Lajmet e Fundit
Një shpërthim i fortë ndodhi sot në një kafene në kryeqytetin spanjoll, Madrid, duke plagosur 21 persona, tre prej të cilëve rëndë, sipas njoftimit të shërbimeve të emergjencës.
Shpërthimi ndodhi në orën 15:00 në lagjen Vayekas.
Hetimet fillestare tregojnë se shpërthimi lidhej me një rrjedhje gazi, e cila shkaktoi shembjen e katit të sipërm, duke e shkatërruar plotësisht hapësirën.
Sipas raportimeve fillestare, stabiliteti i ndërtesës nuk është në rrezik, siç raportohet nga “Elconfidencial”.
Me lot në sy, i shkatërruar nga humbja e dy vajzave, që u shuan në lule të rinisë në një aksident automobilistik, Riza Dhimaku dha një mesazh të fortë për emisionin “Për shqiptarët”.
Jeta e Elvisës dhe Rozinës u ndërpre pabesisht pasi një automjet i preu rrugën.
Në videomesazhin e tij, Rizai apelon për kujdes në drejtimin e mjetit, për të parandaluar tragjedi se kjo e familjes së tij.
“Të gjithë jemi me makina, të gjithë jemi shoferë. Pas atij aksidenti, kanë ndodhur aksidente të tjera në zonën tonë. Ju lutem ikni me mend në kokë, nuk ju ka borxh askush. Çdo gjë vjen nga shpejtësia dhe alkooli. Nuk ka gjë që mund ta falë, e gjykon Zoti. Unë mund ta fal, por nuk fal zemra, nuk fal shpirti… Sot më ndodhi mua, nesër mund t’i ndodhë një tjetri. Mos dëgjofshim më, mos ndodhshim më ngjarje të tilla”, theksoi Riza Dhimaku.
Avishkar Raut, vetëm 16 vjeç, është kthyer në simbol të rezistencës kundër korrupsionit në Nepal. Ai fitoi vëmendje në mars, pas fjalimit të tij të fuqishëm “Jai Nepal” gjatë një eventi shkollor, që më pas u bë katalizator për shpërthimin e protestave masive në Kathmandu.
Në video që qarkullojnë në rrjete sociale, Avishkar shihet duke udhëhequr turma të rinjsh, duke thirrur parulla dhe kërkuar llogaridhënie nga qeveria. Protestat e udhëhequra nga brezi Gen Z kanë përshkallëzuar situatën politike: kryeministri K P Sharma Oli dha dorëheqjen, e cila u pranua nga presidenti, ndërsa ndërtesa e Parlamentit u sulmua dhe u dogj, duke tronditur opinionin publik.
Lëvizja antikorrupsion ka fituar gjithashtu mbështetjen e personazheve të njohur nepalezë, duke i dhënë më shumë jehonë revoltës së të rinjve.
Avishkar Raut po dëshmon se mosha nuk është pengesë për të kërkuar ndryshim. Guximi i tij ka frymëzuar një brez të tërë që kërkon drejtësi, transparencë dhe një të ardhme më të ndershme për Nepal.
Autoritetet në Poloninë lindore, pranë kufirit me Ukrainën, shpallën gatishmëri të lartë të shtunën pasdite pas raportimeve për një kërcënim me dron, të dyshuar rus.
Avionë luftarakë u ngritën menjëherë për të reaguar ndaj kërcënimit, ndërsa Aeroporti i Lublinit u mbyll dhe sirenat e alarmit u aktivizuan në disa zona për të paralajmëruar banorët.
Incidenti ndodh në një kohë të tensionuar në rajon, ndërsa autoritetet po monitorojnë situatën për çdo rrezik të mëtejshëm.
Komanda operative e ushtrisë polake postoi në X të shtunën pasdite se sistemet e mbrojtjes ajrore dhe të zbulimit me bazë në tokë ishin në gatishmëri të lartë. Ajo theksoi se “këto veprime janë të natyrës parandaluese” dhe kishin për qëllim sigurimin e hapësirës ajrore të Polonisë dhe mbrojtjen e qytetarëve të vendit.
Ajo përmendi një kërcënim për sulme me dronë në rajonet e Ukrainës që kufizohen me Poloninë, por nuk dha menjëherë detaje të mëtejshme.
Kryeministri Donald Tusk njoftoi gjithashtu se “operacionet ajrore parandaluese” kishin filluar në hapësirën ajrore polake për shkak të kërcënimit që përbënin dronët rusë që vepronin mbi zonat e afërta të Ukrainës.
Agjencia Polake e Shërbimeve të Navigimit Ajror tha se Aeroporti i Lublinit ishte i mbyllur për trafikun ajror “për shkak të aktiviteteve të aviacionit ushtarak”. Nuk specifikoi se sa kohë do të zgjaste kjo, por zëdhënësi i aeroportit, Piotr Jankowski, i tha agjencisë së lajmeve PAP se hapësira ajrore mbi aeroport ishte e mbyllur deri në orën 6 të mbrëmjes (16:00 GMT).
Rusia ka thënë se nuk e ka synuar Poloninë të mërkurën, dhe aleati i Moskës, Bjellorusia, tha se dronët humbën rrugën sepse ishin bllokuar. Por udhëheqësit evropianë kanë shprehur bindjen se inkursionet ishin një provokim i qëllimshëm nga Rusia.
Autori i masakrës së Shkodrës, Ragip Gila është izoluar në paraburgimin 302 në Tiranë.
Bëhet me dije se Gila po mbahet në qeli të vecantë për momentin për arsye sigurie.
Gila u arrestua pak pasi kreu krimin, ku ekzekutoi dy persona dhe dy të tjerë mbetën të plagosur.
Si ndodhi vrasja?
Armando Pali dhe Erogen Brajoviç ishin duke pirë kafe në një lokal pranë Bashkisë së Shkodrës, kur Ragip Gila qëlloi me breshëri plumbash në drejtim të tyre. Shënjestër e atentatit dyshohet se ka qenë Erogen Brajoviç.
Nga atentati mbeti i vrarë Armando Pali dhe Liridon Kraja (Lushi) 31 vjeç, truproja i Erogen Brajoviç.
Truproja e Erogen Brajoviç, ndërroi jetë në spital pas plagëve të marra nga breshëria e plumbave. Kurse të plagosur mbetën shënjestra e dyshuar, Erogen Brajoviç dhe kamarierja 25-vjeçare e lokalit, Meri Kaceri. Erogen Brajoviç, i cili mori tre plumba, ndodhet në spitalin e Traumës në Tiranë.
Një sasi lënde shpërthyese është gjetur pasditen e së shtunës pranë një hoteli në qytetin e Durrësit, në pronësi të ish-kreut të kësaj bashkie Vangjush Dako, i vendosur në lagjen nr.1 në gjimnazin “Gjergj Kastrioti”.
Lënda shpërthyese, e dyshuar si tritol, ishte e lidhur me një celular dhe mendohet se ishte gati për t’u aktivizuar.
Menjëherë janë njoftuar forcat e policisë dhe ato xheniere, të cilat kanë rrethuar vendngjarjen dhe më pas kanë kryer shpërthim të kontrolluar të mjetit shpërthyes.
Paraprakisht nuk ka të dyshuar se kush mund ta ketë vendosur eksplozivin në hotelin e Dakos, teksa policia po mbledh kamerat e sigurisë në zonë për të krijuar një identikit të autorit.
Stafi i hotelit dhe personat e pranishem jane evakuuar te gjithe nga objekti.
Mister me një grua kineze e cila u gjet e pajetë brenda një taksie në periferi të Durrësit, raporton noa.al.
Spitali Rajonal Durrës ka njoftuar se është dërguar pa shenja jete një shtetase 57-vjeçare me shtetësi kineze.
E ndjera është gjetur në një taksi, pranë “Urës së Dajlanit”.
Grupi hetimor po vijon veprimet për këqyrjen e trupit të 57-vjeçares, si dhe për sqarimin e plotë të rrethanave.
Për rastin, grupi hetimor po kryen veprimet nën drejtimin e Prokurorisë së Juridiksionit të Përgjithshëm Durrës.
Ura e “Dajlanit” në Durrës prej më shumë se dy dekadash është kthyer në një vend ku vajza nga qytete të ndryshme të vendit përfshirë edhe Durrësin “shesin trupin” e tyre për shuma të ndryshme parash.
Më herët në korrik 2023 një vajzë u gjet e vdekur. Ajo u gjet e zhveshur, ndërsa grupi hetimor ka dyshime se me të është abuzuar seksualisht.
Një sasi lënde shpërthyese është gjetur pasditen e së shtunës pranë një hoteli në qytetin e Durrësit, në pronësi të ish-kreut të kësaj bashkie Vangjush Dako, i vendosur në lagjen nr.1 në gjimnazin “Gjergj Kastrioti”.
Lënda shpërthyese, e dyshuar si tritol, ishte e lidhur me një celular dhe mendohet se ishte gati për t’u aktivizuar.
Menjëherë janë njoftuar forcat e policisë dhe ato xheniere, të cilat kanë rrethuar vendngjarjen dhe më pas kanë kryer shpërthim të kontrolluar të mjetit shpërthyes.
Paraprakisht nuk ka të dyshuar se kush mund ta ketë vendosur eksplozivin në hotelin e Dakos, teksa policia po mbledh kamerat e sigurisë në zonë për të krijuar një identikit të autorit.
Stafi i hotelit dhe personat e pranishem jane evakuuar te gjithe nga objekti.
Durrës/ Informacion paraprak
-Në lagjen nr. 1, Durrës, në hyrje të një ndërtese (ish-hotel, jashtë funksionit), në një nga vazot e luleve është gjetur një sasi e dyshuar lëndë plasëse, dyshohet artizanale.
Grupi hetimor, në bashkëpunim me Njësinë Antieksploziv të RENEA-s, po kryen veprimet për sqarimin e rrethanave, përcaktimin e llojit të lëndës së gjetur, si dhe identifikimin dhe kapjen e autorit/ve.
Nga avokat Arben Llangozi
Një video tronditëse hedh poshtë çdo alibi të SPAK-ut. Në këtë material të qartë, shihet hapur se ish-ministrja e Mbrojtjes, Olta Xhacka, ka urdhëruar mbylljen e procedurave ligjore dhe kalimin e pasurisë së ushtrisë drejt oligarkëve të lidhur me pushtetin. Ky akt kriminal nuk është thjesht abuzim me detyrën, por një shkelje flagrante e Kushtetutës dhe një tradhti e pastër ndaj interesave kombëtare.
Por skandali nuk mbyllet këtu. Bardhyl Kollçaku, i vetëshpallur gjeneral, jo vetëm që firmosi shkatërrimin e pronës së ushtrisë, por mori shpërblimin e turpshëm, një mandat deputeti. Pra, pasuria e shqiptarëve u shit, marina u dorëzua, dhe Kollçaku u ble me karrige politike.
Në historinë botërore, gjeneralët kujtohen për beteja të mëdha, për sakrifica dhe për humbje jetësh në mbrojtje të atdheut, por gjenerali ynë, Bardhyl Kollçaku, nuk do të mbahet mend për trimëri apo kontribute ushtarake, ai do të hyjë në histori si gjenerali i oligarkëve, njeriu që tradhtoi kombin shqiptar duke shitur pasuritë e ushtrisë dhe duke i kthyer në plaçkë pushteti për interesat e ngushta të politikës dhe biznesit të lidhur me të.
Por çfarë ka bërë SPAK? Pesë vite “hetim” dhe asnjë vendim, asnjë arrestim, asnjë përgjegjësi! Heshtja e SPAK-ut është bashkëpunim në krim dhe turp për drejtësinë shqiptare.
Kjo video është prova që duhet të çonte pas hekurave Xhackën, Kollçakun dhe gjithë zinxhirin politik-ushtarak që shiti pasuritë e vendit te oligarkët. Çdo ditë që kalon pa arrestime, është një dëshmi tjetër se drejtësia në Shqipëri është e kapur, e shitur dhe e gjunjëzuar para pushtetit dhe parasë.
Sot, nën udhëheqjen e Francës dhe Arabisë Saudite, 142 vende kanë miratuar Deklaratën në Asamblenë e Kombeve të Bashkuara, mbi zbatimin e Zgjidhjes me Dy Shtete mes Palestinës dhe Izraelit.
Dhjetë shtete, mes tyre Izraeli dhe SHBA votuan kundër, ndërsa Shqipëria është mes 12 shteteve që abstenuan. Kujtojmë se kryeministri Edi Rama ka deklaruar jo më larg se katër muaj më parë se mbështet zgjidhjen me dy shtete, deklaratë që e ka bërë nga Izraeli.
“Së bashku, po hartojmë një rrugë të pakthyeshme drejt paqes në Lindjen e Mesme”, ka deklaruar presidenti francez Emmanuel Macron, mbështetës i kësaj deklarate.
“Franca, Arabia Saudite dhe të gjithë partnerët e tyre do të jenë në Nju Jork për ta bërë këtë plan paqeje realitet në Konferencën mbi Zgjidhjen me Dy Shtete. Një e ardhme tjetër është e mundur. Dy popuj, dy shtete: Izraeli dhe Palestina, që jetojnë krah për krah në paqe dhe siguri”, ka thënë Macron.
Votimi në OKB
