Lajme Flesh

Në një botë ku lidhjet shpesh treten mes stresit, mungesës së komunikimit dhe jetës së ngarkuar, disa çifte ia dalin të qëndrojnë bashkë — me dashuri, me respekt, me forcë. Ata nuk kanë një formulë magjike, por ndjekin disa parime që nuk lëkunden me kohën.

1. Komunikojnë edhe kur është e vështirë

Ata nuk rrinë në heshtje. Flasin. Shprehen. Nuk shtypin emocionet. Kur diçka nuk shkon, përballen me të — pa inate, pa akte pasive-agresive, por me qartësi.

2. Janë miq të vërtetë përpara se të jenë partnerë

Lidhja e tyre nuk mbahet thjesht nga emocionet e momentit. Në themel është miqësia: qeshin bashkë, ndajnë mendime, e duan shoqërinë e njëri-tjetrit edhe kur jeta s’është “romantike”.

3. I japin njëri-tjetrit hapësirë pa u larguar

Çiftet e forta e dinë që liria personale nuk është kërcënim për lidhjen. Ata lejojnë njëri-tjetrin të rriten si individë, jo vetëm si “gjysma” e dikujt.

4. Falin dhe nuk e mbajnë të kaluarën si armë

Gabimet ndodhin. Por falja është zgjedhje. Ata nuk e përdorin të shkuarën për të goditur në çdo debat. Janë të vetëdijshëm që s’mund të ecësh përpara me një thes gurësh në shpinë.

5. Ruajnë afërsinë fizike dhe emocionale

Puthjet, përqafimet, shikimet me kuptim — janë pjesë e gjuhës së përditshme mes tyre. Edhe në ditët e lodhura, ndjenjat nuk mbeten në hije.

6. Mbështesin ambiciet e njëri-tjetrit

Njëri nuk e ndjen veten “më poshtë” apo “në hije”. Nuk ka garë, por bashkëpunim. Ecuria e njërit është festë për të dy.

7. E marrin jetën me më shumë humor dhe më pak dramë

Shumë probleme zgjidhen me një buzëqeshje të sinqertë. Çiftet që qeshin bashkë, kapërcejnë më lehtë gjithçka. E thjeshtojnë, nuk e ngatërrojnë.

8. Kujdesen për marrëdhënien edhe kur nuk ka krizë

Nuk presin që gjërat të shkojnë keq për të vepruar. Marrëdhënia është prioritet i përditshëm, jo detyrë emergjente.

9. Ndajnë vlera, jo vetëm momente

Mund të kenë pasione të ndryshme, por e shohin jetën me të njëjtin vizion. Ajo që i bashkon janë themelet, jo thjesht zbavitja.

10. Zgjedhin çdo ditë të jenë bashkë, jo vetëm të qëndrojnë

Dashuria për ta nuk është një ndjenjë që “ndodh”. Është një vendim që përsëritet. Me qëllim, me përpjekje, me prani.

Sepse lidhjet e forta nuk ndërtohen me fjalë të mëdha, por me veprime të vogla që përsëriten çdo ditë.

Një aksident me vdekje është regjistruar këtë të diel në Divjakë.

Nga informacionet paraprake mësohet se Mali Meta, 62-vjeçar, duke drejtuar një zetor në parcela, ka humbur kontrollin mbi drejtimin e mjetit bujqësor dhe për pasojë zetori është përmbysur në një kanal, duke e zënë poshtë.

Bashkëfshatarët janë afruar menjëherë për t’i dhënë ndihmë, por fatkeqësisht, Maliq Meta nuk ka arritur dot të mbijetojë, duke ndërruar jetë në vendin e ngjarjes.

Tetë persona janë arrestuar nga policia greke, si pjestarë të një grupi kriminal që shiste drogë në Mykonos. 4 efektivë të policisë greke dhe 4 shqiptarë, përfshirë dhe një person tjetër në kërkim, bashkëpunonin me njëri-tjetrin duke rihedhur në treg drogë të sekuestruar nga policia.

Hetimet e policisë zbuluan edhe lidhje të oficerëve me pjestarë të mafias greke, duke i informuar për kontrollet policore.

Kreu i grupit kriminal ishte një oficer 42-vjeçar grek. Ai kishte qenë i pezulluar që nga 14 janari 2025 për mashtrimin e një ish-partneri në tetor 2024. Një oficer policie 31-vjeçar, që shërbente në Stacionin e Policisë së Akropolit, ishte “krahu i djathtë” i tij. Ai më parë kishte shërbyer në Departamentin e Narkotikëve të Athinës Juglindore, nga ku dyshohet se kishte sekuestruar lëndë narkotike të konfiskuara dhe i kishte shpërndarë ato për shitje përmes rrjetit.

Bashkëpunëtorët e tij ishin një Shef Policie 35-vjeçar i Nëndrejtorisë së Policisë së Mykonos dhe një Shef Policie 43-vjeçar i caktuar në Departamentin e Policisë së Akarnasit. Bashkëpunëtorë civile të grupit ishin 43-vjeçar i kërkuar, një shqiptar 24-vjeçar dhe motra e tij 29-vjeçare, partnerja e kreut të grupit si dhe dy persona të tjerë nga Shqipëria. Në të njëjtën dosje, akuzohen edhe 13 persona të tjerë, përfshirë një Shef Policie i cili shërben në Departamentin e Policisë Pydna-Kolindros, por gjatë periudhës së hetimit ai shërbente në Nëndrejtorin e Policisë së Mykonosit.

Midis emrave të hetuar, janë tre individë me precedentë të rëndë kriminalë, emrat e të cilëve u përfshinë edhe në dosjen e madhe që heton vrasjet e katër anëtarëve të mafias grekë të cigareve të udhëhequr nga i shumëkërkuari “Entik”, i cili fshihet në Dubai.

Oficeri 42-vjeçar i policisë u arrestua më 23 tetor 2024, për mashtrim të përsëritur kundër ish-partneres së tij. Në atë kohë, telefoni i tij celular u konfiskua. Policia kishte informacione se si kishte një pozicion drejtues në një bandë trafikimi droge në ishullin e Mykonos dhe më gjerë. Deklasifikimi i komunikimeve zbuloi përfshirjen e tij në trafikimin e drogës dhe formimin e një organizate kriminale me të dyshuarit e tjerë.

Në të njëjtën kohë, dolën në pah kontaktet e tij me individë të lidhur me aktivitetet e mafias greke, në kontekstin e informimit të tyre rreth kontrolleve të ardhshme policore dhe aktiviteteve të tjera. Shumë nga komunikimet e tij me oficerin 31-vjeçar të policisë u zbuluan, ndërsa regjistrimi i mbikëqyrjes së tyre zbuloi një marrëveshje midis tyre për një pazar droge që i përfshinte të dy.

Oficeri i policisë e informoi 42-vjeçarin për largimin e tij nga Departamenti i Zbatimit të Ligjit për Narkotikët dhe aftësinë që kishte për të larguar lëndët narkotike.

Zbulohen 5 milionë euro në llogari bankare

Autoritetet identifikuan transaksione bankare midis dy oficerëve të policisë, të cilët luajtën një rol kyç në rrjet. Gati 5 milionë euro u gjetën në llogaritë e 42-vjecari dhe partneres së tij, ndërsa dyshohet se ishte i përfshirë edhe vëllai i 29-vjeçaras shqiptare, i cili transportonte dhe kanalizonte drogën e sekuestruar.

Anëtarët e organizatës komunikonin ekskluzivisht përmes aplikacioneve online, ndërsa “truri” policor i rrjetit dyshohet se është i përfshirë edhe në raste të tjera të paligjshme, siç është informimi i biznesmenëve për kontrollet policore.

La Repubblica shkruan se java e ardhshme do ta ndajë Italinë në dy pjesë. Veriu do të përballet me stuhi të forta dhe reshje të dendura, ndërsa në qendrën dhe jugun e shtetit fqinj do të mbizotërojë një valë rekord të nxehti, e përshkruar nga meteorologët si “vala më e fuqishme e dekadave të fundit, ndoshta edhe e historisë”.

Vala afrikane e të nxehtit, e njohur në zhargonin meteorologjik si “Deveja”, po prek që tani rajonet e Siçilisë, Sardenjës dhe Pulias, ku temperaturat kanë arritur tashmë 40°C. Ndërkohë, në një lartësi prej 1 mijë e 500 metrash, parashikohen rreth 30°C, një vlerë jashtëzakonisht e rrallë për Italinë.

Por e gjitha kjo nuk është asgjë krahasuar me atë që pritet të ndodhë nga e hëna në zonat e brendshme lindore të Siçilisë, mes Sirakuzës, Katanias dhe Kaltanisetas. Për shkak të erërave të forta, lagështisë shumë të ulët dhe largësisë nga deti, temperaturat mund të arrijnë deri në 45°C.

Sipas ekspertëve, është e mundur që në këto zona të regjistrohen temperatura maksimale mbi 49°C, një nivel që do të thoshte potencialisht rishkrim i historisë klimatike të Italisë dhe të gjithë Evropës. Kjo do të thyente edhe rekordin evropian prej 48.8°C të regjistruar në gusht të vitit 2021 në Floridia, provincë e Sirakuzës.

Rekordi botëror prej 56.7°C, i vendosur në vitin 1913 në Luginën e Vdekjes (Death Valley), në Kaliforni, mbetet ende larg për momentin. Ai vend njihet si më i nxehti në Tokë dhe vazhdon të tërheqë turistë nga e gjithë bota, të cilët bëjnë foto para termometrit të famshëm të Furnace Creek.

Arritja e temperaturave afro 50°C nën hije në Itali dhe në Evropë do të ishte një precedent historik. Në kushte të tilla ekstreme: metalet fillojnë të zgjerohen (edhe pse nuk është e dukshme me sy të lirë), plastika e butë deformohet, gjalpi apo dylli që kanë pika shkrirjeje më të ulëta shkrihen plotësisht, ndërkohë që infrastruktura dhe rrjetet elektrike mund të rrezikojnë kolaps të menjëhershëm. Por më shqetësuese është se proteinat në trupin e njeriut nisin të denaturohen, çka mund të çojë në çrregullime mendore, marrje mendsh dhe humbje ndjenjash.

Kjo është ajo që meteorologu Mattia Gussoni nga ilMeteo.it e cilëson si “fytyra e re e verës së shekullit XXI”: pasojë e drejtpërdrejtë e ndryshimeve klimatike të shkaktuara nga aktiviteti njerëzor, me ngjarje ekstreme që po bëhen gjithnjë e më të shpeshta dhe të qëndrueshme.

Por kjo situatë ka edhe një anë tjetër. Pjesa më e madhe e Mesdheut qendror dhe perëndimor do të përjetojë temperatura +8°C mbi mesataren sezonale, veriu i Italisë do të gjendet në një “zonë përplasjeje” atmosferike, e goditur nga një ciklon që do të prekë edhe Evropën veriore.

Veçanërisht në Alpe, në Piemonte dhe Lombardi, priten reshje intensive brenda pak orësh, mbi 100-150 mm, sasi që normalisht bie për një muaj të tërë, duke rritur rrezikun për përmbytje dhe rrëshqitje dheu në zona të pjerrëta.

Një krim makabër ka tronditur opinionin publik turk, duke u kthyer në një nga rastet më të komentuara të vitit. Ayşe Tokyaz, 22 vjeçe, studente infermierie nga Hatay, u raportua e zhdukur në Stamboll… vetëm për t’u gjetur disa ditë më vonë e copëtuar dhe futur në një valixhe, pranë rrugës në lagjen Küçükçekmece. Detajet janë aq të rënda, sa të lënë pa frymë.

Mediat turke kanë zbuluar se i dyshuari kryesor është ish-i dashuri i saj, Cemil Koç, një ish-oficer policie me të kaluar të errët. Ayşe kishte shkuar për një vizitë në shtëpinë e tij natën e 10 korrikut… dhe nuk doli më kurrë gjallë.

Trupi i saj u gjet tri ditë më vonë, i fshehur në një valixhe. Sipas ekspertizës, ajo ishte vrarë brutalisht dhe me gjasë, në mënyrë të planifikuar.

“Rrëzua nga shkallët” – alibia e ftohtë e të dashurit që tronditi Turqinë!

Cemil Koç është arrestuar bashkë me gjithsej 7 persona, të cilët dyshohet se kanë ndihmuar në fshehjen e krimit. Por mbrojtja e tij ka shokuar edhe më shumë publikun:
“Ajo ra nga shkallët… dhe vdiq.”
Një justifikim që mediat e kanë quajtur të neveritshëm dhe të stërpërdorur, sidomos kur kamerat e sigurisë dhe dëshmitë e rrëzojnë këtë version.

Motrat binjake ndanë gjithçka – edhe dhimbjen
Esra Tokyaz, motra binjake e Ayşes, ka dëshmuar se kishte raportuar më parë për kërcënime dhe dhunë psikologjike, por askush nuk e mori seriozisht. Ky detaj po hap debate të forta për mosreagimin e institucioneve, të cilat, si shumë herë më parë, nuk ndërhynë derisa ishte shumë vonë.

Protesta, revoltë dhe një popull që kërkon drejtësi

Ngjarja ka nxitur valë protestash në Stamboll, me pankarta që bërtasin:
“Ayşe için adalet” – Drejtësi për Ayşe!
Organizatat për të drejtat e grave kanë denoncuar për të disatën herë fenomenin e “vrasjeve të fshehta”, ku vajzat vriten nga njerëzit më të afërt, ndërsa shteti hesht.

Pse u vra Ayşe? Historia që nuk duhet të përsëritet!

Burime pranë hetimit tregojnë se Koç kishte propozuar martesë, por Ayşe e kishte refuzuar. Diferenca e moshës, kontrolli obsesiv dhe karakteri i tij i rrezikshëm ishin disa nga arsyet pse ajo u tërhoq. Dhe ai… nuk e pranoi kurrë ndarjen.

Ekspertët flasin për një “trinitet toksik” – narcizëm, psikopati dhe mungesë ndjeshmërie – si shenjë paralajmëruese që sistemi vazhdon të neglizhojë.

Në vend të luleve, një valixhe e mbyllur…

Historia e Ayşes është historia e shumë vajzave që ikin pa zë. Ajo nuk u vra vetëm nga një ish-i dashur me uniformë, por nga një sistem që nuk e dëgjoi kurrë kur ajo tha “kam frikë”.

Tani, teksa hetimet vazhdojnë dhe shoqëria kërkon llogari, mbetet vetëm një thirrje:
“Mos e lini Ayşen të harrohet!” /Prive By Liberta Spahiu.

Ato janë si qindra vajza e gra në botë që u premtohet një jetë më e mirë dhe që, për fat të keq, ngecin në rrjetat e trafikantëve duke u detyruar të ushtrojnë prostitucionin.

Stefania jetonte në Kolumbi dhe aplikoi për punë në Shqipëri. Qëllimi i saj ishte të punonte si balerinë nate. Por sot ajo, bashkë me disa vajza të tjera nga Kolumbia, janë nën akuzë për prostitucion, me një pasaportë të bllokuar që nuk e lejon të largohen e, veç të gjithave, pa asnjë ndihmë.

“Ne jemi kolumbiane, kemi ardhur këtu të mashtruara nga persona që na sollën, sepse erdhëm me qëllimin për të kërcyer. Kur mbërritëm këtu, kishim borxhe dhe na thanë se duhet të paguajmë, duke qëndruar këtu e duke punuar si prostituta. Ne pranuam që ta bëjmë, të shlyejmë borxhin dhe më pas të largoheshim. Kur u bëmë gati të ktheheshim, na arrestuan në aeroport”, tha Stefania.

Por autoritetet e policisë i thonë TCH se po përdoret një skemë tjetër e ushtrimit të prostitucionit nga shtetase të huaja, që – siç rezulton nga disa raste – udhëtojnë në Shqipëri e qëndrojnë nga dy deri në katër muaj, duke u zëvendësuar me të tjera.

“Ne bëjmë kërcime seksi para meshkujve, por nuk jemi prostituta. Për të ardhur në Shqipëri e për të punuar, ne gjetëm një kontakt, pasi në Kolumbi situata nuk është e mirë. Ne jemi nëna beqare dhe menduam një mënyrë për të siguruar para. Kur erdhëm këtu, e kuptuam se nuk ishim për atë punë, por se kishim rënë në një rrjet prostitucioni. Këta persona janë identifikuar nga autoritetet dhe një prej tyre është në burg”, shtoi ajo.

Vajzat i kanë familjet në Medelin dhe kërkojnë ndihmë për t’u larguar, megjithëse çështja ndaj tyre sapo është mbyllur dhe pritet të gjykohen, si shumë të tjera, nën gjykim në mungesë.

“Ne kemi qëndruar dy muaj në Pogradec në paraburgim. Tani që ka nisur procesi, kemi dy muaj në Tiranë dhe verifikimet vijojnë ende. Nuk na lënë të ikim. Nuk kemi pasaportë pasi na janë marrë. Jemi pa shtëpi, pa ushqim dhe deri tani na ka ndihmuar një fondacion”, përfundoi Stefania./TCH

Këngëtarja e njohur Luar Arani, ka ardhur dje me një rrëfim për jetën dhe karrierën e saj. Ajo ishte e ftuar në emisionin “Se Luan Topi” në Top Channel, ku ka zbuluar detaje që nuk i dinim më parë.

Gjatë kësaj interviste, artistja ka treguar se kur ishte e vogël, e ëma e thërriste “fëmija pse”, sepse ishte më shumë kurioze seç duhej.

Ndoshta tregonte edhe pak shenjë inteligjence, por unë kam qenë e tillë që edhe pasi më ishin përgjigjur në pyetjen ‘pse’, kisha edhe një ‘pse’ për ‘pse’-në. Ndaj më ngeli “fëmija pse”. Kam qenë e urtë që bëja detyrat dhe gjërat e tjera, por flisja shumë.

Gjatë intervistës, Luar u shpreh se ende nuk e di se çfarë e bëri që të linte Shqipërinë për Gjermaninë. E pyetur nga modertorja Erjona Rusi, për profesionin që ushtron në Berlin, Luar zbuloi se punon agjente në sektorin financiar.

Pse ky vendimi për të ikur në Gjermani? Ndikoi diçka, ndodhi diçka në jetën tënde që vendose të ikje?

Pyetja një milion dollarëshe. Në fakt edhe sot e kësaj dite ende nuk e di se çfarë më goditi që vendosa të ikja. E vërteta është që kur pyes veten në retrospektivë, as vetë nuk e di pse vendosa të ikja.

Në Berlin ku ti punon si “agjente sekrete”.

Ehh, nuk më lejohet të them ku, si dhe çfarë. Më vjen shumë keq, por punoj në sektorin financiar. Tek antikrimi financiar. Është një gjë shumë e bukur që më pëlqen shumë dhe kaq. Nuk tregoj dot më shumë.

Kemi parë shumë bashkëpunime vitet e fundit, dhe ti sikur po rikthehesh. Po mendon për një rikthim përgjithmonë në Shqipëri?

Unë mendoj që nuk do të isha tërësisht e lumtur të them të drejtën sepse të gjithë jetën e kam ndërtuar piano – mësime, Gjermani – Shqipëri. Edhe pse më lodh pak, nuk e di pse mendoj se nuk do të jem 100% e lumtur nëse kaloj ose këtej ose andej.

“Paragjykími është një qëndrim i pabazuar, një mënyrë mendimi e ngurtë dhe zakonisht negatíve ndaj dikujt e diçkaje”.

Ky është përkufizimi më i plotë sipas socíologëve dhe psíkologëve për paragjykímin, fenomen i cili në vendin tonë manifestohet gjerësisht. 

Një grua nga Shqipëria ka ndarë një histori të sajën në redaksinë e JOQ Albania, ku tregon se si miku i saj italian tallej me vendin tonë, por edhe me femrat në moshën mbi 45-vjeçe.

Sipas qytetares, italiani kishte ardhur të vizitonte Beratin dhe ajo e ka shoqëruar, por paragjykímet dhe ofendimet e tij ndaj grave shqiptare linin vërtetë për të dëshiruar.

Ajo tregon më tej se i tha mikut të saj se femrat shqiptare janë të vuajtura pasi marrin rroga qesharake dhe nëpërkëmben.

Por ajo që i ka bërë më shumë përshtypje qytetares është komenti, që ka bërë një grua shqiptare, e cila kishte prenotuar një dhomë në të njëjtin hotel ku kishte prenotuar edhe miku i saj italian.

Gjatë një bisede të shkurtër me burrin italian, gruaja tregon se bashkëatdhetarja e saj, rreth 45-vejçe, filloi të shante Shqipërinë dhe njerëzit këtu.

Ajo tregoi se ndihej me fat që ishte e martuar prej 17 vjetësh me një burrë italian dhe kishte shpëtuar nga Shqipëria.

Një nënë ka mbetur e shtangur nga pyetja e papritur që i ka bërë djali i saj 12-vjeçar.

Ajo thotë se një ditë teksa po bisedonte me djalin e saj ai e ka pyetur se “sa shpesh bëjnë se.ks ajo me babin”.

E gjendur në një situatë siklete, nëna i ka treguar të drejtën duke i thënë: “Dy ose tri herë në javë”.

Për pyetjen e djalit, ajo ka postuar në një faqe në internet ku bëjnë pjesë vetëm nënat, duke u treguar të gjithave se çka ka thënë.

Disa nga gratë e mbështetën, ndërsa disa të tjera e kri.tikuan për sinqeritetin e saj, duke i thënë se “këto gjëra nuk fliten me fëmijët”.

Mirëpo, nëna i është përgjigjur se priste pyetje rreth asaj se çka është s.eksi, por asnjëherë se sa herë e bën.

Ajo pyeti nënat tjera, nëse ndonjërës i është bërë kjo pyetje nga fëmijët e tyre.

Disa i thoshin se nëse do të përballeshin me këtë pyetje atëherë do t’u thoshin se kjo çështje është mes dy prindërve dhe jo çdokush duhet të dijë këto gjëra int.ime. 

Kurse një nënë shkruan: “Mendoj se ke vepruar mirë. Ju e keni mësuar atë që është normale të ketë se.ks të rregullt brenda javës një çift.

Nuk ka asgjë të keqe këtu”. Një tjetër thotë: “Unë mendoj se është vërtet e rëndësishme që fëmijët e kësaj moshe të kenë edukim sek.sual që lidhet direkt me jetën reale.

Po ashtu është e shëndetshme që fëmijët të kenë kuriozitet rreth këtyre gjërave.

Meqë i keni dhënë këtë përgjigje, ka shumë gjasa që ai të vije prapë këto ditë me një pyetje tjetër”.

Një vajzë e re ka telefonuar tek ‘Aldo Morning Shoë’ dhe ka kërkuar që moderatori ti gjejë burrë. 

Kur Aldo e ka pyetur për moshën dhe ajo i thotë që është 23 vjeçe, moderatori i ka thënë që është tu rp që ajo kërkon grua në emision pasi mund ta gjeje vetë.

Vajza i ka treguar se ka qenë për 4 vite e lidhur por i dashuri i saj iku në Londër dhe nuk pranoi që ta merrte me vete.

“Epo prit, se kam një parandjenjë që ai do të të marrë në telefon, dhe do të bashkoheni prapë”,

i ka thënë Aldo ndërsa me ironi e humor duke shtuar edhe që t’i bëjë të fala kur ta telefonojë.