Month: April 2025

Origjina e Edi Ramës vihet në pikëpyetje shpesh, pas deklaratave të tij në çdo qytet ku shkon apo në çdo intervistë që ai jep. Kjo për shkak se sipas deklaratave të tij, gjyshet i dalin me origjinë nga gjysma e qyteteve të Shqipërisë.

Gjatë bashkëbisedimit të sotëm me ndjekësit në rrjetet sociale, një prej tyre i përmendi Edi Ramës diskrimin që ky i fundit i bën veriut të vendit në lidhje me investimet publike.

Rama i konsideroi këto si dëngla, pasi sipas tij, ka gjak edhe nga veriu, për shkak të një gjysheje shkodrane, teksa një e ka me origjinë nga Berati, por të lindur në Durrës, ndërsa një tjetër e ka nga Labëria, por me origjinë nga Mirdita. Në një intervistë të mëparshme për mediat italiane, Rama ka deklaruar se një prej gjysheve të tij kishte edhe gjak italian.

“Ky komenton lidhur me infrastrukturën. Një ndër veprat më të mëdha, më e vështira rezultoi, por një nga më të konsiderueshëm nga pikëpamja financiare është rruga e Arbrit. Kjo shkon në jug apo në veri? Është në jug nëse marrim edhe Kosovën, dhe e konsiderojmë veri. Nëse i rrimë Shqipërisë për hartën zyrtare sot, është në veri, është në zemër, se në fakt Dibra është këtu në zemër. Rruga e Thethit është në jug apo veri, unë them në Shqipëri. Rruga që shkon në Vermosh, në jug apo veri? Rruga e Lurës sipas teje? Në jug apo në veri? Patjetër që në veri është edhe rruga e Kombit, e cila u rra rrugëve si të gjitha rrugët e tjera. Në një stad më të avancuar, nuk e mohoj këtë, por tek e cila edhe sot vazhdon puna. Të gjitha janë të ndërtuara nga kjo qeveri, dhe me përfundimin e rrugës së Lurës preket një tjetër destinacion fantastik. Ka edhe të tjera projekte për infrastrukturën e veriut. Hekurudha Durrës-Shkodër-Gjakovë-Prishtinë shkon për në jug apo për veri? Po rruga Thumanë-Milot-Balldren-Muriqan në jug apo veri? Do akoma se ka edhe shumë segmente të tjera që janë investuar në veriun e Shqipërisë që ishte copë copë, më copë sesa jugu edhe ai në kohën kur medemek shkonin dhe qeverisnin ata që e donin shumë veriun dhe e përfaqësonin veriun. Edhe vetë Tropoja ishte një gropë e zezë. Sot është destinacion turistik. Këto dëngla me veri e jug mos mi tregoni mua se edhe me gjak jam edhe nga veriu dhe jugu se kam pasur bekimin të kem një gjyshe një gjyshe shkodrane dhe një gjysh me prejardhje nga Berati por lindur e rritur në Durrës. Dhe gjyshërit e tjerë nga bregu, por ardhur nga Mirdita.”, tha Rama.

Kryeministri Edi Rama përsëriti edhe njëherë qëndrimin e tij se Partia Socialiste do të marrë më shumë mandate nga sa aktualisht në zgjedhjet parlamentare të 11 majit.

Në bashkëbisedim me qytetarët në rrjetet sociale, kreu i qeverisë u shpreh se në bazë të anketimeve që PS kryen fitorja është e sigurt, por se sa deputetë do të nxjerrë do ta thotë “zyrtarisht” në Kuç, njësoj si 4 vjet më parë.

Kreu i qeverisë nuk la pa ironizuar dhe drejtuesin e demokratëve Sali Berisha për çështjen e shpalljes së tij non grata nga qeveria e Shteteve të Bashkuara.

“Ore ja hoqën non gratën bufit, keni ndonjë informacion? Si shkoi puna? Nuk është se ndryshon gjë. Sikur nuk ja kanë hequr më duket. Ne do marrim më shumë mandate seç kemi.

Sesa do marrim do ta them me shkrim në Kuç, por me duhet dhe pak kohë për të kuptuar ku jemi. Por afër jam. Ne bëjmë anketime shkencore gjithë kohës. I kemi të gjitha trendet kapicë.

I kemi trendet për të parë luhatjet. Minimali është mbi atë që kemi. Sa mbi më duhet dhe pak kohë. Nuk ka aq shumë të pavendosur. Diferenca jonë me kënetën do të jetë më e madhja ndonjëherë”, tha Rama.

Në “Top Story”, gazetarja Anila Hoxha komentoi raportin vjetor të SPAK për dosjet e bujshme.

Hoxha tha se ajo që doli në dritë nga hakërrimi i e-maileve të prokurorëve është se një ish ministër po hetohet.

“Analiza vjetore përfshin vitin 2024, kreu i SPAK do raportojë dhe në parlament për punën vjetore. Dosja më e bujshme dhe njoftimi më i klikuar është dosja e Ilir Metës. Çështja e zotit Meta që u arrestua dhe vijon në paraburgim. Lloharitet dhe çështja ndaj ish-kryeministrit Sali Berisha, Prokuroria e cilëson si rekord hetimor të vetin.

Nëse do t’i qëndrojmë dosjes hetimore më të fundit, me hakërimin e e-malive, në njërin prej tyre është emri i një ish-ministri. Aty konfirmohet se SPAK po heton.

Prokuroria e Posaçme ka vendosur një platformë për denoncimin e krimeve zgjedhore dhe ka një fluks shumë të madh denoncimesh. Shumë shtetas shqiptarë kanë denoncuar edhe krahë të djathë të disa kandidatëve për deputetë që premtojnë vende punë dhe po kryen hetime si faza paraprake e krimeve zgjedhore”-u shpreh gazetarja Hoxha.

Ndërsa finalja e Big Brother VIP Albania 4 afrohet me shpejtësi, tensionet mes finalistëve po bëhen gjithnjë e më të ndjeshme – veçanërisht në çiftin që ka tërhequr më shumë vëmendjen gjatë këtij edicioni, Gjesti dhe Egli.

Në ditët e fundit të qëndrimit në shtëpi, duket se mes tyre ka shpërthyer një acarim i papritur, i cili nisi nga një situatë e thjeshtë: një masazh.

Gjatë një momenti intime, Egli po përpiqej t’i bënte një masazh Gjestit, por veprimet e saj duket se nuk i kanë pëlqyer aspak konkurrentit nga Kosova.

Acarimi i tij u shfaq menjëherë, duke i drejtuar fjalë të forta Eglit: “I bie pishman që të kam njohur, shumë jam pishman që të kam njohur. A dëgjove? Me ty më as jashtë, as brenda, as kurgjo. Kurrë hiç, o sapo të dal, bllok e ke. Sepse ti një masazh të thash të më bëhesh dhe u zgjove të bësh filma”.

Reagimi i Egli ishte po aq i drejtpërdrejtë, duke i kthyer fjalët me një akuzë të rëndë për mungesë edukate: “Je djali më i paedukatë që kam njohur.”

Ky shkëmbim fjalësh i tensionuar ka habitur edhe shikuesit që i kanë parë gjithmonë si një ndër çiftet më të qëndrueshëm brenda shtëpisë. Pavarësisht debateve të herëpashershme, Gjesti dhe Egli kanë kaluar bashkë gjithë rrugëtimin në BBVA, duke ndarë momente emocionale, mbështetje reciproke dhe përjetime të forta.

Megjithatë, ditët e fundit të izolimit dhe stresi i afërsisë me finalen duket se po rëndojnë mbi raportin e tyre. Ende mbetet për t’u parë nëse ky është thjesht një shpërthim momental apo sinjal i një krize më të thellë mes tyre.

Sali Berisha është shprehur se PD, në zgjedhje të lira, i fiton zgjedhjet në mënyrë absolute. Sipas tij këtë e tregojnë edhe sondazhet.

“Sipas manipulimeve që ka, ai (Rama) beson gënjeshtrat dhe manipulimet e tyre. Sondazhet tregojnë se në zgjedhje të lira, fitimtar absolut është PD dhe Partia e Krimit kthehet në 1992”, tha Berisha.

Ai shtoi se kanë dorëzuar emrat e atyre që po kryejnë krime zgjedhore, teksa shtoi se organizatat kriminale që kryejnë këto krime do të shpallen terroriste në Shqipëri dhe në arenën ndërkombëtare.

“Ne kemi dorëzuar emër e mbiemër të të gjithë atyre që po kryejnë krime zgjedhore. Garantojmë se krimi zgjedhor do të quhet krim i rëndë. Është zotim solemn elektoral dhe se organizatat kriminale që po angazhohen në krimin zgjedhor do të bëjmë gjithçka për ti shpallur organizata terroriste jo vetëm Shqipëria, por edhe faktori ndërkombëtar. Donald Trump ia hapi derën kësaj procedure dhe me një urdhër të veçantë i shpalli organizata terroriste kartelet e drogës. Ne do i shpallim organizata terroriste dhe do të lobojmë që të quhen të tilla edhe në arenën ndërkombëtare”, tha kreu i PD-së.

Debat i fortë ka ndodhur mes Gjestit dhe Eglit pas një batute nga banori.

Gjesti:

Nuk do të flesh me mua?

Egli:

Jo.

Gjesti:

Jam pishman që të kam njohur. Me ty as jashtë më dhe as brenda.

Egli:

Na u prish kosi, shyqyr se na shpëtove

Gjesti:

Bllok e ke sa të dalë jashtë.

Egli:

Je djali më i paedukatë që kam njohur në jetën time.

Gjesti:

Ishte shaka.

Egli:

Shaka e kishe edhe për nishanin. Mësohu të flasësh, rritu.

Gjesti:

Mësohu të flasësh me tipin tim.

Egli:

Nëse ke pakënaqësira te mua shko hidhi sytë te diku tjetër.

Gjesti:

Ishte batutë moj.

Egli:

Me fizikun e një vajze nuk ka batuta.

Gjesti:

Nuk të thashë që nuk t’i dua moj.

Gjesti ka debatuar me Eglin dhe i ka shprehur se:

Sot do ndajmë krevatet. Mos më hidh shikime natën, jam duke folur seriozisht.

Dhe ne fakt, ashtu ka ndodhur, pas debateve, Gjesti iku nga shtrati i Eglit edhe pse ajo e paralajmeroi se te nesermen nuk do qendronin me bashke.

Gjesti-Egli: Nuk je nëna ime ti!

Egli:

Nuk ke faj ti që të lash unë ty të flije me mua, o palaço. Nuk ke faj ti jo, që të pranova të fusje kokën, se ktheve gjithë krevatin mbrapsht me pa këmbët e mia.

Gjesti:

Lëri moj këto stila ti.

Greqia ka publikuar zyrtarisht Planin Hapësinor Detar, duke përcaktuar pretendimet për kufijtë e saj detarë. Athina zyrtare ka publikuar një hartë të detajuar të pretendimeve të saj në hapësirat detare, në kufi me Italinë, Turqinë, Egjiptin por edhe me vendin tonë.

Sa i përket ndarjes së kufijve detarë me Shqipërinë, mediat greke raportojnë se me ndarjen e re pretendimet e Greqisë shkojnë duke u zgjeruar me 12 milje edhe në detin Jon, duke përfshirë nën territorin grek disa territore shqiptare.

Ende nuk ka asnjë reagim nga vendi ynë, teksa marrëdhëniet Shqipëri- Greqi mbeten të tensionuara për çështjen e detit, ligjin e luftës, apo edhe përplasjen e krijuar me arrestimin e Fredi Belerit.

Sipas qeverisë greke, në hartë përfshihen kufijtë e jashtëm të shtetit kontinental grek deri në përfundimin e marrëveshjeve me shtetet fqinje, brigjet e të cilëve janë ngjitur ose përballë brigjeve greke.

Harta përfshin gjithashtu kufijtë e detit territorial, legjislacionin kombëtar ekzistues, protokollin greko-turk të vitit 1926, marrëveshjen dhe protokollin italo-turk të vitit 1932, me rezervimin e përgjithshëm të zgjerimit të gjerësisë në 12 milje detare, në përputhje me Konventën për të Drejtën e Detit, e cila pasqyron të drejtën zakonore ndërkombëtare.

Përmes këtij plani, Greqia afirmon të drejtën e saj për ndikim të plotë jo vetëm mbi brigjet kontinentale, por edhe mbi ishujt, duke shtrirë kufijtë e ZEE-së së saj deri në zonën perëndimore të asaj qipriote.

Dokumenti zyrtar përfshin gjithashtu edhe ujërat territoriale ekzistuese, 12 milje në detin Jon dhe 6 milje në pjesën tjetër të hapësirës detare, me të drejtën për zgjerim deri në 12 milje, siç lejohet nga Konventa e OKB-së për të Drejtën e Detit.

Ky veprim i Greqisë vjen në një kohë kur tensionet në Mesdheun Lindor janë të larta, duke rritur më tej ndërlikimet gjeopolitike në rajon dhe duke vënë në pah rëndësinë e diplomacisë ndërkombëtare në çështjet e sovranitetit detar.

Tiranë- Personi që shihni në foto është 51-vjeçari Ilir (Adriano) Shabanaj, i cili qëlloi një herë në ajër me armë zjarri dhe më pas goditi me qytën e pistoletës 40-vjeçarin Kasem Stani (Pasha) gjatë konfliktit të ndodhur mbrëmjen e djeshme në një restorant në rrugën “Sami Frashëri” pranë zonës së njohur si “Diga e Liqenit”.

Ilir Shabanaj është shpallur në kërkim ndërsa janë vënë në pranga 7 personat e tjerë të përfshirë në konfliktin e dhunshëm të identifikuar si shtetasit Emiljan Ruko, Bjorni Tahiraj, Eriald Tahiraj, Denikiajder Tahiraj, Eduart Sulaj, Kastriot Stani dhe Elton Ajredinaj. Policia ka arrestuar edhe 40-vjeçarin Stani i cili mbeti i lënduar lehtë në këtë ngjarje.

Ilir Shabanaj, i cili më parë ka qenë dhe kryetar i komunës së Kurjanit në Fier, rezulton të jetë arrestuar më parë në Itali i përfshirë në aktivitetin e paligjshëm të trafikimit të armëve dhe drogës.

Ngjarja ka ndodhur mbrëmjen e djeshme teksa një takim mes 8 personash degradoi në konflikt të dhunshëm duke lënë pas një të plagosur. Ka qenë Ilir Shabanaj cili qëlloi me tytën e pistoletës 40-vjeçarin i cili mbeti i plagosur lehtë. Gjithashtu rezultoi se 51-vjeçari qëlloi një herë, me këtë armë zjarri, në vendngjarje, por nga e shtëna nuk u dëmtua asnjë shtetas.

Burime për mediat bënë me dije më herët se Kasem Stani u çua nga tavolina duke i përshëndetur të gjithë, përveç Shabanajt i cili rezultoi që t’i jepte dorën. Kjo sipas raportimeve të dëshmitarëve është bërë dhe burim i sherrit, pasi thuhet se 40-vjeçari u ndje i ofenduar nga refuzimi i tjetrit.

Situata më pas degradoi në dhunë fizike mes tyre si dhe në përfshirjen e personave të tjerë duke hedhur në drejtim të njëri-tjetrit sende të forta si karrige, ndërsa njëri prej të pranishmëve ka qëlluar dhe me armë zjarri.

Menjëherë pas ngjarjes personat e përfshirë në këtë konflikt u larguan me shpejtësi, ndërkohë që 40-vjeçari u drejtua në një spital privat në kryeqytet ku dhe mori ndihmën e parë mjekësore. “Arratisja” e personave të lartpërmendur nuk zgjati për shumë gjatë, pasi vetëm disa orë më vonë u identifikuan dhe arrestuan nga blutë e shtetit. Ndërkohë, që puna po vijon për lokalizimin dhe arrestimin e Shabanajt.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Finalistët Gjesti dhe Egli Tako duket se këto ditët e fundit nuk po i kalojnë edhe aq mirë. Ata janë përfshirë në debate me njëri-tjetrin dhe gjithçka nisi për shkak të një komenti që bëri këngëtari për banoren.

E në një moment konkurrentja i tha se duhet ta puth atë që nga mëngjesi deri në darkë. Kjo gjë nuk i pëlqeu artistit nga Peja dhe tha se kjo do të ndodhte nëse do të ishte nëna e tij.

“Më puth nga mëngjesi deri në darkë, nga këtu deri këtu. Nga maja e gishtit deri në majë të kokës me më puth nga mëngjesi deri në darkë”, u shpreh ajo.

Gjesti në anën tjetër iu drejtua: “Po se më je nëna ime ti”.

“Dhe me thënë faleminderit Zotit 100 herë që të kam. Ky duhet të jesh ti. Kur ta kuptosh, reflektosh vjen kërkon falje dhe nuk e përsërit më”, iu drejtua ndër të tjerash.