tuaj të dytë të financave dhe të ardhurave, duke sjellë mundësi për rritje financiare dhe duke përmirësuar vetëbesimin tuaj. Venusi është në shtëpinë tuaj të pestë të miqve, argëtimit dhe dashurisë deri më 6 nëntor, kur kalon në Akrep dhe në shtëpinë tuaj të gjashtë të punës dhe shëndetit. Kjo periudhë favorizon mirëqenien tuaj profesionale dhe fizike. Mund të merrni një ngritje në detyrë, një pozicion ose rritje të re page, ose të shihni punën tuaj të njohur. Kur Venusi kalon në Shigjetar në fund të muajit, ajo do të hyjë në shtëpinë tuaj të shtatë të marrëdhënieve. Hëna e Plotë në Demi është në shtëpinë tuaj të dymbëdhjetë dhe nxjerr në dritë modelet e mendimit nënndërgjegjeshëm ose besimet negative, duke ju dhënë mundësinë t’i lironi ato. Hëna e Re në shtëpinë tuaj të gjashtë të punës sinjalizon fillime ose mundësi të reja në jetën tuaj profesionale.
Peshorja Jupiteri kalon tranzit nëpër shtëpinë tuaj të dhjetë të karrierës, duke sjellë progres dhe njohje. Kjo shtëpi lidhet gjithashtu me publikun, kështu që nëse puna juaj e përfshin atë, do të ketë përfitime. Mund të ndryshoni profesione ose pozicione me një rezultat pozitiv. Venusi në Peshore është në shtëpinë tuaj të parë, duke ju bërë të dukeni dhe të ndiheni sa më mirë. Kjo tërheq përshtypje pozitive dhe mundësi të reja. Kur Venusi lëviz në Akrep, ajo do të jetë në shtëpinë tuaj të dytë të financave, duke favorizuar rritjet ose përmirësimet në të ardhurat tuaja. Në fund të muajit, kur ajo lëviz në Shigjetar, ajo do të hyjë në shtëpinë e tretë të komunikimit. Hëna e Plotë në Dem bie në shtëpinë e tetë të financave të përbashkëta dhe mund të sjellë negociata financiare. Hëna e Re në Akrep është në shtëpinë e dytë të të ardhurave, duke ndriçuar çështjet monetare dhe burimet e reja të të ardhurave.
Akrepi Jupiteri në Gaforre kalon tranzit në shtëpinë tuaj të nëntë, duke tërhequr njerëz nga larg, mundësi udhëtimi ose përfitime nga partneritetet. Kjo shtëpi është gjithashtu e lidhur me arsimin, kështu që mund të përfitoni përmes arsimit ose studimeve. Nëse jeni të përfshirë në çështje ligjore, Jupiteri mund të jetë veçanërisht i dobishëm. Kur Venusi hyn në Akrep, ajo do të kalojë tranzit në shtëpinë tuaj të parë, duke rritur sharmin dhe fuqinë tuaj për të tërhequr njerëz dhe mundësi. Në fund të muajit, ajo kalon në Shigjetar dhe fillon tranzitin e saj përmes shtëpisë tuaj të dytë të financave. Hëna e Plotë më 5 nëntor bie në shtëpinë tuaj të shtatë të marrëdhënieve, duke sjellë në plan të parë një partner ose bashkëpunëtor. Hëna e Re në Akrep shënon rifillimin tuaj personal gjatë muajit të ditëlindjes dhe rrit aftësinë tuaj për të manifestuar dëshirat tuaja.
Pas fitore 2-0 ndaj Sllovenisë në Lubjanë, Kosova ka siguruar matematikisht play-offin për Kupën e Botës 2026, një sukses historik edhe për ta.
Megjithatë, ëndrra për një kualifikim direkt në Botëror mbetet aty për Dardanët, ndryshe nga kuqezinjtë që nuk kanë asnjë shpresë për vendin e pare. Në ndeshjen e fundit të eliminatoreve, Kosova pret Zvicrën në “Fadil Vokrri”.
Për t’u kualifikuar direkt, Dardanët duhet të fitojnë me një diferencë prej së paku 6 golash, një detyrë jashtëzakonisht e vështirë duke pasur parasysh formën e Zvicrës, e cila deri tani ka regjistruar 4 fitore dhe 1 barazim dhe nuk ka humbur asnjë takim.
Edhe kapiteni i Zvicrës, Granit Xhaka, e përmendi këtë fakt pas ndeshjes, duke theksuar rezultatin që i duhet Kosovës. Trajneri Franco Foda dhe ekipi janë të përqendruar te ndeshja e fundit, duke kërkuar një rezultat të mirë. Kosova tashmë ka shkruar histori duke siguruar play-offin, dhe çdo gjë tjetër, përfshirë një kualifikim direkt në Botëror, do të ishte përtej ëndrrës…
Shkarkimi i Roland Kristos, njeriut të Lucës në Ministrinë e Bujqësisë, ndodh në të njëjtën kohë me rritjen e presionit amerikan ndaj rrjeteve të biznesit pranë kryeministrit. Nga sanksionet e fundit të SHBA te aktivizimi i DEA-s në Tiranë, duket se Rama po distancohet nga njerëzit e tij më të afërt ndërsa Luca nis sulmin publik kundër qeverisë…
Gjergj Luca, një nga përkrahësit më të zjarrtë dhe aktivë të Edi Ramës në hapësirën virtuale dhe mediatike, papritur sot ishte xhindosur me qeverinë e mikut të tij. Të cilin e konsideron një hero kombëtar që po e çon vendin në Europë.
Vetë Luca, por edhe grupi i tij i pasuesve mediatikë, sot kanë nisur një sulm të koordinuar ndaj qeverisë për heqjen e Roland Kristos nga posti i zv.ministrit të Bujqësisë. Luca ishte një nga më entuziastët në kohën kur ministër i Bujqësisë u emërua kryebashkiaku i Cërrikut, Andis Sala. Ngaqë në zonën e Elbasanit dhe përreth ai ka të përqendruar biznesin, ku ka krijuar një lidhje të fortë në territor, sa është kthyer edhe në një faktor elektoral ku lobon për PS-në, gjë të cilën e thotë edhe vetë.
Roland Kristo duket ka qenë njeriu i afërt i Lucës dhe lobit të tij të peshkimit në Ministrinë e Bujqësisë, e këtë e pranon vetë përkrahësi i zellshëm i Edi Ramës, i cili thotë se Kristo ishte një nga specialistët më të mirë në Europë. Sipërmarrësi deklaroi se vendimi i qeverisë për të shkarkuar nga detyra e zëvendësministrit, biologun me 22 vite eksperiencë, nuk është vetëm paturpësi për shtetin në raport me Roland Kriston, por edhe një humbje e madhe ekspertize për mbarë sektorin e peshkimit në Shqipëri.
Ndërkaq, disa përkrahës mediatikë të Lucës shkojnë më tej duke sulmuar Taulant Ballën, se ka vendosur në krye të sektorit një njeri të afërt të tij. Megjithatë, duket e qartë se gjithçka vjen nga lart, përkatësisht nga njeriu që dashuron Luca: Edi Rama. Është kryeministri, pra qeveria, që shkarkon dhe emëron zëvendësministrat apo drejtorët e përgjithshëm.
Po pse do ta shkarkonte Edi Rama një njeri të mikut të tij Gjergj Luca në Ministrinë e Bujqësisë, kur për më tepër është mjaft i kualifikuar? Për ta zëvendësuar me një të ri që nuk i ka atributet profesionale dhe eksperiencën e Kristos? Përgjigjja që vjen natyrshëm është se kjo mund të ketë ndodhur pikërisht sepse ai konsiderohet përkrahës i Lucës, e jo sepse është ai që është. Një zhvillim që duket qartë edhe në irritimin e biznesmenit, i cili deri më sot e ka pasur “grurë” me kryeministrin dhe mazhorancën.
Madje edhe me Taulant Ballën, kundër të cilit ka ndërsyer njerëzit e tij më të afërt mediatikë. Ndaj vjen një tjetër pyetje në këtë situatë: a po e braktis apo lëshon Rama mikun e tij të fëmijërisë, Luca? Edhe nëse po, përse po ndodh kjo?
Kjo do të kuptohet më mirë në ditët në vijim, por ajo që duket është se nga SHBA ka disa lëvizje të forta ndaj atyre që deri tani janë quajtur sipërmarrës pranë kryeministrit. Disa ditë më parë, një nga këta sipërmarrës nga më të fuqishmit është sanksionuar familjarisht nga qeveria e Shteteve të Bashkuara dhe Departamenti i Thesarit i ka bllokuar të gjitha transfertat bankare në Amerikë.
Një lëvizje që duket ka ardhur nga një hetim i hollësishëm në Shqipëri dhe më tej. Para dy muajsh, DEA, e cila ka hapur zyrën në ambasadën amerikane në Tiranë, kërkoi ndihmë nga publiku për të informuar për trafikantët e drogës dhe pastrimin e parave. Një prioritet që administrata Trump po investon shumë brenda SHBA-së por edhe jashtë saj.
DEA në realitet ka rritur aktivitetin hetimor në Shqipëri, së bashku me burimet e saj, edhe si pasojë e shtimit të numrit të trafikantëve shqiptarë që veprojnë në Amerikën Latine, Kanada, por edhe në SHBA. Përveç trafiqeve, një pjesë e rëndësishme e hetimit të DEA-s është edhe adresimi i investimit të parave në Shqipëri dhe jashtë saj.
Sanksionet ndaj Luftar Hysës së Sinaloa-s kanë rastisur në një kohë me largimin e njeriut të Lucës nga Ministria e Bujqësisë. Një sinjal që kërkon të tregojë se Edi Rama po reflekton apo po distancohet nga biznesmeni që e përkrah hapur atë.
Pse po ndodh kjo, po e ndjen lagështirën që mund të vijë nga SHBA dhe kërkon të veprojë paradhënie? Kjo duhet parë në vazhdim, ndërkohë që prej vitesh edhe biznesmeni patronazhist është përmendur nga media të ndryshme për lidhje të mundshme me rrjete të nëntokës kriminale./Pamfleti
Kryeministri Rama niset djeshme e sotme drejt Brukselit për konferencën e 7-të ndërqeveritare dhe çeljen e grupkapitullit të fundit me BE-në “Bujqësia dhe Kohezioni”. Delegacioni shqiptar i kryesuar nga Rama do ulet në tryezën e punës me BE-në nesër rreth orës 8:00, ndërsa në orën 9:15 është parashikuar të mbahet konferenca e përbashkët mes Kryeministrit Rama dhe komisioneres Marta Kos.
Shqipëria ka hapur deri më tani 5 nga 6 grupkapituj, Themeloret, Marrëdhëniet me Jashtë, Tregun e Brendshëm si dhe Konkurrueshmëria dhe Rritja gjithëpërfshirëse si dhe Axhendën e Gjelbër. Më 19 korrik të 2022-shit Shqipëria u ul në konferencën e parë ndërqeveritare me BE-në duke çelur zyrtarisht negociatat. Më 15 tetor 2024-ës, nën drejtimin e presidencës hungareze, në Luksemburg do të mbahej konferenca e dytë ndërqeveritare ku Shqipëria çeli negociatat për grupkapitullin e parë dhe më të rëndësishëm, të ashtuquajturin “Themeloret”.
2 muaj më pas në 17 dhjetor të 2024-ës, sërish nën drejtimin e presidencën hungareze nisën bisedimet për grupkapitullin e dytë, atë të marrëdhënieve me jashtë. Ndërsa në prill dhe maj të 2025-s, Shqipëria çeli dy grupkapitujt e radhës, atë të “Tregut të brendshëm” dhe “Konkurrueshmëria e rritja gjithëpërfshirëse”.
Më 15 shtator, Shqipëria u ul në konferencën e gjashtë ndërqeveritare ku çeli zyrtarisht bisedime për grupkapitullin e “Axhendës së Gjelbër”, ndërsa ajo e radhës konferenca e shtatë do të jetë e fundit, për t’i hapur rrugën mbylljes së 6 grupkapitujve, me ambicien për ta përfunduar këtë proces teknik deri në vitin 2027. Shqipëria do të kalojë më pas në një proces të gjatë politik, për të marrë dritën jeshilë nga 27 parlamentet e vendeve të Bashkimit Evropian.
Brukseli është optimist se brenda 2030-ës Shqipëria do të realizojë integrimin në union, ndërsa vetë kryeministri Edi Rama e ka shpallur anëtarësimin
Demokrati i njohur korçar, Ilir Vrenozi, i varfër, sakrifikues i madh gjatë këtyre 4 viteve të rikthimit të Berishës dhe që refuzoi hapur takimin që i kërkoi Edi Rama, për herë të parë gjatë këtyre viteve që ka përkrahur fortë Berishën, refuzon ti përgjigjet thirrjes së tij për protestën e ditës së hënë, 17 nëntor 2025.
Vrenozi shkruan në faqen e tij në FB, se ai dhe demokratët e ndershëm kërkojnë rrëzimin e Ramës dhe jo ti bëjnë serenata poshtë penxheres. Ai tregon më hollësisht edhe arsyet e këtë bojkot; duke nisur që nga mënyra e protestave të Berishës që i quan “serenata poshtë penxheres së Ramës, mungesa e analizës për humbjet e vazhdueshme dhe deri te mossakrifikimi i rehatisë nga deputetët e PD.
Postimi i plotë i Ilir Vrenozit:
Vrenoz do jesh të Hënë në protestën e PD-së?
Sinqerisht është hera e parë në gjithë këto vite dhe e ndjej që po të vete në Protestë nesër, do më duket vetja ime, ta them shqip, si Kar. Pse si Kar, do thuash ti mik, sepse kur shkon në një proteste të shtyn diçka, mua nesër është hera e parë që nuk me shtyn asgjë të shkoj, sepse unë jam nga ata që dua të rrëzoj Ramën, jo ti bëj serenatë me fyshekzjarre…. boll u lodha!
Më vjen shumë keq për këtë situate, por pa bërë analizë të humbjeve, pa venë pikat mbi i, vazhdo me të njëjtin ekip, ndonëse ke 6 apo 7 herë që humb, Ramës vetëm nder i bëhet kështu si veprojmë ne… unë mendoj që po veprojmë shumë gabim, opozitë që nuk ngjall shpresë jemi, që populli me 1000 skandale të Ramës dhe prapë, nuk ja ndjen të ngrihet …. bëni analizën e humbjeve, humbësit të mbajnë përgjegjesi, hapni partinë të hyjë gjak i ri …. pastaj bëni greve urie në Parlament, kërkoni zgjedhje të parakohshme e qeveri teknike pa Ramën.
Ju thatë nuk do e njohim 11 Majin është farse, tani po qe fillonin protestat, por ju hytë në Parlament, domethenë e pranuat 11 Majin. Duket pa lidhje dhe filluat po merrni rrogat dhe privilegjet e tjera që i takon deputetit… Proteste “serenatë” boll më… nuk kanë pik vlere për ne që duam të heqim Edi Ramën… Më dhemb shpirti që nuk do jem nesër në protestë, për shpirt të nënës, por nuk dua të më duket vetja Kar, ose viktimë e pastër, ose militant i semurë. Jo jo boll më… dua të heq Edi Ramën, jo ti bëj serenatë Ramës poshtë penxheres me fishekzjarre e me gurë..
Mariglen Hoxha është 45-vjeçari shqiptar që ka humbur jetën në Mytilene të Greqisë pas një aksidenti në punë.
Ai ra nga një lartësi gjatë kryerjes së disa punimeve në çatinë e një shtëpie, ndërsa rrethanat e aksidentit ende nuk janë sqaruar pasi ai ishte vetëm në punë dhe askush s’ishte aty për ta ndihmuar.
Shqiptari i cili kishte vite që jetonte në Greqi, në shtator të vitit të kaluar u shpall hero pasi shpëtoi një grua 71-vjeçare, e cila ra aksidentalisht në portin e Mytilinit gjatë momentit që po hipte në traget.
Pa hezituar për asnjë çast, shqiptari u hodh në det për ta shpëtuar dhe qëndroi me të për rreth 20 minuta në ujë, derisa arritën t’i ndihmonin. “Marios” – siç e thërrisnin në Mytilini, përshkroi për mediat greke minutat kritike kur pa gruan të binte në ujë dhe përpjekjet që bëri për ta mbajtur atë mbi ujë, ndërsa ajo ishte e frikësuar dhe e ngrirë nga të ftohtit.
“Kur dolëm jashtë, ajo u ul në një karrige dhe unë kam në mendje imazhin e mënyrës se si më shikonte, ashtu siç e shikon një fëmijë. Nuk e di si e gjeta forcën dhe u hodha pa menduar në port sapo e pashë gruan duke pirë ujë dhe duke u përpjekur të qëndronte mbi ujë. I thosha ‘Gjyshe, jam këtu, mos ki frikë’, dhe ajo më thoshte ‘Kam ftohtë’,” deklaroi shqiptari.
Hoxha i cili kishte shkuar në port për të shoqëruar motrën e tij, e cila po udhëtonte me fëmijën e saj, kur ndodhi incidenti u shpall hero për aktin e tij të guximshëm dhe shpëtimin e jetës së gruas së moshuar.
Vdekja e tij në vendin e punës ka tronditur komuniteti shqiptar në Greqi, por jo vetëm. Qendra e Punës e zonës ka reaguar menjëherë duke dënuar aksidentin dhe duke bërë thirrje për një tubim proteste sot në orën 12:00 në Sheshin Sappho. Tubimi ka për qëllim të tërheqë vëmendjen ndaj kushteve të rrezikshme të punës dhe nevojës për masa mbrojtëse më të forta.
TIRANË- Instalacioni artistik “Dielli i Ditës Tjetër” krijuar nga artistja Blerta Kambo, ka ngjallur valë reagimesh në rrjet. Në zemër të Tiranës, në fasadën e Muzeut Historik Kombëtar, Blerta Kambo ka sjellë ndërhyrjen artistike “Dielli i Ditës Tjetër”, ku në qendër qëndron gruaja me xhubletë, brezin me shqiponjën e Skënderbeut, e cila ngre duart lart, fitimtare, si metaforë e Shqipërisë që ecën përpara.
Por, pamja e vajzës me pushkë, një nga figurat më të njohura të veprës, shfaqet me pamje të ndryshuar. Siç shihet edhe në foton e mëposhtme, në pamjen e re, ajo me kokë të qethur dhe me një shenjë në gjoksin e djathtë. Një ndryshim që ka ndezur reagime të ashpra dhe keinterpretime në rrjet, me disa, të cilët e kanë interpretuar me konotacione të reja simbolike, deri në referenca ndaj estetikave të komunitetit LGBTQ.
pamja origjinale dhe ajo e ndryshuar
Reagime të shumta kanë shpërthyer nga qytetarët, të cilët kundërshtojnë ndryshimin që ka pësuar Muzeu Historik Kombëtar. Gazetari Arsen Rusta ka shprehur kundërshtinë e tij, ku me nota ironie dhe kritika të ashpra, shigjeton drejtpërdrejt Ministrin e Turizmit, Kulturës dhe Sporti, Blendi Gonxhja.
“MOZAIKUN E KAP KANCERI I GJIRIT ëTF FONDE OJF PROVOKIME E BLA BLA Të qethësh qeros një grua e ta shesës si ART ndërgjegjësues Bravo PO PSE U DESH: Mbi 2 vite a 3 restaurime mitik fshehur nën petkun e BE-së e bla bla “Për të qethur qeros një Grua në Mozaik” Po ça është Mozaiku more që e kapka Kanceri i GJIRIT atëher me kauzat që medemek e krahason z.Gonxhe i heqim Skëndërbeut, Helmetën Shpatën edhe Kalin po të doni dhe ……. Tani na tregoni sa kushtoi e qeshura se ndoshta edhe duhet depiluar MOZAIKU o z.Gonxhe por është tetori muaji i depistimi jo nëntori siç po na shisni Mozaikun pa flokë”, shkruan gazetari.
Ndërkohë që më herët, vetë ministri Gonxhja kishte publlikuar pamjet e ndërhyrjes artistike, me të cilat sipas tij, Muzeu Historik Kombëtar ka marrë një dimension të ri.
“Fasada e Muzeut Historik Kombëtar ka marrë një dimension të ri përmes ndërhyrjes artistike “Dielli i Ditës Tjetër” të artistes Blerta Kambo, e cila lidh trashëgiminë kulturore me ndërgjegjësimin shëndetësor në një mesazh solidariteti, guximi dhe shprese. Mozaiku monumental “Shqipëria” bëhet hapësira ku historia dhe arti bashkëkohor ndërthuren, ndërsa figura ikonike e gruas me xhubletë rikontekstualizohet me një gjest të fuqishëm simbolik në mbështetje të grave që përballen me kancerin e gjirit. E realizuar me të njëjtën mjeshtëri mozaiku dhe e vendosur përkohësisht pa prekur strukturën origjinale, vepra shërben si një thirrje e qartë për ndërgjegjësim dhe humanizëm, një dedikim për 1 në 12 gra që diagnostikohen me këtë sëmundje.”, shkruan ministri Gonxhja.
“Dielli i Ditës Tjetër” është realizuar nga artistja në kuadër të fushatës së 17-të të YëCA, organizata nismëtare e luftës kundër kancerit të gjirit në Shqipëri. Pamje e re e gruas heroike, pa flokë dhe me shenjë gjoks, vjen si një dedikim për gratë që diagnostikohen me kancerin e gjirit.
Në kuadër të diskutimeve që kanë shpërthyer, artisja ka bërë një reagim në rrjetet e saj sociale, ku sqaron publikun. Blerta Kambo sqaron se“Instalacioni nuk prek dhe dëmton mozaikun artistik. Ai është vendosur mbi mozaik, në një distancë rreth 10 cm nga sipërfaqja, si një shtresë e përkohshme simbolike pa asnjë ndërhyrje fizike në monument. Instalacioni është i përkohshëm dhe do të qëndrojë vetëm për 12 ditë, në nder të 1 në 12 grave të diagnostikuara me kancer gjiri. Vepra nuk ka lidhje me agjenda politike, ideologjke apo sociale. Vepra i dedikohet grave shqiptare që përballen me kancerin e gjirit, Ky instalacion është një homazh për forcën, dhimbjen dhe shpresën e tyre.”
Ndërhyrja artistike, e cila vlen të theksohet se është e përkohshme, do të qëndrojë për 12 ditë në zemër të Tiranës./ZËRI
Një ngjarje e rëndë ka tronditur Stambollin, ku tre anëtarë të një familjeje turistike kanë humbur jetën pas një helmimi të dyshuar me pesticide.
Familja turke, rezidente në Gjermani dhe me pushime në qytetin historik, u sëmur pasi konsumoi ushqim rruge në zonën turistike të Ortakoy-t, në bregun evropian të Bosforit.
Dy fëmijët, të moshës 3 dhe 6 vjeç, ndërruan jetë të enjten, ndërsa e ëma humbi jetën të premten, konfirmoi Ministria e Drejtësisë. Mediat ndërkombëtare raportuan se helmimi mund të jetë lidhur me ushqime të blera nga shitës ambulantë, përfshirë midhje dhe patate të mbushura. Restoranti ku familja kishte konsumuar ushqim është mbyllur nga autoritetet.
Lexo gjithashtu:Me lot në sy, gruaja e Charlie Kirk shokon me vendimin për vrasësin e tij
Ndërkohë, dy turistë të tjerë që qëndronin në të njëjtin hotel u shtruan sot në spital, pasi kanë shfaqur simptoma të ngjashme, si të përziera dhe të vjella.
Lexo gjithashtu:Begaj dekretoi datën e re të zgjedhjeve, shpërthen Veliaj: Është një …
Hetuesit zbuluan se një dhomë në katin përdhes të hotelit ishte spërkatur së fundmi me pesticide, çka ka shtuar dyshimet mbi burimin e helmimit.
Policia ka arrestuar një punonjës të hotelit dhe dy punonjës të kontrollit të dëmtuesve, duke e çuar në shtatë numrin e personave të shoqëruar deri tani në lidhje me këtë çështje. Katër të tjerë ishin arrestuar më herët.
Lexo gjithashtu:Shperthim i fuqishem – Detajet e para
Të gjithë vizitorët e hotelit janë transferuar në struktura të tjera akomoduese, ndërsa autoritetet nuk kanë bërë të ditur numrin e saktë të personave të prekur.
Tiranë – Kryeministri Edi Rama ka njoftuar sot një projekt të rëndësishëm në sektorin e energjisë, duke deklaruar se qeveria do të nisë brenda vitit të ardhshëm vendosjen e matësave inteligjentë të energjisë elektrike për të gjithë konsumatorët në vend.
Ky projekt ambicioz pritet të përfundojë brenda këtij mandati qeverisës.
Qëllimi Dhe Përfitimet E Matësve Inteligjentë Sistemi i ri i matjes inteligjente synon të sjellë ndryshime thelbësore në mënyrën se si menaxhohet dhe faturohet energjia elektrike në rrjet.
Ulja e Humbjeve: Rama theksoi se sistemi i ri do të ulë ndjeshëm humbjet teknike në rrjetin e shpërndarjes së energjisë elektrike.
Përmirësimi i Faturimit: Gjithashtu, vendosja e matësave inteligjentë do të rrisë cilësinë dhe saktësinë e procesit të faturimit për çdo konsumator.
Afatet Kohore Të Projektit Kryeministri dha edhe afatet kohore të punës: “Sot kemi këtë inovacion ndërkohë që brenda vitit 2026 do të kemi fillimin e punës për matësat e energjisë duke kaluar në sistemin e matësave inteligjentë. Brenda këtij mandati do ta përmbyllim edhe këtë proces” deklaroi Rama.
Ky investim në teknologjinë inteligjente shihet si një hap i domosdoshëm drejt modernizimit të rrjetit dhe rritjes së transparencës në sektorin energjetik.
