Month: December 2023

Masoneria është në mënyrë të padiskutueshme një prej fenomeneve globale më të diskutara.

Mes vërtetësisë së fakteve historike dhe konspiracioneve të ndryshme që lidhen mbi figurën e masonëve, misticizmi i ka karakterizuar gjithnjë grupimet tashmë jo sekrete, por në grupe të mbyllur njerëzish.

Për të folur me detaje lidhur me masonerinë dhe masonët në Shqipëri, i ftuar në Vizion Plus ishte masoni Marin Meksi.

Meksi tregoi se si ka lindur masoneria dhe thotë se ndaj masonëve është hedhur një petk i errët për faktin se është i veshur me mister.

Meksi: Masoneria është një temë shumë e diskutueshme dhe gjithmonë ka polemika e diskutime. Gjithmonë vishet me një petk të mistershëm. Në fakt lidhet me urdhin më të vjetër që njeh historia e njerëzitmit, ka qenë balanca e të keqes, ku gjithmonë bota është drejtuar nga pushtetet e centralizuara në dorën e një personi ose disa personash që kanë qenë kundër humanizmit. Baraspesha e këtyre të këqijave të mëdha është masonerisa. Në kohën kur ndërtoheshin zeje, u bashkuan mendjet më të ndritura. Kështu lindi masoneria, ndërkohë duke qenë se ka qenë armiku kryesor i këtyre pushteteve totalitare ka hedhur një petk të zi mbi armikun e tyre kryesor. Ndaj perceptimi kryesor për masonerinë është një percepptim negativ, duke qenë se është hedhur ky petk i errët dhe është i veshur me mister.

Meksi tha se nuk ka asnjë lidhje mes masonerisë dhe Djallit. Drejt tyre është tentuar të hidhet çdo e keqe dhe sipas tij, masoneritë e kanë kasur dhe ende e kanë të vështirë që të mbrohen.

Meksi: Sot masonët ne i kemi të dukshëm, kanë selitë e tyre, flamujt e tyre, ka masonë që janë të identifikuar si të tillë, por është e ndaluar që ti të identifikosh diçka tjetër. Kjo vjen për shkak të këtij opinioni që është krijuar. Ka pasur dhe sulme agresioni ndaj masonëve. Shpesh herë janë dhe besimet që mendojnë se masoneria është besim, madje besim në të kundërtën e krijuesit. Këto gjëra nuk janë të vërteta. Nuk ka asnjë lidhje mes masonerisë dhe Djallit. Është tentuar të hidhet çdo e keqe e mundshme drejt masonerisë. Masonët as nuk kanë mundur të mbroheshin. Edhe sot e kësaj dite është e vështirë.

Ka disa rregulla për të hyrë në masoneri dhe nëse i kalon, Meksi sqaron se ka një akademi të tërë që të bën ty një njeri më të mirë.

Meksi: Në masoneri hyhet për të kontribuuar dhe jo për të përfituar. Ka disa rregulla, ti kalon filtra shumë të rëndësishëm për tu bërë mason. Më pas votohesh dhe nëse kalon ka një akademi të tërë që të bën ty një njeri më të mirë. Fëmijët e masonëve nuk janë masonë, por kanë predispozitën për tu bërë masonë. Masoneria funksionon si një vëllazëri.

Çfarë janë pasaportat masonike?

Pasaportat masonike në të vërtetë nuk kanë rolin e një pasaporte udhëtimi, por në to jetëzohet i gjithë rrugëtimi i një masoni.

Meksi: Duhet të kemi parasysh diçka, sepse ka shumë njerëz që pretendojnë se janë masonë, por ka dhe shumë loza masonike false. Nëse bëhesh mason nuk zhbëhesh më kurrë. Ti vendosesh në gjumë, pra mohimi i dëgjimit, shikimit dhe të folurit, ky është dënim shumë i madh. Kurrsesi nuk të privohet ndjesia e energjisë, çfarëdo të kesh bërë. Nuk ka asnjë rast cedimi. Dhe pse këta janë njerëz të zgjedhur, nuk cedojnë sepse askush nuk mund të pranojë të cedojë nga këto lloj privilegjesh. Qëllimi përfundimtar i masonerisë është që në ktë strukturë të krijojë të ashtuquajturin rendi i ri botëror. Pasaporta është simbolike. Ky dokument shërben për historikun tënd si mason. Në këtë pasaportë shënohen me vula të gjitha punimet e një masoni. Është si një lloj ditari. Nuk është se udhëton apo ka funksionin e një pasaporte. Ka historinë tënde brenda këtij masoni.Ritalet janë simbolike, shumë të lashta dhe shumë të bukura. Masoneria ka ekzistuar përmes sibmolikës. Sot ne ndjekim të njëjtat ritale antike dhe lidhen ngushtë me të qënësishmen.

Pse nuk ka gra?

Meksi: Ka pasur dhe ka. Çështja është që kur ka lindur masoneria, lozhat kanë qenë mikse, dhe me femra dhe me meshkuj, por gjatë torturave femrat kanë qenë më të ndjeshme dhe ka dalë sekreti masonik. Sot janë hapur sërish lozhat mikse.

A ka lidhje iluminati me masonerinë?

Meksi: Iluminati është pjesë e masonerisë. Nuk ka pasur lidhje as iluminati as vetë masoneria me satanizmin. Nuk mund të jesh mason nëse nuk beson në Zot. Se në cilin Zot beson, ne e kemi të lirë. Por të gjithë jemi të detyruar të besojmë diçka më të madhe, që e quajmë “Arkitekti i madh i universit”. Ateistët nuk mund të jenë pjesë e masonerisë. Ndaj mund të them që ka abuzime pa fund.

Deputeti i Partisë Sociliste, Erion Braçe ka bërë ironi në lidhje me uljen e çmimit të karburanteve që është bërë në vend pas disa ditësh.

Braçe thotë se çmimi i naftës ka shkuar në 189 lekë, duke thënë se tregëtarët kanë vënë “dorë në në zenër” për qytetarët dhe kanë ulur çmimet

Sipas Braçes çmimi që ëhstë sot duhet të ishte 26 fitë më parë, teksa shkruan se nafta ndryshon nga një pikë karburanti në tjetër.

“Ajo që më bën pershtypje ka të bëjë me faktin se, nga Tirana në dalje të Kavajës, gjej cmime që fillojnë me 182 leke per liter, 100 metra me poshte 192 leke e ne keto pikat e kompanive te medha 189 leke per liter”, thotë Braçe ndër të tjera.

Postimi i plotë:

PO CESHTE KY FAT?

TREGTARET E NAFTES KANE VENE DOREN NE ZEMER DHE KANE ULUR CMIMIN NE 189 LEKE PER LITER!!

Po si ka mundesi qe e bene?

Shikoni, nga disa llogari te shpejta bere me standardin e bordit qe ishte kohe me pare, KY CMIM DUHET TE ISHTE I TILLE-KAQ, 26 DITE ME PARE, 26 DITE ME PARE!

Por perseri ajo qe me ben pershtypje ka te bej me faktin se, nga Tirana ne dalje te Kavajes, gjej cmime qe fillojne me 182 leke per liter, 100 metra me poshte 192 leke e ne keto pikat e kompanive te medha 189 leke per liter!

Një përplasje e rëndë mes të burgosurish në “Koridhalo” në Greqi ka përfunduar me dy të plagosur.

Ka qenë një 28 vjecar i burgosur, kombësia e të cilit për momentin nuk bëhet e ditur, i cili ka goditur me thikë në kraharor, qafë dhe krah një të burgosur shqiptar 52 vjec duke e plagosur.

Sapo kanë parë skenën, të burgosur të tjerë kanë goditur autorin në kokë dhe trup duke e lënë edhe atë të plagosur.

Gardianët kanë neutralizuar 28 vjecarin duke i sekuestruar një thikë dhe një celular të thyer. Të dy të plagosurit janë derguar në klinikën e burgut ku i është dhënë ndihma e parë.

Kundërshtimi i Gjermanisë ndaj bllokadës që Greqia i ka bërë Shqipërisë për hapjen e kapitujve me BE-në, mesa duket nuk ka kapërdihet lehtë në Athinë.

Prestigjiozja greke “Kathimerini” ka bërë një artikull të titulluar “Berlini, Edi Rama dhe prapaskenat”, duke analizuar faktin përse Kancelari gjerman Olaf Scholz mbështet anëtarësimin e Shqipërisë dhe është kundër vetos që ka vendosur Greqia.

“Mbështetja e Kancelarit Olaf Scholz për procesin e anëtarësimit të Shqipërisë, ndërkohë që ai ishte në dijeni të vetos greke që lidhet me betimin e kryebashkiakut të zgjedhur të Himarës, nuk ishte një rrufe në Athinë. Javët e fundit kanë mbërritur mesazhe nga Berlini dhe Uashingtoni që Athina duhet të tregojë se po negocion me Ramën. Përgjigjia nga Athina ishte e njëjta, që Fredi Beleri të betohet, të ketë një gjykim të drejtë dhe të respektohet prezumimi i tij i pafajësisë”, shkruan “Kathimerini”.

Sipas analizës së të përditshmes greke, ekzistojnë 2 arsye përse Kancelari gjerman shprehu hapur kundërshtimin e tij ndaj Greqisë.

“E para ka të bëjë me investimin e vetë Shqipërisë në reformimin e drejtësisë dhe të sundimit të ligjit në vend. SPAK-u, që nuk lejoi Fredi Belerin të betohet, është një organ i formuar me frymë anglo-saksone dhe financim e mbështetje gjermane. Prokurorët janë trajnuar në akademinë e FBI-së në Quantico në Virxhinia të SHBA-së, por edhe në Mbretërinë e Bashkuar në Londër. Si për amerikanët, ashtu dhe për gjermanët, SPAK është shembulli më i suksesshëm i reformës në drejtësi në Ballkanin Perëndimor”, vijon Kathimerini, që shkon më tej duke shkruar se “as nuk e kuptojnë që (SPAK) mund të bëhet mjet shfrytëzimi politik dhe që nxjerr në pah kryesisht naivitetin e Perëndimit për situatën në Shqipëri”.

Sa i përket arsyes së dytë të kundërshtisë gjermane, sipas Kathimerini, është më së shumti politik dhe më pak teknik.

“Gjermania e kishte shprehur pakënaqësinë që në Gusht kur Kryeministri grek Mitsotakis organizoi samitin e Ballkanit Perëndimor në Athinë, me pjesëmarrjen edhe të Presidentit ukrainas, por nuk ftoi Kryeministrin Edi Rama. Disa javë më vonë në Tiranë u mbajt samiti i Procesit të Berlinit. Një arsye kryesore, që tregon gjithashtu përpjekjen shpesh të nxituar gjermane, është situata në Ballkanin Perëndimor pas Shkurtit të vitit 2022 të pushtimit rus në Ukrainë. Gjermania, e cila deri atëherë kishte hezituar, u kthye fuqishëm në anën e atyre shteteve që dëshirojnë integrim të shpejtë dhe të menjëhershëm (dhe pa shumë kushte) në BE të Shqipërisë dhe Maqedonisë së Veriut”, shkruan ndër të tjera “Kathimerini”.

E përditshmja greke e mbyll artikullin duke thënë se në kampin shqiptar, qeveria mban tone të ulëta. “Një ditë më parë në një konferencë për shtyp, Kryeministri Rama e cilësoi Mitsotakisin mik dhe theksoi se sipas tij çështja Beleri mund të zgjidhet mes dy shteteve dhe jo përmes BE-së”, thekson Kathimerini.

Në samitin e mbajtur në Bruksel mes BE-së dhe Ballkanit Perëndimor dy ditë më parë, Greqia u bë pengesë për Shqipërinë duke mos firmosur hapjen e kapitujve, edhe pse shumë shtete europiane vlerësuan progresin e vendit tonë.

Faqja zyrtare “Integrimi Evropian”, që ka për qëllim ofrimin e informatave për rrugën e Kosovës drejt Integrimit Evropian, ka njoftuar për dokumentet që nevojiten për të udhëtuar pa viza në zonën Shengen. Shtetasit me origjinë nga Kosova do të mund të udhëtojnë pa viza nga 1 janari i vitit 2024.

Sipas këtij njoftimi, dokumentet që nevojiten janë: Pasaportë biometrike, e vlefshme për të paktën tre muaj pas datës së largimit nga zona Shengen.

-Informata të sakta mbi vendin dhe qëllimin e udhëtimit

-Dëshmi mbi qëndrimin si rezervim i hotelit/apartmenit apo kontaktet e të afërmve ku do të qëndroni

-Detajet e udhëtimit, duke përfshirë rezervimin e biletës kthyese

-Nëse udhëtoni me automjet, dokumentet e nevojshme të automjetit

-Dëshmi se keni mjete të mjaftueshme financiare

Në një postim më herët, faqja ka njoftuar edhe për mjetet financiare që nevojiten.

“Nëse deklaroni se do të qëndroni tek të afërmit tuaj duke ofruar adresën dhe kontaktin e tyre, varësisht se cilin shtet e vizitoni, shuma e mjeteve është rreth 30 – 50 EUR në ditë për person. Nëse deklaroni se do të qëndroni në një hotel apo apartment apo çfardo akomodimi tjetër me pagesë, varësisht se cilin shtet e vizitoni, shuma e mjeteve që duhet të ofroni si dëshmi financiare është rreth 50 – 100 EUR në ditë për person”.

Kohët e fundit personazhet më me zë të momentit në botën e showbizit, kanë vendosur që t’i bashkohen kinematografisë, ku kanë prezantuar për publikun filmat e tyre.
Si fillim, ishte Ermal Mamaqi që ka bërë disa filma, ku në njërin prej tyre ishte si aktor në një fragment është edhe kryeministri Edi Rama. Pas tij, ishin dy nga personazhet më të përfolur të ‘Big Bother VIP 2’, Luizi dhe Olta, të cilët u bënë protagonistë të filmit “Në kuadër të dashurisë”.

Ndërsa së fundmi, një projekti kinematografik i është bashkuar edhe Noizy, i cili do të jetë si aktor në filmin e Blerim Destanit.

Nisur nga pjesëmarrjet e “VIP-va”, aktrori i njohur Neritan Liçaj ka ironizuar keq në rrjetet sociale. Liçaj përmend Luizin, Noizyn, Ermal Mamaqin dhe kryeministrin Edi Rama, teksa shkruan se tashmë pret që film të nxjerrë dhe Mandi Nishtulla.

“Unë e bona një film (si aktor), Ermali me Edin po, Luizi po, Noizy po e bo. Presim vetëm të boj film Mandi Nishtullës dhe ka lezet. Po s’na e tha ça do të thotë sarile?! Pak humor pa të keq”, shkruan Neritani në postimin e tij.

https://www.instagram.com/_u/neritanlicaj/?utm_source=ig_embed&ig_rid=f9a6279f-2dbf-486b-af6a-0e39f3dd8615&ig_mid=1F09F734-5FE3-4C90-A696-7831646800B4

Pasi ndau eksperiencën me djalin, i cili u angazhua në not në moshën 9-vjeçare, Fidel Ylli tregon edhe për një pasion tjetër të të birit. Aktualisht Devi jeton në SHBA ku po ndjek një ëndërr tjetër, të ndryshme nga sporti, muzikën nën emrin Big Cruz.

Ky i fundit shihet në rrjetet sociale që bën një jetë luksi, me makina nga më të shtrenjtat dhe në shoqërinë e alkolit dhe vajzave.

Në programin “Aldo Morning Show” në Tv Klan, u transmetua klipi i tij, paksa ‘pikant’ dhe Fidel Ylli zbuloi diçka rreth karrierës të të birit.

Aldo: Ky është çuni i Fidelit, është ai në mes, mes atyre gocave, por kjo nuk ka lidhje me notin, kjo ka lidhje me hobin tjetër. Si po shkon djali me këtë muzikën e gjërat?

Fidel Ylli: Shiko unë i vura një kusht, i thashë që ne nuk kemi ardhur në Amerikë që ti të bëhesh muzikant ose të bëhesh notar. Ne kemi ardhur që ti të bëhesh një student i mirë, të marrësh diplomën, që të jesh i devotshëm për veten tënde dhe për shoqërinë. Pastaj patjetër, edhe notin, edhe muzikën, edhe hobin që ke aty i ke, të kesh mundësi që ti të gjitha t’i bësh, por shkolla për ne ka qenë prioritet. Kjo ka qenë vajtja jonë sepse ai i kishte të gjitha të mirat në Tiranë. Por meqenëse u dha një mundësi, na doli një lotari amerikane dhe ne të mos e humbnim këtë shans, bëmë një sakrificë për këta fëmijë që t’i shkollonim.

Aldo: Edhe këtë që thua hobi ti, ku i dihet.

Fidel Ylli: Po pikërisht,nuk i dihet. E ka marrë një kompani tani që është duke e menaxhuar.

Pedro Henrique, një këngëtar brazilian i gospel-it, ka vdekur pasi u rrëzua papritur në skenë gjatë një koncerti fetar. Ai ishte 30 vjeç dhe baba i një fëmije dy muajsh.

“Ai u rrëzua duke kënduar, pati konvulsione dhe vdiq,” raportoi media braziliane Pipoca Moderna, duke cituar një nga organizatorët të thoshte: “Gjithçka na bën të besojmë se ishte një atak i papritur në zemër, por mjekët nuk e kanë konfirmuar ende.

Një video që po qarkullon në të gjithë rrjetet sociale tregon momentin kur Henrique, në mes të këngës, bie papritur në skenë, ndërsa një moment më parë dukej se nuk e kishte problem.

https://twitter.com/disclosetv?ref_src=twsrc%5Etfw%7Ctwcamp%5Etweetembed%7Ctwterm%5E1735342819810713665%7Ctwgr%5Ee729bce3658879d438dc5175bd883be236e70932%7Ctwcon%5Es1_&ref_url=https%3A%2F%2Fjoq-albania.com%2Fartikull%2F1181972.html

Sipas Daily Mail, Henrique po këndonte “Vai Ser Tão Lindo” në një ngjarje fetare që u transmetua drejtpërdrejt në internet kur ai u rrëzua.

Kompania diskografike me të cilën ai punonte ka bërë një postim përkatës në Instagram, ku ndër të tjera shkruan: “Pjesa e muzikës së krishterë është në zi. Familja Todah Music është në zi”.

Një ngjarje e rëndë ka ndodhur pasditen e të enjtes në fshatin Batllavë, Podujevë ku sipas informacioneve është gjetur një grua e pajetë.

Autoritetet dyshojnë se është një rast vetëvrasjeje.

Burimet brenda Emergjencës kanë bërë me dije se bëhet fjalë për një grua të moshës rreth 40-vjeçare, e cila dyshohet se i dha fund jetës së saj, duke u varur.

Lajmin e ka konfirmuar edhe Policia Rajonale në Prishtinë, me ç’rast kanë bërë të ditur se me urdhër të Prokurorit të Shtetit, rasti është iniciuar si “Hetim i vdekjes”.

Arian Çani ka ditur gjithmonë si të rrëmbejë vëmendjen e audiencës me tematika nga më të ndryshmet që trajton në emisionin e tij.

Për këtë arsye mund të themi se ai është një ndër moderatorët më të ndjekur dhe të diskutuar në vend. 

Përveç kësaj pu/bliku ka qenë gjithmonë i interesuar të dijë diçka më shumë nga jeta e tij private, por Çani është munduar ta mbajë sa më hermetike.

Ai thuajse nuk ka bërë asnjë dalje publike me vajzën dhe bashkëshorten e tij.

Ajo foli rreth kujdesit që duhet të kenë fëmijët për dhëmbët e tyre. Gjithashtu ato janë dhe prindër të dy fëmijëve një djali dhe një vajze.

Vajzën e tyre Çani e prezantoi disa javë më parë në “Zonë e lirë”, ndërsa këtë moment Rudina e vendosi në ekran gjatë emisionit.

Enida tha se Çani ia ka trashëguar edhe vajzës pasionin për teatrin. “Vajzës së vogël mund të mos i kenë rënë të gjitha dhëmbët, por e kemi parë në televizor. E kemi parë të premten mbrëma. 

‘Ja kjo është vajza e Enidës. E lidhni dot këtë moment? Jemi një familje. Enida Petro është bashkëshortja e Arian Çanit.

E japim sot në fund sepse sot folëm për një fushë krejtësisht tjetër. Urime dhe për vajzën sepse kishte filluar të merrej me teatër. Kam përshtypjen pasionet e Arianit?”- tha Rudina. “Po, pasionet e Arianit.”- konfirmoi bashkëshortja e Çanit.