Lajme Flesh

Shqipëria dhe Serbia e mbyllën me barazim 0-0 në “Air Albania”. Një ndeshje ku gjithçka u zhvillua në normalitet, dhe nuk mungoi “fair-play”.

Tifozët serb janë tërbuar ndërkohë, pas postimit të Novak Djokoviç. Ky i fundit postoi një video në rrjetet sociale ku tregohej respekti në fushën e lojës.

“Respekti dhe loja e ndershme janë gjithmonë të mundshme! Bravo të dyja ekipeve për sjelljen e tyre”, shkruan Djokoviç.

Kjo sjellje nga ultranacionalisti serb nuk është pritur mirë nga tifozët. Kjo pasi më parë tenisti njihej për mesazhet e tij kundër Kosovës.

Drejtoria e Përgjithshme e Tatimeve sqaron në një prononcim për Monitor se kush e përfiton zbritjen e shpenzimeve për arsimin e fëmijëve prej 100 mijë lekë, dokumentacioni i nevojshëm që duhet të ruhet për justifikimin e tyre dhe afati për marrjen e kompensimit në rastet e tepricës kreditore.

Cilat janë kërkesat ligjore për përfitimin e shpenzimeve prej 100 mijë lekësh për arsimin e fëmijëve?

Në ligjin nr.29/2023 “Për tatimin mbi të ardhurat”, i ndryshuar neni 22 “Zbritjet nga baza tatimore”, pika 2, përcaktohet se, tatimpaguesi i tatimit mbi të ardhurat personale me të ardhura vjetore të tatueshme nga punësimi dhe/ose të ardhura vjetore të tatueshme nga biznesi më pak se 1 200 000 lekë mund të zbresë, përveç shumave individuale sipas pikës 1 të këtij neni, shpenzimet korente për arsimin e fëmijëve në ngarkim të tij, në vlerën maksimale 100,000 lekë.

Kërkesa për zbritje nga baza tatimore në lidhje me shpenzimet për arsim bëhet nga anëtari i familjes me të ardhura më të larta vjetore të tatueshme, nëpërmjet deklaratës vjetore të të ardhurave.

Çfarë lloj faturash përfshin dokumentacioni justifikues për arsimin e fëmijëve? A do të ishte i nevojshëm zgjerimi i kategorive të shpenzimeve të njohura (p.sh. kurset jashtëshkollore, kostoja e librave apo pajisjeve teknologjike për mësim)?

Në pikën 23.1 të udhëzimit nr.26, datë 08.09.2023 “Për tatimin mbi të ardhurat”, i ndryshuar, janë përcaktuar si natyrë shpenzimesh që përfitojnë zbritjet për arsim, kontratat me institucionet arsimore dhe dokumentet e pagesës për fëmijët apo edhe dokumentet për pagesat e kurseve të gjuhëve të huaja etj.

Për sa i përket zgjerimit të fushës së këtyre shpenzimeve, mund të kihet parasysh në të ardhmen.

A ekziston një mënyrë e standardizuar për të dorëzuar ose ngarkuar faturat në platformën DIVA me qëllim zbritjen e shpenzimeve për arsim?

Tatimpaguesi individ deklarues i DIVA-s duhet vetëm të dorëzojë deklaratën tatimore vjetore dhe dokumentacionin vërtetues të të dhënave që ka deklaruar duhet ta disponojë për ta vënë në dispozicion të administratës tatimore, në rast kërkese nga administrata.

Sa kohë duhet të mbahen faturat e ruajtura nga individët, në rast kontrolli nga administrata tatimore?

Dokumenti që do të ruhet dhe që justifikon deklarimin në Deklaratën Individuale vjetore përcaktohet në pikën 23.1 të udhëzimit nr.26, datë 08.09.2023 “Për tatimin mbi të ardhurat”, i ndryshuar dhe është kontrata me institucionet arsimore dhe dokumentet e pagesës për fëmijët apo edhe dokumentet për pagesat e kurseve të gjuhëve të huaja etj.

Periudha e ruajtjes së dokumentacionit është përcaktuar në ligjin 9920, datë 19.08.2008 “Për procedurat tatimore në Republikën e Shqipërisë”, i ndryshuar, neni 48 “Mbajtja dhe ruajtja e dokumenteve të të dhënave tatimore”, pika 2. Afati është të paktën 5 vjet duke filluar nga fundi i vitit tatimor të cilit i përkasin dokumentet.

A ka rrezik për penalizime nëse individi nuk disponon dokumentacionin justifikues?

Në rast se individi deklarues nuk disponon dokumentacion që justifikon zbritjen për arsimin dhe në rast kontrolli, deklarimi do të konsiderohet i gabuar, atëherë individi deklarues do të penalizohet në referim të dispozitave të ligjit nr. 9920, datë 19.08.2008 “Për procedurat tatimore në Republikën e Shqipërisë”, i ndryshuar.

A mund të sqarohet përfitimi me një shembull praktik, për një familje me 2 fëmijë të moshës nën 18 vjeç me të ardhura nën 1,2 milionë lekë në vit dhe mbi 1,2 milionë lekë në vit?

Së pari, individi me të ardhurat personale nga punësimi dhe/ose biznesi me më shumë se 1,200,000 lekë në vit nuk përfiton nga zbritje shpenzimesh për arsim.

Shembull: Individi X ka të ardhura nga punësimi 70,000 lekë në muaj apo 840,000 lekë në vit.

Tatimi i paguar në çdo muaj është (70,000 – 30,000)*13% = 5,200 lekë dhe në vit 62,400 lekë.

Individi për të përfituar zbritjet për arsimin e fëmijëve duhet të plotësojë dhe dorëzojë deklaratën e të ardhurave personale deri në datë 31 mars të vitit pasardhës (viti i fillimit që përfiton zbritjet për arsim dhe kompensimin për fëmijë është viti 2025), pra deri në 31 mars 2026.

Shuma maksimale që zbritet për arsim është 100,000 lekë, pavarësisht nga numri i fëmijëve në moshë nën 18 vjeç.

(840,000 – 100,000)/12 = 61,667 lekë/muaj. Tatimi 4,117 lekë (vjetor 49,400 lekë).

Individi do të rezultojë në Deklaratën individuale të të Ardhurave me gjendje kreditore 13,000 lekë (e rrumbullakosur).

Këtë gjendje kreditore e kërkon brenda një afati 3 muaj nga data e dorëzimit te Deklaratës Individuale të të Ardhurave Personale.

A ndodh përllogaritja automatike e zbritjes në sistem, apo është përgjegjësi e individit të llogarisë shumën e zbritshme?

Vetë individi deklarues do të vendosë shumën e zbritjes në rubrikën përkatëse të DIVA-s, pasi është përgjegjësi e tij.

Individi duhet të plotësojë kushtet e përcaktuara në nenin 22 për të përfituar zbritjen tatimore, si në rastin e kompensimit për fëmijë në ngarkim deri në moshën 18 vjeç, ashtu edhe në rastin e shpenzimeve për arsim.

Trajneri i Kombëtares shqiptare, Silvinjo, ka qenë i kënaqur për mënyrën se si ka luajtur skuadra, por jo edhe aq shumë për rezultatin pasi mendon se ekipi duhej të fitonte këtë sfidë ndaj Serbisë.

“Unë si gjithmonë marr çdo përgjegjësi, është shumë i rëndësishëm për ne. Ka shumë ndeshje me kombëtaren dhe e respektoj, një nga ata që luajnë me zemër, e bëra gjuajtës të penalltisë, gaboi dhe ndodh. Por ka bërë paraqitje shumë të bukur, jam krenar për të gjithë, kanë bërë një ndeshje psikologjike në shtëpi, pastaj tifozët, publiku. Na kanë mbështetur shumë, jam krenar. Për fat të keq jam i zhgënjyer pak nga rezultati, por skuadra ishte shumë mirë.

Ka qenë një ndeshje shumë e vështirë, u munduam të shfrytëzonim një kundër një sulmuesit me mbrojtësit. Për Brojën është i njëjti problem, që është gjithmonë i dëmtuar, sa kohë ka që nuk luan 90 minuta? Është e vështirë, për ne dhe atë. Mbërriti momenti që nuk vazhdonte më, si për të tjerë, si Hoxha që ishte i vdekur. Manaj ka bërë një ndeshje të pabesueshme, edhe pse ka humbur dy ditë për grip. Provuam Brojën, në pjesën e parë bëri mirë, gaboi diçka të vogël, se duhet të marrë topin në hapësirë, por ishte i lodhur. Në pjesën e dytë pas 15 minutash bëri një shkëputje, por nuk kishte më oksigjen. Zgjedhje e vështirë, por nuk është mësuar të bëjë 90 minuta.

Jam krenar për lojtarët, për të gjithë. Kemi bërë mirë, ndryshime të rëndësishme në mesfushë, në krahë, pastaj lojtarët që hyjnë na japin energji, se nuk është e lehtë të bësh ndeshje në këtë nivel. 3-4 lojtarë ishin shumë të lodhur, për fat të keq rezultati na zhgënjen, por ishte një ndeshje shumë e bukur.

Ky është moment shumë i mirë i Kombëtares. Me gjithë respektin, një vit më parë ishin 14-15-16 lojtarë, sot kemi 22-23. Mund të zgjedh mes Brojës në të djathtë me forcë, por kisha në pankinë Uzunin dhe Asanin që ka bërë që me të gjithë bashkë me Bajramin për ta na çuar në Europian. Kemi bërë Europianin falë tyre. Por ajo që dua të them është e bukur se trajneri kundërshtar thotë kush luan: Uzuni, Asani apo Broja? Hoxha, Muçi apo Bajrami. Për ne është shumë e rëndësishme për strategjinë e lojës, është moment i bukur.

Mungesa e Gjimshititi? Nesër duket të shohim gjithçka. Tani kemi 5 qendërmbrojtës bashkë me Adrian Bajramin që po çmend, po luan shumë mirë. Ai do shkojë pas ndeshjes në SHBA për të luajtur me Benfikën në Botëror. Kemi lojtarë dhe është e mirë për zgjedhje, do të bëjmë stërvitjen do të shohim, Sot kemi shpenzuar shumë energji”, tha Silvinjo për TV Klan pas ndeshjes.

Mesfushori Kristjan Asllani u shpreh se Kombëtares i mungojnë golat pasi kualitetin e ka. Ndër të tjera foli edhe për penalltinë e humbur të Manaj.

“Na mungoi gola, treguam kualitet sonte, luajtëm shumë mirë, sidomos me tifozët tonë, jemi të lumtur, por na mungoi goli, e donim të gjithë fitoren, por tani mendojmë për ndeshjen tjetër. Ne e prisnim të gjithë këtë ndeshjen, kjo skuadër ka shumë kualitet, na mungojnë vetëm golat, shpresojmë që ndeshjet e ardhshme të vijnë golat. Besoj se Manaj ska nevojë për suport, ka eksperiencë ka luajtur me Kombëtaren dhe skuadrën e tij, penalltia mund të ndodh që të humbet, vëmendja dhe koka është te ndeshja tjetër. Nuk e kam ndjesinë për ta gjuajtur unë penalltinë, por do doja ta shënoja unë. Sot e kishte Manaj, nuk shkoi goli por nuk ka problem”, tha Asllani për “Super Sport”.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Armando Broja mendon se barazimi me Serbinë ishte një shans i humbur për kuqezinjtë që të merrnin tre pikët pas një ndeshje të dominuar.

“Jemi pak të mërzitur sepse kemi pasur shumë raste për të shënuar e fituar tre pikët se është shumë e rëndësishme për ne. E dimë që ky grup është shumë i vështirë, kemi Anglinë e Serbinë dhe ekipe të tjera të forta. Më duket se sot kemi luajtur ndeshje shumë të bukur, kishim raste, por më duket se vetëm goli na mungoi, çdo gjë tjetër ishte e bukur.

Normalisht jam qendërsulmues, kam luajtur gjithë jetën, kam luajtur edhe në krahë e njoh më mirë pozicionet. Trajneri vendos ekipet dhe më tha para ndeshjes që Serbia do ketë hapësira te mbrojtësi i majtë. Në pjesën e parë dhe të dytë pata mundëis, vetëm goli na mungoi, por unë i di pozicionet dhe trajneri vendos e unë dua të jap gjithmonë maksimumin. Por e them se jemi mërzitur si grup që nuk fituam ndeshjen.

Normalisht sulmuesi gjithmonë duhet të bëjë gola. Unë normalisht jam lojtar që ka qejf të bëjë gola, njerëzit thonë që Armando nuk bën gola dhe unë jam i pari që dua të shënoj. Por gjëja më e bukur është të fitoj ndeshjen dhe të marr tre pikët dhe sot kishte raste e lojtarë të tjerë për t’i marrë. Por këto ndodhin në futboll dhe duhet të ecim para. Normalisht që duhet të shënoj më shumë gola.

Pasimi në pjesën e dytë? Në atë moment është e vështirë të mendosh direkt, se je në sprint dhe për mua m’u duk se ka pasur një rast, ndoshta prekja ishte pak e fortë dhe iu afrova shumë portës e doli portieri. U mbyll hapësira për të gjuajtur, thashë më mirë në atë moment të pasoj se do hynte sulmuesi aty mbrapa. Kaloi topi e ndoshta do hynte dikush. Unë kam qenë jashtë futbollit shumë kohë dhe këto gjëra të vogla, një prekje topi, gjuajtje e goditje vijnë me kohë kur luan shumë. Edhe për mua nuk jam për justifikime, edhe unë pata shans të gjuaja, por janë gjëra që ndodhin shumë shpejt dhe kështu e mendova.

Me Petroviç vetëm folën se ai tha keni luajtur ndeshje shumë të bukur, jeni ekip i fortë. Vetëm kaq, se jemi shokë, luajtëm të Çelsi. Por vetëm kaq, folëm për sezonin”, tha Broja për TV Klan pas ndeshjes.

Moderatorja e njohur, Sabina Meta, ka plasur “bombën” e radhës. E ftuar në emisionin “Natën me Aulonën”, Sabina ka treguar se një këngëtar shqiptar, për të cilin vajzat “çmenden”, i ka kërkuar marrëdhënie seksuale.

E sigurisht kjo ftesë nga ai ishte refuzuar nga moderatorja, teksa më tej shtoi se kishte mbetur e habitur në një intervistë të dhënë nga vetë artisti ku shprehej se nuk do të tradhtonte kurrë.

Tani, ndonëse Sabina nuk përmendi emra, teksa dëgjuam moderatoren të fliste diku na shkoi mendja, dhe ka qenë pikërisht ai këngëtar i cili tha se nuk tradhton, por a është vallë ai?! Ngelet për t’u parë!

“Është një personazh shumë i famshëm në Shqipëri. Kam dëgjuar një intervistë të tij ku tha se nuk tradhton kurrë megjithatë jam paksa skeptike. Ndoshta mund të mos tradhtonte në atë ftesën që më ka bërë mua se nuk i dihet gjërat sesi shkojnë. Në orën 12 të natës nuk ka as çaj as kafe, maksimumi do pish një gotë verë dhe nuk e di çfarë të merr rrjedha më pas. Ky është një këngëtar shumë i famshëm, e njohin të gjithë, megjithatë nuk ka vend për të përmendur emra. Thonë që është i lidhur, por unë nuk jam interesuar, sepse nuk më intereson. Mbase dhe mund t’i kisha dhënë mundësinë për të më njohur, por këto ftesat thjesht për seks nuk janë për mua. Nuk jam nga ato njerëz që provojnë ‘one night stand’ (seks për një natë). Përgjigja ime ka qenë jo. Mendoj kam qenë ndër të paktat vajza që i kam thënë jo sepse është një personazh shumë i dashur nga të gjithë”, tha Sabina.

Tiktokeri Khaby Lame i cili numëron mbi 160 milionë ndjekës, thuhet se është arrestuar në SHBA për shkelje të ligjeve të imigracionit.

Lajmi është bërë me dije nga Bo Loudon, një influencer shumë i ri me bindje konservatore dhe mik i Barron Trump, djalit të presidentit amerikan dhe Zonjës së Parë, Melani.

Në postimin e tij ku Lame përshkruhet si ylli i Tik Tok-ut me prirje ekstreme të majta, Loudon pohon se arrestimi ka ndodhur në Las Vegas dhe se aktualisht 25-vjeçari ndodhet nën kujdesin e ICE (Immigration and Customs Enforcement), agjencia federale që merret me kontrollin e imigracionit, në qendrën e paraburgimit Henderson, në Nevada.

Ky njoftim është shpërndarë nga disa faqe dhe platforma të tjera, por deri tani, emri i tiktokerit me origjinë senegaleze dhe nënshtetësi italiane – Khabane Serigne Lame – nuk figuron në bazën e të dhënave të ICE, ku mund të gjenden të gjitha personat që ndodhen nën kujdesin e kësaj agjencie.

Për momentin nuk ka as konfirmim dhe as përgënjeshtrim nga stafi i 25-vjeçarit. “Marrëdhënia jonë është ndërprerë prej disa muajsh,” – shpjegon ish-menaxheri i Lame, Nicola Paparusso.

“Tani për të dhe për imazhin e tij kujdeset familja nga Senegali. Por një gjë mund ta them me siguri: Khaby është një djalë i mirë.

Nëse vërtet është arrestuar, ndoshta bëhet fjalë për ndonjë shkelje administrative, për shembull mund të mos ketë pasur një vizë të vlefshme për të punuar në SHBA, ose për ndonjë çështje fiskale, ndoshta i është vënë në dukje mungesa e pagesës së taksave për të ardhurat e fituara në Amerikë.”/MundoDeportivo

Kreu i SPAk, Altin Dumani, ishte i pranishëm në “Arenën Kombëtare”

në mbështetje të Shqipërisë, e cila luajti kundër Serbisë.

Kreu i SPAK, Altin Dumani, është parë stadiumin “Air Albania” mes tifozëve kuqezi për ndeshjen Shqipëri-Serbi e cila nis pas pak minutash.

Në fotot e mëposhtme shihen edhe gazetarët e njohur Andi Bushati, Baton Haxhiu dhe motrat Luana e Marina Vjollca.

Kombëtarja shqiptare përballet me Serbinë sot në “Air Albania” në sfidën e vlefshme për kualifikueset e Kupës së Botës.

Teksa lojtarët e të dyja kampeve dhe stadiumin e tejmbushur me zemrat kuqezi që rrahin fort, në stadiumin kombëtar dëgjohet kënga “Mora Fjalë” kushtuar Adem Jasharit.

Kreu i SPAK, Altin Dumani

Ditën e diel moti parashikohet me mot të qëndrueshëm, orë të plota me diell, pa përjeshtaur vranësira të pakta kalimtare nga orët e mesditës kryesisht në relievet malore në lindje e juglindje të territorit.

Sa i përket temperurave ato do të arrijnë në disa qytete në vlerën maksimale deri në 39 gradë celcius

Era do të fryjë me drejtim juglindje -veriperëndim me shpejtësi mesatare deri në 6m/s.

Valëzimi në det do të arrijë 1 deri në 2 ballë.