Month: December 2023

Krishtëlindje të paharruara do të kenë këtë vit punonjësit e një kompanie të paluajtshme me seli qëndrore në Baltimore. Shefi tregoi bujarinë e tij duke shpërndarë një bonus prej 38 mijë eurosh për gati 200 punonjës.

Bonusi ju shpërnda punonjësve me një zarf të kuq gjatë një darke pune me rastin e festave të fundvitit. Shefi i kompanisë deklaroi se donte të shpërblente punonjësit e tij për punën dhe përkushtimin e tyre, teksa shtoi se pa ekipin, firma nuk ekziston.

“Unë jam mirënjohës për secilin nga punonjësit tanë, për punën dhe përkushtimin e tyre.

Nuk mund të mendoja një mënyrë më të mirë për ta treguar atë. Pa ekipin, ne jemi asgjë”, iu drejtua shefi punonjësve të tij.

Kryeministri Edi Rama po zhvillon ditën e sotme një takim me skuadrën kombëtare të negociatave për anëtarësim në Bashkimin Europian.

Teksa i lëvdoi për punën e bërë, Rama nuk kurseu që të ironizonte opozitën pasi kjo e fundit nuk ka vlerësuar ecurinë e procesit të integrimit të vendit në BE.

“Duhet të ndiheni krenar që punon me këtë gjë. Keni marrë pjesë me këtë revansh, duke treguar se administrata shqiptare i ka kapacitetet për të përmbushur këtë mision historik dhe për të qenë në lartësinë e kësaj detyre patriotike. Besoj se ju e mirëkuptoni kur unë them se kam pasur frikë, pasi nuk është një punë që bëhet për disa ditë. Shqipëria po bën punë të admirueshme për negociatat. Njerëzit thonë se; në administratë ka hajdutë, dhe nuk punon kush. Skuadra shqiptare po bën një performancë të jashtëzakonshme. Kjo është një arsye për të pasur këtë nevojë. Keni dhënë një kontribut që as vetë nuk e imagjinoni dot se do bëhej. Ju keni bërë një numër takimesh dhe keni bërë mbi kapacitetin për t’u anëtarësuar në BE. Ky është vetëm fillimi i procesit.
Kur vjen puna për të vlerësuar pjesën tjetër për këtë kapacitet të brendshëm qeverisës, shtetin, e kemi të vështirë. E kemi të vështirë në pikën që nuk janë pak ata që thonë; ishim më mirë kur ishim më keq. Ne natyrisht e dimë dhe ju e dini më mirë se unë, pasi i keni para letrat, pasi ky është vetëm fillimi.”, tha Rama.

(BalkanWeb)

Çmimet e naftës në vend janë ulur me rreth 10 lekë për litër në dy lëvizje përgjatë javëve të fundit. Aktualisht nafta po tregtohet me 183-189 lekë, nga gati 200 lekë për litër që kishte arritur më parë.

Fillimisht çmimet ranë me 4-5 lekë për litër rreth dy javë më parë, ndërsa ditët e fundit janë reduktuar edhe me 5 lekë për litër.

Kjo është hera e parë që çmimet e karburanteve kanë tendencë uljeje në vend, që nga muaji maj, kur çmimet u rritën disa herë radhazi, nga niveli më i ulët në mëse një vit prej rreth 170 lekësh, që u arrit në atë kohë.

Në qershor 2023 u shfuqizua Bordi që përcaktonte çmimet tavan të karburanteve, i cili ishte krijuar që në mars 2022, kur çmimet e karburanteve u rritën me shpejtësi pas sulmeve të Rusisë ndaj Ukrainës, duke arritur në tregun vendas deri në rekordin e 245 lekë për litër në prill 2022.

Që nga shfuqizimi i Bordi, çmimet u rritën disa herë në vend, pas reflektuar asnjë ulje, ndonëse në bursa kishin tendencnë ulje-ngritje. Kjo është hera e parë që operatorët po reduktojnë çmimet e karburanteve.

Në bursat ndërkombëtare çmimet kanë rënë ndjeshëm nga 95 dolarë për fuçi, që arritën në mes të shtatorit, në rreth 75 dollarë për fuçi aktualisht. Çmimet në bursa kanë rënë në nivelin më të ulët të 6 muajve të fundit, si rrjedhojë e shqetësimeve për nivelin e lartë të prodhimit si dhe rënies së kërkesës së konsumatorëve nga çmimet ende të larta.

Sipas parashikimeve të hershme, edhe kërkesa globale për naftë pritet që të jetë e dobët përgjatë viti 2024.

Administrata e Informacionit të Energjisë së SHBA-së (EIA) uli parashikimin e saj të çmimit për vitin 2024 për naftën bruto Brent (treguesi referencë i naftës europiane) me 10 dollarë për fuçi. Brent do të luhatet mesatarisht 83 dollarë për fuçi, parashikoi administrata në një raport mujor, kundrejt një vlerësimi të publikuar muajin e kaluar prej 93 dollarë për fuçi.

Mediat britanike kanë zbuluar identitetin e shtetasit shqiptar, i cili kreu vetëvrasje në anijen hotel, në Angli.

Sipas “Daily Telegraph”, viktima është një 27- vjeçar nga Manëza e Durrësit, i identifikuar si shtetasi Leonard Farruku.

Në bisedën e fundit me të afërmit thuhet në artikull, Leonardi kishte thënë se kushtet në anijet hotel ishin të mira por rojet e sigurisë i trajtonin emigrantët si kafshë.

E motra e Leonardit e cila jeton në Itali ka deklaruar se “do të gjejë qetësinë vetëm atherë kur të mësojë të vërtetën se çfarë ndodhi atë natë me vëllanë në anijen hotel Bibby Stockholm”.

Sipas saj, ai mbërriti në Angli me ëndrrën për një punë më të mirë dhe më e rëndësishmja të fitonte leje qëndrimi përgjithmonë në Angli.

Dhe për t’ja arritur këtij qëllimi ka theksuar ajo, ai iu bind kërkesës së Home Office për të shkuar për t’u akomoduar në atë anije.

Kjo anije hotel u mor me qira nga qeveria angleze për të zbutur koston ditore prej 8 milion azilantëve mbërritur gjatë dy viteve të fundit në Angli me gomone mes tyre 12.800 shqiptarë.

Emiliano Jakupi, është 33-vjeçari i arrestuar nga policia greke pasi akuzohet se ka bashkëpunuar me shqiptarin, Nardi Ismet Idrizi në plagosjen e tre grekëve në Athinë.

I riu shqiptar është vetëdorëzuar në polici dhe ka treguar versionin e tij të ngjarjes. Ai thotë se tre të rinjtë Kreta i kanë ofenduar shqiptarët dhe njëri prej tyre ka goditur me shuplakë Jakupin. Kaq ka mjaftuar që 37-vjeçari Idrizi të nxjerrë armën dhe të qëllojë në drejtim të tyre.

Ai gjithashtu ka pohuar se nuk e dinte që shoku i tij kishte armë me vete. Pas ngjarjes, ai është larguar me 37-vjeçarin Idrizi por pas konsultës me avokaten ka vendosur të vetëdorëzohet në polici. Jakupi dhe Idrizi ishin shokë prej disa muajsh dhe të premten mbrëma kishin dalë së bashku, fillimisht në zonën e Vrilissit dhe më pas në Gazi, për t’u argëtuar.

Por teksa dilnin nga një klub, makina e tyre kishte rënë në një pellg me ujë dhe tre grekët që ishin aty pranë ishin lagur. Këtu ka nisur edhe sherri me të shara dhe ofendime dhe në një moment autori i shpallur në kërkim ka nxjerrë armën dhe ka plagosur rëndë tre prej tyre.

Emiliano Jakupi ka qenë i shpallur në kërkim edhe për një ngjarje tjetër të ndodhur 9 muaj më parë, atë të ekzekutimit të shtetasit shqiptar Pëllumb Islami në vendin e quajtur Neo Iraklio.

Ndërkohë policia greke vijon punën për arrestimin e shqiptarit Nardi Ismet Idrizi, i cili është emër i njohur nga policia shqiptare. Ai është deportuar dy herë nga Greqia por është rikthyer sërish atje.

Lajm i mirë! Një gjest me të vërtetë human ka ndodhur ditën e sotme në një dyqan mishi në Tiranë. Një pensioniste e moshuar është paraqitur pranë tij për të blerë mish, por gjatë kohës që po nxirrte paratë për të bërë pagesën, një kartmonedhë prej 5 mijë lekësh të reja i ka rënë në tokë.

Këtë fakt e ka vënë re pronari i dyqanit duke e vërtetuar edhe nëpërmjet kamerave. Duke qenë se nuk e njihte zonjën, ai ka kontaktuar redaksinë e JOQ duke u përpjekur që të lajmërojë të moshuarën se 5 mijë lekëshi që i ka humbur gjendet në dyqanin e tij dhe shpreson që ajo të shkojë dhe ta marrë.

Është vërtetë një lajm i bukur se si sot ka ende njerëz zemërmirë të cilët mendojnë drejt dhe me zemër.

https://www.instagram.com/_u/joqnews/?utm_source=ig_embed&ig_rid=a6a9ccbc-c51a-48ea-ad23-9fc38514c1ac&ig_mid=542357FB-5F10-4442-9815-A08C9975BA1C

Padi dhe kundërpadi për shpifje, vijon përplasja mes Ardit Bidos, Drejtori i Përgjithshëm i Arkivave dhe kryetarit të zgjedhur të Bashkisë së Himarës, Fredi Beleri. I pari që kallëzoi për shpifje ishte Beleri nisur nga deklaratat e bëra publikë nga Bido për të shkuarën e kryebashkiakut. Drejtori i Arkivës sqaroi për mediat se cila është përplasja mes tyre.

“Ai u shmang edhe këtë herë. Nuk u paraqit. Deklaroi vullnetin e tij që të mos jetë pjesë personalisht në gjykim. Zoti Beleri është një poshtërues i Republikës se Shqipërisë dhe simboleve kombëtare të saj e vendosur jo vetëm nga gjykatat e këtij vendi vetëm, por nga gjykata e Strasburgut. Zoti Beleri ka qenë një armëmbajtës paleje dhe shumë shpejtë do të jetë edhe një shpifës pasi ai gjithmonë ka luajtur me këto teknikat për t’ju shmangur drejtësisë, për të mos u përballur kurrë me drejtësinë sa herë e ka pasur mundësinë.”

Në seancën e sotme Fredi Beleri nuk kishte marrë pjesë dhe seanca u shty për një datë tjetër. Bido bën me dije se nga këto padi do të provohet se Beleri ka marrë pjesë në atë që njihet si masakra e Peshkëpisë, në vitin 1994.

“Zoti Beleri ka pretenduar se unë jam një shpifës maniak kur kam folur për masakrën e Peshkëpisë në të cilën un ëdo ta provoj qartazi se ai është akuzuar nga prokuroria e Janinës se ka qenë pjesë e një grupi të strukturuar kriminal siçc ishte “MAVI” dhe është akuzuar për masakrën e Peshkëpisë.”

Fredi Beleri po qëndon në burg që nga data 12 Maj i akuzuar për korrupsion në zgjedhje. Disa ditë më parë Gjykata e Posaçme i rrëzoi edhe kërkesën për leje të posaçme që të betohet përballë antarëve të këshillit bashkiak për të marrë zyrtarisht detyrën. Beleri fitoi në zgjedhjet vendore të 14 Majit me 19 vota më shumë se Jorgo Goro kandidati i PS.

Klan News

Niko Stillo linguisti me i sakte i gjuhes shqipe-arvanitase vazhdon te punoje per gjuhen e vjeter shqipe.

Lexoni cfare shkruan:

• Niko Stillo
• Emri Niko
• Mbiemri Stillo
• Lindur më 1946
• Lindur në Ftinë, Greqi
• Kombësia shqiptar
• Profesioni aktivist, autodidakt, shkrimtar, autor

Niko Stillo, (Greqisht: Νίκος Στύλος/Níkos Stílos) është aktivist, autodidakt, autor çam ortodoks nga Greqia. Që nga viti 1973 jeton dhe vepron në Gjermani.

Biografia

Niko Stillo u lind më 1946 në fshatin Ftinë në Qarkun i Prevezës. Ai është i quajtur ndryshe si djali i Ftinës të Çamofshatrave mbi Prevezë dhe është endur nëpër disa vende evropiane duke iu futur studimeve ekonomike derisa përfundon në Gjermani si mjeshtër i interierëve të brendshëm të restoranteve.

Prindërit e tij flisnin në gjuhën shqipe në familje. Gjuhën greke Niko e mësoi në një moshë pak të rritur, gjatë kohës që filloi të ndiqte shkollën fillore, shkollën e letrave, siç i thoshin shqiptarët e Greqisë, gjuhës zyrtare greke vite të shkuara.

Në krahinën e tij, njëri fshat dallonte nga fshati tjetër në gjuhë. Diku flitej shqip, diku greqisht edhe me tutje vllahisht.

Me idenë e një gjuhe të përbashkët, fanatikët të udhëhequr nga mësuesit e shkollave, gjetën terren për realizimin e qëllimeve të tyre. Mësuesit grekë numëronin fjalët e dëgjuara nga fëmijët që vinin nga familjet me origjinë shqiptare në gjuhën shqipe dhe i qëllonin me shkop në duar. Me gjithë kërkesat dhe metodat e rrepta për të mos folur gjuhën e prindërve, moshatarët e Niko Stilos e mësuan gjuhën e prindërve, shqipen.

Kur ishte në gjimnaz e mundonte pyetja se, ç’janë këta shqiptarët, këta arvanitasit. Me vite, njëra-tjetra, librat, ambienti i ndryshëm nga ai familjar dhe shkollor etj, dhanë një përgjigje. Gjeti shkrime 500, 800 vite para Krishtit. Mësoi se ajo gjuha e vjetër është shqipja. Duke lexuar gramatikat më të lashta greke të mbijetuara, i bëri përshtypje që në 12 vjetët e shkollës nuk kishte dëgjuar qoftë edhe një fjalë për to.

Duke u angazhuar gjithnjë e më tepër me temën e arvanitasve (shqiptarëve), gjeti fjalorin më të vjetër të gjuhës shqipe të Frang Bardhit “Dictionarium Latino-Epiroticum”. Arriti në përfundimin se librat me të cilat ishte informuar në shkollë, jo vetëm nuk shkruanin të vërtetën, por përpiqeshin edhe ta mbulonin atë. U njoh me epigrame të palexuara të pellgut Mesdhetar të shkruara me alfabetin grek, prej atyre që perëndimorët i quajnë etruske, e vetëm një pakicë studiuesish i konsiderojnë ato se bëhet fjalë për gjuhën e shqiptarëve.

Pjesëmarrje

Në shtator të vitit 2004 mori pjesë në Simpoziumin shkencor për arvanitasit si dhe për të botuar librin e tij të parë në gjuhën shqipe “Historia e shenjtë e arvanitasve”. Libri flet për historinë e shqiptarëve në kohën antike. Në veçanti, në libër shkruhet për mumien e Egjiptit që ndodhet në muzeun e Zagrebit.

Niko Stillo “devijon”, drejt një kauze tjetër duke ndenjur afër Spiro Muselimit, në rrugët e mërgimit i kushtohet përfundimisht studimit të historisë, gjuhës së popullit të vet, Çamërisë, Shqipërisë dhe lashtësisë së tyre. Si autodidakt, arriti të bëhej një studiues i mirëfilltë, duke kulmuar me veprat “Historia e shenjtë e Arvanitëve” dhe “Fjalori i Marko Boçarit”. Në jetëshkrimin për të shkruhet se “ai ecën në gjurmët e Aristidh Kolës, të cilin e ka pasur mik të dashur e shok të ngushtë jo vetëm në fushën e letrave, por dhe të veprimit.

Vepra e Niko Stillos:

• – Historia e shenjtë e Arvanitëve
• – Fjalori i Marko Boçarit
• – Fjalori i Panajot Kupidorit
• – Fjalori i Damiil Voskopojarit
• – Etrushkishtja Toskerishtja vol parë

Nga Pirro Prifti

https://www.facebook.com/people/Teuta-Ilire-Reka/100088938891669/?ref=embed_video

Në maj të këtij viti shqiptari Besmir Ademi goditi me thikë nënën e tre fëmijëve të tij në parkingun përballë një dyqani kompjuterash. Por ai nuk u mjaftua vetëm me kaq, filmoi bashkëshorten teksa ajo po jepte shpirt.

Këtë të hënë Besmir Ademi u dënua me burgim të përjtshëm, para gjykatës rajonale të Aachen të Gjermanisë për vrasje. Para se të ndodhte ngjarja e rëndë, kishte një këmbëngulje të theksuar nga ana e shqiptarit për të mos pranuar ndarjen.

Ndërkohë që në rrëfimin e tij para trupit gjykues ai ka treguar më shumë detaje lidhur ekzekutimin e 28-vjeçares Jetmira Beka. Besmir Ademi u shpreh: “Fëmijët i kam lënë jetimë. Do të bëja gjithçka për ta zhbërë. Nuk e mbaj mend aktin. Ka vetëm një vrimë të madhe të zezë.”

Besmir Ademi kishte marrë masa që të takoheshin në një parking të Obit për t’ia dorëzuar gruas së tij një nga tre fëmijët. Por në vend të vajzës së tij ai erdhi me një thikë.

Sipas prokurorisë, ai e ka goditur 20 herë me thikë gruan e tij me tehun njëzet centimetra të gjatë, duke e lënë të vdekur në vendin e ngjarjes.

Analisti i njohur, Kreshnik Spahiu ka komentuar situatën në të cilën ndodhet ish-kryeministri Sali Berisha, i cili ka thirrur sot një protestë, ndërkohë që Këshilli i Mandateve do të shqyrtojë kërkesën e SPAK për ndryshimin e masës së sigurisë ndaj kreut të Rithemelimit. Gjatë një reagimi për mediat, Spahiu tregon se pse protesta që ka thirrur sot ish-kryeministri Berisha nuk do prodhojë gjë. Ndërkohë ai është shprehur se Sali Berisha nuk ka mbështetje popullore dhe sipas tij, kjo vihet re në bastione në Kukës, Tropojë, Pukë, Bathore e Lezhë. Po ashtu, Spahiu deklaroi se nëse Berisha do të kishte mbështetje popullore s’do i vihej zjarri karrigeve në Parlament, por do i vihej bulevardit. Sakaq, Spahiu shtoi se disa deputetë të PD-së nuk do i ndahen “Foltores” deri në zgjedhjet e ardhshme.Madje Spahiu theksoi në vitin 2024 grupimi politik i PD-së do të shkatërrohet duke shtuar se do e kenë të vështirë garën në vitin 2025. Nga ana analisti Kreshnik Spahiu, foli në lidhje me situatën e krijuar mes Athinës dhe Shqipërisë dhe veton që Greqia ka vendosur ndaj vendit tonë për shkak të çështjes ‘Beleri’. Spahiu theksoi se Perëndimi mund të përballet me një konflikt tjetër në vendin tonë, i ngjashëm si ai në Veri të Kosovës. Sipas tij, nëse Himarën e merr nën kontroll Greqia, kjo e fundit mund të kërkojë një asociacion së bashku me Dropullin e Finiq.

Kërkesë e SPAK për Berishën dhe protesta e thirrur prej tij

Sigurisht që kanë lidhje me njëra-tjetrën. Mendoj se lajmi mirë është për drejtësinë që arrin të thyej një tabu për të marr të pandehur një ish-kryeministër dhe është një hap që duhet përshëndetur. Pastaj është lajm i keq është nëse do vijojë edhe me arrestimin e Ilir Metës, sepse i bie që të 4 kryeministrat që kanë qenë të merren të pandehur dhe kjo s’është gjë e mirë. Mendoj se është duke korrur atë çfarë ka mbjell në këto vite. Protesta mendoj se është diçka e vonuar, disa mendoni se do të kishte më shumë mbështetje. Sali Berisha s’ka mbështetje dhe ndërkombëtarët mund të kenë menduar se arrestimi i Berishës mund të ngjallte më shumë reaksion. Fakti që nga fushata elektorale, nuk është zhvilluar asnjë protestë e Berishës, tregon që ky grupim tashmë ka ardhur duke u rrudhur politikisht, ka humbur bastionet në Kukës,Tropojë, Pukë, Bathore, Lezhë. Fakti që protestat janë katandisur më vënie zjarri tregon që të vetmit ushtarë që i kanë mbetur janë 10 apo 20 deputetë. Nëse do të kishte mbështetje popullore nuk do i vihej zjarri karrigeve në Parlament, por do i vihej Bulevardit. Unë mendoj se komision i ka votat që ta kaloj dhe më pas do të shkoj në Parlament për votim. Në rastin e Berishës them se do vendoset nën masa sigurie nëse do jetë në arrest shtëpie, sepse ka raste edhe nuk përcaktohet.

Padia kundër SPAK në Kushtetuese

Sepse pothuajse 99 përqind e strategjisë së mbrojtjes ligjore është fokusuar në shkeljet procedurale për të zhbërë çështjen. Ai sheh si mënyrë shpëtimi që të pushohet çështja dhe jo të gjykohet. Për disa njerëz që mendojnë se Berisha do vij në pushtet dhe prapë unë i kuptojë sepse janë njerëz që jetojnë me nostalgji politike, ashtu sikurse ka njerëz në Gjirokastër që mendojnë se Enver Hoxha do të ringjallet. Por, unë nuk kuptojë ata deputet që i shkojnë pas Berishës dhe ata nuk do ti ndahen atij deri sa të kuptojnë se nuk do të rizgjidhen deputet. Ata do të zhbëhen dhe do ta kenë të vështirë edhe garimin në zgjedhjet e ardhshme sepse mendoj se edhe PL nuk do afrojë në ato zgjedhje.

Fati i Rithemelimit

Nuk i kuptoj grupet e deputetëve në piruetat dhe turbulencat e tyre politike që mbajnë qëndrime ekstremisht të kundërta. Këta kanë llogarinë e tyre, me shpresën që Berisha t’i fus në listën e deputetëve. Duke qenë se Basha i ka larguar nga partia e tyre, duke qenë se nuk kanë peshën të formojnë një parti politike, e vetmja gomone është ‘Foltorja’. Ata nuk do i ndahen foltoren deri ditën që do e shikojnë që nuk kanë shpresa për t’u bërë deputetë. Po ta vini re, ka një lloj rritje të PD-së zyrtare. Mendoj viti 2024 do të shkërmoq tërësisht këtë grupim politik dhe do e kenë shumë të vështirë garimin në vitin 2025

Vetoja e Greqisë ndaj Shqipërisë

Unë nuk i hyj themelit të çështjes, por di të them që çështja shkon përtej Fredi Belerit. Nëse ai do ishte kandidatë në Pukë dhe të kishte fituar Greqia nuk do ishte kaq e shqetësuar. Por nuk është tek Fredi, por tek Himara. Ramës si ka thënë askush që liroje, por kanë bërë të kundërt, sepse SHBA tha mos u tërhiqni nga presion i dhe nga ndërhyrjet. Uashingtoni dhe Brukseli janë në krah e Shqipërisë. Nëse Greqia do kishte në krah perëndimin atëherë Greqia nuk do mjaftonte vetëm me veton. Mendoj se negociatat do jenë të forta dhe presioni ndërkombëtar do jetë i fortë në drejtim të Greqisë. Nëse problemi do të ishte thjesht një individ, unë them që problemi duhet të zgjidhet, nëse problemi është shumë parimor që një Greqi e kontrolluar nga qeveria shqiptare përbën më stabilitet se sa një Himarë e kontrolluar nga Athina dhe Greqia që mund të jetë një destabilitet për rajonin atëherë këtu mbetet për t’u parë. Ka një dyshim të Perëndimit që i gjithë ky shqetësim nacionalist i Athinës për Himarën dhe të gjitha këto pretendime nacionaliste për të vënë në kontroll Himarën, mund të jenë një rrezik për pretendime autonomie. Perëndimit i duhet të përballet me një konflikt tjetër të ngjashëm si ai në Veriun e Kosovës ku nëse Himara bëhet nën kontrollin e Greqisë, mund të kërkojë një asociacion së bashku me Dropullin dhe Finiqin.