Month: May 2025

Ndahet nga jeta në moshën 58 vjeçare Artan Lame. 

Lame ka ndërruar jetë papritur në Gjermani, pas një ndëhyrje të vështirë në zemër.

Ai humbi jetën pas daljes nga gjendja e komës.

Lame ka qenë drejtues i lart i shtetit shqiptar si zëvendësministër apo drejtor i Agjensisë së Kadastrës dhe Legalizimeve.

Pasioni i tij i rrallë ishte historia dhe renditet një ndër koleksionistët më të mirë të vendit.

Ndarja nga jeta në moshë të re është një humbje e madhe për familjen dhe shoqërinë shqiptare.

Biografia

Artan Lame ka lindur në Tiranë më 1967, me origjinë nga fshati Qytezë i Kolonjës.

Ai ishte publicist, opinionist dhe koleksionist shqiptar. Studiues i historisë shqiptare, veprimtar i shoqërise civile për mbrojtjen e trashëgimise kulturore shqiptare. Gjithashtu, veprimtar politik i Partisë Socialiste dhe funksionar shtetëror.

Funksione shtetërore
1999-2000: Drejtor i Trashëgimisë Kulturore në Ministrinë e Kulturës.
2000-2002: Nënkryetar i Bashkisë së Tiranës.
2002-2005: Zëvendësministër i Territorit dhe Turizmit.
2013-2019: Drejtor i Përgjithshëm i ALUIZNI-t (Agjensia e Legalizimit, Urbanizimit dhe Integrimit të Zonave Informale).

2019-2023: Drejtor i Përgjithshëm i ASHK (Agjensia Shtetërore e Kadastrës).

Bashkimi Europian dhe Shqipëria do të mbajnë sot Konferencën e pestë Ndërqeveritare, ku do të hapet grupkapitulli i tretë i negociatave për anëtarësim, i cili fokusohet në “Konkurrueshmërinë dhe Rritjen Gjithëpërfshirëse”.

Ky grupkapitull përfshin tetë fusha kyçe për zhvillimin ekonomik dhe social, si transformimi digjital dhe media, politika ekonomike dhe monetare, shkenca dhe kërkimi, arsimi dhe kultura. Hapja e këtij kapitulli vlerësohet si një hap i rëndësishëm drejt përafrimit të Shqipërisë me standardet e BE-së.

Delegacioni shqiptar do të kryesohet nga ministri për Evropën dhe Punët e Jashtme, Igli Hasani.

Pjesë e delegacionit është edhe Ministri i Shtetit për Administratën Publike dhe Antikorrupsionin Adea Pirdeni, njëherazi zv.kryenegociatore.

Ky grupim përfaqëson rritjen gjithpërfshirëse për mirëqënie dhe përfshin tetë fusha ose kapituj:

Negociatat për kapitujt e Grupimit 3

Kapitulli 10 (Transformimi Digjital dhe Media)

Kapitulli 16 (Tatimet)

Kapitulli 17 (Politika Ekonomike dhe Monetare)

Kapitulli 19 (Politika Sociale dhe Punësimi)

Kapitulli 20 (Ndërmarrjet dhe Politika Industriale)

Kapitulli 25 (Shkenca dhe Kërkimi)

Kapitulli 26 (Arsimi dhe Kultura)

Kapitulli 29 (Bashkimi Doganor)

Në vetëm tetë muaj, Shqipëria ka hapur negociatat për 27 fusha të. Konferenca e katërt Ndërqeveritare u mbajt më 14 prill në Luksemburg, ku u hap grupkapitulli për tregun e brendshëm.

Qeveria shqiptare synon të hapë të gjithë grupkapitujt brenda vitit 2025 dhe të përmbyllë negociatat deri në vitin 2027, me synimin që Shqipëria të bëhet anëtare me të drejta të plota e BE-së në vitin 2030.

Një ngjarje tragjike ka ndodhur mbrëmjen e djeshme, rreth orës 23:15, në Spitalin Rajonal në veri të Mitrovicës, ku një pacient ka humbur jetën pasi dyshohet se është hedhur nga kati i tretë i ndërtesës.

Lajmi është konfirmuar nga zëvendësdrejtori i policisë për rajonin e veriut, Veton Elshani, i cili tha se rasti po trajtohet si vdekje e dyshimtë.

“Dyshohet se pacienti është hedhur nga kati i tretë i spitalit. Hetimet janë në vazhdim,” deklaroi Elshani.

Sipas tij, vdekja është konstatuar nga mjeku në vendin e ngjarjes, ndërsa trupi i pajetë është dërguar në Institutin e Mjekësisë Ligjore për obduksion, me qëllim zbardhjen e plotë të rrethanave të ngjarjes.

Dashi

Nuk duhet të humbisni mundësitë. Pozicioni i Venusit mund të favorizojë kthimin e një personi të largët ose të sjellë mundësi të reja për t’u shfrytëzuar menjëherë. Në këtë kontekst pozitiv, është gjithashtu e rëndësishme të merret në konsideratë ndikimi i Saturnit i cili do të hyjë në shenjë të dielën. Sa i përket punës, projektet e nisura këtë javë po ecin pozitivisht, është e nevojshme të përshpejtohet koha sepse do të jetë thelbësore të merret një vendim deri më 9 qershor.

DEMI

Sipas horoskopit të Paolo Fox, tranziti i Venusit që do të mbërrijë në shenjën tuaj nga 6 qershori sjell me vete emocione të forta. Është mirë të shmangni çdo formë të mungesës së përmbajtjes dhe, mbi të gjitha, ta konsideroni këtë periudhë të favorshme për takime dhe vendime të rëndësishme. Sa i përket punës, gjithçka po shkon mirë. Ke kohë që po përpiqesh të revolucionarizosh jetën tënde të punës dhe, ndoshta, ke filluar detyra të reja ose situata të ndryshme.

BINJAKËT

Një periudhë stimuluese, do të ketë forcë të mirë, një dëshirë të madhe për të dashur dhe për t’u rikthyer në rrugën e duhur. Këtë javë dëshira rritet dhe Venusi mbështet marrëdhëniet që kanë përjetuar një krizë të vogël në ditët e mëparshme. Kapitulli i punës: ka lajme, më të mirat do të jenë javën tjetër.

GAFORRJA

Aspektet planetare të kësaj jave ju lejojnë të rizbuloni një shtysë të caktuar pasionante. Do të jetë e rëndësishme të menaxhoni emocionet negative për ta çuar përpara ndjenjën me energji dhe vendosmëri. Sa i përket punës, ka shumë për të bërë këtë javë, ditë plot optimizëm dhe besim! Jupiteri është mbi ne, që do të thotë se provimet dhe testet do të jenë në favorin tuaj në javët në vijim.

LUANI

Sipas horoskopit të Paolo Fox, është një kohë e mirë për të takuar njerëz të rinj, për të pasur përvoja të këndshme pa angazhime dhe për të kuptuar më mirë dëshirat dhe pritjet tuaja në sferën sentimentale. Për sa i përket punës, yjet janë rregulluar në një mënyrë të favorshme, një parathënie e një periudhe të vlefshme.

VIRGJËRESHA

Dëshira për t’u rikthyer në lojë kthehet, mos hiqni dorë nga shija e aventurës dhe dashurisë, java është e favorshme sepse ofron mundësinë për të jetuar përvoja intensive edhe për një marrëdhënie me kohë të pjesshme. Kur bëhet fjalë për punën, është e rëndësishme të mbani mend se mund të ndodhin ndryshime të rëndësishme nga tani deri në fund të verës.

PESHORJA

Venusi është ende në një fazë paqëndrueshmërie, në marrëdhëniet në krizë tensionet janë të forta. Sa i përket punës, nuk do të mungojnë lajmet, Jupiteri është i favorshëm, për momentin ka mbrojtje të mira. Nuk ka nevojë të shqetësohesh shumë për armiqësinë e të tjerëve.

AKREPI

Sipas horoskopit të Paolo Fox, kjo nuk është një kohë ideale për të filluar marrëdhënie romantike, veçanërisht nëse ato janë kërkuese. Edhe në sferën profesionale, perceptohet një klimë tensioni e cila, megjithatë, paraprin një moment force të madhe…

SHIGJETARI

Gjatë orëve të ardhshme do të jetë e përshtatshme të kufizoni konfliktet dhe pakënaqësitë. Historitë e lindura në muajt e fundit do të duhet të ecin përpara me një vendosmëri më të madhe. Sa i përket punës, po i afrohemi ngadalë periudhës së rikuperimit, nga qershori Jupiteri nuk do të jetë më kundër.

BRICJAPI

Venusi është ende në kundërshtim, por nga 6 qershori do të kthehet në favor. Dashuria është e pranishme, megjithatë çështje të shumta praktike ju bëjnë të rishqyrtoni qëndrimet tuaja javë pas jave. Sa i përket punës, pjesa e dytë e vitit 2025 do të sjellë mbyllje të rëndësishme, veçanërisht për njerëzit që nuk kanë më vlerë ose projektet që janë shumë statike.

UJORI

Sipas horoskopit të Paolo Fox, dashuritë më të rëndësishme mund të menaxhohen me më shumë rigorozitet. Sa i përket punës, nuk ka elementë shqetësues aq seriozë sa të sugjerojnë probleme të pazgjidhshme.

PESHQIT

Kjo është një periudhë tensioni, dashurie dhe ndoshta rishikimesh për ju, por vetëm për çiftet që janë në një lidhje afatgjatë. Shumë varet nga situatat personale. Punë? Situata të favorshme po vijnë, diskutime në lidhje me rinovimin e kontratës. Në rast intervistash dhe testesh, mund të arrihen rezultate të shkëlqyera përfundimtare.

Ai, njihej si “ujku i vetmuar”. Vepronte i vetëm. Kishte rrezikshmëri mjaft të lartë. Julian Sinanaj, është një prej pentitove më të njohur shqiptarë. Ai është një nga vrasësit më të ftohtë dhe inteligjentë që ka njohur Shqipëria. Një njeri që nuk kërkoi ndjesë, por një roman. Në zyrën e prokurorisë, pas orësh të tëra marrjesh në pyetje, Julian Sinanaj bëri një kërkesë që ngjalli kuriozitet. Një libër. Prokurori, i mësuar me të pandehur që kërkonin ndihma për mbrojtje, një cigare, lehtësira në burg, apo kushte të mira në dhomë, e pyeti për zhanrin:

“Do ndonjë libër për mafien? Apo ndonjë krim të famshëm?”

Përgjigja e Sinanajt ishte e ftohtë dhe e prerë…

“Jo. Ato i kam jetuar, i kam bërë vetë. Në atë zhanër jam vetë autor i librit. Dua një roman.”

Një fjali që do të mbetej gjatë në kujtesën e hetuesve dhe do të përshkruante më saktë se çdo ekspertizë portretin e këtij personazhi të errët: një vrasës i përkryer. Fliste për ekzekutimin si të ishte një proces teknik, jo emocional.

“Në vitin 2014 policia dhe prokuroria për krime të rënda, arritën të gjejnë një person, për të cilin unë e kam thëne edhe herë të tjera ka qenë i penduari më frytdhënës, që kanë patur organet e zbatimit të ligjit në Republikën e Shqipërisë”, u shpreh Eugen Beci, ish-prokuror.

“Ka pasur disa praktika që bashkëpunëtori drejtësisë ose më saktë organi i prokurorisë është tërhequr nga bashkëpunimi me bashkëpunëtorin e drejtësisë përgjatë gjykimit”, u shpreh Artan Simoni, avokati i Nuredin Dumanit.

Julian Sinanaj nuk është një emër i zakonshëm në dosjet penale. Ai është modeli i rrallë i një ekzekutori profesionist. Nuk i përkiste një bande të zakonshme, por ishte vetë organizatë. I pavarur, i sofistikuar, i stërvitur, i saktë deri në milimetër. Ai nuk ishte një atentator me pasion. Ishte një makinë llogaritëse, e ndërtuar për të vrarë pa zhurmë.

Kur u arrestua në vitin 2014, u shfaq si njeriu i vetëm që kishte organizuar një rrjet vrasjesh me pagesë, duke përdorur bashkëpunëtorë të përkohshëm dhe skema kamuflazhi të përsosura. Kishte vrarë në Tiranë, e Vlorë. Dyshimet ishin se kishte kryer krime edhe në Athinë për llogari të grupeve kriminale ruse.

Asokohe ish-Prokuroria për Krime të Rënda, për këtë personazh kërkoi dhe dërgoi informacion në ambasadën e Shteteve të Bashkuara të Amerikës. Dyshohej se mund të ishte edhe agjent i rekrutuar i Rusisë. Hetuesit zbuluan se Sinanaj ishte stërvitur nga një ekspert i huaj për t’u bërë vrasës me pagesë. Kur merrte porosinë nuk shihte vetëm fytyrën e viktimës, çdo detaj e lëvizje. Madje, mundohej të njihte psikologjinë e viktimës. Asgjë nuk ia linte rastësisë….

“Ishte një person shumë i zgjuar shumë i përgatitur si nga ana ushtarake”, edhe nga pikëpamja e mënyrës se si ai me dinakërinë apo zgjuarsinë e tij i shmangej organeve të zbatimit të ligjit, në Shqipëri në Greqi, apo shtete të tjera ku kishte jetuar”, u shpreh Eugen Beci, ish-prokuror.

https://www.facebook.com/plugins/video.php?height=314&href=https%3A%2F%2Fwww.facebook.com%2Finsidestory.tch%2Fvideos%2F2318171821964241%2F&show_text=false&width=560&t=0

Pse u tërhoq nga bashkëpunimi me drejtësinë vrasësi i rrezikshëm 

Në deklaratat e para, Julian Sinanaj shfaqi një tipar që e dallonte nga çdo i penduar tjetër: nuk akuzoi të tretë për të fituar favore. Foli për veten. Për krimet që kishte kryer. Me qetësi klinike, tregoi se si kishte organizuar vrasjen e biznesmenit në Tiranë. Si kishte koordinuar bashkëpunëtorët. Ai nuk ishte një i penduar klasik. Ishte një njeri që, siç tha vetë, “ishte lodhur”. Jo nga ndërgjegjja, por nga lodhja logjistike: duke fshehur gjurmët, duke ruajtur veten, duke mos i besuar askujt. Ishte lodhur nga perfeksioni.

Fillimisht, ai zgjodhi të fliste, duke treguar gjithçka: emra, skema, vendndodhje, mekanizma vrasjeje, detaje që vetëm autori i krimit mund t’i dinte. Zinxhiri i emrave nga biznesi dhe bota e krimit që përmendi, kishte ndikim nga Vlora deri në Tiranë. Rrëfimet e tij nxorën në pah balancën e rreme të paqes që këta personazhe ruanin.

“Mendoj që në rast se do trajtohej dhe menaxhohej shumë më mirë ky i penduar i drejtësisë, ne do kishin shumë rate të tjera të zbuluara, të cilat sot e kësaj dite janë të pa zbuluara”, u shpreh ish-prokurori, Eugen Beci.

“Përgjithësisht dëshmitarët me të cilët ne kemi patur një marrëveshje, kanë dhënë rezultate, kanë qenë korrekt, ashtu siç kemi patur edhe dëshmitarë të tjerë me të cilët është lidhur marrëveshja, dhe për shkak të shkeljes marrëveshjes është larguar nga programi i dëshmitarëve pasi nuk kanë qenë korrekt në zbatimin e ligjit, ashtu siç kërkohet në fakt në marrëveshje me bashkëpunëtorin e drejtësisë”, u shpreh Vladimir Mara, prokuror i SPAK

Me Sinanajn ndodhi ajo që nuk pritej. Ai kuptoi se jo gjithçka që thoshte po shkonte aty ku duhej. Jo çdo informacion po ndiqej. Disa pista po mbeteshin pezull, disa emra nuk po prekeshin fare. Marrëveshja me prokurorinë u thye. Ai u tërhoq. Julian Sinanaj nuk u tërhoq nga frika. U tërhoq nga diçka shumë më e thellë dhe më e rrezikshme: nga humbja e besimit.

“Këtë nuk e ka bërë me çdo lloj institucioni pasi sipas edhe deklarimeve, shumë institucione persona të cilët duhet të ishin në zbatim të ligjit, janë përfshirë në dhënie informacionesh në krime shumë të rënda dhe nuk ka pasur besimin e duhur me këto institucione”.

Ai kuptoi se institucionet mund të bëjnë pazare. Se të vërtetat më të rënda nuk fshihen nga frika e kriminelëve, por nga heshtja e atyre që mbajnë ligjin. Ai kuptoi se ndoshta e kishte tejkaluar vijën e padukshme të toleruar. Dhe në atë moment, u tërhoq. Nuk tha më asgjë, pasi nuk kishte më besim. Jo te një prokuror. As te një polic. Por te vetë drejtësia.

“Ka patur raste kur ata që kanë bashkëpunuar me drejtësinë janë bërë të penduar dhe gjatë hetimit kanë konstatuar, si të themi një njëanshmëri të prokurorisë ose mungesë vullneti për të hetuar apo çuar deri në fund fakteve që ai tregon. Këtu duke u krijuar dyshimi i penduari mund të tërhiqet”, u shpreh ish-prokurori, Eugen Beci.

Pas prishjes së marrëveshjesh, me argumentin se ka ndihmuar në zbardhjen e ngjarjeve, Julian Sinanaj nuk mori burg përjetë, por vetëm 30 vite. Ai u dënua për vrasjen e Sokol Veizajt dhe Agron Çelës, atentatet e dështuara me tritol ndaj Komisionerit për të Drejtën e Informimit Besnik Dervishaj si dhe ish-deputetit demokrat Ardian Kollozi. Po ashtu, ai foli edhe për planifikimin e vrasjeve për biznesmenin e gazit Piro Bare dhe dy ndërtues në Vlorë. Fatmirësisht, ato ngjarje nuk u realizuan. Para hetuesve, ai zbuloi të fshehta të nëntokës kriminale në Vlorë dhe mënyrën si figura me të kaluar të errët ishin shndërruar në biznesmenë të njohur.

https://www.facebook.com/plugins/video.php?height=314&href=https%3A%2F%2Fwww.facebook.com%2Finsidestory.tch%2Fvideos%2F1438640157481001%2F&show_text=false&width=560&t=0

Policia greke ka ushtruar kontrolle mbrëmjen e djeshme në qelitë e disa të dënuarve shqiptarë në burgun e Koridhalos.

Raportohet se kontrolli është ushtruar në qelitë e krahut të 5-të të burgut të Koridhalos, teksa janë gjetur dhe sekuestruar dy telefona celularë, dy thika të improvizuara dhe 0.4 gramë kokainë.

Një prej qelive të të dënuarve shqiptarë ku është ushtruar kontroll është edhe ajo e shtetasit Klod Cara alias Klodian Lekocaj, emri i të cilit është i përfshirë në aktivitete kriminale brenda dhe jashtë burgut dhe po mbahet në qelitë e krahut të 5-të.

Në lidhje me sendet e jashtëligjshme të gjetura në qeli, u është lëshuar urdhrër-arrest i ri dy personave për shkelje të Ligjeve për Armët dhe Drogat, ndërsa bë dosjen në fjalë përfshihen dhe dy persona të tjerë. Materialet hetimore janë dërguar në organin kompetent të prokurorisë.

Klod Cara alias Klodian Lekocaj, 48 vjeç, 10 ditë më parë u akuzua se mori peng disa gardianë të burgut Koridhalos me qëllim që të kalonte në një sektor tjetër, ndoshta për të kryer një vrasje me pagesë.

Cara ose Lekocaj, një personazh kontrovers është kthyer në qendër të vëmendjes vitet e fundit për shkak të etiketimit nga media greke si Kreu i së ashtuquajturës “Mafia e Burgjeve”. Se sa realisht ai është i tillë, kjo nuk dihet, pasi vetë ai në daljet publike në media e konsideron veten “të varfër”, “të pafajshëm”, “të përdorur” ndërkohë që faktet, dëshmitë dhe përgjimet që disponon policia greke të çojnë drejt mendimit se realisht Lekocaj ka pasur dhe ka ende një rol të rëndësishëm në botën e nëndheshme të grupeve kriminale shqiptare dhe greke.
Lekocaj shpesh nëpër përgjime e dëshmi ka dalë se ka lidhur fije të grupeve kriminale duke u bënë ose atyre ose vetes në dispozicion vrasës me pagesë. I tillë ishte dhe rasti i 14 shtatorit 2022 kur policia greke arrestoi rastësisht dy shqiptarët Viktor Çala, 39 vjeç, dhe Andi Beqiri, 23 vjeç. Ata u kapen në Athinë, pasi ne automjetin e tyre u gjetën të fshehura 2 Kallashnikovë dhe 1 thikë, ndërsa në banesë 1 pistoletë. Hetimi i policisë zbuloi se Çala ishte autor i vrasjes së një shtetasi grek dhe tentativës së vrasjes së një shqiptari, të dyja ngjarje të ndodhura në muajin korrik 2022. Për vrasjen e shtetasit grek ai deklaroi se ishte urdhëruar nga Klodian Lekocaj, për shkak të prishjes së pazareve te drogës.

Klodian Lekocaj ose Cara, i cili në kartelat greke njihet edhe si “Luli” apo “Ilia” i’u shtua atëherë edhe një akuzë tjetër pas akuzave te mëparshme për urdhërimin e vrasjeve te avokatit grek Mixalis Zafiropoulos, të të burgosurit Arbër Bako, të të burgosurit Bardhyl Tusha, përfshirje në tentativën e vrasjes së një pakistanezi, gjobvënie ndaj ish-Ministrit grek Dimitri Tsovola, ndihmë në arratisjen e të burgosurve Leonard dhe Elvis Pepa etj. Lekocaj ne fakt veç urdhrave, ka precedentë dhe si autor i drejtpërdrejtë. Fillimisht është arrestuar në 1997 për vjedhje. Ne 2003 ishte arratisur nga Burgu i Volos ndërsa në 2005 në Agio Pantaleimona plagosi me armë zjarri në bark një shqiptar e me pas në të njëjtin vend në 2006 bashkë me dy shqiptarë plagosi me thikë një bashkëkombës të tijin. Ne 2013 u arrestua për trafik droge dhe vjedhje dhe u dërgua në burgun e Korfuzit ku pasi mori leje u arratis në 2014 dhe pas disa ditësh bashkë me Arbër Bakon mori pjesë në tentativën e grabitjes me pasojë plagosjen e një egjiptiani ndërsa në 31 tetor 2014 bashkë me Arber Bako, Olti Dulce dhe një polak kryen një vrasje në zonën e Metaksurgios.

Përfundimisht Lekocaj ose Cara u arrestua ne nëntor 2014 në Sepolia, në shoqerinë e Dhimo Mecit, nje gjirokastrit i perfshirë ne disa vrasje me pagesë ne Greqi dhe që në momentin e kapjes ishte person ne kërkim. Arrestimi i tyre erdhi pas ngjarjes së Mikrolimanos ku Arbër Bako me një Kallashnikov plagosi disa klientë të një lokali në zonë.

Klodian Lekocaj është përmendur të ketë pasur lidhje edhe me shqiptarët Elvis Bogdani dhe Ari Papa të ekzekutuar më parë në Greqi.

Në 2019 Lekocaj u akuzua se rekrutoi një vrasës me pagesë nga Shqipëria për të ekzekutuar një pakistanez ndërsa në mars 2023 ndaj Lekocajt u ngrit akuzë për gjobvënie 100 mijë euro ndaj një biznesmeni grek.

Në prill 2025 Lekocaj u akuzua për porositjen e atentatit ndaj shqiptarëve Kristjanis Stefa dhe Florian Bajraktari, ndodhur në 23 shtator 2024.

Antimafia italiane, në bashkëpunim me SPAK goditi një bandë kriminale të trafikut ndërkombëtar të kokainës, teksa një prej bazave të tyre ishte në Durrës, ndërsa dy të tjera në Puglia të Italisë.

Në krye të grupit kriminal qëndronte Xhevdet Troplini, i njohur ndryshe si “Poja”, teksa dy bashkëpunëtorët e tij më të ngushtë konsiderohen nipi i tij, Elvis Doçi, i njohur si “Visi i Pojës”, si dhe Adi Çoba. Në kuadër të operacionit “Ura” në total u lëshuan 52 masa sigure, ku 40 prej tyre janë për shtetas shqiptarë dhe 12 të tjera për shtetas italianë.

Në dosjen hetimore të Antimafias italiane, Adi Çoba rezulton si një prej krerëve të grupit që koordinonte dhe drejtonte nga Shqipëria aktivitetet e anëtarëve të tjerë të organizatës kriminale, shqiptarët dhe italianët.

Nga bisedat e zbardhura nga aplikacioni i enkriptuar “Sky Ecc”, Adi Çoba rezulton që thërritej me nofkat “i shëndoshi” ose “bisha”, merrte dhe dërgonte në Itali korrierë që sillnin sasi të mëdha heroinë dhe kokaine, të furnizuara nga Shqipëria dhe Holanda përmes veprimtarisë së paligjshme të anëtarëve të tjerë të shoqatës.

“COBA Adi, si drejtues dhe promotor i shoqatës, gjeti dhe e dërgoi në Itali sasi të mëdha heroine dhe kokaine nga jashtë. I koordinonte dhe drejtonte aktivitetet nga Shqipëria”, thuhet në dosjen italiane.

Ndër pasuritë e sekuestruara, një prej tyre i përket Adi Çobës, ku bëhet fjalë për “FELIX VINUM” një restorant, bar-kafe në qytetin e Durrësit.

Thashethemet për një lidhje mes Gjesti dhe Eglit po marrin gjithnjë e më shumë hov, dhe së fundmi një detaj i vogël, por shumë domethënës, po bën xhiron në rrjet.

Në një foto të fundit, Gjesti është parë me një varëse në qafë, e cila ka të ngjitura disa rruaza.

Ajo që ka tërhequr vëmendjen është një prej rruazave ku duket qartë shkronja “E” – një detaj që fansat besojnë se është një dedikim i drejtpërdrejtë për Eglin.

Ky detaj duket se ka forcuar bindjen e ndjekësve se dyshja janë bashkë dhe pas BBV. Megjithatë, varësja “flet” më shumë se fjalët dhe është komentuar si një konfirmim i heshtur i romancës mes tyre.

A është kjo mënyra e Gjesti për të treguar ndjenjat e tij? Për momentin, mbetet të presim për një reagim nga vetë çift.

Ish-prokurori Ervin Karanxha dhe avokati Edmond Petraj kanë komentuar zhvillimet lidhur me operacionin ‘Ura’ të ndërrmarë nga SPAK mëngjesin e sotëm. Të dy të ftuarit kanë komentuar për një emision televiziv zhvillimin e aksionit dhe kanë treguar detaje lidhur me këtë operacion.

Sipas ish-prokurorit Karanxha, hetimi ka nisur që në vitin 2021 në Itali, ku janë kapur disa ngarkesa të dyshimta dhe janë përdorur të dhëna nga aplikacioni SKY ECC.

“Procedimi penal ka qenë gjithmonë dinamik dhe i mbajtur në ndjekje. Janë bërë kontrolle në Durrës ku është gjetur një sasi e madhe parash. Transporti bëhej përmes një autobusi të linjës Fier-Durrës, ku në çanta ishin thasë me para për një grup të strukturuar kriminal në Durrës.” – tha Karanxha.

Ai theksoi se ende nuk ka emra konkretë të dhënë nga SPAK dhe theksoi se pjesa më e madhe e personave kryesorë janë në kërkim.

“Bëhej fjalë për një autobus që ishte i linjës së Fierit, ku ishin çanta me thasë për një grup në Durrës. Emra konkretë nga ana e prokurorëve të SPAK-ut nuk ka. Shqiptarët nga vendet e Amerikës Latine çojnë drogë në Perëndim. Prokurori i Anti-Mafias italiane tha një fjalë aty, që ne kemi ndjekur paratë. Duke ndjekur paratë ata kanë bërë dhe zbulimin. Është një arritje pak a shumë. Ka prova materiale të sekuestruara, ku dhe këtu në Shqipëri janë bërë disa sekuestrime. Personat kryesorë janë në kërkim.”- tha Karanxha

Avokati Edmond Petraj tha se pjesa e bashkëpunimit dhe e të dhënave nga të penduar si Nuredin Dumani e ka bërë ‘lëmsh’ situatën.

“Ai i ka bërë lëmsh të gjitha. Më duket pak jo e fortë ajo pjesë. Kur flasim për një grup kaq të madh, sipas italianëve, dhe të kapësh një shumë kaq të ulët parash, nuk është diçka që përputhet me një rrjet ndërkombëtar të nivelit të lartë. Nëse ka një grup të madh, duhet të dalin shifra marramendëse. Aksionet e mëdha shpesh janë paraqitur si të mëdha, por në fund kanë dalë ndryshe. ” -tha Petraj.

Të dy të ftuarit u bashkuan në pikën se verdikti përfundimtar do të vijë vetëm kur të publikohet vendimi i gjykatës.

“Aty do të shihet gjithçka nga rrjeti i komunikimeve deri te mënyra se si janë ekzekutuar transaksionet kriminale,” – përfundoi Petraj.

Plot 26 urdhër arreste u lëshuan për shtetas shqiptarë, 52 në total, në kuadër të një mega-operacioni të SPAK-ut dhe autoriteteve italiane për goditjen e një organizate të trafikimit në sasi të mëdha të kokainës dhe heroinës.

Një prej personave për të cilin autoritetet italiane kanë lëshuar masën “arrest në burg”, si pjesë e këtij grupi është shtetasi Redi Tusha

Ai rezulton të jetë vëllai i Ervis Tushës, nga Shijaku. Tusha është njëri prej truprojeve të Sali Berishës, i cili shihet shpesh në daljet e tij publike, sidomos gjatë protestave.

Rol kryesor në këtë grup të trafikimit të sasive të mëdha të drogës, por edhe të pastrimit të parave mes kompanive dhe firmave, tashmë nën sekuestro, dyshohet se është biznesmeni Xhevdet Troplini dhe nipi i tij, Elvis Doçi, i njohur ndryshe edhe si Visi i Pojës.