Month: January 2025

Aktorja e famshme amerikane, Dalyce Curry, e njohur për “The Blues Brothers”, Ndërron Jeta nga Zjarret në Los Angeles në Moshën 95 Vjeçare. Ylli i hollivudit dhe këngëtarja e njohur Dalyce Curry, e njohur për rolin në filmin “The Blues Brothers”, ka ndërruar jetë në moshën 95 vjeçare si pasojë e zjarrit që shpërtheu në Los Angeles.

Zyra e Mjekësisë Ligjore të Los Angeles konfirmoi vdekjen e saj të dielën, duke zbuluar se mbetjet e saj u gjetën në shtëpinë e shkatërruar plotësisht nga flakët. Curry, e njohur me emrin “Momma D” nga familja, ishte parë për herë të fundit të martën nga mbesa e saj, Dalyce Kelley. Kelley, e cila ishte gjithashtu kujdestare e pjeshme e Curry-t, e kishte lënë atë në shtëpinë e saj në Altadena, në Kaliforni, një nga zonat më të goditura nga zjarri në Eaton.

Prokuroria Themelore në Prishtinë sot ka njoftuar se është ngritur aktakuzë ndaj katër të dyshuarve – Naim Murseli, Kushtrim Kokalla, Granit Plava dhe Tom Dodaj, për rastin e vrasjes së Liridona Ademajt, raporton Gazeta Sinjali.

Në aktakuzë thuhet se vrasja e Liridona Ademajt ishte e planifikuar dhe e porositur Naim Murseli, i cili i kishte premtuar Ganit Plavës se do ta paguante 30 mijë euro që ta vriste Liridonën.

Sipas aktakuzës së ngritur, vrasja është kryer më 29 nëntor të vitit 2023, në intervalin kohor prej orës 20:11 deri në ora 20:18 në vendin për të cilin Granit Plava ishte dakorduar me Naim Murselin, ku këta e kishin inskenuar që vrasja të duket si grabitje.

Tutje, në aktakuzë thuhet se Naimi në mënyrë dinake me dorën e tij të djathtë ka mbajtur Liridonën në krahun e dorës së saj të majtë, me qëllim që ajo mos t’i shmanget plumbit, për çka Naimi me fëmijët ka dalë nga vetura dhe është larguar nga vendi i ngjarjes, ndërsa Granit Plava e ka qëlluar Liridona Ademajn me plumb në kokë.

/GazetaSinjali/

Kryetarja e Komisionit Apelimit në PD, Adriana Kalaja ka dhënë më shumë detaje, lidhur me kontrollin e agjentëve të BKH-së, në apartamentin e padeklaruar të çiftit Xoxa-Veliaj.

E ftuar në një emision televiziv, Kalaja teksa e ka cilësuar këtë apartament, si apartamenti i ‘Cash-it’, për shkak të parave të shumta që qarkullonin aty, tha se veç tyre janë gjetur edhe komunikime të bashkëshortes së kryebashkiakut, për të cilat Veliaj nuk ka dijeni, ashtu sikurse dhe video erotike

Sipas Kalasë, agjentët e BKH-së kanë gjetur gjithashtu piktura tejet të shtrenjta, çmimi i të cilave shkon deri në 500 mijë euro, si dhe një kasafortë, që ka rezultuar pasi është hapur të mos ketë asgjë brenda.

Kjo për Kalanë, ngre dyshime të forta dhe të arsyeshme se kontrolli në apartamentin e Ajola Xoxës të jetë dekonspiruar, pasi ajo ëhstë lajmëruar pesë minuta përpara se të mbërrinin agjentët e Byrosë Kombëtare të Hetimit.

Është rasti i parë kur SPAK nuk thotë kemi dyshime të arsyeshme, por thotë që janë të vërtetuara nga vetëdeklarimi. Çfarë janë këto veprime me kaq avancë nga njëra me tjetrën. Pse i lihet kohë të bëhen veprime të njëpasnjëshme, që të mos fshihen e manipulohen provat, intimidohen dëshmitarët?!

Kemi informacion se Veliaj po intimidon dëshmitarët, madje edhe drejtorët e 5D. Nesti Angoni, ëhstë një nga drejtorët.

Janë sekuestruar shumë pajisje elektronike, që kanë nxjerrë fakte në kufijtë e skandalit. Fakte se si po transferohen prova nga incineratori i Tiranës të një kompani në Bullgari, ku është përfshirë vetë vëllai i Veliajt. Janë të 4 personat familjarë, të hetuar për shkak të lidhjes që kanë me Erion Veliajn. S’mund të marrë gjykata këto masa, për një person që ka dijeni për veprën penale. Ne Erion Veliajn kur i kanë shkuar në banesë, statusi juridik është si person nën hetim.

Nga informacioni që kemi, ky apartamenti, këto të dhëna janë gjetur në pajisjet e sekuestruara herën e parë. SPAK ka dijeni për të gjitha, veprojnë me regji. Në një moment të caktuar, Veliajt i është prerë fletë arresti që në korrik 2024, problemi është që do ta ekzekutojë kur Rama të jetë në një pozicion të vështirë. Pse sot. Rama është në pikën më të keqe politike dhe penale, si brenda vendit ashtu dhe jashtë. Prokuroria ka thënë s’ka lidhje mes Olsi Ramës e grupit kriminal. Prokuroria kur ta çojë për pushim, duhet t’i thotë që nëse s’është Olsi, kush është Nesti Angoni? Kush është Zaho Koka. Kjo hapësirë e madhe veçse lë konfuzion, vërteton akuzat tona, që është drejtësi me regji. Dhe zgjohet kur e sul Rama.

Agjentët e BKH-së, kanë ndenjur në apartament 7 orë, ka pasur asistencë nga forcat e komiisariatit 2, ndërsa Xoxa ka qenë në ambientet e SPAK ku është pyetur. Komunikimet në telelefon janë komunikime patakse. Quhet apartamenti i cash-it. Ka video emocionale e erotike, në celularin e Ajola Xoxës.

Kam folur për ato gra, që i quaj ‘mafia feministe’, që janë më të rrezikshme se bashkëshortët e tyre.

Janë gjetur video, prova që publiku do shashtiset. Komunikimet e shumta i ka me personat e lidhura me Veliajn, që ky i fundit s’ka dijeni. Janë gjetur piktura shumë të shtrenjta. Janë lëvruar para pafund. Piktura, njëra shkon 500 mijë euro, 2 prej tyre, të lara me flori. Kur u bënë kaq kuratore arti, këta iu sulën Teatrit Kombëtar.

5 min para se të shkonte BKH, ka pasur dekonsipirim. Dumani dhe Dr.Policisë, të deklarojnë e marrin masa se si u lajmërua Xoxa 5 min para se të shkonte BKH. Në shtëpinë e cash-it, është gjetur një kasafortë, është tentuar të hapur dhe është konstatuar bosh. Ka dyshime se Xoxa jo vetëm që është larguar me para, informacionin e ka pasur ose nga BKH, SPAK, ose Komisariati 2. Do shihni se si janë fshehur apartamente të tjera.

Gazetarja, Dasara Karaiska ka hedhur “bombën” në lidhje me këngëtarin nga Shqipëria, Jozin i cili është pjesë e Big Brother VIP Albania 4.

Ajo përmes një videoje të publikuar në rrjetin social Instagram, ka thënë se “Jozi është gay” dhe se partneri i tij ka deklaruar se është në një marrëdhënie me të.

“Mua më vjen aq keq për atë partnerin e Jozit me të cilin Jozi ka bashkëjetuar në Zvicër e në Milano se në fund të fundit ai i ziu është gay i deklaruar në një marrëdhënie me Jozin dhe sikur nuk është e drejtë nga ana ime të ia denigroj figurën. Po që ky Jozi e ka hak të ia nxjerr atë foton e atë profilin e atij partnerit të vet që e ka foto profili Jozin në Instagram. Do të dali sonte ai të i shoh këto storje Jozi edhe nesër të vije të më haj mua te dera e shtëpisë. Tash të them të drejtën gjersa ai e ka foto profili në Instagram, pse se nxjerrkam unë për shembull. Sa e shëmtuar”, është shprehur Karaiska në Instagram.

Jozi ka qenë një nga banorët që ka bërë më së shumti zhurmë gjatë prajmit të mbrëmshëm fillimisht për shkak të një situate me Loredanën të cilën e kishte kapur për fytyre duke tentuar ta puthte derisa ajo kundërshtonte, e më pas për sulmet e vazhdueshme që i janë bërë Gjestit nga ai, Amber dhe G-Bani.

Xum Allushi u shfaq mjaft i revoltuar ditën e sotme teksa fliste për Gjestin dhe veprimet e tij.

Gjatë një diskutimi me një pjesë të banorëve, Xumi u shpreh se nuk po luan në Big Brother sepse nëse e bën, e ka lojën “shumë të rëndë, ekstrem”.

Ndër të tjera, Xumi thotë se Gjestin ka “për ta zgjuar nga gjumi me rrahjet 120”, dhe do ta marrë “zvarrë me vete nga dera”.

“Kaq po prisja, sa të hapej ai zarfi i zi. Të dija çfarë kishte. Tani nuk kam për ta lënë unë atë. Do ta tërheq zvarrë nga dera. Ka për tu zgjuar nga gjumi me rrahjet 120″, thotë Xumi pë Gjestin.

Mirëpo e pranishme ishte edhe Egli Tako, e cila i ka ndërhyrë menjëherë.

“Kujdes me mënyrën e të shprehurit se ti mund të marrësh zvarrë kë të duash nga këtu dhe mund të dilni të dy, por burgun ke për ta bërë ti kur të dalësh, robi tjetër shkon në shtëpi. Edhe mua, edhe Jozin ti mund t’i marrësh zvarrë, por burgun dhe përgjegjësinë ligjore për të marrë zvarrë e bën ti”, i thotë ajo Xumit, ndërsa banori shihet më i qetë.

Pas deklaratës bombë se banori i Big Brother Vip Albania, Jozi Marku “është gay”, gazetarja Dasara Karaiska “ka goditur sërish”, por kësaj here jo me fjalë, por me foto.

Në llogarinë e saj në “Instagram”, Dasara ka postuar disa foto ndër vite të Jozit me një djalë tjetër, i cili supozohet të jetë partneri i tij.

Ashtu si dhe tha ditën e djeshme, që fotot e Jozit dhe partnerit të tij janë në rrjetet sociale të këtij të fundit, ashtu dhe rezultoi.

Përpos fotove, Dasara ka postuar dhe një bisedë me partnerin e supozuar të Jozit të cilin e pyet “troç”, nëse është apo jo në një marrëdhënie me banorin e Big Brother Vip Albania.

Ai hedh poshtë këto aludime, duke thënë se ka familje, madje është dhe prindi i një fëmije.

“Natën e prime që Jozi nuk la fjalë pa thënë për ta denigruar @rozana_radi më kanë ardhur në DM të gjitha këto screen shots, të cilat përsëri i kurseva dhe nuk i bëra publike. Bëra punën time si gazetare duke kontaktuar direkt burimin e lajmit, pra personin në fjalë. Nga biseda dhe historiku i fotove dola në konkluzionin tim. Publiku të nxjerrë konkluzionet e veta”, shkruan Dasara në postimin e saj.

Ndërkohë, theksojmë se në deklaratën e parë gazetarja tha Jozi me partnerin e tij kanë jetuar në Zvicër dhe më pas në Milano.

“Mua më vjen aq keq për atë partnerin e Jozit me të cilin Jozi ka bashkëjetuar në Zvicër e në Milano se në fund të fundit ai i ziu është gay i deklaruar në një marrëdhënie me Jozin dhe sikur nuk është e drejtë nga ana ime të ia denigroj figurën. Po që ky Jozi e ka hak të ia nxjerr atë foton e atë profilin e atij partnerit të vet që e ka foto profili Jozin në Instagram

Do të dali sonte ai të i shoh këto storje Jozi edhe nesër të vije të më haj mua te dera e shtëpisë. Tash të them të drejtën gjersa ai e ka foto profili në Instagram, pse se nxjerrkam unë për shembull. Sa e shëmtuar”, është shprehur Karaiska në Instagram.

Presidenti i Koresë së Jugut, Yoon Suk Yeol u arrestua pasi e zhyti vendin në kaos politik duke shpallur ligjin e përkohshëm ushtarak me 3 dhjetor.

Sipas autoriteteve, ai u arrestua sot në 10:33 me orën lokale. Yun, është kreu i parë i shtetit të Koresë së Jugut që arrestohet në historinë e vendit.

Në operacionin e arrestimit morën pjesë më shumë se 1000 oficerë. Presidenti Yun ka thënë se do të dorëzohej për të shmangur gjakderdhjen edhe pse e konsideron procesin të paligjshëm.

Investigators with the Public Prosecution Office can be seen carrying what appears to be bolt cutters (or sledge hammer) and ladders up the main driveway of the presidential compound to serve the arrest warrant for impeached South Korean President Yoon Seok-Yoel. pic.twitter.com/n6YWLJznB0

— OSINTdefender (@sentdefender) January 14, 2025

Kryeministri Edi Rama, ka surprizuar homologen e tij të Italisë, Giorgia Melonin, gjatë takimit në Emiratet e Bashkuara Arabe, ku ata morën pjesë në samitin “Abu Dhabi Sustainability Week”.

Kreu i qeverisë shqiptare i ka dhënë Melonit, i ulur në gjunjë, një dhuratë për ditëlindje, pasi ajo feston sot, 15 janar, 48-vjetorin.

Siç shihet edhe në pamje, Rama i ka dhuruar homologes së tij një shall dhe më pas ja vendosur në kokë.

Rama shpjegoi se shalli është bërë nga një prodhues italian, i cili u zhvendos në Shqipëri dhe u bë shtetas shqiptar

Çmimet e larta ta apartamenteve dhe të ardhurat e ulëta të shqiptarëve, vijojnë ta rendisin Tiranën në 10 qytetet më të shtrenjta të Europës, për përballueshmërinë e blerjes së një prone (që llogaritet si raport i çmimeve mesatare të apartamenteve me të ardhurat mesatare të disponueshme familjare, të shprehura si vite të ardhurave, për një banesë 90 metra).

Për të blerë një apartament në Tiranë sipas të dhënave Numbeo-s për 2024 nevojiteshin 15.3 vite, e nënta më e shtrenjtë në Europë, ndërsa në qytetin më të shtrenjtë të Europës Lisbonën një familje për t’u bërë pronare prone i nevojiten 19.5 vite.

Për shkak të rritjes së lartë të çmimeve të apartamenteve në Europë, disa shtete po shkojnë drejt masave të reja fiskale me qëllim zbutjen e krizës së strehimit për vendasit.

Së fundmi në Spanjë, qeveria po mobilizohet për të ndërmarrë masa të reja fiskale. Propozimi për vendosjen e një taksë 100% për blerësit e pasurive të paluajtshme të vendeve jo anëtare të BE-së, është një ndër masat që synohet të ndërmerret për zgjidhjen e krizës së strehimit dhe rritjen e çmimeve në nivele të papërballueshme për qytetarët e vendit.

Nëse bëhet krahasimi çmimet e shitjes së pronave ne qendër dhe jashtë saj në Tiranë, pothuajse kanë arritur sa në Madrid.

Sipas të dhënave të Numbeo, çmimet për metër katror në Madrid, në zonën afër qendrës për 2024 kanë arritur 6,416 euro për metër katror.

Në zonat jashtë qendrës, çmimet e shitjes kanë arritur 3,779 euro për metër katror.

Në Tiranë, çmimet në kullat variojnë nga 5,000- 5,500 euro për metër katror sipas të dhënave të marra nga zyrat e shitjes.

Në zonat jashtë qendrës në Madrid, çmimet e shitjes kanë arritur 3,779 euro për metër katror.

Në hyrje të Komunës së Parisit, në zonat e reja rezidenciale që po zhvillohen çmimi maksimal në dhjetor 2024 arritën 3,500 euro për metër katror.

Krahasuar me çmimet e 2023, (çmimet makinale varionin nga 2,600 deri 2,800 euro për metër katror) rritja është 25 deri 35%.

Brenda Unazës së Tiranës, çmimet e shitjes së apartamenteve janë mbi 2,300 euro për metër katror.

Ndërsa në zonën e ish-Bllokut çmimet janë mbi 3,500 euro për metër katror.

Periferia gjithashtu, po njeh trend të lartë rritës së çmimeve. Zona e Freskut, për shkak të përfundimit të disa veprave infrastrukture, ka rritur ndjeshëm çmimet.

Për apartamentet 1+1, ku kërkesa është tepër e lartë, çmimet janë 1,200 euro për metër katror.

Në Astir, çmimet kanë arritur 1,300-1,400 euro për metër katror dhe në Paskuqan 1,100 euro për metër katror. Në ndërtimet e reja pranë Bulevardit të Ri, (në vijën e dytë të ndërtimit) çmimet sivjet arritën 2,000 euro nga 1,700 euro për metër katror që ishin vjet. Rritja 15%.

Nga agjentët imobiliarë është ngritur shqetësimi se për shkak të çmimeve të larta, kërkesa e familjeve për blerje për strehim është në rënie.

Të dhënat mbi nivelin e pagës mesatare, gjithashtu bëjnë të ditur papërballueshmerinë e familjeve shqiptare për blerjen e apartamenteve, për shkak të çmimeve të larta.

Deri në tremujorin e dytë të 2024-s, paga mesatare mujore bruto në vend arriti në nivelin e 75,114 lekëve sipas të dhënave të INSTAT.

Gati gjysma e të punësuarve me pagë zyrtare paguhen më pak se 50 mijë lekë në muaj dhe rreth 70% paguhen në nivelin e pagës mesatare në vend.

Sipas të dhënave të INSTAT, rreth 45% të punësuarve sipas deklarimit zyrtar në tatime paguhen nën 50 mijë lekë bruto në muaj.

Në Spanjë të ardhurat mesatare bruto për 2024 llogariten në nivelin e 2,225 euro në muaj, sipas Eurostat.

Si rrjedhojë, sipas Numbeo, Madridi renditet i 53-ti në Europë për përballueshmërinë e banesave (Tirana ishte e nënta), ku duhen 11.7 vite për blerje apartamenti./Monitor

Detaje të reja mësohen nga ngjarja e rëndë në Tiranë, ku një efektiv i Policisë Rrugore u rrëzua nga kati i 11-të i një pallati në zonën e “Xhamllikut”.

Dyshohet se polici është vetëhedhur nga pallati ndërsa ka rënë fillimisht mbi telat e internetit dhe më pas në tokë.

Ndonëse kabllot i kanë ndaluar shpejtësinë, 57-vjeçari Azbi Spahiu ka marrë lëndime të rënda dhe ndodhet në gjendje kritike në spitalin e Traumës.

Në njoftimin e saj, Policia e Tiranës tha se po heton për zbardhjen e shkaqeve të ngjarjes.

Një ngjarje e rëndë është shënuar ditën e sotme në Tiranë ku një polic ka rënë nga kati i shtatë i një pallati, bëhet fjalë për Azbi Spahiun 57-vjeç.

Spahiu pak ditë më parë arrestoi djalin e Samir Manes, pasi ky i fundit ishte i dehur në timon dhe përplasi disa makina./Maska.al

Njoftimi i sotëm i Policisë

Tiranë/Informacion paraprak

Me datë 15.01.2025, në rrugën “Kongresi i Manastirit”, dyshohet se ka rënë nga lartësia e një pallati shtetasi A.S, rreth 57 vjeç, me detyrë Specialist i Qarkullimit Rrugor Tiranë, i cili ndodhet në spital, nën kujdesin e mjekëve.

Grupi Hetimor po punon për sqarimin e plotë e rrethanave të ngjarjes.

Burime për Maska.al bëjnë me dije se APM-ja Tiranë nisi hetim ndaj tij oficerit për ekspertim të remë në rastin e djalit të Samir Manes.

Ju bëjmë me dije gjithashtu që në rastin e parë kur u arrestua djali i Manes, polici reagoj shumë vonë për njoftimin e ngjarjes.