Month: November 2023

Portet e Roterdamit dhe Antwerp-it e ndihmuan atë në statusin e “baronit të kokainës”. Dritan Rexhepi, është një personazh i njohur për drejtësinë, i cili u arrestua në Stamboll, është i regjistruar në dosjet gjyqësore në të paktën dhjetë vende për një sërë krimesh shumë të rënda (për jetën).

Dritan Rexhepi është arrestuar dikur në Holandë. Ai u arratis, ndër të tjera, nga një burg belg dhe në fillim të karrierës së tij, kombinoi një studim juridik me atentatet me pagesë.

‘Karriera’ kriminale nisi në një periudhë kur Shqipëria ishte në tranzicion në vitet 1990. Rexhepi ishte vetëm adoleshent kur dyshohej se kishte kryer vrasje me porosi. Ishin të paktën dy, ndoshta edhe më shumë. Gjykata e Tiranës e dënoi atë në mungesë në vitin 2013 me 25 vjet burg për dy likuidime në vitin 1998. Emri i tij kriminal asokohe ishte ende “Gramoz”, më pas iu shtuan Mutaraj, Lulëzim dhe Edmir Kraja. Në vitin 2005, Rexhepi kishte vendosur të studionte drejtësi. Plani për të studiuar drejtësi nuk u realizua kurrë, tha Rexhepi, sepse ai ishte akuzuar gabimisht për vrasje. Prandaj, hapi i tij në tregtinë e drogës do të ishte i detyruar. “Kisha dy mundësi, t’i dorëzohesha një sistemi të padrejtë dhe të kalbur në Shqipëri, që do të çonte në burgim të përjetshëm, ose të kërkoja një shans të dytë për të bërë diçka tjetër me jetën time. Prandaj u futa në tregtinë e drogës.”, deklaronte Rexhepi për Balkan Insight. Kjo media përshkruan se si, pas arrestimit të tij në Durrës në vitin 2006, Rexhepit iu dha mundësia të dilte nga qelia e policisë për rrethana të pashpjegueshme. Dikush e kishte lënë të hapur derën e qelisë së tij gjatë një pushimi të marrjes në pyetje. “Kanë mbaruar me mua”, thuhet se i raportoi ai një oficeri të befasuar në korridor duke kaluar.

Rexhepi shpesh përfundonte në burg. Ai zakonisht ikte, më shpesh se Joaquin Guzmán “El Chapo”.

Pas arratisjes në Durrës, Rexhepi u arrestua në Holandë dy vjet më vonë dhe u ekstradua në Itali. Atje ai ishte dënuar ndërkohë për trafik kokaine. Në vitin 2011, ai dhe dy të burgosur të tjerë u arratisën nga një burg në jug të Milanos. Në burgun Voghera, provinca Pavia, Rexhepi dhe dy të tjerë përdorën një sharrë hekuri për të prerë hekurat e një dritareje në një korridor… Ata arritën në katin e parë me çarçafë. Shoqëruesit e tij shqiptarë ishin dënuar për krime të rënda të dhunshme. Pasdite pak para arratisjes, të tre ishin së bashku me të burgosurit e tjerë në oborr për t’u ajrosur. Ata dolën jashtë për pak minuta. Aty vazhduan në këmbë. Në një zonë rurale, ata ndaluan një makinë, e tërhoqën shoferin dhe u zhdukën pa lënë gjurmë.

Më vonë në vitin 2011, Rexhepi u arrestua në Spanjë. Ai nuk shkoi në Itali për të vazhduar dënimin. Në vend të kësaj, udhëtimi shkoi në Belgjikë sepse ai ishte dënuar atje në vitin 2009 nga Gjykata e Apelit për një grabitje të dhunshme. Ndonëse tashmë ishte në listën e të arratisurve të Interpolit – sepse kërkohej në Shqipëri për një vrasje të dyfishtë dhe në Itali për vuajtje të dënimit – Rexhepi përfundoi në burgun e Merksplas pranë Antwerp-it, në një regjim mesatarisht të rëndë. Autoritetet e burgut nuk ishin të informuar për kalibrin e të burgosurit të ri shqiptar.

Në vjeshtën e vitit 2011, Rexhepi arriti të largohej nga Merksplas së bashku me një tjetër të burgosur. Ai u fsheh, por mbeti në Beneluks, dhe ndoshta ka jetuar në Roterdam, por ndoshta edhe në Spanjë. Aty doli emri i tij si i dyshuar për përfshirje në një sërë grabitjesh bankash.

Kompania Bello

Deptuetët e Partisë Demokratike, Dashnor Sula dhe Kreshnik Çollaku janë përplasur me njëri-tjetrin pas mbylljes së komisionit për Çështjet Evropiane ditën e sotme.

Në pamjet e siguruara Çollaku dhe Sula shfaqen teksa shkëmbejnë ofendime me Çollakun që i drejtohet me cilësimet “lëngaraq, servil dhe legen”, ndërsa Sula e cilëson kolegun si “mashtrues”.

Deputeti Çollaku i thotë Sulës se do të bëjë kallëzim penal ndaj tij pasi pretendon se ky i fundit e ka cënuar fizikisht.

Janë zbardhur detaje të reja nga aksidenti tragjik i regjistruar mbrëmjen e djeshme në aksin rrugor Qerret-Mali i Robit, në Kavajë.

Mësohet viktimë ka mbetur shtetasi Fatmir Duda, 47 vjeç. Ky i fundit ka qenë duke udhëtuar me një çiklomotor në momentin kur është përplasur nga një makinë dhe ka ndërruar jetë në vend.

Burime bëjnë me dije se drejtuasja e automjetit që shkaktoi aksidentin fatal ka qenë shtetasj Iris Guma, e cila është ish-gruaja e kryebashkiakut të Kavajës, Elvis Roshi.

Edhe ajo ka mbetur e plagosur nga aksidenti dhe ndodhet në spital nën kujdesin e mjekëve, jashtë rrezikut për jetën.

Grupi hetimor po punon për sqarimin e rrethanave dhe dokumentimin ligjor të shkakut të aksidentit.

Sot, më 10 Nëntor 2023, dollari amerikan blihet me 97.6 lekë dhe shitet me 98.6 lekë.

Euro blihet me 104.2 lekë dhe shitet 104.9 lekë.

Franga zvicerane këmbehet në blerje me 107.4 lekë, ndërsa në shitje me 108.8 lekë.

Paundi britanik blihet me 118.8 lekë dhe shitet me 120.5 lekë.

Dollari kanadez sot në blerje këmbehet me 70.7 lekë, ndërsa në shitje me 72.4 lekë.

Më poshtë, po sjellim të dhënat e këmbimit valutor, për të gjitha monedhat e huaja:

Ministri turk i Brendshëm, Ali Yerlikaya, njoftoi se kreu i organizatës së drogës “Kompania Bello”, Dritan Rexhepi, është arrestuar në operacionin e emëruar “Kartel” në Istanbul.

Ja si kap bosi shqiptar i drogës në krevat.

Video Player

Një 62 vjeçar është vënë në pranga në Maliq pasi dyshohet se ka ngacmuar seksualisht një të mitur. Sipas gazetares së Klan Neës Daniela Zisi, arrestimi i tij u bë ditën e djeshme.

Mësohet se i moshuari e ka ngacmuar me fjalë dhe ka përndjekur një vajzë 12 vjeçare, nxënëse shkolle.

Ka qenë e mitura që i ka treguar gjyshes së saj, e më pas në praninë edhe të psikologes së shkollës, kanë bërë denoncimin pranë policisë.

Këta të fundit kishin informacion për autorin, pasi konstatohej edhe si përdorues i alkoolit, dhe prej pak kohësh po mbahej nën mbikëqyrje nga ana e policisë.

Dashi

Do jeni shume te arte për atë qe doni te bëni sot ne lidhjen tuaj dhe do flisni seriozisht me partnerin. Ai do tregohet i kuptueshëm dhe do pranojnë çdo vendim tuajin. Beqaret nuk do jene shume ne humor për te kërkuar dashurinë dhe do vazhdojnë te kenë te njëjtin status. financat duhen menaxhuar me shume kujdes dhe largpamësi. Problemet do i zgjidhni shume shpejt.

Demi

Do mbylleni ne vetvete gjate kësaj dite dhe nuk do i shprehni asgjë atij qe keni ne krah. Kjo do krijoje një hendek te thelle ndërmjet jush i cili vështirë se do mbushet aq lehte. Beqaret do kenë një takim te papritur, por qe mund t’ua ndryshoje jetën përgjithmonë. Ne planin financiar nuk dini çfarë hapash te hidhni qe ta përmirësoni situatën. Kërkoni ndihme!

Binjaket

Dite mjaft e qëndrueshme kjo e sotmja për ata qe janë ne një lidhje qe prej shume kohesh. Disa do mendojnë edhe për një bashkëjetesë te mundshme. Beqaret duhet te bëjnë kujdes para se te hedhin çdo lloj hapi. Mos iu besoni fjalëve shume te bukura te disa personave. Financat do kenë goxha tronditje për shkak te shpenzimeve te mëdha qe keni kryer kohet e fundit.

Gaforrja

Do bëni shume peshime ndaj partnerit tuaj sot dhe marrëdhënia mes jush do filloje te jete me e ngrohte se dikur. Për çdo gjë do flisni hapur me te. Beqaret do kalojnë shume kohe me miqtë dhe nuk do kenë kohe te kërkojnë dashurinë. Lërjani gjithçka ne dore planetëve. Ne planin financiar duhet te tregoheni te arsyeshëm dhe te mundoheni ta përmirësoni situatën.

Luani

Influenca e yjeve ne planin tuaj sentimental do jete shume kontradiktore sot. Matuni mire para se te flisni me partnerin sepse ne je moment ai mund te jete me nerva dhe do debatoni ashpër. Beqaret do jene shume sensuale dhe do marrin ftesa për te dale neper takime. Financat do jene përgjithësisht te mbrojtura kështu qe mund te rini te qete ne këtë plan.

Virgjeresha

Jeta ne çift do iu sjelle shume gëzim dhe harmoni gjate kësaj dite. Do kaloni momente vërtet emocionuese dhe do dëshironi qe dita te mos mbaroje. Beqaret duhet t’i marrin gjerat shtruar dhe jo te krijojnë një lidhje sa për sy e faqe. Ne fund te fundit është jeta e tyre. Për shkak te disa shpenzimeve urgjente qe do iu duhet te bëni situata do jete delikate.

Peshorja

Perspektivat janë shume te mira për jetën tuaj ne çift sot. Partneri do iu surprizoje ne çdo moment dhe do iu beje te ndiheni ne çdo moment te dëshiruara. Beqaret me shume gjasa do njohin persona te rinj me te cilët do ia vleje te nisin histori dashurie. Paratë do duhet t’i menaxhoni me kujdes dhe maturi. Situata nuk është aq e qëndrueshme sa ju mendonit.

Akrepi

Jeta juaj ne çift do jete gjate gjithë kohës e mbrojtur. Gjithçka do e bëni ne bashkëpunim me partnerin dhe nuk do i mbani aspak mëri atij për sjelljen jo shume te mire gjate kohëve te fundit. Një pjese e beqareve do fillojnë aventura kalimtare, ndërsa një pjese do duan te shijojnë lirinë qe kane. Financat do lënë goxha për te deshifruar. Beni kujdes!

Shigjetari

Dëgjojini ato qe do iu thotë partneri juaj sot sepse përndryshe do keni debatet te ashpra me te. Gjithmonë mund te gjendet koha e duhur për te bashkëbiseduar qetësisht. Miqtë do i prezantojnë beqaret me persona mjaft interesante, por ata do jene te turpshëm dhe nuk do përfitojnë aspak. Ne planin financiar mos luani shume me zjarrin sepse do digjeni keq.

Bricjapi

Bashkëpunimi dhe besimi reciprok do mbizotëroje gjate gjithë kësaj dite ndërmjet jush dhe atij qe keni ne krah. Atmosfera do jete përgjithësisht e ngrohte dhe pa probleme. Beqaret do tërhiqen mjaft nga persona te cilët kane një lidhje tjetër. Kujdes, mos bëni gjera për te cilat do pendoheni. Financat do jene te paqëndrueshme, prandaj duhen marre masa strikte.

Ujori

Partneri do iu beje një propozim mbresëlënës gjate kësaj dite te cilin ju duhet ta pranoni pa u menduar dy here. Te gjithë ëndërrojnë atë qe do iu ndodhe juve. Beqaret do kërkojnë ne çdo vend, por serish nuk do e gjejnë dot personin e duhur. Financat do jene te mira, kështu qe mund ta shlyeni borxhin qe keni mare para disa kohesh dhe te jeni te qete.

Peshqit

Perspektivat për jetën tuaj ne çift janë shume te mira gjate kësaj dite. Do ndiheni me se miri ne krahët e atij qe dashuroni dhe nuk do ia prishni qejfin njeri-tjetrit. Beqaret nuk do jene gati për te krijuar një lidhje dhe do vazhdojnë te kenë te njëjtin status. Ne planin financiar do kaloni disa vështirësi te vogla, por situata do filloje te stabilizohet shume shpejt.

Arben Derhemi ka bërë së fundmi një InstaStory që të gjithë po ja nisin Ermal Mamaqit.

“Sa me dhimbje lexojme qe pseudo humoriste behen “producente filmash”. Dhe akoma me me dhimbje i degjojmë që ofendojnë figura qe me aq sakrifica e pune ja kane dale te bejne art ne kohet me te veshtira, jo duke u zvarritur si larva dhe duke lepire e bere lolot e cdo lloi pushteti e pasunari…

Ps. Uulen malet u ngriten halet”, shkruan ai.

Kjo nuk është here e parë që Derhemi ka sulmuar Mamaqin. Më parë aktori, menjëherë pas eventit të “Dy gisht mjaltë” u shpreh:

“Fatkeqësia e ndjek edhe televizionin edhe filmin. Jo më larg se para ca kohësh, patëm një event të çuditshëm d.m.th, u shkul e gjithë Shqipëria! S’e merr vesh njeri. Bën film një njeri i cili nuk ka lidhje fare me teatrin, me regjinë me aktrimin. Bën film dhe ti vetëm kur dëgjon nga dikush: Ore, sa bukur, e ke parë atë filmin?”

Për ditën e premte vendi ynë pritet të ndikohet nga kalimi i një fronti të ftohtë atmosferik shoqëruar me masa ajrore të lagështa me origjinë perëndimore.

Moti parashikohet fillimisht me kthjellime e vranësira në shtim deri të dendura. Pas orëve të mesditës mot i vranët në të gjithë territorin shoqëruar me reshje shiu me intensitet të ulët deri mesatar në formën e shtrëngatave.

Duke filluar nga orët e pasdites përgjatë ultësirës perëndimore reshjet në periudha afatshkurtra me intensitet deri të lartë.

Këto reshje do të jenë në formën e stuhive të forta dhe rrebesheve si dhe problematike për një periudhë të shkurtër kohore. Në majat e maleve në lindje të territorit reshje të dobta dëbore.

Era do të fryjë relativisht intensive me drejtim jugperëndim – juglindje dhe shpejtësi mesatare 3-11 m/s, ndërsa përgjatë vijës bregdetarë dhe lugina era intensive dhe shpejtësi 14-22 m/sek shoqëruar me valëzim në dete të forcës 4-6 ballë.

Temperaturat parashikohen:

në zonat malore 7 deri 10°C

në zonat e ulëta 10 deri 19°C

në zonat bregdetare 12 deri 18°C.

Pas ngjarjes së rëndë që tronditi opinionin publik, ku një 3-vjeçare u dhunua nga edukatorja, një tjetër rast dhune bëhet publike për kopshtin privat Stinët. “Stop” ka publikuar sot denoncimin e një nëne, e cila tregon se e kishte fëmijën në këtë kopsht për rreth një vit. Ajo thotë se e mori një ditë djalin me vesh të mavijosur dhe fëmija i tha se ia kishte shkulur sanitarja. Por nga ana e kopshtit ju tha së fëmija ishte bërë me bojë dhe megjithë insistimet e nënës, nuk ia lejuar që të shikonte pamjet gjatë ditës për të kuptuar më qartë atë që kishte ndodhur. Ajo tregon se mavijosja në veshin e fëmijës së saj vazhdoi për një javë të tërë.

Denoncuesja: Kam pasur fëmijën për rreth 1 vit tek ky kopsht. Kam pasur dyshimet e mia për mënyrën se si trajtoheshin fëmijët aty sepse më ndodhi një rast që fëmija më erdhi me një shenjë tek veshi dhe fëmija pretendonte që i ishte shkulur veshi, ndërkohë që nga edukatorja dhe nga sanitarja që ishin prezentë në atë moment, thoshin që “ jo, e ka bërë me bojë duke ngjyrosur”, ndërkohë që ishte mëse e dukshme që ka pasur dhunë pasi për 1 javë vazhdoi mavijosja.

Gazetari: Dhe ka ndodhur nën kujdesin e cilës edukatore?

Denoncuesja: Ka qenë edukatorja tjetër e cila e ka emrin edukatore Ola. I kërkova me shumë edukatë drejtoreshës që të më vendosë në dispozicion kamerat, por nga ana e saj pata vetëm justifikime dhe në atë kohë u ndërrua edukatorja e djalit dhe nuk kishte më të njëjtën edukatore pas ngjarjes dhe pas asaj ngjarje, vjen edukatore Lina. Më ndodh njëherë tjetër që dëgjoj që ju ngrit zëri fëmijës kur unë po shkoja për ta marrë. Isha tek shkallët. Mësuesja i bërtiti “fillove prapë ti?”, por ishte një ulërimë, nuk e di…

Gazetari: Jeni duke folur për të njëjtën edukatore që ka dalë edhe në transmetimet tona apo jo?

Denoncuesja: Po.

Gazetari: Sa kohë ka qëndruar fëmija juaj me këtë edukatore?

Denoncuesja: 2-3 muaj. Në momentin që shkon dhe e merr i ati, ditën që ndodhi tërheqja e veshit, thanë që “është bërë me bojë”. Fëmija kur futet në makinë, fillon dhe qan me të madhe “pse nuk më besoni ju mua? Mua ma ka tërhequr sanitarja veshin” dhe ngulte këmbë. Realisht nuk donte që të shkonte, thoshte që “nuk dua të shkoj”. Mund të ishte menaxhuar dhe distancuar në vend që ta fshihte ngjarjen. Fakti që unë kam kërkuar 2 herë kamerat dhe më është mohuar aksesi për të parë kamerat, atëherë ka pasur gjëra të tjera që mbase nuk donin që prindërit t’i shikonin sepse nuk e shpjegoj dot ndryshe. E largova sepse është ajo frika që nëse ndodh diçka, prindërit pastaj nuk përmbahen. Përderisa gjëja degradon në dhunë fizike, nuk besoj se dhuan verbale është një gjë jashtë normales.