Në podcastin “Flasim” kryeministri Edi Rama foli edhe për një risi që pritet të impelmentohet në vendin tonë nga janari 2026, portofolin e identitetit dixhital, që do të përfshijë të gjithë dokumentet personale si karta e identitetit, leja e drejtimit, diploma apo certifikata të ndryshme.
Rama tha se edhe Europa po ecën në këtë drejtim dhe ka vendosur 2027-ën si afat për të futjen e identitet dixhital.
“Kur koncesioni i hershëm i kartave të identitetit përfundoi, ne morëm përsipër një sfidë të madhe: krijimin e një kompanie shtetërore për prodhimin e kartave të identitetit, më të mira dhe më të lira se të mëparshmet. Kompania Identitek e përballoi me sukses këtë sfidë dhe tashmë është angazhuar për sfidën e re të identitetit digjital, pra kalimin e kartës së identitetit në celular apo kompjuter dhe funksionimin e saj si një portofol digjital shumëfunksional. Edhe Bashkimi Europian po ecën në këtë drejtim dhe ka vendosur vitin 2027 si afatin për futjen e identitetit digjital në jetën e përditshme të Europës. Shqiptarët do ta kenë gati identitetin e tyre digjital në fillim të vitit 2026”, tha Rama.
Më tej, kryeministri Edi Rama shtoi se po përgatisin edhe një tjetër inovacion, portën dixhitale të hyrjes në aeroportin e Rinasit.
Rama tha se nuk do të jetë më e nevojshme ndalesa për kontroll pasaporte, por udhëtarët mund të kalojnë përmes një porte dixhitale së cilës i mjafton pamja e udhëtarit për të verifikuar identitetin e tij.
“Një tjetër inovacion i bukur që po përgatisim është hyrja në Shqipëri nga aeroporti “Nënë Tereza” pa asnjë ndalesë dhe pa kontroll pasaporte, por përmes një porte digjitale, të cilës i mjafton pamja jote për të verifikuar identitetin tënd, duke e lidhur atë elektronikisht me biletën dhe me të dhënat e tua. Kështu, aeroporti i Tiranës, tashmë i mirënjohur si një nga të parët aeroporte në Europë me kontroll digjital të pasaportave, do të jetë i pari aeroport në Europë me portën digjitale të hyrjes. Kjo falë bekimit të teknologjisë digjitale, e cila u jep mundësi vendeve në zhvillim të bëjnë kapërcime epokale që, përndryshe, do të ishin të pamundura”, theksoi Rama.
Këtë javë në emision “Rrethi Katror” në “E diell” u diskutuan ngjarjet kryesore të javës.
Anulimi i takimit mes Trump dhe Putin, ka lidhje dhe Shqipëria? Milaim Zeka thotë se avioni i Putin do kalonte në Shqipëri dhe kishte frikë mos e godisnin.
“Nuk u mbajt takimi sepse shërbimet e huaja i sinjalizuan Putinit se mund të vritej. Njëri prej opsioneve të fluturimit të tij me aeroplan ishte dhe kalimi mbi Shqipëri, dhe i thanë si mund të kalosh mbi Shqipërinë?! Amerika i dha leje Ukrainës të përdorë raketat Tomahawk, dhe 140 miliardë po i ofron BE kredi, që janë defacto të Rusisë. Në Shqipëri kishte sinjalizime që mund të goditej”, tha ai.
Alfred Cako në lidhje me takimin mes Trump dhe Purtin tha: Këta janë kukulla dhe gjendet shkaqe që lufta të vazhdojë, ndërkohë Europa po armatoset rëndë.
Ndërkohë Cako u ndal edhe ‘te florinjtë’ e Shqipërisë, kur tha se Enver Hoxha si kusht për të qëndruar në pushtet, i ka dhënë Britanisë rreth 300 ton flori.
“Ndoshta kryeministri jonë nuk e di që Enver Hoxha si kusht për të qëndruar në pushtet 45 vjet, i ka dhënë Britanisë 280-310 ton flori. Shqiptarëve iu morën 300 ton flori… e kuptoni?!”, tha ai.
Marrëdhënia juaj me atë qe keni ne krah do filloje te përmirësohet gjate kësaj dite. Do jepni shume nga vetja vetëm qe partneri te ndihet sa me mire. Beqaret do kenë takime te rëndësishme te cilat mund t’ia ndryshojnë edhe jetën. Ne planin financiar Urani do ju këshillojë te tregoheni sa me te matur me shpenzimet. Po ja dolët sot gjendja do përmirësohet.
Demi
Do jeni me shprehës se kurrë sot ne jetën tuaj ne çift dhe partneri do ndihet me mire ne krahët tuaj. Ai do ketë vërtet nevoje për fjale te ëmbla dhe për gjeste te ngrohta. Beqaret do bëjnë mire mos thurin projekte pa gjetur me pare personin e duhur. Për financat do jete një dite përgjithësisht e qëndrueshme. Yjet do i keni gjithmonë pas vetes.
Binjaket
Nëse jeni ne një lidhje duhet me patjetër te ruani vetëkontrollin, ne te kundërt do lindin edhe debate. Ju qe jeni ne kërkim te shpirtit binjak duhet te bëni zgjedhje te kujdesshme. Disa mund t’iu afrohen edhe për interes. Financat nuk do jene shume te stabilizuara kështu qe ju duhet te tregoheni shume te matur me shpenzimet e tepruara.
Gaforrja
Ne jetën ne çift do keni debate dhe zënka. Situata do jete mjaft delikate dhe ju duhet te keni kujdes me ato qe do thoni. Një fjale e gabuar mund t’iu çoje edhe ne një ndarje. Nëse jeni vetëm do takoni personin e ëndrrave. Me ne fund! Financat do kenë nevoje për me shume kujdes dhe një menaxhon me te mire. Nëse shpenzoni pa menduar do shkoni drejt katastrofës
Luani
Jeta ne çift nuk do jete ajo qe keni pritur. Puna do iu haje shume kohe dhe nuk do i kushtoni vëmendjen e duhur partnerit. Beni kujdes sepse ai nuk mund te duroje shume. Beqaret nuk do kenë fat ne dashuri, por kjo nuk do te thotë qe do mërziten. Financat duhet te mësoni t’i menaxhoni me kujdes ne mënyrë qe te mos keni asnjë problem me vone.
Virgjeresha
Beni kujdes me jetën sentimentale gjate kësaj dite. Do ankoheni aq shume tek partneri juaj saqë ne një moment ai mund te mërzitet dhe mund te zhduket nga jeta juaj. Beqaret do kenë shume mundësi për te takuar dashurinë, por duhet te tregohen te kujdesshëm. Me paratë do keni shume fat, por nga ana tjetër do keni edhe një dëshirë te shfrenuar për te shpenzuar.
Peshorja
Jeta sentimentale do jete e qete. Nuk do keni as probleme te mëdha, por as pasion nuk do ketë. Lërjani çdo gjë kohës. Po ta mendoni me kujdes është me mire kështu! Beqaret do kenë takime me persona te ndryshëm, por nuk do vendosin asgjë. Financat duhen pasur ne vëmendje gjate gjithë kohës. Çdo shpenzim duhet te kryet i mirë menduar.
Akrepi
Marrëdhënia juaj me partnerin do jete e mbushur me mirëkuptim dhe bashkëpunim gjate kësaj dite. Priten edhe surpriza nga te dyja palët. Nga ana tjetër ata qe janë vetëm do i japin fund beqarisë. Ai qe do takoni do e përmirësoje jashtëzakonisht te përditshmen tuaj. Nuk do e kufizoni dot veten për shpenzime dhe kjo do beje qe financat te marrin tatëpjetën.
Shigjetari
Klima për jetën tuaj ne çift do jete mjafte kontrastuar sot. Beni shume kujdes me çdo gjë qe do thoni nëse nuk doni te keni probleme te mëdha me partnerin. Beqaret do kenë takime pa fund, por do jene shume dyshues me te gjithë personat. Ne planin financiar mos prisni ndihme nga askush, por merrni sa me shpejt masa qe ta stabilizoni situatën.
Bricjapi
Ne jetën sentimentale te çifteve do mbizotërojë qetësia gjate gjithë ditës. Ne këtë mënyrë do e keni me te lehte te komunikoni me te. Beqaret nuk duhet ta harxhojnë energjinë e tyre duke kërkuar me kot personin e ëndrrave, por duhet t’iu kushtojnë me shume kohe miqve. Financat do i menaxhoni me shume kujdes e maturi. Nuk pritet as problemi me i vogël ne këtë plan.
Ujori
Ne jetën ne çift do keni shume zënka gjate kësaj dite dhe here herë situata do behet e padurueshme. Vetëm duke folur me partnerin mund te zgjidhni gjithçka. Për beqaret nuk do jete një dite shume pozitive. Mundohuni ta hiqni pak mendjen nga dashuria. Me financat do keni fat dhe do arrini ta përmirësoni jashtë mase gjendjen ne te cilën ndodheshit.
Peshqit
Dite e bukur dhe e mbushur me momente entuziazmuese kjo e sotmja. Do kaloni çaste te paharruara te cilat për shume kohe do ju mbeten ne mendje. Beqaret do kenë vetëm dëshirë te joshin dhe te flirtojnë. Ne planin financiar do jeni shume me fat dhe jo vetëm qe do shpenzoni aq sa doni, por do hiqni edhe disa para mënjanë.
Një aksident tragjik ka ndodhur në rrugën Cristoforo Colombo në Romë, ku 20-vjeçarja Beatrice Bellucci, e njohur si “Bibbi”, humbi jetën pasi makina e saj u godit nga një BMW që po ecte me shpejtësi.
Sipas hetimeve të para, ky aksident mund të ketë qenë pasojë e një gare makinash, ku shoferi i BMW-së humbi kontrollin dhe përplasi Mini Cooper-in, duke e dërguar makinën përtej rrugës, e cila u përplas me një pemë.
Kjo tragjedi ndodhi pasi BMW-ja, me të cilën po udhëtonin dy të rinj, mund të ketë qenë pjesë e një gare me një automjet tjetër, i cili, sipas hetimeve, mund të ketë ikur nga vendngjarja pas aksidentit. Makina e goditur nga BMW-ja, që transportonte Beatricen dhe shoqen e saj Silvia, po udhëtonte pa marrë pjesë në garë, dhe nuk kishte lidhje me ngjarjen që ndodhi. Beatrice Bellucci, pas përplasjes, u transportua në spital në gjendje kritike, por vdiq pak më vonë. Shoferja e Mini Cooper-it dhe të rinjtë në BMW-së u plagosën gjithashtu, ndërsa hetuesit tani po shqyrtojnë imazhe nga kamerat e sigurisë për të rindërtuar dinamikën e aksidentit dhe për të përcaktuar nëse aksidenti ishte rezultat i një gare makinash.
Aktualisht, hetuesit po shqyrtojnë pamjet nga kamerat e mbikëqyrjes dhe po analizojnë dëshmitë për të zbardhur detajet e ngjarjes dhe për të përcaktuar përgjegjësit e plotë të tragjedisë.
Fitoren në qytetin e Tiranës dhe të Vlorës në zgjedhjet e 9 nëntorit, me dy kandidate gra Ogerta Manastirliun dhe Brunilda Mersinin, kryesocialsiti Edi Rama e sheh të padiskutueshme.
Duke përmendur drejtimin e Manastirliut në QSUT dhe të deputetes Mersini në spitalin rajonal të Vlorës, kryeministri Edi Rama thotë se të dyja janë fituese të garës, ndërsa kundërshtarët e tyre i ironizoi duke thënë se janë shëmbëlltyre e radhës e disfatës së Partisë Demokratike.
Është një risi absolute e zgjedhjeve të parakohshme vendore kandidimi i dy grave për Tiranën dhe Vlorën, dy qytete të dorës së parë për Shqipërinë, që do të drejtohen nga dy gra, të cilat kanë një karrierë shumë të ngjashme në një periudhë të caktuar kur kanë drejtuar respektivisht rilindjen e Qendrës Spitalore Universitare dhe të Spitalit Rajonal të Vlorës, dy realitete të transformuara tërësisht falë kapacitetit të tyre menaxherial dhe sidomos vullnetit të tyre të hekurt. Ato janë të dyja fituese të padiskutueshme të garave, ku kundërshtarët përfaqësojnë shembëlltyrën më kuptimplote të humbjes së radhës, të ndjesë pastë Partia Demokratike”, u shpreh kryeministri Rama.
Për herë të parë, në podcastin ‘Flasim’, Rama komenton edhe kandidaturën e opozitës për Tiranën, Florian Binajn, një artistit komik që dikur njihej për shfaqjet e tij në Portokalli për imitimin e kryeministrit Rama.Këneta është kaq e dëshpëruar, sa për Tiranën ka nxjerrë një aktor humori në rolin e një kandidati gjoja të pavarur, që për vite të tëra i ka bërë për të qeshur të gjithë, madje edhe vetë Kongresin e Partisë Socialiste, ku ka ardhur njëherë për të luajtur rolin tim.
Prandaj, nuk e gjykoj fare keq aktorin për rolin e ri që ka marrë, se aktorët këtë punë kanë, me role jetojnë. Por kush voton mua dhe Partinë Socialiste, do të votojë Ogertën, që t’i japë Tiranës drejtuesen e duhur dhe qeverisë partneren e duhur në krye të bashkisë, për të vazhduar punën transformuese për kryeqytetin e Shqipërisë 2030”, tha Rama.
Kryeministri Edi Rama ka njoftuar se nga viti 2026 shqiptarët do të pajisen me identitetin e vet digjital.
Në podkastin “FLASIM”, Rama u shpreh se kartat e ID-së do të kalojnë në celular apo në kompjuter.
Kreu i qeverisë theksoi se do të funksionojë si një portofol digjital komod drejtpërdrejt nga telefoni.
Edhe BE po ecën në këtë drejtim dhe ka vendosur që në vitin 2027, të jetë afati i futjes së identitetit digjital në jetën e përditshme të Evropës dhe aktivitetin e përditshëm të qytetarëve evropianë”, tha Rama.
Edi Rama: Ndërkohë IdentiTek është angazhuar për sidën e re të identitetit digjital, pra të kalimit të kartës së identitetit në celular apo në kompjuter dhe funksionimit të saj si një portofol digjital shumëfunksional e komod drejtpërdrejt nga telefoni.
Edhe BE po ecën në këtë drejtim dhe ka vendosur që në vitin 2027, të jetë afati i futjes së identitetit digjital në jetën e përditshme të Evropës dhe aktivitetin e përditshëm të qytetarëve evropianë.
Shqipëria është gati, karta e identitetit digjital u prezantua si një produkt i kompanisë IdentiTek dhe testet e fundit janë në vijim në mënyrë që çdo shqiptar të mund të pajiset me identitetin e vet digjital duke filluar nga viti 2026.
Rusia ka testuar me sukses raketën e saj me energji bërthamore Burevestnik, e aftë të mbajë një kokë bërthamore, për të cilën Moska pretendon se mund t’i shmanget çdo sistemi mbrojtës dhe do të fillojë ta vendosë armën, tha të dielën Presidenti Vladimir Putin .
Gjenerali rus Valery Gerasimov , shefi i Shtabit të Përgjithshëm të Forcave të Armatosura Ruse, i tha Putinit se raketa kishte fluturuar 14,000 km dhe ishte në ajër rreth orës 3 të pasdites kur u testua më 21 tetor. Rusia pretendon se raketa 9M730 Burevestnik – e quajtur SSC-X-9 Skyfall nga NATO – është “e pamposhtur” për mbrojtjet aktuale dhe të ardhshme anti-raketë, me një rreze veprimi pothuajse të pakufizuar dhe një rrugë fluturimi të paparashikueshme.
“Është një armë unike që askush tjetër në botë nuk e ka”, tha Putin, i veshur me uniformë kamuflazh në një takim në një post komande me gjeneralët që mbikëqyrin luftën në Ukrainë, në një deklaratë të lëshuar nga Kremlini të dielën. Putin tha se disa ekspertë rusë i kishin thënë dikur se një armë e tillë ndoshta nuk do të ishte kurrë e mundur të prodhohej, por tani, tha ai, “testimi i saj kyç” ka përfunduar.
Gerasimov tha se raketa ishte me energji bërthamore dhe se ky test ishte i ndryshëm sepse fluturoi në një distancë kaq të gjatë, megjithëse rrezja e veprimit është në thelb e pakufizuar. Ai tha se mund të mposhtë çdo mbrojtje raketore.
Të mërkurën, Putin mbikëqyri një provë të forcave bërthamore strategjike të Rusisë në tokë, det dhe ajër, e cila ushtron gatishmërinë dhe strukturën e tyre të komandës. “Forcat tona moderne të pengimit bërthamor janë në nivelin më të lartë”, tha Putin, duke shtuar se është më i lartë se ai i çdo fuqie tjetër bërthamore.
Rusia dhe Shtetet e Bashkuara së bashku zotërojnë rreth 87 përqind të inventarit global të armëve bërthamore – të mjaftueshme për të shkatërruar botën shumë herë. Rusia ka 5,459 koka bërthamore, ndërsa Shtetet e Bashkuara kanë 5,177, sipas Federatës së Shkencëtarëve Amerikanë (FAS).
“Forcat strategjike janë plotësisht të afta të ruajnë sigurinë kombëtare të Federatës Ruse dhe të Unionit të Rusisë dhe Bjellorusisë”, tha Putin.
Përmbytjet kanë shkaktuar dëme të konsiderueshme në Vaun e Dejës, ku uji raportohet se është prezent në të paktën 100 banesa.
Një nga banorët shprehet se përmbytja ndodhi brenda 30 minutave dhe se niveli i përmbytjeve në hotel ka arritur në mbi 2 metra.
Gjithashtu theksoi se uji i mori para gjithçka, nga bagëti e koshere bletësh, duke vlerësuar një dëm prej 50 mln lekë.
Banori: Çfarë kam pasur mi ka marrë, bagëti e të gjitha gjërat, kam koshere bletë, të gjitha i ka marrë me vete. E pabesueshme, hotelin komplet ma ka prishur, çfarë kam pasur magazina mi ka marrë të gjitha me vete. Kam mbi 2 metra ujë brenda.
Për 30 minuta ndodhi kjo punë, edhe vazhdon njësoj. Dëmi është mbi 50 mln lekë, me këto jetoja unë dhe me këtë hotel. Çfarë kam pasur në hotel i shkatërroi, më ka marrë uji 15 mln lek mall, plus dëme materiale brenda hotelit. Shteti të na ndihmojë, por nuk besoj.
Nuk jemi përmbytur asnjëherë në këtë mënyrë, dy metra ujë është e pabesueshme.
Një lajm i bukur vjen nga Spitali Universitar Obstetrik – Gjinekologjik “Koço Gliozheni”, në Tiranë ku një nënë ka sjellë në jetë me një shtatzani natyrale katërnjakë.
Një lajm i bukur vjen nga Spitali Universitar Obstetrik – Gjinekologjik “Koço Gliozheni”, në Tiranë ku një nënë ka sjellë në jetë me një shtatzani natyrale katërnjakë.
Lajmi u bë i ditur nga Ministria e shëndetësisë dhe Mbrojtjes sociale në një postim në rrjetet sociale.
“Nga familja fantastike e Rozetës dhe Geraldos, të cilët janë bekuar me katërnjakët: Roal, Alrda, Roar dhe Auro ardhur nga një shtatzani natyrale.
Jetë të gjatë vogëlushëve, të cilët pas një muaji kujdesi shëndetësor intensiv, tani janë gati për të lënë Spitalin Universitar Obstetrik – Gjinekologjik “Koço Gliozheni”, në Tiranë”, thuhet në postim.
Në muajin shkurt 2024 oficerë të Byrosë Kombëtare të Hetimit (BKH) kryen një kontroll në banesën e Drejtorit të ARRSH-së, në atë kohë Ervis Berberi, duke sekuestruar 4 aparate telefonike, pajisje të ndryshme kompjuterike dhe një sërë dokumentesh.
Kjo formë hetimi duke depërtuar në komunikimet private të individëve, erdhi pasi prokuroria e Posaçme SPAK, ka ndjerë dështimin me formatin standard të përgjimit telefonik, dhe për pasojë gjatë këtyre 3 viteve të drejtimit të SPAK nga Altin Dumani, janë sekuestruar më shumë telefona se çdo periudhë tjetër.
Gazetari Elton Qyno ka mësuar se disa ditë pas sekuestrimit të 4 telefonave, po në muajin Shkurt 2024 prokurori i çështjes Dritan Prençi, nxjerr urdhrin për ekspertimin kompjuterik të 4 aparateve telefonike, duke sjellë rikuperimin e një pjese të madhe të bisedave të zhvilluara nga Ervis Berberi në disa platforma elektronike.
Dhe 2 muaj pas kryerjes së ekspertimeve të 4 telefonave të Berberit dhe gruas së tij, Adela Ruko, prokurori Prençi në 23 Prill 2024 vendos të hapë një dosje të dytë me Nr. 196, e ndarë nga ajo e Berberit dhe fokusi i hetimit ishte kryebashkiaku i Shkodrës, Benet Beci
Mirëpo ekspertimi i 4 telefonave Ervis Berberi dhe bashkëshortes së tij, Adela Ruko, tashmë ka sjellë krijimin e një “pusetë” thithëse për numrin 2 të Shtetit Belinda Balluku dhe vetë kryetarit të bashkisë Shkodër, Benet Beci.
Mësohet se ky i fundit prej muajit Tetor 2024 e në vijim, rezulton të jetë marrë i pandehur për “Shkelje të pabarazisë në tendera”, që lidhet me një procedurë prokurimi me objekt “Zhvillim strategjik i sektorit Energjitik (Projekt kërkimor) me fond limit prej 695 milion lekë të vjetra.
Bashkë me kryetarin e bashkisë së Shkodrës, Benet Beci, për këtë çështje SPAK, ka marrë të pandehur dhe gruan e Ervis Berberin, shtetasen, Adela Ruko, dhe zyrtarë të tjerë si Jonid Kazani, Drejtor i Çështjeve Rregullatore në KESH, dhe zyrtarët Edlira Mitrushi, Yllka Nishku, Rudin Gjoni dhe Premtim Dauti.
Ndërkohë për këtë rast hetimet vijojnë dhe brenda muajit Prill 2026, SPAK duhet të çojë në gjyq të pandehurit e mësipërm.
Por nga ana tjetër hapja dhe këqyrja e komunikimeve në platformat elektronike, ka sjellë ngritjen e akuzës për shumë zyrtarë të tjerë të ARRSH-së, ERE-S dhe ministrisë së Infrastrukturës, ku së fundi në rrjetën e këtyre bisedave që kanë prodhuar më pas akuza penale, ka rënë dhe Belinda Balluku, me funksion zv/kryeministre e Shqipërisë dhe Ministre e Infrastrukturës dhe Energjetikës.
Mësohet se Belinda Balluku, ka rënë në rrjetën e komunikimeve që ka zhvilluar me vartësin e saj, Ervis Berberi, gjatë kohës kur ky i fundit drejtonte Autoritetin Rrugor Shqiptar.
Për momentin, nuk dihet me saktësi cila është përmbajtja e kësaj bisede të zhvilluar mes dy zyrtarëve të lartë dhe roli ndikues që ka pasur Belinda Balluku, për paracaktimin e subjekteve fitues në prokurimit publike të zhvilluara nga ARRSH-ja.
Por ajo që dihet tashmë është fakti se këtë javë Belinda Balluku, duhet të paraqitet në ambientet e SPAK, për tu njohur zyrtarisht me akuzën e “Shkeljes së pabarazisë në tendera”.
SPAK duke marrë shkak nga përmbajtja e bisedave të zhvilluara mes Berberit, gruas së tij Adela Ruko dhe ministres Belinda Balluku, ka regjistruar një dosje të re.
Ndërsa në dobi të këtij hetimi në muajin Prill 2025, prokurori Dritan Prençi, ka kërkuar në ARRSH-ë tërheqjen e dokumenteve që lidhen me praktikën e prokurimit që bën fjalë për mbikëqyrjen e punimeve në tunelin e Llogarasë në seksionin rrugor “Orikum-Himarë” pjesë e Autostradës SH8 (Vlorë – Sarandë).
Ky tender është hapur nga Ministria e Infrastrukturës dhe Energjisë në 1 dhjetor 2021, ku më pas në muajin Mars 2022, ministria e drejtuar nga Belinda Balluku, do të shpallte fituesin e kontratës me vlerë 196 milionë lekë ose gati 2 milionë euro.
Në tender do të merrte pjesë bashkimi i kompanive “Stucky L.T.D” me pronar të huaj dhe “Gjeokonsult & CO”, në pronësi të Xhevahir Mustafaj.
Këta do të garonin me bashkimin e kompanive “Hill International N.V” në pronësi të një shtetasi Hollandez por me administrator grekun, Ioannis Kirkinezis dhe “Net-Group” në pronësi të Valter Begaj, mik i ngushtë i Ervis Berberit.
Dyshimet e para për favorizim fituesi u shfaqën kur kompanitë “Stucky L.T.D” dhe “Gjeokonsult& CO” u skualifikuan, pasi nuk plotësonin një nga kushtet e kërkuara në tender pasi “Stucky” nuk ishte e regjistruar në QKB, duke i lënë rrugën e lirë “Hill Internacional N.V” dhe “Net-Group”, të cilat në Mars 2022 do të shpalleshin fitues me ofertë 194 milionë lekë ose rreth 2 milionë euro.
Kohëzgjatja e kontratës ishte planifikuar të zgjaste 34 muaj sipas kontratës së zbatimit të punimeve në ndërtimin e tunelit të Llogorasë.
Prokurorët e posaçëm kanë ngritur dyshime të forta se tenderi mund të jetë paracaktuar dhe kompanitë e tjera, janë skualifikuar qëllimisht, për shkak të lidhjes mes Berberit, Ervis Lamit, mikut të tyre Valter Begaj dhe ministres së Infrastrukturës, Belinda Balluku.
Këto dyshime janë përforcuar dhe kanë krijuar bindjen për paracaktim të fituesit, kur SPAK ka kyçur përmbajtjen e komunikimeve telefonike, ku del edhe Belinda Balluku.
Ndërkohë mësohet se prej 4 dhjetorit 2024, të gjitha aksionet që biznesmeni Valter Begaj, dispononte tek kompania “Net-Group”, ja ka dhuruar përmes një kontrate noteriale bashkëshortes së tij, Loreta Vallja.
Pritet që këtë javë veç Belinda Ballukut, të njihen me akuzat penale dhe zyrtarë të tjerë të Ministrisë së Infrastrukturës dhe Energjisë, të cilët kanë shërbyer si anëtarë të Komisionit të Vlerësimit të Ofertave.
