Lajmet e Fundit
Sot më 25 dhjetor 2023, dollari amerikan blihet me 93.3 lekë dhe shitet me 94.6 lekë.
Euro blihet me 102.7 lekë dhe shitet 103.9 lekë.
Paundi blihet me 118.3 lekë, shitet me 119.7 lekë.
Franga këmbehet në blerje me 108.7 lekë, në shitje me 110 lekë.
Dollari kanadez sot në blerje këmbehet me 70 lekë dhe në shitje me 71.4 lekë.
Më poshtë po sjellim të dhënat e këmbimit valutor, për të gjitha monedhat e huaja.
Grupi iranian i hakerave “Homeland Justice” kanë hakëruar faqen online të Kuvendit të Shqipërisë.
Në një njoftim në rrjetin e tyre “Telegram”, shprehen se deputetët e korruptuar do të shkatërrohen.
Ndërsa faqja online Kuvendit është e paaksesueshme për vizitorët.
Do të paguajnë edhe uzurpuesit e sediljeve të Kuvendit. Deputetët tanë të korruptuar së shpejti do të shkatërrohen kur të kuptojnë se si demoni i tyre i brendshëm po i demonstrohet çdo kërkuesi të së vërtetës”, shkruhet në Telegram.
Kompania telefonike “One Albania” ka rënë pre e hakerave “Homeland Justice”. Këta të fundit kanë njoftuar paraditen e sotme se kanë vënë në shënjestër sistemet e kompanisë celulare “One Albania” dhe kanë në dorë të dhënat e mijëra shqiptarëve.
Grupi ka njoftuar në Telegram se ka marrë dhe asgjësuar të dhëna deri në 2 petabajt (2 petabytes). Për njohësit e teknologjisë, kjo është ndër njësitë më të mëdha të matjes së të dhënave kompjuterike.
Për ta thjeshtësuar, të dhënat prej 2 petabajt që i vjedhur kompanisë celulare “One Albania” janë të njëjta me 500 miliardë fletë formati standarde të printuara.
“Misioni ka filluar (DDMC). Albanian Mobile Communications (AMC) u hakerua nga Homeland Justice. Injorimi i “paralajmërimeve tona humanitare” u kushtoi gjithë këtë politikanëve tuaj të korruptuar. Por mos u mashtroni. Kjo do të vazhdojë derisa ta pastrojmë plotësisht vendin tonë nga terroristët.
Në këtë operacion, të marra së bashku, u fshinë më shumë se 2 petabajt të të dhënave të rrjetit të telekomunikacionit dhe rrjetit të brendshëm të të gjitha kompanive të lidhura, dhe të dhënat e rëndësishme do të publikohen së shpejti! Ne kemi dashur vetëm të përcjellim një mesazh”, thuhet në njoftim.
Ky grupim hakerash, i njëjti me atë që sabotoi sistemet qeveritare të Shqipërisë një vit më parë, thotë se kompania celulare “One Albania” ka lejuar përmes shërbimeve të saj që muxhahedinët e MEK të kryejnë sulme kibernetike.
“Lejohet qasja në Terror-Telecom. MyOneAL, mbështetësi dhe ofruesi i fermës së trolleve të MEK dhe ekipeve të sabotimit kibernetik duhet të kishte mësuar më herët. Megjithatë, më mirë vonë se kurrë! Cyber Eagles e Homeland Justice fitojnë gjithmonë”, thuhet në njoftim.
Dashi
Pavarësisht se kjo fillim jave nuk do të jetë fushë me lule, yjet do të jenë në favorin tuaj duke ju lejuar që të shijoni çdo moment në sektorin e dashurisë. Ata që janë vetëm, do të bëjnë mirë të reflektojnë për emocionet e tyre. Në sferën profesionale, ju presin të reja të rëndësishme, por para se të pranoni, analizoni çdo detaj.
Demi
Gjatë kësaj dite, disa nga të lindurit e kësaj shenje do të jetojnë pasione të veçanta dhe energji unike, në gjendje që ta bëjnë këtë të hënë vërtetë të shkëlqyer. Mbajini hapur dyert e zemrës, nëse jeni në çift. Ata që janë vetëm, duhet të mundohen që të rimarrin kontrollin e jetës së tyre. Sa i takon punës, do të vini nën kontroll një situatë që po ju rrëshqet nga duart. Duhet të jeni më se të aftë për të drejtuar.
Binjakët
Në sajë të ndikimit të Hënës, raporti juaj në çift do të jetë i shkëlqyer. Mundohuni që të dialogoni, për të forcuar më shumë raportin tuaj. Ky është moment shumë i mirë për ata që janë vetëm, ku parashikohen takime mbresëlënëse. Pikëpamjet tuaja, nuk do jenë gjithmonë të njëjtat me ato të personave me të cilët bashkëpunoni. Bëni durim!
Gaforrja
Hëna e pranishme në shenjën tuaj, do të turbullojë ëndrrat, shpresat dhe pasionin. Gjatë kësaj dite sfera e dashurisë do të jetë shumë e mirë. Edhe për ata që janë vetëm, kjo e hënë do të jetë e shkëlqyer, ku nuk përjashtohet mundësia që të gjeni shpirtin tuaj binjak. Nëse në punë jeni në një fazë të komplikuar ndryshimi, roli që do të merrni do ju mbushë me kënaqësi.
Luani
Mos u tensiononi përballë situatave që nuk janë ideale. Në dashuri duhet të ruani gjithmonë ekuilibrin. Ata që janë vetëm, mund të përjetojnë momente të çuditshme pasioni. Kujdes të mos e ekzagjeroni. Në sferën profesionale, durimi do të jetë pika juaj e fortë.
Virgjëresha
Dëshira për të arritur një intensitet perfekt me personin që dashuroni, rrezikon që t’iu çojë drejt hapave të gabuar. Veproni me maturi, në mënyrë që të mos dëmtoheni. Ata që janë vetëm do të kenë një dëshirë të shfrenuar për të flirtuar me një person që sapo e kanë njohur. Ndërsa në punë, mos u mbingarkoni me përgjegjësi, pasi nuk do mund të arrini të çoni asgjë deri në fund. Kërkoni ndihmë nga të tjerët.
Peshorja
Duhet ti kushtoni më shumë kohë personit që doni, pasi angazhimet e kohëve të fundit nuk iu kanë lejuar. Herë pas here, keni nevojë për një pushim. Ata që janë vetëm, do të bëjnë miqësi të reja. Mund të jetë një e hënë shumë impenjative, ku do të testohen aftësitë tuaja dhe mënyra se si do të përballoni disa situata.
Akrepi
Gjatë kësaj dite do të keni pasiguri lidhur me një lidhje dashurie të cilën vijoni ta zvarrisni. Reflektoni lidhur me situatën tuaj dhe merrni vendimet e duhura. Ata që janë vetëm, duhet të kontrollojnë xhelozinë e tyre. Në punë, lini mënjanë ambiciet dhe nxitimin, duke u përballur realisht me këtë moment të vështirë.
Shigjetari
Yjet ju këshillojnë që ta nisni javën, pa u përfshirë nga ankthi lidhur me çështjet e dashurisë. Përqendrohuni vetëm tek gjërat praktike. Ata që janë vetëm, duhet të mundohen të menaxhojnë një njohje të re me sens të mirë humori dhe me masë. Sa i takon punës do të jetë një ditë pozitive dhe nëse jeni të përfshirë në fushën e biznesit, do të mbyllni çështje të rëndësishme. Keni shumë përgjegjësi, ndaj veproni me kujdes.
Bricjapi
Keni nevojë për të besuar në diçka të re, për të mposhtur pasiguritë dhe frikën që ju ka pushtuar. Fatmirësisht, momentalisht fusha e ndjenjave ju buzëqesh. Ata që janë vetëm duhet ti hedhin hapat me radhë, duke lënë mënjanë dhimbjen e një dashurie të përfunduar. Një person do të mbështesë nismat tuaja në punë dhe më në fund do të keni hapësirën aq shumë të kërkuar.
Ujori
Diçka ju pengon të veproni me spontanitet. Lërini thashethemet e njerëzve ziliqarë dhe shijojeni maksimalisht jetën tuaj private. Do të jetë një e hënë shumë e qetë për ata që janë vetëm, ku dikush do të ketë dëshirë të zbulojë gjëra të reja. Në punë, dita do të nisë me këmbë të mbarë. Tregohuni të durueshëm, dhe do ia dilni më së miri.
Peshqit
Mos u nxitoni në marrjen e vendimeve të rëndësishme që kanë të bëjnë me dashurinë. Reflektoni lidhur me gabimet tuaja dhe mos ua hidhni fajin të tjerëve, nëse gjërat në jetën tuaj private nuk shkojnë mirë. Ata që janë vetëm do të ndjejnë një dëshirë të fortë, për të jetuar situata të pazakonta. Sa i takon sferës profesionale lidhur me të ardhmen tuaj, do të shfaqen shumë mundësi para jush.
Ky është momenti i tmerrshëm kur një burrë i veshur si Babai i Krishtlindjes ruse rrëshqiti nga një ndërtesë 24-katëshe dhe ra për vdekje në Chelyabinsk, Rusia perëndimore.
Pamjet befasuese tregojnë alpinistin profesionist që përpiqet të zbresë ndërtesën me litarë për të përshëndetur fëmijët poshtë – përpara se marifetet të ishin tmerrësisht të gabuara.
Burri i veshur si ‘Gjyshi Frost’ shihet i ndezur me një qendër të vëmendjes ndërsa humbet kontrollin e tij dhe bie rreth 240 këmbë deri në vdekje.
Santa me rroba të kuqe ishte një alpinist me përvojë, por raportet thonë se ai ngatërroi litarët e tij të sigurisë duke rezultuar në rënien e tmerrshme. Ai u ul në një strukturë të mbuluar me borë një kat mbi nivelin e tokës, që do të thoshte se fëmijët nuk e shihnin trupin e tij.
Para disa ditësh një familje në Korçë denoncoi në Komisariatin e Policisë Korçë se kishin humbur kontaktet me vajzën e tyre 14 vjeçare.
Menjëherë pas denoncimit forcat policore u vunë në zbatim. E sot policia ka dalë me njoftimin se vajza është rikthyer në familje.
Sipas burimeve tona vajza ishte larguar me vullnet të plotë dhe donte të rrinte disa ditë larg familjes.
Njoftimi i policisë;
Në vijim të informacionit të dhënë më datë 19.12.2023, i cili bën fjalë për largimin nga banesa të një 14-vjeçareje, banuese në Korçë, ju informojmë se kjo shtetase u gjet dhe u kthye tek familjarët e saj.
Një aksident i rëndë ka ndodhur dy ditë më parë në Vushtri, ku një makinë ka aksidentuar një grua shtatzënë.
Policia thotë se dyshohet se gruaja ka humbur binjakët e saj, ndërsa vazhdon të jetë në gjendje të rëndë.
“Më datë 23 është arrestuar i dyshuari kosovar pasi që i njëjti derisa ishte duke drejtuar veturën, dyshohet nga pakujdesia ka goditur viktimën femër kosovare-këmbësore, e cila ishte shtatzënë.
Dyshohet se viktima ka humbur binjakët e saj ende pa lindur, ndërsa sipas mjekëve vet viktima është në gjendje të rëndë”, thuhet në njoftimin e policisë.
Me vendimin e prokurorit, drejtuesi i mjetit është dërguar në paraburgim.
Një 45 vjeçar nga Korça ka dëmtuar zbukurimet e festave në lagjen 5 të qytetit. Ende nuk dihen arsyet e këtij veprimi.
Njoftimi i policisë;
DVP Korçë/Procedohet penalisht 1 shtetas, për veprën penale të dëmtimit të pronës shtetëore
Specialistët për Hetimin e Krimeve të Komisariatit të Policisë Korçë referuan materialet në Prokurori ku filloi procedimi në gjendje të lirë për shtetasin V. B., 45 vjeç, banues në Korçë, pasi në lagjen nr. 5, dyshohet se ka dëmtuar me mjet prerës, zbukurimet e vendosura nga bashkia Korçë, për festat e fundvitit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
Vassilis Karras, pas një problemi të rëndë shëndetësor me të cilin po përballej prej disa kohësh, u nda nga jeta ditën e sotme, 24 dhjetor në moshën 70-vjeçare.
Sipas informacioneve, këngëtari i dashur po luftonte me një sëmundje vdekjeprurëse, ndërsa ditët e fundit ishte i shtruar me koronavirus në repartin e terapisë intensive. Ai dha frymën e fundit në orën 17.00 të së dielës pasdite (24/12) .
Siç raportoi televizioni Open, varrimi i këngëtarit do të bëhet në vendlindjen e tij, Kokkinohori Kavala. Kjo ishte edhe dëshira e fundit e Vasilis Karras, i cili kishte kontribuar me një punë të madhe për vendin e tij.
Vasilis Karras ka lindur në Kokkinochori të Kavallës, ndërsa në moshën 10-vjeçare shkoi me familjen në Selanik. Në vitin 1969, në moshën 16-vjeçare, ai bëri paraqitjen e tij të parë muzikore në lokalin e natës “Prosfygas” në Evosmos të Selanikut. Njëkohësisht punonte si mekanik makinash, dashuria e tij e dytë e madhe pas këngës.
Rubrika “Ka një mesazh për ty” nga “E Diela Shqiptar” në Tv Klan, sjell këtë të diel një rast shumë të trishtë të një vajze 17-vjeçare, e cila jeta e ka bërë të rritet para kohe. Vajza quhet Denisa, e ndonëse është përballur me shumë sfida, ajo mbetet po prapë e ëmbël dhe me një buzëqeshje në fytyrë.
Në një bisedë me moderatorin e programit, Ardit Gjebrea, ajo rrëfen historinë e jetës së saj. Denisa tregon se edhe pse e vogël, ajo ka vuajtur shumë. Sipas saj, kur mamaja ishte shtatzënë me të, për shkak gjendjes së keqe shëndetësore të babait, ky i fundit kishte kërkuar që ta dështonin. Por mamaja kishte kundërshtuar dhe kështu, Denisa erdhi në jetë.
17-vjeçarja shprehet më pas se prindërit, si pasojë e kushteve të këqija, e dërguan në “Shtëpinë e Foshnjes” në Durrës. Ndonëse Denisa arriti të kthehej sërish tek familja e saj, motra e vogël, e cila lindi më vonë, nuk e pati këtë mundësi.
Denisa: Mami ka qenë pa banesë. Që në moshën 6 vjeçe asaj i vdes e ëma dhe në moshën 9 vjeçe humbet mundësinë për të ecur si të gjithë të tjerët, se çalon. Pavarësisht asaj, mami mundohej i jepte gajret vetes që të ishte dikush, të punonte. Sepse kishte dhe 3 vëllezër, që duhet t’i shërbente vetë babai. Duhet të lante rrobat, duhet të milte lopën, gjithë punët e shtëpisë si një fshat. Pasi kaluan nga fshati erdhën në qytet me shumë vështirësi dhe mami u desh të martohej. Se kishte 3 vëllezër, me një shtëpi nuk mund të jetonin dot. Me shkuesi, u martua gjeti një burrë.
Ardit Gjebrea: Dhe linde ti.
Denisa: Dhe linda unë, që e falenderoj shumë. Kur kanë dashur që të më sillnin mua në jetë, që mami ka qenë shtatzënë, babi ka qenë dhe sëmurë dhe nuk ka dashur që unë të vija në jetë. I ka thënë që të më dështonin mua. Mami me kokëfortësinë e saj tha që “unë nuk e heq fëmijën, do ta mbaj sido që të jetë, me bukë pa bukë, dikush do të më ndihmoj”.
Ardit Gjebrea: Erdhe ti në jetë.
Denisa: Erdha unë në jetë, si bekim i mamit. Mamit iu desh që të më çonte mua për të më sjellë në jetë, në Tiranë, që pasi të lindja unë, të shkoja në “Shtëpinë e Foshnjës” Shkozet të Durrësit. Që mami të mos më mbante sepse nuk kishte as banesë, as kushte ekonomike, as shëndetësor, nuk kishte me çfarë të më ushqente.
Ardit Gjebrea: Të çuan ty tek shtëpia e fëmijës?
Denisa: Po. Më çuan atje, më lanë për një vit – një vit e gjysmë.
Ardit Gjebrea: 1 vit e gjysmë atje. Vinte mami, të shihte?
Denisa: Ka ardhur mami pas katër muajsh që më ka gjetur, kur u bë babi që u shërua. Ka dhe një foto, ku mami kur më ka parë mua, ka qarë atë ditë. I kanë bërë foto se nuk e dinte sesi unë isha sepse nuk kishte asnjë lloj informacioni. Qe fati që as unë nuk u birësova, si motra ime.
Ardit Gjebrea: Pse pastaj erdhi në jetë edhe një motër?
Denisa: “Po, pas tre viteve, erdhi në jetë motra ime. Edhe mami përsëri tha që “do lind në Tiranë që të shkoj përsëri tek e njëjta ‘Shtëpi e Foshnjes’, ku qe goca e madhe”. Dhe tha që “do ta marrë pas tre viteve kur të bëhet tre vjeçe”, se nuk kishte as kushte të mira ekonomike, as shëndetësore. Pasi e çoi motrën atje, kaluan tre vite me sfida dhe gjithçka. Mami diagnostikohet nga kanceri i gjirit. Me gjithë ato peripeci, mamit iu desh që të shkonte të kryente operacionin, me kimioterapi, rreze. Dhe mua më la tek të afërmit e mi. Unë e ndieja shumë mungesën e mamit sepse isha 6 vjeçe. Nuk e di sesi më dukej jeta sepse isha mësuar me praninë e mamit. ” tha ajo.
