Month: March 2025

Një ish-lider i NATO-s ka zbuluar realitetin e mundshëm me të cilin do të përballet Britania nëse nuk dërgon armë në Ukrainë dhe aleatët e saj në shtetet baltike.

Ish-zëvendës komandanti suprem i NATO-s në Evropë, gjenerali Richard Shirreff, tha se presidenti i SHBA-së, Donald Trump, i ka dhënë një “goditje vdekjeprurëse” NATO-s me deklaratat e tij për aleancën dhe veprimet e tij në lidhje me luftën në Ukrainë, raportojnë mediat britanike.

Richard Shirreff tha se një marrëveshje paqeje e ndërmjetësuar nga Trump që mund të çojë në kapitullimin e Ukrainës mund ta inkurajojë Putinin të riarmatoset dhe të rindërtohet.

“Ai kurrë nuk do të heqë dorë nga qëllimi i tij për të marrë nën kontroll të gjithë Ukrainën”, tha ai. Në shkrimin e tij të vitit 2021 mbi Ukrainën dhe Rusinë, Putin bëri një sërë pretendimesh të dyshimta, duke përfshirë se ukrainasit dhe rusët janë një popull.

Sir Richard tregoi se pasi të merrte Ukrainën, Putini do të përpiqet të instalojë regjime kukullash në Gjeorgji, Moldavi dhe Rumani, përpara se të kthejë vështrimin në Baltik.

Kjo, tha ai, do të çonte në një luftë të drejtpërdrejtë midis vendeve evropiane dhe Moskës. Sulmi do të ndiqte modelet e mëparshme të ushtrisë ruse. Ai kujtoi shkatërrimin e qytetit ukrainas të Mariupol.

“Dëbimi i fëmijëve, dhunimi i grave dhe masakrimi i civilëve, kështu ndodh kur sulmon Rusia. Së pari do të ketë raketa dhe më pas do të fillojë gjithçka tjetër”, tha ai.

Një debat i fortë ka ndodhur ditën e sotme në “Big Brother VIP 4” mes Laertit dhe Gertës, ku ka ndërhyrë edhe Aldo.

Gerta dhe Aldo iu kthyen Laertit kundër për shkak se ai ka falur Valbonën dhe qëndrojnë afër njëri-tjetrit.

Pjesë nga debati:

Laerti: Burrecat nuk i falin gratë, o Aldo Marku. Duhet të jesh burrë të falësh gratë, burrecat iu bëjnë zemra nëpër vitrina.

Aldo: Kur mbaron loja, do tregosh ça kartash ke nën mëngë?

Laerti: Rri rehat se e ke çuar në nominim të përhershëm, pse e ke çuar në nominim shoqen e ngushtë?

Aldo: Mos i krahaso gjërat, se janë ku e ku, mos i krahaso

Laerti: Hajde Aldo

Aldo: Ke bërë autogol

Laerti: Nxirr vizoren të matësh flirtimet Aldo, hajde. Unë nuk e dija se ishe xheloz për mua, po nga nesër do të flirtoj me ty. Më fal që putha Gjestin, duhej të kisha puthur ty që të qetësoheshe, se dija që ke ndjenja për mua

Aldo: Je barcaletë, psikopat, skizofren.

Deputeti Dash Sula deklaroi në Kuvend se mazhoranca ditën e sotme do të nxjerrë nga burgu kryebashkiakun e Tiranës, Erion Veliaj.

Sula u shpreh se po qarkullojnë lajme se Veliaj do të dalë nga paraburgimi dhe kjo për shkak të intimidimeve që po iu bëhen personave të përfshirë në këtë proces.

“Më shumë iu shqetëson Erion Veliaj që ka gjyqin nesër, për fustanet, bizhutë. E keni hallin të lironi Erion Veliaj me të gjitha mënyrat. Kumbari i Veliajt nuk është këtu, babai i reformës në drejtësi që po deformohet.

Nuk është presion. Po qarkullojnë lajme se po intimidoni dhe po përdorni të gjitha mënyrat për ta liruar atë”, tha Sula.

Ekipi i avokatëve të Kryetarit të Bashkisë së Tiranës, Erion Veliaj, ka zhvilluar sot një vizitë në ambientet e paraburgimit në Durrës, një ditë përpara seancës së apelit për shqyrtimin e kërkesës së tij për lirim me kusht.

Në këtë takim, atyre iu bashkua edhe Joshua Roberts, përfaqësues i studios ligjore amerikane Kasowitz Benson Torres LLP, e cila po këshillon kryetarin Veliaj.

Në një deklaratë për mediat pas vizitës, Roberts bëri të ditur se ndodhet në Shqipëri si vëzhgues dhe theksoi rëndësinë e respektimit të standardeve ligjore ndërkombëtare.

“Në Shtetet e Bashkuara, sipas Kushtetutës dhe legjislacionit amerikan, akuzat penale ngrihen vetëm kur ekziston një shkak i arsyeshëm që një vepër penale është kryer. Gjithashtu, ndalimi i qytetarëve para gjykimit ndodh vetëm nëse ata paraqesin rrezik arratisjeje ose rrezik për shoqërinë,” deklaroi Roberts.

Ai shtoi se “mbajtja e një politikani në paraburgim pa akuza të qarta dhe pa një rrezik të justifikuar është në kundërshtim me parimet e shtetit ligjor dhe demokracisë”*. “Nesër do të ndjek nga afër argumentet e apelit për çështjen e Kryetarit Veliaj,” tha ai.

Studio Kasowitz ka shërbyer si përfaqësues i Presidentit Trump “për një gamë të gjerë çështjesh gjyqësore për më shumë se 15 vjet”, si në bizneset e tij ashtu edhe gjatë fushatës presidenciale.

Fran Marashi, autor i masakrës së rëndë të “Urës Vajgurore” në vitin 1997 ka marrë një prej dënimeve më të rënda të dhëna ndonjëherë nga drejtësia shqiptare.

Gjykata e Posaçme e ka shpallur fajtor Marashin për të gjitha akuzat, duke i dhënë në total një dënim prej 108 vitesh burg si dhe 4 dënime të përjetshme.

Masakra e rëndë e datës 17 qershor 1997 me pesë policë të vrarë dhe gjashtë të plagosur u rigjykua nga GJKKO pas vendimit të Gjykatë së Lartë për ta rikthyer dosjen në shkallën e parë.

Vendimi i GJKKO:

1. Me datë 19.09.2023 pranë Gjykatës së Posaçme të Shkallës së Parë për Korrupsionin dhe Krimin e Organizuar është paraqitur për gjykim çështja penale në ngarkim të të pandehurit Fran Marashi”.

2. Gjykimi i kësaj ?ështje u zhvillua me rregullat e gjykimit të zakonshëm. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtarët Erjon Bani, Flora Hajredinaj dhe Flojera Davidhi, me vendimin Nr. 21, datë 10.03.2025 vendosi:

1. Deklarimin fajtor të të pandehurit Fran Marashi për kryerjen e veprës penale “Krijimi i bandës së armatosur dhe organizatës kriminale”, në formën e pjesëmarrjes në bandë të armatosur, parashikuar nga neni 333 i Kodit Penal (ligji nr.7895 datë 27.01.1995) dhe në bazë të këtij neni dënimin e tij me 10 (dhjetë) vjet burgim.

2. Deklarimin fajtor të të pandehurit Fran Marashi për kryerjen e veprës penale “Vrasja me dashje”, në dëm të viktimës I.B, e kryer në bashkëpunim në formën e veçantë të bashkëpunimit atë të “Bandës së armatosur”, parashikuar nga neni 76 i Kodit Penal (ligji nr.7895 datë 27.01.1995), në lidhje me nenet 28 paragrafët 1, 3 dhe 4 dhe 334 paragrafi 1 i Kodit Penal (ligji nr.7895 datë 27.01.1995) e dënimin e tij me 20 (njëzet) vjet burgim.

3. Deklarimin fajtor të të pandehurit Fran Marashi për kryerjen e veprës penale “Vrasja e punonjësve të Policisë së Shtetit”, në dëm të viktimës M.K, e kryer në bashkëpunim në formën e veçantë të bashkëpunimit atë të “Bandës së armatosur”, parashikuar nga neni 79/b i Kodit Penal, në lidhje me nenet 28 paragrafët 1, 3 dhe 4 dhe 334 paragrafi 2 i Kodit Penal (ligji nr.7895 datë 27.01.1995) e dënimin e tij me burgim të përjetshëm.

4. Deklarimin fajtor të të pandehurit Fran Marashi për kryerjen e veprës penale “Vrasja e punonjësve të Policisë së Shtetit”, në dëm të viktimës A.Sh, e kryer në bashkëpunim në formën e veçantë të bashkëpunimit atë të “Bandës së armatosur”, parashikuar nga neni 79/b i Kodit Penal, në lidhje me nenet 28 paragrafët 1, 3 dhe 4 dhe 334 paragrafi 2 i Kodit Penal (ligji nr.7895 datë 27.01.1995) e dënimin e tij me burgim të përjetshëm.

5. Deklarimin fajtor të të pandehurit Fran Marashi për kryerjen e veprës penale “Vrasja e punonjësve të Policisë së Shtetit”, në dëm të viktimës A.S, e kryer në bashkëpunim në formën e veçantë të bashkëpunimit atë të “Bandës së armatosur”,parashikuar nga neni 79/b i Kodit Penal, në lidhje me nenet 28 paragrafët 1, 3 dhe 4 dhe 334 paragrafi 2 i Kodit Penal (ligji nr.7895 datë 27.01.1995) e dënimin e tij me burgim të përjetshëm.

6. Deklarimin fajtor të të pandehurit Fran Marashi për kryerjen e veprës penale“Vrasja e punonjësve të Policisë së Shtetit”, në dëm të viktimës I.B, e kryer në bashkëpunim në formën e veçantë të bashkëpunimit atë të “Bandës së armatosur”, parashikuar nga neni 79/b i Kodit Penal, në lidhje me nenin 28 paragrafët 1, 3 dhe 4 të Kodit Penal dhe me nenin 334 paragrafi 2 i Kodit Penal (ligji nr.7895 datë 27.01.1995), e dënimin e tij me burgim të përjetshëm.

7. Deklarimin fajtor të të pandehurit Fran Marashi për kryerjen e veprës penale“Vrasja e punonjësve të Policisë së Shtetit”, e mbetur në tentativë në dëm të viktimës Th.T, e kryer në bashkëpunim në formën e veçantë të bashkëpunimit atë të “Bandës së armatosur”, parashikuar nga nenet 79/b dhe 22 i Kodit Penal, në lidhje me nenin 28 paragrafët 1, 3 dhe 4 dhe me nenin 334 paragrafi 2 i Kodit Penal (ligji nr.7895 datë 27.01.1995) e dënimin e tij me 35 (tridhjete e pesë) vjet burgim.

8. Deklarimin fajtor të të pandehurit Fran Marashi për kryerjen e veprës penale“Vrasja e punonjësve të Policisë së Shtetit”, e mbetur në tentativë në dëm të viktimës Y.Dh, parashikuar nga nenet 79/b dhe 22 i Kodit Penal, në lidhje me nenin 28 paragrafët 1, 3 dhe 4 dhe me nenin 334 paragrafi 2 i Kodit Penal (ligji nr.7895 datë 27.01.1995) e dënimin e tij me 35 (tridhjete e pesë) vjet burgim.

9. Deklarimin fajtor të të pandehurit Fran Marashi për kryerjen e veprës penale“Heqja e paligjshme e lirisë”, në dëm të viktimës K.B, e kryer në bashkëpunim në formën e veçantë të bashkëpunimit atë të “Bandës së armatosur”, parashikuar nga neni 110 paragrafi 2 i Kodit Penal (ligji nr.7895 datë 27.01.1995), në lidhje me nenin 28 paragrafët 1, 3 dhe 4 të Kodit Penal dhe me nenin 334 pika “I” të Kodit Penal (ligji nr.7895 datë 27.01.1995), e dënimin e tij me 8 (tetë) vjet burgim.

10. Bazuar në nenin 55 të Kodit Penal në bashkim të dënimeve, i pandehuri Fran Marashi, përfundimisht dënohet me një dënim të vetëm me burgim të përjetshëm. 11. Vuajtja e dënimit të kryhet nga i pandehuri Fran Marashi në një burg të sigurisë së lartë, në respektim të nenit 16 pika 1, gërma “a” të Ligjit Nr. 81/2020 “PËR TË DREJTAT DHE TRAJTIMIN E TË DËNUARVE ME BURGIM DHE TË PARABURGOSURVE”.

12. Shpenzimet proceduriale të kryera gjatë gjykimit sipas formularit bashkëlidhur t’i ngarkohen të pandehurit Fran Marashi.

13. Kundër këtij vendimi mund të bëhet ankim në Gjykatën e Posa?me të Apelit për Korrupsionin dhe Krimin e Organizuar, brenda 15 (pesëmbëdhjetë) ditëve, duke filluar ky afat nga e nesërmja e njoftimit të këtij vendimi.

Viktimat e masakrës së Urës Vajgurore:

Miltiadh Koçi, punonjës i policisë

Arjan Shemuni, punonjës policie

Asllan Selami, punonjës policie

Ilia Bano, punonjës policie

Roja i vilës së Protoduarëve, i paidentifikuar

Të plagosurit:

Thimi Tanku, punonjës policie

Ylli Dhamo, punonjës policie

Neim Gjeroveni, punonjës policie

Ëngjëllush Pasha, punonjës policie

Arben Bega, punonjës policie

Shkëlqim Selfo, punonjës policie

Autorët e masakrës, pjesë e bandës së armatosur:

Musa Protoduari, i dënuar me burgim të përjetshëm

Shkëlqim Protoduari, i dënuar me burgim të përjetshëm

Fran Marashi, i dënuar me burgim të përjetshëm

Fatbardha Protoduari, dënuar me 25 vjet burg, gruaja e Musait

Sokol Ndreu

Gjovalin Ndreu

Preng Miri

Gjelosh Miri

Një ngjarje e rëndë është regjistruar ditën e sotme në Tiranë, ku një i ri dyshohet se i ka dhënë fund jetës në mënyrë tragjike.

Autoritetet policore raportojnë se viktima është shtetasi B. A., 23 vjeç.

Ai është gjetur i varur në banesën e tij, rreth orës 07:30, në Laknas.

Ende nuk dihet arsyet që e kanë shtyrë të riun drejt këtij akti ekstrem.

Policia e Tiranës thotë se po punohet për sqarimin e rrethanave të ngjarjes.

Ikja e Eglit Takos nga gara e ”Big Brother Albania Vip 4”, ka rritur interesin për të mësuar më shumë për të.

Kryefjala.com ka siguruar një foto të Eglit me mikeshen e saj në Palasë në Beach Bar-Sky Sport.

Duket se Egli ka zgjedhur jugun e Shqipërisë për tu shkëputur nga zhurma.

Kreu i PD, Sali Berisha, ka lëshuar një tjetër sfidë të hapur ndaj kryeministrit Edi Rama në Parlament, duke vënë në pikëpyetje faktin se ai nuk e përmend më shpalljen e tij non-grata nga SHBA.

“Rama nuk e përmend më non-gratën. Pse nuk e përmend më? Shkoni pyeteni ju zonja. Thoni, o shef, o bos, pse nuk e thua më atë fjalë? Jo po thuaje po deshe!” – deklaroi Berisha me ironi.

Më tej, ai e akuzoi Ramën se “është futur në parkun zoologjik dhe jeton me botën shtazore”, duke përdorur sërish gjuhë të ashpër ndaj kryeministrit.

Por mes ironive, Berisha bëri një deklaratë të fortë politike, duke e quajtur 11 majin si fundin e narkokracisë në Shqipëri.

“Kjo është finalja e këtij parlamenti, dhe garantoj se 11 maji është fundi i narkokracisë”, tha ai.

Gjithashtu, ai premtoi se javën e parë pas zgjedhjeve PD do të prezantojë një “paketë shpëtimi” për shqiptarët që do të luftojë varfërinë ekstreme.

Fituesja e edicionit të tretë të Big Brother VIP Albania, Egla Ceno, ka shprehur publikisht mbështetjen e saj për banorin e këtij sezoni, Gjestin.

Përmes një postimi në rrjetet sociale, ajo theksoi se Gjesti nuk ka rival brenda shtëpisë dhe se të tjerët ose i afrohen nga frika, ose nuk guxojnë ta nominojnë.

“Në kontekstin që është krijuar aty brenda, unë jam me Gjestin. Po, po, me atë djaloshin pa shkollë, por më i vërteti nga të gjithë”, shkroi aktorja.

Egla, e njohur për karakterin e saj të fortë gjatë qëndrimit në BBVIP, e konsideron këtë format si një nga spektaklet më të paparashikueshme, ku në thelb “ruhet njeriu”.

Deklarata e Ledion Liços për mosprezantimin e formatit të ardhshëm të ‘BBVA’, ka shkaktuar shumë diskutime dhe spekulime tek ndjekësit, të cilët janë kureshtarë të dinë se kush mund ta zëvendësojë atë.

Ndërkohë, Dea Mishel, ish-banorja e “BBVA”, ka shpërndarë një pyetje nga ndjekësit e saj në Instagram, ku u pyet nëse ajo do të jetë prezantuese e Big Brother sezonin tjetër.

Ajo iu përgjigj duke thënë “Manifestojeni për mua”, por nuk dha asnjë informacion tjetër rreth mundësisë për t’u bërë prezantuese e programit.