Një 32-vjeçar shqiptar është vrarë me thikë në Itali.
Mediet fqinje raportojnë se ngjarja ka ndodhur në Artena dhe 32-vjeçari shqiptar i identifikuar si Fation Bylyshi u gjet i vdekur në një rrugë fshati në Macere me plagë thike në qafë.
Identifikimi nga karabinierët e kompanisë Colleferro që po ndjekin historinë nuk ka qenë i lehtë.
Bylyshi ishte gjetur në tokë në një pellg gjaku pa dokumente.
Sipas rindërtimeve të para mbi incidentin, 32-vjeçari mund të jetë plagosur në një vilë (tashmë e sekuestruar) në via del Boschetto në kulmin e një mosmarrëveshjeje dhe më pas arriti të arratisej në via di Casa Colonnella ku u gjet në anë të rrugës nga disa banorë të zonës.
Aktualisht policia italiane ka arrestuar dy persona si të dyshuar për vrasjen e Fation Bylyshit. Ata janë shtetas rumunë, 27 dhe 30 vjeç, të dy banues në Artena. Vrasja ndodhi pas një mosmarrëveshje mes tyre, ndërsa motivi i vrasjes ende nuk dihet. Hetimet vazhdojnë nga ana e autoriteteve italiane