Lajme Flesh

Erogen Vaso alias Erogen Brajoviç, 43 vjeç, besohet se ishte shënjestra e atentatit të sotëm në Shkodër, ku mbeti i plagosur, ndërsa humbën jetë shoku i tij Armando Pali dhe truproja Liridon Kraja. E plagosur mbeti kamerierja 25-vjeçare Meri Kaceri. Autori i masakrës, 29-vjeçari Gagip Gila, dyshohet se është kontraktuar nga një prej grupeve kundërshtare të Bajrave.

Tre besohet se janë arsyet se pse kundështarët e Bajrave kanë piketuar pikërisht Erogen Vason alias Erogen Brajoviç me qëllim për t’a eliminuar.

Së pari, Erogen Bajri (Bajroviç/Vaso) konsiderohet si truri financiar i Bajrave. Erogen Bajri prezantohej si biznesmen dhe pretendonte për lidhje politike në qarqe të larta. Bajri njihet si pronar faktik i disa bizneseve me vlerë miliona euro në Shkodër, si hotel, bare dhe restorante, në emra të njerëzve të besuar. Ka dyshime se bizneset janë produkt i aktivitetit kriminal të grupit Bajri. Duke shënjestruar Erogenin, rivalët kanë dashur të godasin edhe nga ana ekonomike Bajrat.

Së dyti, Erogen Bajri është vëllai i Denis Bajrit, pjesë grupit, i cili sipas SPAK, në gusht të vitit 2020, vrau Gjin Ndojin allias Gjin Boriçin, në Vaun e Dejës, me urdhër të Behar Bajrit. Vrasja ishte porosi e Vis Martinaj, i cili në këmbim kishte marrë përsipër të vriste Kleant Musabelliun, pasi kishte plagosur Pëllumb Gjokën. Grupi rival mund t’a ketë shënjestruar Erogen Bajrin për t’u hakmarrë.

Së treti, duke u paraqitur si biznesmen dhe faktor me lidhje politike, Erogen Bajri shfaqej dhe ishte prezent në mjedise publike, ndonëse me truprojë. Si i tillë, Erogen Bajri mund të jetë konsideruar nga kundështarët e Bajrave si objekt i mundshëm për t’u goditur, pasi figurat kryesore të grupit ndodhen në burg. Por, edhe kur ishin jashtë, ata zbatonin një protokoll të rreptë sigurie, me makina të blinduara, mungesë ekspozimi etj.

Behar Bajri, lista e zezë me armiqtë

Se kush fshihet pas masakrës së sotme, kjo i takon drejtësisë. Por, në bisedat me shokët e tij në Sky Ecc, Behar Bajri kishte një listë me njerëzit që duhet t’i hiqte qafet, të cilët i konsideronte kundërsharë dhe të rrezikshëm.

Referuar dosjeve të SPAK-ut, në krye të listës që Behar Bajri planifikonte dhe shprehte dëshirën për t’i eliminuar qëndronin; Ibrahim Lici, i njohur si ‘Fantazma’ dhe Dorian Duli, i njohur si ‘dora e vdekjes’, i cili përshkruhej si një personazh tepër i rrezikshëm, që qëllonte fatalisht deri në 300 m. (Në tetor 2024, në maskrën e Dobraçit, u vra edhe Hamza Lici, vëllai i Ibrahim Licit).

Teksa për Braçen shfaqje herë pas herë njëfarë nënvlerësimi, Behar Bajri ishte fiksuar për të hequr sa më parë qafet Dor Dulin, një personazh me precedentë penalë, por siç duket shumë i rrezikshëm nëse dikush i afrohej.

Behar Bajri kishte shprehur dëshirën për të eliminuar edhe Genc Tafilin, të cilin e shihte si një person që rrinte me armiqtë e tij, përfshirë edhe Bardhok Pllanaj, i vrarë në prill 2021 në Shkodër. Vrasja e Pllanajt ka mbetur pa autor. Palët janë prishur për disa pika bastesh. Pikat e Tafilit administroheshin nga Dor Duli.

Lulzim Kulla, një personazh me precedentë penalë dhe objekt antentash, konsiderohet kundërshtar nga Pëllumb Gjoka, por edhe nga Behar Bajri. Lul Kulla është dhëndër i Licëve. Kulla ishte objekt i një atentati mafioz në janar 2018. Për atentatin ishte kontraktuar një grup nga Elbasani; Endri Çopja, Argel Lulaj dhe Serxho Teta, që besohet se ishin ushtarë. Ka dyshime se në atentat është implikuar edhe Boran Bërçana, i ekzekutuar më pas bashkë me bashkëshorten.

Nga përgjimet në dosjen Metamorfoza del që Lul Kulla, i cili i mbijetoi atentatit, konsiderohet si kundërshtar nga Pëllumb Gjoka dhe Bajrat. Në 9 korrik 2020, Behar Bajri informon Pëllumb Gjokën se Luk Kulla ka shok Gëzim Çelën në Patok, dhe se Çela ka lidhje me Bardhokun, duke iu referuar Bardhok Pllanajt, i vrarë më pas. Nga ana tjetër, Pëllumb Gjoka e informon Behar Bajrin të mos bënte lëvizje dhe të ruhej pasi kishte informacion se në Shkodër po lëvizte Lul Kulla.

Ndërkaq, duke urdhëruar vrasjen e shokut, Gjin Ndoj, Behar Bajri ka hapur një front të ri armiqësie edhe me familjen e të ndjerit.

Behar Bajru ka qenë i dyshuar për vrasjen e të fejuarës së tij, Fabjola Bajri, 16-vjeçe më 20 qershor 2002, me të njëjtën pistoletë që kishte vrarë shtetasin Arben Tuzi. Ngjarja u raportua si vetëvrasje atëkohë. E reja, pata se të humbiste jetën me dy plumba, i kishte telefonuar për ditë me radhë policisë që t’a shpëtonin, ndërsa familja e saj u kërcënua dhe u detyrua të largohej nga Shkodra.

Gjithashtu Behar është dyshuar edhe për vjedhje më 14 janar 1999 në Dobraç, si dhe dy vrasje në atë kohë në lagjen “Vojo Kushi”, ku u ekzekutuan vëlelzërit Osman e Artur Alibali, por që përsëri munguan provat.

Behar Bajri ka vrarë në Dobraç edhe Petrit Demirin, punonjës i Policisë Rrugore në Komisariatin e Policisë Shkodër, për të cilën u dënua me vetëm 2 vite burg. Bajri është akuzuar edhe për përdhunimin e dy vajzave të mitura në 2006, por sërish ia ka hedhur drejtësisë.

Albert Keraj, gjyqtari që liroi autorin e masakrës së sotme

Masakra e sotme në Shkodër mban vulën e drejrësisë së krimbur. Ragip Gila rezulton një emër i njohur për drejtësinë shqiptare pasi në muajin mars ai kishte lënë qelinë. Albert Keraj është gjyqtari që liroi Ragip Gilën më 4 mars 2025.

Gila nuk ka vuajtur as 1.5 vite të plota dënim për një vepër penale që parashikohej 5-15 vite. Në bazë të vendimit, Gila u deklarua fajtor dhe fillimisht u dënua me 5 vite burg, por duke u bazuar në nenin 406 të Kodit të Procedurës Penale, dënimi iu ul me një të tretën, duke u përcaktuar në 3 vite e 4 muaj burgim.

Megjithatë, në zbatim të nenit 59 të Kodit Penal, gjykata urdhëroi pezullimin e ekzekutimit të dënimit me burgim, duke e vendosur të pandehurin në një periudhë prove prej 5 vitesh. Gjatë kësaj kohe, sipas vendimit të marrë nga gjykatësi Keraj, i riu ishte i detyruar që të mos kryejë asnjë vepër penale dhe të mbante kontakte të rregullat me Degën e Shërbimit të Provës në Shkodër.

Gjykata gjithashtu urdhëroi që Gila të mos zotërojë dhe të mos përdorë armë zjarri pa leje për një periudhë prej 1 viti. Po ashtu, u vendos shuarja e masës së sigurisë së arrestit me burg, duke u urdhëruar lirimi i menjëhershëm i të pandehurit nga qelia, nëse nuk mbahet për ndonjë arsye tjetër.

Policia e Elbasanit ka finalizuar me sukses megaoperacionin “First Day”, duke goditur një rrjet të madh shpërndarjeje droge në qark.

Në kuadër të këtij operacioni janë arrestuar 30 persona dhe 14 të tjerë janë shpallur në kërkim. Operacioni u zhvillua në disa qytete të Elbasanit, pranë shkollave dhe lokaleve.

Gjatë kontrollit u sekuestruan armë zjarri, drogë, para dhe sende të tjera të paligjshme. Hetimet vijojnë për të zbardhur të gjithë rrjetin kriminal të përfshirë.

Në orët e mbrëmjes 7 nga të arrestuarit, emrat e të cilëve janë siguruar nga Euronews Albania, janë transferuar nën masa të rrepta sigurie drejt Tiranës.

“Strukturat për Hetimin e Krimeve të DVP Elbasan, në bashkëpunim të ngushtë me Prokurorinë, pas një hetimi të thelluar të ndjekur me metoda speciale prej disa muajsh, finalizuan megaoperacionin policor të koduar “First Day”, që kishte në fokus goditjen e personave të përfshirë në shitjen dhe shpërndarjen e lëndëve narkotike, e shtrirë në kohë dhe vënde të ndryshme, kryesisht pranë ambienteve të shkollave, lokaleve dhe më gjerë, në Elbasan, Librazhd, Gramsh, Cërrik, Peqin, Belsh dhe Perrenjas.

Në kuadër të këtij operacioni u ekzekutuan masat e sigurisë “Arrest në burg”, për veprën penale “Prodhimi dhe shitja e narkotikëve”, për shtetasit: A. B., 42 vjeç, E. S., 48 vjeç, Sh. B., 56 vjeç, A. (A.) B., 52 vjeç, F. Th., 34 vjeç, H. G., 64 vjeç, G. T., 37 vjeç, M. B., 45 vjeç, P. Q., 50 vjeç, S. B., 38 vjeç, D. E., 38 vjeç, M. Q., 38 vjeç, Sh. Sh., 46 vjeç, B. G., 64 vjeç, I. K., 38 vjeç, M. E., 36 vjeç, I. F., 45 vjeç të gjithë banues në Elbasan, K. H., 34 vjeç, A. K., 50 vjeç, banues në Peqin;, I. B., 41 vjeç, K. Ç., 24 vjeç, F. R., 24 vjeç, K. K., 30 vjeç, M. B., 24 vjeç, banues në Librazhd, P. T., 30 vjeç, banues në Prrenjas.

Nga hetimi u dokumentua aktiviteti kriminal i këtyre shtetasve, të përfshirë në veprimtari kriminale në fushën e shitjes dhe shpërndarjes së lëndëve narkotike, të cilët vepronin në mënyrë të organizuar në grupe të vogla ose individualisht, në të gjithë qarkun Elbasan.

Gjithashtu, u arrestuan në flagrancë shtetasit: J. A., 32 vjeç, për veprën penale “Prodhimi dhe shitja e narkotikëve”, A. T., 31 vjeç, për veprat penale “Prodhimi dhe shitja e narkotikëve”, “Mbajtja pa leje dhe prodhimi i armëve, armëve shpërthyese dhe municionit”, dhe “Ruajtja dhe depozitimi i mallrave kontrabandë”, V. D., 36 vjeç, për veprën penale “Prodhimi dhe mbajtja pa leje e armëve të gjuetisë”; N. D., 43 vjeç, për veprën penale “Prodhimi dhe shitja e narkotikëve” dhe L. Xh., 50 vjeç, për veprën penale “Prodhimi dhe shitja e narkotikëve” si dhe u referuan materialet në Prokurori ku nisi procedimi penal për shtetasin H. D., 57 vjeç.

Gjatë këtij operacioni janë sekuestruar sasi lënde narkotike kokainë dhe kanabis, armë zjarri pistoletë dhe kallashnikov, armë gjahu, sasi e konsiderueshme municioni luftarak, peshore elektronike, thika, përforcues grushti, steka duhani të dyshuara të kontrabanduara, laptop, tablet, DVR, targa automjetesh (shqiptare dhe belge), shuma parash në euro, paund, dollar, franga zvicerane dhe 24 celularë”, bëri me dije policia.

Emrat e 7 prej të arrestuarve

Eris Skilja

Klodian Hakballa

Mariglen Qosja

Bardhyl Grami

Mikel Dezhani

Shyqyri Bica

Arjan Bica

Dy vite më parë, në fillim të dhjetorit 2023, Ragip Gila u arrestua në Shkodër pasi iu gjetën në banesë një sërë sendesh të kundraligjshme.

Bëhet fjalë për maska, paruke, jelekë antiplumb, kokore metalike si të policisë, armë gjahu, municion luftarak dhe sende të tjera që dyshohet se do të përdoreshin nga grupet kriminale.

Ragip Gilës iu gjetën gjithashtu edhe 1 kavanoz me 13 pako kanabis. Droga dyshohet se shitej në afërsi të shkollave, lokaleve dhe zona të ndryshme të Shkodrës.

Por teksa policia e arrestoi autorin e masakrës së sotme në Shkodër, Ragip Gila kreu vetëm më shumë se 1 vit burg dhe doli nga qelia në mars të vitit 2025.

Report Tv publikoi gjatë ditës së sotme vendimin e gjyqtarit të Shkodrës, Albert Keraj, që në 4 mars të këtij viti i hapi derën e qelisë 29-vjeçarit Gila, duke i caktuar shërbim prove për 5 vite me kusht që të mos kryente asnjë krim.

29-vjeçari Ragip Gila u dënua fillimisht nga Gjykata e Shkodrës me 5 vite burgim për prodhim dhe shitje droge. Në aplikim të gjykimit të shkurtuar, dënimi iu ul në 3.4 vite burg.

Gila qëndroi në qeli më shumë se 1 vit, deri në sa në 4 mars të këtij viti, Ragip Gila u lirua përfundimisht. Në zbatim të nenit 59 të Kodit të Procedurës Penale, Ragip Gila u lirua me kusht nga Gjykata e Shkodrës. Dënimi i tij u pezullua dhe për 5 vite do të ishte në shërbim prove. Por teksa Ragip Gila u dënua vetëm për drogën, ai ia hodhi paq për armët që iu gjetën dhe sendet e tjera.

29-vjeçari u akuzuar edhe për veprat “Prodhimi dhe mbajtja pa leje e armëve të gjuetisë dhe sportive” dhe “Mbajtja pa leje dhe prodhimi i armëve, armëve shpërthyese dhe municionit”, por këto akuza u pushuan për shkak se prekeshin nga amnistia vjetore.

6 muaj më vonë pas lirimit të tij me kusht dhe konvertimit të pjesës së mbetur të dënimit në shërbim prove, sot Ragip Gila vrau 2 persona në Shkodër dhe plagosi 2 të tjerë.

Të vrarë mbetën Armando Pali dhe Liridon Kraja (Lushi). Ndërsa u plagosën Erogen Brajoviç alias Erogen Vaso, dhe kamerierja 25-vjeçare e lokalit ku ndodhi masakra. Vetë autori u arrestua pak minuta pas ngjarjes. Në polici ai tha se objektiv për të vrarë kishte Erogen Brajoviç alias Erogen Vaso, pjesë e grupit të Bajrave.

Zëvendësdrejtori i shërbimit të inteligjencës ushtarake ukrainase, Vadym Skibitsky, komentoi mbi prodhimin rus të armëve. Me anë të një interviste për mediat ukrainase, ai thekson se, Kivi ka informacion të saktë për këtë fakt.

Sipas raportit, Rusia do të prodhojë 2,500 raketa, duke përfshirë raketa lundrimi, raketa balistike dhe raketa hipersonike, deri në fund të vitit 2025.

Përveç kësaj, Rusia planifikon të prodhojë 57 avionë ushtarakë këtë vit, duke përfshirë modelet Su-57, Su-35, Su-34 dhe Su-30, gati 250 tanke të reja T-90M, 1,100 transportues të blinduar personeli dhe 365 sisteme të reja artilerie.

“Rusia synon të rrisë më tej prodhimin. Përveç kësaj, po vërejmë një rritje të ndjeshme në prodhimin e mjeteve ajrore pa pilot, veçanërisht të dronëve Geran, Garpiya dhe FPV”, raportoi Skibitskyi.

Sipas tij, Rusia prodhon armë në shkallë industriale dhe e ka orientuar plotësisht ekonominë e saj drejt luftës. “Sot shohim se Rusia po prodhon dhe modernizon kryesisht raketa – si strategjike ashtu edhe operacionale”, tha Skibitskyi. “Municionet e avionëve vijnë të dytat, të ndjekura nga dronët dhe gjithçka tjetër”.

Ai theksoi se industria e armëve po punon vazhdimisht pavarësisht sanksioneve perëndimore: “I gjithë prodhimi ushtarak po funksionon në tre ndërrime.”

Përveç kësaj, Rusia mbështetet në rezervat e vjetra sovjetike: “Nëse është e nevojshme, ata i nxjerrin armët sovjetike nga depoja dhe i ripërdorin ato”, tha Skibitskyi. “Është e vështirë të thuhet se sa armë janë ende në depo sot, pasi shifrat ndryshojnë. Raportet tregojnë se Federata Ruse ka përdorur tashmë 50 deri në 75 përqind të rezervave të saj të vjetra të armëve.”

Sakaq, Kancelari gjerman Friedrich Merz ka paralajmëruar se “plani imperialist” i Presidentit rus Vladimir Putin “nuk do të përfundojë me pushtimin e Ukrainës, por se ky është vetëm fillimi”. Duke folur në një konferencë të ambasadorëve gjermanë, Merz deklaroi se “po vuajmë çdo ditë sulme hibride ruse gjithnjë e më intensive, përfshirë edhe infrastrukturën tonë”, dhe theksoi “provokimet” e Moskës në Detin e Veriut dhe Detin Baltik.

Erogen Vaso alias Brajoviç mendohet se ka qenë shënjestra e atentatit të sotëm në zemër të kryeqendrës së veriut, ku mbeti i vrarë miku i tij Armando Pali dhe truproja Liridon Kraja alias Lushi. Këta dy persona ishin në tavolinë me Erogen Vason dhe fatkeqësisht humbën jetën, ndërkohë vetë “i forti” i Shkodrës mbeti i plagosur, bashkë me një kamariere.

Newsbomb.al raporton se Erogen Vaso alias Brajoviç është një emër i njohur për Policinë e Shkodrës dhe vetë komunitetin në kryeqendrën e veriut, për shkak të jetës kontraverse mes gjobvënies, politikës dhe krimit.

43 vjeçari e ka nisur “karrierën” në vitet 2006-2007, kur është akuzuar dhe arrestuar për veprën penale të “shtrëngimit me anë të kanosjes ose dhunës për përfitim të pasurisë”, e njohur ndryshe si gjobëvënie. Rreth një dekadë më pas, Erogen Vaso alias Brajoviç ka nisur të përfshihet në politikë, por sërish nuk u largua dot nga “mjedisi kriminal.”

Ai njihet në Shkodër si politikan lokal, pasi është përfshirë vite më parë në partinë e Vangjel Dules dhe zgjedhur anëtar i Këshillit Bashkiak në bashkinë e kryeqendrës së veriut. Nuk është e qartë nëse në lidhje me akuzën e parë është shpallur i pafajshëm, apo përfshirja në politikë ka ardhur atëkohë si pasojë e mungesës së ligjit të dekriminalizimit.

Në vitin 2018, Erogen Vaso alias Brajoviç është arrestuar për herë të dytë nga Policia. Forcat Speciale zbarkuan në lagjet “famoze” të Shkodrës dhe arrestuan katër persona, të cilët cilësoheshin si “të fortët” e kryeqendrës së veriut.

Nga ky operacion, në pranga ranë: Ilir Rustem Bajri, 42 vjeç; Emrah Plaku, 22 vjeç; Asmer Bilali, 29 vjeç; Erogen Brajoviç, 36 vjeç. (Arrestimi ne 2018.)

Gjashtë vrasje dhe dy të zhdukur tronditën Shkodrën në pak javë, në 2018, duke bërë që Forcat Speciale të Policisë së Shtetit, (RENEA dhe FNSH), si dhe FLO-ja nga Tirana të zbarkonin në lagjet e kryeqendrës së veriut e të nxirrnin prej andej me pranga katër shtetasit e mësipërm.

Në vitin 2023, Erogen Vaso alias Brajoviç ka qenë sërish në fokusin e autoriteteve ligjzbatuese. Kur aplikacionet e komunikimeve sekrete “SKY” dhe “EncroChat” ranë, SPAK nis një valë arrestimesh, që përfshinin zyrtarë të Policisë së Shtetit, një biznesmen dhe elementë të krimit të organizuar.

14 masa sigurie ishin prerë nga prokurorët e posaçëm, ndërsa 43 vjeçari që ra pre e atentatit të sotëm ishte mes të shoqëruarve, bashkë me Safet Bajrin dhe Ilir Bajrin.

Të dy këta shtetas janë familjarë të Erogen Vaso alias Brajoviç dhe pasi janë marrë në pyetje, u lanë të lirë. Mbiemri i tyre është Bajri dhe së fundmi është ndryshuar në Brajoviç, nga familje të caktuara të së njëjtit fis, sepse një pjesë vazhdon ende të mbajë mbiemrin Bajri.

Erogen Vaso alias Brajoviç është dhe vëllai i Denis Brajoviç, i akuzuar zyrtarisht nga Prokuroria e Posaçme dhe i ekstraduar disa kohë më parë nga Emiratet e Bashkuara Arabe për vrasjen e shokut të tij, anëtarit të grupit Bajri, shtetasit Gjin Boriçi.

Ai u zbulua në përgjimet e “Metamorfozës”, ku pas vrasjes komunikoi me Ervis Martinaj dhe Behar Bajrin. Drejtuesit e klanit Bajri në Shkodër pranuan të vrisnin shokun e tyre, duke shkëmbyer “objektiv” me biznesmenin e zhdukur të basteve Ervis Martinaj dhe një shtetas që grupi i Shkodrës e donte të vdekur në Tiranë.

Erogen Vaso alias Brajoviç është akuzuar drejtpërdrejt nga ish-kryeministri Sali Berisha në vitin 2018, si mik me kryebashkiakun Erion Veliaj, pas disa fotografive që qarkulluan në internet nga zyra e këtij të fundit. Mirëpo, miqësia e pretenduar u sqarua nga vetë motra e Erogenit, e cila i shkroi Sali Berishës dhe i tha se me tyre nuk kishte miqësi, por ai kishte qenë i ftuar në dasmën e saj, në Bashkinë e Tiranës, kurorëzuar nga kryebashkiaku Erion Veliaj.

Gjithashtu, në rrjet ka foto të 43 vjeçarit me politikanin që përfaqëson minoritetin grek në Shqipëri, Vangjel Dule. Nën siglën e Partisë Bashkimi për të Drejtat e Njeriut, Erogen Vaso alias Brajoviç arriti të gjente “minoritet” grek në Shkodër dhe siguroi një vend në Këshillin Bashkiak.

Në një pamje tjetër, i plagosuri i atentatit sot në kryeqendrën e veriut, shihet pranë këngëtarit dhe personazhit shumë të njohur në botën e showbizzit, Luiz Ejlli. Të dy janë duke konsumuar kafe dhe duken mjaft të relaksuar, në një tryezë të rrethuar dhe nga persona të tjerë.

Megjithatë, të dy janë qytetarë të Shkodrës dhe gjasat janë që të kenë njohje shumë të hershme, e cila ka vazhduar dhe pas vitesh, duke mbërritur deri në ditët e sotme.

Mëngjesin e ditës së sotme qyteti i Shkodrës u trondit sërish. I riu Ragip Gila, 29-vjeç, qëlloi me breshëri plumbash drejt ambienteve të një lokali ku Erogen Vaso dhe miku i tij, Armando Pali ishin duke konsumuar kafen e mëngjesit.

Si pasojë viktimë e këtij atentati mbeti Armando Pali dhe Liridon Kraja, ndërkohë i plagosur mbeti Erogen Vaso dhe kamarierja e lokalit, 25-vjeçarja Meri Kaceri. Autori i kësaj tragjedie, Ragip Gila rezulton një emër i njohur për drejtësinë shqiptare pasi në muajin mars ai kishte lënë qelinë./ Newsbomb

Dashi

Asnjë planet nuk do ndikoje drejtpërdrejt sot ne jetën tuaj ne çift. Ata qe kane kaluar një periudhe te vështirë do mundohen me sa te mundin te rivendosin ekuilibrin. Te tjerët do jene një dite normale. Beqaret do e dine mire çfarë te bëjnë për ta joshur personin qe pëlqejnë. Do jene me fat. Ne planin financiar duhet pasur pak durim qe gjendja te stabilizohet.

Demi

Bashkëpunimi do forcohet edhe me tepër gjate kësaj dite ne jetën tuaj ne çift. Do ja kaloni për mrekulli me partnerin dhe nuk do doni te shkëputeni prej tij për asnjë moment. Beqaret do jene shume te qarte për atë qe duan te bëjnë ne jetën e tyre dhe do marrin vendime me rëndësi. Financat nuk do jene aq te mira sa për te dhënë para hua.

Binjaket

Nëse tregoheni shume autoritare sot ne dashuri do keni debate te forta me partnerin. Nuk duhet ne asnjë mënyrë te ushtroni presin dhe te kërkoni te dale e juaja. Beqaret do kenë takime pa fund, por mundësitë do jene vetëm për aventura kalimtare. Financat do përmirësohen fale një shume te ardhurash qe do merrni nga një i afërm.

Gaforrja

Edhe ju duhet te bëni kujdes me sjelljen gjate kësaj dite. Partneri nuk do jete ne humorin e duhur për te duruar kritikat apo fjalët tuaja te pamenduara. Beqaret do jene gati te bëjnë edhe ndonjë sakrifice te vogël vetëm për ta bere për vete dike qe pëlqejnë prej kohesh. Ne planin financiar do jeni mjaft te organizuar dhe nuk do keni asnjë vështirësi.

Luani

Do merreni vesh mire me partnerin tuaj gjate kësaj dite dhe marrëdhënia ne çift do ece ne rrugën e duhur. Disa mund te mendojnë edhe për ndonjë bashkëjetesë se shpejti. Beqaret do ëndërrojnë shume dhe do zhgënjehen paksa nga realiteti i hidhur. Neptuni do jete planeti me i favorshëm për te ardhurat. Priten goxha përmirësime kështu qe mund te shpenzoni edhe me tepër.

Virgjeresha

Priten goxha vështirësi sot ne jetën tuaj ne çift. Asgjë nuk do ece si e kishit menduar sepse partneri nuk do toleroje aspak. Beqaret nuk duhet te fillojnë një lidhje sa për te mos qëndruar vetëm sepse do vuajnë me vone dhe do pendohen. Financat do kenë disa luhatje te vogla, megjithatë do iu dalin paratë sa për te kryer shpenzimet me te domosdoshme.

Peshorja

Për shkak te ndikimit shume te madh te Saturnit, jeta juaj ne çift mund te ketë probleme. Do jeni kokëfortë dhe nuk do pranoni te bashkëpunoni me atë qe keni ne krah. Beqaret do vazhdojnë ene te kërkojnë princin e kaltër. Disa do jene me fat e disa te tjerë do mbeten akoma vete. Situata financiare do jete e kënaqshme. Nuk pritet asnjë vështirësi.

Akrepi

Dite romantike dhe e mbushur me momente pasionante kjo e sotmja. Do merrni edhe dhurata te zgjedhura me shume kujdes nga partneri juaj. Beqaret nuk duhet te joshin personat qe kane tashme një lidhje sepse do lëndojnë persona te tjerë dhe me vone edhe veten. Ne planin financiar fatkeqësisht do përballeni me probleme serioze.

Shigjetari

Reflektoni njëqind here sot para se te merrni vendime ne jetën tuaj ne çift sepse behet fjale për te ardhmen tuaj. Nëse gaboni sot do vuani edhe nesër. Beqaret do kenë një dite normale dhe pa ndonjë gjë te jashtëzakonshme. Ne planin financiar do keni mbështetjen e familjareve te cilët nuk do iu lënë asnjë çast te keni vështirësi dhe te mërziteni.

Bricjapi

Ju ndodh shpesh te mbyllni sytë para problemeve ne çift ne mënyrë qe te mos e prishni marrëdhënien me partnerin, mirëpo sot gjerat do jene shume ndryshe. Nuk do toleroni, por do mundoheni njëherë e mire te sqaroni gjithçka ne moment. Beqaret do takojnë persona shume interesante dhe inteligjente. Ne planin financiar tregohuni vigjilente.

Ujori

Gjate kësaj dite te dashuruarit do shkojnë ne qiell te shtate. Gjithçka do jete si një ëndërr për ta dhe emocionet do jene te fuqishme. Beqaret duhet te tregohen te matur me personat e do takojnë. Edhe pse mund t’iu pëlqejnë tej mase nuk duhet menjëherë te hidhen ne sulm. Ne planin financiar duhet te reflektoni mire para se te kryeni shpenzime sepse gjendja nuk do jete e mire.

Peshqit

Jeta ne çift do lere shume për te dëshiruar gjate kësaj dite kështu qe gjate gjithë kohës ju do mundoheni sesi ta ndreqni. me pak durim dhe tolerance ndaj partnerit do arrini ta përmirësoni situatën. Beqaret do e kenë vete ne dore te ardhmen. Po përfituan nga takimet do i japin me shume mundësi vetes. Ne planin financiar pamaturia mund t’iu kushtoje shtrenjte.

BBC ka publikuar listën e saj me fotografitë më të paharrueshme të vitit 2025, ku mes tyre është përfshirë edhe një imazh i realizuar gjatë zjarreve shkatërrimtare që përfshinë Greqinë këtë verë. Këto fotografi, sipas BBC-së, nuk janë thjesht imazhe, por dëshmi të shpirtit njerëzor, dhimbjes, guximit dhe bukurisë që mbeten në kujtesën e botës.

Fotografia, e shkrepur nga fotoreporteri i agjencisë Reuters, Thanasis Stavrakis, tregon 33-vjeçarin shqiptar Oslien Muçobega teksa shpëton një dele nga flakët në zonën e Patrës. Ai shihet duke e transportuar kafshën mbi motor, mes tymit të dendur dhe zjarreve që kishin përfshirë rajonin e Ahaisë në muajin gusht.

Murgjit, Tajlandë – një det portokalli e të artë ku dhjetëra mijëra murgj dhe besimtarë luten nën kupolën madhështore të Wat Phra Dhammakaya, duke përkujtuar mësimin e parë të Budës.

Parada e ujit, Venecia– një mi gjigant prej letre-mashe lundron mbi Kanalin e Madh, duke shpërthyer konfeti e ngjyra në hapjen e Karnavalit të famshëm venecian.

Varri i Papa Françeskut, Romë – Një trëndafil i bardhë i vetëm mbi pllakën e thjeshtë të varrit të tij ngjalli emocione të forta, pasi ishte hera e parë pas më shumë se një shekulli që një papë varrosej jashtë Vatikanit.

Punëtori migrant, Indi – Një burrë i lodhur ndalet për të pirë ujë mes arave të grurit në Chandigarh, një imazh që simbolizon jetën e përditshme dhe sakrificën.

Dora robotike, Pekin – Imazhi i një gruaje të re që shtrihet për të prekur gishtin tregues që lirohet ngadalë të një dore gjigante robotike u kap gjatë një turneu për shtyp të Botës së Robotëve në Pekin në prill. Ndriçimi dramatik i fotos dhe rrobat e zeza të figurës komplotojnë për të zvogëluar ndjesinë e pranisë njerëzore në shkëndija mishi: parakrahë lundrues dhe një copë profili të pezulluar në errësirë. Në shikim të parë, kontakti i afërt mund të ngjallë Krijimin e Adamit të Michelangelo-s. Në epokën e inteligjencës artificiale, vija ndarëse midis krijuesit dhe të krijuarit është gjithnjë e më e vështirë për t’u kuptuar.

Qendra e Tranzitit, Buganda – Imazhi i një refugjateje kongoleze të ulur mbi një lëkundëse në një qendër Tranziti pranë Bugandës në maj, vibron me një gëzim që tejkalon shqetësimet materiale për të cilat dëshmon: shiu i pamëshirshëm, korniza e çelikut e ndryshkur e pajisjeve të braktisura të sheshit të lojërave dhe ndenjësja e thyer që varet pranë saj. Me gruan midis më shumë se 70,000 njerëzve që kaluan në Burundi që nga janari, shpirti i saj sfidon rrethanat e saj të vështira.

Shiu i meteorëve, Kaliforni – Një foto që kap shiun e meteorëve Eta Aquariid ndërsa përshkonte qiellin e natës mbi Inverness, Kaliforni, në orët e para të 6 majit, ishte njëkohësisht frymëzuese dhe përulëse. I zbehtë nga turbullira vezulluese e Rrugës së Qumështit sipër saj, shkëlqimi i një fshati të vogël duket pak më shumë se një shënim i zbehtë në një dramë të madhe kozmike.

Aktivistja në Londër – Me sytë e mbuluar nga një substancë që simbolizonte naftën, protestuesja denonconte politikat e kompanisë energjetike Shell, në një gjest artistik dhe politik njëkohësisht.

Fëmijët e uritur në Gaza – Imazhe rrëqethëse të fëmijëve të dobësuar në krahët e nënave të tyre, që BBC i cilëson si pamje pa paralel në art apo histori.

Galeria fotografike (

1 / 10

)

Një urë e varur që shtrihet 150 metra mbi Grykën e Lumit Dadong në Chongqing të Kinës, është quajtur ura e varur më e frikshme në botë për shkak të pamjes së pasigurt që ajo ofron.

Gjatë dy viteve të fundit, klipet e automjeteve të rënda të ndërtimit që kalojnë një urë të ngushtë dhe me pamje të frikshme, të varur rreth 300 metra mbi një grykë të gjerë lumi, janë bërë vazhdimisht virale në mediat sociale, duke i bërë njerëzit të pyesin veten për sigurinë e saj.

Edhe pse shtrihet në 240 metra, kjo mrekulli e tmerrshme e inxhinierisë nuk ka kulla ose bazë për mbështetje, duke u mbështetur vetëm në katër kabllo çeliku për të mbështetur automjete deri në 45 ton në peshë.

Është mjaftueshëm e gjerë sa për të kaluar vetëm një automjet, dhe pavarësisht se ka rrjeta sigurie në secilën anë, një lëvizje e gabuar mund të sjellë katastrofë. Është mjaft e vështirë për të ecur në kushte normale, por imagjinoni ta bëni këtë në një ditë veçanërisht me erë.

Për fat të mirë, ura e varur e Grykës së Lumit Dadong në Distriktin Wulong të Chongqing është një projekt i përkohshëm i projektuar për të lehtësuar ndërtimin e një pjese edhe më mbresëlënëse të infrastrukturës, Urës Shuangbao. Kur të përfundojë, do të jetë ura më e madhe me dy harqe në botë, që shtrihet mbi lumenjtë Dadonghe dhe Xiaohegou.

Por, për të ndërtuar këtë strukturë madhështore, punëtorëve u duhej një mënyrë për të arritur në malin e vogël që do të përfundonte duke mbështetur shtyllat e harkut të tij qendror. Dhe atëherë ata dolën me idenë e një ure të përkohshme të varur.

E shtrirë 240 metra përgjatë anës perëndimore të një gryke masive, e ashtuquajtura “ura e varur më e frikshme në botë” është 12 metra e gjerë, por ka vetëm një shinë të gjerë sa për të kaluar një automjet në të njëjtën kohë. Teknikisht, kjo nuk është problem, pasi përdoret vetëm nga kamionë dhe makineri ndërtimi që punojnë në Urën Shuangbao, por kjo nuk do të thotë se kalimi i saj është i lehtë.

Meqenëse ura e varur nuk ka kulla ose kabllo të pjerrëta për mbështetje shtesë, ajo nuk është më e qëndrueshme në botë, megjithëse presioni horizontal i katër kabllove të saj masive të çelikut ka bërë një punë mjaft të mirë deri më tani./tch

Një krim makabër ka tronditur qytetin e Melbourne në Australi, ku dy djem të moshës 12 dhe 15 vjeç janë vrarë me thikë nga një grup i maskuar dhe i armatosur.

Policia e shtetit të Viktorias njoftoi se të dy sulmet ndodhën mbrëmjen e së shtunës në dy lokacione të afërta me njëri-tjetrin.

Fëmija 12 vjeç u gjet fillimisht i plagosur rëndë. Edhe pse u tentua nga ekipet e ambulancës, ai nuk mundi të mbijetonte. Pak më vonë, në një rrugë pranë, u gjet edhe shoku i tij 15 vjeç, i cili kishte marrë plagë të shumta nga thika dhe ndodhej pa shenja jete.Sipas pamjeve të kamerave të sigurisë dhe dëshmive nga vendngjarja, të dy vrasjet u kryen nga i njëjti grup me rreth tetë persona që kishin fytyrat e mbuluara dhe ishin të armatosur me armë të ftohta. Policia ka konfirmuar se viktimat nuk ishin të përfshirë në ndonjë grup kriminal, gjë që e bën edhe më të rëndë dhe të pakuptimtë aktin.

Autoritetet ende nuk kanë përcaktuar nëse sulmi ishte i qëllimshëm apo rezultat i një ngatërrimi identiteti. Ndërkohë, hetimet po vijojnë intensivisht për të identifikuar dhe kapur autorët.

Statistikat zyrtare tregojnë se gjatë vitit 2024 në Australi janë rritur ndjeshëm krimet e rënda, me një shtim prej 9 për qind krahasuar me vitin e kaluar dhe me 448 viktima të raportuara deri më tani.

BRITANI- Lajmi se një shtetase britanike 23-vjeçare është dënuar me burgim të përjetshëm në Dubai ka shkaktuar reagime në Britani. Sipas gazetës The Sun, 23-vjeçarja Mia O’Brien nga Liverpuli po mbahet në burgun Al-Awir, i cili në të kaluarën është përshkruar si “Alkatrazi i Dubait”.

Siç raporton gazeta britanike, ka pasur shumë ankesa kundër burgut për tortura me goditje elektrike, përdhunim dhe privim nga ilaçet për të burgosurit e sëmurë. Historia e Mia O’Brien u zbulua nga nëna e saj e shkatërruar, Danielle McKenna, përmes një faqeje GoFundMe që ajo krijoi për të mbuluar shpenzimet ligjore të vajzës së saj.

Në faqen e fshirë tani (pasi u konsiderua se shkelte rregullat e platformës), nëna e 23-vjeçares shpjegoi se vajza e saj, e cila studionte drejtësi, u përfshi me njerëzit e gabuar dhe bëri “një gabim trashanik” që çoi në arrestimin e saj në tetor dhe burgosjen e saj në Dubai me burgim të përjetshëm.

Familja e 23-vjeçares nuk ka zbuluar ende se për çfarë krimi u shpall fajtore ajo. Megjithatë, siç thekson The Sun , në Emiratet e Bashkuara Arabe, një dënim me burgim të përjetshëm mund të jepet për një sërë arsyesh, të tilla si trafikimi dhe posedimi i drogës, vrasja ose tentativa për vrasje, trafikimi i qenieve njerëzore dhe aktivitetet e lidhura me terrorizmin.

Sipas nënës së Mias, vajza britanike është burgosur në “burgun qendror”, që besohet të jetë Al-Awir, në qendër të Dubait. Burgu strehon të burgosur meshkuj dhe femra, të cilët ndahen sapo hyjnë në porta. Sipas faqes së internetit të qeverisë britanike, gratë janë të vendosura në një nga katër krahët e burgut të madh.

“Historitë e tmerrit” nga ish-të burgosurit dhe të afërmit e britanikëve që mbeten të burgosur pikturojnë një pamje të frikshme të Al-Awir.

Në vitin 2012, Carl Williams u burgos për një vit pasi policia gjeti drogë në bagazhin e makinës së tij me qira. Gjatë burgosjes së tij, ai e përshkroi Al-Awir si “Alkatrazi i Dubait”. Në kujtimet e tij, ai thotë se pa të burgosur të tjerë duke u therur për vdekje në përleshje të dhunshme, pa ndërhyrjen e rojeve.

Në një deklaratë, ai tha se u torturua nga oficerët e policisë gjatë marrjes në pyetje. “Ata më tërhoqën poshtë pantallonat, më hapën këmbët dhe filluan të më jepnin goditje elektrike në testikuj”, shkroi ai. “Ishte tepër e dhimbshme. Isha i tmerruar. Fillova të mendoja se do të vdisja në atë dhomë.”

Avokatët e të burgosurve thanë gjithashtu se klientët e tyre detyroheshin të nënshkruanin dokumente në arabisht nën kërcënimin e armës. Karl gjithashtu pretendoi se banditë rusë po drejtonin burgun dhe po përdornin bartës të HIV për të përdhunuar dhe infektuar të burgosur të tjerë si një formë ndëshkimi.

Një raport i publikuar më herët këtë vit përmendi “incidente të përditshme” të abuzimit seksual dhe përdhunimit në burgje. Të paktën katër të burgosurve HIV pozitivë në Al-Awir dyshohet se iu mohua medikamenti për deri në pesë muaj, sipas një raporti tjetër tronditës nga Human Rights Watch. Futbollisti britanik Billy Hood kishte bërë akuza të ngjashme, duke thënë se të burgosurit torturoheshin dhe liheshin pa ilaçe për të vdekur nga sëmundjet.

Në vitin 2021, 60-vjeçari Albert Douglas përsëriti të njëjtat akuza, duke deklaruar se të burgosurit përdhunoheshin, torturoheshin dhe liheshin të uritur. Ai foli për të burgosur 20-vjeçarë që vareshin me kokë poshtë dhe rriheshin “për qejf”, ndërsa tha se pa një burrë të moshuar që ishte dobësuar pas javësh urie. Ai gjithashtu u ankua se rojet i dogjën organet gjenitale një të burgosuri që flinte me të në të njëjtën qeli.

Dëshmi të tjera nga të burgosurit, sipas Sun, tregojnë se kishte periudha kur ata nuk kishin ujë dhe detyroheshin të pinin nga një tualet i përbashkët. Sistemi i burgjeve të Dubait dhe qeveria i mohojnë të gjitha akuzat.

Çfarë mund të presë Mia?

Çdo i burgosur duhet të marrë një dyshek, batanije dhe jastëk por, siç thekson ambasada britanike në internet, shpesh duhet kohë që këto të sigurohen Një tjetër problem i madh për Mian do të jetë komunikimi me familjen e saj. Në Dubai, vizitat zhvillohen një herë në javë, çdo të mërkurë, por ato mund të anulohen në minutën e fundit ose të ndërpriten pa paralajmërim. Sa i përket telefonatave, të burgosurit kanë të drejtë për telefonata të rregullta, por çdo telefonatë duhet të miratohet nga rojet. Rojet madje mund të ndalojnë të gjitha telefonatat për një periudhë të gjatë si ndëshkim.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.