Month: May 2024

DASHI

Në dashuri dëshira për t’u përfshirë është e madhe dhe duhet ta shfrytëzoni këtë periudhë për të deklaruar ndjenjat tuaja. Në punë, fokusojeni gjithçka tek të qenit diplomatë dhe ndërmjetësues.

DEMI

Sipas horoskopit të Paolo Fox, kjo është koha e duhur për të dashuruar dhe për ta lënë veten të dashuroheni. Në punë, nëse ka pasur krizë, duhet kapërcyer me përkushtim dhe vendosmëri.

BINJAKËT

Fatkeqësisht në dashuri jeni larg partnerit dhe kjo po ndikon negativisht në marrëdhënien tuaj. Në punë është një moment qetësie dhe force.

GAFORRJA

Më në fund po filloni të shihni dritën në dashuri dhe kjo periudhë do t’ju japë mundësinë të përjetoni emocione të mëdha. Në punë duhet të vendosni limite dhe të pohoni më shumë veten.

LUANI

Sipas horoskopit të Paolo Fox, dashuria po ecën në mënyrën më të mirë dhe nëse jeni beqar do të keni mundësinë të takoni dikë të veçantë. Në punë duhet të përkulni kokën dhe të vazhdoni pavarësisht gjithçkaje. Lajmet janë afër.

VIRGJËRESHA 

Me hënën përballë duhet të jeni shumë të kujdesshëm në marrëdhëniet me të tjerët. Mund të ketë një ndryshim të madh në punë, jini gati.

PESHORJA

Më mirë do të ishte të qëndroni të qetë në dashuri, sepse planetët shkaktojnë pak agjitacion në çift. Në punë po kaloni një periudhë të vështirë. Rezultatet duket se nuk arrijnë kurrë, por duhet të jeni të durueshëm.

AKREPI

Sipas horoskopit të Paolo Fox, qielli flet për lajme të mira në dashuri, por kujdes që të mos bëni gjithmonë të njëjtat gabime. Në punë duhet të qëndroni të qetë dhe të përjetoni gjithçka me qetësi.

SHIGJETARI

Kini kujdes në dashuri të mos ekspozoheni shumë sepse mund të mos merrni përgjigjen e dëshiruar nga i dashuri juaj. Në punë jeni pak në dyshim por shumë shpejt do të gjeni përgjigjet e duhura.

BRICJAPI

Në dashuri duhet të jeni shumë të kujdesshëm, veçanërisht nëse jeni të pavendosur mes dy personave. Së shpejti do të keni ide edhe më të qarta. Është më mirë të mos ndaleni në punë. Bëni goditjen derisa hekuri është i nxehtë.

UJORI

Sipas horoskopit të Paolo Fox, në dashuri do të ketë një mënyrë për të përjetuar momente të mira edhe nëse mund të jeni pak më polemikë se zakonisht. Në punë mund të mungojë një takim i rëndësishëm por do të ketë një mënyrë për ta riplanifikuar.

PESHQIT

Hëna është në anën tuaj, ndaj mos kini frikë ta lëshoni. Në punë duhet të bëni kujdes me paratë por nga fundi i muajit do të ketë një rikuperim të bukur.

Remzi Toçilla nga Kosova ka treguar se ka përjetuar një përvojë jo të mirë në në spitalin privat “Acibadem Sistina” në Shkup.

Remzi Toçilla nga Ferizaj ka thënë se mjekët në këtë spital ia kishin operuar gjurin e këmbës së djathtë, në vend të së majtës, ani pse në fund rezultoi sipas tij se nuk kishte pasur nevojë që të kryente operacion për asnjërën prej tyre.

“Pas operimit, pasi më kaloi anestezioni, e pashë që nuk ishte këmba e majtë, por e djathta. I thash mjekëve çfarë u bë kështu, mjeku më tha: E operova, sepse e vërejta që ke tentu ta mbrosh këmbën e majtë, dhe e ke lënduar të djathtën dhe vendosa ta operoj. I pyeta se si mund të ndodh pa ndonjë analizë, e më tha ashtu vendosa dhe pas tri jave ta bëjë dhe të majtën”, tregon Toçilla për PortalX.

“Të gjithë familjarët u habitën”, shton ai.

Madje, sipas tij, spitali kishte një “ofertë” për të, t’ia operonte falas këmbën e majtë.

“Jam konsultuar me një mjek tjetër, e më ka thënë shyqyr që s’ta kanë bërë edhe këmbën e majtë. Më mirë, kanë tentuar të bëjnë diçka por s’kanë bërë asgjë. Të kisha propozuar mos bëjë asnjë intervenim tjetër”, tregon Toçilla.

“Për atë operacion kamë paguar 1700 euro”, tregon tutje qytetari nga Ferizaj që u operua në këtë spital.

Në anën tjetër, nga spitali privat Sistina kanë thënë rasti është në procedurë gjyqësore, dhe nuk mund të flasin.

Një grua shqiptare është goditur me thikë ditën e sotme jashtë një shkolle fillore në Londër.

Ngjarja ka ndodhur pasi shqiptarja ka lënë fëmijët në shkollë dhe më pas është ndjekur derisa sulmuesi e ka kapur për fyti dhe e ka goditur disa herë me thikë.

Ngjarja ka tronditur dëshmitarët në vendngjarje të cilët thanë për DailyMail se e kanë dëgjuar të plagosurën duke bërtitur: “Më ndihmo, më ndihmo… po humbas gjaku”.

Policia e Bedfordshire konfirmoi se gruaja është dërguar në spital me lëndime të rënda, ndërsa për ngjarjen e rëndë është arrestuar një burrë.

Fqinjët kanë thanë se shqiptarja kishte pasur probleme me ish-bashkëshortin, i cili ishte paraqitur disa herë në adresën e saj, dhe së fundmi ishte bërë agresiv dhe i dhunshëm.

Berat Gjimshiti do të hyjë në histori në mbrëmjen e nesërme si futbollisti i parë i përfaqësues shqiptare që luan në një finale të mëdha ndërkombëtare, kur të aktivizohet si titullar me Atalantën përballë Bajer Leverkusenit në Ligën e Europës.

Por jo vetëm kaq, klubi ka vendosur që të jetë pikëisht qendërmbrojtësi i Kombëtares shqiptare ai që do të mbajë shiritin e kapitenit për ndeshjen në fjalë, që është padyshim historike për bergamaskët.

Kjo u konfirmuar sot në konferencën zyrtare në pragndeshje, ku pikërisht Gjimshiti ishte futbollisti i përzgjedhur nga Gasperini për të qëndruar përkrah tij në prononcimet para mediave. Një tjetër shenjë vlerësimi për një futbollist i cili ka bërë gjithçka mirë në rrugëtimin e tij dhe tashmë po merr vlerësimet maksimale për karrierën e shkëlqyer.

Reshjet e shiut dhe breshëri kanë shkaktuar kaos në komunën e Hanit të Elezit.

Në media janë publikuar pamje nga atje, ku shihet se rënia e breshërit ka shkaktuar edhe dëme materiale.

Nga breshëri janë thyer edhe xhamat e veturave të parkuara në një pjesë të kësaj komune.

Sipas dëshmitarëve breshëri ka qenë me madhësinë e kokrrës së arrës.

Mesditën e sotme, një aksident i rëndë ka ndodhur në minierën e Martaneshit, ku dy minatorë të cilët punonin si vagonistë, u zunë poshtë nga shembja e një masivi.

Nga ky aksident, kanë humbur jetën Armond Peshku, 29-vjeç ndërsa Hajdar Bala 40-vjeç, është transportuar në spital për ndihmë mjekësore.

Subjekti minerar në të cilin ka ndodhur aksidenti, është ‘Ylberi sh.p.k”

Grupi hetimor në drejtimin e Prokurorisë, po punon për zbardhjen dhe dokumentimin e rrethanave të kësaj ngjarjeje.

Një sherr mes një grupi personash ka ndodhur mëngjesin e sotëm në Aegaleo, Athinë.

Gjithçka ka ndodhur pak pas orës 10:00, kur dy makina ndodheshin në semafor në kryqëzimin e rrugëve Ieras Odos dhe Thebës.

Më pas për një arsye të panjohur drejtuesit e dy mjeteve kanë nisur të bisedojnë dhe nga njëra veturë kanë zbritur tre persona të cilët janë nisur drejt çiftit.

Ata iu afruan dhe filluan të rrahin burrin 43 vjeçar, me origjinë shqiptare ashtu edhe gruan në të njëjtën moshë që ishte në makinë së bashku me të.

Pak më vonë, në tentativë për t’u arratisur, tre personat e kanë tërhequr zvarrë me makinën e tyre 43-vjeçarin dhe e kanë hedhur në tokë.

Çifti u dërgua me autoambulancën e EKAV-së në spitalin Thriasio.

Fatmirësisht shqiptari është jashtë rrezikut për jetën ndërsa policia ka nisur hetimet për arrestimin e tre personave.

SHIKO VIDEON KËTU

https://streamable.com/e/zjtwup?quality=highest

Një ngjarje e rëndë është regjistruar në Luton të Anglisë, ku një grua shqiptare është sulmuar brutalisht me thikë pasi la fëmijët në shkollë.

Daily Mail raporton se shqiptarja sapo kishte lënë fëmijët e saj në shkollë rreth orës 08:30 të mëngjesit të sotëm, kur u sulmua nga një burrë në mes të rrugës. Ai e kapi prej fyti dhe i vendosi dorën në gojë që ajo të mos bërtiste.

Më pas, ai nisi ta qëllonte disa herë me thikë duke i shkaktuar plagë të rënda.

Një person është arrestuar nga policia britanike në lidhje me ngjarjen tronditëse dhe dyshohet se është ish-bashkëshorti i saj.

Dëshmitarët thanë se gruaja nisi të thërriste “më ndihmoni, kam gjakderdhje”, pas sulmit brutal. Ajo është transportuar në spital ku ndodhet në gjendje kritike nën kujdesin e mjekëve.

Harta ku ndodhi krimi

Një dëshmitar tha se e njihte gruan, një shtetase shqiptare e cila kohët e fundit kishte patur gjithnjë e më shumë probleme me ish-bashkëshortin i cili ishte shndërruar në person të dhunshëm.

Policia tha se fëmijët ishin të sigurt në shkollë, duke mos zbuluar emrin, por besohet të jetë “Beech Hill Community Primary”.

Oficerët janë vendosur të qëndrojnë në zonë për t’u siguruar që nuk do të ketë probleme të tjera.

“Policia e Bedfordshire po heton therjen me thikë të një gruaje pranë një shkolle në Dunstable Road, Luton pak pas orës 8:30 të mëngjesit të sotëm. Viktima është dërguar në spital me lëndime të rënda. Një person është arrestuar dhe aktualisht ndodhet në paraburgim nga policia. Të gjithë fëmijët janë të sigurt brenda shkollës dhe nuk ka asnjë kërcënim më të gjerë për publikun. Policia do të mbajë një prani të fortë në zonë për siguri”, u shpreh një zëdhënës i policisë.

Lautaro Martinez, kapiteni i Inter mendon se Kristjan Asllani është lojtari i së ardhmes për zikaltërit. Në një intervistë të fundit, argjentinasi zbuloi bisedën në fillimin e sezonit me mesfushorin e kombëtares së Shqipërisë, duke i dhënë atij një këshillë shumë të vlefshme.

“Titulli? Është një kënaqësi që zgjat për të gjithë jetën. Inter është shtëpi ime, kështu jam ndjerë nga dita e parë në Milano. I detyrohem gjithçka shoqërisë dhe tifozerisë zikaltër, ta ngrija trofeun si kapiten ishte e jashtëzakonshme. Skuadrës i kam thënë që në fillim që një kapiten ka nevojë për të gjithë, dhe ata më kanë mbështetur gjithnjë.

Një shembull? Në fillimin e sezonit fola me Asllanin dhe i thashë se duhej të “gjallërohej” pak, të bënte më shumë. Nuk më foli për disa ditë, por pastaj më falenderoi, ai ka gjithçka për të qenë lojtari i së ardhmes”.

Nga ana tjetër, sulmuesi shprehet se nuk do të ketë surpriza për të ardhmen e Lautaro Martinez. Është vetë argjentinasi, i cili edhe njëherë thekson se është shumë pranë akordit për të rinovuar kontratën me zikaltërit, madje po mendon edhe objektivin e radhës. Sipas tij, tashmë Inter është i detyruar të mendojë për të fituar Champions League.

“Jam shumë afër akordit, mungojnë vetëm disa gjëra të vogla. Kjo situata që po kalon klubi mund ta vonojë pak, por nuk ka asnjë problem. Objektivat? Nuk dua të zgjedh mes disa objektivash, por mendoj se hapi i radhës është Champions League. Ishte një ëndërr të ishim aq pranë në Stamboll, ndërsa këtë sezon më ka mbetur “peng” ndeshja me Atletico Madrid.

Do të doja që ndeshjen e dytë në Spanjë ta riluaja sërish. Nëse do të kishim shfrytëzuar rastet dhe të shënonim më shumë, historia do të ishte ndryshe”.

Ndërkohë, Lautaro zbulon se nuk ka më asnjë kontakt me Romelu Lukakun që prej verës së shkuar.

“Nuk kam folur më me Lukakun, nuk m’u përgjigj dhe për mua gjithçka mbaroi aty. A jam në nivelin e Mbappe dhe Haaland? Po, e thonë numrat dhe trofetë. Nuk kanë asgjë për t’i pasur zili”.