Month: September 2024

Heidi Baci është kthyer në kryefjalë në mediat rozë, kjo për shkak të raportit me Romeo Veshajn. Pak ditë më parë aktori festoi ditëlindjen e nga ana e Heidit nuk kishte asnjë urim publik, duke shtuar zërat se mes tyre ka një krizë. Ende nuk ka asnjë konfirmim apo mohim se ka ndarje mes çiftit, por ajo që mund të thuhet është se nga ana e Heidit nuk ka pasur asnjë postim.

Megjithatë, ata ende vazhdojnë ta ndjekin njëri-tjetrin në rrjetet sociale si dhe fotot që kanë bërë së bashku, gjenden në profilet e tyre. Mirëpo, paparazzët e kanë gjurmuar. Sot është publikuar një foto e Heidit, teksa ndodhet në ambientet e jashtme të TCH. Ajo shfaqet e vetme, me një cigare në dorë. Mbase Heidi ndodhet në Top për të biseduar mbi projektin e ri televiziv.

Kujtojmë që romanca mes çiftit filloi teksa të dy ata u bën pjesë e reality show-t BBV. Ata u përfolën mjaft nga publiku për marrëdhënien mes tyre, por dhe fituan dashurinë e disa prej tyre.

Franca vijon të tronditet nga detajet e rënda që janë bërë publike, në lidhje me rastin e përdhunimit të një gruaje nga 50 burra.

Çështja aktualisht po gjykohet në Gjykatë dhe dita-ditës po zbardhen dëshmi të rënda, mbi tmerrin që Gisele Pelicot kaloi për vite me radhë për shkak të bashkëshortit të saj Dominique Pelicot.

Sipas mediave të huaja, ai e drogonte atë duke e bërë të ishte e pavetëdijshme, e më pas ftonte në shtëpi burra të ndryshëm që ta përdhunonin. Ai madje në disa raste e filmoi përdhunimin, duke i ndarë pamjet në grupe dhe faqe interneti, ku ftonte burra të tjerë që të vazhdonin abuzimin.

Më tronditës është fakti që në disa raste ai u ka kërkuar abuzuesve të mos përdorin prezervativë, teksa një prej tyre rezulton se ka qenë i infektuar me virusin HIV.

Gjithçka u zbulua vetëm pasi në një darkë ku djali i çiftit kishte shkuar për vizitë, pa se nëna kishte rënë pa ndjenja pasi kishte konsumuar darkën. Në këtë rast, burri ishte justifikuar se kjo ndodhte shpesh për shka të moshës, dhe e kishte dërguar atë në shtrat.Më vonë, Pelicot shkoi deri aty ka ngriti akuza se gruaja e tij e tradhtonte kur ajo u ankua për probleme të rënda gjinekologjike dhe rezultoi pozitive për një sëmundje seksualisht të transmetueshme.

Ai u arrestua në vitin 2020, pasi u denoncua në polici për faktin se fotografonte vajzat e reja poshtë fundit në supermarket. Kur policia i kontrolloi shtëpinë, gjeti filmimet e përdhunimeve të gruas.

Një pasagjer i dehur krijoi situatë kaotike gjatë një udhëtimi me avion duke terrorizuar udhëtarët e tjerë e duke e detyruar në fund pilotët të bëjnë ulje të detyruar.

Pasagjeri tentoi të hynte me forcë në kabinën e tyre, i zemëruar duket për vonesat në rrugëtim.

Avioni i fluturimit U28235 po udhëtonte nga aeroporti Gatëick i Londrës, ndërsa kishte për destinacion aeroportin e Kosit në Greqi. Airbusi A320 ndeshi në disa turbulence ajrore gjatë udhëtimit të planifikuar 4 orësh, e shqetësimit të pasagjerëve iu shtua edhe situata e tensionuar me personin e dehur, i cili ishte ankuar për pilotët e ishte nisur të merrte vetë kontrollin e avionit në ajër.

Nisur nga gjendja kaotike e krijuar në bord, pilotët vendosën të bënin ulje emergjente në aeroportin ndërkombëtarë të Mynihut. Atje, ka mbërritur në pistë policia gjermane që e arrestoi pasagjerin problematik dhe e largoi me pranga nga avioni, mes duartrokitjeve të udhëtarëve të tjerë.

Ministria e Punëve të Jashtme dhe Diasporës e Kosovës u ka bërë thirrje qytetarwve tw shmangin pikëkalimet kufitare mes Kosovës dhe Serbisë gjatë udhëtimeve të tyre tranzit, për shkak të paralajmërimeve për bllokimin e rrugëve në Serbi që çojnë drejt vendkalimeve kufitare këtë javë.

Në një njoftim në Facebook, MPJD tha se një i “ashtuquajtur ‘Këshill Organizativ për Bllokada’ në Serbi” ka bërë të ditur se më 6 shtator ka ndër mend t’i bllokojë rrugët që çojnë drejt vendkalimeve kufitare me Kosovën.

Ajo u kërkoi “të gjithë qytetarëve dhe pjesëtarëve të mërgatës që të ndjekin me kujdes zhvillimet dhe paralajmërimet e reja lidhur me situatën dhe të informohen vetëm nga burimet zyrtare të institucioneve të Kosovës, për të shmangur dezinformatat dhe lajmet e rreme”.

Ky njoftim vjen në një kohë kur autoritetet e Kosovës e kanë zemëruar Serbinë me një sërë veprimesh që i kanë ndërmarrë në veri të vendit, pjesë e banuar me shumicë serbe, duke nxitur edhe kritika nga bashkësia ndërkombëtare.

Javën e kaluar, Qeveria e kryeministrit Albin Kurti mbylli pesë institucione paralele serbe në katër komunat në veri, për të cilat tha se vepronin në kundërshtim me ligjet dhe kushtetutën e vendit.

Në disa nga objektet që më herët janë përdorur nga institucionet paralele, ditëve të fundit janë vendosur pllaka që tregojnë se tani ato do të përdoren si zyra për disa nga ministritë e Kosovës dhe departamentet e tyre. Punëtorët e atyre institucioneve paralele kanë protestuar dy ditë kundër mbylljes së tyre.

Policia e Kosovës konfirmoi se të mërkurën intervistoi pesë persona të lidhur me këto institucioneve paralele. Mbylljes së këtyre institucioneve paralele i parapriu ndalimi i dinarit serb dhe mbyllja e disa degëve të Postës së Serbisë në veri më herët këtë vit.

Qeveria e Kosovës ka thënë vazhdimisht se po përpiqet të vendosë rend dhe ligj, posaçërisht në veriun e Kosovës të banuar me shumicë serbe, duke i shuar institucionet paralele serbe. Vendimet e Qeverisë së Kurtit janë kritikuar ashpër si të “njëanshme dhe të pakoordinuara” nga bashkësia ndërkombëtare, e cila ka thënë se ato rrezikojnë rritjen e tensioneve.

Më 2022, serbët në veri i bllokuan rrugët drejt pikave kufitare mes Kosovës dhe Serbisë pas arrestimi të një ish-polici serb të Policisë së Kosovës. Ato ishin hequr pas disa javësh.

Dy turiste nga Koreja e Jugut janë arrestuar në Turqi pasi i vodhën një shqiptari një çantë të mbushur me dollarë.

Ngjarja u regjistrua më 27 gusht në Cappadocia, një destinacion i njohur turistik.

Shqiptari ishte ulur në kafene, por harroi aty çantën që kishte brenda 12.100 sterlina dhe 1500 dollarë australianë.

Ai u kthye në kafene pasi e kuptoi se kishte harruar çantën bashkë me pasaportat dhe dokumentet e identifikimit, por turistet që ishin ulur te tavolina, e kishin marrë dhe ishin larguar.

Koreanet thanë se e morën çantën gabimisht pasi ishin të dehura.

Por ndërkohë, lajmi ka bërë shumë bujë në vendin e tyre, shumë komentues e kanë quajtur një veprim që i sjell turp Koresë.

https://youtu.be/U-anB6nCxi8https://youtu.be/U-anB6nCxi8

Granit Xhaka, shqiptari nga Kosova i cili luan për Zvicrën, është përfshirë në listën e futbollistëve më të mrië të botës në garë për trofeun më të rëndësishëm personal, atë të “Topit të Artë”.

Ai bëhet gjithashtu edhe futbollisti i parë shqiptar në këtë listë. Ky lajm ka bërë krenarë gjithë shqiptarët

Ka qenë babai i Granitit, Ragip Xhaka, i cili ka bërë një postim në rrjetet sociale, ku shpreh gjithë krenarinë për punën e palodhur të të birit.

“Sot është një ditë e veçantë dhe e mbushur me krenari të madhe për mua dhe familjen tonë. Djali im, Graniti, është nominuar për çmimin prestigjioz Ballon d’Or. Ai është i pari shqiptar dhe në të njëjtën kohë lojtari i vetëm zviceran që ka arritur këtë nivel në botën e futbollit, dhe për këtë jemi jashtëzakonisht të lumtur dhe të emocionuar.

Puna e palodhur, përkushtimi dhe sakrificat e tij kanë bërë që ëndrrat të realizohen dhe emri i shqiptarëve të shkruhet në histori. Ju falënderoj të gjithëve për mbështetjen dhe dashurinë që i keni dhënë Granitit ndër vite.

Urime Granit, krenaria jonë!”, shkruan babai i Granit Xhakës.

Nga bisedat e zbardhura në aplikacionin Sky Ecc duket se Talo Çela ishte i bindur që truri i super-grabitjes së Rinasit në prill të 2019, Admir Murataj, nuk u vra nga policia por nga shokët. Dyshimet më të mëdha Çela i ka të Eldi Çala që e përmend me nofkën “Greku i vogël”. Talo Çela shprehet në bisedat në aplikacionin e enkriptuar me Mikael Qosen, teksa ky i fundit është një nga personat më të besuar të vëllezërve Hajdar dhe Franc Çopja.

“Po kam frikë tjetër unë se gjithmonë s’ka provë, por kam hall mos e ka vrarë dajën (Admir Muratin) gabimisht një nga këta si ‘greku i vogël’, shembull që s’e takonte vëllain e “Dajës”. Pse nuk e takonte ai? S’ka gjë të keqe edhe gabimisht tha ai s’ka gjë, por robi e takon. Dhe dosja mbahet sekret dhe shpërthen në gjyqe ekspertiza për “Dajën” mbase del distancë e afërt 2 deri në 4 metra distancë, gabimisht nga kallashi. I bie nga shokët, se të zinjtë (policia), kanë pasur armë ‘Barretta” automatike, kanë gjujt mbi 50 metra larg, nuk mund ta shpoj kokën tej për tej, por se di tani ishalla i kanë gjujt të zinjtë mos ngeli nga ana jonë. Se vëllai i tij thoshte është vrarë nga shokët gabimisht. Kjo është e keqe për të gjithë pastaj”, deklaron Talo Çela.

Talo Çela u shpall në kërkim pas grabitjes së 9 Prillit 2019, të miliona eurove ku një grup i armatosur i drejtuar nga Admir Murataj dhe Klement Çala, u përballën me ndërhyrjen e Forcave të Ndërhyrjes së Shpejtë, ku nga të dhënat zyrtare në atë kohë u tha se Murataj u vra nga policia.

Një nga skandalet më të mëdha të kohëve të fundit ka dalë në pah me shumat e larta të parave të përvetësuara nga Wang Yilin, Kryetar i Bordit të Drejtorëve të kompanisë lider kineze të energjisë PetroChina.

Gjatë bastisjes në shtëpinë e Wang Yilin, u gjetën gjithsej 900 miliardë juanë (rreth 126 miliardë dollarë) në para dhe sende me vlerë.

Pas operacionit të kryer nga Komiteti i Kinës për Inspektimin Disiplinor (CCDI) javën e kaluar, imazhet e publikuara në shtyp zbuluan se 10 kamionë u përdorën për një javë për të transportuar sendet me vlerë dhe paratë e gjetura në bodrumin e shtëpisë së Wang Yilin.

Kjo situatë konsiderohet si një skandal i madh nga shumë njerëz që vënë në dyshim përpjekjet për të luftuar korrupsionin.

Rastet e ryshfetit dhe përvetësimit në Kinë kanë prekur thellësisht strukturën ekonomike dhe politike të vendit për shumë vite. Përveç Wang Yilin, ish-zyrtarët e Partisë Komuniste Kineze (CCP) Bo Xilai dhe Zhou Yongkang kanë dalë gjithashtu në plan të parë me akuzat për ryshfet dhe korrupsion në shkallë të gjerë.

Bo Xilai u dënua me burgim të përjetshëm për ryshfet dhe korrupsion në vitin 2013, ndërsa Zhou Yongkang u arrestua dhe u dënua me burg në vitin 2014 me akuza për korrupsion.

Nga ana tjetër, u raportua se Bai Tianhui, ish-CEO i China Huarong International Holding Limited, një nga kompanitë më të mëdha shtetërore të menaxhimit të aseteve të Kinës, u dënua me vdekje në gjyqin e tij të parë me akuzën për marrjen e ryshfetit “jashtëzakonisht të madh”.

Skandali PetroChina tregon gjithashtu se sa komplekse dhe të thella janë përpjekjet kundër korrupsionit në Kinë. Është e qartë se incidente të tilla nuk kufizohen vetëm tek zyrtarët e nivelit të lartë në shtetin kinez, por kanë një ndikim të madh në të gjithë vendin.

🔴 PetroChina'nın yönetim kurulu başkanı Wang Yilin'i evinin bodrumunda 900 milyar yuan (126 milyar dolar) nakit bulundu.

▪Kıymetli eşyaların ve paraların taşınması için 10 kamyon bir hafta çalıştı. pic.twitter.com/7pxPy3nnhl

— Conflict (@ConflictTR) September 4, 2024

Një lajm i trishtë ka ardhur këtë të enjte. Avokatja e njohur, Domenika Gjeçi, e cila vitet e jetës së saj ia dedikoi drejtësisë ka ndërruar jetë në moshë të re.

Gjeçi ishte një emër i njohur në fushën e avokatisë, profesion të cilin e ushtroi prej shumë vitesh dhe merrej me çështjet penale, duke dhënë një kontribut të çmuar në drejtësinë e vendit tonë.

Lajmin e trishtë për ndarjen nga jeta të Gjeçit e kanë dhënë kolegët, “Avokatët penalistë”, përmes një postimi në “Facebook”.

Postimi i Avokateve Penaliste
Domenika Gjeçi nga të gjithë do të kujtohet për përkushtimin e profezionalizim e saj. Ndarja nga jeta në mënyrë të parakohshme e saj është një humbje e madhe jo vetëm për familjarët, por për të gjithë kolegët e saj avokatë, gjyqtarë dhe prokurorë me të cilët ka punuar përgjatë gjithë këtyre viteve.

Për familjarët humbja e saj është akoma dhe më e rëndë. Domenika Gjeçi jo më larg se tre muaj kishte humbur dhe vëllain.

Deklaratat skandaloze nga shqiptarët e Kosovës po tronditin jo pak shqiptarët e Shqipërisë të cilët u janë gjendur në krah vëllezërve kosovarë, kurdo herë dhe në çdo moment, sa herë dhe ata kanë pasur nevojë.

Pas deklaratës absurde të aktorit Osman Azemi, i cili tha se shqiptarët e Shqipërisë janë xhelozë për ata të Kosovës pasi sipas tij nuk kanë emra të njohur si Rita Ora, Dua Lipa, Majlinda Kelmendi, Xherdan Shqiri e shumë të tjerë, një tjetër figurë e njohur në Kosovë është në të njëjtën linjë mendimi me aktorin.

Së fundmi, video e aktivistit të Vetvendosjes, Rron Gjinovcit po bën xhiron e rrjetit.