Përpara nisjes së pushimeve, kryeministri Edi Rama po planifikon një manifestim gjigant në Tiranë.
Mësohet se manifestimi do të mbahet në sheshin “Skënderbej” për të festuar hapjen e negociatave të Shqipërisë me Bashkimin Europian.
Organizimi i këtij eventi është diskutuar ditën e djeshme në takimin e kryeministrit me krerët e rinj të degëve të Partisë Socialiste.
Rama u ka lënë porosi drejtuesve të qarqeve që të organizohen për një manifestimi të madh me sa më shumë qytetarë.
Manifestimi pritet të mbahet në 28 korrik në orën 19:00.
Ndërkaq, kjo lëvizje e Ramës vjen pas protestës së 7 korrikut e thirrur nga Sali Berisha kundër qeverisë. Një ndër elementët që u diskutua për tubimin e demokratëve ishte pjesëmarrja.
Lëvizja e Ramës duket se i hap sfidë të drejtpërdrejtë Sali Berishës, duke nxjerrë njerëzit e tij në shesh për të festuar dhe jo për protestë siç mblidhen zakonisht qytetarët nga partitë politike.